Yangiliklar

Samsung xarajatlarni kamaytirish maqsadida kelasi yildan Samsung Galaxy A57 va S26 FE modellarida Xitoyda ishlab chiqarilgan OLED ekranlardan foydalanishi mumkin. Koreyaning The Elec nashri ma’lumotiga ko‘ra, kompaniya CSOT bilan Samsung Galaxy A57 uchun OLED panel yetkazib berish bo‘yicha muzokara olib bormoqda.

Manbalarga ko‘ra, Galaxy A57 Xitoy OLED’ining pastki qismi qalinroq bo‘lgan varianti bilan chiqishi mumkin. Shu bilan birga, buyurtmaning bir qismi Samsung Display’ga berilishi kutilmoqda.

Aynan shu turdagi ekran kelajakdagi Samsung Galaxy S26 FE modelida ham qo‘llanishi ehtimoli bor. Ushbu qurilma 2026-yil oxirida taqdim etilishi kutilmoqda.

Arzonroq OLED’lardan foydalanish Samsung uchun tejamkor yechim bo‘lsa-da, bu kompaniyani Xitoy brendlari bilan...

O‘zbekistonda elektromobillarni quvvatlash stansiyalari uchun asbob-uskunalar bojxona bojidan ozod qilinadi. Bu prezidentning tegishli farmonida belgilandi.

Farmonga ko‘ra, 2026-yil 1-yanvardan 2028-yil 1-yanvarga qadar tasdiqlangan ro‘yxatlar asosida O‘zbekistonga olib kiriladigan elektromobillarni quvvatlash stansiyalari, ularning komponentlari va servis infratuzilmasi uchun mo‘ljallangan texnologik uskunalar bojxona bojidan ozod etiladi. Ushbu imtiyoz pillachilik va ipakchilik sohasida foydalaniladigan ayrim ehtiyot qismlar va urug‘larga ham tatbiq qilinadi.

Shuningdek, farmonda chiqindilarni boshqarish sohasi uchun soliq imtiyozlari ham nazarda tutilgan. 2026-yil 1-yanvardan 2031-yil 1-yanvarga qadar «Chiqindi poligonlarini boshqarish direksiyasi» davlat muassasasi hamda belgilangan talablarga javob beradigan soliq to‘lovchilar uchun foyda solig‘i va ijtimoiy soliq stavkasi 1 foiz etib belgilandi.

Abdurahmonov Islom Abdug‘aniyevich 18-dekabrdan «O‘zbekgidroenergo» AJ boshqaruvi raisi vazifasini vaqtincha bajaruvchi etib tayinlandi. Bu haqda ochiq manbalarda ma’lum bo‘ldi.

U mazkur tashkilotni avval boshqargan Abdug‘ani Sanginovning o‘g‘li hisoblanadi. Bir necha kun avval Abdug‘ani Abdurahmonovich Sanginov «O‘zbekgidroenergo» AJ boshqaruvi raisi lavozimidan ozod etilib, «O‘zbekneftgaz» rahbari etib tayinlangandi.

Eslatib o‘tamiz, Kursiv Uzbekistan nashri Jamshid Qo‘chqorovga neft-gaz bo‘yicha o‘rinbosar tayinlangani haqida yozgan edi.

30-dekabr kuni Armaniston poytaxti Yerevanda Karen Demirchyan nomidagi sport majmuasida Hype Fighting Championship turniri bo‘lib o‘tdi. Kechaning markaziy jangida rossiyalik jangchilar Arman Sarukyan va Shara Bullet grappling yo‘nalishida bahs olib bordi.

To‘qnashuv Submission Only qoidalari asosida, 84 kg vazn toifasida tashkil etildi. Ushbu formatda jang taqdiri faqat raqibni taslim qilish orqali hal bo‘ladi. Hakamlar qarori nazarda tutilmagan.

Jang davomida Arman Sarukyan bosimli va faol taktika namoyish etdi. U bir necha bor raqibini yerga tushirib, ustun pozitsiyani egalladi. Biroq belgilangan vaqt ichida tomonlardan hech biri raqibni taslim qildira olmadi va jang durang bilan yakunlandi.

