Yangiliklar

O‘zbekistonda oltin quymalari narxlari keskin oshishda davom etmoqda. 2025-yil boshidan buyon oltin quymalari narxi 49 marta ko‘tarilgan.

Markaziy bank ma’lumotlariga ko‘ra, 29-dekabr holatiga 5 grammli oltin quymaning narxi 8,9 mln so‘mdan oshdi. 10 grammli quymaning qiymati 17,9 mln so‘mga yetdi.

Shuningdek, 20 grammli quymalar 35,8 mln so‘m, 50 grammli quymalar esa 89,6 mln so‘mga baholandi. 100 grammli oltin quymaning narxi 179,2 mln so‘mni tashkil etdi.

Jahon bozorida ham oltin qimmatlashmoqda. 26-dekabr kuni oltin narxi birinchi marta bir unsiya uchun $4,5 mingdan oshdi. Reuters xabariga ko‘ra, bunga AQShda foiz stavkalari pasayishi kutilayotgani va investorlarning himoyalangan aktivlarga bo‘lgan talabi...

Shvetsiya, Norvegiya va Finlyandiya bo‘ylab esgan kuchli qishki bo‘ron oqibatida uch kishi halok bo‘ldi, infratuzilma va transport tizimiga jiddiy zarar yetdi. Bu haqda BBC xabar bermoqda.

Halok bo‘lganlarning barchasi Shvetsiyada qayd etilgan. Kungsberget chang‘i kurortida 50 yoshli erkak daraxt qulashi oqibatida vafot etgan bo‘lsa, Hofors o‘rmonida ishlayotgan yana bir 60 yoshli fuqaro ham xuddi shunday baxtsiz hodisa qurboni bo‘ldi. Shuningdek, Hemab kommunal kompaniyasi o‘z xodimi xizmat vazifasini bajarish vaqtida halok bo‘lganini tasdiqladi.

Tabiiy ofat mintaqadagi elektr ta’minotida yirik uzilishlarga sabab bo‘ldi. Finlyandiyada 60 mingdan ortiq, Shvetsiyada 40 mingga yaqin va Norvegiyaning shimoliy hududlarida 30 mingdan ziyod xonadonlar elektrsiz qolgan...

2026-yil 1-yanvardan Fanlar akademiyasi jamg‘armasi tuziladi. Bu haqda prezident qarori qabul qilndi.

Qarorga muvofiq, Fanlar akademiyasi faoliyatini modernizatsiya qilish doirasida yangi ilmiy ishlanmalar sonini va ularni tijoratlashtirishdan olinadigan mablag‘lar hajmini uch baravar oshirish rejalashtirilmoqda. Shuningdek, ilmiy xodimlar tarkibida yoshlar ulushini 60 foizga yetkazish hamda xorijda faoliyat yuritayotgan ilmiy diasporani O‘zbekiston ilm-faniga qayta jalb etish ustuvor vazifalar sifatida belgilandi.

Ilm-fan va ishlab chiqarish o‘rtasidagi aloqalarni mustahkamlash maqsadida Fanlar akademiyasining yangi ishlanmalarini tijoratlashtirish tizimini tubdan yaxshilash ko‘zda tutilmoqda. Shu doirada Fan va sanoat integratsiyasi kengashi tashkil etiladi. Bu tuzilma ilmiy natijalarni real sektor bilan bog‘lashda muhim platformaga aylanishi kutilmoqda.

2026-yildan boshlab...

Ijtimoiy tarmoqlarda o‘zini distribyutor deb tanitgan Xayrullo Shokirov yirik miqdordagi firibgarlikda gumonlanmoqda. Bu haqda Toshkent shahar Ichki ishlar bosh boshqarmasi xabar berdi.

U IIBB huzuridagi Tergov boshqarmasi tomonidan Jinoyat kodeksining 168-moddasi 4-qismi «a» bandi (firibgarlik, juda ko‘p miqdorda sodir etilishi) bilan jinoyat ishi bo‘yicha tergov qilinmoqda.

Tergov jarayonida aniqlanishicha, 1986-yilda tug‘ilgan Shokirov Xayrullo Ubaydullayevich aldash va ishonchni suiiste’mol qilish yo‘li bilan Instagram, Telegram hamda YouTube ijtimoiy tarmoqlaridagi «Xayrullo Shokirov» nomli profil orqali o‘zini yirik distribyutor va tadbirkor sifatida tanishtirib, go‘yoki chet eldan katta miqdorda anor sharbati va salqin ichimliklar olib kirib, ularni O‘zbekistondagi savdo nuqtalariga yetkazib berish vakolatiga ega...

