Yangiliklar

Istanbulning «Bashakshehir» klubi bosh murabbiyi Chagʻdash Atan lavozimini tark etdi. Klub matbuot xizmati xabariga koʻra, murabbiy bilan shartnoma oʻzaro kelishuv asosida bekor qilingan.

Rasmiy bayonotda Atanning ikki mavsum davomida koʻrsatgan fidoyiligi va professionalligi e’tirof etilib, u jamoani ketma-ket ikki bor Yevrokuboklarga olib chiqqani uchun minnatdorlik bildirildi. Klub rahbariyati unga keyingi faoliyatida muvaffaqiyat tilagan.

Turkiya nashrlarining yozishicha, «Bashakshehir» yangi bosh murabbiy sifatida Nuri Shahin nomzodini koʻrib chiqmoqda. «Borussiya Dortmund»ning sobiq ustozi boʻlgan 36 yoshli Shahin hozirda Istanbulda boʻlib, klub rahbariyati bilan muzokara oʻtkazmoqda.

Ma’lumot uchun, Atan «Bashakshehir»ni boshqargan vaqtida 47 ta gʻalaba, 22 ta durang va 29 ta magʻlubiyat qayd...

AQSh hukumati chet elliklarga noimmigratsion vizalar, jumladan, B1/B2 biznes/turistik vizalarini berish qoidalarini kuchaytirdi. Bu haqda AQSh Davlat departamenti yangi tartibni e’lon qildi.

Ilgari esa bu turdagi arizalar istalgan davlatdagi elchixonalar orqali qabul qilinardi. 6-sentabrgacha suhbatga yozilganlar uchun eski shartlar amal qilishi davom etadi.

Yangi tartib quyidagicha:

Yangi qoida diplomatik, xizmat va NATO vizalariga tatbiq etilmaydi. Ba’zi hollarda tibbiy yordam, insonparvarlik yoki tashqi siyosat asosida istisnolar qo‘llanishi mumkin.

Qat’iylashtirilayotgan AQSh vizasi...

9-sentabr kuni uchun dollar kursi 12 439,41 so‘m (-81,37 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 50,53 so‘mga tushib, 14 583,96 so‘mni, rubl esa 1,83 so‘mga tushib, 151,87 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Joriy yilning yanvar – avgust oylarida fuqarolarga jami 1,317 trln so‘m subsidiya to‘lab berilgan. Bu haqda Iqtisodiyot va moliya vazirligi xabar berdi.

Shundan 410,6 mlrd so‘m uy-joy sotib olishdagi boshlang‘ich badalni qoplashga (13 685 fuqaro), yana 906,3 mlrd so‘m ipoteka kreditlari bo‘yicha foiz to‘lovining bir qismini yopishga (79 435 fuqaro) yo‘naltirilgan.

Hududlar kesimida

Eng ko‘p subsidiya olgan viloyatlar qatorida Samarqand (12 193 fuqaro – 173,3 mlrd so‘m), Andijon (10 853 fuqaro – 157,1 mlrd so‘m) va Farg‘ona (10 565 fuqaro – 145 mlrd so‘m) yetakchilik qilmoqda.

Eng kam foydalanilgan hududlar esa Sirdaryo (1 954 fuqaro – 30,6 mlrd...

«Toshkent» respublika fond birjasida (RFB) joy olgan yuqori likvidli aksiyalarning aksariyati 29-avgustdan 5-sentabrgacha bo‘lgan davrda turli dinamikani ko‘rsatib, UCI fond indeksi 2,8 foizga o‘sdi.

Mazkur davrda «Hamkorbank» imtiyozli aksiyalari ikki haftalik pasayishdan keyin 5,97 foizga qimmatlashdi. Shuningdek, «Aloqabank»ning oddiy aksiyalari (+4,55%) va «Uzbekinvest» (+2,42%) aksiyalarida ham o‘sish qayd etildi.

Biroq «Ipak yo‘li» aksiyalari yana 7,41 foizga arzonlashib, haftaning eng katta pasayishini qayd etdi. Bundan tashqari, «Olmaliq KMK» (-6,77%) va «O‘zsanoatqurilishbank» aksiyalari (-1,96%) ham pasayish bilan ajralib turdi.

