Yangiliklar

Ramazon oyida arzonlashtirilgan oziq-ovqat yarmarkalari faoliyat yuritadi. Bu haqda Shavkat Mirziyoyev raisligidagi yig‘ilishda ma’lum qilindi.

Endi Tarmoq bozorlari va mehnat unumdorligi markazining har bir hududiy boshqarmada 2 nafardan vakili bo‘ladi. Ular har haftada tuman va shaharlardagi bozorlarni tahlil qilib, qaysi mahsulotga qancha ehtiyoj borligini va kelgusi bir oy, uch oy hamda bir yil ichida talab qanday o‘zgarishini prognoz qiladi.

Shuningdek, mavjud ishlab chiqarish quvvatlari va omborlardagi zaxiralar talabni qanchalik qoplay olishi o‘rganiladi. Yetishmaydigan qismi qaysi manbalar hisobidan ta’minlanishi bo‘yicha har chorakda asosiy oziq-ovqat mahsulotlari balansi tuziladi.

«Keyingi haftadan muborak Ramazon oyi boshlanadi. Saxovat, mehr-oqibat va shukronalik ramzi...

O‘zbekiston 2026-yilda ishlab chiqarishni kamida 15 foizga oshirishni rejalashtirmoqda. Bu haqda Shavkat Mirziyoyev raisligidagi yig‘ilishda ma’lum qilindi.

Prezident ichki bozordagi talab bilan yuqori iqtisodiy o‘sishni ta’minlab bo‘lmasligini ta’kidladi. Shu bois, bu yil vazirlar, tarmoq rahbarlari va hokimlarning asosiy vazifasi yangi mahsulotlar bilan yangi bozorlarga chiqish bo‘lishi belgilandi.

O‘tgan yili eksport 22 foizga o‘sib, $24 mlrdga yetdi. Biroq ayrim rahbarlar eksportda eski ish uslubidan voz kecha olmayotgani qayd etildi. Masalan, to‘qimachilik mahsulotlari 76 ta davlatga yetkazilayotgan bo‘lsa-da, eksportning 80 foizi atigi 6 ta davlat hissasiga to‘g‘ri kelmoqda.

Tarmoq rahbarlariga bu yil keskin o‘zgarish qilib, ishlab chiqarishni kamida 15 foizga oshirish, Yevropa, AQSh va...

Sanoat kooperatsiyasi va davlat xaridlari agentligi korxonalarning ishlab chiqarish quvvati, texnik ko‘rsatkichlari va sertifikatlarini jamlovchi yangi platformani ishga tushiradi. Bu haqda prezident matbuot xizmati xabar berdi.

Yangi platformaga tarmoq rahbarlari va hududiy sanoat shtablari tomonidan har bir korxonaning mahsuloti nomma-nom, texnik xususiyatlari bilan birga kiritiladi. Davlat kompaniyalari import qilayotgan tovarlar hajmi va ularning texnik parametrlari to‘g‘risidagi ma’lumotlar har oyda ushbu portalda e’lon qilib boriladi. Bu mahalliy mahsulot mavjud bo‘lgan taqdirda, asossiz import xaridlarining oldini olishga xizmat qiladi.

Sanoatni rivojlantirish maqsadida mahalliy va xorijiy konsultantlar jalb qilinib, import xomashyo va butlovchi qismlarni mamlakat ichida ishlab chiqarish imkoniyatlari o‘rganiladi. Shuningdek, xalqaro...

Xitoyda Audi E7X avtomobilining ommaviy ishlab chiqariladigan versiyasi rasman namoyish etildi. Bu haqda CarNewsChina nashri xabar bermoqda. Model sovuq iqlim sharoitidagi sinovlar vaqtida ko‘rsatilgan.

Audi E7X – Audi va SAIC Motor hamkorligidagi qo‘shma brend mahsuloti. Mazkur brend faqat Xitoy bozori uchun avtomobillar ishlab chiqaradi. U an’anaviy to‘rt halqali Audi logotipidan voz kechgan va oddiy yozuv shaklidagi «Audi» belgisi bilan taqdim etiladi. O‘tgan yili brend ilk modeli – Audi E5 Sportbackni chiqargan edi. Biroq model 2025-yilda atigi 6,6 ming dona sotilib, kutilgan natijani bermagan.

Texnik xususiyatlari

Audi E7X o‘lchamlari 5049/1997/1710 mm ni tashkil etadi. G‘ildirak bazasi 3060 mm. Model...

