Yangiliklar

Chevrolet Cobalt o‘zbekistonliklar uchun haliyam eng ommabop avtomobil bo‘lib qolmoqda. «O’zavtosanoat» taqdim etgan ma’lumotlarga ko‘ra, yanvar – sentabr oylarida 95 ming dona avtomobil xarid qilingan. Kursiv Uzbekistan nashrining navbatdagi maqolasida Chevrolet Cobalt avtomobilini qanday usullar bilan yaxshilash mumkin degan savolga javob beriladi.

Ushbu maqoladan quyidagilarni bilib olasiz:

Yonilg‘i tejamkorligini oshirish: oddiy va foydali usullar

Chevrolet Cobalt’ning yonilg‘i sarfini kamaytirish nafaqat pulni tejaydi, balki atrof-muhitga ham foyda beradi. Buning uchun quyidagi oddiy odatlarni yo‘lga...

Qozog‘iston AQShning Joby Aero kompaniyasi bilan umumiy qiymati $300 million bo‘lgan elektr havo taksilarini xarid qilish bo‘yicha memorandum imzoladi. Bu haqda mamlakat Sun’iy intellekt va raqamli rivojlanish vazirligi ma’lum qildi.

6-noyabr kuni Vashingtonda imzolangan hujjat Sun’iy intellekt va raqamli rivojlanish vazirligi, Joby Aero, Qozog‘istonning Alatau Advance Air Group Ltd kompaniyasi hamda Kaspi xolding Kengashi raisi Vyacheslav Kim o‘rtasidagi to‘rt tomonlama hamkorlikni o‘z ichiga oladi.

Loyiha Qozog‘istonning «Alatau shahri» tashabbusi doirasida amalga oshiriladi va vertikal uchish-qo‘nishga ega elektr havo apparatlarini xarid qilishni nazarda tutadi. Shuningdek, Alatau hududida dronlar uchun sinov va sertifikatlash markazi barpo etiladi.

Elektr havo taksilari Alatau va...

2025-yil sentabr oyida Qozog‘istondan eng ko‘p pul o‘tkazmalari O‘zbekistonga amalga oshirilgan. Mamlakatdan xorijga jami $136 mlnlik pul o‘tkazmalari amalga oshirilgan. Bu ko‘rsatkich avgust oyiga nisbatan 1,6 foizga ko‘p.

Eng ko‘p pul o‘tkazmalari O‘zbekistonga – $47,6 mln yoki barcha xalqaro operatsiyalarning 34,9 foizini tashkil etgan. Ikkinchi o‘rinda Rossiya ($38,6 mln – 28,4 foiz), uchinchi o‘rinda esa Turkiya ($21,5 mln – 15,8 foiz) qayd etildi.

Xabarga ko‘ra, O‘zbekiston va Rossiyaga pul o‘tkazmalarining oshishi bu mamlakatlar bilan faol mehnat va oilaviy aloqalarga, shuningdek, chet elda vaqtinchalik ishlayotgan fuqarolar sonining ko‘payganiga bog‘liq.

Sentabr oyida Qozog‘istonning o‘ziga esa $38,8 mln pul yuborilgan. Eng katta...

10-noyabr uchun valyuta kurslari e’lon qilindi. Shu kun uchun AQSh valyutasi 12 060,27 so‘m (+37,35 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

So‘nggi besh kun ichida dollar kursida pasayish ustun bo‘ldi. 3-noyabr kuni dollar 12 005,09 so‘mga (-20,13 so‘m) tenglashdi. 4-noyabr kuni dollar 11 972,34 so‘m (-32, 75 so‘m), 5-noyabr kuni 11 950,63 so‘m (-21,71 so‘m), 6-noyabr kuni 11 970,67 so‘m (+20.04 so‘m), 7-noyabr kuni esa 12 022,92 so‘m (+52,25 so‘m) etib belgilangan edi.

Markaziy bank ma’lumotlariga ko‘ra, yevro 73,16 so‘mga oshib, 13 916,35 so‘mni, rubl esa 0,73 so‘mga oshib, 148,87 so‘mni tashkil qildi.

Eslatib o‘tamiz, Kursiv Uzbekistan AQSh dollari qanchaga...

AQShning yirik aeroportlarida federal hukumat ishining to‘xtab qolishi oqibatida 700 ga yaqin aviareys bekor qilindi. Bu haqda TASS xabar bermoqda.

