Yangiliklar

Davlat xavfsizlik xizmati va Iqtisodiy jinoyatlarga qarshi kurashish departamenti tomonidan Farg‘ona va Namangan viloyatlarida hokimlik vakillarining korrupsion faoliyatiga oid holatlar fosh etildi. Bu haqda DXX matbuot xizmati ma’lum qildi.

Farg‘ona viloyatida o‘tkazilgan tezkor tadbir davomida Bog‘dod tumani hokimining o‘rinbosari $8 ming olayotgan vaqtida qo‘lga olingan. Tekshiruvda aniqlanishicha, u xizmat mavqeyidan foydalanib, Beshariq tumanida yashovchi fuqaro «e-auksion» orqali ijara huquqi bilan olgan 2,4 sotix yer maydonini boshqa shaxsga mulk sifatida o‘tkazib berishni va’da qilgan.

Namangan shahrida o‘tkazilgan yana bir tadbirda shahar hokimining mahalla fuqarolar yig‘inlaridan biridagi yordamchisi «Yashil makon» loyihasi doirasida ajratilgan yerning 8 sotix qismini bir yilga noturar...

«Hamroh» dasturi doirasida xotin-qizlar tadbirkorligi uchun ikki trillion so‘m ajratadi

Prezidentning «Xotin-qizlarni qo‘llab-quvvatlashga oid qo‘shimcha chora-tadbirlar to‘g‘risida»gi farmoni qabul qilindi. Bu haqda Adliya vazirligi ma’lum qildi.

Donald Tramp FIFA tomonidan «Tinchlik mukofoti» bilan taqdirlanadi

AQSh prezidenti Donald Tramp FIFA «JCh – 2026» qur’a tashlash marosimida shaxsan ishtirok etadi va tashkilotning «Tinchlik mukofoti» bilan taqdirlanadi. Bu haqda GiveMeSport jurnalisti Ben Jeykobs xabar berdi.

Rossiya Sibir suvini Markaziy Osiyo bilan bo‘lishmaydi — olimlar fikri

Rossiya Fanlar akademiyasi Sibir daryolaridan suvni Markaziy Osiyoga, avvalo, Oʻzbekistonga yetkazish bo‘yicha eski loyihani zamonaviy sharoitda qayta o‘rganishni boshladi. Ammo bir qator taniqli rossiyalik olimlar bu...

5-dekabr kuni O‘zbekiston hududida havo o‘zgaruvchan bo‘lib, ayrim joylarda biroz yomg‘ir yoki qor yog‘ishi kutilmoqda. Harorat kechasi -3° sovuqdan +5° iliqqacha, kunduzi esa +3…+13° iliq atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlr kesimida:

Korporativ tadbirlarda majburiy quvnoqlik eng ko‘p bezovta qiluvchi omil hisoblanadi. hh.uz platformasi 300 dan ortiq ish izlovchi va 150 ta ish beruvchilar o‘rtasida so‘rovnoma o‘tkazdi.

So‘rov natijalari bo‘yicha ishtirokchilarning 45 foiz qismi majburiy quvnoqlikni yoqtirmaydi. 39 foizining esa uzundan uzoq tostlarga toqati yo‘q. Shuningdek, ko‘pchilik hamkasblarning haddan tashqari erkin xatti-harakati ham bayram kayfiyatini buzishini ta’kidlaydi.

Ish beruvchilar va xodimlar fikricha, eng yaxshi korporativ – bu rasmiyatchiliklarsiz uchrashuvlardir. Tenglik muhiti 42 foizi ish beruvchilar va 49 foiz ish izlovchilar uchun muhim hisoblanadi. Yengil muloqot, yaxshi musiqa va tabiiy jamoaviy atmosfera tadbirning ajoyib o‘tishi uchun asosiy omillar bo‘lib qoladi.

Ko‘pchilik uchun korporativ...

Shavkat Mirziyoyev Guliston shahri jamoat transporti infratuzilmasini takomillashtirish maqsadida olib kelingan zamonaviy avtobuslar taqdimoti bilan tanishdi. Bu haqda davlat rahbari matbuot xizmati ma’lum qildi.