Avtomobil egalari ko‘pincha mashina buzilgandan keyingina servisga boradi. Aslida esa ko‘plab nosozliklarning oldini vaqtida ehtiyot qismlarni almashtirish orqali olish mumkin. Har bir detalning o‘z xizmat muddati bor. Ularni kechiktirib almashtirish esa qimmat ta’mirga olib keladi. Kursiv Uzbekistan nashrining ushbu maqolasida avtomobilda ehtiyot qismlarni qachon almashtirish bo‘yicha so‘z boradi.

Maqolada quyidagilar haqida so‘z boradi:

Dvigatel moyi va filtrlari

Dvigatel moyi ishlash jarayonida qiziydi va ifloslanadi. Vaqt o‘tishi bilan u yog‘lash xossasini...

So‘nggi kunlarda AQSh valyutasi turlicha dinamiklarni ko‘rsatmoqda. Kursiv Uzbekistan nashrining ushbu maqolasida dollar kursining hafta davomidagi o‘zgarishi haqida so‘z boradi.

9-fevral kuni dollar 23,68 so‘mga qimmatlab, 12 303,16 so‘mga yetgan. 10-fevral kuni ham kurs ko‘tarilib, yana 17,18 so‘m qo‘shilgan va 12 320,34 so‘mni tashkil qilgan.

11-fevraldan boshlab pasayish boshlandi. O‘sha kuni dollar 10,35 so‘mga tushib, 12 309,99 so‘m bo‘lgan. 12-fevral kuni pasayish davom etib, 22,68 so‘mga arzonlagan va 12 287,31 so‘m darajasiga tushgan.

13-fevral kuni yana 11,73 so‘mlik pasayish qayd etilib, kurs 12 275,58 so‘mni tashkil qilgan. Rasmiy kurs 16-fevral kuni 54,6 so‘mga tushib, 12 220,98 so‘mga yetadi.

Dollar...

Rossiyada GAZ-24 bazasida yaratilgan noyob «Volga KGB» restomod avtomobili sotuvga chiqarildi. Loyiha 1969-yilgi «Volga» asosida tayyorlangan.

Avtomobil DSC OFF va GoshaTurboTech jamoalari tomonidan qayta ishlangan. Kuzov mustahkamlangan va to‘liq yangilangan. Kapoti ostiga Toyota 2JZ-GTE dvigateli o‘rnatilgan. U maxsus qismlar va Garrett turbina bilan jihozlangan. Quvvati boshqaruv moduliga qarab 450 dan 700 ot kuchigacha yetadi.

Mashina Toyota R154 mexanik uzatmasi va blokirovkali differensial bilan ta’minlangan. Osma qismi Toyota Mark II agregatlari asosida qurilgan. Tormoz tizimi HP-Brakes tomonidan maxsus tayyorlangan. Avtomobilning maksimal tezligi 250 km/soatdan yuqori.

Salon sport o‘rindiqlar, xavfsizlik karkasi, yong‘inga qarshi tizim va karbon bezaklar bilan jihozlangan.

Mazkur restomodning...

Shavkat Mirziyoyev raisligidagi yig‘ilishda tarmoq rahbarlari mahalliy xomashyodan tayyor mahsulot yaratish haqida doim bosh qotirishi kerakligi qayd etildi. Bunda xomashyoni chuqur qayta ishlash iqtisodiyot uchun qo‘shimcha qiymat yaratadi.

Masalan, oltinni qayta ishlash uchun yaratilgan sharoitlar natijasida zargarlik sanoatida o‘tgan yili 3,3 barobar o‘sish qayd etildi. Natijada 13 trillion so‘mlik mahsulot ishlab chiqarildi. Joriy yilda esa mazkur ko‘rsatkichni yana 1,3 barobar oshirish reja qilingan.

Elektrotexnika sohasida yiliga 160 ming tonna misni chuqur qayta ishlash quvvati mavjud. Biroq o‘tgan yili korxonalarga atigi 92 ming tonna mis yetkazib berilgan. Shu bois qazib olish hajmini va rudadan olinadigan mis ulushini ko‘paytirish zarurligi...

13 – 15-fevral kunlari O‘zbekistonda havo harorati sezilarli darajada ko‘tarilishi va yakshanba kuni 22 darajagacha iliq bo‘lishi prognoz qilinmoqda. Bu haqda «O‘zgidromet» xizmati xabar bermoqda.