Ma’lum bo‘lishicha, American Airlines 220 ta, United 188 ta, Delta 170 ta, Southwest esa qariyb 100 ta reysni bekor qilgan.

Bundan avval prezident Donald Tramp ma’muriyati 7-noyabrdan boshlab ayrim yirik aeroportlarda aviaparvozlar hajmini cheklashini ma’lum qilgan edi. Shuningdek, hukumat faoliyati tiklanmaguncha kosmik uchirishlarga ham faqat kunning ma’lum vaqtlarida ruxsat berilishi belgilangan.

AQSh federal hukumati 1-oktabrga o‘tar kechasi moliyalashtirish bo‘lgani yo‘qligi sabab ishini qisman to‘xtatgan. Bu vaziyat Kongressdagi respublikachilar va demokratlar sog‘liqni saqlash kabi xarajat moddalari yuzasidan kelisha olmagani oqibatida...

Amerikaning John Deere kompaniyasi O‘zbekiston hukumati bilan $300 millionga qishloq xo‘jaligi texnikasi yetkazib berish bo‘yicha kelishuv imzoladi.

Bu kelishuv O‘zbekiston prezidenti Shavkat Mirziyoyev va AQSh savdo vaziri Govard Latnik ishtirok etgan ikki tomonlama muzokaralar doirasida imzolangan.

Ushbu mablag‘ning yarmi AQShning Ayova shtatidagi John Deere zavodida ishlab chiqariladigan paxta terish mashinalarini xarid qilishga yo‘naltiriladi.

Shuningdek, O‘zbekiston va Boeing kompaniyasi Uzbekistan Airways uchun sakkizta yangi 787 Dreamliner samolyotini sotib olish bo‘yicha kelishuv imzolagandi. Shu bilan aviakompaniyaning umumiy buyurtmalar portfeli 22 ta laynerga yetdi.

Bu bitimlar AQSh va Markaziy Osiyo davlatlari o‘rtasidagi yirik biznes uchrashuvining bir qismi bo‘lib, unda umumiy e’lon...

2025-yil noyabr oyining boshlariga kelib O‘zbekistonda onalar o‘limi bilan bog‘liq holatlar soni 25 foizga kamaydi. Bu haqda Sog‘liqni saqlash vaziri o‘rinbosari Elmira Bositxonova ma’lum qildi, deya xabar bermoqda Kursiv Uzbekistan muxbiri.

Uning bu fikri Jahon sog‘liqni saqlash tashkilotining «Hayotning sog‘lom boshlanishi — farovon kelajak garovi» dasturi yakunida aytildi. Bu ko‘rsatkich yil oxiriga qadar 30 foizga yetishi mumkin.

Bositxonovaga ko‘ra, bunday natijalarga onalardagi kasalliklarni erta aniqlash tizimlari kuchaygani va homilador ayollar orasida sog‘lom turmush tarzini targ‘ib qilish orqali erishilgan.

Eslatib o‘tamiz, 2026-yildan xususiy sektordagi ayollarga ham «dekret» pulini davlat to‘laydi. Ijtimoiy himoya milliy agentligi direktori Mansur Olloyorovning so‘zlariga ko‘ra, endilikda xususiy sektordagi...

Shimoliy Koreya 7-noyabr kuni Yapon dengizi yo‘nalishida ballistik raketa uchirdi. Bu haqda Janubiy Koreya Qurolli kuchlari shtab boshliqlari qo‘mitasi ma’lum qildi.

Raketaning turi va uchish masofasi hozircha aniqlashtirilmagan. Yaponiyaning Yomiuri nashri hukumatdagi manbalarga tayanib, raketa mamlakat hududiga zarar yetkazmaganini bildirdi.

Bu Pxenyan tomonidan so‘nggi ikki hafta ichida amalga oshirilgan ikkinchi raketa sinovidir. Birinchi sinov 22-oktabrda Janubiy Koreyada o‘tgan APEC sammiti arafasida o‘tkazilgandi.

O‘tgan yil oktabr oyida ham Shimoliy Koreya qit’alararo ballistik raketani sinovdan o‘tkazgan. Mamlakat yetakchisi Kim Chen In o‘shanda bu harakatni dushmanlarga javob deb atagan.

Avvalroq Kursiv Uzbekistan Shimoliy Koreya rahbarining singlisi AQShga tahdid qilgani...

Samsung kompaniyasi birinchi bo‘lib yangi LPDDR6-10700 xotira chiplarini namoyish qildi. Bu haqda GES xabar bermoqda.