Guliston shahridagi ichki yo‘llar bo‘ylab qatnovlarni yaxshilash maqsadida 52 ta yangi avtobus olib kelindi. Ular «Yevro-5» standartiga javob beradi va tabiiy siqilgan gazda harakatlanadi. Har biri 65 nafar yo‘lovchini qulay sharoitda yetkazishga mo‘ljallangan bo‘lib, past polli dizayni nogironligi bo‘lgan shaxslar uchun pandus uskunalari va alohida o‘rinliklar bilan jihozlangan. Yo‘l haqi to‘lovlarini elektron tarzda amalga oshirish uchun «ATTO» tizimi o‘rnatildi.

Aholining jamoat transportiga bo‘lgan ehtiyoji hisobga olinib, avtobuslar Guliston shahrining 23 ta mahallasini qamrab oluvchi...

13-dekabrdan 14-dekabrga o‘tar kechasi O‘zbekiston aholisi yilning eng hayratlanarli Geminidalar meteor yomg‘irini kuzatish imkoniga ega bo‘ladi. Bu haqda Science NASA ma’lum qildi.

Unga ko‘ra, meteor yomg‘irining cho‘qqisi 14-dekabr kuni dunyo vaqti bilan soat 03:00 – 04:00 da sodir bo‘ladi. O‘zbekiston UTC+5 vaqt mintaqasida joylashgani sababli, bu mahalliy vaqt bilan 08:00 – 09:00 ga to‘g‘ri keladi. Shuning uchun kosmik hodisa quyosh chiqqandan keyin sodir bo‘ladi.

Geminidalar meteor yomg‘irining yuqori faolligi cho‘qqidan oldin va keyin bir necha soat davom etadi. Shu bois uni qorong‘i osmon ostida, ya’ni tundan tonggacha kuzatish mumkin. Agar osmon toza va qorong‘i bo‘lsa, soatiga 120 gacha...

O‘zbekiston va Rossiya o‘rtasidagi hamkorlik doirasida Farg‘ona viloyati Quva tumanida agrologistika markazi qurilishi boshlandi. Bu haqda viloyat hokimligi ma’lum qildi.

Markaz barpo etilishi munosabati bilan o‘tkazilgan tadbirda videokonferensaloqa orqali Toshkent shahridan Investitsiyalar, sanoat va savdo vazirligi, Farg‘ona viloyati hokimi Xayrullo Bozorov, Rossiya Federatsiyasining Omsk viloyati gubernatori Vitaliy Xotsenko, shuningdek, investorlar, tuman hokimligi mas’ullari va jamoatchilik vakillari ishtirok etdi.

Tadbirda so‘z olgan viloyat hokimi Xayrullo Bozorov mazkur loyiha Farg‘ona va Omsk viloyatlari o‘rtasidagi jadal rivojlanib borayotgan hamkorlikning amaliy natijasi ekanini ta’kidladi. U o‘tgan yilda Farg‘ona delegatsiyasining Omsk viloyatiga tashrifi davomida ko‘plab kelishuvlarga erishilgani va bugungi loyiha ana shu muloqotlar...

Transfermarkt portali O‘zbekiston Superligasi va Pro ligasida to‘p surayotgan futbolchilarning yangilangan transfer narxlarini e’lon qildi. Eng katta o‘sish «Paxtakor» himoyachisi Hojiakbar Alijonovda kuzatildi. Uning narxi 400 ming yevroga oshib, umumiy qiymati 1,2 mln yevroga yetdi.

Alijonov yakunlangan mavsumda samarali o‘yin namoyish etdi. Superliganing 26 ta uchrashuvida maydonga tushib, 2 ta gol va 12 ta golli uzatmaga mualliflik qildi. Mavsumning yana bir kashfiyoti «Nasaf» a’zosi Sardorbek Bahromov bo‘ldi. Yil boshida zaxira o‘yinchisi bo‘lgan futbolchi mavsumni milliy terma jamoa a’zosi sifatida yakunladi. Uning transfer narxiga 350 ming yevro qo‘shilib, jami 400 ming yevroni tashkil etmoqda.

Shuningdek, «Paxtakor» a’zolari Igor Sergeyev, Muhammadrasul...

Toshkentdagi korxonasini Sirdaryoga ko‘chiradigan tadbirkorlarga yerlar chegirma bilan taklif etiladi. Bu haqda Shavkat Mirziyoyev ishtirokidagi xalq deputatlari Sirdaryo viloyati Kengashining navbatdan tashqari sessiyasida ma’lum qilindi.

