30-dekabr kuni O‘zbekistonda ob-havo asosan o‘zgaruvchan bo‘lib, ayrim joylarda yomg‘ir yoki qor yog‘ishi mumkin. Kechasi +0…+12°, kunduzi +3…+18° atrofida harorat kuzatiladi, deya prognoz qilmoqda «O‘zgidromet» agentligi.
Quyida ob-havo ma’lumoti viloyatlar kesimida:
Eslatib o‘tamiz, avvalroq Yangi yil munosabati bilan o‘zbekistonliklar necha kun dam olishi haqida xabar bergan edik.
Bank plastik kartalari orqali pensiyalar har oyning beshinchi sanasiga qadar yuklab beriladi, naqd shaklda esa oyning 4-dan 27-gacha sanasi orasida to‘lab beriladi. Bu haqda Pensiya jamg‘armasi ma’lum qildi.
Pensiya jamg‘armasi tomonidan mablag‘lar «O‘zbekiston Respublikasining Davlat byudjeti to‘g‘risida»gi qonuniga muvofiq tasdiqlanadi. Shuningdek, 2026-yil uchun Davlat byudjeti qonuni bilan jamg‘armaning xarajatlari belgilangan. Buni inobatga olib, yanvar oyi pensiyalari plastik kartalarga 5-yanvardan boshlab yuklanishi ma’lum qilindi.
5-yanvardan boshlab Pensiya jamg‘armasi tomonidan pensiya to‘lovlari uchun mablag‘lar pensiya yetkazib beruvchi tashkilotlarga moliyalashtiriladi. Yanvar oyi pensiyalari bank kartalariga yuklab berilganidan so‘ng, naqd shaklda 27-yanvarga qadar Xalq banki sayyor kassalari orqali mahalla fuqarolar yig‘ini yoki...
30-dekabr soat 09:00 dan boshlab, respublika hududidagi barcha «metan zapravkalar» 24 soatlik ish rejimida faoliyat yuritadi. Bu haqda Energetika vazirligi ma’lum qildi.
Shuni hisobga olgan holda, avtotransport vositalari egalari yonilg‘ini ertadan boshlab kun davomida, shu jumladan, tungi soatlarda ham, o‘zlariga qulay vaqtda va navbatlarsiz to‘ldirishlari mumkin.
Eslatib o‘tamiz, avvalroq qish mavsumida avtomobil yonilg‘isini qanday tejash mumkinligi haqida yozgan edik.
Shavkat Mirziyoyev Saudiya Arabistoni podshohligining Favqulodda va muxtor elchisi Yusuf al-Utaybiyni qabul qildi. Bu haqda davlat rahbari matbuot xizmati ma’lum qildi.
Uchrashuvda tizimli muloqot va faol aloqalar yoʻlga qoʻyilgani, tovar ayirboshlash, toʻgʻridan toʻgʻri investitsiyalar hajmi va qoʻshma korxonalar sonining jadal oshib borayotgani qayd etildi. Saudiya Arabistonining yetakchi kompaniyalari bilan loyihalar portfeli $27 mlrd.dan oshdi.
Shuningdek, «yashil» energetika, qishloq xoʻjaligi, sogʻliqni saqlash va infratuzilmani rivojlantirish kabi ustuvor sohalarda bir qator loyihalar amalga oshirilmoqda. Madaniy-gumanitar almashinuvlar faollashib, joriy yil oktabr oyida Saudiya Arabistonida Oʻzbekiston madaniyati kunlari yuqori saviyada oʻtkazildi, mamlakatimiz Ar-Riyodda boʻlib oʻtgan Xalqaro kitob koʻrgazmasida ishtirok etdi.
Shavkat Mirziyoyev...
BYD Dolphin elektr hetchbek modeli 2026-yilning birinchi yarmida Janubiy Koreya bozoriga chiqariladi. Bu haqda Carnewchina ma’lum qildi.
