Yangiliklar

O‘zbekistonning barcha hududlarida 6-dekabr kuni ob-havo nisbatan barqaror bo‘lib, yog‘ingarchilik kuzatilmaydi. Ayrim hududlarda tuman tushishi mumkin.

Toshkent shahri

Poytaxtda havo o‘zgaruvchan, yog‘ingarchilik kutilmaydi. Faqat kechqurun ayrim hududlarda biroz yomg‘ir yog‘ishi ehtimoli bor. Kechasi va ertalab tuman kuzatilishi mumkin. Harorat kechasi 0-2° iliq, kunduzi 9-11°.

Qoraqalpog‘iston Respublikasi va Xorazm viloyati

Hududlarda yog‘ingarchilik kutilmaydi. Ayrim joylarda tuman ehtimoli bor. Harorat kechasi 2-7° sovuq, kunduzi 2-7° iliq.

Buxoro va Navoiy viloyatlari

Havo o‘zgaruvchan, yog‘ingarchilik bo‘lmaydi. Ba’zi hududlarda tuman tushishi mumkin. Harorat kechasi 2° sovuq – 3° iliq, kunduzi 8-13° iliq.

Toshkent, Samarqand, Sirdaryo, Jizzax viloyatlari

Hududlarning katta qismida...

AQShning Vashington shahrida futbol bo‘yicha 2026-yilgi Jahon chempionati final bosqichiga qur’a tashlash marosimi bo‘lib o‘tdi. O‘zgekistonga «K» guruhida Portugaliya va Kolumbiya raqiblik qiladi.

O‘zbekiston Jahon chempionatida Ronaldu, Vitiniya, Joao Nevesh kabi yulduzlarga ega Portugaliya hamda Luis Dias, Hames Rodrigezdek nomdor futbolchilarga ega Kolumbiya terma jamoasi bilan to‘qnash keladi. Shuningdek, guruhdagi uchinchi raqib o‘tish o‘yinlari orqali ma’lum bo‘ladi.

O‘zbekiston termasi dastlabki uchrashuvni 17-iyun kuni Janubiy Amerika vakili Kolumbiya terma jamoasiga qarshi o‘tkazadi. Portugaliyaga qarshi markaziy o‘yin esa 23-iyun sanasiga belgilangan. Guruh bosqichining so‘nggi bahsi esa 27-iyun kuni pley-off g‘olibiga qarshi bo‘lib o‘tadi.

Eslatib o‘tamiz, ushbu Jahon chempionatida ishtirokchi jamoalar soni...

«Kursiv» nashri 5-dekabr kuni yuz bergan muhim yangiliklarni bir joyga jamladi.

2026-yilda Sirdaryo viloyatida 40 ta yangi loyiha amalga oshiriladi

Xalq deputatlari Sirdaryo viloyati Kengashining navbatdan tashqari sessiyasida Shavkat Mirziyoyev ishtirok etdi. U yig‘ilishda viloyatdagi ijtimoiy-iqtisodiy rivojlanish va amalga oshirilgan islohotlarni alohida ta’kidladi, deya xabar bermoqda davlat rahbari matbuot xizmati.

5-dekabr kuni xorijiy valyutalarni qaysi banklarda qulay narxda almashtirish mumkin

Banklar 5-dekabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Maktablarda qishki ta’til sanalari aniq bo‘ldi

Umumiy o‘rta ta’lim...

AQSh Moliya vazirligi Rossiya neft kompaniyasi «Lukoyl»ga nisbatan qo‘llangan sanksiyalarning bir qismini vaqtincha bekor qildi. Qaror tufayli kompaniyaga tegishli Rossiya tashqarisidagi yoqilg‘i quyish shoxobchalari odatdagi faoliyatini davom ettirishi mumkin bo‘ladi. Ruxsat 2026-yil 29-aprelgacha amal qiladi.

Nima uchun bunday qaror qabul qilindi

AQSh Moliya vazirligi ta’kidlashicha, bu qadam iste’molchilar va yetkazib beruvchilarga zarar yetkazmaslik, shuningdek, ularning kundalik tranzaksiyalarini osonlashtirish uchun kiritilgan. Aks holda, «Lukoyl» brendi ostidagi AYOQShlar to‘xtashi ko‘plab mamlakatlarda logistika va yoqilg‘i ta’minotiga salbiy ta’sir ko‘rsatishi mumkin edi.