Bugungi kunda Toshkent shahridagi sanoat korxonalarini bosqichma-bosqich poytaxtdan tashqariga ko‘chirish jarayoni davom etmoqda. Ko‘plab korxonalar mehnat resursi ko‘p bo‘lgan, infratuzilmasi yaxshi va yer-mulk solig‘i arzon hududlarga o‘tishni ma’qul ko‘rmoqda.

Shu sababli davlat rahbari Sirdaryo erkin iqtisodiy zonasida bo‘sh turgan maydonlar poytaxtdagi mavjud ishlab chiqarish quvvatlarini joylashtirish uchun qulay ekanligini ta’kidladi.

Bu jarayonni qo‘llab-quvvatlash uchun korxonasini Sirdaryoga ko‘chmoqchi bo‘lgan tadbirkorlarga sanoat zonasidagi yerlar soddalashtirilgan tartibda va chegirma bilan taqdim etilishi belgilandi.

Shuningdek, ularga...

2026-yilda Sirdaryo tumanida Xitoy bilan hamkorlikda $122 millionlik avtomobil ishlab chiqarish loyihasi ishga tushadi. Bu haqda Shavkat Mirziyoyev ishtirokidagi xalq deputatlari Sirdaryo viloyati Kengashining navbatdan tashqari sessiyasida ma’lum qilindi.

Yaqinda Qozog‘iston bilan Sirdaryo tumanidagi Markaziy Osiyo xalqaro sanoat kooperatsiyasi markaziga start berildi. Mazkur markaz hududida $300 millionlik 14 ta sanoat korxonasi 2026-yilning birinchi choragi yakunida ish boshlaydi. Shuningdek, $720 millionlik yana 40 ta yangi loyiha joylashtirilishi kutilmoqda.

Davlat rahbari tumandagi ijtimoiy-iqtisodiy o‘zgarishlarni alohida ta’kidladi. O‘tgan yili tomorqalardan foydalanish, kichik sanoat va servisni rivojlantirish bo‘yicha yangicha tizim Sayxunoboddan boshlangandi. Natijada 13 ming xonadonda daromad bir necha barobarga oshdi. 1,8 ming...

Tailand hukumati 3-dekabr kuni kiberfiribgarlik tarmoqlariga qarshi kurash doirasida $300 mlndan ortiq qiymatdagi aktivlarni musodara qildi va 42 nafar shaxsni hibsga olishga order berdi. Bu haqda The Guardian xabar bermoqda.

Tailand Markaziy tergov byurosi o‘rinbosari Sofon Sarapatning ma’lum qilishicha, order berilgan 42 shaxsdan 29 nafari 3-dekabrda hibsga olingan. Musodara qilingan mulklar orasida tadbirkor Chen Chji va uning sheriklariga aloqador aktivlar mavjud.

Tailandning jinoiy daromadlarni legallashtirishga qarshi kurashish boshqarmasi (AMLO) tekshiruvlar davomida onlayn firibgarlik, odam savdosi va pul yuvish tarmoqlari aniqlanganini bildirgan. Chen Chji ayni paytda qayerda ekanligi noma’lum.

Musodara qilingan eng yirik aktivlardan biri kambodjalik Yim Likka tegishli ekani...

Toshkent yo‘llari aslida 400 ming avtomobil oqimiga mo‘ljallangan bo‘lsa-da, hozir shaharda 1 mlndan ortiq mashinalar harakatlanmoqda. Bu haqda poytaxt hokimi Shavkat Umrzoqov «O‘zbekiston 24» telekanaliga bergan intervyusida ma’lum qildi.

«Bizni avtomobil yo‘llarimiz 400 ming avtomobilga mo‘ljallangan bo‘lsa, ko‘chalarimizda 1 mlndan ortiq mashina harakatlanmoqda. Bugungi kunning muammosini xorijiy tajribalarni o‘rgangan holda yondashib kompleks yechimlar taqdimotini o‘tkazdik», – deya qayd etgan Umrzoqov.

Uning aytishicha, muammoni kamaytirish maqsadida xorijiy tajribaga asoslangan yagona yo‘l harakatini boshqarish markazi tashkil etilmoqda. Ushbu markaz shahar bo‘ylab tirbandliklarni real vaqt rejimida kuzatadi va transport oqimini samarali tartibga soladi.

Markaz to‘liq ishga tushirilgach, Toshkentdagi...

Yangi Zelandiya politsiyasi 32 yoshli erkakni Oklend shahridagi do‘konda qiymati $19,2 mingdan oshiq Faberge kulonini yutib yuborganlikda ayblamoqda. Bu haqda The Guardian xabar berdi.