Boshlang‘ich narx taxminan 20 mln Janubiy Koreya voni (qariyb $14 ming) bo‘lib, Xitoydagi narxga mos keladi. Bozorga chiqqach, Dolphin Hyundai Casper EV va Kia Ray EV bilan raqobatlashadi. Xitoyda avtomobil to‘rt turdagi jihozlarda taklif etilib, narxlari 99 800 dan 129 800 yuanga ($14,1 ming – $18,5 ming) teng.
Dolphin old g‘ildirak haydovchi tizimi va 44,9 hamda 60,4 kVt·soat BYD Blade batareyalariga ega bo‘lib, CLTC bo‘yicha 420 va 520 km masofaga boradi. Avtomobil o‘lchamlari 4290 x 1770 x 1570 mm, g‘ildirak bazasi...
2025-yilda Berkshire Hathaway uchun yirik investitsiya qarorlari va boshqaruvdagi qator o‘zgarishlar amalga oshirildi. Bu haqda OnInvest nashri ma’lum qildi.
Ma’lum qilinishicha, Uorren Baffet 31-dekabr kuni Berkshire Hathaway bosh direktori lavozimini tark etib, boshqaruvni Greg Abelga topshiradi. Uning so‘nggi yilida kompaniya bir qator muhim bitimlarni amalga oshirdi. Ikkinchi chorakda UnitedHealth Group sug‘urta kompaniyasining 5 mlndan ortiq aksiyasi qariyb 1,6 mlrd dollarga xarid qilindi. Investitsiya oshkor etilgach aksiyalar 10 foizdan ko‘proq oshdi, biroq yil oxiriga kelib hanuz taxminan 35 foiz past darajada qoldi.
Uchinchi chorakda Berkshire portfeliga Alphabet’ning A sinf aksiyalari qo‘shildi. 30-sentabr holatiga ko‘ra, kompaniya 17,9 mln dona aksiya...
Markaziy bank tomonidan mikromoliya tashkilotlari faoliyatini amalga oshiruvchi tashkilotlar reyestriga kiritish masalasiga oid navbatdagi qarorlar qabul qilindi. Bu haqda regulyatorning Telegram sahifasida ma’lum qilindi.
Unga ko‘ra, Markaziy bank boshqaruvining 156, 157 va 158-sonli qarorlariga muvofiq, «Adl moliya MMT», «Prizma kapital» hamda «AVO Finance» mas’uliyati cheklangan jamiyatlari mikromoliya tashkiloti faoliyatini amalga oshiruvchi tashkilotlar reyestriga kiritildi.
Eslatib o‘tamiz, avvalroq O‘zbekiston banklarining sof foydasi 57 foizga ko‘paygani haqida xabar bergan edik.
Milliy statistika qo‘mitasi ma’lumotlariga ko‘ra, 2025-yilning yanvar-noyabr oylarida O‘zbekiston xorijga $624,1 millionlik gaz eksport qildi.
Bundan ko‘rinadiki, joriy davrda respublikadan o‘tgan yilning dastlabki 11 oyida chetga sotilgan gazdan 5,2 foizga ko‘p gaz eksport qilingan.
2025-yilning har bir oyi taqqoslab chiqiladigan bo‘lsa, aprel oyida eng ko‘p gaz sotilgan ($105,4 mln). Gaz eksportining o‘sish ko‘rsatkichi fevraldan boshlab osha boshlagan. Xususan, yanvar va oylarida chetga berilgan gaz umumiy hisobda $42 millionga teng edi. Birgina mart oyining o‘zida gaz sotish hajmi oldingi ikki oyga qaraganda taxminan 24,52 foizga ko‘paygan ($52,3 mln).
May ($88,3 mln), iyun ($66,9 mln) oylaridan so‘ng iyulda yana sotish...
So‘nggi kunlarda O‘zbekistonning turli hududlaridan Paynet’ning Xolis ilovasini majburiy o‘rnatish bo‘yicha shikoyatlar bo‘lmoqda. Tadbirkorlar va o‘zini o‘zi band qilgan fuqarolar mahalla raislari, soliq xodimlari va boshqa mahalliy mutasaddilar tomonidan ushbu ilovani telefonlariga o‘rnatib, undan foydalanishga majburlanayotganini aytmoqda.
