Yangiliklar

Xitoyning yirik avtomobil ishlab chiqaruvchisi GAC tomonidan GAC Trumpchi S9 gibrid avtomobili savdoga chiqarildi. Bu haqda «Kitayskie avtomobili» xabar bermoqda.

Yangi krossover to‘rtta komplektatsiyada taqdim etilgan bo‘lib, narxi 229,8 ming yuandan 259,8 ming yuangachani ($32 ming – $36 ming) tashkil qiladi.

Trumpchi S9 minimalistik old optikasi, tomdagi lidar va avtomatik chiqib keladigan eshik tutqichlari bilan ajralib turadi. Salon esa besh yoki olti o‘rindiqli variantlarda bo‘ladi. Orqa yo‘lovchilar uchun alohida ekranlar ham qo‘yilgan.

Model 1,5 litrli benzinli motor va ikkita elektromotordan iborat gibrid tizimga ega. Umumiy quvvati 500 ot kuchini tashkil qiladi. Batareya faqat elektr rejimida 252 km masofa, umumiy...

Prezidentning «Korrupsiyaga qarshi kurashish sohasida fuqarolik jamiyati institutlarining ishtirokini yanada kengaytirish va ilmiy tadqiqotlarni qo‘llab-quvvatlash chora-tadbirlari to‘g‘risida»gi qarori qabul qilindi. Bu haqda Adliya vazirligi ma’lum qildi.

Qarorga muvofiq, BMTning Korrupsiyaga qarshi konvensiyasi talablarining bajarilishini monitoring qilishga nodavlat notijorat tashkilotlari (NNT) jalb etiladi hamda ular tomonidan muqobil baholash tizimi joriy qilinadi.

Shuningdek, har yili 1-aprelga qadar NNTlarning korrupsiyaga qarshi loyihalari bo‘yicha takliflar va ular amalga oshirgan tadqiqotlar haqidagi ma’lumotlar Milliy kengashga taqdim etib boriladi.

Bundan tashqari, Korrupsiyaga qarshi kurashish muammolari bo‘yicha mintaqaviy tadqiqot markazi nodavlat tashkiloti tashkil etiladi. Markazning asosiy vazifasi aholining, ayniqsa, yoshlarning bu boradagi faolligini oshirish va jamiyatda...

So‘nggi kunlarda ijtimoiy tarmoqlarda tarqalgan «15 yoshli qizni kim turmushga berdi?» sarlavhasi ostidagi xabarlarga Ijtimoiy himoya milliy agentligi rasmiy munosabat bildirdi.

Unga ko‘ra, bu holat Denov tumanidagi Ozod mahallasida yashovchi qiz bilan bog‘liq ekani aniqlangan. 2025-yil iyul oyida mahalla yettiligi va ijtimoiy xodimlar tomonidan qizning turmushga berilishi qonun hujjatlariga zid ekani ta’kidlangan va oilaga ogohlantirish berilgan.

Shunga qaramay, 10-avgust kuni nikoh marosimi o‘tkazilgan. Holat bo‘yicha mahalliy profilaktika inspektori qonunchilikka muvofiq ma’muriy javobgarlik chorasi qo‘llab, aybdorlarga jarima belgilagan.

Hozirda ushbu qiz Denov tumanidagi kasb-hunar maktabida ta’lim olmoqda, uning huquqlari va ta’lim jarayoni mutasaddilar tomonidan doimiy nazoratga olingan.

Avvalroq «Kursiv» nashri...

Huawei kompaniyasi tomonidan Hamyonbop va bukiluvchi Huawei Nova Flip S taqdim etilishi kutilmoqda. Bu haqda Gizmochina ma’lum qildi.

Yangi qurilma 12 GB tezkor xotira bilan birga 256 GB, 512 GB yoki 1 TB sig‘imli variantlarda taqdim etiladi. Smartfon HarmonyOS 5.0 operatsion tizimida ishlaydi va avvalgi Nova Flip’dagi Kirin 8 seriyasidan kuchliroq protsessor bilan ta’minlanishi kutilmoqda.

Nova Flip S bozorda eng arzon bukiluvchi smartfonlardan biri bo‘ladi. Uning narxi taxminan 5000 yuan (700 dollar) atrofida bo‘lishi aytilmoqda.

Model bir nechta ranglarda sotuvga chiqariladi: pushti, oq, osmon moviy, qora va yashil. Bu esa uni keng auditoriya uchun mo‘ljallanganini anglatadi.