Ushbu xotira LPDDR5 avlodidan taxminan 21 foiz tezroq bo‘ladi. Chiplar 12 nm tex jarayonida ishlab chiqariladi.

Yangi LPDDR6-10700 nafaqat smartfonlar va noutbuklarning umumiy ishlashini yaxshilaydi, balki iGPU grafik bloklarining samaradorligini ham oshiradi. Chunki grafik qismlar aynan tezkor xotira tezligiga juda bog‘liq.

Kompaniya, shuningdek, M.2 2242 formatidagi yangi PM9E1 SSD haqida ham ma’lumot berdi. Qurilma PCIe 5.0 interfeysini qo‘llab-quvvatlaydi. Yozish tezligi 14,8 GB/s, o‘qish tezligi esa 13,4 GB/s gacha yetadi. Hajm variantlari 4 TB gacha bo‘ladi.

PM9E1 Presto kontrolleri va yangi V8 TLC V-NAND xotirasiga...

Gunvor Group AQSh bosimi kuchayganidan so‘ng Rossiyaning «Lukoil» kompaniyasiga tegishli xorijdagi aktivlarni xarid qilishdan voz kechdi. Bu haqda kompaniya X ijtimoiy tarmog‘ida e’lon qildi.

Kiprda ro‘yxatdan o‘tgan Gunvor 6-noyabr kuni tarqatgan bayonotida «Lukoil»ning xorijiy biznesini sotib olishga oid taklifni qaytarib olganini bildirdi. Qaror AQSh Moliya vazirligi kompaniyani «Kreml qo‘g‘irchog‘i» deb atab, Ukrainadagi urush tugamaguncha unga litsenziya berilmasligini ma’lum qilganidan keyin qabul qilingan.

AQSh Moliya vazirligi o‘z pozitsiyasini prezident Donald Trampning urush zudlik bilan to‘xtatilishi kerak degan fikri bilan asoslab, Gunvorni Rossiya bilan aloqalarni saqlab qolayotganlikda aybladi. Kompaniya esa bu da’volarni rad etib, o‘tgan o‘n yil davomida Rossiyadagi barcha aktivlarini...

O‘zbekistonda xalqaro mobil to‘lov tizimlari Apple Pay va Google Pay xizmatlarini ishga tushirish bo‘yicha amaliy ishlar boshlangan. Bu haqda Shavkat Mirziyoyevning AQShga amaliy tashrifi doirasidagi uchrashuvlarida ma’lum qilindi.

Prezident Shavkat Mirziyoyev Vashingtonda Amerika kompaniyalari, investitsiya fondlari hamda moliya institutlari rahbarlari bilan uchrashuvlar o‘tkazdi. Muzokaralar chog‘ida O‘zbekistonda zamonaviy raqamli to‘lov tizimlarini joriy etish, xususan, Apple Pay va Google Payni mahalliy bank infratuzilmasiga integratsiya qilish masalasi muhokama qilindi.

Bundan tashqari, tomonlar O‘zbekistonda Raqamli akademiya tashkil etish va startap-hablar tarmog‘ini yo‘lga qo‘yish bo‘yicha ham kelishib oldilar. Mazkur loyihalarni moliyalashtirish jarayoniga DFC hamda AQSh Eksimbanki jalb etilishi rejalashtirilmoqda.

Ma’lumot uchun, O‘zbekistonda xalqaro onlayn...

Hukumat qarori bilan xalqaro pochta va kuryerlik jo‘natmalarini bojxona nazoratidan o‘tkazish tartibi belgilandi. Bu haqda Adliya vazirligi xabar berdi.

Unga ko‘ra, endi pochta va kuryerlik jo‘natmalarida yuboriladigan va chegara orqali olib o‘tiladigan barcha tovarlar bojxona nazoratidan o‘tishi shart. Pochta aloqasi operatori yoki ekspress tashuvchi jo‘natmalarni bojxona organlariga bojxona ko‘rigidan o‘tkazish uchun taqdim qiladi. Shundan so‘ng jo‘natmalar bojxona postiga yetkaziladi.

Jo‘natmalarni tashish, yuklash, tushirish, saqlash va boshqa ishlar bilan bog‘liq xarajatlar pochta operatori yoki ekspress tashuvchi hisobidan qoplanadi. Bojxona organlari xavfni boshqarish tizimi asosida jo‘natmalarni «qizil», «sariq» va «yashil» yo‘laklar orqali nazorat qiladi.

