Yangiliklar

O‘zbekiston rahbari Shavkat Mirziyoyev Yangi Toshkent hududidagi bunyodkorlik ishlari bilan tanishish jarayonida Qurilish va uy-joy kommunal xo‘jaligi vazirligining modul turdagi yangi binosiga ham bordi.

1,4 gektar hududda umumiy maydoni 5751 kvadrat metrni tashkil etuvchi 5 ta bir qavatli yengil metall konstruksiyali, bazalt qoplamali sendvich panellardan iborat binolar qurildi. Prezident matbuot xizmatining yozishicha, mazkur bino vazirlikning markaziy apparati hamda tizimdagi tashkilotlarni bir makonda joylashtirish imkonini berib, muassasalar o‘rtasidagi hamkorlik va ish jarayonlarining samaradorligini oshiradi.

Bugungi kunda yangi binoda vazirlik markaziy apparati va tizimdagi tashkilotlarda faoliyat yurituvchi jami 550 nafar xodim ishlamoqda. Vazirlik huzuridagi Axborot-kommunikatsiya texnologiyalarini rivojlantirish respublika markazi ham...

AQSHning O‘zbekistondagi elchixonasi bergan xabarga ko‘ra, 30-dekabrdan e’tiboran Green Card dasturi bo‘yicha barcha vizalar berilishi to‘xtatib qo‘yildi.

Qayd etilishicha, Diversity Visa dasturi murojaatchilari vizaga ariza topshirishi va suhbatdan o‘tishi mumkin, AQSh Davlat departamenti o‘z navbatida suhbat sanasini belgilashda davom etadi, biroq DV vizalari berilmaydi.

Elchixonaning yozishicha, viza uchrashuvlari odatda boshqa vaqtga ko‘chirilmaydi yoki bekor qilinmaydi.

«Departament murojaatchilarni xabardor qilib borishga intiladi hamda qo‘shimcha yangilik bo‘lishi bilanoq jamoatchilikka taqdim etiladi», — deyilgan xabarda.

Eslatib o‘tamiz, avvalroq AQShda o‘zbekistonlik talabani o‘ldirishda gumonlangan shaxs o‘z joniga qasd qilgani haqida xabar berilgandi. Gumonlanuvchi avtomobil raqamlarini almashtirish...

General Motors avtomobilni masofadan turib boshqarish imkonini beruvchi yangi tizimga patent oldi. Patent hujjatiga ko‘ra, ushbu texnologiya rulni burish, tormozlash, tezlashtirish va uzatmalar qutisini masofadan aniq boshqarishga imkon beradi.

Tizim maxsus ko‘chma pult orqali ishlaydi. Unda analog stiklar, tugmalar va aloqa moduli mavjud bo‘lib, pultdan yuborilgan signallar avtomobilning bort elektronikasi orqali ijrochi mexanizmlarga uzatiladi. Ayniqsa rul boshqaruvida yuqori aniqlik ta’minlanishi qayd etilgan.

Mazkur yechim tor joylarda harakatlanish, murakkab va xavfli hududlarda avtomobilni boshqarish uchun mo‘ljallangan. Shuningdek, tizim sanoat, qishloq xo‘jaligi texnikasi va harbiy texnikalarda qo‘llanishi mumkin.

GM muhandislarining ta’kidlashicha, bunday texnologiya haydovchi avtomobil ichida bo‘lmagan holatlarda ham transport vositasini...

5-yanvar uchun valyutalar kursi yangilandi. Unga ko‘ra, dollar 20,92 so‘mga pasayib, 12 004,41 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni...

Xitoyda BYD Yuan Max elektromobili yo‘l sinovlari vaqtida suratga olindi. Avtomobil kamuflyajda harakatlanayotgan bo‘lib, modelning rasmiy taqdimoti kutilmoqda.

Yangi SUV o‘lchami va joylashuvi bo‘yicha Yuan Plus (Atto 3) hamda Song Plus (Sealion 6) modellarining orasidan o‘rin oladi.

Yuan Max BYD’ning Dynasty seriyasiga mansub bo‘lib, dizaynda ushbu yo‘nalishga xos uslub saqlangan. Old qismida cho‘zilgan faralar va katta trapetsiya shaklidagi havo kirish qismi ko‘zga tashlanadi. Avtomobil Xitoyda amal qilayotgan yangi talablar asosida mexanik ochilishga ega eshik tutqichlari bilan jihozlangan.