Eslatib o‘tamiz, Kursiv...

Ispaniya kompaniyasi O‘zbekistonda baliq yetishtirish klasterini tashkil etadi. Bu kelishuvga O‘zbekiston elchisi Farrux Tursunov Ispaniyaning Feeding Systems S.L. kompaniyasi asoschisi Fransisko Vilor bilan bo‘lgan uchrashuvda kelishdi.

Uchrashuvda O‘zbekistonda baliqchilik sohasini rivojlantirish bo‘yicha hamkorlik masalalari muhokama qilindi. Fransisko Vilor mamlakatda baliqchilik, chorvachilik va parrandachilikda zamonaviy texnologiyalarni joriy etishga qiziqish bildirdi. Shu bilan birga, u baliq yetishtirish, qayta ishlash, muzlatish va eksportga tayyorlashgacha bo‘lgan to‘liq ishlab chiqarish zanjirini yaratish taklifini berdi.

Elchi Farrux Tursunov ayrim jihozlarni O‘zbekistonda ishlab chiqarish imkoniyatini ko‘rib chiqishni taklif qildi. Bu xarajatlarni kamaytirish, yangi ish o‘rinlari yaratish va texnologiyalarni tezroq joriy etishga yordam beradi.

Tomonlar bir oy...

Germaniyaning Brabus kompaniyasi Mercedes-AMG G 63 bazasida yaratilgan yangi XLP 800 Adventure pikapini namoyish qildi. Bu haqda Tarantas.news nashri xabar berdi.

Avtomobil narxi $1 milliondan yuqori, quvvati esa 800 ot kuchiga teng. Yangi model o‘zining ochiq yukxonasi, yangilangan bamperlari, kapoti va radiator panjarasi bilan ajralib turadi. Pikap 22 dyuymli g‘ildiraklar, 325/55 o‘lchamdagi off-road shinalari va yuqoriga o‘rnatilgan qo‘shimcha faralar bilan jihozlangan.

Salondagi charm va karbon qoplamalar interyerni avtomobilni yanada qimmatbaho qiladi. Kapoti ostida takomillashtirilgan 4,0 litrli, ikkita turbinali V8 dvigateli joylashtirilgan bo‘lib, u 1000 Nm moment ishlab chiqaradi.

Pikap 0 dan 100 km/soat tezlikka 4,5 soniyadan sal ko‘proq vaqtda...

18-sentabr kuni Toshkent shahrida O‘zbekiston energetika vaziri Jo‘rabek Mirzamahmudov va Tojikiston energetika va suv resurslari vaziri Daler Juma uchrashuvi bo‘lib o‘tdi. Bu haqda Energetika vazirligi ma’lum qildi.

Muzokaralarda ikki tomonlama energetika hamkorligi, elektr energiyasi almashinuvi va mavjud quvurlarni modernizatsiya qilish masalalari ko‘rib chiqildi. Xususan, 2025 – 2026-yillar kuz-qish mavsumida energetika tizimlari faoliyatini muvofiqlashtirish, qo‘shimcha quvvatlarni ishga tushirish va mintaqada barqaror ta’minotni ta’minlash imkoniyatlari muhokama qilindi.

Uchrashuv yakunida tomonlar ikki mamlakat xalqlari manfaatlari yo‘lida qardoshlik va strategik munosabatlarni mustahkamlash haqida fikr almashdi.

Eslatib o‘tamiz, avvalroq O‘zbekiston va Germaniya iqlim, energetika va investitsiya sohalarida hamkorlik qilishi haqida yozgan edik.

Apple kompaniyasi tomonidan yaqinda taqdim etilgan iPhone Air smartfoni mashhur bloger JerryRigEverything tashkil etgan sinovdan o‘tdi. Bloger videoni YouTube sahifasida e’lon qildi.

Qalinligi atigi 5,6 mm bo‘lgan model ko‘pchilikni iPhone 6 Plus’dagi kabi egilish muammosi takrorlanishi mumkinligi bilan xavotirga solgan edi.

Sinov chizishdan boshlandi. Ceramic Shield 2 himoya oynasi Mohs shkalasi bo‘yicha 7-darajagacha chizishga bardosh berdi. Bu ko‘rsatkich ko‘plab flagmanlardan, jumladan, Samsung Galaxy S25 Ultra’dagi Gorilla Armor 2’dan yuqori.