Tomoshabinlar va sharhlovchilar formatning xususiyati sabab aniq...

UzAuto Motors O‘zbekistonda yangilangan Chevrolet Damas Max va Chevrolet Damas Move modellarini bozorga chiqarmoqda. Bu haqda kompaniya matbuot xizmati ma’lum qildi.

Chevrolet Damas Move yo‘lovchi tashish uchun mo‘ljallangan bo‘lib, yetti o‘rinli salon, qulay ergonomika va zamonaviy xavfsizlik yechimlari bilan jihozlangan. Model ikki xil atmosferali dvigatel bilan taklif etiladi. 1,2 litrli, 81 ot kuchiga ega agregat 5 pog‘onali mexanik uzatmalar qutisi bilan, 1,5 litrli, 103 ot kuchiga ega dvigatel esa 6 pog‘onali mexanik uzatmalar qutisi bilan ishlaydi. Bu yechimlar kundalik foydalanish va biznes ehtiyojlari uchun moslashuvchanlikni ta’minlaydi.

Yuk tashishga mo‘ljallangan Chevrolet Damas Max esa 650 kg gacha yuk ko‘tarish imkoniyatiga...

Meta Singapurda joylashgan, Xitoyda tashkil etilgan Manus SI startapini sotib oladi. Bitim qiymati rasman oshkor etilmadi. Biroq manbalarga ko‘ra, Manus $2 mlrddan $3 mlrdgacha baholangan.

Manus joriy yil boshida minimal buyruqlar asosida qaror qabul qilib, vazifalarni mustaqil bajarishga qodir “umumiy SI agent» xizmatini taqdim etganini e’lon qilgach, e’tibor markaziga tushgan. Startap o‘z tizimi OpenAI’ning DeepResearch mahsulotidan ustun ekanini da’vo qilgan.

Ma’lum qilinishicha, Pekin Manus’ni qo‘llab-quvvatlashga qiziqish bildirgan. Shuningdek, startap AI modellarini ishlab chiqish bo‘yicha Alibaba bilan strategik hamkorlikka ega.

Meta Manus xizmatini o‘zi boshqaradi va uni iste’molchilar hamda biznes uchun mo‘ljallangan mahsulotlariga, jumladan, Meta AI platformasiga integratsiya qiladi. Kompaniya...

O‘zbekistonda Birlashgan Arab Amirliklari (BAA) kapitali ishtirokidagi korxonalar soni 400 tadan oshdi. Milliy statistika qo‘mitasi ma’lumotlariga ko‘ra, 2025-yil 1-dekabr holatiga mamlakatda jami 404 ta shunday korxona faoliyat yuritmoqda.

Ularning 138 tasi qo‘shma korxona, 266 tasi esa xorijiy korxona hisoblanadi. Hududlar kesimida eng katta ulush Toshkent shahriga to‘g‘ri keladi. Poytaxtda BAA kapitali ishtirokidagi 297 ta korxona ro‘yxatga olingan.

Toshkent viloyatida bunday korxonalar soni 31 tani tashkil etadi. Samarqand viloyatida 17 ta, Andijonda 7 ta, Jizzax, Buxoro va Namangan viloyatlarida 6 tadan korxona faoliyat ko‘rsatmoqda. Navoiy viloyatida ularning soni 5 ta, Farg‘ona va Qashqadaryo viloyatlarida 4 tadan qayd etilgan.

Shuningdek, Sirdaryo...

Tijorat banklari 31-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan yil davomida dollar qanday o‘zgargani haqida yozgan edi.  

Dunyoning bir qator yirik shaharlarida xavfsizlik bilan bog‘liq xavotirlar tufayli Yangi yil kechasi rejalashtirilgan ommaviy tadbirlar bekor qilinmoqda. Avstraliyadan Yevropagacha bo‘lgan hududlarda konsertlar va jamoaviy sanash marosimlari to‘xtatildi.

