Yangiliklar

Bugun, 4-mart kuni Shavkat Mirziyoyev Qatar davlati Amiri Tamim bin Hamad Al Thani bilan telefon orqali muloqot qildi. Bu haqda prezident matbuot xizmati xabar berdi.

Suhbat davomida Yaqin Sharq mintaqasida yuzaga kelgan keskin vaziyat va ziddiyatlarning kuchayishi mintaqaviy barqarorlik hamda tinchlikka jiddiy tahdid solayotgani ta’kidlandi. Tomonlar muqaddas Ramazon oyida musulmon ummati o‘rtasidagi kelishmovchilikni kuchaytirishi mumkin bo‘lgan nomaqbul harakatlardan chuqur xavotir bildirdi.

Davlatlar suvereniteti, tinchligi va osoyishtaligiga xavf tug‘diruvchi har qanday xatti-harakatlarni zudlik bilan to‘xtatish mintaqa mamlakatlarining umumiy manfaatlariga mos kelishi qayd etildi.

Muloqot chog‘ida O‘zbekiston rahbari Qatarda bo‘lib turgan O‘zbekiston fuqarolarining xavfsizligini ta’minlash va ularni Vatanga qaytarish bo‘yicha ko‘rilayotgan...

Lenovo kompaniyasi ikki yangi planshetini taqdim etdi: biri chidamlilik va ko‘chma ishlashga mo‘ljallangan ThinkTab X11, ikkinchisi esa ofis va o‘quv muhitiga mos Idea Tab Pro Gen 2.

Dizayn va chidamlilik

Lenovo ThinkTab X11 kompaniyaning birinchi chidamli Android plansheti bo‘lib, IP68 sertifikatiga ega va MIL-STD-810H standartida sinovdan o‘tkazilgan. Qurilma Batteryless Mode rejimini qo‘llab, dokda yoki kiosk sifatida butun kun ishlashi mumkin. Displey 10,95 dyuymli va 2,560 x 1,600 px o‘lchamga ega, 90 Hz yangilanish tezligi va 600 nits yorqinlik bilan ta’minlangan. Stylus esa yuqori qismga joylashtirilgan.

Ulanish va portlar

ThinkTab X11 5G va Wi-Fi 6E tarmoqlarini qo‘llab-quvvatlaydi...

Xiaomi kompaniyasi Xiaomi 17 liniyasini global bozorda endigina taqdim etgan bo‘lsa-da, internetda allaqachon T-seriyadagi nisbatan arzonroq subflagmanlar muhokama qilinmoqda. Bu haqda kompaniya rasmiy sahifasida ma’lum qildi.

Insayder Abhishek Yadav ma’lumotlariga ko‘ra, Xiaomi 17T savdoga aprel oyi oxiri yoki may oyida chiqishi mumkin. Bu kompaniyaning odatiy taqdimot jadvalidan ancha erta. Kutilishicha, bazaviy model bilan birga Xiaomi 17T Pro ham namoyish etiladi, biroq Hindiston bozorida faqat standart versiya sotuvga chiqishi ehtimoli bor.

Leica kamerali uch modul

Avvalroq tarqalgan xabarlarga ko‘ra, ikkala model ham Leica bilan hamkorlikda ishlab chiqilgan kameralar bilan jihozlanadi. Smartfonlar 50 MP + 12 MP + 50 MP...

Yaqin Sharqda keskinlashgan mojaro fonida yirik global brendlar va chakana savdo tarmoqlari mintaqadagi do‘konlarini vaqtincha yopmoqda yoki cheklangan tarkib bilan ishlamoqda. Bu haqda Reuters nashri xabar berdi.

So‘nggi kunlarda AQSh va Isroil tomonidan Eronga qarshi amalga oshirilgan havo hujumlari ortidan vaziyat yanada taranglashdi. Eron esa javoban Fors ko‘rfazi davlatlariga raketa va dron zarbalari yo‘llagan. Natijada mintaqadagi biznes, turizm va logistika faoliyati izdan chiqqan.

Do‘konlar yopilmoqda

Yaqin Sharqda Versace, Jimmy Choo va Sephora kabi brendlarning 900 ga yaqin do‘konlarini boshqaruvchi Chalhoub Group Bahrayndagi savdo nuqtalarini yopganini ma’lum qildi. BAA, Saudiya Arabistoni va Iordaniyada esa do‘konlar ochiq, biroq xodimlar ishga...