Titana asoslangan Air Grade 5 ramka reklamada aytilganidek mustahkamligini isbotladi. Old tomondan bosim berilganda telefon biroz egildi, biroq tezda asl holatiga qaytdi. Orqa tomondan bosilganda esa umuman egilmadi.

Apple katta...

O‘zbekistonda aholi va qishloq xo‘jaligini ro‘yxatga olish 2026-yil 15-yanvar holatiga ko‘ra o‘tkaziladi. Tadbir 2026-yil 15-yanvardan 28-fevralgacha davom etadi. Bu haqda prezident farmoni qabul qilindi.

Ro‘yxatga olishni tashkil etish bo‘yicha respublika komissiyasi tuziladi. Jarayonga «mahalla yettiligi» tizimi xodimlari jalb etiladi. Ular 2025-yil 15-dekabrdan 2026-yil 1-martgacha ishlaydi va planshetlardan foydalanib ro‘yxatga olishni amalga oshiradi.

Davlat organlari va tashkilotlari esa 2026-yil 15 – 31-yanvar kunlari barcha xodimlarini census.stat.uz portalida ro‘yxatdan o‘tkazishi shart bo‘ladi.

Shuningdek, tuman va shaharlarda ro‘yxatga olish shtablari tashkil etilib, ularning faoliyati muntazam nazorat qilinadi.

Avvalroq Kursiv Uzbekistan Namanganda o‘tkazilgan «Kambag‘allikdan farovonlik sari» III xalqaro forumida mutaxassislar O‘zbekiston kelgusi...

Tijorat banklari 22-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.

Xitoyning BYD kompaniyasi tomonidan BYD Yangwang U9 Xtreme avtomobili taqdim etildi. Bu haqda CarNewsChina xabar bermoqda.

Ushbu avtomobil tarixdagi eng tezkor seriyali mashina sifatida qayd etilgan. Sentabr oyida Germaniyadagi Automotive Testing Papenburg poligonida o‘tkazilgan sinovlarda U9 Xtreme 496,22 km/soat tezlikka chiqdi. Bu natija avvalgi rekordchi Bugatti Chiron Super Sport 300+’ning 490,5 km/soat ko‘rsatkichidan yuqori bo‘ldi. Shuningdek, mashina Nyurburgring trassasida 6:59.157 daqiqada aylanishni amalga oshirib, Xiaomi SU7 Ultra ko‘rsatkichidan (7:04.957) o‘zib ketgan.

U9 Xtreme faqat 30 dona ishlab chiqariladi va ular xalqaro bozorlarga chiqarilishi rejalashtirilgan. Bu uni nafaqat texnologik yutuq, balki kolleksionerlar uchun ham noyob avtomobilga aylantiradi.

Model mavjud Yangwang...

22-sentabr kuni Toshkent vaqti bilan soat 07:04:58 da O‘zbekistonda zilzila sodir bo‘ldi. Bu haqda Seysmoprognostik monitoring markazi ma’lum qildi.

Unga ko‘ra, zilzila episentri Toshkentdan 265 km janubiy-sharqda bo‘lib, sezilish kuchi 2 ballni tashkil etdi.

Zilzilaning magnitudasi 3,3 ni tashkil etgan bo‘lsa, chuqurligi 10 km edi. Episentri Qirg‘iziston Respublikasi Botken viloyati bo‘ldi.

Zilzila quyidagi ikkita viloyatda sezildi:

Episentrning aniq koordinatalari: 40,09 N, 71,95 E. Zilzila oqibatida jiddiy shikastlanishlar haqida hozircha ma’lumot yo‘q.

Avvalroq «Kursiv» nashri O‘zbekistonda 3,9 magnitudali zilzila sodir bo‘lgani haqida yozgandi.

18-sentabr kuni Yakkasaroy tumani jinoyat sudi mushukka nisbatan shafqatsizlik qilgan chet el fuqarosiga 5 sutka ma’muriy qamoq jazosiga hukm qilindi. Bu haqda «Mehr va Oqibat» hayvonlarni himoya qilish jamiyati ma’lum qildi.

Unga ko‘ra, hukmdan keyin xitoylik shaxsning advokatlari tomonidan jazoni jarimaga almashtirish uchun apellyatsiya shikoyati berildi. Biroq 20-sentabr kuni Toshkent shahar jinoyat sudi shikoyatni rad etdi va qamoq haqidagi qarorni o‘z kuchida qoldirdi.