AQShda Federal qidiruv byurosi Los-Anjeles yaqinida Yangi yil arafasida terakt uyushtirilishi mumkin bo‘lgan reja fosh etilganini ma’lum qildi. Mojave cho‘lida gumonlanuvchilar «sinov mashg‘uloti» vaqtida qo‘lga olingan.

Shundan so‘ng Sidney rasmiylari Bondi plyajidagi Yangi yil tadbirlarini bekor qildi. Qaror yaqin kunlarda sodir bo‘lgan otishma ortidan xavfsizlik choralarini kuchaytirish zarurati bilan izohlandi.

Parijda ham Yelisey maydonlarida o‘tkazilishi rejalashtirilgan yirik musiqa konserti bekor qilindi. Politsiya odamlar oqimini nazorat qilish qiyin bo‘lishi mumkinligi haqida ogohlantirgan...

1-yanvarga o‘tar kechasi Toshkentda yog‘ingarchilik kuzatilishi mumkin. Yomg‘ir vaqt o‘tib qorga aylanishi ehtimoli bor. Bu haqda O‘zgidromet ma’lum qildi.

31-dekabr kuni kunduzgi harorat Toshkentda +4° gacha pasayadi. Respublika hududlarida havo +5…+10° atrofida bo‘ladi. Shimoliy viloyatlarda esa harorat 0…+5° oralig‘ida bo‘ladi.

Farg‘ona vodiysida ham yog‘ingarchilik prognoz qilinmoqda. Ayrim hududlarda yomg‘ir qor bilan almashishi mumkin.

Tog‘li hududlarda yog‘ingarchilik kuchayishi kutilmoqda. Qor ko‘chish xavfi mavjud. Tog‘larda havo harorati +6° gacha ko‘tariladi.

Eslatib o‘tamiz, 31-dekabr kuni qanday ob-havo kuzatilishi haqida yozilgan edi.

MobiUz’ni sotib olish bo‘yicha eng yuqori narx va eng qulay shartlarni taklif qilgan uch investor o‘z arizalarini yaxshilash uchun qo‘shimcha vaqt oldi. Ular takliflarni 2026-yil 23-yanvar kuni Toshkent vaqti bilan soat 23:59 ga qadar topshirishi mumkin.

Gap Universal Mobile Systems kompaniyasidagi davlatga tegishli 100 foiz ulushni xususiylashtirish haqida ketmoqda. MobiUz’ni sotish loyihasi hozir xalqaro savdolarning yakuniy bosqichida turibdi.

Avvalroq kompaniyani sotib olishga o‘n nafar xorijiy investor qiziqish bildirgan. Dastlabki saralashdan so‘ng yetti kompaniya final bosqichiga o‘tkazildi. Shulardan olti nafar da’vogar majburiy narx takliflarini taqdim etdi.

Xususiylashtirish jarayoni xalqaro maslahatchilar Rothschild & Co, KPMG va Deloitte ishtirokida olib borilmoqda. Loyiha...

Germaniyaning Gelsenkirchen shahrida joylashgan Sparkasse banki bo‘limida yirik talonchilik sodir etildi. Jinoyatchilar burg‘ilash moslamasi yordamida bank seyfiga kirib, taxminan 30 million yevroga teng naqd pul va qimmatbaho buyumlarni olib ketdi.

Politsiya ma’lumotiga ko‘ra, jinoyat Rojdestvo bayrami kunlaridagi sokin vaziyatdan foydalangan holda amalga oshirilgan. Talonchilar bankka yonidagi avtoturargoh orqali kirgan va puxta reja asosida harakat qilgan. Huquq-tartibot idoralari hodisani juda professional tarzda bajarilgan deb baholagan.

Jinoyat davomida yer osti seyf xonasiga olib boruvchi devorda katta teshik ochilgan. Natijada 3 mingdan ortiq depozit qutilari buzib ochilgan. Ularda pul, oltin va zargarlik buyumlari saqlangan.

