Yangiliklar

Bugun, 24-iyul kuni O‘zbekiston prezidenti Shavkat Mirziyoyev 68 yoshga to‘ldi.

Davlat rahbari 1957-yil 24-iyulda Jizzax viloyatining Zomin tumanida shifokor oilasida tug‘ilgan. 1981-yili Toshkent irrigatsiya va qishloq xo‘jaligini mexanizatsiyalash muhandislari institutini tugatgan. Muhandis-mexanik mutaxassisligiga ega. Texnika fanlari nomzodi, dotsent.

Mehnat faoliyatini 1981-yilda Toshkent irrigatsiya va qishloq xo‘jaligini mexanizatsiyalash muhandislari institutida boshlab, kichik ilmiy xodim, katta o‘qituvchi, dotsent, o‘quv ishlari bo‘yicha prorektor lavozimlarida ishladi.

1992-yilda Toshkent shahrining Mirzo Ulug‘bek tumani hokimi lavozimiga tayinlandi. 1996 – 2001-yillarda Jizzax viloyati hokimi, 2001 – 2003-yillar mobaynida Samarqand viloyati hokimi lavozimlarida ishladi.

Mirziyoyev 2003-yilda O‘zbekiston Respublikasining bosh vaziri etib tasdiqlandi va ushbu lavozimga yana...

Yer qa’ridan foydalanish qoidalarini buzish holati haqida xabar bergan fuqarolar pul mukofoti bilan rag‘batlantiriladi. Bu haqda Adliya vazirligi ma’lum qildi.

Buning uchun huquqbuzarlik videoteknika orqali qayd etilib, «Geomonitoring» tizimi orqali tegishli inspeksiyaga yuborilishi kerak. Video yoki fotomateriallarda huquqbuzarlikning o‘zi, voqea joyi, vaqti hamda agar bo‘lsa, ishtirokchi shaxslar ko‘rsatilishi lozim.

Ma’lumotlar 15 ish kuni ichida ko‘rib chiqiladi. Xabar tasdiqlansa, fuqaroga huquqbuzardan undirib olingan mablag‘ hisobidan BHMning 1 baravari yoki jarimaning 5 foizi miqdorida mukofot to‘lanadi.

Eslatib o‘tamiz, avvalroq Surxondaryo va Farg‘onada noqonuniy yer savdosiga uringanlar qo‘lga olingan edi.

Google’ning yangi bukiluvchi flagmani Google Pixel 10 Pro Fold smartfonining tasvirlari internet manbalarida paydo bo‘ldi. Bu haqda Android Headlines xabar bermoqda.

Smartfon ikki rangda ko‘rsatilgan: sivo-ko‘k va pista-yashil. Model 6,4 dyuymli tashqi ekran, Tensor G5 protsessori, 5015 mA·soatli batareya, 23 Vt quvvatga ega simli va 15 Vt simsiz quvvatlash funksiyasi bilan jihozlangan.

Qurilma 20-avgust kuni Pixel 10 va Pixel 10 Pro bilan birga taqdim etilishi kutilmoqda.

Pixel 10 Pro Fold xalqaro bozorda Samsung Galaxy Z Fold7 bilan raqobat qiladi.

Eslatib o‘tamiz, Kursiv Uzbekistan Google yangi Pixel 10 smartfonlarini 20-avgustda taqdim etilishi haqida yozgan edi.

Tijorat banklari 24-iyul kungi xorijiy valyutalarni sotib olish va sotish kurslarini yangiladi. Kursiv Uzbekistan nashri eng yaxshi narxdagi valyuta kurslari haqidagi ma’lumotlarni taqdim qiladi.

Banklardan sotib olish

Banklarga sotish

Eslatib o‘tamiz, Kursiv Uzbekistan nashri 23-iyul kuni dollar kursi 58,51 so‘mga yuqorilab, 12 762,53 so‘mni qayd etgani haqida yozgan edi. Shuningdek, Markaziy bank ma’lumotlariga ko‘ra, yevro 106,78 so‘mga oshib, 14 978,11 so‘mni, rubl esa 0,23 so‘mga oshib, 162,66 so‘mni tashkil qildi.