Meksikadagi yirik «Yangi avlod Xalisko» karteli yetakchisi El Mencho nomi bilan tanilgan shaxs oltin tobutda dafn etildi. Vidolashuv marosimi qarindoshlari va yaqinlari ishtirokida orkestr musiqasi sadolari ostida bo‘lib o‘tdi.

Oq katafalk kuzatib borgan avtomobillar karvoni peshin atrofida Resinto-de-la-Pas qabristoniga yetib keldi. Mashina qizil atirgullardan yasalgan xo‘roz shaklidagi gul kompozitsiyasi bilan bezatildi. El Mencho xo‘roz urishtirishga qiziqqani sababli ushbu ramz bilan bog‘langan, hatto uni «Señor de los gallos» («Xo‘roz janglari qiroli») deb ham atashgan.

Dafn kuni qabriston hududida xavfsizlik choralari kuchaytirildi. Ko‘chalarda milliy gvardiya, armiya va politsiya bo‘linmalari navbatchilik qildi, marosim yo‘nalishi bo‘ylab blokpostlar o‘rnatildi.

Avvalroq El Menchoning...

Yevropa tiklanish va taraqqiyot banki (YTTB) fevral oyida e’lon qilgan hisobotiga ko‘ra, O‘zbekiston iqtisodiyoti 2025 yilda 7,7 foiz o‘sish sur’atiga erishdi. Bu o‘sishning asosiy omillari haqiqiy ish haqi oshishi, pul jo‘natmalari va kreditlashning kengayishi bo‘ldi. Iqtisodiy faollik sanoat, transport va xizmat ko‘rsatish sektorlarida ham sezildi.

Sanoat va investitsiyalar

Sanoat ishlab chiqarishi yil davomida 6,8 foizga o‘sdi, bunda yetakchi sektor sifatida ishlab chiqarish tarmoqlari ajralib turdi. Doimiy kapital investitsiyalari 10,5 foizga ko‘tarilib, ishlab chiqarish va energetika sohalariga xorijiy investitsiyalar bilan mustahkamlandi. Shu bilan birga, ishlab chiqarish sektori ichida yangi ishlab chiqarish va energetika loyihalari iqtisodiy o‘sishga qo‘shimcha hissa...

Shavkat Mirziyoyev 10-mart – Xalqaro ayol sudyalar kuni munosabati bilan sud-huquq tizimida ko‘p yillik samarali mehnat qilgan, odil sudlovni ta’minlash va inson huquqlarini himoya qilishga munosib hissa qo‘shgan bir guruh xotin-qizlarni mukofotladi. Bu haqda prezident matbuot xizmati xabar berdi.

Farmonda ta’kidlanishicha, mukofotlanganlar jamiyatda qonun ustuvorligini mustahkamlash, sud tizimidagi islohotlarni chuqurlashtirish, odil sudlovni adolat, xolislik va shaffoflik tamoyillari asosida amalga oshirish, shuningdek, yuqori malakali kadrlar tayyorlash va yosh avlodni milliy hamda umuminsoniy qadriyatlarga hurmat ruhida tarbiyalash borasida ibratli faoliyat olib bormoqda.

«Mehnat shuhrati» ordeni bilan:

«Do‘stlik» ordeni bilan:

Yaqin Sharqdagi harbiy ziddiyat tufayli Madina, Jidda va Dubay shaharlaridan amalga oshirilgan 256 ta parvoz orqali jami 5183 nafar O‘zbekiston fuqarolari vatanga qaytarildi. Bu haqda Transport vazirligi ma’lum qildi.

Shavkat Mirziyoyevning topshirig‘iga muvofiq, Transport vazirligi rezident va xorijiy aviakompaniyalar bilan fuqarolarni qaytarish bo‘yicha aniq rejalarni ishlab chiqdi. Ishlarni muvofiqlashtirish uchun «O‘zaviatsiya» agentligida 24/7 rejimida ishlaydigan shtab tashkil etildi. Fuqarolarga yordam ko‘rsatish maqsadida call-markazining +998 (78) 120-00-72, +998 (71) 200-07-65 telefon raqamlari ishlab turibdi.

Havo hududining yopilishi va vaziyatning keskin o‘zgarb turishi, shuningdek, xorijiy aviatsiya hukumatlari bilan olib borilgan muzokaralar natijalari inobatga olingan holda, aviakompaniyalar parvozlarni belgilangan talablar asosida...