Politsiya hodisadan dushanba kuni erta tongda yong‘in signalizatsiyasi...

Samsung smartfonlarida 20 000 mA/soatlik batareyalar paydo bo‘lmaydi. Bu haqda WCCF xabar bermoqda. Ushbu quvvatdagi akkumulyatorlar sinovlardan o‘ta olmagani aytilmoqda.

Manbaning ta’kidlashicha, ushbu loyiha to‘xtatilgan. Kompaniya e’tiborini 6 000 va 8 000 mA/soatli yangi avlod batareyalariga qaratmoqda.

2016-yilda Samsung Samsung SDI orqali ishlab chiqilgan 20 000 mA/soatli ikki yacheykali batareyani sinovdan o‘tkazgan edi. Yangi ma’lumotlarga ko‘ra, asosiy 12 000 mA/soatli yacheyka barqarorlik muammolarini keltirib chiqardi. 100 Vt quvvatda zaryadlash paytida korpus qalinligi 6,3 mm dan 8,2 mm gacha shishib ketgan.

Kompaniya endi kremniy-uglerod texnologiyasiga asoslangan, sig‘imi 6 000 va 8 000 mA/soat bo‘lgan batareyalar ustida ishlamoqda. Dastlabki sinovlar bu...

31-dekabr sanasi nafaqat yilning so‘nggi kuni, balki fan-texnika inqiloblari va jahonni o‘zgartirgan voqealar bilan ham tarixda qolgan. Kursiv Uzbekistan kunning eng muhim voqealari xronologik tartibda taqdim etadi.

1857-yili Qirolicha Viktoriya Ottava shahrini Kanadaning poytaxti etib tayinladi. Ottava ingliz va fransuz tillarida so‘zlashuvchi yirik shaharlar – Toronto va Monreal o‘rtasida joylashgan bo‘lib, bu ikki hudud o‘rtasidagi ziddiyatni yumshatishga xizmat qilardi. Shuningdek, shahar AQSh chegarasidan uzoqda, qalin o‘rmonlar ichida joylashgani harbiy xavfsizlik nuqtai nazaridan ham muhim sanalgan.

1879-yilda Tomas Edison Nyu-Jersi shtatining Menlo-Park shahrida o‘zining cho‘g‘lanma elektr lampasini ilk bor ommaviy namoyish qildi. O‘sha kuni ko‘chalarni yoritib turgan yuzlab lampalar...

O‘zbekiston hududida 31-dekabr kuni ob-havo o‘zgaruvchan bo‘lib, ayrim joylarda yomg‘ir va qor yog‘ishi kutilmoqda. Harorat kechasi 0°…+10° iliq va sovuq, kunduzi esa +1°…+10° iliq bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Eslatib o‘tamiz, avvalroq Yangi yil munosabati bilan o‘zbekistonliklar necha kun dam olishi haqida xabar bergan edik.

Yangi Toshkent hududida barpo etilayotgan inshootlar va istiqboldagi loyihalar davlatimiz rahbari Shavkat Mirziyoyev tomonidan ko‘zdan kechirildi. Bu haqda prezident matbuot xizmati ma’lum qildi.

Shahar qurilishiga 2023-yilda tamal toshi qo‘yilgan bo‘lib, loyiha doirasida Yuqori va O‘rta Chirchiq tumanlaridan jami 19,7 ming gektar yer maydoni ajratilgan. Shaharsozlik konsepsiyasi Buyuk Britaniyaning «Cross Works» kompaniyasi tomonidan ishlab chiqilgan. Hozirga kelib 100 dan ziyod loyiha jadal davom etmoqda.

2025-yil yakunida yangi shaharda qurilish maydonlari 3 mln kvadrat metrga yetdi. Bir qancha uy-joy massivlari va infratuzilma obyektlari yakuniy bosqichga kirgan. Birinchi bosqichda 6 ming gektar hududda ishlar olib borilmoqda, natijada 600 ming aholi uchun...