Faqatgina «Ipoteka-bank», «O‘zmetkombinat», «O‘zbekgeofizika», «Qizilqumsement», «O‘zbekneftgaz» aksiyalari, shuningdek, «Aloqabank»ning imtiyozli aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Kapital sug‘urta» (457 ta...

O‘zbekistonda eng ommabop avtomobillardan biri bo‘lgan Chevrolet Cobalt 2025 yangi ko‘rinishda taqdim etildi. Modelning tashqi ko‘rinishidan tortib ichki qismlarigacha bir qator yangilanishlar kiritildi. Shuningdek, Chevrolet Uzbekistan tomonidan e’lon qilingan post ostida yuzdan ziyod yurtdoshlarimiz o‘z fikrlarini bildirdi. Kursiv Uzbekistan nashri Chevrolet Cobalt haqidagi fikrlar va izohlarni bitta metrial yangilik va izohlarni jamladi.

Ushbu maqoladan quyidagilarni bilib olasiz:

Yangilangan Chevrolet Cobalt qanday bo‘ladi

Cobalt 2025 zamonaviy ko‘p funksiyali rul bilan jihozlangan. Rulda audiotizim...

7-sentabr kuni Amerika Qo‘shma Shtatlari qonuniy qolish huquqiga ega bo‘lmagan 39 nafar o‘zbekistonlikni deportatsiya qildi. Bu haqda AQShning O‘zbekistondagi elchixonasi xabar qildi.

Mazkur parvoz AQShning noqonuniy immigratsiyaga qarshi kurashish va davlat chegaralarini mustahkamlash bo‘yicha olib borayotgan keng qamrovli choralari doirasida amalga oshirildi.

Mamlakat rasmiylari ma’lum qilishicha, mamlakatga noqonuniy kirgan shaxslar jazoga tortilib, so‘ngra deportatsiya qilinadi. Bu jarayonda O‘zbekiston hukumati bilan yaqin hamkorlik qilinayotgani ta’kidlandi.

Qo‘shma shtatlar hukumati O‘zbekiston tomoni ko‘rsatayotgan hamkorlik uchun minnatdorlik bildirgan va bu hamkorlik kelgusida ham davom etishini qayd etgan.

Avvalroq Kursiv Uzbekistan AQSh sudi Tramp ma’muriyatiga 60 mingdan ortiq muhojirlarni deportatsiya qilish uchun ruxsat bergani...

BYD kompaniyasi yangi gibrid sedan — HaiSe07 DM-i 2026 savdosi boshlanganini e’lon qildi. Bu haqda IT Home xabar berdi.

Avtomobil dastlab Xitoyning Chengdu avtosalonida premium versiyada namoyish etilgan. Mashina 4-sentabrdan dilerlik markazlarida sotuvga chiqdi. U yangilangan dizayn va zamonaviy texnologiyalar bilan jihozlangan. Jumladan, haydovchiga yordam beruvchi tizimni yaxshilash uchun lidar o‘rnatilgan.

Old qismiga ham o‘zgarishlar kiritilgan bo‘lib, endi gorizontal panjara o‘rniga katta trapetsiya shaklidagi radiator panjarasi ishlatilgan. Mashinaning o‘lchamlari 4995×1900×1495 mm, g‘ildirak bazasi 2900 mm, og‘irligi esa 1885 – 2010 kg.

Avtomobil panoramali lyuk, qora oynalar qoplamasi va 225/50R18 o‘lchamdagi shinalar bilan ta’minlangan. Shuningdek, qo‘shimcha opsiya sifatida...

Amerikaning Oppenheimer kompaniyasi Andijon viloyatida umumiy qiymati $1,2 milliard bo‘lgan uchta yirik loyihani moliyalashtirishda ishtirok etishni rejalashtirmoqda. Bu haqda viloyat hokimi ijtimoiy tarmoqdagi rasmiy sahifasi orqali xabar berdi.

Andijon viloyati hokimi Shuhrat Abdurahmonov boshchiligidagi delegatsiya Vashington shahrida Oppenheimer kompaniyasi boshqaruv direktori Jon Tonelli bilan uchrashuv o‘tkazdi. Muzokaralarda hududda amalga oshiriladigan loyihalar muhokama qilindi.