Tesla kompaniyasi yaqinda Cybertruck All-Wheel Drive (AWD) modelining narxini oshirganini e’lon qildi. Bu haqda ArenaEv avtonashri ma’lum qildi.

Dastlab 51 ming yevrodan sotilgan Cybertruck AWD modeli atigi 10 kun ichida 59,9 ming yevroga ko‘tarildi, qimmatlashish taxminan 16,7 foizga teng. Tesla bu qarorni ijtimoiy tarmoqlarda e’lon qilib, narx tez orada oshishini ma’lum qilgan va qisqa muddatda ko‘plab buyurtmalarni olgan. Natijada yetkazib berish sanasi 2026-yil iyundan 2027-yilga surilib ketdi.

Yangi AWD modeli bekor qilingan Rear-Wheel Drive (RWD) versiyasiga nisbatan yaxshiroq xususiyatlarga ega: ikki motor, havoli suspenziya, motorli yukxona qopqog‘i va orqa quvvat prizalari mavjud. Avvalgi modelda esa faqat bitta motor...

Yanvar oyi mobaynida banklardagi muammoli kreditlar (NPL) umumiy miqdori 19 trln so‘mga oshgan. Bu ko‘rsatkich 1-yanvardagi holat bilan solishtirilganda 7,8 foizga, ya’ni qariyb 1,4 trln so‘mga yuqori. 2025-yilda bu 18 trln so‘mni tashkil etgandi.

Jami kreditlardagi NPL ulushi 3,2 foizga oshdi. Dekabr oyida bu ko‘rsatkich 3 foizni tashkil qilgan. 1-fevral holatiga ko‘ra, banklarning kredit portfeli 610,4 trln so‘mga yetdi. 

Davlat banklarida

Muammoli kreditlarning asosiy qismi davlat ulushi mavjud banklarga to‘g‘ri kelmoqda. Ularning jami miqdori 13,7 trln so‘mdan ortiqni tashkil qilgan. Bu dekabrga nisbatan qariyb 1 trln so‘mga yuqori.

Davlat banklari orasida qaytarilmayotgan kredit qarzdorligi eng yuqori bank sifatida hali ham «O‘zmilliybank...

Shavkat Mirziyoyev O‘mon sultoni Haysam bin Toriq Ol Said va BAA prezidenti Shayx Muhammad bin Zoid Ol Nahayonga o‘zbekistonlikning xavfsizligini ta’minlash va ularni vataniga qaytarishda yaratilayotgan shart-sharoit uchun minnatdorlik bildirdi. Bu haqda prezident matbuot xizmati xabar bermoqda.

Muloqot chog‘ida Yaqin Sharqdagi murakkab vaziyat muhokama qilindi. Tomonlar mintaqada yuzaga kelgan beqarorlik jiddiy tashvish uyg‘otayotganini qayd etgan. Prezident sodir bo‘layotgan harakatlardan xavotir bildirdi. U O‘zbekiston har qanday qarama-qarshilik va ziddiyatni siyosiy-diplomatik hamda tinch yo‘llar bilan, muzokaralar orqali hal qilish tarafdori ekanini ta’kidlagan.

O‘z navbatida, O‘mon sultoni va Amirliklar yetakchisi O‘zbekiston yetakchisiga hamjihatlik va birdamlik uchun tashakkur izhor etgan. Haysam bin...

Beeline Uzbekistan va Rakuten Symphony O‘zbekiston raqamli infratuzilmasini rivojlantirish bo‘yicha strategik hamkorlik memorandumi imzoladi. Bu haqda Beeline kompaniyasi matbuot xizmati Kursiv Uzbekistan’ga ma’lum qildi.

Ushbu memorandum tarmoqlarni joriy etish, optimizatsiya qilish va raqamli xizmatlarni takomillashtirish imkoniyatlarini o‘rganish asosini yaratadi. Hamkorlik doirasida kompaniyalar bulut yechimlari, SI avtomatizatsiyasi, xalqaro jamoalar uchun aloqa yechimlari va global IoT xizmatlarini rivojlantirishni ko‘zda tutadi.

Rakuten Symphony prezidenti Sharad Shrivastava hamkorlik O‘zbekistonning milliy raqamli infratuzilmasini ochiq va SIga tayyor texnologiyalar yordamida rivojlantirishga qaratilganini ta’kidladi. Beeline Uzbekistan bosh direktori Andrey Pyatakhin esa hamkorlik orqali bulut arxitekturalari va SI avtomatizatsiyasi xizmatlarni tezroq rivojlantirishga yordam berishini bildirdi.

