Yangiliklar

DxOMark platformasi eng yaxshi kameraga ega smartfonlar reytingini e’lon qildi. Unda Oppo Find X8 Ultra va Vivo X200 Ultra mos ravishda birinchi va ikkinchi o‘rinni egalladi.

Plartformaning e’tiroficha, iPhone 16 Pro Max Vivo X200 Ultra va Huawei Pura70 Ultra kabi smartfonlardan keyingi pog‘onani egallagan.

Reyting:

Reyting nimaga qarab tuziladi?

Reytinda qurilmaning foto, video imkoniyatlari, stabilizatsiya, zoom qo‘ng‘iroqlardagi tiniqligi ham inobatga olinadi.

Eslatib o‘tamiz, Kursiv Uzbekistan eng arzon va kuchli smartfonlar reytingi e’lon qilingani haqida yozgan edi.

Xitoyda yangi avlod XPeng P7 elektromobili taqdim etildi. Avtomobil narxi hali aytilmagan bo‘lsa-da, atigi 6 daqiqa 37 soniyada 10 mingdan ortiq buyurtmalar kelib tushdi. Bu haqda ITHome xabar bermoqda.

Buyurtma berish uchun faqat 100 yuan (taxminan $14) depozit kerak bo‘ladi. Bu esa xaridorga 3000 yuan (taxminan $420) chegirma huquqini beradi.

XPeng P7 o‘zining futuristik dizayni va katta o‘lchamlari bilan ajralib turadi. Uning uzunligi – 5017 mm, eni – 1970 mm, balandligi – 1427 mm. G‘ildirak bazasi 3008 mmni tashkil qiladi.

Model 367 yoki 595 ot kuchiga ega bo‘lgan bitta yoki ikkita motorli versiyalarda chiqadi. Ikkita batareya varianti mavjud...

Fuqarolar uchun yengillik yaratish maqsadida Oliy sud tomonidan MySud mobil ilovasi ishlab chiqildi va ishga tushirildi.

Endilikda foydalanuvchilar sudlarga elektron murojaat yuborish, ish holatini real vaqt rejimida kuzatish, sud to‘lovlarini onlayn to‘lash hamda boshqa ko‘plab interaktiv xizmatlardan bir ilova orqali foydalanishlari mumkin.

Ilovada quyidagi imkoniyatlar mavjud:

MySud ilovasini iOS va Android talqinlarida yuklab olish mumkin.

Eslatib o‘tamiz, avvalroq Soliq ilovasiga shou-biznesga oid yangi funksiya qo‘shilgan edi.

O‘zbekistonda video va audio kontentni onlayn uzatish yoki almashish bozorida faoliyat yuritayotgan «Allmedia Safe Service» MChJ (Allplay) ustun mavqega ega raqamli platforma operatori sifatida e’tirof etildi. Bu haqda Raqobat qo‘mitasi xabar qildi.

Mazkur qaror asosida kompaniya raqamli kontent, jumladan, televizion, kino va boshqa ko‘ngilochar platformalar orqali xizmat ko‘rsatish borasida bozorda yetakchi o‘rin egallagani rasman tasdiqlandi.

Raqobat qo‘mitasi mazkur qarori bilan kompaniyada majburiy tarzda monopoliyaga qarshi komplayens tizimi joriy qilinadi.

Shuningdek, qo‘mita Allmedia Safe Service faoliyati doimiy monitoring asosida kuzatib borilishi, zarur hollarda chora-tadbirlar ko‘rilishini bildirdi.

Avvalroq Kursiv Uzbekistan Click ustun mavqega ega raqamli platforma operatori deb e’tirof etilgani...

2025-yilning yanvar – iyun oylarida mamlakat xorijga qiymati $29,9 millionga teng bo‘lgan 130,6 ming tonna tarvuz eksport qilgan. Bu haqda Milliy statistika qo‘mitasi xabar berdi.

Bu ko‘rsatkich o‘tgan yilning shu davriga nisbatan 52,7 ming tonnaga, ya’ni 67,7 foizga ko‘p.

O‘zbekiston tarvuzini eng ko‘p xarid qilgan davlatlar:

Qolgan 121 tonna tarvuz esa boshqa davlatlar tomonidan import qilingan. Bundan avval Qashqadaryodan Rossiyaga tarvuz eksporti boshlangani

2025-yil 5-avgustdan boshlab Isroil hukumati xususiy tashkilotlarga G‘azo sektoriga gumanitar yordam yetkazishga yana ruxsat berdi. Bu haqda DW ma’lum qildi.