AQShda sog‘liqni saqlash tizimiga sun’iy intellekt tatbiq qilinmoqda. Bu haqda CNN ma’lum qildi.

FDA tomonidan yaratilgan Elsa tizimi dorilar va tibbiy qurilmalarni tezroq tasdiqlashga xizmat qiladi. Biroq Elsa ba’zan mavjud bo‘lmagan tadqiqotlarni «to‘qib chiqarishi» yoki ma’lumotlarni noto‘g‘ri talqin qilishi aniqlangan.

Hozircha tizim faqat hujjatlarni umumlashtirish va uchrashuvlarni qayd etish uchun foydalanilmoqda. Mutaxassislar SIga to‘liq ishonmasdan, ehtiyotkorlik bilan ishlatishni tavsiya qilmoqda.

Eslatib o‘tamiz, avvalroq Delta aviakompaniyasi SI yordamida chipta narxlarini belgilashi haqida yozgan edik.

Navoiy, Pop va Farg‘onada o‘tkazilgan tezkor tadbirlar davomida noqonuniy valyuta ayirboshlash bilan shug‘ullangan bir nechta fuqarolar ashyoviy dalillar bilan ushlandi. Bu haqda Bosh prokuratura departamenti ma’lum qildi.

Unga ko‘ra, Navoiyda fuqaro $5 mingni 64,3 mln so‘mga sotayotgan paytda, Popda fuqaro $3,9 mingni 49,6 mln so‘mga sotib olgan paytda qo‘lga olindi. Farg‘onada esa fuqaro $4,5 mingni 57,4 mln so‘mga sotgan vaqtida ushlangan.

Barcha holatlar yuzasidan Jinoyat kodeksining 177-moddasi bo‘yicha jinoyat ishlari qo‘zg‘atilib, tergov ishlari olib borilmoqda.

Eslatib o‘tamiz, avvalroq Xorazm va Qashqadaryoda ham noqonuniy valyuta savdosi bilan shug‘ullanganlar ushlangan edi.

Henley & Partners kompaniyasi tomonidan e’lon qilingan 2025-yilgi Henley Passport Index reytingiga ko‘ra, AQSh tarixda ilk bor eng kuchli pasportlar o‘nligining oxirgi pog‘onasiga tushib qoldi. Bu haqda CNN agentligi ma’lum qildi.

Unga ko‘ra, 2014-yilda 1-o‘rinda turgan AQSh hozirda 182 ta davlatga vizasiz kirish huquqi bilan Islandiya va Litva bilan 10-o‘rinni bo‘lishmoqda.

Eng kuchli pasport reytingida Singapur yetakchilikni saqlab turibdi. Bu pasport egalariga 193 davlatga vizasiz kirish imkonini beradi. Ikkinchi o‘rinda Yaponiya va Janubiy Koreya (190 ta yo‘nalish), uchinchi o‘rinda esa Fransiya, Germaniya, Italiya, Ispaniya kabi Yevropa davlatlari (189 ta yo‘nalish) joylashgan.

Reytingning eng quyi qismida Afg‘oniston joylashgan bo‘lib, uning...

70 so‘mdan ko‘proqqa qimmatlagan dollar, noma’lum sanaga qoldirilgan asosiy stavkaga oid yig‘ilish, 3,1 foizga kamaygan gaz qazib olish hajmi, Click’ning 49 foizini sotib olgan Qozog‘iston banki – Kursiv Uzbekistan nashri tomonidan 23-iyul sanasida sodir bo‘lgan eng muhim yangilik va xabarlar bitta materialga jamlandi.

DXX raisi Afg‘oniston mudofaa vaziri bilan uchrashdi

O‘zbekiston Davlat xavfsizligi xizmati raisi Bahodir Qurbonov boshchiligidagi delegatsiya Kobulda Afg‘oniston milliy mudofaa vaziri v.b. Muhammad Yoqub Mujohid bilan uchrashdi. Bu haqda Ariana News nashri ma’lum qildi.

Uchrashuv davomida tomonlar ikki davlat o‘rtasidagi xavfsizlik sohasidagi hamkorlik, chegara hududlaridagi hamjihatlik va aloqa o‘rnatish masalalarini muhokama qildi.