Loyihalar qatorida qiymati $180 millionga teng bo‘lgan to‘qimachilik sanoat zonasi bor. Bu hududda tekstil mahsulotlarini ishlab chiqarish va qayta ishlash bo‘yicha zamonaviy korxonalar qurilishi rejalashtirilgan.

Shuningdek, qiymati $20 million bo‘lgan sun’iy dam olish ko‘li qurilib, Xonobod shahri mahalliy va xorijiy sayyohlar uchun jozibador markazga aylantiriladi. Eng...

«Yangi O‘zbekiston» bog‘i bugun, 8-sentabr kuni vaqtincha yopiladi. Bu haqda bog‘ ma’muriyati ma’lum qildi.

Unga ko‘ra, soat 15:00 dan 20:30 gacha tashrif buyuruvchilar hududga kira olmaydi.

Bundan avval bog‘ mustaqillik bayram tadbiri munosabati bilan bir kunga yopilgandi.

Shuningdek, avvalroq  bog‘ hududida barpo etilgan zamonaviy mehmonxonalar majmuasi foydalanishga topshirilgan. Unga ko‘ra, 8 gektardan ziyod maydonda 12 ta 3 yulduzli mehmonxona, 375 o‘rinli konferensiya zali, 310 o‘rinli restoran, sog‘lomlashtirish markazi va ochiq sport maydoni tashkil etilgan.

Mehmonxonalar xalqaro tajribaga ega kompaniyalar tomonidan boshqariladi. Majmuada 540 yangi ish o‘rni yaratilib, yiliga 55 ming turistga xizmat ko‘rsatish rejalashtirilgan. Shu bilan birga...

Toshkent shahrida shu yilning 9-sentabridan 26-sentabrigacha issiqlik tarmoqlarini mustahkamlik va zichlikka sinovdan o‘tkazish ishlari amalga oshiriladi. Bu haqda Veolia Energy Tashkent xabar berdi.

Bu jarayon quvurlarda nosozliklarni aniqlash, ularni bartaraf etish va qish mavsumida aholiga barqaror issiqlik hamda issiq suv yetkazib berishni ta’minlashga xizmat qiladi.

Sinovlar mutaxassislar nazorati ostida, tasdiqlangan jadval asosida o‘tkaziladi. Ishlar, asosan, tungi soatlarda (00:00 – 06:00) bajariladi. Issiqlik punktlari vaqtinchalik o‘chiriladi, ammo issiq suv ta’minoti cheklanmaydi.

Jadval (asosiy va rezerv sanalar):

Avvalroq Kursiv Uzbekistan Toshkentda issiq suv ta’minoti reja bo‘yicha o‘chirilishi haqida yozgandi.

Yanvar – avgust oylarida Toshkent shahrida 4 350 ta yo‘l-transport hodisasi sodir bo‘lgani ma’lum qilindi. Statistik ma’lumotlar Open Data Toshkent portalida e’lon qilingan.

Bu ko‘rsatkich o‘tgan yilning mos davriga (5 ming 8 ta) nisbatan 13 foizga kamaygan.

Eng ko‘p avariya qayd etilgan hududlar:

Eng kam hodisalar kuzatilgan tumanlar:

Avvalroq Kursiv Uzbekistan Angrenda yirik yo‘l-transport hodisasida 7 kishi halok bo‘lgani haqida yozgandi.

Oukitel kompaniyasi IFA 2025 ko‘rgazmasida yangi Oukitel WP60 smartfonini taqdim etdi. Bu haqda Techradar xabar bermoqda. Qurilma 7,2 dyuymli HD+ ekran, kuchli xotira va himoyalangan korpus bilan ajralib turadi.

WP60 hajmi 184 x 87 x 14,9 mm bo‘lib, dala sharoitlari, qurilish yoki ekspeditsiyalar uchun mo‘ljallangan. Model 8, 12 va 16 GB operativ xotira hamda 512 GB gacha doimiy xotira variantlarida taqdim etiladi. Smartfon Android 15.0 platformasida ishlaydi va MediaTek Dimensity 7025 protsessoriga ega.