O‘zbekistonlik grossmeyster Nodirbek Abdusattorov 2025-yilgi FIDE jahon chempionatining Blits bahsi finaliga yo‘l oldi. Bu haqda Shaxmat federatsiyasi matbuot xizmati ma’lum qildi.

Unga ko‘ra, Abdusattorov 1/2 finalning uchinchi uchrashuvida hindistonlik Arjun Ergaisini 2,5:0,5 hisobida mag‘lub etib, finalga yo‘llanmani qo‘lga kiritdi.

Final uchrashuvi Nodirbek Abdusattorov va norvegiyalik shaxmat ustasi Magnus Karlsen o‘rtasida bo‘lib o‘tadi. Toshkent vaqti bilan soat 21:30 da boshlanadigan beshta partiyadan iborat finalda eng kuchli ikki shaxmatchi g‘oliblik uchun bellashadi.

Eslatib o‘tamiz, avvalroq Nodirbek Abdusattorov London Chess Classic turnirida chempion bo‘lgan edi.

Yangi Toshkent hududida ta’lim va ilm-fan sohasida zamonaviy inshootlar barpo etilmoqda. Shavkat Mirziyoyev loyihalarni borib ko‘rib, ularning ahamiyatini o‘rgandi.

«Yangi O‘zbekiston» universiteti 2021-yil 23-iyundagi Prezident qaroriga muvofiq tashkil etilgan. Binolari $200 mln qiymatga ega bo‘lib, 50 gektar maydonni qamrab oladi. Loyiha turkiyalik mutaxassislar bilan hamkorlikda ishlab chiqilgan va qurilish «Özgüven» kompaniyasi tomonidan amalga oshirilmoqda. Binolar 2027-yilda foydalanishga topshirilishi rejalashtirilgan.

Majmua tarkibida 10 ming talabaga mo‘ljallangan beshta fakultet, rektorat, mingdan ortiq o‘rinli kutubxona, muzey, ko‘rgazmalar zali va multimedia xonalari, talabalar uchun ming o‘rinli sport majmuasi va suzish havzasi, professor-o‘qituvchilar va talabalar uchun ikki ming o‘rinli yotoqxonalar hamda oshxonalar barpo...

Shavkat Mirziyoyev Yangi Toshkent hududida barpo etilayotgan zamonaviy energetika obyektlarni borib ko‘rdi va uning texnologik va strategik ahamiyatini o‘rgandi. Bu haqda prezident matbuot xizmati ma’lum qildi.

Hozirda trigeneratsiya texnologiyasiga asoslangan stansiyaning bino va inshootlari jadal qurilmoqda. Ushbu texnologiya an’anaviy quvvatlarga nisbatan energiya sarfini ikki baravargacha kamaytiradi, chunki issiqlik, sovitish va elektr energiyasi ishlab chiqarish jarayonlari yagona texnologik zanjirda amalga oshiriladi.

Birinchi bosqichda issiqlik uchun 75 megavatt, sovitish tizimi uchun 100 megavatt quvvat ajratiladi, shuningdek, 17 megavatt qo‘shimcha elektr energiyasi ishlab chiqariladi. Nimstansiya quvvati 100 megavattga teng bo‘lib, shaharning dastlabki bosqichdagi ehtiyojlarini qondiradi.

Loyiha Xitoyning «Haocheng Industry Group Limited...

0 – 17 yosh orasidagi 8 ming nafardan ortiq yetim va ota-ona qaramog‘idan mahrum bo‘lgan bolalar uchun omonat depozit hisob raqamlari ochildi. Bu haqda Ijtimoiy himoya milliy agentligi ma’lum qildi.

Har bir hisob raqamiga davlat tomonidan $500 mablag‘ ajratildi. Mablag‘lar kapitalizatsiya asosida jamg‘arilib, bola 18 yoshga to‘lganida foydalanishi mumkin.

9 yoshdan katta bolalar va ularning qonuniy vakillariga ijtimoiy kartalar berildi. Kartalar orqali jamoat transportidan imtiyozli foydalanish, to‘lovlarni amalga oshirish, shaxsni tasdiqlash hamda ijtimoiy yordam va xizmatlardan foydalanish mumkin. Barcha amaliyotlar Baraka mobil ilovasi orqali nazorat qilinadi.