Isroil Mudofaa vazirligi huzuridagi COGAT idorasi ma’lumotiga ko‘ra, bu yordamlar qat’iy nazorat ostida hududga kiritiladi. Yangi tartibga binoan oziq-ovqat, gigiyena vositalari, meva-sabzavotlar va bolalar uchun mahsulotlar G‘azoga xususiy sektor orqali bosqichma-bosqich yetkaziladi. Maqsad – yordam hajmini oshirish va BMT hamda boshqa xalqaro tashkilotlarga bog‘liqlikni kamaytirishdir.

Bu qaror Binyamin Netanyaxu boshchiligidagi hukumat va xavfsizlik xizmatlari roziligi bilan qabul qilindi. Tovarlar faqat bank o‘tkazmalari orqali to‘lanadi, Hamas harakati bu jarayonda ishtirok eta olmaydi.

So‘nggi haftalarda Isroil va boshqa mamlakatlar havodan yordam...

Samsung tez orada yangi Galaxy A17 5G smartfonini taqdim etadi. Bu haqda ITHome nashri xabar bermoqda.

Yangi model avvalgi Galaxy A16’dan ham yengil va yupqaroq bo‘ladi. Uning qalinligi 7,5 mm (A16’da – 7,99 mm), og‘irligi esa 192 gramm (ilgari 200 gramm edi).

Galaxy A17 5G 6,7 dyuymli Super AMOLED ekran bilan jihozlanadi. Yangilanish tezligi maksimal 90 Hz bo‘ladi. Ekran Corning Gorilla Glass Victus himoyasi bilan qoplangan.

Smartfonda Galaxy A16’dagi kabi Exynos 1330 protsessori saqlab qolingan. Xotira variantlari quyidagicha:

Infiniti QX80 Sport modelining 2026-yilgi versiyasi taqdim etildi. Bu haqda 32cars nashri ma’lum qildi.

Bildirilishicha, model nomidagi Sport so‘ziga qaramay, avtomobil sport xarakteriga emas, balki yuqori darajadagi qulaylik va hashamatga urg‘u beradi.

Narxi va o‘rni

Infiniti QX80 Sport AQSh bozorida $104 ming narxda taklif qilinmoqda. Bu model kompaniyaning Luxe va Autograph komplektatsiyalari orasida o‘rta sinfga kiradi. Taqqoslash uchun, eng yuqori Autograph versiyasi $113 ming turadi.

Tashqi ko‘rinishi

QX80 Sport tashqi dizayni bilan oddiy versiyalardan ajralib turadi. Yangi modelda quyidagilar mavjud:

Surxondaryodagi xalqaro ahamiyatga ega M39 avtomobil yo‘lining 120 kilometrdan ortiq qismida transport vositalari uchun ruxsat etilgan harakat tezligi soatiga 130 km etib belgilandi. Bu haqda viloyat Ichki ishlar boshqarmasi axborot xizmati xabar berdi.

M39 avtomobil yo‘li – O‘zbekistonning shimoliy-sharqiy qismidan janubiy chegarasigacha cho‘zilgan eng muhim magistrallardan biri bo‘lib, Toshkent shahridan boshlanadi va Termiz orqali Afg‘oniston chegarasigacha yetib boradi.

Bu yo‘l mamlakat ichidagi eng yirik iqtisodiy va madaniy markazlarni – Toshkent, Sirdaryo, Jizzax, Samarqand, Qashqadaryo va Surxondaryo viloyatlarini bir-biriga bog‘laydi.

Yo‘lning umumiy uzunligi taxminan 965 kilometrni tashkil etadi va u xalqaro E-yo‘llar tizimining E60 va E123 magistrallariga to‘g‘ri keladi. Bu...

AQSh prezidenti Donald Tramp Rossiya prezidenti Vladimir Putin bilan Ukraina urushini muhokama qilish uchun yaqin kunlarda uchrashishi mumkin. Bu haqda Oq uy vakiliga tayanib, Reuters agentligi xabar berdi.

Tramp, shuningdek, Ukraina prezidenti Vladimir Zelenskiy bilan ham uchrashishga tayyorligini bildirgan. U Rossiyaga urushni to‘xtatish uchun juma kunigacha muhlat bergan. Aks holda yangi sanksiyalar joriy qilinishi mumkin.

Putin esa AQSh vakili bilan uchrashuvni «foydali» deb atagan. Ukraina prezidenti Zelenskiy esa bosimlar o‘z natijasini berayotganini ta’kidladi.