Sinovdagi namunada an’anaviy yon ko‘zgular, tom relslarini ko‘rish mumkin. Tom chizig‘ining biroz egri shakli salon hududida qo‘shimcha bosh bo‘shlig‘ini ta’minlagan bo‘lishi mumkin...

Buyuk Britaniyaning Buried Hill Energy neft va gaz kompaniyasining Turkmanistondagi sho‘ba korxonasi Buried Hill Serdar Limited tomonidan Turkmanistonga qarshi Investitsiya nizolarini hal qilish bo‘yicha xalqaro markazga (ICSID) da’vo arizasi berildi.

Ish 2025-yil 12-avgustda ro‘yxatga olingan. 2007-yildan beri kompaniya Kaspiy dengizidagi bahsli Serdar neft va gaz kondensati konini o‘rganib kelmoqda. Xalqaro arbitrajda Turkmanistonni Amerika yuridik firmasi himoya qilmoqchi. ICSID veb-saytida hali hech qanday ish materiallari e’lon qilinmagan.

Hamkorlikning boshlanishi

2007-yil noyabr oyida Buried Hill Turkmaniston hukumati bilan hamkorlikni boshladi va Kaspiy dengizidagi yirik Serdar neft konini o‘z ichiga olgan III blok hududini qidirish uchun litsenziya oldi. Biroq Turkmaniston va Ozarbayjon...

Shavkat Mirziyoyev Vladimir Putin qarorgohiga uyushtirilgan hujumni qoraladi. Bu haqda ikki davlat rahbarining suhbatida ma’lum qilindi. Ushbu harakatlar barqarorlik va xavfsizlikka, shuningdek, uzoq muddatli tinchlikka erishish yo‘lidagi sa’y-harakatlarga tahdid solishi qayd etildi.

Tomonlar oliy darajadagi kelishuvlarni amalga oshirish doirasida O‘zbekiston va Rossiya o‘rtasidagi strategik sheriklik hamda ittifoqchilik munosabatlarini yanada rivojlantirish masalalarini muhokama qildi. Shuningdek, xalqaro va mintaqaviy kun tartibidagi dolzarb mavzular yuzasidan fikr almashildi va bo‘lajak tadbirlar rejasi ko‘rib chiqildi.

Suhbat yakunida yetakchilar kirib kelayotgan 2026-yil munosabati bilan bir-birini samimiy qutladi. Davlat rahbarlari o‘zaro mustahkam sog‘lik, baxt-saodat va farovonlik tilab, ikki mamlakatning birodar xalqlariga tinchlik va barqaror taraqqiyot tilaklarini...

Soliq qo‘mitasi Paynet’ning Xolis mobil ilovasidan foydalanish majburiy ekani haqidagi xabarlar yuzasidan rasmiy munosabat bildirdi.

Qayd etilishicha, ushbu ilova yakka tartibdagi tadbirkorlar va o‘zini o‘zi band qilgan shaxslar uchun shaffof tadbirkorlik muhitini shakllantirish maqsadida ishlab chiqilgan.

Soliq idoralari boshqa vazirlik va tashkilotlar bilan hamkorlikda tadbirkorlarni rasmiy sektorda ixtiyoriy ishlashga rag‘batlantiradigan yangi ilovalar ustida ham ish olib bormoqda. Bu boradagi yangiliklar soliq to‘lovchilarga o‘z vaqtida yetkaziladi.

Ma’lum qilinishicha, 2025-yil 12-avgustdagi 247-sonli qarorga ko‘ra, raqamli platformalar soliq organlari axborot tizimlariga to‘liq integratsiya qilingan bo‘lishi va ularni yaratgan to‘lov tashkilotlari texnopark rezidenti bo‘lmasligi kerak. Paynet aksiyadorlik jamiyati texnopark rezidenti hisoblanmaydi.

Texnopark...

hh.uz o‘tkazgan so‘rovnomaga ko‘ra, yil oxirida respondentning qariyb 40 foizi yangi ish qidirmoqda. Ishtirok etgan respondentlarning 44 foizi yilni aniq ijobiy yoki salbiy baholab bo‘lmasligini bildirgan.