Avvalroq Korrupsiyaga qarshi kurashish agentligi Davlat aktivlarini...

IM Motors tomonidan yangi IM LS9 avtomobili 12-noyabr kuni Xitoy bozoriga chiqariladi. Bu haqda CarNewsChina xabar bermoqda.

Qanday narxda sotiladi

Modelning cheklangan muddatli oldindan narxi 336 900 yuandan ($47 ming) boshlanadi. Eng qimmat versiya 366 900 yuan ($51 ming) bo‘ladi. Oldindan buyurtmalar 4-noyabrda ochilgan edi va 30 daqiqada 8 mingdan ortiq buyurtma tushganini kompaniya bildirdi.

O‘ziga xos xususiyatlari

Modelning eng qiziq jihati uning orqa qismiga o‘rnatilgan mini dush tizimi. Bagaj qopqog‘i ochilganda maxsus chodir osiladi. 10 litr suv sig‘imli bak 1200 Vt element yordamida 10 daqiqada 45 darajaga qiziydi. Suv zaxirasi taxminan bir daqiqa yetadi. Bu asosan...

Huawei va BAIC hamkorligida yaratilgan Stelato brendi Xitoyda yangilangan Huawei Stelato S9 avtomobili uchun oldindan buyurtmalarni qabul qila boshladi.

Narxlar 318 ming yuandan ($44 ming) boshlanadi. Model yangilangan dizayn va Huawei’ning ADS 4.0 avtopilot tizimiga ega bo‘ldi.

Stelato S9 premium segmentda Mercedes-Benz S-Class, BMW 7-Series va Audi A8 bilan raqobat qiladi. Uzunligi 5160 mm, kengligi 2005 mm, balandligi 1492 mm. G‘ildiraklar bazasi 3050 mm bo‘ladi.

Modelda 36 ta sensor bor. Ularga to‘rtta lidar, millimetr to‘lqinli 4D radar va tashqi mikrofonlar kiradi. Mashina Huawei Qiankun Intelligent Driving tizimi bilan ishlaydi. U L3 darajasiga yaqin xavfsiz avtopilot funksiyalarini taklif qiladi.

Amerikaning Diversity Visa (DV) dasturiga ariza berish jarayonida ba’zi o‘zgarishlar joriy qilinmoqda. Bu haqda AQSh davlat departamenti xabar berdi.

Unga ko‘ra, DV-2027 uchun ro‘yxatga olish davrining boshlanish sanasi va tanlov natijalari qachon e’lon qilinishi mumkinligi tez orada ma’lum qilinadi.

Mazkur o‘zgarishlar DV-2027’ga tanlab olingan shaxslarning vizaga ariza topshirish muddatiga ta’sir qilmaydi. Vizaga ariza topshirish davri 2026-yil 1-oktabrdan 2027-yil 30-sentabrgacha davom etadi.

Eslatib o‘tamiz, 2025-yil 16-oktabrdan boshlab Diversity Visa (Green Card) lotereyasida qatnashuvchi barcha ishtirokchilar $1 miqdorida elektron ro‘yxatdan o‘tish uchun to‘lov qiladi.

Davlat departamenti ma’lumotiga ko‘ra, yangi tartib DV lotereyasining xarajatlarini adolatli taqsimlash uchun joriy...

O‘zbekiston va AQSh uran, mis, volfram, molibden va grafitni qazib olish hamda chuqur qayta ishlash bo‘yicha hamkorlik qiladi. Bu haqda prezident matbuot xizmati xabar berdi.

Shavkat Mirziyoyev AQShga amaliy tashrifi doirasida yirik amerikalik kompaniyalar, investitsiya fondlari va moliyaviy institutlar vakillari bilan uchrashuv o‘tkazdi. Uchrashuvda AQSH savdo vaziri Govard Latnik, prezidentning maxsus yordamchisi Rikki Gil, elchi Paolo Zampolli va boshqa rasmiylar ishtirok etdi.

Prezident ikki mamlakat o‘rtasidagi tovar ayirboshlash hajmi so‘nggi sakkiz yilda to‘rt baravar oshganini ta’kidladi.

Hozirda O‘zbekistonda 300 dan ortiq amerika kompaniyasi faoliyat yuritmoqda. Davlat rahbarining so‘zlariga ko‘ra, O‘zbekiston 2030-yilgacha 18–20 GVt quvvatdagi qayta tiklanuvchi energiya tizimini...