Jamiyat yuristi Dilshodbek Asadullayev sud jarayonida ishtirok etdi. Jamiyat ushbu qarorni qo‘llab-quvvatlab, mazkur fuqaroning O‘zbekistondan deportatsiya qilinishiga ham erishishga harakat qilmoqda.

Ma’lumot uchun, 16-sentabrdan 17-sentabrga o‘tar kechasi Xitoy fuqarosi idishda ushlab turilgan mushukka bir necha bor...

Afg‘oniston poytaxti Kobul shahrida ilk bor o‘zbek milliy taomlari restorani ish boshladi. Bu haqda «Dunyo» AA ma’lum qildi.

Ushbu tamaddixona vatandoshimiz Dilfuza Boqiyeva va uning turmush o‘rtog‘i tomonidan O‘zbekiston elchixonasi ko‘magida tashkil etildi.

Kobulda ikki mingdan ortiq restoran va kafe faoliyat yuritadi, biroq o‘zbek milliy taomlari taklif qiluvchi muassasa shu paytgacha mavjud emas edi. Restoranning qurilish va bezatish jarayonida barcha ashyolar O‘zbekistondan keltirildi. Interyer adras matosi bilan bezatilgan bo‘lib, mehmonlarda katta taassurot qoldirmoqda.

Ochilish marosimida poytaxtdagi o‘zbek jamoatchiligi vakillari ham qatnashdi. Afg‘on tomoni mazkur tashabbusni yuqori baholab, O‘zbekistonning milliy qadriyatlarni xorijda targ‘ib etish borasidagi sa’y-harakatlarini e’tirof etdi.

Eslatib o‘tamiz...

Londonda O‘zbekiston Migratsiya agentligi direktori Behzod Musayev va Buyuk Britaniya «Mehnat ta’minotchilari uyushmasi» (ALP) rahbari Devid Kemp uchrashuvi bo‘lib o‘tdi. Bu haqda «Dunyo» AA ma’lum qildi.

Muloqot chog‘ida qishloq xo‘jaligi va qayta ishlash sohalarida ishlayotgan o‘zbekistonlik fuqarolarning huquq va manfaatlarini himoya qilish, noqonuniy agentliklardan saqlash, ish haqi va mehnat sharoitlarini qonuniy kafolatlash masalalari muhokama qilindi.

Shuningdek, mavsumiy mehnat vizalari asosida ishchilarni jalb qilish jarayonlarini samarali yo‘lga qo‘yish, ularga huquqiy va axborot ko‘magini kuchaytirish hamda ikki tashkilot o‘rtasida doimiy hamkorlikni yo‘lga qo‘yish bo‘yicha kelishuvga erishildi.

Eslatib o‘tamiz, avvalroq O‘zbekiston va Germaniya iqlim, energetika va investitsiya sohalarida hamkorlik qilishi haqida...

Davlat xavfsizlik xizmati, Bosh prokuratura va boshqa idoralar hamkorligida o‘tkazilgan tezkor tadbirlarda bojxona hamda soliq organlari xodimlarining noqonuniy harakatlari fosh etildi. Bu haqda DXX matbuot xizmati ma’lum qildi.

Unga ko‘ra, Toshkent viloyati «Navoiy» chegara bojxona posti inspektori 7 kg oltinni bojxona nazoratidan yashirish evaziga 5 ming dollar olayotganda qo‘lga olindi. Unga nisbatan jinoiy ish qo‘zg‘atilib, qamoqqa olindi.

Shayxontohur tumanida esa soliq inspeksiyasi bosh inspektori tadbirkorning faoliyatini to‘xtatib berish evaziga $2,5 ming talab qilgan. Pulni olayotganida dalillar bilan ushlandi.

Shuningdek, Mirobod tumanida soliq inspektori savdo do‘konidan soliq tekshiruvlarini amalga oshirmaslik uchun 10 mln so‘mni o‘z plastik kartasiga o‘tkazayotgan paytida qo‘lga...

Germaniya Bundesligasining 4-turidan oʻrin olgan bahsda Dortmundning «Borussiya» klubi oʻz maydonida «Volfsburg»ni qabul qildi va yakunda 1:0 hisobida gʻalaba qozondi.

Uchrashuvda hisob 20-daqiqada Karim Adeyemi tomonidan ochildi. Ushbu gol o‘yin yakunigacha yagonaligini saqlab qoldi.

Shu tariqa «Borussiya Dortmund» ushbu gʻalabadan soʻng oʻz ochkolari hisobini 10 taga yetkazib, turnir jadvalida ikkinchi oʻringa koʻtarilib oldi. «Volfsburg» esa 5 ochko bilan 12-o‘rinda bormoqda.