Beeline Uzbekistan 2006-yildan...

O‘zbekistonlik grossmeyster Javohir Sindarov 3-mart kuni bo‘lib o‘tgan Titled Tuesday shaxmat turnirining bahorgi mavsumida g‘olib chiqdi. U so‘nggi turda grossmeyster Nihal Sarinni mag‘lub etib, turnir jadvalida peshqadamga aylandi.

Javohir Sindarov musobaqa yakuniga ko‘ra 9,5 ochko jamg‘ardi. U bilan bir xil ochko to‘plagan grossmeysterlar Dmitriy Andreykin hamda Maksim Vashye-Lagrav so‘nggi turda tezkor durangga rozi bo‘lishdi. Natijada Sindarov tay-brek ko‘rsatkichlari bo‘yicha ularni ortda qoldirdi.

Ushbu natija Sindarovning so‘nggi to‘rt hafta ichidagi ikkinchi, 2026-yil hisobidan esa uchinchi g‘alabasi hisoblanadi. Hozircha boshqa ishtirokchilar orasida faqatgina Magnus Karlsen joriy yilda ikkita shunday turnirda g‘olib chiqqan edi.

G‘alaba uchun Javohir Sindarovga ming AQSh dollari miqdorida...

5-mart uchun valyutalar kursi yangilandi. Unga ko‘ra, dollar 30,05 so‘mga tushib, 12 179,81 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

26-fevral kuni esa 50,58 so‘mga tushib, 12 137,10 so‘mni, 27-fevralda 0,53 so‘mga tushib, 12 136,57 so‘mni tashkil qildi. 2-mart kuni dollar 35,61 so‘mga oshib, 12 172,18 so‘mni 3-mart kuni 18,39 so‘mga oshib, 12 190,57 so‘mni tashkil etdi. 4-mart kuni esa 19,29 so‘mga oshib, 12 209,86 so‘mga yetdi.

Markaziy bank ma’lumotlariga ko‘ra, yevro 31,22 so‘mga tushib, 14 139,54 so‘mni, rubl 0,8 so‘mga oshib, 156,73 so‘mni tashkil qildi.

Eslatib o‘tamiz, Kursiv Uzbekistan nashri hafta davomida dollar...

2026-yilgi Chevrolet Equinox krossoveri bir qator kichik yangilanishlar bilan taqdim etildi. GM Authority’ga ko‘ra, eng muhim yangiliklardan biri bu avtomobil uchun tortish (trailering) paketi paydo bo‘lishi bo‘ldi.

Mazkur paket aslida 2025-yilgi model uchun rejalashtirilgan edi, biroq xaridorlarga taqdim etilmagan. Endi esa 2026-yilgi Equinox uchun ushbu opsiya dilerlar orqali o‘rnatiladigan paket sifatida taklif qilinadi.

Trailering paket tarkibiga tirkama ilgagi va tashqi molding to‘plami kiradi. Hozircha paket narxi e’lon qilinmagan. U LT, RS va Activ komplektatsiyalarida mavjud bo‘ladi.

Tortish imkoniyati ham e’lon qilingan. To‘liq tortuvchi (AWD) versiya 680 kg gacha yukni torta oladi. Old g‘ildirakdan tortuvchi (FWD) versiyada esa bu ko‘rsatkich...

Audi kompaniyasi uchinchi avlod Audi Q3 krossoverini Braziliyada ishlab chiqarishni boshlaganini e’lon qildi. Bu haqda Motor1 portali ma’lum qildi. Model Parana shtatidagi San-Jose-dus-Pinyays shahrida joylashgan zavodda yig‘ilmoqda.

Audi Q3 yangi avlodi mamlakatda ikkita kuzov turida taqdim etiladi. Xaridorlar oddiy SUV va Sportback kupe uslubidagi versiyalar o‘rtasidan tanlash imkoniga ega bo‘ladi.

Braziliya uchun muhim loyiha

Yangi modelning taqdimoti Kuritibadagi Palasio Iguasu saroyida bo‘lib o‘tdi. Tadbirda Audi’ning Braziliyadagi rahbari Sasha Zauer hamda Paraná shtati gubernatori Karlos Massa Ratinyu Junior ishtirok etdi.

Audi vakillari mahalliy ishlab chiqarish kompaniyaning global strategiyasida Braziliya muhim rol o‘ynashini ko‘rsatishini ta’kidladi. Zavod modernizatsiyasidan so‘ng ishlab chiqarish...