O‘zbekiston Saudiya Arabistonini 3:1 hisobida mag‘lub etdi

22-iyul...

24-iyul kuni O‘zbekiston hududida kunduzgi harorat 35-43 daraja atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

23-iyul kuni Shavkat Mirziyoyev Hisob palatasi faoliyati va ijro tizimini takomillashtirishga oid taqdimot bilan tanishdi. Bu haqda davlat rahbari matbuot xizmari ma’lum qildi.

Yaqinda imzolangan farmonga binoan, palata vakolatlari kengaytirildi, moliyaviy, samaradorlik va strategik audit tizimi joriy etildi. Endilikda palata nafaqat nazorat qiluvchi, balki budjet intizomiga ko‘maklashuvchi idora sifatida faoliyat yuritadi.

Yilning birinchi yarmida 5,6 trln so‘mlik samarasiz xarajatlar qisqartirildi, byudjetga 5 trln so‘m qo‘shimcha tushum imkoniyati aniqlandi. Masofaviy audit tizimi orqali 4 trln so‘mlik kamchiliklar bartaraf etilgan.

Sun’iy intellekt, «Xalq nazorati» portali va yangi koll-markazlar yordamida kamchiliklar erta aniqlanadi. Hisob palatasi xalqaro standartlar asosida faoliyat yuritib, tashqi qarz...

21 – 22-iyul kunlari Moskvada O‘zbekiston va Rossiya aviatsiya vakillari o‘rtasida havo qatnovlarini kengaytirish bo‘yicha muzokaralar bo‘lib o‘tdi. Uchrashuvda ikki tomon amaldagi reyslar sonini oshirish va parvozlar geografiyasini kengaytirishga kelishib oldi, deya xabar bermoqda Transport vazirligi.

Kelishuvga ko‘ra, haftasiga Toshkent – Moskva yo‘nalishida 100 ta, Samarqand – Moskva 46 ta, boshqa shaharlar bo‘yicha jami 560 dan ortiq reyslar bajariladi.

Shuningdek, «uchburchak» shaklidagi parvozlarda aviakompaniyalarga 5 tagacha shaharni tanlash huquqi berildi. Yangi kelishuv ikki davlat o‘rtasidagi transport, turizm va savdo-iqtisodiy aloqalarni yanada mustahkamlashga xizmat qiladi.

Eslatib o‘tamiz, avvalroq Centrum Air Namangan – Moskva yo‘nalishida yangi aviaqatnovni yo‘lga qo‘yishi haqida...

Samsung Galaxy S26 Ultra smartfoni avvalgi model – S25 Ultra’dan ko‘ra tezroq zaryadlanadigan bo‘ladi. Bu haqda Sammobile ma’lum qildi.

Yangi model 45 Vt emas, balki 65 Vt quvvatli zaryadlashni qo‘llab-quvvatlashi kutilmoqda. Bu Samsung tomonidan Galaxy S22 Ultra’dan beri saqlanib kelayotgan 45 Vtlik cheklovga yakun yasaydi.

Yangi qurilmalarda USB PD PPS tez zaryadlash texnologiyasi saqlanadi, bu esa Apple va Google kabi kompaniyalar bilan moslikni ta’minlaydi. Galaxy S26 Edge esa avvalgi modelga qaraganda katta batareyaga ega bo‘ladi.

Eslatib o‘tamiz, avvalroq Samsung Galaxy S23 smartfonining kamerasida muammo yuzaga kelgan edi.

2025-yilgi mavsumda O‘zbekistonda sabzining ulgurji narxi o‘tgan yilga nisbatan 1,5 – 3 baravarga qimmatlashdi. EastFruit ma’lumotlariga ko‘ra, bu sabzi ekiladigan maydonlar qisqargani bilan bog‘liq.

Yangi hosil sabzisi may oyining boshida bozorlarda paydo bo‘lib, o‘rtacha 11 ming so‘m/kg narxda sotila boshlandi. Bu o‘tgan yilgi 6,5 ming so‘mlik narxdan ancha yuqori.