Eslatib o‘tamiz, avvalroq Tramp AQShga import qilinadigan chiplarga 100% boj solmoqchi ekani haqida yozgan edik.

Amerikalik qo‘shiqchi Jennifer Lopez O‘zbekistonga yetib keldi. Bu haqda «Novosti Tashkentskogo Neba» Telegram kanali xabar berdi.

Lopez bo‘lgan samolyot 6-avgust kuni kechqurun Toshkent aeroportiga qo‘ndi, u Istanbuldan uchib kelgan.

7-avgust kuni kechqurun Jennifer Lopez poytaxtdagi «Milliy» stadionida konsert beradi. Chiptalarni hali ham rasmiy sotuvchi – iTicket platformasi orqali xarid qilish mumkin. Konsertga kirish narxi 800 ming so‘mdan boshlanadi. Tribunalardagi eng arzon chiptalar esa 1,6 million so‘mga sotilmoqda.

1-avgust kuni xonanda Ostona shahrida ham konsert bergan. Shahar hokimligi ma’lumotlariga ko‘ra, tadbirga 25 mingga yaqin tomoshabin yig‘ilgan. O‘zbekistondagi chiqishdan so‘ng qo‘shiqchi yana Qozog‘istonga boradi va 10-avgust kuni Olmaotada konsert beradi.

Tijorat banklari 7-avgust kungi xorijiy valyutalarni sotib olish va sotish kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

Buyuk Britaniyaning Edinburg universiteti olimlari surunkali charchoq sindromi (ME/CFS) bilan og‘rigan insonlar DNKlarida sog‘lom odamlarnikidan farqli bo‘lgan 8 ta genetik o‘zgarishni aniqladi. Bu haqda Reuters agentligi ma’lum qildi.

Tadqiqotchilarning ta’kidlashicha, bu kashfiyot ushbu kasallik faqat psixologik holat yoki dangasalik natijasi degan noto‘g‘ri qarashlarni rad etadi.

Tadqiqot 15 mingdan ortiq ME/CFS bilan og‘rigan va 250 mingdan ortiq sog‘lom yevropaliklar DNK namunalarini o‘rgandi. Kasallikka chalinishda immun va asab tizimi genlarining roli borligi aniqlandi. Ba’zi genlar infeksiyaga javob reaksiyasi bilan, boshqalari esa surunkali og‘riqlar bilan bog‘liq.

Olimlar bu natijalar darhol davolovchi test yoki dori olib kelmasligini aytgan bo‘lsalar-da, bu kashfiyot ME/CFS...

Apple kompaniyasi AQShdagi ishlab chiqarishni kengaytirish uchun yana $100 mlrd sarmoya kiritishini e’lon qildi. Bu qaror Donald Tramp chip importiga 100 foizlik boj joriy etilishini aytgach bildirildi, deya xabar bermoqda CNN.

Apple sarmoya evaziga AQShda 24 ta zavodda 19 mlrd chip ishlab chiqarishni rejalashtirmoqda. Kompaniya, shuningdek, Corning va Coherent kabi mahalliy hamkorlar bilan iPhone’ning oynasi va Face ID modullarini AQShda ishlab chiqarmoqchi.

Tim Kukning aytishicha, iPhone’lar hali to‘liq AQShda yig‘ilmasa-da, asosiy qismlari aynan shu yerda ishlab chiqariladi. Tramp esa bu kabi sarmoyalarni AQShga texnologik sanoatni qaytarish yo‘lidagi muhim qadam sifatida baholadi.

Eslatib o‘tamiz, avvalroq Apple va Google O‘zbekistonda yarim...

AQSh prezidenti Donald Tramp AQShda ishlab chiqarilmayotgan yarim o‘tkazgich (chip) mahsulotlariga 100 foizgacha boj solinishini ma’lum qildi. Bu haqda Reuters agentligi xabar berdi.

Unga ko‘ra, yangi bojlar faqat AQShda ishlab chiqarishni boshlagan yoki rejalashtirgan kompaniyalarga tatbiq etilmaydi.

Bu qaror, asosan, Xitoy kabi davlatlarga ta’sir ko‘rsatishi kutilmoqda. Tayvanning TSMC kompaniyasi esa AQShda zavodga ega bo‘lgani sababli bundan mustasno bo‘ladi. Yirik kompaniyalar, jumladan, Nvidia, ichki ishlab chiqarishga sarmoya kiritish orqali bojdan qochmoqda.