14-fevral, shanba kuni yog‘ingarchilik sharqqa siljiydi va kechasi hamda ertalab markaziy hamda sharqiy viloyatlarda yomg‘ir saqlanib qoladi. Dam olish kunlarining qolgan qismida respublika bo‘ylab quruq ob-havo o‘rnatilishi kutilmoqda.

Havo harorati bosqichma-bosqich ko‘tarilib yakshanba kuni 17–22 darajagacha yetadi. Kechasi harorat 5–10 daraja iliq atrofida bo‘ladi. Shamol tezligi 7–12 m/s oralig‘ida esadi va ayrim hududlarga tuman tushishi mumkin.

Shanba kunidan boshlab poytaxtda yog‘ingarchilik to‘xtaydi va yakshanba kuni havo 20 darajagacha isiydi. Mutaxassislar tog‘oldi va tog‘li hududlarda...

2026-yilda $50 mlrd xorijiy investitsiya jalb etish rejalashtirilgan. Bu haqda Shavkat Mirziyoyev ishtirokida o‘tayotgan yig‘ilishda ma’lum qilindi. Xomashyo va energiya resurslaridan samarali foydalanish, yuqori daromadli ish o‘rinlari yaratish hamda mehnat unumdorligini oshirish asosiy vazifa etib belgilandi.

Ayrim rahbarlar investitsiya hisobidan eksportni ko‘paytirish o‘rniga ichki bozor to‘lgan mahsulotlarni taklif qilayotgani qayd etildi. Masalan, Uchqo‘rg‘on tumanida $40 mlnlik ikkita ip-kalava zavodi qurish taklif etilgan. Holbuki, Namanganda yiliga 110 ming tonna ip-kalava ishlab chiqaradigan 24 ta korxona bor. Bu viloyatda yetishtiriladigan paxta tolasidan 1,5 barobar ko‘p hajmni tashkil qiladi.

Ohangaron tumanida 35 ming tonna bazalt plitalari ishlab chiqarish rejalashtirilgan. Biroq respublika bo‘yicha...

Prezident Shavkat Mirziyoyev tarmoq va hududlarda yuqori iqtisodiy o‘sish sur’atlarini ta’minlash bo‘yicha asosiy vazifalar muhokamasiga bag‘ishlangan yig‘ilishda «O‘zcharmsanoat» uyushmasi raisi Akbar Sultonovni lavozimidan ozod etishga ko‘rsatma berdi.

Davlat rahbari uyushma rahbariyati sohaga yangilik olib kirmagani, pastga tushib ishlamaganini tanqid qildi. Prezident matbuot kotibining yozishicha, O‘zbekistonda poyabzal ishlab chiqaradigan 972 ta korxonadan 378 tasi faoliyatini to‘xtatgan bo‘lsa, yana 120 tasi quvvatini yarmidan ham foydalanmayapti. Qolip, bog‘ich, furnitura bo‘yicha haligacha importga bog‘liqlik bor.

Oqibatda 2025-yilda eksport bo‘yicha va’da qilgan $250 millionning 40 foizi ham ta’minlangani yo‘q. Uyushmaning bu yilgi ishlab chiqarish va eksport rejasi ham qoniqarsiz ekani ko‘rsatib o‘tildi. Shu...

Bosh prokuraturaga past quvvatda ishlayotgan loyihalarni o‘rganish topshirildi. Bu haqda Shavkat Mirziyoyev raisligidagi yig‘ilishda ma’lum qilindi.

Yig‘ilishda tadbirkorlikni rivojlantirish uchun kreditlar hajmi oshayotgani, biroq ayrim hududlarda bu mablag‘larning iqtisodiy o‘sishga, yangi ish o‘rinlariga va budjet tushumlariga ta’siri yetarli darajada bo‘lmayotgani qayd etildi. Masalan, Tuproqqal’a, Kitob, Yakkabog‘ va Paxtachi tumanlarida ajratilgan kreditlar kamida 20 foizga oshgan. Shunga qaramay, sanoat o‘sishi 3 foizga ham yetmagan.

Qayd etilishicha, agar viloyat hokimlarining birinchi o‘rinbosarlari korxonalar muammolarini vaqtida eshitib, tezkor yechim topganida, respublika sanoati qo‘shimcha 1 foizga, yalpi ichki mahsulot esa 0,1 foizga o‘sishi mumkin edi. Natijada budjetga qo‘shimcha 1 trillion so‘m tushum kelib tushardi.

Shu sababli...

