Yangiliklar

Bill Geyts jamg‘armasi va OpenAI Afrika davlatlarida sun’iy intellekt texnologiyalaridan foydalanib sog‘liqni saqlash tizimini yaxshilash maqsadida $50 mln ajratadi. Bu haqda Reuters agentligi ma’lum qildi.

Horizon1000 deb nomlangan loyiha dastlab Ruanda bilan hamkorlikda ishlashni boshlaydi va texnologiyadan eng samarali foydalanish yo‘llarini aniqlashni maqsad qilgan. Loyiha 2028-yilga qadar bir nechta mamlakatlarda 1 mingta birlamchi sog‘liqni saqlash klinikasi va ularning atrofidagi jamoalarga yetib borishni rejalashtirmoqda.

Loyiha ayniqsa homilador ayollar va OIV bemorlariga xizmat sifatini oshirishga qaratiladi. Ularga klinikaga kelishdan oldin maslahat berish va kelganida hujjatlarni kamaytirish, bemor tarixini samarali bog‘lash orqali yordam ko‘rsatadi. Shuningdek, sun’iy intellekt tibbiy xodimlar yukini kamaytirish...

Fransiya hukumati NATO qo‘shinlari mashg‘ulotlarini Grenlandiya hududida o‘tkazishni taklif etdi. Bu haqda CNN axborot agentligi ma’lum qildi.

Bundan oldin Parij Daniya rahbarligida mashg‘ulotlar o‘tkazish uchun o‘z harbiylarini orolga yuborgan edi. Fransiyaning manevrlarni o‘tkazish taklifi AQSh hukumatining Grenlandiya bilan integratsiya qilish haqidagi bayonoti fonida yuz bermoqda.

Vashingtonning orolga qiziqishi NATOdagi amerikalik ittifoqchilar tomonidan salbiy qarshi olindi. Ularning ayrimlari Germaniya, Finlyandiya va Niderlandiya Grenlandiyaga askar yuborgan.

Kutilayotganidek, Grenlandiya masalasi Shveysariyaning Davos shahrida bo‘lib o‘tadigan sammitda milliy xavfsizlik maslahatchilari tomonidan muhokama qilinadi. Hozircha esa noformal uchrashuvda qaysi mamlakatlar ishtirok etishi ma’lum emas.

Ma’lumot uchun, Fransiya dunyoning eng kuchli armiyalari...

Bugun, 21-yanvar kuni AQSh hududida noqonuniy bo‘lib turgan shaxslarni deportatsiya qilish doirasida navbatdagi charter reysi amalga oshirildi. Bu haqda Tashqi ishlar vaziri matbuot kotibi xabar berdi.

Ushbu reys orqali 44 nafar O‘zbekiston fuqarosi Vatanga qaytarildi. Charter reysi AQShning vakolatli hukumat idoralari bilan hamkorlikda tashkil etilgan. Jarayon O‘zbekiston fuqarolarining xavfsiz va belgilangan muddatlarda qaytarilishini ta’minlashga qaratilgan.

Qayd etilishicha, mazkur tadbir O‘zbekiston va AQSh o‘rtasidagi amaliy hamkorlikning yana bir muhim namunasi hisoblanadi. Tomonlar o‘zbekistonliklarning xorijda bo‘lishi davomida ularning qonuniy huquqlari va xavfsizligini ta’minlash masalalariga alohida e’tibor qaratmoqda.

Avvalroq «Kursiv» nashri O‘monda onasi tashlab ketgan bolakay O‘zbekistonga qaytarilgani haqida yozgandi.

Kia kompaniyasi yangi avlod flagman elektr sedani – Kia EV8 nomi ostida ishlab chiqilayotganini ma’lum qildi. Bu haqda Bike-ev nashri xabar berdi.

2027-yilda bozorga chiqishi kutilayotgan model 603 ot kuchiga teng quvvat, 700 – 800 km gacha yurish zaxirasi va kengaytirilgan reallikka asoslangan futuristik salon bilan brend tarixidagi eng texnologik elektromobil bo‘lishi mumkin.

Yangi EV8 Kia’ning halo-car konsepsiyasi doirasida yaratilmoqda. Ya’ni model nafaqat sotuv, balki kompaniyaning dizayn va texnologik salohiyatini namoyish etishga xizmat qiladi. Elektromobil 2025-yil oxirida taqdim etilgan Vision Meta Turismo konseptiga asoslangan bo‘lib, past profilli kuzov, futuristik siluet va aerodinamik shakllarga ega bo‘ladi. Model benzinli Kia Stinger’ning...

Qozog‘iston Madaniyat va axborot vazirligi bolalar va o‘smirlarning ijtimoiy tarmoqlarga kirishini cheklovchi qonun loyihalarini ishlab chiqdi. Yangi qoidalarga ko‘ra, ro‘yxatdan faqat 16 yoshdan oshgan fuqarolar o‘tishi mumkin bo‘ladi.

Qonun loyihalari allaqachon ekspertizadan o‘tgan va jamoatchilik muhokamasiga qo‘yilgan. Vazirliklar bilan birgalikda foydalanuvchilarning yoshini tekshirish tizimlarini yaratish va qoidabuzarliklar uchun javobgarlik choralarini belgilash rejalashtirilmoqda.

Madaniyat va axborot vaziri Aida Balayeva shuningdek, respublikada aholining mediakovonligini oshirish va mustaqil ommaviy axborot vositalarini qo‘llab-quvvatlash rejalashtirilganini qo‘shimcha qildi.

«Ushbu yo‘nalishda tegishli ishlar soha jurnalistikasini rivojlantirish bo‘yicha komissiya va boshqa mexanizmlar orqali olib borilmoqda», – dedi u.

Balayeva ta’kidicha, qonun...

Rossiyada general Igor Kirillovga qarshi uyushtirilgan terakt ijrochisi sifatida ayblangan O‘zbekiston fuqarosi Ahmadjon Qurbonov umrbod ozodlikdan mahrum etildi. Bu haqda RBC nashri xabar berdi.

Hukm 2-G‘arbiy okrug harbiy sudi sudyalar hay’ati tomonidan e’lon qilindi, shuningdek, unga 1 mln rubl miqdorida jarima belgilandi.

Sud materiallariga ko‘ra, Qurbonov 2024-yil dekabr oyida general Kirillov yashagan uy oldida portlovchi moslama o‘rnatilgan elektr samokatni qoldirgan. Portlash oqibatida general Igor Kirillov va uning yordamchisi mayor Ilya Polikarpov halok bo‘lgan. Tergov tafsilotiga ko‘ra, terakt masofadan boshqarilgan va jarayon videokuzatuv orqali Ukrainaga uzatilgan.

Ish bo‘yicha yana bir necha shaxslar ham jazoga tortildi. Portlovchi modda yetkazib bergan Robert...

Uzbekistan Airways aviakompaniyasiga tegishli Boeing 767 samolyoti bugun, 21-yanvar kuni Toshkent – Vladivostok yo‘nalishi bo‘yicha parvoz chog‘ida favqulodda qo‘nishni amalga oshirdi. Hodisaga samolyotning birinchi dvigateli ishlamay qolgani sabab bo‘lgan.

Ekipaj qarori bilan havo kemasi Rossiyaning Krasnoyarsk shahri aeroportiga yo‘naltirildi va mahalliy vaqt bilan soat 14:46 da muvaffaqiyatli qo‘ndi. Samolyot bortida jami 122 kishi – 101 nafar yo‘lovchi, 5 nafar ekipaj a’zosi va 16 nafar bortkuzatuvchi bo‘lgan. Hodisa oqibatida hech kim jabrlanmadi.

Favqulodda qo‘nish vaqtida aeroportning barcha xizmatlari to‘liq shay holatga keltirilib, xavfsizlik qoidalariga muvofiq zarur choralar ko‘rildi. Qo‘nishdan so‘ng yo‘lovchilar chegara va bojxona nazoratidan o‘tkazilib, Rossiya Federatsiyasi aviatsiya qoidalariga...

Namangan viloyatining Pop tumanida hokim yordamchisi va Davlat kadastrlar palatasi xodimining noqonuniy harakatlari aniqlandi. Bu haqda DXX ma’lum qildi.

Birinchi holatda tuman hokimi yordamchisi 1988-yilda tug‘ilgan fuqaroga 49 yil muddatga dehqon xo‘jaligi uchun ajratilgan 30 sotix yer maydonini o‘zining mansabdor tanishlari orqali xususiy mulk sifatida rasmiylashtirishga uringan. Shuningdek, u yerning 6 sotix qismida qurilgan uy-joy uchun tegishli kadastr hujjatlarini tayyorlab berish evaziga $2 ming talab qilgan.

Hokim yordamchisi oldindan $1 mingni o‘zining 1990-yilda tug‘ilgan tanishi orqali olgan vaqtida ularning noqonuniy harakatlariga chek qo‘yildi. Shu asosida ushbu shaxsga nisbatan Jinoyat kodeksining 168-moddasi 2-qismi «b» bandi va 28, 211-moddasi 1-qismi...

O‘zbekiston stenddan otish terma jamoasi Osiyo chempionatida bir nechta medallarni qo‘lga kiritdi. Bu haqda Milliy olimpiya qo‘mitasi ma’lum qildi.

Qatar poytaxti Doha shahrida bo‘lib o‘tgan musobaqada sportchilarimiz 1 tadan oltin, kumush va bronza medaliga sazovor bo‘lishdi. Xususan, trap yo‘nalishida yoshlar o‘rtasida oltin medalni qo‘lga kiritgan Ohunjon Abduqodirov jahon rekordini yangilashga muvaffaq bo‘ldi.

Kumush medal trap yo‘nalishida yoshlar o‘rtasida Yaroslava Eshtayevaga nasib etdi. Bronza medal esa trap yo‘nalishida yoshlar jamoaviy bahslarida Ohunjon Abduqodirov, Azamat Qayumov va Shohruh Sadirovga berildi.

Eslatib o‘tamiz, avvalroq shaxmatchimiz Nodirbek Abdusattorov Tata Steel Chess turnirida prinsipial raqibini mag‘lub etgan edi.

Motorola kompaniyasining yangi flagman smartfoni — Motorola Signature nisbatan hamyonbop narxda bo‘lishi kutilmoqda. Bu haqda insayder Sanju Choudhary ma’lum qildi.

Unga ko‘ra, qurilma Hindiston bozorida $655 dan sotuvga chiqariladi. Smartfon 7 mm qalinlik va 186 gramm og‘irlikka ega bo‘lib, Snapdragon 8 Gen 5 protsessori, 5200 mA·soat sig‘imli akkumulyator va 90 vattli tezkor quvvatlash texnologiyasi bilan jihozlangan.

Shuningdek, u IP69 darajasidagi himoyaga ega hamda har biri 50 megapikselli kameralar to‘plami bilan ta’minlangan. Displey juda ingichka ramkalar va egri shisha bilan ajralib turadi. Ko‘rsatilgan narxda qurilma 12/256 GB xotira konfiguratsiyasida taqdim etiladi, bundan tashqari, qimmatroq versiyalari ham bo‘ladi.

Eslatib...

Shavkat Mirziyoyev bugun, 21-yanvar kuni amaliy tashrif bilan Shveysariyada bo‘ladi. Bu haqda prezident matbuot xizmati xabar berdi.

Davlat rahbari AQSh prezidenti Donald Trampning taklifiga binoan Davos shahrida Amerika yetakchisi tashabbusi bilan tashkil etilayotgan Tinchlik kengashi nizomini imzolash marosimida ishtirok etadi.

Qayd etilishicha, O‘zbekiston ushbu xalqaro tuzilma faoliyatiga ta’sischi davlat sifatida qo‘shilish taklifini avvalroq qabul qilgan. Mirziyoyev AQSh prezidentiga yo‘llagan maktubida mazkur tashabbusni Yaqin Sharqda uzoq yillardan beri davom etib kelayotgan mojarolarni bartaraf etish, shuningdek, mintaqada tinchlik va barqarorlikni ta’minlashga qaratilgan muhim qadam sifatida baholagan.

Avvalroq Kursiv Uzbekistan Tramp Mirziyoyevni Tinchlik kengashiga qo‘shilishga taklif qilgani haqida yozgandi.

Italiyaning Lamborghini avtomobil ishlab chiqaruvchisi 2025-yilda rekord darajadagi sport avtomobillari savdosini e’lon qildi. Bu haqda Reuters xabar berdi.

2025-yilda kompaniya butun dunyo bo‘ylab 10 ming 747 ta avtomobil sotdi, bu uning tarixidagi rekord ko‘rsatkichdir. Kompaniya o‘zining yuqori ko‘rsatkichlarini muvaffaqiyatli gibrid texnologiya strategiyasi va barcha mintaqalarda barqaror savdo bilan bog‘laydi.

Eng ko‘p avtomobil Yevropa, Yaqin Sharq va Afrikada sotilgan bo‘lib, ushbu mintaqalarda 4650 ta sport avtomobili sotilgan. Shimoliy va Janubiy Amerika savdo hajmi bo‘yicha 3347 dona sotilgan holda ikkinchi o‘rinni egallagan. Osiyo-Tinch okeani mintaqasi esa 2750 dona sotilgan holda uchinchi o‘rinni egallagan.

Lamborghini bosh direktori Stefan Vinkelmannning aytishicha, rekord...

Andijonning Contact Finance mikromoliya tashkiloti navbatdagi korporativ obligatsiyalarini chiqaradi. Mazkur emissiya Istiqbolli loyihalar milliy agentligi (ILMA) tomonidan ro‘yxatdan o‘tkazildi.

Unga ko‘ra, yangi emissiya doirasida 100 ming dona obligatsiya joylashtiriladi. Har bir obligatsiyaning nominal qiymati 100 ming so‘mni tashkil etadi. Umumiy emissiya hajmi 10 mlrd so‘mga teng.

Obligatsiyalar bo‘yicha yillik foiz stavkasi 25% etib belgilangan. Kupon to‘lovlari har 30 kunda amalga oshiriladi. Qimmatli qog‘ozlarning muomalada bo‘lish muddati 1 080 kunni (36 oy) tashkil etadi. Joylashtirish ochiq obuna orqali amalga oshiriladi.

Savdolar 2026-yil 4-fevraldan «Toshkent» respublika fond birjasi (RFB)da boshlanadi. Obligatsiyalar to‘liq ta’minlangan bo‘lib, asosiy qarz va foizlar bo‘yicha...

22 – 24-yanvar kunlari O‘zbekiston hududiga nam va sovuq havo massalari kirib keladi. Bu haqda O‘zgidromet ogohlantirdi.

Unga ko‘ra, ertaga va 23-yanvar kuni kechasi va ertalab O‘zbekiston bo‘yicha asosan qor ko‘rinishidagi yog‘ingarchilik bo‘ladi. Yo‘llarda ba’zi joylarda yaxmalak kuzatiladi. Respublikaning tog‘oldi va tog‘li hududlarida 22 – 23-yanvar kunlari qor yog‘adi, ba’zi joylarda kuchli bo‘ladi.

Respublika bo‘yicha ba’zi joylarda shamol tezligi 15-20 m/s gacha kuchayadi, ayrim joylarda ba’zida 22-25 m/s gacha kuchayishi mumkin. 22 – 24-yanvar kunlari harorat kechalari 3-8 daraja sovuqqacha, kunduz kunlari 3 daraja sovuq – 2 daraja iliqqacha, shimolda kechalari 12-15 daraja sovuqqacha, kunduz kunlari 2-5 daraja sovuqqacha...

Har yili Shveysariyaning Davos shahrida o‘tkaziladigan Jahon iqtisodiy forumining amaldagi hamraisi, BlackRock investitsiya kompaniyasi rahbari Larri Fink tadbirni dunyoning boshqa shaharlariga ko‘chirish imkoniyatini ko‘rib chiqmoqda. Bu haqda Financial Times xabar berdi.

Finkning so‘zlariga ko‘ra, potensial mezbon shaharlar qatoriga Detroyt va Dublin, Jakarta va Buenos-Ayres kiradi.

Forum Davosda 1971-yildan beri o‘tkazib kelinmoqda. Shveysariyaning sharqidagi Alp tog‘larida, 1500 metrdan ortiq balandlikda joylashgan bu shahar chang‘i kurorti sifatida tanilgan. 2002-yilda forum 11-sentabr terroristik hujumlaridan keyin birdamlik belgisi sifatida bir yilga Nyu-Yorkka ko‘chirildi.

2026-yilda Jahon iqtisodiy forumi (WEF) 19 – 23-yanvar kunlari bo‘lib o‘tadi. Siyosat va biznes vakillari xalqaro xavfsizlik va iqtisodiy masalalarni...

Elektr avtomobillarning qishki sharoitda qanchalik samarali ekani ko‘plab haydovchilarni qiziqtiradi. Ayniqsa, sovuq iqlimli hududlarda elektromobil tanlashdan oldin uning real masofa zaxirasi, energiya sarfi va ekspluatatsiya xarajatlari muhim ahamiyat kasb etadi. Qozog‘istonlik videobloger Timur Mustafayev BYD Song Plus elektromobilini qattiq qish sharoitida sinovdan o‘tkazdi va uning natijalari amaliy jihatdan muhim xulosalarni ko‘rsatdi.

Mundarija:

Qayerda va qachon

Sinov Qozog‘istonning eng uzun va mashhur yo‘nalishlaridan biri bo‘lgan Olmaota – Astana trassasida o‘tkazildi. Umumiy masofa...

O‘zbekistonda ishlab chiqarilayotgan Chevrolet Cobalt ilk bor jiddiy texnik va ichki yangilanishlar bilan taqdim etildi. Bloger tomonidan o‘tkazilgan birinchi test-drayv avtomobilning yangilangan motor, uzatma, ABS tizimi va deyarli to‘liq qayta ishlangan salonini real sharoitda sinab ko‘rish imkonini berdi. Kursiv Uzbekistan yangi Chevrolet Cobalt test sinovi orqali maqola tayyorladi.

Maqolada quyidagilar haqida so‘z boradi:

Tashqi ko‘rinish

Salon

Modelning kamchiliklari

Motor va texnika

Tashqi ko‘rinish: o‘zgarish deyarli yo‘q

Yangi Cobalt tashqi dizayn jihatidan avvalgi modeldan deyarli farq qilmaydi. Midnight komplektatsiyasida qoramtir rangli old optika, qora disklar va o‘zgarishsiz kuzov saqlanib...

O‘zbekistonda endi sun’iy intellekt yordamida shaxsga doir ma’lumotlarga noqonuniy ishlov berganlik uchun javobgarlik belgilandi. Bu bo‘yicha 21-yanvar kuni ayrim qonun hujjatlariga o‘zgartirish va qo‘shimchalar kiritildi.

Ya’ni «Axborotlashtirish to‘g‘risida»gi qonunga sun’iy intellekt texnologiyalaridan foydalanishning umumiy asoslarini belgilash hamda ushbu sohadagi vakolatli davlat organining vakolatlarini aniqlashtirish bo‘yicha qo‘shimcha va o‘zgartirishlar kiritildi.

Kiritilgan o‘zgarishlarga ko‘ra, sun’iy intellekt – insonning bilim va ko‘nikmalariga taqlid qilish, mustaqil o‘rganish, yechimlarni izlash va aniq vazifalarni bajarishda inson aqliy faoliyati natijalari bilan taqqoslanadigan natijalarni olish imkonini beruvchi texnologik yechimlar majmui. Insonning huquqi va erkinligiga aloqador bo‘lgan yuridik ahamiyatga ega qarorlarni qabul qilishda faqat sun’iy intellektdan foydalanib...

Endilikda fuqaro bir kun davomida faqat bitta bank yoki kredit tashkilotidan onlayn kredit olishi mumkin bo‘ladi. Bu haqda Adliya vazirligi Markaziy bank bilan birga davlat ro‘yxatidan o‘tkazgan yangi nizomda keltirilgan.

Unga ko‘ra, onlayn kredit olish uchun ariza berilganda, kredit tashkiloti avvalo foydalanuvchi ma’lumotlarini kredit bitimini tuzish taqiqlangan shaxslar reyestri orqali tekshiradi.

Agar foydalanuvchi ma’lumotlari reyestrda aniqlanmasa, onlayn kredit berish jarayoni davom ettiriladi. Bir vaqtning o‘zida bir JShShIR bo‘yicha bir nechta kredit tashkiloti so‘rov yuborsa, kredit byurosi faqat birinchi bo‘lib kelgan so‘rovga javob beradi.

Agar birinchi so‘rov yuborgan kredit tashkiloti ushbu JShShIR bo‘yicha onlayn kredit rasmiylashtirilganini ma’lum qilsa, kredit byurolari...

Yaponiyaning Nara okrug sudi mamlakatning sobiq bosh vaziri Shinzo Abeni o‘ldirganlikda ayblangan Tetsuya Yamagamiga nisbatan uzil-kesil hukm chiqardi. 2022-yilda sodir etilgan va butun dunyoni larzaga solgan ushbu jinoyat ijrochisi umrbod ozodlikdan mahrum etildi.

45 yoshli Tetsuya Yamagami sud jarayonida o‘z aybini to‘liq tan oldi. Prokuratura ushbu suiqasdini mamlakatning urushdan keyingi tarixidagi misli ko‘rilmagan hodisa deb baholab, sudlanuvchiga eng og‘ir jazo tayinlashni talab qilgan edi.

O‘z navbatida, advokatlar o‘z himoyasidagi shaxsni diniy zo‘ravonlik qurboni bo‘lganini ta’kidlab, unga reabilitatsiya uchun imkon berishni va jazo muddatini 20 yildan oshirmaslikni so‘rashgandi. Biroq sud prokuratura pozitsiyasini ma’qulladi. Hukm o‘qilish jarayoni jamoatchilikda katta qiziqish uyg‘otgan...

22-yanvar uchun valyutalar kursi yangilandi. Unga ko‘ra, dollar 48,78 so‘mga oshib, 12 122,07 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

14-yanvarda 51,14 so‘mga pasayib, 12 048,04 so‘m, 15-yanvarda esa 46,33 so‘mga pasayib, 12 001,71 so‘m etib belgilandi. 16-yanvar kuni ham dollar pasayishda davom etib, 11 969,66 so‘mni tashkil etdi. 19-yanvarda dollar 6,88 so‘mga pasayib, 11 962,78 so‘m, 20-yanvarda 88,93 so‘mga oshib, 12 050 so‘m, 21-yanvarda esa 21,58 so‘mga oshib, 12 072 so‘m etib belgilandi.

Markaziy bank ma’lumotlariga ko‘ra, yevro 29,32 so‘mga oshib, 14 187,67 so‘mni, rubl 1,23 so‘mga oshib...

Toshkent shahrida muddati 40 yildan oshgan 52 mingdan ortiq avtomobillar aniqlandi. Bu haqda UzA ma’lum qildi.

2026-yil 1-yanvardan Toshkent shahrida «Ekologik transport» tizimi joriy etiladi. Yangi tizimga muvofiq, ekologik talablarga javob bermaydigan avtotransport vositalarining harakati bosqichma-bosqich cheklanadi.

Rasmiy o‘rganishlar davomida poytaxt hududida ishlab chiqarilganiga 40 yildan oshgan 52 mingdan ortiq avtotransport vositasi mavjudligi aniqlangan. Ushbu avtomobillar tezlashtirilgan tartibda texnik ko‘rikdan o‘tkazilib, ekologik holatiga qarab «yashil», «sariq» va «qizil» stikerlar bilan markalanadi. Stikerlar harakatni cheklash yoki ruxsat berishda asos bo‘lib xizmat qiladi.

Mazkur masala Oliy Majlis Qonunchilik palatasida ham muhokama qilingan edi. «Milliy tiklanish» demokratik partiyasi fraksiyasi rahbari Alisher...

2050-yilga borib O‘zbekiston urbanizatsiya bo‘yicha Markaziy Osiyoda yetakchiga aylanadi va Qozog‘istonni ortda qoldiradi. Bu haqda BMTning 2025-yil yakunlari yuzasidan e’lon qilgan hisobotida keltirilgan.

So‘nggi 75 yil ichida global urbanizatsiya darajasi sezilarli darajada oshdi. BMT ma’lumotlariga ko‘ra, 20-asrning o‘rtalarida dunyo aholisining atigi 20 foizi yirik shaharlarda yashagan, kichik va o‘rta shaharlar va qishloq joylari esa 40 foizni tashkil etgan. 2025-yilga kelib, yirik shaharlarda yashovchi aholining ulushi 44,8 foizgacha oshgan va 2050-yilga borib 48,3 foizgacha ko‘tarilishi prognoz qilinmoqda.

Kichik va o‘rta shaharlarda yashovchi aholining ulushi 35,6 foizgacha pasaydi va 2050-yilga borib bu ko‘rsatkich 34,6 foizgacha pasayishi prognoz qilinmoqda. Qishloq aholisi...

BMW kompaniyasi uzoq kutilgan X8 modeli o‘rniga XM gibrid yo‘ltanlamasini ishlab chiqarishga qaror qildi. Carbuzz nashrining xabariga ko‘ra, bu o‘zgarish COVID-19 pandemiyasi va bozorda talab ortishi bilan bog‘liq.

BMW X8 haqidagi ilk xabarlar 2017-yilda paydo bo‘lgan edi. O‘shanda kompaniyaning rivojlanish bo‘limi rahbari Klaus Fryolix X7 modelidan yuqoriroq turuvchi, Xitoy kabi bozorlar uchun mo‘ljallangan o‘zgacha xarakterga ega avtomobil uchun joy borligini ta’kidlagan. Biroq 2020-yilga kelib, Project Rockstar deb nomlangan X8 M loyihasi to‘liq M seriyasidagi XM modeliga aylantirildi.

Ushbu qaror ortida BMW iM superkarining bekor qilinishi turibdi. Afsonaviy M1 vorisi sifatida ko‘rilgan ushbu avtomobil pandemiyasi davridagi iqtisodiy xatarlar va bozorning...