Old kamera 32 MP, asosiy tizim esa 108 MP, 8 MP va 2 MP datchiklardan iborat. Bu turdagi kameralar odatda himoyalangan smartfonlarda kam uchraydi.

Batareya sig‘imi...

Myunxen avtosalonida yangi Volkswagen ID. Cross elektromobilining premeriyasini o‘tkazildi. Bu haqda RG xabar bermoqda.

Model MEB platformasida ishlab chiqilgan bo‘lib, 2026-yilda MEB+ arxitekturasidan olingan yangi dasturiy ta’minot bilan yangilanadi. Bu kichik krossoverga zamonaviy texnologiyalarni qo‘shish imkonini beradi.

O‘lchamlari Volkswagen T-Cross’ga yaqin: uzunligi 4161 mm, kengligi 1839 mm, g‘ildirak bazasi 2601 mm. Avtomobil 211 ot kuchiga ega elektromotor va old g‘ildirakdan tortuv tizimi bilan jihozlangan. Bir quvvatlanishda 420 km yo‘l bosishi mumkin. Tormoz tizimi bilan jihozlangan holda 1,2 tonnagacha yukni tortishga ham qodir.

Seriyali ishlab chiqarish 2026-yil yozida boshlanadi. Volkswagen ID. Cross brendning eng arzon elektromobili sifatida ommaviy bozorga yo‘naltirilgan.

Qozogʻiston terma jamoasi 2026-yilgi Jahon chempionati saralashida Belgiyadan safarda 0:6 hisobida yutqazdi. Oʻyindan keyin bosh murabbiy Ali Aliyev iste’foga chiqishini e’lon qildi, deb yozmoqda Sports24.kz.

«Qisqa gapiraman. Maydonda yuz bergan barcha natijalar uchun javobgarlikni zim­mamga olaman. Bu mening aybim. Futbolchilarning birortasi bunday magʻlubiyatga loyiq emas. Qozogʻistonga qaytishimiz bilanoq federatsiya rahbariyatiga iste’fo arizamni topshiraman», — dedi Aliyev matbuot anjumanida.

Murabbiy chiqishida jurnalistlar savollariga javob bermasdan zalni tark etgan.

Qozogʻiston terma jamoasi oxirgi toʻrtta oʻyinda yutqazdi, toʻplar nisbati esa 1:12 boʻldi. Hozircha jamoa «J» guruhida 5 turdan keyin 3 ochko bilan 4-oʻrinda bormoqda. Ular yetakchi Shimoliy...

Chery Automobile kompaniyasi aksiyalarini Hongkong fond birjasida (HKEX) joylashtirishga tayyorlanmoqda. 7-sentabr kuni kompaniya listing eshituvini muvaffaqiyatli o‘tkazdi. Bu haqda CarNewsChina xabar bermoqda.

Mazkur voqea Chery’ning 20 yildan ortiq davom etayotgan IPO jarayonida muhim bosqich hisoblanadi. Kompaniya ilk bor 2004-yilda ommaviy joylashtirishni rejalashtirgan edi. 2025-yil 28-fevralda HKEX’ga prospekt topshirilgan, 29-avgust kuni esa yangilangan hujjatlar taqdim etildi.

Xitoy qimmatli qog‘ozlar regulyatori 27-avgust kuni Chery Auto’ga 699 million oddiy aksiyani xalqaro bozorda sotuvga chiqarishga ruxsat berdi. Bundan tashqari, 18 ta aksiyador jami 2,016 milliard dona ichki aksiyani xalqaro aylanmaga chiqaradi.

Mutaxassislar Chery Auto uchun hozirgi vaziyatni qulay deb hisoblamoqda. Avtoanalitik Mey Songlinning...

O‘zbekiston prezidenti Shavkat Mirziyoyev Tojikiston rahbari Emomali Rahmonni mamlakatning milliy bayrami Mustaqillik kuni bilan tabrikladi. Bu haqda Tojikiston prezidenti matbuot xizmati xabar berdi.

Tabrik maktubida davlat rahbari Tojikiston mustaqillikka erishgach, prezident Emomali Rahmon boshchiligida amalga oshirilgan chuqur siyosiy va ijtimoiy-iqtisodiy islohotlar hamda erishilgan yutuqlarni alohida ta’kidladi.