Bundesliga. 4-tur

«Borussiya D» – «Volfsburg» 1:0

Gol: Adeyemi (20).

Borussiya — Kobel, Anton, Shlotterbek, Bensebayni, Ryerson, Zabitser (O’zjan, 90), Nmecha (Bellingem, 77), Svensson, Adeyemi (Brandt, 77), Beyer (Chukvuemeka, 65), Girasi.

Volfsburg — Grabara, Fisher, Jenz, Kulirakis, Mehle (Peychinovich...

Italiya A Seriyasining 4-turidan oʻrin olgan bahsda «Inter» oʻz maydonida «Sassuolo»ni qabul qildi va 2:1 hisobda gʻalaba qozondi.

Uchrashuvda hisob 14-daqiqada Federiko Dimarko tomonida ochildi. 81-daqiqada Tarik Muharemovich kutilmaganda oʻz darvozasini ishgʻol qilib qoʻydi.

84-daqiqada esa Valid Cheddira mehmonlarning yagona javob toʻpiga mualliflik qildi.

Shu tariqa «Inter» ushbu gʻalabadan soʻng oʻz ochkolari hisobini 6 taga yetkazib, 10-oʻringa koʻtarilib oldi. «Sassuolo» esa 3 ochko bilan 14-o‘rinda bormoqda.

A Seriya. 4-tur

«Inter» – «Sassuolo» 2:1

Gollar: Dimarko (14), Muharemovich (avt. 81) — Cheddira (84).

Inter — Martines, Akanji, Acherbi, Augusto, Dimarko, Suchich, Chalhanoʻgʻli (Frattezi, 65), Barella, Dyumfris (Enrike, 65), Tyuram (Martines...

Ispaniya La Ligasi 5-turidan oʻrin olgan bahsda «Barselona» oʻz maydonida «Xetafe»ni qabul qildi va yirik 3:0 hisobida gʻalaba qozondi.

Uchrashuvda hisob 15-daqiqada Ferran Torres tomonidan ochildi. 34-daqiqada uning oʻzi dublni rasmiylashtirdi.

Ikkinchi boʻlim oʻrtalarida Dani Olmo Markus Reshfordning qulay uzatmasidan soʻng hisobni yirik koʻrinishga olib keldi.

«Barselona» ushbu gʻalabadan soʻng oʻz ochkolari hisobini 13 taga yetkazib oldi va turnir jadvalida «Real»ni ta’qib etishda davom etmoqda. «Xetafe» esa 9 ochko bilan 8-o‘rinni band etgan.

La Liga. 5-tur

«Barselona» – «Xetafe» 3:0

Gollar: Ferran (15, 34), Olmo (62).

Barselona — Garsiya, Kunde, Erik, Kristensen, Martin (Arauxo, 83), Pedri (Barji, 76), De Yong...

Kursiv Uzbekistan hafta davomida xorijda va O‘zbekistonda yuz bergan muhim voqealarni bir joyga jamladi.

Xorijiy til sertifikatlari endi maktab imtihonlarida ham tan olinadi

Endilikda xalqaro sertifikatlar maktabdagi yakuniy imtihonlarda ham rasmiy tan olinishi belgilandi. Shavkat Mirziyoyev ishtirokidagi yig‘ilishda xalqaro sertifikatga ega yoshlar uchun imkoniyatlarni yanada kengaytirish masalasi ko‘tarildi. 

2026-yildan ayrim pedagoglarga ipoteka krediti boshlang‘ich badalining 25 foizi qoplab beriladi

Yangi yildan boshlab kamida 15 yil stajga ega oliy toifali pedagoglarga ipoteka krediti boshlang‘ich badalining 25 foizi qoplab beriladi. Bu haqda prezident matbuot xizmati xabar berdi. 

Apple iOS 26 foydalanuvchilarga taqdim etildi: yangi dizayn va imkoniyatlar

Kompaniya operatsion tizim nomlanishini avtomobil modellari...

Angliya Premyer-ligasining 5-turidan oʻrin olgan bahsda Abduqodir Husanov toʻp suradigan «Manchester Siti» safarda «Arsenal» mehmoni boʻldi va yakunda tomonlar 1:1 hisobidagi durangga imzo chekishdi.