Qaror nimalarni o‘z ichiga oladi

«Lukoyl» brendi ostidagi AYOQShlar AQSh va boshqa davlatlarda faoliyatini davom ettiradi. Tranzaksiyalarni amalga oshirishga...

Oliy ta’lim, fan va innovatsiyalar vazirligi 2025/2026-o‘quv yili uchun qishki ta’til muddatini rasman tasdiqladi. Bu haqda vazirlik rasmiy sahifasida ma’lum qilindi.

Unga ko‘ra, oliy ta’lim muassasalari, kasbiy ta’lim tizimi va akademik litseylar talabalari hamda o‘quvchilari 28-dekabrdan boshlab dam olishga chiqadi.

Qishki ta’til 2025-yil 28-dekabrdan 2026-yil 10-yanvariga qadar, shu kuni ham davom etadi.

Ta’til davrida talabalar doimiy yashash hududlariga bemalol yetib borishi uchun Transport vazirligi, «O‘zbekiston temir yo‘llari» va Uzbekistan Airways bilan hamkorlikda qo‘shimcha qulayliklar yaratiladi.

Eng muhim yangilik – yo‘l chiptalariga 50 foiz chegirma joriy etilishi. Chegirma 2025-yil 18-dekabrdan 2026-yil 12-yanvariga qadar amalda bo‘ladi va barcha talaba hamda o‘quvchilar...

Samsung o‘zining Galaxy S26 flagmanlari uchun yangi 25 Vt simsiz zaryadlovchi qurilma tayyorlayotgani ma’lum bo‘ldi. Qurilmaning katalog raqami – EP-P2900.

Hozirgi Samsung simsiz zaryadlovchilari 15 Vt quvvatga ega. Demak, yangi model deyarli ikki baravar tezroq zaryadlash imkonini beradi. Bu esa Galaxy S26 Ultra haqidagi avvalgi mish-mishlarni yana bir bor tasdiqlab turibdi – Ultra modeli 25 Vt simsiz, oddiy S26 va S26+ esa 20 Vt simsiz zaryadlashni qo‘llab-quvvatlashi kutilmoqda. WinFuture manbasi qurilma aynan Galaxy S26 liniyasi uchun yaratilayotganini ta’kidlaydi.

Dizayn va moslik

Netflix Warner Bros Discovery’ning kino va striming biznesini $82,7 mlrdga sotib olishga kelishib oldi.

Ushbu bitim nafaqat 2025-yilning, balki butun zamonaviy kino industriyasining eng yirik voqealaridan biri bo‘lishi mumkin.

Nimalar sotib olinmoqda

Kelishuvga ko‘ra, Netflix Warner Bros’ning Harry Potter, Game of Thrones va boshqa mashhur film-franshizalari, HBO Max striming platformasi kabi asosiy aktivlarini qo‘lga kiritadi. Netflix bu bo‘yicha Comcast va Paramount-Skydance bilan raqobatda g‘olib bo‘ldi.

Nega bu tarixiy bitim

Bu kelishuv Netflix’ni nafaqat striming, balki global kino industriyasining eng yirik o‘yinchisiga aylantiradi. Ammo bitim hali raqobat organlari tomonidan tasdiqlanishi kerak.

Netflix hammuassisi Ted Sarandos bu borada...

Hugo Boss AG (Germaniya) kompaniyasi o‘zining BOSS tovar belgisi O‘zbekistondagi korxona tomonidan noqonuniy ishlatilgani uchun sudga murojaat qilgan. Bu haqda Adliya vazirligi xabar berdi.

Unga ko‘ra, «D.W.» MChJ tomonidan savdoga qo‘yilgan kontrafakt kiyim-kechak mahsulotlari iste’molchini chalg‘itishi mumkin bo‘lgan darajada BOSS brendiga o‘xshash bo‘lgani aniqlangan. Bu esa tovar belgisining egasi bo‘lgan kompaniya huquqlarining buzilishi sifatida baholandi.

Qonunchilikka muvofiq, tovar belgisidan ruxsatsiz foydalanish holatlarida zarar o‘rniga BHMning 20 baravaridan 1000 baravarigacha tovon puli undirilishi mumkin. Mazkur holat yuzasidan Adliya vazirligi avvalroq korxonada tekshiruv o‘tkazgan va huquqbuzarlik bo‘yicha choralar ko‘rgan.

28-noyabr kuni sud Hugo Boss AG foydasiga 20 mln so‘m tovon undirilishini...