Trampning bayonoti hali rasmiy boj e’loniga aylantirilmagan bo‘lsa-da, bu AQSh chip sanoatida jiddiy o‘zgarishlarga sabab bo‘lishi mumkin.

Eslatib o‘tamiz, avvalroq Tramp Hindistonga Rossiyadan neft xarid qilgani uchun yana tariflar...

DXX tomonidan o‘tkazilgan tadbirlarda firibgarlik yo‘li bilan pul olishga uringan shaxslar qo‘lga olindi. Bu haqda DXX matbuot xizmati ma’lum qildi.

Unga ko‘ra, Samarqand shahrida geologik xizmatlar ko‘rsatish bilan shug‘ullanuvchi xususiy korxona direktori o‘zini ilgari Tog‘-kon sanoati va geologiya vazirligida ishlagan deb tanishtirib, qo‘lida Samarqand va Jizzax viloyatlaridagi geologik qidiruv ishlari bo‘yicha «maxfiy» xaritalar borligini aytgan. U mazkur hujjatlarni $25 mingga sotmoqchi bo‘lgan. Tezkor tadbirda u 10 ming dollar olayotgan vaqtda qo‘lga olingan. Aniqlanishicha, xaritalar maxfiy hujjatlar hisoblanmaydi.

Ikkinchi holatda esa «O‘ztransgaz» tarkibidagi «Muborak magistral gaz quvurlari» boshqarmasining Shahrisabz GTS operatori tanishlari orqali ishga joylashtirib qo‘yish evaziga Qarshi shahrida yashovchi...

7-avgust kuni O‘zbekiston bo‘ylab kechasi harorat 18-25°, kunduzi esa 32-40° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Ijtimoiy tarmoqlarda bokschi Lazizbek Mullajonov dopinga aloqadorlikda ayblanayotgani haqida tarqalgan xabarlarga O‘zbekiston boks federatsiyasi raddiya berdi.

Ma’lumki, Mullajonov O‘zbekiston milliy terma jamoasi a’zosi va Parij-2024 Olimpiadasi oltin medali sohibi hisoblanadi. So‘nggi kunlarda uning doping qoidalarini buzganligi sababli medali bekor qilinishi mumkinligi haqida tasdiqlanmagan xabarlar tarqaldi.

Federatsiyaning bayonotiga ko‘ra, 2024-yil 11-iyunda xalqaro qoidalarga muvofiq undan olingan doping sinamasi taqiqlangan moddalarning mavjudligini ko‘rsatgan. Biroq, bu moddalarning kelib chiqishi sportchining 19-noyabr kuni Farg‘onadagi xususiy shifoxonada o‘tkazgan soch ko‘chirib o‘tkazish amaliyoti chog‘ida ishlatilgan dori vositalari bilan bog‘liq bo‘lishi mumkin.

Lazizbek Mullajonov va O‘zbekiston boks federatsiyasi ushbu holat yuzasidan barcha zarur hujjatlarni Xalqaro test...

FAW va Volkswagen kompaniyalari hamkorligida ishlab chiqarilgan Jetta VS8 krossoveri 8-avgustdan Xitoyda savdoga chiqariladi. Bu haqda AutoHome ma’lum qildi.

Avtomobil Skoda Karoq platformasiga asoslangan bo‘lib, uchta to‘plamda taklif etiladi: All-Round, Smart va Supreme Edition.

Yangi model ramkasiz panjara, qoraytirilgan chiroqlar va klassik tutqichlarga ega. Uzunligi 4629 mm, g‘ildirak bazasi esa 2731 mm. VS8 17 va 18 dyuymli disklar bilan taqdim etiladi.

Kapoti ostida 1.4 litrli, 150 ot kuchiga ega turbo dvigatel va 6 pog‘onali avtomat uzatmalar qutisi joylashgan.

Eslatib o‘tamiz, avvalroq Chevrolet Silverado bitta zaryad bilan 1705 km bosib, rekord o‘rnatgani haqida yozgan edik.

London yaqinida joylashgan Xitrou aeroporti atrofida Samsung’ga tegishli yuk mashinasi o‘g‘irlandi. Bu haqda Yonhap News ma’lum qildi.

Unda jami 12 ming dona qurilma, jumladan Galaxy Z Fold7, Z Flip7, Galaxy S25, A16 va 5 ming dona Galaxy Watch 8 soatlari bo‘lgan.

O‘g‘irlangan mahsulotlarning umumiy qiymati $10,6 mln deb baholanmoqda. Boshqa tomondan, qurilmalar sug‘urtalangan bo‘lgani bois Samsung moliyaviy zarar ko‘rmadi.