16-fevral uchun valyutalar kursi yangilandi. Unga ko‘ra, dollar 54,6 so‘mga tushib, 12 220,98 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

8-fevral kuni dollarning qiymati 13,71 so‘mga oshib, 12 279,48 so‘mga yetdi. Dollar o‘sishda davom etib, 9-fevral kuni 12 303,16 so‘mni (+23,68 so‘m) tashkil qildi. 10-fevral kuni esa 17,18 so‘mga oshib, 12 320,34 so‘mga yetgandi. 11-fevral kuni dollar 10,35 so‘mga tushib, 12 309,99 so‘mni, 12-ferval kuni esa 22,68 so‘mga tushib, 12 287,31 so‘mni tashkil etdi. 13-fevral uchun dollar 11,73 so‘mga tushib, 12 275,58 so‘mga yetgandi.

Markaziy bank ma’lumotlariga ko‘ra, yevro 96,68 so‘mga tushib...

O‘zbekiston prezidenti mutasaddilarga mahalliy ishlab chiqaruvchilar uchun xomashyo importiga belgilangan bojlarni to‘liq qayta ko‘rib chiqish vazifasini yukladi. Bu haqda prezident matbuot kotibi xabar berdi.

Elektrotexnika korxonalari o‘tgan yili 27 mlrd so‘mlik imtiyozdan foydalanishi natijasida eksport hajmini $83 mlnga, budjetga tushumlarni esa 46 mlrd so‘mga oshirishga erishgan. Ushbu korxonalar O‘zbekistonda ishlab chiqarilmaydigan alyumin katankani import qilishda boj imtiyozi muddatini uzaytirish bo‘yicha taklif kiritgan.

Xuddi shunday, zargarlik sanoati uchun qimmatbaho toshlar, metallurgiya uchun maxsus bo‘yoqlar va oziq-ovqat korxonalari foydalanadigan sitrus konsentratlariga ham bojlar belgilangani qayd etildi.

Tahlillarga ko‘ra, xomashyo ta’minotidagi yengilliklar sohalar rivojiga ijobiy ta’sir ko‘rsatmoqda. Xususan, gilam ishlab chiqaruvchilar uchun...

Prezident Shavkat Mirziyoyev raisligida o‘tkazilgan yig‘ilishda 2026-yil uchun 6,6 foizli iqtisodiy o‘sish va yalpi ichki mahsulot hajmini 167 milliard dollarga yetkazish vazifasi belgilandi. Bu haqda prezident matbuot kotibi xabar berdi.

Yig‘ilishda qayd etilishicha, iqtisodiyotga energiya tejamkor texnologiyalar va yuqori qo‘shilgan qiymatli loyihalar joriy etilishi hisobiga energiya xarajatlari 15 foizga qisqardi.

Prezident ushbu rejani mavjud iqtisodiy tebranishlarni inobatga olgan holda shakllantirilgan prognoz deb baholadi. Davlat rahbari prognoz qilingan ko‘rsatkichlar joriy murakkab global sharoitdan kelib chiqqan holda belgilanganini ta’kidladi.

«Biz 2026-yilda 6,6 foizli iqtisodiy o‘sish qilib, yalpi ichki mahsulot hajmini 167 milliard dollarga yetkazishni prognoz qilgan edik...

Avvalroq Istanbulda o‘zbekistonlik fuqaro Durdona Xakimovaning fojiali o‘limi ortidan bedarak yo‘qolgan deb topilgan Sayyora Ergashalievaning vafot etgani aniqlandi. Bu haqda O‘zbekistonning Istanbuldagi Bosh konsulxonasi xabar berdi.

Ma’lum qilinishicha, u marhuma bilan yaqin dugona bo‘lgan. Tergov jarayonida qo‘lga olingan gumonlanuvchilar ushbu fuqaro haqida ko‘rsatma berishdan bosh tortgani qayd etilgan.

Dastlabki ma’lumotlarga ko‘ra, 22-yanvar kuni marhumalar va gumonlanuvchilar Istanbul shahrining Fotih tumanidagi restoranlardan birida birga tushlik qilgan. S.Ergashalieva va G.K. o‘rtasida kelishmovchilik yuzaga kelgan. Taxminlarga ko‘ra, mojaro S.Ergashalievaning O‘zbekistonga qaytish niyati bilan bog‘liq masalada kelib chiqqan.

Tergov ma’lumotiga ko‘ra, 23-yanvar kuni gumonlanuvchilar o‘zaro til biriktirib, S.Ergashalievani o‘ldirgan. Ertasi kuni uning telefonidan foydalanib...