Ekspertlar fikricha, hosildorlik darajasi va eksport hajmi o‘zgarmagan. Narxning oshishiga asosiy sabab sifatida sabzi yetishtirish hajmining kamaygani ko‘rsatilmoqda.

Eslatib o‘tamiz, avvalroq O‘zbekiston meva-sabzavot eksportini 40 foizga oshirgani haqida yozgan edik.

O‘zbekiston Milliy statistika qo‘mitasi ma’lumotlariga ko‘ra, 2025-yilning yanvar – iyul oylarida 5,6 ming nafar fuqaro doimiy yashash uchun chet elga ko‘chib ketgan. Bu o‘tgan yildagiga nisbatan 9,6% ga ko‘p.

Shunga qaramay, migratsiya ko‘rsatkichlari 2023-yilga nisbatan ancha past, 2010-yillarning boshidagi raqamlarga qaraganda esa bir necha barobar kam.

Hududlar kesimida eng ko‘p chet elga doimiy yashash uchun ketganlar Qoraqalpog‘iston Respublikasi, Toshkent viloyati va Toshkent shahridan bo‘lgan. Eng kam migratsiya esa Qashqadaryo, Surxondaryo va Namangan viloyatlarida kuzatilgan.

Ayni vaqtda joriy yilning dastlabki olti oyida 673 nafar xorijlik fuqaro O‘zbekistonga doimiy yashash uchun ko‘chib kelgan. Bu ko‘rsatkich o‘tgan yilning shu davriga nisbatan...

Suriya prezidenti Ahmad ash-Sharo so‘nggi yetti oy ichida uchinchi marotaba suiqasdga uchradi. Bu haqda Memo nashri xabar berdi.

Birinchi urinish mart oyida, prezident xalq saroyidan chiqayotganida aniqlanib, hujumchi qo‘lga olingan. Ikkinchi hodisa Daraa viloyatiga tashrif chog‘ida ro‘y bergan – xavfsizlik xizmati tahdidning oldini olgan.

Uchinchi suiqasd esa Damashqda bo‘lib, prezident o‘tadigan yo‘lda qurolli poyloqchi aniqlangan. Bu voqealar Sharo poytaxtni to‘satdan tark etgani haqidagi mish-mishlarga sabab bo‘lgan.

AQShning Suriyadagi vakili Tomas Barrak ushbu tahdidlarni tasdiqlab, prezident xavfsizligi jiddiy tahdid ostida ekanini bildirdi.

Eslatib o‘tamiz, avvalroq Isroil Damashqqa havo zarbasi bergani haqida yozgan edik.

2025-yilning dastlabki olti oyida O‘zbekistonda umumiy pul tushumlari 491 trillion so‘mni tashkil etib, 2024-yilning shu davriga nisbatan 27 foizga o‘sdi. Bu haqda Markaziy bank sharhida ma’lum qilindi.

Terminal to‘lovlarining ulushi oshmoqda

Pul tushumlarining tarkibida terminal orqali o‘tkazilgan to‘lovlarning salmog‘i ham oshib bormoqda. 2024-yilning birinchi yarmida bu ko‘rsatkich 41 foizni tashkil qilgan bo‘lsa, 2025-yilda 43 foizga yetdi. Savdo va xizmatlar sohasida esa terminal to‘lovlarining ulushi 45 foizdan 48 foizgacha ko‘tarildi.

Naqd pul aylanmasida 23 foizlik o‘sish

Banklar orqali amalga oshirilgan naqd pul aylanmasi 2025-yilning yanvar – iyun oylarida 563 trillion so‘mni tashkil etdi (277 trln so‘m tushum...

Hindistonlik talabalar O‘zbekistondagi tibbiyot oliygohida o‘qimaslikka chaqirgani haqida xabar berilgandi. Toshkent davlat tibbiyot universiteti Chirchiq filiali bu bo‘yicha rasmiy bayonot berdi.

Unga ko‘ra, tibbiy oliygoh prezident qarori bilan 2023-yilda tashkil etilgan va 2024-yil dekabrdan to‘liq faoliyat yurita boshlagan. Hozirda bu yerda 800 dan ortiq talabalar tahsil olmoqda, jumladan, Hindiston, Pokiston, Misr va Iordaniyadan kelgan xorijiy talabalar ham bor.