Toshkent shahrida BYD va Gentra haydovchilari o‘rtasidagi janjal sabab jabrlanuvchining rafiqasi homilasidan ayrilgani haqida xabar berilgan edi. Ushbu hodisa ishtirokchilariga hukm o‘qildi.

2025-yilning sentabr oyida sodir bo‘lgan holat yuzasidan o‘tkazilgan ekspertiza natijalariga ko‘ra, jabrlanuvchi ayolning hayoti uchun xavfli bo‘lmagan yengil tan jarohatlari olgani aniqlangan. Voqeadan oldin ayolning homiladorligini tasdiqlovchi tibbiy hujjatlar bo‘lmagani sababli, bola tushishi haqidagi ma’lumotlar asossiz deb topilgan.

Sud majlisida 24 yoshli sudlanuvchi o‘z aybini qisman tan olgan. Uning ta’kidlashicha, Gentra haydovchisi ataylab avariya holatini yuzaga keltirgan va uning 55 yoshli otasini haqorat qilgan.

«Ular tergovga faqat o‘zlariga kerakli videoyozuvlarni taqdim etgan...

Urushning beshinchi kuniga kelib, AQSh va Yaqin Sharq mintaqasida halok bo‘lganlar soni 861 nafarga yetdi. Bu haqda Reuters agentligi ma’lum qildi.

3-mart holatiga ko‘ra, Eron qurbonlari soni bo‘yicha yetakchi bo‘lib turibdi – 787 kishi. Isroilda Quddus yaqinidagi Beit Shemesh shahrida raketa zarbasi oqibatida 10 kishi halok bo‘ldi. Livanda esa Isroil zarbalari oqibatida 50 kishi hayotdan ko‘z yumdi.

Bahraynga raketa yo‘naltirilgandan so‘ng Salman sanoat shahrida yuzaga kelgan yong‘in oqibatida 1 kishi halok bo‘ldi. Kuvaytda esa Eron hujumlari oqibatida 3 ta o‘lim qayd etildi, ulardan ikkitasi harbiy xizmatchilar bo‘lgan.

O‘mon poytaxti Masqat yaqinida 1 kishi, Birlashgan Arab Amirliklarida esa...

Xitoyning Li Auto kompaniyasi Volkswagen’ning yangi range-extender texnologiyasi haqida keskin fikr bildirdi. Bu haqda CarNewsChina nashri xabar bermoqda.

2-mart kuni Xitoyda SAIC-Volkswagen zavodida EA211 seriyasiga mansub yangi dvigatel ishlab chiqarish liniyasidan chiqdi. Bu tizim Volkswagen’ning Xitoy bozori uchun mo‘ljallangan ilk EREV flagman krossoveri — ID. Era 9X modeliga o‘rnatiladi. Modelning dastlabki savdolari mart oyida boshlanishi kutilmoqda.

Mazkur dvigatel EA211 1.5T EVO II turbomotoriga asoslangan. Unda o‘zgaruvchan geometriyali turbina, Miller sikli va 350 bar yoqilg‘i bosimi qo‘llangan. Bu texnologiyalar elektr energiyasi ishlab chiqarish samaradorligini oshirish va chiqindilarni kamaytirishga qaratilgan.

Biroq Li Auto kompaniyasining ijtimoiy tarmoqlar bo‘yicha direktori Volkswagenni kinoya bilan...

O‘zbekiston Qurolli Kuchlarida kibersport, dron va robot texnologiyalari yo‘nalishidagi musobaqalar tashkil etiladi. Bu haqda Adliya vazirligi xabar bermoqda.

Qabul qilingan hujjatga ko‘ra, yangi musobaqalar uchta asosiy yo‘nalishni qamrab oladi. Ular kibersport, dron va robot texnologiyalari yo‘nalishlaridan iborat. Turnirlar har yili muntazam ravishda uch bosqichda tashkil etilishi belgilangan.

Birinchi bosqich avgust oyida tegishli vazirlik va idoralarda «Harbiy qism komandiri kubogi» nomli ichki musobaqa sifatida o‘tkaziladi. Ikkinchi bosqich oktabr oyida «Harbiy okrug qo‘shinlari qo‘mondoni kubogi» maqomida bo‘lib o‘tadi. Yakuniy uchinchi bosqich esa har yili dekabr oyida «Mudofaa vaziri kubogi» doirasida tashkil etiladi.

Avvalroq Kursiv Uzbekistan Shimoliy Koreyada birinchi kompyuter klubi ochilgani...