Pantone instituti 2026-yil uchun bosh rang sifatida «Bulut raqqosi» (Cloud Dancer) deb nomlangan neytral oq rangni tanladi. Bu haqda institut pres-relizida e’lon qilindi.

Mutaxassislar bu rangni notinch jamiyatda sokinlik, hushyorlik va yangilanishga bo‘lgan ehtiyojni ifodalovchi ramz sifatida talqin qilmoqda.

Pantone ta’rifiga ko‘ra, Cloud Dancer xuddi toza oq tuval kabi insonni ortiqcha chalg‘ituvchi g‘oyalardan ozod qilib, ham fikrni yangilash, ham eski qarashlarni ortda qoldirishga undaydi. Rasmiy identifikator — Pantone 11-4201.

Pantone vitse-prezidenti Lori Pressmanning aytishicha, 2026-yilning rangi o‘zgarish davrida aniqlikni va ongli soddalikni anglatadi, insonni muhim narsalarga diqqat qaratishga yordam beradi.

Pantone 26 yildan beri yil rangini e’lon qilib...

Shavkat Mirziyoyev joriy yilning 5-dekabr kuni BAA, Turkiya, Ozarbayjon va Qirg‘iziston delegatsiyalarini qabul qilib, energetika va infratuzilma sohalaridagi hamkorlik masalalarini muhokama qildi.

Birlashgan Arab Amirliklari energetika va infratuzilmalar vaziri Suhayl al-Mazruiy boshchiligidagi delegatsiya bilan muloqotda Masdar, Etihad Water & Electricity va TAQA Water Solutions kompaniyalari ishtirok etdi. So‘nggi yillarda O‘zbekiston va BAA o‘rtasidagi energetika loyihalari kengayib, loyihalar portfeli $20 milliardga yetgan. Xususan, Masdar bilan mamlakatda $1,5 milliardlik oltita loyiha amalga oshirildi. Buxoroda yangi quyosh stansiyasi ishga tushirildi, Qashqadaryoda esa 600 mln dollarlik yangi inshootlar qurilishi boshlangani alohida ta’kidlandi.

Turkiya energetika va tabiiy resurslar vaziri Alparslon Bayroqdor boshchiligidagi...

O‘zbekiston 2040-yilga kelib katta atom elektr stansiyasi (AES) quvvatini avval rejalashtirilgan 2 GVt dan 4 GVt gacha oshirishni maqsad qilgan. Bu haqda «O‘zbekiston 24» telekanalida e’lon qilindi.

«O‘zbekiston 24» telekanali e’lon qilgan Jizzax viloyatidagi integratsiyalashgan AESni joylashtirish sxemasida to‘rtta katta quvvatli energoblok qurilishi tasvirlangan. Ularning ikkitasi Rossiyaning VVER-1000 reaktorlari bo‘lib, avvalroq loyihada faqat ikkita shunday reaktor bo‘lishi aytilgan edi.

Sxemaga ko‘ra, har bir blok uchun ikkita sovitish minorasi, shuningdek, RITM-200N kichik modulli reaktori va tegishli infratuzilma obyektlari qurilishi rejalashtirilgan. Energetika vazirligining 2040-yilgacha bo‘lgan energobalans strategiyasiga ko‘ra, atom generatsiyasi 2030-yilda 0,3 GVt o‘rnatilgan quvvat bilan ishga tushadi.

2035-yilga kelib quvvat...

Ukrainadagi tinchlik muzokaralarining to‘xtab qolishi fonida neft narxlari barqarorlashdi. Bu haqda Reuters agentligi xabar bermoqda.

5-dekabr holatiga ko‘ra, savdolar davomida Brent markali neft narxi 0,1 foizga pasayib, bir barreli 63,18 dollarni, WTI esa 0,2 foizga arzonlashib, 59,53 dollarni tashkil qildi. Shunga qaramay, WTI haftalik hisobda 1,7 foiz o‘sishni qayd etib, ketma-ket ikkinchi hafta ijobiy natija ko‘rsatdi. Tahlilchilar bozorning hozirgi holatini geosiyosiy taranglik va ishlab chiqarish hajmining barqarorligi bilan izohlamoqda.

«Muzokaralardagi siljish yo‘qligi narxlarni qo‘llab-quvvatlayotgan bo‘lsa, ishlab chiqarishining barqarorligi unga bosim o‘tkazmoqda», — dedi tahlilchi Tamas Vargas.

Shuningdek, bozor ishtirokchilari AQSh Federal zaxira tizimi (FRS...