Uchrashuvda hisob 9-daqiqada Erling Holand tomonidan ochildi. Ikkinchi boʻlimga qoʻshib berilgan daqiqalarda esa Gabriel Martinelli londonliklarni magʻlubiyatdan qutqarib qoldi.

Oʻzbekiston milliy terma jamoasi himoyachisi Abduqodir Husanov bellashuvni asosiy tarkibda boshlab, ikkinchi boʻlim boshida zaxiraga olindi.

Ushbu natijadan soʻng «Manchester Siti» oʻz ochkolari hisobini 7 taga yetkazib, onlayn turnir jadvalida 9-o‘ringa koʻtarilib oldi. «Arsenal» esa 10 ochko bilan 2-o‘rinda bormoqda.

APL. 5-tur

«Arsenal» – «Manchester Siti» 1:1

Gollar: Martinelli (90+3) — Holand (9).

Arsenal — Rayya, Timber...

Turkiya Superligasi 6-turidan oʻrin olgan bellashuvda Eldor Shomurodov va Abbosbek Fayzullayev toʻp suradigan «Istanbul Bashakshehir» oʻz maydonida «Alanyaspor»ni qabul qildi va yakunda tomonlar 1:1 hisobidagi durangga imzo chekishdi.

Dastlab hisob 29-daqiqada Shomurodov tomonidan ochildi. 51-daqiqada esa Uchenna Ogundu imkoniyatlarni tenglashtirdi.

Qayd etish lozim, Eldorning uchrashuvdagi ikkinchi goli ofsayd sabab bekor qilindi. Shuningdek, Abbosbek Fayzullayev 62-daqiqada zaxiradan maydonga tushdi.

Shu tariqa «Istanbul Bashakshehir» ushbu oʻyindan soʻng oʻz ochkolari hisobini 6 taga yetkazib, turnir jadvalida 10-o‘ringa ko’tarilib oldi. «Alanyaspor» esa 9 ochko bilan 7-oʻrinda bormoqda.

Turkiya Superligasi. 6-tur

«Istanbul Bashakshehir» — «Alanyaspor» 1:1

Gollar: Shomurodov (29) — Ogundu (51).

Bashakshehir — Muhammad...

Angliya Premyer-ligasi 5-turidan oʻrin olgan «Bornmut» va «Nyukasl» oʻrtasidagi bahs boʻlib oʻtdi va yakunda tomonlar 0:0 hisobidagi nursiz durangga imzo chekishdi.

Shu tariqa «Bornmut» ushbu natijadan soʻng oʻz ochkolari hisobini 10 taga yetkazib, onlayn turnir jadvalida 3-oʻringa koʻtarilib oldi. «Nyukasl» esa 6 ochko bilan 13-o‘rinda bormoqda.

APL. 5-tur

«Bornmut» — «Nyukasl» 0:0

Bornmut — Petrovich, Ximenes (Hill, 46), Diakite, Senesi, Truffer, Adams, Skott (Kristi, 63), Semenio Taverniye (Adli, 75), Bruks (Klyuyvert, 63), Evanilson.

Nyukasl — Poup, Tiau (Lasseles, 84), Botman, Bern, Livramento, Uillok (Barns, 62), Mayli, Tonali, Holl, Merfi (Elanga, 62), Voltemade (Osula, 84).

Ogohlantirishlar: Ximenes (45+3), Diakite (74), Tiau...

Oʻzbekistonning tashqi savdo hajmi 2025-yilning yanvar – avgust oylarida $51,4 milliardni tashkil etdi. Milliy statistika qoʻmitasi ma’lumotiga koʻra, bu oʻtgan yilning mos davriga nisbatan 19,8 foizga koʻp.

1-sentabr holatiga mamlakat $22,9 mlrdlik tovar eksport qilgan, import hajmi esa $28,4 mlrdni tashkil etgan. Eksport yillik hisobda 31,3 foiz, import esa 11,8 foizga oʻsdi.

Xitoy Oʻzbekistonning asosiy savdo hamkori boʻlib qolmoqda — $9,7 mlrdlik koʻrsatkich bilan. Ikkinchi oʻrinda Rossiya ($8,3 mlrd), uchinchi oʻrinda esa Qozogʻiston ($3 mlrd) joylashgan. Shuningdek, beshlikdan Turkiya ($1,9 mlrd) va Janubiy Koreya ($1,1 mlrd) ham oʻrin oldi.

Eksport tarkibida asosiy ulushni tovarlar (75,2%) tashkil etgan. Sanoat mahsulotlari...