Amerikalik avtomobil ishqibozi Ferrari 412 modelini tubdan o‘zgartirish uchun $1,8 mlndan ortiq mablag‘ sarfladi. Bu haqda Carscoops xabar bermoqda.

Yangi o‘rnatilgan dvigatelning tashqi ko‘rinishi klassik uslubga moslashtirilgan bo‘lib, to‘g‘ridan to‘g‘ri purkash tizimi o‘rniga taqsimlangan purkash (port injection) tizimi va 12 ta alohida drossel klapanlari qo‘llanilgan. Dvigatel Ferrari 599 GTB modelidan olingan va avtomatikdan mexanik boshqaruvga o‘tkazilgan 6 pog‘onali uzatmalar qutisi bilan birlashtirilgan.

Avtomobil tashqi ko‘rinishi Superfast Gold va qora ranglar uyg‘unligida ishlangan bo‘lib, yashirin chiroqlar olib tashlangan va 45,7 sm maxsus g‘ildiraklar o‘rnatilgan. Interyer ham tubdan yangilangan. Salonda Alkantara, charm va Rolls-Royce avtomobillarida ishlatiladigan gilamlar mavjud.

Avvalroq Kursiv Uzbekistan...

Agar avtomobil shinalardagi bosim ishlab chiqaruvchi tavsiya qilgan me’yordan past bo‘lsa, yo‘l bilan ishqalanish kuchi ortadi. Natijada dvigatel ko‘proq kuch sarflaydi va yonilg‘i iste’moli oshadi.

Tadqiqotlarga ko‘ra, bosimning ozgina kamayishi ham yonilg‘i sarfini ko‘paytiradi. Masalan, bosim darajasining tavsiya etilgan ko‘rsatkichning atigi to‘rtdan bir qismiga pasayishi yonilg‘i sarfining taxminan 2-3 foizga oshishiga olib keladi. Agar bosim optimal qiymatga nisbatan ikki marta kamaytirilsa, sarf endi 5 – 10 foizgacha yetishi mumkin. Qish faslida bu holat yanada kuchayadi, chunki sovuq havoda shina ichidagi bosim tabiiy ravishda pasayadi.

Avtomobil ishlab chiqaruvchisi tavsiya qilgan optimal bosim darajasi odatda haydovchi eshigining ichki qismida yoki foydalanish...

Huawei hamda SAIC-GM-Wuling hamkorligida ishlab chiqilgan yangi Baojun Huajing seriyasining ilk flagmani taqdim etildi. Olti o‘rindiqli Baojun Huajing S plagin-gibrid krossoveri Huawei’ning Qiankun ilovasi orqali namoyish qilindi.

Model standart tarzda Huawei Qiankun ADS 4.0 ilg‘or haydovchiga yordam tizimi bilan jihozlanadi. Shuningdek, avtomobilda HarmonySpace 5.0 aqlli salon, Huawei’ning IVCS bulutli avtomobil xizmatlari va salon ichini kuzatishga mo‘ljallangan Limera lazerli ko‘rish texnologiyasi mavjud bo‘ladi.

Bu strategiya aqlli haydash, aqlli salon va aqlli ishlab chiqarishga qaratilgan. Hamkorlikning asosiy maqsadi aqlli texnologiyalarni 150 ming yuan, ya’ni taxminan $21,3 ming segmentdagi avtomobillarda ommalashtirishdan iborat.

Huawei bugunga qadar Harmony Intelligent Mobility Alliance doirasida bir nechta...

Dubayda bo‘lib o‘tgan Globe Soccer Awards marosimida «PSJ» hujumchisi Usmon Dembele «Yilning eng yaxshi erkak futbolchisi» deb e’lon qilindi. Mazkur sovrin fransiyalik futbolchi uchun «Oltin to‘p» va FIFA The Best mukofotlaridan keyingi navbatdagi yirik muvaffaqiyat bo‘ldi.