Xpeng kompaniyasi tomonidan Xpeng X9 MPV modelining benzin-generatorli elektromobil versiyasini rasman taqdim etildi. Bu haqda CarNewsChina xabar bermoqda.

Model uchun oldindan buyurtmalarni qabul qilishni boshlangan. Narxlar 350 ming yuandan ($49 ming) boshlanadi. Yuqori 1602 Ultra versiyasi 370 ming yuan ($51,8 ming) turadi.

Yangi model to‘liq elektr X9 platformasiga asoslanadi. Unda Xpeng’ning Kunpeng Super Range Extension Technology tizimi qo‘llangan. 800 voltli platforma va 5C tez zaryadlash imkoniyati mavjud. CLTC standartida 452 km sof elektr yurish, umumiy esa 1602 km masofa ko‘rsatilgan.

Tashqi ko‘rinish

EREV versiyasi old panjarasi kattalashtirilgani bilan farq qiladi. Aktiv ikki bo‘limli panjara va qo‘shimcha sovutish...

Hongqi kompaniyasi HS6 gibrid modeli eng uzoq masofani bir martalik quvvat va to‘liq bak bilan bosib o‘tish bo‘yicha Guinness rekordini o‘rnatganini ma’lum qildi. Bu haqda CarNewsChina xabar bermoqda.

Avtomobil 30-oktabr kuni Shangri-Ladan yo‘lga chiqib, Kunmin, Bayse va Vuchjou shaharlaridan o‘tib, 3-noyabr kuni Guanchjouga yetib bordi. Umumiy masofa 2327,343 km bo‘ldi.

Modelning Xitoyda oldindan buyurtma qabul qilish jarayoni 15-noyabrda boshlanadi. HS6 PHEV besh o‘rinli SUV sifatida taqdim etiladi.

Modelning texnik xususiyatlari

Hongqi HS6 PHEV yopiq panjarali, 12 ta xrom vertikal chiziqli old dizaynga ega. O‘lchamlari 4995×1960×1760 mm, g‘ildirak bazasi 2920 mm. Og‘irlik variantlari 2040, 2160 va 2285 kg.

Avtomobil...

Birlashgan Millatlar Tashkiloti Xavfsizlik Kengashi Suriya prezidenti Ahmad Ash-Shara va Ichki ishlar vaziri Anas Xattabga nisbatan joriy etilgan sanksiyalarni bekor qildi. Bu haqda Reuters xabar berdi.

Ma’lumotlarga ko‘ra, Ash-Shara dushanba kuni Oq Uyda AQSh prezidenti Donald Tramp bilan uchrashadi. Tramp Shara faoliyatini ijobiy baholab, sanksiyalarning bekor qilinishi Suriyaga yangi imkoniyatlar yaratishini ta’kidladi.

«Suriya juda murakkab hudud, lekin Shara bilan yaxshi til topisha oldik. U mamlakat boshqaruvida muhim natijalarga erishdi», — dedi Tramp uni maqtov bilan tilga olib.

Qabul qilingan rezolyutsiya Shara va Xattabga qo‘yilgan sayohat cheklovi, aktivlarni muzlatish va qurol embargosini bekor qiladi. Shu...

AQSh va O‘zbekiston o‘rtasidagi savdo kelishuvi bir qator kompaniyalarning aksiyalariga ta’sir qilishi mumkin. Avvalroq AQSh prezidenti Donald Tramp o‘zining Truth Social ijtimoiy tarmog‘ida O‘zbekiston bilan yangi savdo va investitsiya bitimi imzolangani haqida xabar qoldirgandi.

Trampning yozishicha, kelgusi uch yil ichida O‘zbekiston AQSh iqtisodiyotiga qariyb $35 milliard miqdorida sarmoya kiritadi. Keyingi o‘n yil davomida esa umumiy investitsiyalar hajmi $100 milliarddan oshishi kutilmoqda.

«Bu mablag‘lar AQShning asosiy sohalariga — muhim minerallar, aviatsiya, avtomobil ehtiyot qismlari, infratuzilma, qishloq xo‘jaligi, energetika, kimyo va axborot texnologiyalariga yo‘naltiriladi», — deb yozdi Tramp.

Bu fond bozoriga qanday ta’sir qiladi

TipRanks xabariga...