«Birodar xalq sifatida biz Tojikistonning tezkor rivojlanishi, xalqaro miqyosdagi yutuqlari va ortib borayotgan obro‘sidan chin dildan xursandmiz. Ishonchim komilki, ikki xalq o‘rtasidagi asriy do‘stlik rishtalari bundan buyon ham mustahkamlanadi, strategik sheriklik va ittifoqchilik aloqalari esa izchil rivojlanadi», – deyiladi tabrikda.

Shuningdek, Shavkat Mirziyoyev Emomali Rahmonga sog‘liq, oilaviy farovonlik...

2025-yil 1-noyabrdan prezident huzuridagi Tadbirkorlikni qo‘llab-quvvatlash bo‘yicha jamoatchilik kengashi tarkibida Korporativ etika bo‘yicha komissiya tashkil etiladi. Bu haqda Adliya vazirligi xabar berdi.

Komissiya yuridik shaxslarga korporativ etika bo‘yicha tavsiyalar berib boradi hamda nizolarni hal etishda amaliy yordam ko‘rsatadi.

Shuningdek, korporativ munosabatlarni tartibga solish mexanizmlari soddalashtiriladi. Endi mas’uliyati cheklangan jamiyat ishtirokchilari tarkibiga kirish yoki undan chiqish fakti tegishli harakat yoki hodisa sodir bo‘lgan paytdan boshlab kuchga kiradi. Masalan, sud qarori kuchga kirganda, elektron savdo orqali ulush sotilganda yoki notarial tartibda hujjatlar rasmiylashtirilganda ushbu o‘zgarish darhol amal qiladi. Jamiyat bunday holatlarda boshqa ishtirokchilarni 30 kun ichida xabardor qilishi shart.

Bundan...

Xalqaro havo transporti assotsiatsiyasi ma’lumotlari asosida tuzilgan Henley Passport Index’ning 2025-yilgi natijalariga ko‘ra, O‘zbekiston pasporti 72-pog‘onada qayd etildi. Bu haqda Henley Global saytida ma’lum qilindi.

Iyul oyidagi ushbu reyting ko‘rsatkichida O‘zbekiston olti pog‘ona yuqorilab, 74-o‘rinni qayd etgandi. Bu o‘rin o‘zbekistonlik fuqarolarga 62 davlatga vizasiz kirish huquqini beradi.

Reytingda eng kuchli pasport sifatida Singapur qayd etildi. Bu mamlakat fuqarolari 193 davlatga vizasiz sayohat qila oladi. Ikkinchi va uchinchi o‘rinlarni esa Yaponiya hamda Janubiy Koreya egalladi, pasport egalari 190 ta mamlakatga bemalol kira oladi.

Markaziy Osiyo mintaqasida Qozog‘iston yetakchi bo‘lib, 79 ta davlatga vizasiz kirish imkoniyatiga ega. Qirg‘iziston 71, Tojikiston...

Samsung tomonidan yil boshida Samsung Galaxy S25 va Galaxy S25 Edge smartfonlari taqdim etildi. «Palach» nashri bu ikki smartfonni taqqosladi.

Dizayn va ergonomika

Samsung Galaxy S25 alyuminiy korpus va Gorilla Glass Victus 2 bilan himoyalangan. Vazni 162 g, qalinligi 7,2 mm bo‘lib, qo‘lda qulay turadi. Galaxy S25 Edge esa titandan yasalgan, Gorilla Glass Ceramic 2 oldi va Victus 2 orqa paneli bilan jihozlangan. Qalinligi atigi 5,8 mm, vazni 163 g. Har ikkisi IP68 himoyaga ega.

Ekran

Galaxy S25 — 6,2 dyuymli Full HD+ Dynamic AMOLED 2X, 120 Hz, HDR10+ va 2600 nit yorqinlik. Galaxy S25 Edge esa kattaroq va...

Kuchli tropik bo‘ron Tapah Gonkong hududiga 170 kmgacha yaqinlashishi sababli dushanba kuni shaharda maktablar yopildi, ko‘plab biznes va transport faoliyati to‘xtatildi. Bu haqda Reuters agentligi ma’lum qildi.