Do‘kon xodimlari erkak taqinchoqni olib, yutib yuborganini xabar qilgach, politsiya zudlik bilan voqea joyiga yetib kelgan va gumonlanuvchini hibsga olgan. O‘g‘irlangan buyum James Bond Octopussy to‘plamiga mansub maxsus tuxum shaklidagi kulon bo‘lib, u 18 karatli sariq oltin, 60 ta oq olmos va 15 ta moviy sapfir bilan bezatilgan.

Kulon ichida qora olmos bilan ishlov berilgan kichik oltin sakkizoyoq joylashtirilgan. Politsiya vakilining ta’kidlashicha, qimmatbaho buyum hali qaytarib olinmagan. Ayblanuvchi ayni paytda hibsda saqlanmoqda va 8-dekabr...

Sohalarga oid 66 ta xorijiy atamaning o‘zbekcha muqobillari bo‘yicha bildirilgan takliflar e’lon qilindi. Bu haqda O‘zbekiston Fanlar akademiyasi xabar berdi.

Unga ko‘ra, xorijiy atamalarni o‘zbekcha muqobillariga almashtirish bo‘yicha tashkilotlar va jamoatchilik tomonidan tushgan takliflar o‘rganildi. Jarayon Atamalar komissiyasining ishchi kengashi — O‘zbekiston Fanlar akademiyasi O‘zbek tili, adabiyoti va folklori instituti olimlari tomonidan ko‘rib chiqilib, barcha bildirilgan takliflar e’lon qilindi.

Quyidagi xorijiy atamalar muqobillari bilan taklif etildi:

Bundan oldin ham Atamalar komissiyasi bayoni bilan xorijiy tillardan kirib kelgan bir qator so‘zlarga o‘zbekcha muqobillar tavsiya etilgan ro‘yxat tasdiqlangandi. Ro‘yxatga ishbilarmonlik, ommaviy axborot vositalari va kundalik nutqda faol qo‘llaniladigan «avans...

Toyota 2026-yil uchun yangilangan Toyota Mirai vodorodli sedanini rasman namoyish qildi. Bu haqda «Avtonovosti dnya» nashri xabar bermoqda.

Model dizayn jihatidan deyarli o‘zgarmagan. Avtomobil oldingi ko‘rinishi va proporsiyalarini saqlab qoldi. AQShda bazaviy narx yetkazib berishsiz $51,8 ming darajasida saqlanib qolgan.

Texnik qismda ham katta o‘zgarish yo‘q. Mirai 182 ot kuchiga ega vodorod yonilg‘isi elementlari tizimi bilan jihozlangan. EPA sikli bo‘yicha yurish masofasi 644 kmni tashkil etadi. Bu ko‘rsatkich vodorodli modellarda eng yuqori natijalardan biri hisoblanadi. Toyota Mirai’ni elektromobillarga muqobil bo‘lgan ekologik premium sedan sifatida taqdim etishda davom etmoqda.

Asosiy yangiliklar jihozlanish bilan bog‘liq. Endi standart komplektatsiyaga 19 dyuymli yengil...

OpenAI kompaniyalarga sun’iy intellekt modellarini o‘rganishga yordam beradigan vositalarni taqdim etuvchi Neptune startapini sotib olishga rozi bo‘ldi. Bu haqda Reuters agentligi ma’lum qildi.

OpenAI ushbu xarid uchun $400 mlndan kamroq miqdorda aksiya to‘lashini xabar qildi. Sem Altman boshchiligidagi kompaniya allaqachon Neptune mijozi hisoblanadi va uning trekeridan GPT modellarini o‘qitishni nazorat qilish hamda xatolarni tuzatishda foydalanib kelmoqda. Neptune mijozlari qatorida Samsung, Roche va HP kabi yirik kompaniyalar ham bor.

Dastlab Deepsense kompaniyasining ichki vositasi bo‘lgan Neptune 2018-yilda mustaqil startap sifatida ajralib chiqqan va shu kungacha $18 milliondan ortiq sarmoya jalb qilgan.

Oktabr oyida xodimlar aksiyalarini sotish bo‘yicha kelishuvdan so‘ng OpenAI...

AQShning O‘zbekistondagi elchixonasi 2027-yilgi Diversity Visa (Green Card) lotereyasi bo‘yicha tarqalgan yolg‘on ma’lumotlarni rad etdi. Bu haqda elchixona Telegram kanalida ma’lum qilindi.