Chirchiqdagi filialda o‘quv binolari, laboratoriyalar, simulyatsion markazlar, elektron dars platformalari va zamonaviy turarjoylar mavjud. Talabalar Toshkent viloyatidagi 10 ga yaqin klinik bazalarda amaliy ko‘nikmalar olmoqda.

«Filial faoliyatida shaffoflik, akademik erkinlik, tenglik va talabalar huquqlarini himoya qilish...

Amerikalik tadbirkor Ilon Mask yaqin kelajakda davlat boshqaruviga qaytishi mumkin. Bu haqda Bloomberg manbalarga tayanib xabar berdi.

Ma’lumotlarga ko‘ra, Mask avvalroq AQSh prezidenti Donald Trampning Davlat samaradorligi departamenti (DOGE)da faoliyat yuritgan va kelgusida yana shunday mansablardan birini egallashi mumkin.

Bloomberg’ning yozishicha, bu haqda Maskning SpaceX kompaniyasi o‘z investorlarini ogohlantirgan va hujjatlarga bu boradagi xavf omillarini kiritgan. Agentlik manbalariga ko‘ra, bunday ogohlantirish ilk bor tender hujjatlarida paydo bo‘lmoqda.

Iyul oyi boshida Mask o‘zining «Amerika» deb nomlangan siyosiy partiyasi tuzilayotganini e’lon qildi. Amerika saylov komissiyasining ro‘yxatida ma’lum bo‘lishicha, u allaqachon uni ro‘yxatdan o‘tkazish uchun hujjatlarni rasmiy ravishda topshirgan.

Eslatib o‘tamiz, Mask...

Shu yilning 6-iyul kuni o‘tkazilgan Prezident maktablariga kirish imtihonlarining birinchi bosqichi natijalari e’lon qilindi. Bu haqda Ixtisoslashtirilgan ta’lim muassasalari agentligi ma’lum qildi.

Sinovlar Cambridge Assessment International Education tashkiloti tomonidan baholangan bo‘lib, natijalarni quyidagi havolalar orqali ko‘rish mumkin:

Shu bilan birga, 2-bosqich imtihoni 27-iyul kuni birinchi smenada o‘tkazilishi belgilandi. Unda ishtirok etuvchi o‘quvchilar matematika va ingliz tilidan test shaklidagi topshiriqlarni bajaradilar:

Umumiy sinov vaqti 130 daqiqa, ammo javoblar...

Washington Post nashrining xabar berishicha, AQShdan boshpana olish umidida 250 mingdan ortiq afg‘on fuqarolari hozirda Afg‘oniston, Pokiston, Qatar va yana 90 ga yaqin boshqa davlatda yashamoqda. Ular orasida AQSh harbiylariga tarjimonlik qilgan, NATO bilan hamkorlikda ishlagan shaxslar bor.

AQSh kuchlariga yordam bergan minglab afg‘onlar hozirda og‘ir taqdir yoqasida. Donald Tramp ma’muriyati Afg‘oniston fuqarolarini ko‘chirish bilan shug‘ullangan Davlat departamenti bo‘limini qisqartirganidan so‘ng, ko‘plab afg‘onlar AQShga yetib bora olmasligi va Tolibon qo‘liga qaytarilishi xavfi ostida qolmoqda.

AQShga ko‘chirilishini kutayotganlar orasida eri AQSh kuchlari bilan birga jang qilgani uchun Tolibon tomonidan o‘ldirilgan ayol, NATO bilan ishlagach Qatarda bir yilga yaqin «mahbusdek» yashagan...

Factcheck.kz O‘zbekistonda bolalar tarvuzdan ommaviy zaharlangani haqidagi tarqalgan xabarlarni tekshirib, bu ma’lumot feyk ekanini tasdiqladi.

Ma’lum qilinishicha, iyun oyi oxirida TikTok’dagi «Lola_lolita___» akkauntida video chiqarilgan. Unda O‘zbekistonda tarvuzlardan zaharlanish holati yuz bergani aytilgan.