O‘zbekiston prezidenti Shavkat Mirziyoyev yoshlar o‘rtasida moliyaviy mustaqil va oila qurishga tayyor bo‘lgan davrda turmush qurishni rag‘batlantirishga qaratilgan farmonni imzoladi. Unga ko‘ra, 2027-yildan boshlab 21 yoshga to‘lib, birinchi marta oila qurayotganlarga davlat tomonidan qo‘shimcha imtiyozlar taqdim etiladi.

Hozirgi kunda O‘zbekistonda nikohlarning 40 foizi 18–19 yoshli yoshlar o‘rtasida tuzilmoqda. Yangi tartibga ko‘ra, Ijtimoiy himoya yagona reyestriga kiritilgan va 21 yoshdan keyin oila qurgan yoshlarga ajratiladigan moliyaviy yordam (subsidiya, kredit, grantlar) miqdori 1,5 baravarga oshiriladi. Shuningdek, nikoh shartnomasini tuzgan juftliklar davlat bojidan ozod qilinadi.

Ma’lumot uchun, 2025 yil davomida O‘zbekistonda FHDYo organlarida jami 267,1 nikoh rasman qayd etilgan. Hududlar kesimida eng...

Toshkent shahrida jamoat transporti infratuzilmasini takomillashtirish bo‘yicha aniq reja asosida ishlar olib borilmoqda. Bu haqda Toshkent shahar hokimligi matbuot xizmati ma’lum qildi.

Yo‘lovchi oqimi ortib borayotgani sababli poytaxtda bekatlarni tartibga solish va yangilash ishlari davom etmoqda. Bu jarayon Raqamli transport markazi tomonidan muvofiqlashtirilmoqda.

YHTEM mutaxassislari tomonidan shaharning eng tirband 472 kilometr avtomobil yo‘llari aniqlanib, ustuvor yo‘nalishlarda ishlar boshlangan. Birinchi bosqichda 100 kilometr hudud qamrab olinib, 360 dan ortiq bekat hamda 190 ta chorraha xatlovdan o‘tkazildi.

Audit natijalariga ko‘ra, 110 ta bekat hududida savdo obyektlari joylashgani aniqlangan. Ulardan 61 tasi bekat majmuasiga egalik yoki foydalanish huquqini tasdiqlovchi hujjatlarni taqdim...

Apple kompaniyasi o‘zining M5 protsessoriga ega yangi MacBook Air noutbuklarini rasman taqdim etdi. Yangilangan modellar yuqori unumdorlik va kengaytirilgan SI imkoniyatlarini taklif etadi. Bu haqda kompaniya rasmiy bayonotida ma’lum qildi.

Yangi MacBook Air oldingi avlodlarga nisbatan sun’iy intellekt vazifalarini 4 barobargacha tezroq bajaradi. Noutbuklar endi standart holatda 512 GB xotira bilan jihozlanadi va bu ko‘rsatkichni 4 TB gacha oshirish mumkin. Shuningdek, qurilmaga Wi-Fi 7 hamda Bluetooth 6 simsiz aloqa texnologiyalari o‘rnatilgan.

13 va 15 dyuymli o‘lchamlarda ishlab chiqariladigan modellar to‘rt xil rangda taklif etiladi. Noutbukning akkumulyator ishlash muddati 18 soatgacha yetadi.

«Yangi MacBook Air har...

Zeekr kompaniyasi yangi Zeekr 8X krossoverini taqdim etdi. «Kitayskie avtomobili» yozishicha, avtomobilning Xitoydagi savdosi 2026-yilning ikkinchi choragida boshlanishi kutilmoqda.

Model narxi taxminan 430 mingdan 550 ming yuangacha bo‘lishi mumkin. Bu taxminan $60 mingdan $77 minggacha degani.

Zeekr 8X yangi SEA-S platformasida ishlab chiqilgan. Avtomobil uzunligi 5100 mm, kengligi 1998 mm, balandligi 1780 mm. G‘ildirak bazasi esa 3069 mmni tashkil etadi.

Krossover haydovchiga yordam beruvchi yangi G-ASD faol assistent tizimi bilan jihozlangan birinchi model bo‘ladi.

Avtomobil gibrid kuch qurilmasiga ega. Unda 2 litrli turbomotor va uchta elektromotor o‘rnatilgan. Ularning umumiy quvvati 1400 ot kuchiga yetadi. Yangi Zeekr 8X faqat elektr...