Gonkong Observatoriyasi To‘fon 8 signalini kamida mahalliy vaqt bilan soat 11:00 gacha (03:00 GMT) amal qilishini ma’lum qildi.

Avtobuslar va tramvaylar harakati to‘xtatildi: shahar metro tizimi esa interval bilan ishlayapti. Ayrim parvozlar qatnovi bekor qilindi. Lantau orolidagi xalqaro aeroport yaqinida tongda davomiy shamol tezligi soatiga 101 km, maksimal shamol zarbasi esa 151 km/soatgacha yetgani qayd etildi. Shuningdek, soat 04:55 da eng past darajadagi «amber» yomg‘ir signali e’lon qilindi.

Bo‘ron Xitoyning janubiy Guandun...

6-sentabr kuni Toshkent xalqaro aeroportida Centrum Air aviakompaniyasi o‘zining uchinchi keng fyuzelyajli Airbus A330-300 samolyotini qabul qildi. Bu haqda aviakompaniya rasmiy sahifasida ma’lum qildi.

Ushbu havo kemasi 2010-yilda Fransiyaning Tuluz shahrida ishlab chiqarilgan bo‘lib, avval Tailandning Thai Airways aviakompaniyasida parvoz qilgan. Keyinchalik u irlandiyalik Aergo Capital lizing kompaniyasi tomonidan boshqarilgan.

Yangi layner 358 nafar yo‘lovchi uchun mo‘ljallangan salon bilan jihozlangan. Unda zamonaviy yoritish tizimi, ergonomik o‘rindiqlar va uzoq masofali parvozlar uchun qulayliklar mavjud. Kompaniya ma’lumotiga ko‘ra, samolyot asosan Seul, Guanchjou, Bangkok, Istanbul, Jidda va Madina yo‘nalishlarida qatnov qiladi.

Centrum Air joriy yilning iyul oyida ikkinchi Airbus A330 samolyotini...

2025-yil 9-sentabrdan boshlab texnik sabablarga ko‘ra, 6442-sonli Xojikent — Toshkent janubiy yo‘nalishidagi poyezd jadvaliga o‘zgarish kiritildi. Bu haqda «O‘ztemiryo‘lyo‘lovchi» matbuot xizmati xabar berdi.

Endi poyezd Xojikent bekatidan Toshkent markaziy bekatigacha amaldagi jadval asosida harakatlanadi. Shundan so‘ng Toshkent janubiy bekatiga soat 07:45 da yetib keladi.

Hozirgi vaqtda 6442-sonli elektropoyezd Xojikentdan 05:20 da chiqib, Toshkent janubiy bekatiga soat 07:53 da yetib keladi.

Shuningdek, ushbu yo‘nalishda joriy yil 22-yanvar kunidan Chinorkentda yangi temir yoʻl bekati faoliyat boshlagandi. Bekat Xoʻjikentdan shahar atrofidagi qatnovlarni yaxshilash maqsadida qurilgan. Loyihaga koʻra, uzunligi 1,5 kilometr boʻlgan bir izli temir yoʻl tarmogʻi barpo etilib, foydalanishga topshirildi.

Eslatib oʻtamiz...

Changan yangi Changan Nevo A06 sedanini namoyish qildi. Bu haqda CarNewsChina nashri xabar bermoqda.

Model BEV va EREV versiyalarida bo‘ladi va 6C akkumulyator bilan jihozlangan. Kompaniya vakillarining aytishicha, bu batareya bir soniyada 1 km masofaga yetadigan tezlikda quvvatlana oladi. Bozorga chiqishi shu yil oxiriga mo‘ljallangan.

Avtomobil Changan’ning SDA platformasida yaratilgan bo‘lib, o‘lchamlari 4885/1916/1496 mm, g‘ildirak bazasi esa 2922 mmni tashkil etadi. Old qismi alyuminiy ikki qo‘llab turuvchi, orqa qismi esa besh bo‘g‘inli mustaqil osma tizimiga ega. Aerodinamik qarshilik koeffitsiyenti 0,217 Cd. Tomda lidar, 3 ta millimetrli radar, 12 ta ultratovushli radar va 11 ta kamera mavjud, bu esa 2-darajali...