Joriy yilning 8 – 10-dekabr kunlari O‘zbekiston hududiga nam va sovuq havo massalari kirib keladi. Bu haqda «O‘zgidromet» xabar berdi.

Tezkor gidrometeorologik axborotga ko‘ra, 8 – 9-dekabrda respublikaning ba’zi joylarida yomg‘ir yog‘adi. Tog‘ oldi va tog‘li hududlarda esa 8 – 10-dekabr davomida yog‘ingarchilik (yomg‘ir, qor), vaqti-vaqti bilan kuchli bo‘ladi.

9 – 10-dekabr kunlari shimoliy va cho‘l hududlarida shamol kuchayadi. Ba’zi joylarda tezlik 15–18 m/s, ayrim hududlarda esa 20–22 m/s gacha yetishi mumkin.

10-dekabrga kelib markaziy hududlarda kechalari 2–5 daraja sovuq, kunduzi 3–6 daraja iliq bo‘ladi. Shimolda esa kechalari 7–10 daraja sovuq, kunduzi 0–3 daraja sovuq bo‘lishi kutilmoqda.

Avvalroq Qamchiq...

Boliviyadagi Torotoro milliy bog‘ida olimlar 16 ming dan ortiq teropod izlarini aniqladilar. Ushbu izlar bo‘r davrining oxirida, taxminan 101 mln yil avval qoldirilgan. Bu haqda CNN xabar bermoqda.

Carreras Pampas deb nomlanuvchi hududda olib borilgan tadqiqotlar taxminan 7,4 ming kvadrat metr maydonni qamrab oldi. Topilgan izlarning barchasi uch barmoqli, ikki oyoqda yuruvchi go‘shtxo‘r dinozavrlar teropodlarga tegishli. Olimlarning ta’kidlashicha, ushbu hudud Argentina, Boliviya va Peruni bog‘lovchi yirik «dinozavr magistrali»ning bir qismi bo‘lgan va bu yerda harakatlanish tig‘iz bo‘lgan.

Izlarning shakli va oralig‘i jonivorlarning xatti-harakatlarini ochib berdi. Ba’zilari sekin yurgan, boshqalari yugurgan. Dinozavrlarning o‘lchamlari turlicha bo‘lib, ularning balandligi 65 santimetrdan...

O‘zbek milliy taomlari orasida bozorlarda tayyorlanadigan mashhur «Bozor xonim» alohida o‘rin tutadi. Mazali kartoshka va piyozdan tayyorlanadigan qiyma, yupqa yoyilgan xamir, bug‘da pishirilgan yumshoqlik — bularning barchasi uni ko‘pchilikning sevimli taomiga aylantirgan.

Kursiv Uzbekistan retsepti bilan uy sharoitida tayyorlangan bozor xonim bozordagidan ham yanada lazzatli bo‘ladi. Asosiy sir — xamirning yumshoqligi, asosning to‘g‘ri balansi va eng muhimi, pomidorli qaylaning ta’mi.

2. Asos uchun

3. Qayla uchun

Tayyorlash bosqichlari

1. Xamirni tayyorlash: Un, tuz, o‘simlik yog‘i va iliq suvdan o‘rtacha qattiqlikdagi xamir qoriladi. U 15–20 daqiqa dam olishi uchun yopib qo‘yiladi. Xamir tindirilganda elastiklashib, yoyishga yengil bo‘ladi.

...

9-dekabr uchun valyuta kurslari e’lon qilindi. Shu kun uchun AQSh valyutasi 11 990,09 so‘m (+26,86 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

26-noyabr kuni AQSh valyutasi 11 936,89 so‘mga (-51,43 so‘m), 27-noyabr kuni 11 881,60 so‘mga (-55,29 so‘m), 28-noyabr kuni  AQSh valyutasi 11 902,30 so‘mga (+20,7 so‘m) tenglashgan. 1-dekabr kuni dollar 11 940,95 so‘m (+38,65 so‘m), 2-dekabr kuni esa 11 895,57 so‘m (-45,38 so‘m) etib belgilandi. 4-dekabr kuni esa 11 912,38 so‘mga (+31,45 so‘m), 5-dekabr kuni esa 11 963,23 so‘mga (+50,85 so‘m) tenglashdi.

Markaziy bank ma’lumotlariga ko‘ra, yevro 3,79 so‘mga oshib, 13 974,45 so‘mni, rubl esa 2,6 so‘mga...

