Yangiliklar

BYD kompaniyasi o‘zining eng katta krossoveri – Datang modelini rasmiy taqdimotga tayyorlamoqda. Bu haqda Autohome nashri ma’lum qildi.

Taqdimoti va narxi

Avtomobil Dynasty seriyasining flagman «to‘qqizinchi» liniyasiga kiradi va joriy yilning birinchi yarmida Xitoy bozoriga chiqariladi. Krossover narxi 400 ming yuandan (taxminan $57,6 ming) oshishi kutilmoqda. Shunga qaramay, yangi Li Auto L9 Livis modeli hali ham qimmatroq bo‘ladi.

Tashqi ko‘rinish va dizayn

Datang’ning tashqi ko‘rinishi odatiy Tang krossoveridan sezilarli darajada farq qiladi. Avtomobil dizaynerlari yopiq old panjarali yangi stilistikani qo‘llashgan. «Tang» logotipi qadimgi kaligrafiya uslubida ishlangan bo‘lib, modelning nufuzini ta’kidlaydi. Shuningdek, avtomobilda ko‘p shpilkali g‘ildirak disklari...

«Qarshi xalqaro aeroporti» MChJ tomonidan qonunbuzilish holati sodir etilgani yuzasidan moliyaviy jarima qo‘llash yuzasidan sud qarori qabul qilindi. Bu haqda Raqobat qo‘mitasi xabar berdi.

Qayd etilishicha, qo‘mitaga «Dorkompletsnab» MChJning «Qarshi xalqaro aeroporti» MChJ tomonidan tegishli «Yo‘l qurilish xizmati» bo‘yicha o‘tkazilgan boshlang‘ich qiymati 7,5 mlrd so‘mlik xaridlardan norozi ekani to‘g‘risida murojaat kelib tushgan.

Ushbu holat yuzasidan ishni ko‘rib chiqish natijasida qo‘mita maxsus komissiyasi tomonidan «Qarshi xalqaro aeroporti» MChJ tomonidan raqobat to‘g‘risidagi qonunchilik talablari buzilgan deb topilib, moliyaviy jarima to‘lash tavsiya etilgan. Shuningdek, qonunbuzilishi holatlarini bartaraf qilish va kelgusida yo‘l qo‘ymaslik to‘g‘risida ko‘rsatma berilgan.

«Qarshi xalqaro aeroporti» MChJ tomonidan ushbu...

Apple’ning rasmiy saytida joylashgan CarPlay qo‘llab-quvvatlanadigan avtomobillar ro‘yxatida ilk bor Lada brendi modellari qayd etildi.

Qo‘llab-quvvatlanadigan transport vositalari orasida Lada Granta, Vesta va XRay’ning 2021 – 2025-yillarda ishlab chiqarilgan talqinlari, shuningdek, Lada Largus’ning 2022 – 2025-yilgi modellarini ko‘rish mumkin.

Ma’lumotlarga ko‘ra, ushbu sahifada CarPlay bilan mos keluvchi 800 dan ortiq avtomobil modellari jamlangan. Ro‘yxatda eng yangi Lada Iskra modeli esa hozircha keltirilmagan.

Qiziqarli jihati shundaki, Lada modellari Apple sahifasida alifbo tartibiga ko‘ra Kia va Lamborghini brendlari orasida joylashgan. Bu esa mahalliy avtomobillar uchun CarPlay ekotizimida muhim ramziy holat sifatida baholanmoqda.

Eslatib o‘tamiz, Kursiv Uzbekistan nashri Lada avtomobillariga chegirmalar e’lon...

Apple yaqin haftalarda iPhone 17e nomli nisbatan arzon modelni taqdim etishi kutilmoqda. Taxminlarga ko‘ra, smartfon 19-fevral kuni e’lon qilinadi. Yangi model iPhone 16e’dan keyin ayrim muhim yaxshilanishlarni taklif qilishi kutilmoqda. Quyida Tom’s Guide nashriga asosan iPhone 17e’ni sotib olish uchun 5 sabab va undan voz kechish uchun 3 sabab keltiriladi.

iPhone 17e: Sotib olish uchun sabablar

Birinchidan, iPhone 17e’da to‘liq MagSafe texnologiyasi bo‘lishi kutilmoqda. Oldingi iPhone 16e’da bu imkoniyat yo‘q edi. Bu esa simsiz quvvatlash va MagSafe aksessuarlaridan qulay foydalanish imkonini beradi. Shuningdek, 25 Vt tezlikdagi MagSafe quvvatlash ham bo‘lishi mumkin.