So‘rovda qatnashganlarning 30 foizi yilni sokin va barqaror o‘tganini aytgan. 26 foiz respondent esa ochiqchasiga charchoqni his qilayotganini tan olgan. Faqat 14 foizgina ishtirokchi yil yakunini o‘sish va yangi imkoniyatlar bilan bog‘lagan.

Bayramoldi davrida ish yuklamasi ko‘pchilikda keskin o‘zgarmagan. 23 foizda yuklama biroz oshgan, 20 foizda esa avvalgi darajada qolgan. Shu bilan birga, 17 foiz respondent ko‘proq dedlaynlarga duch kelgan. So‘rov vaqtida ishsiz bo‘lganlar ulushi 29 foizni tashkil etgan.

Ishtirokchilarning 40 foizi yil yakunida...

O‘zbekiston milliy terma jamoasining sobiq ustozi Vadim Abramov 2013-yilda Qozog‘istonning «Ostona» klubidagi $1 mlnlik shartnomadan nega voz kechganini ma’lum qildi.

Abramov 2013-yilda «Ostona» boshqaruviga taklif qilinganida, klub oldiga chempionlikni qo‘lga kiritish vazifasi qo‘yilgan edi. Biroq bir hafta davomida jamoani o‘rganish jarayonida mutaxassis tarkibda jiddiy muammolar mavjudligini aniqlagan. Uning so‘zlariga ko‘ra, jamoada doimiy asosda o‘ynaydigan kuchli futbolchilar deyarli bo‘lmagan, borlari ham ijara shartnomasi asosida to‘p surgan.

«Maqsad chempionatni birinchi o‘rinda yakunlash edi, ammo o‘yinchilar yo‘q, hamma ijarada. Oddiy murabbiy bunday shartnomani imzolamasdi. Balki keyinchalik imzolamaganimdan afsuslangandirman, lekin o‘sha paytda: ‘O‘yinchilaringiz qayerda? Kimni o‘ynatishim kerak?’ dedim...

O‘zbekistonda o‘rganilgan korxonalarda xodimlarning 64 foiziga kasallik nafaqasi, ayollarning esa 76 foiziga dekret to‘lovi amalga oshirilmagan. Savdo-sanoat palatasi ijtimoiy sug‘urta tizimini 2026-yilda yangi bosqichga olib chiqish uchun sabab bo‘layotgan asosiy omillarni ma’lum qildi.

Tadbirkorlik subyektlari orasida palata tomonidan olib borilgan o‘rganishlarga ko‘ra, 2025-yilda tadbirkorning yuklamasi o‘rtacha ish haqi fondiga nisbatan 1,4 foizni tashkil qilgan. Agar buni aniq raqamlarda keltiradigan bo‘lsak, ijtimoiy nafaqalarni (dekret va kasallik nafaqasi) to‘lash bilan bog‘liq xarajatlar 1 trln so‘mdan ortiqni tashkil etadi.

Ish haqi fondiga nisbatan kasallik nafaqasi to‘lovi 1 foiz bo‘lsa, onalik ta’tili to‘lovi 0,4 foizga teng. Davlat sektorida 1,4 mln ayol kishi faoliyat...

FIFA prezidenti Janni Infantino «JCh – 2026» o‘yinlariga chiptalar uchun rekord miqdorda ariza tushganini ma’lum qildi. Bu haqda tashkilot saytida ma’lum qilindi.

Uning so‘zlariga ko‘ra, oldindan savdoning dastlabki 15 kunida dunyo bo‘ylab 150 mlndan ortiq so‘rov ro‘yxatdan o‘tkazilgan. Bu kuniga o‘rtacha 10 mln atrofida ariza kelib tushganini anglatadi. Eng katta qiziqish AQSh, Germaniya va Buyuk Britaniya muxlislari tomonidan bildirildi.

Jahon chempionati 2026 FIFA World Cup 2026 uch davlatda o‘tkaziladi. Musobaqaga AQSh, Meksika va Kanada mezbonlik qiladi. Amaldagi jahon chempioni esa Argentina terma jamoasi hisoblanadi.

Eslatib o‘tamiz, Kursiv Uzbekistan nashri FIFA o‘yinlarida litsenziya huquqi Netflix’ga berilgani haqida yozgan edi.

Xalqaro futbol tarixi va statistikasi federatsiyasi (IFFHS) milliy terma jamoalar bilan ishlaydigan dunyoning eng yaxshi murabbiylari reytingini e’lon qildi.