Diplomatik vakolatxona hozircha ariza topshirish jarayoni boshlanmaganini ma’lum qildi. Elchixonaning ta’kidlashicha, internetda va ayrim shaxslar tomonidan ro‘yxatdan o‘tish boshlangan, g‘oliblik imkoniyatingizni oshirib beramiz kabi da’volar tarqalmoqda. Rasmiy ma’lumotlarga ko‘ra, bunday xizmatlar yolg‘on va fuqarolarni chalg‘itishga qaratilgan.

Davlat departamenti DV-2027 uchun aniq sanalarni va ariza topshirish qoidalaridagi ehtimoliy o‘zgarishlarni tasdiqlagach, bu haqda ommaga rasmiy ravishda e’lon qiladi.

Elchixona fuqarolardan faqat rasmiy manbalarga ishonishni, shubhali xizmatlarga murojaat qilmaslikni tavsiya etdi.

Avvalroq Kursiv Uzbekistan Green Card’ga ariza topshirish muddati o‘zgarishi...

5-dekabr uchun valyuta kurslari e’lon qilindi. Shu kun uchun AQSh valyutasi 11 963,23 so‘m (+50,85 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

26-noyabr kuni AQSh valyutasi 11 936,89 so‘mga (-51,43 so‘m), 27-noyabr kuni 11 881,60 so‘mga (-55,29 so‘m), 28-noyabr kuni  AQSh valyutasi 11 902,30 so‘mga (+20,7 so‘m) tenglashgan. 1-dekabr kuni dollar 11 940,95 so‘m (+38,65 so‘m), 2-dekabr kuni esa 11 895,57 so‘m (-45,38 so‘m) etib belgilandi. 4-dekabr kuni esa 11 912,38 so‘mga (+31,45 so‘m) tenglashdi.

Markaziy bank ma’lumotlariga ko‘ra, yevro 97,5 so‘mga oshib, 13 970,66 so‘mni, rubl esa 1,96 so‘mga oshib, 155,35 so‘mni tashkil qildi.

Eslatib o‘tamiz, Kursiv Uzbekistan hafta...

Asia Alliance Bank kompaniya bilan tuzilgan shartnomalar muntazam buzilgani va majburiyatlar bajarilmagani sababli Humans guruhiga nisbatan sud orqali qarzni undirish jarayonini boshlaganini ma’lum qildi. Bu haqda bankning rasmiy Telegram kanalida ma’lum qilindi.

Unga ko‘ra, so‘nggi kunlarda bir nechta anonim Telegram kanallarda Humans’ning turli kompaniyalar oldidagi katta miqdordagi qarzlari haqida xabarlar tarqaldi. Unga ko‘ra, kompaniyaning Yandex oldidagi qarzi $13,3 mln, Octobank oldidagi qarzi 533 mlrd so‘m, Asia Alliance Bank oldidagi qarzi esa $3,9 mln ekani haqida da’volar ilgari surilgan edi.

Asia Alliance Bank ushbu xabarlar yuzasidan rasmiy izoh berib, kompaniya haqiqatan ham bank oldida bir qator moliyaviy majburiyatlarga ega ekanini...

Paramount Skydance kompaniyasi Warner Bros Discovery’ni sotib olish bo‘yicha shartnoma bekor qilingan taqdirda to‘lanadigan jarima miqdorini $2,1 mlrddan $5 mlrdga oshirdi. Bu haqda Bloomberg vaziyatdan xabardor manbalarga tayanib xabar bermoqda.

Ushbu mablag‘ agar tomonlar kelishuvga erishsa, ammo bitim yakuniga yetkazilmasa Warner Bros hisobiga o‘tkaziladi. Tahlilchilarning fikricha, to‘lov miqdorining keskin oshirilishi Paramount o‘zi taklif qilayotgan birlashuv jarayoni regulyatorlar tomonidan tasdiqlanishiga ishonchi baland ekanligidan dalolat beradi. Hozircha Paramount Skydance va Warner Bros Discovery ushbu xabar yuzasidan rasmiy izoh berishdan bosh tortgan.

Warner Bros Discovery 1-dekabr kuni xaridorlardan takliflarning ikkinchi bosqichini qabul qilib oldi. Reuters agentligining ma’lum qilishicha, da’vogarlar orasida Netflix...