Politsiya konteynerni topgan, biroq ichidagi mahsulotlar qolgan-qolmagani noma’lum. Mutaxassislar bu jinoyat oldindan rejalashtirilgan va qimmat bukiluvchi telefonlarga qaratilgan bo‘lishi mumkinligini taxmin qilmoqda.

Eslatib o‘tamiz, avvalroq Samsung flagmanlari 2028-yildan boshlab Wi-Fi 8 texnologiyasi bilan taqdim etilgan edi.

General Motors kompaniyasining to‘liq elektr yuk mashinasi — Chevrolet Silverado bir martalik zaryad bilan 1705 kilometr yo‘l bosib, elektromobillar uchun dunyo rekordini o‘rnatdi. Bu haqda IT Home nashri ma’lum qildi.

Unga ko‘ra, sinov yetti kun davom etib, AQShning Milford va Detroyt yo‘llarida o‘tkazildi.

2026-yilgi ishchi versiya bazaviy holatda 793 km masofa bosishi kerak edi, biroq muhandislar tomonidan og‘irlikni kamaytirish va aerodinamikani yaxshilash choralari bilan bu ko‘rsatkich deyarli ikki barobarga oshirildi.

Shunga qaramay, General Motors ushbu natijani Guinness rekordi sifatida rasmiylashtirishni rejalashtirmayapti. Kompaniya bu tajribani muhandislarning «shijoatli loyihasi» deb atadi.

Hozirgi Guinness rekordi esa Lucid kompaniyasining Air Grand Touring modeliga...

2025-yil 5–6-avgust kunlari «O‘zatom» agentligi delegatsiyasi Belarus Respublikasida bo‘lib, mamlakatdagi atom elektr stansiyasi (AES) qurilishi va ishlash tajribasini o‘rganmoqda. Bu haqda «O‘zatom» agentligi ma’lum qildi.

Delegatsiya Belarus energetika vaziri Denis Moroz bilan uchrashib, atom energetikasi sohasida hamkorlik, xavfsizlik, jamoatchilik bilan aloqalar va ishlab chiqarishni mahalliylashtirish kabi masalalarni muhokama qildi. Shuningdek, ular BelAES infratuzilmasi, AES xodimlari uchun shahar qurilishi va dispetcherlik markazi faoliyati bilan tanishdi.

«Ishonchim komilki, belaruslar O‘zbekistonda AES qurilishda ishtirok etishlari mumkin», — dedi Belarus Respublikasi energetika vaziri Denis Moroz.

«O‘zatom» rahbari Azim Axmedxadjayev Belarus tajribasini O‘zbekistonda sanoat bazasini shakllantirishda muhim deb baholadi...

Raqobat qo‘mitasi Singapurning Multinational Mining Group Overseas PTE.Ltd. kompaniyasi bilan O‘zbekistonning Multinational Mine Group korxonasi o‘rtasidagi bitimni ma’qulladi.

Xorijiy investor foydali qazilmalarni qidirish va muhandislik ishlari bilan shug‘ullanuvchi o‘zbek kompaniyasining ustav kapitalidagi 100 foizlik ulushni sotib olishni rejalashtirmoqda.

Xaridor turli korxonalarga sarmoya kiritadigan xolding kompaniyasidir. Shuningdek, Singapur kompaniyasi Toshkent viloyatida konlarni o‘zlashtirayotgani ham ma’lum. Kompaniyaning asosiy loyihasi Qorasoyda oltin qazib olishdan iborat.

Avvalroq Kursiv Uzbekistan Toshkentda uy-joy bozori qayta jonlangani haqida xabar bergan edi.

Lenovo kompaniyasining yangi Xiaoxin Tablet Pro GT plansheti 6-avgustdan boshlab Xitoyda savdoga chiqarildi. Bu haqda ITHome nashri ma’lum qildi.

JD.com savdo platformasida uning boshlang‘ich narxi 1799 yuan (taxminan $250) etib belgilangan.

Narxlar variantlar bo‘yicha:

Planshet 11,1 dyuymli 3200×2000 pikselli yuqori aniqlikdagi ekran bilan jihozlangan. Displey 144 Hz yangilanish tezligi, 800 nit yorqinlik va 98% DCI-P3 rang qamrovi bilan ajralib turadi. U Stylus Pro ruchkasini qo‘llab-quvvatlaydi — 8192 darajadagi bosim sezuvchanligi va 0,3 ms kechikish...