Reytingda O‘zbekiston milliy terma jamoasining sobiq bosh murabbiyi Timur Kapadze 8-o‘rinni egallab, jahonning eng kuchli mutaxassislari o‘ntaligiga kirdi. Murabbiy IFFHS ekspertlari tomonidan 10 ballga loyiq ko‘rilgan. Ushbu ko‘rsatkich bilan u Kolumbiya milliy terma jamoasi bosh murabbiyi Nestor Lorenso bilan birgalikda reytingning 8-pog‘onasidan joy oldi.

Reytingning birinchi pog‘onasini Ispaniya terma jamoasi bosh murabbiyi Luis de la Fuente band etdi. Ispaniyalik mutaxassis joriy yilda o‘z jamoasi bilan Yevropa chempionatida g‘olib chiqqan edi. Kapadze esa O‘zbekiston olimpiya terma jamoasini tarixda ilk bor Olimpiada...

2025-yil 31-dekabrdan 2026-yil 5-yanvargacha kutilayotgan yog‘ingarchilik va havo haroratining o‘zgarishi sabab respublikaning bir qator hududlarida qor ko‘chishi xavfi e’lon qilindi.

Xususan,

Shuningdek, tog‘li hududlarda yashovchi fuqarolar, dam oluvchilar va ushbu hududlarda harakatlanayotgan haydovchilardan xavfsizlik qoidalariga qat’iy amal qilish so‘raladi.

Eslatib o‘tamiz, 30-dekabr kuni havo harorati 18 darajagacha ko‘tarilishi ma’lum qilingandi. Unga ko‘ra...

Boks bo‘yicha super og‘ir vazn yetakchilaridan biri Entoni Joshua Nigeriyada avtohalokatga uchradi. Bu haqda BBC xabar berdi.

Sportchi ichida bo‘lgan qora Lexus avtomobili tezlikni oshirib, quvib o‘tish vaqtida boshqaruvni yo‘qotgan va yo‘l chetida to‘xtab turgan yuk mashinasiga urilgan. Matchroom Boxing bayonotiga ko‘ra, Joshua ayni damda kasalxonada barqaror ahvolda bo‘lib, shifokorlar nazorati ostida qolmoqda. Halok bo‘lgan Sina Gami Joshuaning jismoniy tayyorgarlik bo‘yicha murabbiyi, Latif Ayodele esa shaxsiy murabbiyi bo‘lgan.

Nigeriya prezidenti Bola Ahmed Tinubu bokschi bilan shaxsan gaplashib, hamdardlik bildirgan va tezroq sog‘ayib ketishini tilagan. Joshua yaqinda, 19-dekabr kuni amerikalik bloger-bokschi Jeyk Pol ustidan g‘alaba qozonganidan so‘ng Nigeriyada ta’tilda...

World Atlas nashri dunyoning eng boy davlatlari reytingini taqdim etdi. Ro‘yxatni tuzishda mamlakatning umumiy yalpi ichki mahsuloti (YAIM) emas, balki aholi jon boshiga to‘g‘ri keladigan YIMning xarid qobiliyati pariteti asos qilib olingan.

Quyida 2025-yilning eng boy 10 davlati va ularning iqtisodiy ko‘rsatkichlari bilan batafsil tanishishingiz mumkin.

1. Lixtenshteyn – $201 ming

Ro‘yxatning eng yuqori pog‘onasini Yevropaning kichik tog‘li davlati Lixtenshteyn egalladi. Aholi jon boshiga daromad bo‘yicha dunyoda yetakchi bo‘lgan ushbu davlat iqtisodiyoti yuqori qiymatli ishlab chiqarish va rivojlangan moliya sektoriga asoslangan.

2. Singapur – $156,9 ming

Osiyoning yirik moliya va savdo markazi bo‘lgan Singapur ikkinchi o‘rinda qayd...

General Motors kompaniyasi Chevrolet Colorado va GMC Canyon pikaplarida Apple CarPlay bilan bog‘liq dasturiy xatoni rasman tasdiqladi. Muammo 2023 – 2025-yilgi modellarda uchramoqda.