Video qisqa vaqt ichida Instagram va Telegram kabi boshqa tarmoqlarda ham tez tarqalgan. Ayrim variantlarda shifoxonalarda joy qolmaganligi va qovunlar ham zaharlangani aytilgan.

Factcheck.kz tahririyati ushbu videoni tekshirib, uning yolg‘on ekanini aniqlagan.

Mamlakatda ommaviy zaharlanish bo‘yicha rasmiy OAVda ham, davlat organlari saytlarida ham hech qanday ma’lumot yo‘q. O‘zbekiston Sanitariya-epidemiologiya qo‘mitasi ham bu xabarni rad etgan.

Videodagi kadrlarda ko‘rsatilgan suyuqlik – azot, fosfor va kaliy kabi o‘simlik...

Henley & Partners tomonidan e’lon qilingan 2025-yilgi pasport reytingida O‘zbekiston 74-o‘rinni qayd etdi. Bu ko‘rsatkich mintaqa bo‘yicha o‘rtacha daraja bo‘lib, Qozog‘iston va Qirg‘izistonga qaraganda pastroq, ammo Tojikiston va Turkmanistondan yuqoriroq.

Reytingda birinchi o‘rinda Singapur joy olib, ushbu davlat pasporti orqali 199 ta davlatdan 193 tasiga vizasiz kirish mumkin. Undan keyingi o‘rinlarni esa, Yaponiya va Janubiy Koreya egallagan. Ularning pasporti fuqarolarga 190 ta davlatga vizasiz kirishni ta’minlaydi.

Oʻzbekiston pasporti bilan esa fuqarolari 62 davlatga vizasiz kirishi mumkin. Mamlakat yaqinda Sloveniya bilan diplomatik pasport egalari o‘rtasida vizasiz tartib joriy etish bo‘yicha bitimga erishgandi. Bundan tashqari, Xitoy bilan ham o‘zaro vizasiz...

Dushanbeda bo‘lib o‘tgan Markaziy Osiyo xalqaro iqtisodiy forumida Wildberries platformasidagi sotuvchilarning 50 foizdan oshig‘i ayollar ekanligi ma’lum qilindi. Bu haqda kompaniya «Kursiv» nashriga xabar qildi.

Forumda Wildberriesva RWB (Wildberries & Russ) kompaniyalari rahbari Tatyana Kim elektron tijorat ayollar uchun yangi iqtisodiy gorizontlar ochayotganini ta’kidladi.

Unga ko‘ra, bugungi kunda Wildberries onlayn savdo platformasida sotuvchilarning 58 foizini ayollar tashkil etadi. Markaziy Osiyo davlatlarida bu ko‘rsatkich 18 – 25 foiz atrofida.

«Bugun biznes boshlash uchun katta kapital emas, balki faqatgina internetga ulangan smartfon yetarli. Raqamli platformalar ayollarning iqtisodiy faolligini oshirish, ularni tadbirkorlikka jalb etishda kuchli vosita bo‘lib qolmoqda», deydi...

Yandex O‘zbekiston bo‘ylab 14 yoshdan 17 yoshgacha bo‘lgan o‘quvchilar uchun yangi bepul onlayn dasturlash kursini yo‘lga qo‘ydi. Bu haqda «Kursiv» nashriga ma’lum qildi.

Python dasturlash tiliga kirish imkonini beruvchi ushbu kurs IT sohasiga endi qiziqa boshlagan, ilgari bu yo‘nalishda bilim olish imkoniga ega bo‘lmagan yoshlar uchun mo‘ljallangan.

Kursda qatnashish uchun dastlabki bilim talab etilmaydi. Darslar Python asoslari va «turtle» vizual moduli orqali interaktiv shaklda o‘tiladi. O‘quvchilar kod orqali rasm va bezaklar chizishni o‘rganadi.

Har bir modul 1 soatdan 1,5 soatgacha davom etuvchi 8 ta mavzudan iborat bo‘lib, topshiriqlar avtomatik tekshiriladi. O‘quvchilar o‘z natijalarini zudlik bilan ko‘rishi va shaxsiy rivojlanishini...