Franklin Templeton kompaniyasi tahlilchilari O‘zbekistondagi korxona rahbarlarida korporativ madaniyat yetishmasligini qayd etdi. Bu haqda prezident matbuot xizmati xabar bermoqda. Ekspertlar xulosasiga ko‘ra, xarajatlarni kamaytirish va foydani oshirish bo‘yicha sezilarli zaxiralar mavjud.

Franklin Templeton Milliy investitsiya jamg‘armasini boshqaradi. Ushbu jamg‘arma qiymati qariyb $2 milliard bo‘lgan O‘zbekistonning 15 ta aksiyadorlik jamiyatida 25 foizdan 40 foizgacha ulushga ega.

Shavkat Mirziyoyev raisligida tarmoq va hududlarda yuqori iqtisodiy o‘sish sur’atlarini ta’minlash bo‘yicha asosiy vazifalar muhokamasiga bag‘ishlangan yig‘ilishda 19 ta strategik korxona rahbarlariga aniq vazifalar belgilandi. Ular xarid tizimi, logistika, raqamlashtirish va energiya samaradorligi yo‘nalishlarida tizimli ishlashi kerak. Maqsad ishlab chiqarish tannarxini...

Qirg‘iziston prezidenti Sadir Japarov Qamchibek Tashiyevning bosh vazir o‘rinbosari va Milliy xavfsizlik davlat qo‘mitasi rahbari lavozimidan ozod etilishi do‘stlikni saqlashga va mamlakatda bo‘linishning oldini olishga yordam berganini aytdi. Bu haqda u Kabar axborot agentligiga bergan intervyusida so‘z ochdi.

Davlat boshlig‘i Jogorku Keneshda bo‘linish belgilari paydo bo‘la boshlaganini aytdi. Japarovning aytishicha, ba’zi parlament guruhlari parlament a’zolaridan: «Siz biz tomondamisiz yoki u tomondamisiz?» deb so‘ragan. «Bizning tomonimiz» kimligini so‘raganlarga yelkalari ko‘rsatilib, «Bizning tomon generalning tomoni, bu tomon esa prezidentning tomoni» deb tushuntirish berilgan.

Prezidentning tushuntirishicha, keyin vaziyat ko‘chalardagi «oqsoqollar» orasida tarqalgan, ular muddatidan oldin saylovlar uchun imzo to‘plagan, odamlarni chalg‘itgan...

Aholining mahalliy avtomobillarga talabini rag‘batlantirish maqsadida avtokredit stavkalari pasaytiriladi. Bu haqda Shavkat Mirziyoyev raisligidagi yig‘ilishda ma’lum qilindi.

O‘zbekistonda yiliga 650 ming dona avtomobil ishlab chiqarish quvvatiga ega 4 ta yirik korxona faoliyat yuritmoqda. Joriy yilda ishlab chiqariladigan avtomobillar sonini 510 ming donaga yetkazish vazifasi qo‘yildi.

Buning uchun 300 dan ortiq mahalliy korxona bilan hamkorlikda yana 763 turdagi detalni ishlab chiqarishni yo‘lga qo‘yish muhim ekani ta’kidlandi. Bu mahalliylashtirish darajasini oshirishga xizmat qiladi.

Aholining mahalliy avtomobillarga talabini rag‘batlantirish maqsadida avtokredit stavkalarini pasaytirish va kredit hajmini oshirish choralarini ko‘rish topshirildi.

Shuningdek, dehqon va fermerlarda bog‘dorchilik traktori, ko‘chat ekish, hosil yig‘ish va kartoshka...

Ohangarondagi $30 mlnlik «Premier» zavodida $87 milllionlik import o‘rnini bosuvchi mahsulot ishlab chiqariladi. Bu haqda prezident matbuot xizmati xabar bermoqda.

Loyiha BAAning Fajr Al Mustaqbal General Trading kompaniyasi bilan hamkorlikda yo‘lga qo‘yilgan. Qurilish ishlari 95 foizga bajarilgan. Hozirga qadar $11,3 mln investitsiya o‘zlashtirilgan.

Korxona ishga tushgach 250 ta yangi ish o‘rni yaratiladi. Yiliga $4 mlnlik eksport amalga oshirilishi rejalashtirilgan. Mahsulotlar Ozarbayjon, Qozog‘iston, Tojikiston, Rossiya, Qirg‘iz Respublikasi va Afg‘onistonga yetkazib beriladi.