Nosozlik shundan iboratki, Apple CarPlay yoqilgan paytda rulning chap tomonidagi tugmalar guruhi ishlamay qolishi mumkin. Bu tugmalar odatda tanlangan radio to‘lqinlarini boshqarish uchun xizmat qiladi. Muammo doimiy emas, ko‘pincha kutilmaganda paydo bo‘ladi. Tugma bosiladi, ammo javob bo‘lmaydi. Shu bilan birga, multimedia tizimining o‘zi normal ishlashda davom etadi.

GM ma’lumotiga ko‘ra, diagnostika paytida texnik xatoliklar aniqlanmagan. Shuning uchun muammo CarPlay dasturi va avtomobilning ichki tizimi o‘rtasidagi mos kelmaslik bilan bog‘liq bo‘lishi mumkin. Hozircha kompaniya hech qanday ehtiyot...

2025-yil davomida dollar kursi so‘mga nisbatan turli yo‘nalishlarda o‘zgarib bordi. Yil boshida ayrim iqtisodchilar AQSh valyutasining keskin oshishini taxmin qilgan bo‘lsa-da, yil oxirida ko‘rsatkichlar mutlaqo boshqacha tendensiyani ko‘rsatdi. Kursiv Uzbekistan nashrining ushbu maqolasida dollar kursining yil davomida o‘zgarishi haqida so‘z boradi.

Yil boshida, 1 AQSh dollari 12 915,18 so‘mni tashkil etdi va kunlik hisobda 10,27 so‘mga oshdi. Fevral boshida kurs 12 975,05 so‘mga ko‘tarildi va o‘sish 18,04 so‘mni tashkil qildi.

Mart boshida dollar 12 890,07 so‘mga tushdi. Aprel boshida esa kurs yana oshib, 12 937,16 so‘m darajasiga yetdi. May boshida dollar yana pasaydi va 12 920,16 so‘m bo‘ldi...

2025-yil yanvar – noyabr oylarida O‘zbekistonda ta’lim xizmatlariga 34,2 trln so‘m sarflandi. Bu haqda Milliy statistika qo‘mitasi xabar bermoqda. Ko‘rsatkich bir yil ichida 8,8 foizga oshdi.

Hisobotga ko‘ra, eng katta xarajatlar Toshkent shahriga to‘g‘ri keldi. Poytaxtda ta’lim xizmatlari hajmi 16,6 trln so‘mni tashkil etdi.

Viloyatlar orasida Samarqand va Farg‘ona yetakchi bo‘ldi. U yerda mos ravishda 2,5 trln va 2,2 trln so‘m sarflangan.

Eng past ko‘rsatkichlar Sirdaryo, Navoiy va Jizzax viloyatlarida qayd etildi. Sirdaryoda ta’lim xarajatlari 343,7 mlrd so‘m bo‘ldi. Navoiyda 438,5 mlrd so‘m, Jizzaxda 532,3 mlrd so‘m qayd etildi.

Eslatib o‘tamiz, «Kursiv» O‘zbekiston gaz importini kamaytirib, eksportni oshirgani haqida...

Yevropa tiklanish va taraqqiyot banki (YTTB) O‘zbekistondagi tadbirkorlar uchun $30 mlngacha «yashil»  kredit ajratadi. Mablag‘lar GEFF II Uzbekistan dasturi doirasida beriladi.

Ushbu mablag‘lar energiya tejamkorligi va barqaror rivojlanish loyihalariga yo‘naltiriladi. Xususan, bunda ishlab chiqarishni modernizatsiya qilish, energiya sarfini kamaytirish va korxonalarning iqlim o‘zgarishlariga moslashuvchanligini oshirish ko‘zda tutilgan.

Kreditning bir qismi Kanada hukumati tomonidan HIPCA iqlim hamkorligi doirasida imtiyozli moliyalashtirish bilan qo‘llab-quvvatlanadi. Ushbu tashabbusga Yevropa Ittifoqi, AQSh, Buyuk Britaniya va boshqa donor davlatlar ham qo‘shilgan.

Ma’lumotlarga ko‘ra, YTTB dekabr oyi oxiriga qadar O‘zbekistonda 196 ta loyiha doirasida $6,6 mlrddan ortiq investitsiya kiritgan. Mablag‘larning asosiy qismi xususiy sektorni qo‘llab-quvvatlashga yo‘naltirilgan.

Avvalroq...

Jahon sog‘liqni saqlash tashkilotiga ko‘ra, Yevropa va Markaziy Osiyoda kuzatiladigan o‘lim holatining uchdan biri spirtli ichimlik ichish oqibatida yuzaga keladi.