Telegram yaqin orada parolsiz avtorizatsiya — Passkey funksiyasini ishga tushirishi mumkin. Bu haqda yangi imkoniyatni sinovdan o‘tkazayotgan Telegram Info ma’lum qildi.

Messenjerdan kirishning Beta-versiyasi (Android 12.2.8) ichida Passkey tizimining dastlabki elementlari allaqachon ko‘rinmoqda. Bu funksiya telefon raqami yoki SMS-kod kiritmasdan hisobga kirish imkonini beradi.

Eng muhimi, u Google yoki Apple ID orqali avtorizatsiyaga o‘xshamaydi. Kirish to‘liq parol boshqaruvchisi orqali amalga oshadi. Ilovaning bosh sahifasida yangi tugma – Passkey orqali kirish paydo bo‘lgan. Uni bosganingizda parol boshqaruvchisi ishga tushadi va biometriya (yuz, barmoq izi) yoki PIN orqali sizning shaxsingizni tasdiqlaydi. So‘ngra tizim Telegram’ga maxsus kirish kalitini yuboradi. Bu kalit...

Germaniyaning avtomobillar xavfsizligini majburiy tekshiruvdan o‘tkazuvchi TÜV Rheinland tashkiloti hisobotida Tesla Model Y oxirgi o‘n yil ichida tekshiruvdan o‘tgan avtomobillar orasida eng ishonchsiz model sifatida qayd etildi.

Tashkilot mutaxassislari 9,5 mln avtomobilning texnik ko‘rik natijalarini tahlil qilgan. Hisobotda 2-3 yillik avtomobillar toifasida Tesla Model Y so‘nggi o‘rinni egallagani qayd etilgan. Ma’lumotlarga ko‘ra, ushbu modellarning 17,3 foizi texnik ko‘rikdan o‘ta olmagan.

Bundan tashqari, Tesla Model Y TÜV tarixidagi eng past bahoni olgan model sifatida qayd etildi. Mutaxassislar buni avtomobilning foydalanish jarayonidagi barqarorligi va texnik sifat ko‘rsatkichlari pastligi bilan izohladi.

Hisobotda asosan osma tizimi va tormoz komponentlari Tesla uchun eng muammoli...

Xitoy elektromobillari bozorda tobora faol harakat qilmoqda. Arzon narx, zamonaviy dizayn va kuchli texnik ko‘rsatkichlar ularni ko‘pchilik uchun qiziqarli bo‘ladi. 2024-yilda ishlab chiqarilgan Deepal S07 elektromobili bilan bog‘liq holat Xitoy elektromobillarining zaif tomonlari va bartaraf etish kerak bo‘lgan ishlarini ochib berdi.

33 ming km masofa bosib o‘tilgach, avtomobil egasi 60 km/soatdan yuqori tezliklarda kuchli vibratsiya va taqillatish ovozlarini sezgan. Mashina boshqa shahardan Olmaotaga servisga yetkazilgan va tekshiruv natijasida muammoning sababi tez aniqlangan: orqa reduktor nosozligi.

Avvaliga jiddiy muammo deyarli sezilmagan. Xatoliklar qayd etilmagan, avtomobil yurishda davom etgan, reduktordagi moy almashtirilmagan edi. Ammo moyni to‘kib ko‘rishganda, unda me’yoridan ortiq...

4-dekabr holatiga ko‘ra, O‘zbekiston foydalanuvchilari uchun ChatGPT Go obunasining narxi pasaydi. Endi ushbu tarif oyiga $4 etib belgilanmoqda. Avval obuna $5 turardi.

Narxdagi o‘zgarish ChatGPT interfeysida qayd etildi. Ayniqsa, O‘zbekiston hududida ochilgan akkauntlarda obunalar bo‘limida yangi qiymat aynan $4 sifatida ko‘rinmoqda.

OpenAI tomonidan rasmiy bayonot e’lon qilinmagan. Shu sababli narx pasayishi keng miqyosli siyosatmi yoki hududiy sinov dasturimi ekani noma’lum bo‘lib qolmoqda.

ChatGPT Go tarif rejasi 2025-yilda ishga tushirilgan. U ChatGPT Plus uchun arzon muqobil sifatida taklif etiladi. Asosan rivojlanayotgan bozor molik mamlakatlar uchun mo‘ljallangan. Tarif bepul versiyaga nisbatan kengroq imkoniyatlar, yuqoriroq limitlar va tezroq ishlashni ta’minlaydi.

Boshqa davlatlar...