Noyabr oyida BYD 480 mingdan ortiq avtomobil sotdi, bu joriy yilning eng yuqori ko‘rsatkichi. Ammo o‘tgan yilga nisbatan savdo 5,25 foizga kamaydi. Bu haqda CarNewsChina xabar berdi.

Shunga qaramay, yanvar–noyabr oylarida kompaniya umumiy 4,18 mln avtomobil yetkazib bergan, bu 2024-yilga nisbatan 11,3 foiz o‘sishni bildiradi.

BYD prezidenti Van Chuanfu savdo pasayishini texnologiya va mahsulot yangilanishlaridagi tabiiy sikllar, kompaniyaning texnologik ustunligining biroz kamayishi hamda bozorning umumiy bir xillashuvi bilan izohladi.

Shuningdek, u sovuq ob-havoda zaryadlash sekinlashuvi kabi iste’molchilar e’tirozlari hamon dolzarbligini ta’kidladi. Van yaqin kelajakda kompaniya yangi texnologiyalarni taqdim etishini aytdi, lekin tafsilot bermadi.

Uning so‘zlariga ko‘ra, kompaniya keyingi ikki-uch...

Toshkent shahri transport tizimini 2030-yilgacha rivojlantirishning maqsadli ko‘rsatkichlari tasdiqlandi. Poytaxtda transport tizimini boshqarishni takomillashtirish va tirbandliklarning oldi olishga qaratilgan prezident qarori qabul qilindi.

Unga ko‘ra, aholining jamoat transportidan foydalanish darajasi 60 foizga yetkaziladi, avtobuslarning o‘rtacha tezligi esa 18 km/soatdan 24 km/soatga oshiriladi. Shuningdek, 150 ming o‘rinli avtoturargohlar barpo etiladi va metropoliten tarmoqlari 103 kilometrga kengaytiriladi.

Shaharda «Yo‘l harakatini tashkil etish markazi» tashkil etiladi. Markazning asosiy vazifalari raqamli va «yashil» texnologiyalar orqali transport oqimlarini doimiy kuzatib borish, Toshkentning transport master-rejasini yaratish va asosiy yo‘llar kesishmalarida ko‘p qavatli avtoturargohlar tashkil etishdan iborat bo‘ladi. Shuningdek, yerusti metro liniyalari ostida xavfsizlik talablariga mos...

Nio kompaniyasining Onvo L60 Black Knight Edition maxsus talqindagi elektromobili Xitoyda rasmiy yetkazib berila boshlandi. Fastback kuzovli ushbu SUV BaaS (Battery as a Service) rejasi bilan $21,9 mingdan taklif qilinmoqda. Seriya cheklangan bo‘lib, atigi 666 dona avtomobil ishlab chiqariladi.

Model 2024-yil sentabrda sotuvga chiqarilgan, Tesla Model Y’ga raqib sifatida taqdim etilgan standart Onvo L60 asosida yaratilgan. L60 dastlab 206,9–255,9 ming yuan ($29,26–36,19 ming) oraliq narxlarda taklif qilingan. BaaS rejasi orqali esa akkumulyatorsiz versiya 149,9 ming yuan ($21,2 ming) dan boshlangandi. Shunga qaramay, 2024-yil sentabrdan 2025-yil sentabrgacha bo‘lgan davrda model 68 707 dona sotilgan va bu Nio kutgan ko‘rsatkichlardan past...

Yandex Go ilovasida shaharlararo jo‘natmalarni yetkazib beruvchi xizmat ishga tushirildi. Buyurtmalar Market Yandex Go punktlari orqali bir kundan boshlab yetkazib beriladi. Bu haqda kompaniya Kursiv Uznekistan’ga xabar berdi.

Hozirgi bosqichda jo‘natmalar Toshkent, Samarqand, Buxoro va Farg‘ona shaharlari o‘rtasida amalga oshirilmoqda. Kelgusida xizmat ko‘rsatish hududi bosqichma-bosqich kengaytirlishi rejalashtirilgan. Jarayon to‘liq ilovada rasmiylashtiriladi. Yuboruvchi va qabul qiluvchi ma’lumotlari kiritilib, yaqin oradagi topshirish punkti tanlanadi. Qabul qiluvchi jo‘natmani o‘z shahridagi punktdan olib ketishi mumkin.

Foydalanuvchilar og‘irligi 12 kilogrammgacha bo‘lgan buyurtmalarni yuborish imkoniyatiga ega. Tizimda uchta vazn toifasi mavjud: S (2 kggacha), M (5 kggacha) va L (12 kggacha).