2019-yilgi statistikaga ko‘ra, JSST Yevropa mintaqasidagi mamlakatlarda deyarli 145 mingta o‘lim to‘g‘ridan to‘g‘ri alkogol bilan bog‘liq bo‘lgan. Ular orasida o‘z joniga qasd qilish, yo‘l-transport hodisasi va yiqilish tez-tez uchragan. Mutaxassislarning ta’kidlashicha, boshqa hech qanday psixofaol modda bunday keng tarqalgan zararni keltirib chiqarmaydi.

JSSTning alkogol bo‘yicha mintaqaviy maslahatchisi Karina Ferreira-Borgesning aytishicha, alkogol nafaqat yetti turdagi saraton kasalligini o‘z ichiga olgan jiddiy yuqumli bo‘lmagan kasalliklarni keltirib chiqaradi, balki odamning o‘z xatti-harakatlarini nazorat qilish qobiliyatini sezilarli darajada pasaytiradi, xavfli xatti-harakatlarga moyillikni...

Realme 6-yanvar kuni yangi Realme 16 Pro+ smartfonini rasman namoyish etadi. Kompaniya saytida qurilma sahifasi ochildi va asosiy xususiyatlar to‘liq oshkor bo‘ldi.

Smartfon Snapdragon 7 Gen 4 platformasida ishlaydi. Bu chipset Realme’ga ko‘ra o‘z segmentida yuqori unumdorlikni ta’minlaydi.

Qurilma 12/512 GB gacha xotira bilan taklif etiladi. Operativ xotira turi LPDDR5X-8400 bo‘ladi. Displey egri 4D formatda, cho‘qqi yorqinligi 6500 cd/m². Ramka qalinligi 1,48 mm, sensor chastotasi 2500 Hz.

Batareya sig‘imi 7000 mA/soat. Tezkor simli zaryadlash quvvati 80 W. Asosiy kamera 200 MP. Segment uchun noyob jihat – 50 MP periskop modul, optik yaqinlashtirish 3,5x.

Smartfon IP69K darajasida suv va changdan...

Amerikaning yarimo‘tkazgich ishlab chiqaruvchi kompaniyasi Nvidia Intel aksiyalarini $5 mlrdga sotib olgani haqida hisobot berdi. Ushbu tranzaksiya sentabr oyida e’lon qilingan bitim asosida amalga oshirildi, deya ma’lum qilmoqda Reuters.

Nvidia sentabr oyida Intel oddiy aksiyalari uchun har birini $23,28 dan sotib olishini ma’lum qilgan edi. Mutaxassislar fikricha, bu bitim chip ishlab chiqaruvchisi uchun moliyaviy jihatdan muhim ahamiyat kasb etadi, chunki so‘nggi yillarda qilingan xatolar va kapital talab etadigan ishlab chiqarish quvvatlarini kengaytirish kompaniyaning moliyaviy holatiga bosim yaratgan.

Hisobotga ko‘ra, Nvidia shartnomada belgilangan narx bo‘yicha 214,7 mlndan ortiq Intel aksiyalarini xususiy joylashtirish orqali sotib olgan. AQSh antimonopoliya...

General Motors 2026-yilda Chevrolet brendi ostida bir qator yangi va yangilangan avtomobillarni taqdim etishni rejalashtirmoqda. Kompaniya mashhur modellarga jiddiy texnik o‘zgarishlar kiritadi va butunlay yangi versiyalarni ham bozorga olib chiqadi. Quyida ushbu modellar haqida ba’zi ma’lumotlarni taqdim etamiz.

Yangilangan Silverado 1500 pikapi

Chevrolet’ning eng mashhur modellaridan biri bo‘lgan Silverado 1500 2026-yilda yangilangan ko‘rinishda taqdim etiladi. Pikap zamonaviy texnologiyalar, yaxshilangan imkoniyatlar va bozordagi yangi talablar asosida takomillashtirilishi kutilmoqda.

Bolt elektromobili

Ixcham va ommabop Chevrolet Bolt elektromobili ham jiddiy yangilanadi. Avtomobil yanada samaraliroq, qulayroq va ekologik toza bo‘lishi kutilmoqda.

Silverado EV RST’ning qaytishi

Elektr pikap Silverado EV RST...