28 yoshli futbolchi 2024/25-yilgi mavsumda barcha musobaqalarda 35 ta gol urib, «PSJ» tarixida ilk bor Chempionlar ligasi g‘olibi bo‘lishiga ulkan hissa qo‘shgan edi. Final uchrashuvida parijliklar «Inter» ustidan 5:0 hisobida g‘alaba qozonib, turnir tarixidagi eng yirik natijalardan birini qayd etishgan.

Marosimda «Barselona»ning 18 yoshli yulduzi Lamin Yamal ham e’tirofsiz qolmadi. U «Eng yaxshi hujumchi» hamda texnik mahorati uchun Diego Maradona nomidagi maxsus sovrinni...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 19-dekabrdan 26-dekabrgacha bo‘lgan davrda ijobiy dinamikani ko‘rsatib, UCI fond indeksi 2,4 foizga oshdi.

Ushbu davr mobaynida «Qashqadaryo texnologik transport» aksiyalari eng katta o‘sishga erishib, 14,81 foizga qimmatlashdi. Shuningdek, «O‘zmetkombinat» (+7,04%) va «O‘zbekneftgaz» (+5,52%) aksiyalarida ham o‘sish qayd etildi.

O‘z navbatida, «O‘zRTXB» aksiyalari 12,68 foizga arzonlashib, haftaning eng katta pasayishini qayd etdi. Bundan tashqari,«Garant bank» (-7,62%) va «O‘zbekgeofizika» (-4,96%) aksiyalari ham pasayish bilan ajralib turdi. Faqatgina «O‘zsanoatqurilishbank» va «Uzbekinvest» aksiyalari narxida o‘zgarish kuzatilmadi.

Yuqori likvidli aksiyalardan 14 tasi haftani ijobiy, ikkitasi o‘zgarishsiz, 13 tasi salbiy natija bilan yakunladi.

Bundan...

Xitoylik bloger Syaolu Lourens yangi flagman kamerafon — Xiaomi 17 Ultra imkoniyatlarini real sharoitlarda sinovdan o‘tkazdi. Bu haqda u Weibo’da 1 milliondan ortiq obunachilarga ega bo‘lgan sahifasida ma’lum qildi.

Bloger qurilmani asosan murakkab yorug‘lik sharoitlarida, jumladan, tungi sahnalar va dinamik kadrlar orqali tekshirgan.

Sinov jarayonida Leica bilan hamkorlikda ishlab chiqilgan 200 megapikselli optik zum kamera ijobiy taassurot qoldirgan. U 75 mm dan 100 mm gacha bo‘lgan portret fokus masofalarini qamrab olib, suratga olishda katta erkinlik beradi. Blogerga ko‘ra, bunday diapazon portret va sahna fotosuratlarida ayniqsa qulaylik yaratadi.

Xiaomi 17 Ultra’ning asosiy kamerasi – 1 dyuymli Light and Shadow Master...

Xitoyda Rox Motor yangi Polestones Adamas EREV yo‘ltanlamasini rasman sotuvga chiqardi. Model ikki komplektatsiyada taklif etilmoqda va boshlang‘ich narx 349,9 ming yuan (taxminan $49,8 ming)ni tashkil etadi.

Polestones Adamas 6 va 7 o‘rindiqli konfiguratsiyalarda ishlab chiqariladi. CLTC standarti bo‘yicha umumiy yurish masofasi 1 ming 405 kmga yetadi. Bu ko‘rsatkich EREV segmenti uchun yuqori natija hisoblanadi.

Avtomobil 1,5 litrli turbo benzin dvigateli va elektr motorlardan iborat gibrid tizim bilan jihozlangan. Tizim 108 kVt quvvatga ega dvigatel va CATL ishlab chiqargan 44,5 kVt soatli akkumulyator asosida ishlaydi. To‘liq elektr rejimida yurish masofasi 215 kmni tashkil etadi.

Old yuruvchi versiyada 201 ot...

Xalq deputatlari Yangi Namangan tumani Kengashining 29-dekabr kuni bo‘lib o‘tgan navbatdan tashqari sessiyasida tumanga yangi rahbar tayinlandi. Bu haqda Namangan viloyati hokimligi xabar berdi.

Sessiyada deputatlar viloyat hokimi Shavkatjon Abdurazzoqovning 2021-yilning aprelidan buyon ishlab kelayotgan Yangi Namangan tumani hokimi Jobir Abdullayevni vazifasidan ozod qilish va tuman Kengashining deputatlik vakolatini muddatidan oldin soqit qilish haqidagi qarorlarini tasdiqladi. 2022-yilning dekabrida Abdullayevning tarmoqlarda tadbirkorni so‘kkani aks etgan audio tarqalgandi. Shundan so‘ng viloyat hokimi o‘tkazgan odob-axloq qoidalari bo‘yicha muhokama yig‘ilishida hokimga hayfsan intizomiy jazosi qo‘llangan va barcha turdagi rag‘batlantirishlardan mahrum qilingan.

Karabayev Adham Jakbaraliyevich esa uning o‘rniga Yangi Namangan tumani hokimi...

2025-yil 22-dekabrdan e‘tiboran, «Streetpark Systems» MChJ (Poytaxt parking) umumiy yo‘llardagi pullik to‘xtash joylarini boshqarishda ustun pozitsiyaga ega deb e’tirof etildi. Bu haqda Raqobat qo‘mitasi ma’lum qildi.

«Raqobat to‘g‘risida»gi Qonunning 18-moddasiga binoan, ustun muzokara kuchiga ega deb e’tirof etilgan subyektlarga quyidagi harakatlar taqiqlanadi:

29-dekabr sanasi jahon siyosiy xaritasidagi jiddiy o‘zgarishlar, kinematografiya durdonalari va sport olamidagi yo‘qotishlar bilan tarixda qolgan. Bu kunda yangi davlat chegaralari belgilangan, buyuk ixtirochilar va san’atkorlar dunyoga kelgan. Kursiv Uzbekistan kunning eng muhim voqealari xronologik tartibda taqdim etadi.

1800-yili AQShda mashhur ixtirochi Charlz Gudyer dunyoga keldi. U ko‘p yillik tajribalardan so‘ng kauchukni vulkanizatsiya qilish jarayonini kashf etgani bilan tarixga kirgan. Uning bu ixtirosi issiq va sovuqqa chidamsiz bo‘lgan oddiy rezinani mustahkam materialga aylantirish imkonini berdi, bu esa keyinchalik avtomobil shinalari sanoatida inqilob yasadi.

1845-yilda Shimoliy Amerikada yirik siyosiy voqea yuz berdi. Texas Respublikasi mustaqil davlat maqomini tugatib, rasman Amerika...

2026-yil avtomobil bozori uchun burilish davri bo‘lishi kutilmoqda. Speedme’ga ko‘ra, ishlab chiqaruvchilar amaliy va turli ehtiyojlarga mos yechimlarni taklif qila boshlaydi.

Bir tomonda 1300 ot kuchidan ortiq quvvatga ega bo‘lishi aytilayotgan elektr Mercedes-AMG GT EV, boshqa tomonda esa yangi V8 dvigatelli AMG GT Track Sport paydo bo‘ladi. Porsche ham ichki yonuv dvigatelidan voz kechmay, yangi 718 va soddaroq dizayndagi 911 Turbo ustida ishlamoqda.

Superkarlar segmentida ham katta yangiliklar bo‘lishi mumkin. Huracan’ning vorisi 2026-yil boshida global bozorlarga chiqadi. Bugatti W16 dvigateli bilan xayrlashib, V16 gibrid Tourbillon modeliga o‘tadi. Chevrolet esa gibrid tizimli Corvette ZR1X ustida ishlamoqda, u 0 dan...

Ichki ishlar vazirligining Kiberxavfsizlik markazi aholiga firibgarlar bayram oldidan faollashayotgani bo‘yicha ogohlantirish bilan chiqdi.

Markazga ko‘ra, firibgarlar Yangi yil sovg‘asi ko‘rinishida turli zararli havolalarni yaratib, Telegram orqali tarqatadi. Uni kimdir ochgan zahoti uning shaxsiy ma’lumotlari va plastik kartasidagi pullar o‘zlashtiriladi.

«Hozirda firibgarlarning asosiy quroli texnik hiyla-nayranglar emas, balki ijtimoiy muhandislik, ya’ni inson hissiyotlari bilan manipulyatsiya qilishdir. Hamkasb, qarindosh yoki do‘stlardan tabrik olishni kutish odamning hushyorligini pasaytiradi», – deyilgan markaz xabarida.

Ta’kidlanishicha, zamonaviy firibgarlik usullari juda murakkablashgan. Endilikda gap faqat gap endi oddiy «Apk.» «exe» kabi fayllar haqida emas. Bugun hamma messenjer yoki ijtimoiy...

Qirg‘izistonning sobiq prezidenti Almazbek Atambayev barcha davlat mukofotlaridan mahrum etildi. Tegishli farmonni mamlakatning amaldagi prezidenti Sadir Japarov imzoladi.

Avvalroq 3-iyun kuni Bishkek shahrining Pervomay tuman sudi Atambayevni 2019-yilda Koy-Tash qishlog‘ida sodir bo‘lgan voqealar bo‘yicha aybdor deb topgan edi. Sud qaroriga ko‘ra, sobiq prezident 11,5 yil muddatga ozodlikdan mahrum etilgan.

O‘sha voqealar chog‘ida Qirg‘iziston Milliy xavfsizlik davlat qo‘mitasining «Alfa» maxsus bo‘linmasi Atambayevni kuch bilan qo‘lga olishga uringan. Amaliyot davomida sobiq prezident tarafdorlari bilan xavfsizlik kuchlari o‘rtasida to‘qnashuvlar yuz bergan.

Atambayev sud hukmiga munosabat bildirar ekan, agar uning aybi Gaagadagi Xalqaro jinoyat sudi tomonidan tan olinsa, istalgan jazoni o‘tashga tayyor ekanini...

Surinam poytaxti Paramaribo chekkasida sodir bo‘lgan hujum oqibatida to‘qqiz kishi, jumladan, besh nafar bola halok bo‘ldi. Bu haqda mahalliy politsiyaga tayanib, BBC ma’lum qildi.

Hodisa shanba kuni kechqurun poytaxtdan chiqish yo‘lida joylashgan uyda yuz bergan. Yana bir nafar kattalar va bir bola og‘ir tan jarohati bilan shifoxonaga yotqizilgan.

Huquq-tartibot xodimlari chaqiruvga kelganida gumonlanuvchini qo‘lga olishga uringan. Qarshilik vaqtida u oyog‘idan yaralangan. Erkak shifoxonaga yetkazilgan va hozir politsiya nazorati ostida.

Mahalliy OAV ma’lumotiga ko‘ra, gumonlanuvchi ruhiy muammolarga ega bo‘lgan. Prezident Jennifer Geerlings-Simons qurbonlar orasida gumonlanuvchining oila a’zolari va qo‘shnilari borligini aytdi.

Politsiya hodisa tafsilotlari keyinroq ma’lum qilinishini bildirdi. Surinam pichoqlash...

Xanoy shahrida O‘zbekiston Investitsiyalar, sanoat va savdo vazirligi hamda Vyetnamning yetakchi Vingroup korporatsiyasi o‘rtasida anglashuv memorandumi imzolandi. Bu haqda «Dunyo» axborot agentligi xabar berdi.

Memorandum doirasida tomonlar O‘zbekistonda investitsiya loyihalarini birgalikda o‘rganish va amalga oshirishga kelishib oldi. Xususan, zamonaviy turarjoylar, mehmonxonalar, biznes markazlar hamda savdo-ko‘ngilochar majmualar qurilishi rejalashtirilmoqda.

Shuningdek, yashil transformatsiya, barqaror transport va xizmatlar tizimini rivojlantirish masalalari muhokama etildi. Ushbu kelishuv turizmni rivojlantirish va rekreatsiya loyihalarini kengaytirishga ham xizmat qiladi.

Vingroup rahbariyati O‘zbekistonni Markaziy Osiyodagi salohiyatli va jadal rivojlanayotgan davlat sifatida baholab, kelgusida mamlakat iqtisodiyotining ustuvor sohalariga bosqichma-bosqich investitsiya kiritishga tayyor ekanini bildirdi.

Eslatib o‘tamiz, O‘zbekiston 2026-yilda...

28-dekabr kuni Meksikaning Oaxaca shtatida Interoceanic poyezdi relsdan chiqib ketdi. Oqibatda kamida 13 kishi halok bo‘ldi va 98 kishi jarohatlandi, deya xabar bermoqda Reuters.

Unga ko‘ra, poyezdda jami 250 kishi, jumladan, 9 ekipaj a’zosi va 241 yo‘lovchi bo¯‘lgan. Jabrlanganlardan 36 kishi tibbiy yordam ko‘rsatilgan, 139 nafar yo‘lovchi xavfsizligi ta’minlangan.