Farg‘ona viloyatining Buvayda tumanida mahalla raisi telefon orqali Paynet’dan o‘tilganini tasdiqlovchi skrinshot yuborishni so‘ragani aytilmoqda.
Shunga o‘xshash holatlar Andijon, Namangan, Qoraqalpog‘iston va Toshkent shahrida ham qayd etilgan. Ayrim hollarda yakshanba kuni ham mahalla yoki hokimlik vakillari fuqarolar uyiga kelib, telefonlariga Xolis ilovasini o‘rnatib bergani haqida xabarlar bor.
Hatto bir qator tadbirkorlar ham 1-yanvarga qadar Paynet Xolis ilovasini o‘rnatishga majburlanayotganidan shikoyat qilgan.
DxOMark mutaxassislari Honor Magic8 Pro smartfonining asosiy kamera imkoniyatlarini sinovdan o‘tkazdi. Sinov natijalariga ko‘ra, qurilma 164 natija bilan jahon reytingida kuchli beshlikka kirdi.
Honor Magic8 Pro uchta kamera moduli bilan jihozlangan. 50 megapikselli asosiy sensor, 50 megapikselli ultra keng burchakli kamera hamda 200 megapikselli, 3,7 barobar optik zumga ega «periskop» moduli. Ekspertlar tasvirga olish jarayonida ekspozitsiyaning aniqligi, keng dinamik diapazon va yorug‘lik yetarli sharoitda detallarning yuqori darajada saqlanishini ijobiy baholadi.
Shuningdek, fonni xiralashtirish effekti va teri tusining tabiiy uzatilishi alohida ta’kidlandi. Biroq sinovlar davomida ayrim kamchiliklar ham aniqlandi. Xususan, videotasvirga olishda ekspozitsiyaning beqarorligi va ranglarning har doim ham aniq...
O‘zbekistonda 2025-yilning 11 oyida jiyda eksporti keskin oshirildi. Milliy statistika qo‘mitasi ma’lumotiga ko‘ra, chetga 5,4 ming tonna jiyda yetkazib berildi. Bu o‘tgan yildagiga nisbatan 68,8 foizga ko‘p.
Eksportning pul ifodasi $9,1 mlnni tashkil etdi. Asosiy xaridor sifatida Turkiya yetakchilik qildi va bu mamlakatga 2,1 ming tonna jiyda eksport qilindi. Xitoy 957 tonna bilan ikkinchi o‘rinni egalladi. Qozog‘istonga yetkazib berish hajmi 852 tonnani tashkil etdi.
Yana bir yirik bozor Rossiya bo‘ldi. Bu mamlakat 508 tonna jiyda import qildi. Ozarbayjonga esa 396 tonna mahsulot yetkazildi.
Jiyda shirin va biroz taxir ta’mga ega meva hisoblanadi. Meva Markaziy Osiyoda keng tarqalgan. O‘zbekistonda jiyda...
Dekabr oyida smartfon bozori ancha qizg‘in bo‘ldi. Yangi modellar orasida kuchli protsessorli, katta batareyali, buklanuvchi va ixcham flagmanlar taqdim etildi. Quyida oy davomida eng ko‘p e’tibor qozongan eng yaxshi smartfonlar jamlandi.
Honor Win kuchli o‘yin smartfoni sifatida tanildi. U 10 ming mA/soatli katta batareya, 185 Hz ekran va faol sovitish tizimiga ega. Snapdragon 8 Gen 5 protsessori tufayli yuqori unumdorlik va uzoq ishlash vaqtini taklif qiladi.
Model yupqa dizayni va kuchli kamerasi bilan ajralib turadi. 6,84 dyuymli LTPO OLED ekran, 6500 mA/soat batareya va 100 vattli tezkor zaryadlash mavjud. Asosiy...
OnePlus kompaniyasi o‘zining yangi smartfonlar seriyasi Turbo 6 va Turbo 6V modellarining anons sanasini e’lon qildi.
Ma’lumotlarga ko‘ra, OnePlus Turbo 6 to‘rt xil xotira konfiguratsiyasida (12/256, 12/512, 16/256 va 16/512 GB) hamda uch xil rangda (qora, oq va yashil) sotuvga chiqariladi. Turbo 6V modeli esa uch xil konfiguratsiyaga (8/256, 12/256, 12/512 GB) ega bo‘lib, deyarli bir xil ranglarda (yashil o‘rniga moviy rang) taqdim etiladi.
Qurilmalarning boshqa texnik xususiyatlari hozircha faqat mish-mishlar darajasida ma’lum. Kutilishicha, OnePlus Turbo 6 modeli 6,78 dyuymli ekran (165 Gs) va Snapdragon 8s Gen 4 chipi bilan, Turbo 6V esa 6,8 dyuymli matritsa (144 Gs) va...
Bloomberg ma’lumotlariga ko‘ra, 2026-yil ham global savdo uchun qiyin yillardan biri bo‘lishi kutilmoqda.
Nashrning yozishicha, dunyo bozori yangi yilga barqarorlik va o‘sishga yangi tahdidlar bilan yuzma-yuz kirmoqda. AQSh prezidenti Donald Tramp dunyodagi eng yirik iqtisodiyot atrofida «tarif devori» qurishni boshlaganiga qaramay, global savdo 2025-yil davomida nisbatan barqaror bo‘lib qolgandi.
Biroq umumiy barqarorlik ortida o‘zgaruvchan past ko‘rsatkichdagi o‘sish yotadi. AQShga kiruvchi yuklar 8 foizga kamaydi. Afrika, Yaqin Sharq, Lotin Amerikasi va Hindistonga import esa kuchli o‘sishni ko‘rsatdi.
«Global konteyner ta’minoti zanjirlari allaqachon savdo modellarini moslashtirish va qayta tuzishni boshladi», – deydi yuk tashish sanoati faxriysi Jon...
30-dekabr uchun valyutalar kursi yangilandi. Unga ko‘ra, dollar 31,99 so‘mga pasayib, 12 025,33 so‘mni tashkil etdi. Bu narx Valyutasi birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.
1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.
4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni...
Islom Karimov nomidagi Toshkent aeroportining uchib kelish terminalida yo‘lovchilarga xizmat ko‘rsatish uchun bir nechta rasmiy taksi xizmatlari va agregatorlar ish boshladi. Bu haqda Uzbekistan Airoports xabar bermoqda.
Endi yo‘lovchilar terminal oldidagi birinchi yo‘lak orqali taksiga to‘g‘ridan to‘g‘ri chiqishlari mumkin. Taxi Millennium, Let’s Trip, Uzviptransservice, Sixt va Taxi Airport Tashkent rasmiy tashuvchilari, shuningdek, Yandex Go xizmatlari birinchi yo‘lak orqali yo‘lovchilarni olib ketadi. Rasmiy taksilarni uchib kelish zalida faoliyat yuritayotgan yagona dispetcherlik xizmati orqali buyurtma qilish mumkin. Yandex Go uchun buyurtmalar mobil ilova orqali qabul qilinadi.
Aeroport ma’muriyati rasmiy tashuvchilar agregatorlar bilan raqobatlasha oladigan budjet tariflar joriy etganini ma’lum qildi...
2025-yilning yanvar–noyabr oylarida O‘zbekistonda ko‘rsatilgan aloqa va axborotlashtirish xizmatlari hajmi 70,6 trln so‘mni tashkil qildi. Bu haqda Statistika qo‘mitasi ma’lumot berdi.
Sohadagi xizmatlar tarkibida eng yuqori ko‘rsatkich kompyuter dasturlash yo‘nalishida qayd etilib, 29,8 trln so‘mga yetgan. Bu raqamlar mamlakatda IT-autsorsing bozori rivojlanayotgani va dasturiy mahsulotlarga bo‘lgan talab ortib borayotganidan dalolat beradi.
Telekommunikatsiya xizmatlari hajmi 22,6 trln so‘mni tashkil etgan bo‘lib, bu asosan mobil aloqa va internet qamrovining kengayishi hisobiga to‘g‘ri keladi. Axborot sohasidagi xizmatlar 11 trln so‘mdan iborat bo‘lsa, boshqa turdagi yordamchi xizmatlar ulushi 7,2 trln so‘mga tenglashgan.
Avvalroq Kursiv Uzbekistan qozonliklar Yangi yil ta’tili uchun ko‘proq O‘zbekistonni tanlayotgani...
Toshkent viloyatining Bo‘stonliq tumanida kadastr xodimining korrupsion harakatiga chek qo‘yildi. Bu haqda Davlat xavfsizlik xizmati xabar berdi.
U mazkur tumanda joylashgan 8 sotix yer maydonidagi xonadonning kadastr hujjatlarini yuqori lavozimda ishlovchi tanishlari orqali rasmiylashtirib berish evaziga $5 ming talab qilgan. Olib borilgan tezkor tadbirda u ushbu pulni olgan paytida ushlangan.
Mazkur holat yuzasidan unga nisbatan Jinoyat kodeksining 168-moddasi (firibgarlik) 2-qismi «a», «b» bandlari va 28, 211-moddasi (pora berish) 1-qismi bilan jinoyat ishi qo‘zg‘atilib, tergov harakatlari olib borilmoqda.
Avvalroq «Kursiv» Namangan viloyatida «Ko‘mir ta’minot» MChJning viloyat filialida boshliq o‘rinbosari sifatida ishlaydigan mansabdor shaxs pora ustida qo‘lga olingani haqida...
Changan kompaniyasi Changan Deepal S05 nomli ixcham elektromobilini Yevropaga eksport qilishni boshladi. Bu model brendning xalqaro bozorga chiqishidagi navbatdagi muhim qadam hisoblanadi.
Ma’lum qilinishicha, Yevropaga yuborilgan ilk partiya 500 ta avtomobildan iborat. Ular Tailandning Rayong shahridagi zavodda ishlab chiqarilgan. Mazkur korxona Changan’ning xorijdagi ilk elektromobil ishlab chiqarish bazasi bo‘ldi. Zavod qurilishiga qariyb $270 mln sarflangan. Dastlabki bosqichda yillik ishlab chiqarish quvvati 100 ming donani tashkil etadi. Kelajakda bu ko‘rsatkich ikki baravar oshirilishi rejalashtirilgan.
Deepal S05 Deepal liniyasidagi beshinchi model hisoblanadi. Avtomobil BEV va EREV talqinlarida taqdim etiladi. Krossoverning o‘lchamlari 4 620×1 900×1 600 mm. G‘ildiraklar bazasi 2 880 mm...
Bishkek shahar Oktabr tumani sudi bloger Akumani Qirg‘iziston prezidenti Sadir Japarovning sun’iy intellekt yordamida yaratilgan suratini e’lon qilgani uchun jarimaga tortdi. Bu haqda advokat Sherdor Abdikaparov ma’lum qildi.
Sud qaroriga ko‘ra, jarima miqdori 5,5 ming qirg‘iz somini (bugungi kurs bo‘yicha taxminan 758 ming o‘zbek so‘mi) tashkil etgan. Ish dastlab Bishkek shahar Ichki ishlar bosh boshqarmasi tomonidan o‘rganilib, so‘ngra sudga oshirilgan. Sudya tomonidan blogerga nisbatan ma’muriy jazo chorasi qo‘llanilgan.
Advokat Sherdor Abdikaparovning ta’kidlashicha, prezident tasvirlangan bu kabi sun’iy intellekt mahsullari qonunchilikda masxara yoki tuhmat shakli sifatida ko‘rilib, jiddiyroq javobgarlikka sabab bo‘lishi mumkin. Yurist internet foydalanuvchilarini bunday materiallarni tarqatishda ehtiyotkor bo‘lishga...
Samsung smartfonlarida 20 ming mA/soatli akkumulyator paydo bo‘lishi mumkin. Bu haqda WCCF xabar bermoqda.
Kompaniya SDI ultra yupqa, ammo juda katta sig‘imga ega akkumulyatorlar ustida ish olib bormoqda. Samsung hozircha umumiy sig‘imi 20 ming mA/soat bo‘lgan tajribaviy kremniy uglerodli batareyani sinovdan o‘tkazmoqda.
Ma’lumotlarga ko‘ra, yangi akkumulyator ikki hujayradan iborat. Asosiy hujayra sig‘imi 12 ming mA/soat. Uning qalinligi 6,3 mm. Ikkinchi qo‘shimcha hujayra esa 8 ming mA·soat sig‘imga ega. Uning qalinligi atigi 4 mm.
Ushbu ko‘rsatkichlar smartfonlar uchun juda yuqori hisoblanadi. Taqqoslash uchun, xitoylik ishlab chiqaruvchilar allaqachon 10 ming mA/soatli kremniy uglerodli batareyalar bilan seriyali smartfonlar chiqara boshlagan.
Biroq Samsung...
Istiqbolli loyihalar milliy agentligi (ILMA)ning tegishli qaroriga muvofiq, Semurg Insurance aksiyadorlik jamiyatiga nisbatan 24,5 mln so‘m miqdorida jarima sanksiyasi qo‘llandi.
Ma’lum bo‘lishicha, jarima «Sug‘urta faoliyati to‘g‘risida»gi Qonun hamda «Sug‘urtalovchilarga nisbatan jarima sanksiyalarini qo‘llash tartibi to‘g‘risida»gi nizom ilovasining 1-bo‘lim, 1-pozitsiyasi asosida belgilangan.
Eslatib o‘tamiz, kompaniya joriy yilning oktabr oyida ham faoliyatida qonunbuzilish holatlari aniqlangani ortidan 31,5 mln so‘m miqdorida jarimaga tortilgandi.
Ta’kidlanishicha, ILMA tomonidan sug‘urta tashkilotlarining moliyaviy ko‘rsatkichlarini o‘rganish natijalariga ko‘ra, qonunchilik hujjatlarida belgilangan me’yorlarga rioya qilmaslik faktlari aniqlanib, buning natijasida 4 ta tashkilotga 156,5 million so‘m miqdorida jarima solindi.
Belarus prezidenti Aleksandr Lukashenko xokkey o‘yini paytida yiqilib tushdi va oqibatda jarohat oldi. Bu haqda Baza xabar berdi.
Davlat rahbari Minskdagi «Olimpik-Arena»da bo‘lib o‘tgan xokkey o‘yiniga borgan. Lukashenko jamoasining Brest viloyati jamoasiga qarshi o‘yinida jarohat oldi. Prezidentni «Salavat» va «Dinamo Minsk»ning sobiq hujumchisi Yaroslav Chupris yiqitgan.
Shundan so‘ng Chupris darhol tayoqchasini tashlab, davlat rahbariga yordam berishga yugurgan.
Lukashenkoning orqa mushaklarida cho‘zilish aniqlangan. Ammo u o‘zini yaxshi his qilayotganini bildirgan. Xabarlarga ko‘ra, o‘yin 5:5 hisobida yakunlangan. Hal qiluvchi shaybani Belarus prezidentining o‘g‘li Nikolay Lukashenko kiritgan.
71 yoshli Aleksandr Lukashenko xokkeyni havaskorlar darajasida o‘ynaydi. 2021-yilning dekabr oyida u Rossiya...
Honor kompaniyasi yangi Honor Power 2 smartfonining tafsilotlarini oshkor qila boshladi. Qurilma yirik sig‘imli akkumulyatori bilan ajralib turadi va u nafaqat uzoq ishlash, balki tashqi qurilmalarni quvvatlash imkoniyatini ham beradi.
Honor Power 2 10080 mA/soat sig‘imli batareya bilan jihozlanadi. Smartfon boshqa qurilmalarni 27 Vt quvvatda quvvatlay oladi. Shu sababli undan to‘liq funksiyali mobil powerbank sifatida foydalanish mumkin bo‘ladi.
Qurilmaning o‘zi ham tez quvvatlanadi. Maksimal zaryadlash quvvati 80 Vtni tashkil etadi. Bu katta sig‘imli akkumulyatorga qaramay, smartfonni qisqa vaqt ichida to‘ldirish imkonini beradi.
Ma’lum qilinishicha, Honor Power 2 tekis ekran bilan taqdim etiladi. Displey diagonali 6,79 dyuym. Ruxsat qobiliyati 1,5K...