Xizmat narxi dastlabki uchta jo‘natma...

Motorola kompaniyasi Motorola Edge 70 smartfonining maxsus dizayndagi yangi talqinini namoyish etdi. Bu haqda Gizmochina xabar bermoqda.

Qurilma Pantone’ning 2026-yil rangi sifatida tanlangan Cloud Dancer oq tusida ishlangan bo‘lib, orqa paneli Swarovski kristallari bilan bezatilgan.

Ishlab chiqaruvchining ma’lum qilishicha, ushbu versiya texnik jihatdan yangilanmagan va barcha o‘zgarishlar faqat tashqi ko‘rinish bilan bog‘liq.

Maxsus versiya Brilliant Collection kolleksiyasiga kiradi. Bu loyiha doirasida Motorola turli materiallar va dizayn yechimlari bilan tajriba o‘tkazib kelmoqda.

Texnik ko‘rsatkichlari esa o‘zgarishsiz qolgan. Smartfon 50 MP kameraga, tanish displeyga, Moto AI sun’iy intellekt funksiyalariga va oddiy Edge 70 bilan bir xil apparat xususiyatlariga ega.

Narxi va...

2026-yilda Jizzax va Sirdaryo viloyatlarining elektr tarmoqlari boshqaruvi investorlarga beriladi. Bu haqda Shavkat Mirziyoyev energetika sohasidagi obyektlar va loyihalarni ishga tushirish marosimida ma’lum qildi.

Shuningdek, 2027-yilda esa Namangan va Toshkent viloyatlari elektr tarmoqlari boshqaruvi ham investorlar uchun taklif qilinadi.

«Biz elektr energiyasi generatsiyasi yo‘nalishidagi islohotlarimiz natijasida sohaga xorijiy sarmoyalarni davlat-xususiy sheriklik asosida to‘g‘ridan to‘g‘ri jalb etishda katta tajriba orttirdik. Joriy yildan nafaqat elektr energiyasini ishlab chiqarish, balki uni iste’molchilarga yetkazib berishda ham xususiy sheriklik tamoyillarini qo‘llashni boshladik», – deydi davlat rahbari.

Xususan, marosimda Samarqand hududiy elektr tarmoqlarini boshqaruvga berish bo‘yicha Turkiyaning «Aksa elektrik...

O‘zbekistonda $11 milliardlik 42 ta yangi quvvat va infratuzilma obyektlari ishga tushirildi, yana 21 ta yirik loyiha qurilishiga start berildi. Bu haqda prezident matbuot xizmati xabar berdi.

Shavkat Mirziyoyev energetika sohasidagi obyektlar va loyihalarni ishga tushirish marosimida hududlarda jami 3,5 ming megavatt quvvatga ega 16 ta quyosh, shamol, issiqlik va gidro stansiyalar foydalanishga topshirilishini ma’lum qildi. Ular to‘liq quvvat bilan ishlay boshlagach, yiliga 15 mlrd kVt-soat elektr energiyasi ishlab chiqariladi. Natijada 2026-yilda «yashil» energiya hajmi 23 mlrd kVt-soatga yetadi.

«E’tibor bering, bu – O‘zbekiston aholisining yillik elektr energiya iste’moli to‘liq qoplanadi, deganidir», – dedi...

O‘zbekiston Parij bitimi doirasida 2035-yilgacha zararli gazlar chiqindisini 50% ga qisqartiradi. Bu haqda Shavkat Mirziyoyev energetikaga oid marosimda ma’lum qildi.

Ushbu yo‘nalishda Jahon banki bilan hamkorlikda dunyodagi ilk innovatsion «ICRAFT» loyihasi ishga tushirildi. Loyiha doirasida O‘zbekiston tomonidan qisqartirilgan 23 mln tonna issiqxona gazi xalqaro darajada hisobga olindi.

Joriy yilning o‘zida 17 ta yirik sanoat korxonasi «yashil» energiya bo‘yicha xalqaro sertifikatlar tizimiga o‘tdi. Kelgusi ikki yil davomida ushbu tizimga qo‘shiladigan korxonalar sonini 100 taga yetkazish rejalashtirilgan.

Prezident qo‘shni mamlakatlar bilan yagona energetika bozorini shakllantirish borasidagi hamkorlik mustahkamlanayotganini ta’kidladi. Xususan, mintaqaning gidroenergetika salohiyatidan samarali foydalanish va uni birgalikda boshqarish maqsadida 2026-yildan...