Qo‘llab-quvvatlash choralari mahallalarda yashovchi yetim va ota-ona qaramog‘idan mahrum bolalar, mehribonlik uylari...

Yangi Toshkentda olib borilayotgan bunyodkorlik ishlari bilan tanishuv davomida Shavkat Mirziyoyev Chirchiq daryosi ustidan qurilayotgan yangi ko‘prik hamda metro bekati bilan integratsiyalashgan avtoturargoh barpo etish jarayonini ko‘zdan kechirdi. Bu haqda davlat rahbari matbuot xizmati ma’lum qildi.

Yangi ko‘prik sutkasiga 40 – 50 mingta avtotransport vositasini o‘tkazish quvvatiga ega bo‘lib, Toshkent shahri va Yangi Toshkentni bog‘laydi. Qurilish ishlari joriy yil oxirida boshlangan, hozirda loyihaning dastlabki bosqichi amalga oshirilmoqda.

Loyiha doirasida sohil hududlarini ko‘kalamzorlashtirish, energiya tejamkor yoritish tizimlarini o‘rnatish, piyodalar va velosiped yo‘laklarini barpo etish rejalashtirilgan. Shuningdek, ko‘prik orqali ikki tasmali tramvay yo‘li yotqizilishi ko‘zda tutilgan.

Yangi Toshkentni Toshkent shahri...

«O‘zatom» agentligi va Rossiyaning «Kurchatov instituti» ilmiy-tadqiqot markazi tinchlik maqsadida foydalanadigan atom sohasida strategik sheriklik to‘g‘risidagi bitimni imzoladi.

Unga ko‘ra, hamkorlikning asosiy ustuvor yo‘nalishlari kichik modulli va ko‘chma atom stansiyalaridan foydalanish imkoniyatlarini o‘rganish, yadro tibbiyoti va radioizotoplar ishlab chiqarish, sinxrotron nurlanish va neytron manbalaridan foydalanish, plazma fizikasi, termoyadro sintezi, yuqori energiyalar fizikasi, tabiatga mos va «yashil» texnologiyalar, atom sanoati uchun yangi materiallar va qo‘shimcha texnologiyalar, qo‘shma laboratoriyalar va markazlar tashkil etish, yuqori malakali kadrlar tayyorlash, akademik mobillik, noyob tadqiqot qurilmalarida tadqiqotlar o‘tkazishdan iborat.

Shuningdek, Kurchatov institutining ilmiy-tadqiqot infratuzilmasi: Yadro tibbiyoti ilmiy-ta’lim markazi, T-15MD tokamak, o‘ta o‘tkazuvchan materiallarning tajriba-sanoat ishlab...

Gazning «tagi yo‘qligi» uchun tezak yoqish kerakligini aytgan Qumqo‘rg‘on tumani hokimi Anvar Normamatov lavozimidan ozod etildi va uning o‘rniga yangi rahbar tayinlandi. Bu haqda Surxondaryo viloyati hokimligi xabar berdi.

Hokimlikka ko‘ra, Normamatov boshqa ishga o‘tgan. Tumanga yangi hokim sifatida Xoliqov Farrux Omonovich tanishtirilgan.

Ma’lumot uchun, Farrux Xoliqov 1985-yilda Qashqadaryo viloyatining Kitob tumanida tug‘ilgan. U 2009-yilda Toshkent davlat yuridik institutini, 2016-yilda Bosh prokuratura oliy o‘quv kursini huquqshunoslik mutaxassisligi bo‘yicha tamomlagan.

Avvalroq «Kursiv» Sirdaryo viloyatining Boyovut tumaniga yangi hokim tayinlangani haqida xabar bergandi.

29-dekabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 31,1 foizni tashkil etdi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,5 foizni, yuridik shaxslar ulushi esa 22,3 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda: