Yangiliklar

Rossiyaning yirik energetika kompaniyasi «Gazprom» 2024-yil yakunlariga ko‘ra 1,076 trln rubl zarar ko‘rgan. Bu haqda kompaniyaning Rossiya buxgalteriya standartlari (RSBU) bo‘yicha e’lon qilingan moliyaviy hisobotida qayd etilgan.

O‘tgan yili kompaniya 696 mlrd rubl foyda ko‘rgani hisobga olinsa, bu natija jiddiy yo‘qotish hisoblanadi. Mutaxassislarning fikricha, zarar asosan «Gazprom Neft» aksiyalarining bozor qiymati 852 mlrd rublga tushib ketgani hamda 2025-yildan boshlab foyda solig‘i stavkasining 25 foizga oshirilishi bilan bog‘liq bo‘lgan 444 mlrd rubl miqdoridagi qo‘shimcha xarajatlar bilan izohlanadi.

Xususan, kompaniya 2024-yilning to‘rtinchi choragida 767,2 mlrd rubl sof zarar ko‘rgan. Bu «Gazprom» uchun so‘nggi 25 yildagi eng yomon chorak natijasi bo‘ldi.

Ilon Mask 5 – 7-yil ichida insoniyat Marsni egallay boshlashi mumkinligi taxmin qildi. Bu haqda tadbirkor X tarmogʻidagi sahifasida ma’lum qildi.

Tadbirkor va siyosatchining fikricha, 2026-yil oxirida SpaceX Starship kosmik kemasini Optimus roboti bilan Marsga joʻnatishni rejalashtirmoqda. Universal platforma sifatida ishlab chiqilgan va qayta foydalanish mumkin boʻlgan Starship tizimi nafaqat Marsga missiyalar, balki sun’iy yoʻldoshlarni yetkazish, sayyoramizning past orbitasiga parvozlar, Oyga ekspeditsiyalar va koinotni chuqur oʻrganish uchun ham moʻljallangan.

SpaceX Starshipning tavsifi boʻyicha quyidagilar ma’lum: balandligi 121 metr, diametri 9 metr va yuk koʻtarish quvvati 100 – 150 tonnani tashkil qiladi.

Tadbirkorga koʻra, Marsni egallash bir qator muammolarni...

Maktablarda bahorgi ta’til shu yilning 21-martidan boshlanib, 27-martgacha davom etadi. Bu haqda Maktab va maktabgacha ta’lim vazirligi xabar berdi.

Ushbu ta’tilda o‘quvchilar 7 kun dam olishadi. Bahorgi ta’tildan so‘ng to‘rtinchi o‘quv choragi darslari 28-martdan boshlanadi.

Avvalroq «Kursiv» mart oyida o‘zbekistonliklar necha kun dam olishi haqida yozgandi.

Xitoyning BYD kompaniyasi elektromobillarni benzinli avtomobillarga yonilgʻi quyish tezligida zaryadlash imkonini beruvchi yangi texnologiyani e’lon qilganidan soʻng kompaniya aksiyalari 6 foizga oshdi.

Gonkong birjasida BYD aksiyalari seshanba kuni 52 haftalik eng yuqori koʻrsatkichga yetdi va 6 foizdan koʻproqqa oʻsdi. Keyinchalik biroz pasaygan boʻlsa-da, yil davomida 51 foizga oshgani qayd etildi. Shu bilan birga, Shenzhen fond birjasida kompaniya aksiyalari 2 foizga koʻtarildi.

Kompaniya yangi Super e-Platforma texnologiyasini taqdim etdi. U maksimal 1000 kilovatt quvvat bilan zaryadlanish imkonini beradi. Taqdim qilingan ma’lumotga koʻra, bu texnologiyadan foydalangan avtomobillar atigi 5 daqiqa ichida 400 kilometr masofani bosib oʻtish uchun yetarli energiya olishi mumkin...

Toshkentdagi «Anhor» istirohat bogʻida Navroʻz bayramida 40 ta qozonda 40 xil sumalak pishiriladi. Bu haqda bogʻ rahbariyati Instagramʼda ma’lum qildi.

Sumalak 20-21 mart kunlari soat 11:00 dan 22:00 gacha pishiriladi.

Park, shuningdek, arqonda yurish shoulari, teatr namoyishlari, tanlovlar va «Ali Bobo va 40 qaroqchi» musiqiy spektaklini taqdim etishni va’da qilmoqda.

Eslatib oʻtamiz, Kursiv Uzbekistan nashri mart oyida oʻzbekistonliklar necha kun dam olishi haqida yozgan edi.

Prezident Shavkat Mirziyoyev 17-mart kuni ichimlik suvi, issiqlik ta’minoti va qishloq xo‘jaligiga oid dolzarb masalalar bo‘yicha videoselektor yig‘ilishi o‘tkazdi.

Bu yil 1619 km ichimlik suvi va 521 km oqova tarmoqlari tortiladi, natijada 715 ming aholi toza suv bilan ta’minlanadi. Fransiyaning «Suez» kompaniyasi Surxondaryo viloyatidagi 4 tumanda suv tizimini xususiy boshqaruvga oladi.

5 yilda 19 trln so‘m ajratilib, markazlashgan issiqlik qamrovi 37 foizdan 58 foizga oshiriladi. 9 mingta bino yopiq isitish tizimiga o‘tkaziladi, natijada gaz iste’moli 20 foizga kamayadi.

Auksionda sotilmagan yerlar narxi har kuni 10 foiz pasayadi, bitta ishtirokchi qatnashsa ham g‘olib bo‘ladi. Paxta va g‘alladan ko‘p hosil olgan...

BMW o‘zining ultra-eksklyuziv rodsteri – Skytop modelining sinov bosqichiga kirishdi. Bu haqda 32cars.ru nashri ma’lum qildi.

Ushbu noyob avtomobil afsonaviy Z8 ning mafkuraviy vorisi bo‘lib, premium klassdagi sport avtomobillar qatoriga kiradi. Prototip deyarli hech qanday kamuflyajsiz Alp tog‘larida sinovdan o‘tkazildi. O‘ziga xos dizaynga ega Skytop tor faralari, klassik BMW uslubidagi qo‘shaloq radiator panjarasi, ulkan ramkasiz eshiklari va ochiladigan tomi bilan ajralib turadi. Ushbu elementlar modelning cheklangan nashrdagi eksklyuziv maqomini yanada ta’kidlaydi.

BMW Skytop 8-seriya platformasida qurilgan bo‘lsa-da, uning shassisi va texnik yechimlari jiddiy qayta ishlangan. Kaput ostida 625 ot kuchiga ega dvigatel joylashgan bo‘lib, u superkarga mos keluvchi yuqori...

OnePlus kompaniyasi Ace 5 seriyali smartfonlari katta muvaffaqiyatga erishganini e’lon qildi. Ishlab chiqaruvchining ma’lumotlariga ko‘ra, yangi smartfonlar seriyasi debyutidan atigi 70 kun o‘tib, bir milliondan ortiq faollashtirilgan. Bu haqda gizmochina nashri ma’lum qildi.

OnePlus Ace 5 va Ace 5 Pro smartfonlari 2023-yil dekabr oyida Xitoyda taqdim etilgan. Ace 5 modeli Snapdragon 8 Gen 3 protsessori va 80 Vt tezkor quvvatlanish imkoniyatiga ega 6415 mA/soat akkumulyator bilan ta’minlangan. Ace 5 Pro esa yanada kuchli Snapdragon 8 Elite SoC protsessori va 100 Vt quvvatlanish imkoniyatiga ega 6100 mA/soat sig‘imli akkumulyator bilan jihozlangan.

Har ikkala model ham 6,78 dyuymli BOE X2 displeyga...

O‘zbekiston Respublikasi prezidenti Shavkat Mirziyoyev 17-mart kuni AQSh Kongressi a’zosi, O‘zbekiston bilan hamkorlik bo‘yicha parlament ishtirokchisi Kerol Miller boshchiligidagi delegatsiyani qabul qildi.

Parlament a’zosi davlatimiz rahbariga AQSh prezidenti, Kongress rahbariyati va O‘zbekiston bo‘yicha kokus a’zolarining salomi va tilaklarini yetkazdi. Ikki tomonlama munosabatlarning so‘nggi yillardagi rivoji alohida ta’kidlandi. Siyosiy muloqotlar faollashib, idoralararo almashinuvlar kengaymoqda. Savdo va investitsiya hajmi bir necha barobar ortib, biznes kooperatsiyasi mustahkamlanmoqda.

Ta’lim sohasidagi hamkorlik doirasida Toshkentda Vebster universiteti va Amerika texnologiya universiteti muvaffaqiyatli faoliyat yuritmoqda. Bundan tashqari, transport, bojxona, migratsiya va madaniyat sohalarida ham o‘zaro manfaatli hamkorlik kengaymoqda.

Kerol Miller O‘zbekistonda amalga oshirilayotgan islohotlar, jumladan, iqtisodiyotni...

Shavkat Mirziyoyev AQSHning markaziy va janubiy shtatlarida roʻy bergan tornadolar oqibatidagi halokatlar sababli amerikalik hamkasbi Donald Trampga ta’ziya maktubini yoʻlladi. Bu haqda prezident matbuot xizmati rahbari Sherzod Asadov ma’lum qildi.

Shavkat Mirziyoyev vafot etganlarning yaqinlariga sabr-toqat va birdamlik, jarohat olganlar esa tez fursatda shifo topishini tilagan.

Avvalroq Kursiv Uzbekistan Tramp Putin bilan yangi muloqot sanasini ma’lum qilgani haqida yozgan edi.

2025-yil fevral oyida Yevropa suyultirilgan gaz importi rekord darajaga koʻtarildi. Bu haqda gaz eksport qiluvchi mamlakatlar forumi hisobotiga tayanib, «RIA Novosti» xabar bermoqda.

Yevropada yonilgʻi yetkazib berish oʻtgan yilning shu davriga nisbatan 19 foizga oshib, 11,99 million tonnaga yetdi. Ushbu tendensiya quvurlarni yetkazib berishning qisqarishi va sovuq ob-havo sharoitida gazni isitish uchun ishlatish talabining oshishi bilan bogʻliq.

2025-yil mart oyi boshiga kelib, Yevropadagi yerosti gaz omborlaridagi yonilgʻi zaxiralari ularning umumiy sigʻimining deyarli 38 foizigacha kamaydi. Bu soʻnggi uch yildagi eng past koʻrsatkichdir. Yevropada gaz infratuzilmasi operatorlari assotsiatsiyasi maʼlumotlariga koʻra, bu koʻrsatkich mart oyi boshidagi soʻnggi besh yildagi oʻrtacha...

Senatining navbatdagi yalpi majlisida yo‘llarda harakat xavfsizligini ta’minlash va jamoat transportidan foydalanish samaradorligini oshirishga qaratilgan qonun ko‘rib chiqilib, ma’qullandi.

Unga ko‘ra, jamoat transportiga ajratilgan yo‘laklarda boshqa transport vositalari harakatlansa, haydovchilar bazaviy hisoblash miqdorining bir baravari(375 ming so‘m) miqdorida jarimaga tortiladi. Xuddi shu qoidabuzarlik bir yil ichida takrorlansa, jarima 3 baravar(1 mln 125 ming so‘m)ga oshadi.

Shuningdek, trotuar, velosiped yo‘laklari va yashil hududlarda mashina haydash, yo‘l harakati qoidalarini buzish uchun javobgarlik belgilandi.

Shu bilan birga, noqonuniy sun’iy to‘siqlar o‘rnatish va yo‘llarni to‘sib qo‘yish ham taqiqlanadi.

Avvalroq Kursiv Uzbekistan Toshkentda bir qator avtobus yoʻnalishlariga oʻzgartirish kiritilgani haqida yozgandi.

O‘zbekistonda davlat idoralarining xizmat avtomobillari auksionga qo‘yilmoqda. Bu qaror Prezident Shavkat Mirziyoyevning 5-martdagi yig‘ilishida davlat idoralarining xizmat mashinalaridan foydalanishni kamaytirish va mahalliy avtomobillarga o‘tish zarurligini ta’kidlaganidan so‘ng amalga oshirildi.

Jumladan, prezident administratsiyasiga qarashli Cadillac avtomobili 246 mln so‘m boshlang‘ich narxda savdoga chiqarildi. Auksionda qatnashish uchun arizalar 25-mart kuni 09:00 gacha qabul qilinadi, savdo jarayoni 10:00 da boshlanadi. Avtomobil 2016-yilda ishlab chiqarilgan bo‘lib, 217 ming kilometrdandan ortiq masofani bosib o‘tgan.

Shuningdek, “Agroinspeksiya» balansidagi Toyota Land Cruiser 471 mln so‘m boshlang‘ich narx bilan joylashtirildi. Arizalar 14-aprel kuni soat 09:00 gacha qabul qilinadi va shu kuni 10:00 da savdo boshlanadi. Ushbu...

Amerikaning Google korporatsiyasi ishga tushirilganidan 10 yil oʻtib ovozli yordamchisini oʻchirib qoʻyadi. Bu haqda kompaniya saytida xabar berildi.

Google Assistant — bu 2016-yilda paydo boʻlgan virtual ovozli yordamchi hisoblanadi. Kompaniyaning taʼkidlashicha, 2025-yil oxirigacha yordamchi oʻzi avval integratsiyalashgan mobil qurilmalar, jumladan, smartfon va planshetlar ustida ishlashni toʻxtatadi. Google servisni oʻchirishning aniq vaqtini aniqlamadi, biroq uning oʻrnini Gemini chatboti egallashini taʼkidlagan.

Ovozli yordamchi fotosuratlarni qidirish, real vaqtda xorijiy nutqni tarjima qilish va ob-havo maʼlumotlarini taqdim etishda yordam berishni toʻxtatdi. 2024-yil fevral oyida Microsoft Android foydalanuvchilariga Google Assistantni Copilot’ga almashtirish imkoniyatini taklif qilgan edi.

Eslatib oʻtamiz, Kursiv Uzbekistan Google endi sunʼiy intellektdan...

Nissan o‘zining yangi elektr premium sedani N7 modelini Xitoydagi dilerlarga yetkazib berdi. Bu haqda CarNewsChina nashri ma’lum qildi.

Bu avtomobil may oyida rasmiy savdoga chiqarilishi rejalashtirilgan bo‘lib, 5 metr uzunligi, ilg‘or texnologiyalari va yuqori samarali elektr dvigateli bilan ajralib turadi. N7 modeli birinchi marta 2024-yilgi Guanchjou avtosalonida namoyish etilgan bo‘lib, u Dongfeng Epi 007 platformasiga asoslangan. 2024-yil martidan 2025-yil fevraligacha 29,9 ming dona Dongfeng Epi 007 sotilgani, Nissan N7 ham bozorda muvaffaqiyatga erishishi mumkinligini ko‘rsatadi.

Yangi Nissan N7’ning o‘lchamlari uzunligi 4 930 mm, kengligi 1 895 mm, balandligi 1 487 mm bo‘lib, g‘ildirak bazasi 2 915 mm tashkil etadi...

AQSh va Yevropa o‘rtasidagi bojlar mojarosi har yili $9,5 trillionlik transatlantik biznesni xavf ostiga qo‘yadi. Reutersning xabar berishicha, bu haqda Amerika savdo-sanoat palatasi bayonotida qayd etilgan.

Amerika savdo-sanoat palatasi Yevropa Ittifoqi o‘zining yillik transatlantik iqtisodiyot hisobotida 2024-yilda $2 trillionlik tovarlar va xizmatlar savdosi kabi rekordlarga erishilganini hamda munosabatlarning yanada chuqurlashganini ta’kidlagan.

Shuningdek, hisobotda 2025-yil dunyodagi eng yirik tijorat munosabatlari uchun xavfli yil bo‘lishi mumkinligi qayd etilgan.

Amerika savdo-sanoat palatasi savdo mojarosining ta’siri uzoq yillik yaqin iqtisodiy aloqalarga zarar yetkazishi mumkinligi haqida ogohlantirdi.

Hisobotning yetakchi muallifi Daniel Hamiltonning so‘zlariga ko‘ra, Irlandiyaning qariyb 90 foizini va Germaniya savdosining 60 foizini tashkil...

18-martdan AQSh dollarining rasmiy kursi 9,81 so‘mga tushib, 12 943,39 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 890 – 12 940 so‘mdan sotib olayotgan bo‘lsa, 12 960 – 13 015 so‘m oralig‘ida sotmoqda.

Shu bilan birga, yevro 50,19 so‘mga oshib, 14 108,30 so‘mga yetdi. Rossiya rubli esa 2,57 so‘mga oshib, 153,70 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.   

Telegram asoschisi Pavel Durov messenjer hamjamiyatiga ko‘rsatgan yordami uchun minnatdorchilik bildirdi. Bu haqda Telegram-kanalida e’lon qildi.

«Bu kutilmagan sayohat davomida meni qo‘llab-quvvatlagan butun dunyodagi millionlab odamlarga chuqur minnatdorchilik bildiraman. Bu men uchun juda katta ahamiyatga ega. Bizning milliardlik hamjamiyatimiz yengib chiqa olmaydigan hech narsa yo’q», — dedi u xabarda.

Durov, shuningdek, advokatlar va Telegram jamoasiga messenjerni moderatsiya qilish masalalarida ko‘rsatgan yordami uchun minnatdorchilik izhor etdi. Uning qo‘shimcha qilishicha, Dubayga qaytganiga qaramay, sud jarayoni davom etmoqda.

Avvalroq Kursiv Uzbekistan Pavel Durov Fransiyani tark etgani haqida yozgandi.

«Toshkent» respublika fond birjasida (RFB) joy olgan yuqori likvidli aksiyalarning aksariyati 7-martdan 14-martgacha boʻlgan davrda turli dinamikani koʻrsatdi.

Mazkur haftada UCI fond indeksi 0,083 foizga oshdi. Eng katta oʻsishga erishgan kompaniyalar qatoridan «Dori-darmon» (+17,05%), «Oʻzbektelekom» (+9,25%) va «Uzbekinvest» (+4,64%) joy oldi.

Aksiyalari haftani salbiy natija bilan yakunlagan kompaniyalar orasida esa «OʻzRTXB» (-11,13%), «Ipoteka-bank» (-3,48%), «Aloqabank» (-5,13%) va «Uzavto Motors» (-4,17%) yetakchilik qildi.

Bitimlar soni boʻyicha «OʻzRTXB» (1,1 mingta), «Chilonzor buyum savdo kompleksi» (336 ta) va «Ipak yoʻli bank» (327 ta) peshqadam boʻldi. Hajm boʻyicha esa «Universal bank» (394 mln soʻm), «OʻzRTXB» (224 mln soʻm) va «Chilonzor buyum savdo...

18-mart kuni havo biroz bulutli bo‘lib, yog‘ingarchilik kutilmaydi. Shamol sharqdan 3-8 m/s tezlikda esadi, deya xabar bermoqda «O‘zgidromet».

Unga ko‘ra, harorat Toshkentda kunduzi 23-25°, kechasi 8-10° iliq bo‘ladi.

Qoraqalpog‘iston va Xorazmda kunduzi 24-29°, kechasi 7-12° iliq bo‘lishi kutilmoqda.

Buxoro va Navoiyda ham harorat shu atrofida bo‘ladi.

Toshkent, Sirdaryo, Samarqand va Jizzaxda kunduzi 20-25°, kechasi 5-10° iliq bo‘ladi.

Qashqadaryo va Surxondaryoda havo biroz iliqroq bo‘lib, kunduzi 22-27°, kechasi 8-13° iliq bo‘ladi.

Andijon, Namangan va Farg‘onada esa kunduzi 20-25°, kechasi 5-10° iliq bo‘lishi kutilmoqda.

Tog‘li hududlarda nisbatan salqin bo‘lib, kunduzi 12-17°, kechasi 0-5° iliq bo‘ladi. 

Toshkent viloyati hokimining qaroriga ko‘ra, «Yangi Toshkent» shahrini barpo etish maqsadida Yuqori Chirchiq tumanidan 122,3 gektar yer maydoni ajratildi. Bu haqda viloyat hokimligi xabar berdi.

Yer maydonlari «Bordonko‘l» hududidan 75,22 gektar, «Do‘stlik» hududidan 47,1 gektar ajratilgan.

Ma’lumot uchun, shu kungacha 220 gektardan ortiq yer maydoni «Yangi Toshkent shahrini barpo etish direksiyasi»ga doimiy foydalanish huquqi bilan berilgan.

Shuningdek, unga ko‘ra betonchi, payvandchi, santexnik, g‘isht teruvchi, elektrik, suvoqchi kabi 38 ta yo‘nalish bo‘yicha 10 mingga yaqin ishchilar jalb qilinadi.

Oylik maosh 8 – 15 million so‘mni tashkil etadi. Ishchilar yotoqxona, maxsus kiyim-kechak, transport va uch mahal issiq ovqat bilan ta’minlanadi.

Shveysariyaning Oʻzbekistondagi Favqulodda va muxtor elchisi jiddiy ogohlantirish bilan chiqmoqda. Bu haqda Migratsiya agentligi xabar bermoqda.

Ayni kunlarda Shveysariyaga elchixonasiga soxta ishga taklif olish va qalbaki ishlash ruxsatnomalari boʻyicha murojaatlar koʻpaygan. Elchi bu boʻyicha Oʻzbekiston fuqarolariga murojaat qildi.

«Shveysariyaga yolgʻon ish takliflari va u yerda ishlashga, deb berilayotgan soxta ishlash ruxsatnomalari haqida tez-tez eshityapmiz. Agar sizga ish taklifi kelib tushsa, juda ehtiyot boʻling va uning chindan ham haqiqiyligini tekshiring», – deydi Konstantin Obolenskiy.

Shuningdek, u hech qanday sharoitda pul to‘lamaslik yoki o‘tkazmaslik kerakligini ta’kidladi. Ish vizasini olish uchun Shveysariyaning Moskvadagi elchixonasida joylashgan Mintaqaviy konsullik...

18-mart, seshanba kuni muborak Ramazon oyining oʻn sakkizinchi kuni boʻlib, Toshkent shahrida saharlikning tugashi soat 5:12 ni tashkil qiladi. Iftorlik esa 18:36 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan.

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu

Eslatib oʻtamiz, Kursiv Uzbekistan roʻza tutishda salomatlik uchun qanday qoidalarga amal qilish haqida yozgan edi. 

O‘zbekiston milliy terma jamoasi va «Manchester Siti» klubi himoyachisi Abduqodir Husanovga qimmatbaho Mercedes-Benz G-Class avtomobili (Gelik) sovg‘a qilingan.

Tribuna.uz xabariga ko‘ra, ushbu avtomobilni futbolchiga qozog‘istonlik o‘zbek futbol funksioneri Ulug‘bek Asanbayev hadya qilgan. Asanbayev ilgari «Paxtakor» va «Do‘stlik» jamoalarida to‘p surgan bo‘lib, so‘nggi yillarda futbolchilarning xorij klublariga transferlarini tashkil qilish bilan shug‘ullanib kelmoqda.

Shuningdek, 21-yoshli futbolchi may oyida oila qurishi kutilayotgani ma’lum bo‘ldi. Avvalroq Husanov ushbu avtomobilni mahrga berish uchun xarid qilgani haqidagi xabarlar tarqalgan, ammo keyinchalik bu ma’lumot rad etilgandi.

Avvalroq Kursiv Uzbekistan «Manchester Siti» Husanovni fevralning eng yaxshi futbolchisi sifatida taqdirlagani haqida xabar bergan edi.