Prezident Klaudiya Sheinbaum jarohatlanganlardan besh kishining og‘ir ahvolda ekanini ma’lum qildi. Oaxaca gubernatori Salomon Jara Kruz halok bo‘lganlarning oilalariga ta’ziya bildirib, jabrlanganlarga yordam ko‘rsatishni muvofiqlashtirayotganini qayd etdi.

Ma’lumot uchun, Interoceanic poyezdi 2023-yilda ishga tushirilgan bo‘lib, Interoceanic Koridor loyihasining bir qismi hisoblanadi. Loyihaning maqsadi Tehuantepek bo‘g‘ozidagi temir yo‘l aloqasini modernizatsiya...

Tijorat banklari 29-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan 29-noyabr uchun valyuta kurslari qanday o‘zgargani haqida yozgan edi.

Iqtisodiy tadqiqotlar va islohotlar markazi prezident Shavkat Mirziyoyevning 26-dekabr kuni O‘zbekiston xalqiga yo‘llagan murojaatida qaysi so‘zlarni ko‘p ishlatganini tahlil qildi.

Tahlillarga ko‘ra, prezident murojaatnomasida jami 9135 ta so‘zdan foydalangan. Eng ko‘p ishlatilgan kalit so‘zlar qatorida mahalla (49 marta), aholi (35 marta), iqtisodiyot (28 marta), bozor (26 marta), loyiha (25 marta) va texnologiya (22 marta) qayd etilgan.

Shuningdek, ta’lim, natija, daromad so‘zlari 20 martadan, tadbirkor va sanoat 19 martadan, suv 18 marta, elektr va hudud 17 martadan, yoshlar, infratuzilma va qurilish kabi tushunchalar 16 marta ishlatilgan.

Qayd etilishicha, ikki va uch so‘zli birikmalar tahlili kelgusi besh yil, mahalla darajasi, aholi...

O‘zbekiston U-17 terma jamoasi yarim himoyachisi Sadriddin Hasanov faoliyatini Portugaliyaning mashhur «Braga» klubida davom ettirishi mumkin.

Futbolchi ijtimoiy tarmoqlarda ushbu jamoaning mashg‘ulot libosida tushgan suratini e’lon qildi. Uning maydonni ko‘ra olish qobiliyati va texnik harakatlari xorijlik mutaxassislar, xususan, «Braga» skautlari e’tiborini tortgani taxmin qilinmoqda. Hozircha transfer borasida rasmiy bayonot berilmagan.

Sadriddin Hasanov yakuniga yetayotgan 2025-yilgi mavsumda xalqaro maydonda barqaror o‘yin namoyish etdi. Uning yetakchiligidagi O‘zbekiston o‘smirlar terma jamoasi Osiyo kubogidagi muvaffaqiyatli ishtiroki orqali Qatarda bo‘lib o‘tgan U-17 Jahon chempionatiga yo‘llanma olgan edi.

Qatardagi musobaqaning guruh bosqichida O‘zbekiston vakillari Paragvay (2:1) va Panamani (6:1) mag‘lub etib, Irlandiyaga (1:2) imkoniyatni...

2025-yilning yanvar – noyabr oylarida qariyb 7 million nafar O‘zbekiston fuqarosi turistik maqsadlarda xorijga chiqqan. Bu haqda Milliy statistika qo‘mitasi ma’lumotlari e’lon qilindi.

Bu ko‘rsatkich o‘tgan yilning mos davridagiga nisbatan deyarli 1,3 million nafarga yoki 23 foizga oshgan.

Joriy yilning 11 oyida O‘zbekiston fuqarolari eng ko‘p qo‘shni davlatlarga safar qilgan. Eng yuqori ko‘rsatkich Qirg‘iziston hissasiga to‘g‘ri kelib, bu mamlakatga 3,1 million nafar o‘zbekistonlik borgan. Keyingi o‘rinlarda Qozog‘iston (1,3 million) va Tojikiston (1,2 million) joy olgan. Uzoq xorij mamlakatlari orasida Rossiya yetakchi bo‘lib, unga 399 ming nafar fuqaro safar qilgan.

Shuningdek, Saudiya Arabistoniga 296,4 ming, Turkiyaga 251,1 ming, Birlashgan Arab...