AQSh prezidenti Donald Tramp Eron AQSh sanksiyalarini bekor qilish bo‘yicha muntazam murojaat qilayotganini aytdi. Bu haqda Reuters xabar berdi.

Trampning aytishicha, Tehron og‘ir sanksiyalar bosimi ostida o‘z rejalari bo‘yicha harakat qila olmayapti va AQSh bu masalani ko‘rib chiqishga ochiq.

Biroq Eron Oliy rahbari Oyatulloh Ali Xomanaiy AQSh Isroilni qo‘llashni davom ettirar ekan va Yaqin Sharqdagi siyosiy jarayonlarga aralashishda davom qilsa, ikki tomon o‘rtasida hech qanday hamkorlik bo‘lishi mumkin emasligini ta’kidladi.

Shu bilan birga, Tramp ikkinchi prezidentlik muddatida Eronga nisbatan maksimal bosim siyosatini davom ettirib, Tehronning yadro dasturini cheklashga urinmoqda.

Eslatib o‘tamiz, avvalroq Britaniya Eronning yadro dasturiga aloqador 71 shaxs va...

NIO kompaniyasining Onvo L60 elektromobili ilk bor O‘zbekiston bozoriga chiqdi. Bu haqda EV (Electriv-Vechicles) nashri xabar bermoqda.

Chorshanba, 5-noyabr kuni L60 elektromobillarining dastlabki partiyasi Toshkentga yetib kelgani tasdiqlandi. O‘zbekiston Onvo uchun birinchi xalqaro bozorga aylandi.

Bu yangilik ikki hafta avval Li Auto kompaniyasi O‘zbekiston va Qozog‘istonga kirganini e’lon qilganidan keyin paydo bo‘ldi.

O‘zbekistondagi biznes modeli

NIO guruhi avgust oyida O‘zbekistonga kirishini rasman ma’lum qilgan edi. Unga ko‘ra, guruhning NIO, Onvo va yangi Firefly brendlari mamlakat bozoriga chiqariladi.

Ushbu kompaniya yirik savdo-logistika tarmog‘i, ko‘plab savdo maydonchalari va avtomobil savdosidagi faoliyati bilan tanilgan.

Shuningdek, NIO O‘zbekistonda ET5 va ET5 Touring...

Nubia yangi flagmani Nubia Z80 Ultra modelining global savdosi boshlanganini e’lon qildi. Bu haqda Gizmochina xabar bermoqda.

Model o‘tgan oy Xitoyda taqdim etilgan edi. Xalqaro bozorda sotuvlar 2-dekabrgacha davom etadigan maxsus kampaniya bilan start oldi. Dastlabki xaridorlar original quvvatlagich va premium g‘ilofni bepul oladi.

Z80 Ultra 6,85 dyuymli AMOLED ekran bilan jihozlangan. Old kamera sakkizinchi avlod ekran ostiga joylashtirilgan, shu sabab ekranda hech qanday o‘yiq yo‘q. Ekran 1,5K aniqlik va 144 Hz yangilanish tezligini taklif qiladi.

Asosiy kamera o‘ziga xos — 35 millimetrlik obyektivga ega. Smartfon Snapdragon 8 Elite Gen 5 protsessori bilan ishlaydi. 7200 mA/soat sig‘imli batareya...

Qozog‘iston prezidenti Qosim-Jomart To‘qayev AQSh prezidenti Donald Tramp bilan Oq uyda uchrashib, ikki tomonlama hamkorlik va xalqaro masalalarni muhokama qildi. Bu haqda Central Asia meadia ma’lum qildi.

To‘qayev Trampga Vashingtonga taklif va mehmondo‘stlik uchun minnatdorlik bildirdi hamda TRIPP tashabbusini qo‘llab-quvvatlashini aytdi.

Uchrashuv doirasida Qozog‘iston va AQSh o‘rtasida $17 mlrddan ortiq savdo kelishuvlari imzolandi. Prezidentlar iqtisodiyot, savdo, transport, energetika va xalqaro tinchlik masalalarini muhokama qildi.

Tashrif davomida To‘qayev AQSh davlat kotibi Marko Rubio, AQSh prezidentining Janubiy va Markaziy Osiyo bo‘yicha maxsus vakili Serjio Gor bilan uchrashdi, global IT-startaplar asoschilari bilan muloqot qildi va Kongress delegatsiyasi bilan uchrashuv o‘tkazdi.

Eslatib o‘tamiz...