Eslatib o‘tamiz, Kursiv Uzbekistan nashri Ohangarondagi mis zavodiga $14,9 million investitsiya kiritilgani haqida yozgan edi.

Ohangarondagi mis zavodi $14,9 mln investitsiya kiritildi. Shavkat Mirziyoyev Toshkent viloyatiga tashrifi doirasida Ohangaron tumanidagi Infinity Copper Group mis quvurlari va fitinglar ishlab chiqarish korxonasi faoliyati bilan ham tanishdi. Bu haqda prezident matbuot xizmati xabar berdi.

Loyiha Xitoy va Germaniya kompaniyalari bilan hamkorlikda 10 gektar maydonda amalga oshirilmoqda, uning umumiy qiymati $36 mlnga teng. Qurilish ishlari 90 foizga yakunlangan.

O‘zbekistonga 2025-yilda $15 mlnlik mis quvurlar va fitinglar import qilingan. Mazkur korxona to‘liq ishga tushgach, $10 mlnlik import o‘rnini bosuvchi mahsulot ishlab chiqarishi kutilmoqda.

Korxonada 300 ta yangi ish o‘rni yaratiladi, 200 mlrd so‘m budjet tushumlari ta’minlanadi hamda $350 mlnlik...

Bosh prokuratura huzuridagi Departamentning Andijon shahar bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbirda dori savdosi bilan shug‘ullangan to‘rt nafar shaxs qo‘lga olindi. Bu haqda Departamentning rasmiy kanali xabar bermoqda.

Holat yuzasidan aniqlik kiritilishicha, gumondorlar 6 dona «Regapen» nomli dori vositasini fuqaroga 480 ming so‘mga sotayotgan vaqtda ashyoviy dalillar bilan ushlangan. Shuningdek, fuqarolar Sh.B. va N.D.ga tegishli avtomashinalar ko‘zdan kechirilganda, o‘tkazish maqsadida olib kelingan jami 310 dona «Tropikamed» va «Regapen» dori vositalari borligi aniqlangan va olib qo‘yilgan.

Mazkur holat yuzasidan Jinoyat kodeksining 251-1-moddasi (Kuchli ta’sir qiluvchi yoki zaharli moddalarni qonunga xilof ravishda muomalaga kiritish) bilan jinoyat...

Stellantis konserni yangi 2027-yilgi Ram 1500 SRT TRX pikapini taqdim etdi. Ushbu model soatiga 96 km tezlikka 3,5 soniyada erishib, dunyodagi eng tezkor seriyali yonilg‘i pikapiga aylandi. Bu haqda CarBuzz xabar bermoqda.

Pikap 6,2 litrli kompressorli V8 dvigateli bilan jihozlangan bo‘lib, u 777 ot kuchi va 921 Nm aylanuvchi moment hosil qiladi. Bu ko‘rsatkichlar bilan Ram o‘zining asosiy raqobatchisi 720 ot kuchiga ega Ford Raptor R modelini ortda qoldirdi. Og‘irligi uch tonnadan oshishiga qaramay, avtomobil tezlanish dinamikasi bo‘yicha ko‘plab yengil sportkarlardan ustun kelgan.

Taqqoslashlar shuni ko‘rsatadiki, Ram 1500 SRT TRX soatiga 96 km tezlikka erishishda Audi RS3, Ford Mustang...

Qozog‘istonning «Otbasy banki» O‘zbekiston bozoriga kirishni reja qilmoqda. Bu haqda Bayterek xoldingi boshqaruv raisi o‘rinbosari Timur Onjanov Bloomberg’ga bergan intervyusida ma’lum qildi.

Xolding bankning yagona aksiyadori hisoblanadi. Shuningdek, xolding moliya tashkilotini Malayziya va Yaqin Sharq davlatlari bozorlariga olib chiqishni ham ko‘rib chiqmoqda. Rejada ipoteka kreditlashni rivojlantirish va islomiy moliya vositalarini joriy etish ham bor.

Onjanovning qo‘shimcha qilishicha, xolding va bank joriy yilda xorijdan kreditlar jalb etishni rejalashtirmoqda. Mablag‘lar bevosita banklardan yoki yevroobligatsiyalar chiqarish orqali olinishi mumkin.

Xolding yuanda obligatsiyalar chiqarishni ko‘rib chiqmoqda. Kelajakda esa iyenada ham emissiya qilish ehtimoli bor.

«Xitoy bizning asosiy...