Ikkinchidan, iPhone 17e Apple A19 protsessori...

MAPPA studiyasi Dorohedoro anime serialining ikkinchi mavsumini e’lon qildi. Bu haqda o‘zining X ijtimoiy tarmog‘ida ma’lum qildi.

Ushbu mavsum 1-aprelda boshlanadi. Epizodlar har chorshanba kuni turli striming platformalarida namoyish etiladi.

Ikkinchi mavsumning rasmiy shiori: «Xaos botqog‘iga sho‘ng‘ing!». Shu bilan birga, yangi posterda asosiy personajlar tasvirlangan. Hozircha epizodlar soni ma’lum qilinmagan.

Avval ikkinchi mavsum 2025-yil uchun rejalashtirilgan edi. 2025-yil oktabrida MAPPA studiyasi chiqarilish vaqtini 2026-yil bahoriga ko‘chirdi, sabablarini ochiqlamadi.

Birinchi mavsum 2020-yilda namoyish etilgan bo‘lib, unda Kaiman ismli, boshida timsoh boshli, uni shikastlagan sehrgarni qidirayotgan erkak haqidagi voqealar tasvirlangan.

Avvalroq Kursiv Uzbekistan Sony va Bandai Namco anime bozorida hamkorlikni boshlashi...

8-fevral kuni Angliya Premyer-ligasining 25-tur markaziy uchrashuvida «Manchester Siti» safarda «Liverpul»ni 2:1 hisobida mag‘lub etdi. Abduqodir Husanov asosiy tarkibda maydonga tushdi, biroq jarohat xavfi tufayli o‘yinni erta yakunlashga majbur bo‘ldi.

«Enfild» stadionida kechgan dramatik bahsda hisob 74-daqiqada Dominik Soboslai tomonidan ochildi. Biroq Pep Gvardiola shogirdlari o‘yin oxirida vaziyatni o‘zgartirishga muvaffaq bo‘ldi. 84-daqiqada Bernardu Silva muvozanatni tiklagan bo‘lsa, hakam tomonidan qo‘shib berilgan vaqtda (90+3) Erling Holand penaltini aniq amalga oshirib, jamoasiga muhim uch ochkoni taqdim etdi. Ushbu g‘alaba «Siti»ga peshqadam «Arsenal» bilan oradagi 6 ochkolik farqni saqlab qolish imkonini berdi.

O‘zbekistonlik himoyachi Abduqodir Husanov o‘yinni asosiy tarkibda boshladi va himoya...

Farg‘ona viloyatida davlat-xususiy sheriklik (DXSh) asosida 800 o‘rinli zamonaviy ko‘p tarmoqli shifoxona quriladi. Bu haqda Sog‘liqni saqlash vazirligi ma’lum qildi.

Ma’lum qilinishicha, vazirlik Iqtisodiyot va moliya vazirligi ko‘magida mazkur loyiha bo‘yicha tender jarayonlarini yakunlagan. Tender g‘olibi sifatida barcha texnik talablarga javob bergan va eng maqbul moliyaviy taklifni taqdim etgan Vision International Investment Company (Saudiya Arabistoni) hamda KOC Construction Mekanik Elektrik MCHJ FE (O‘zbekiston) konsorsiumi e’lon qilindi.

Tender g‘olibiga O‘zbekistonda loyiha kompaniyasini ro‘yxatdan o‘tkazish va tender natijalari rasmiy e’lon qilingan kundan boshlab 30 kun ichida Sog‘liqni saqlash vazirligi bilan shartnoma imzolash taklif etilgan.

Shartnomaga muvofiq, investor uch yil ichida ishga...

BMW kompaniyasi BMW X5 krossoverining cheklangan seriyadagi versiyasini Year of the Horse Limited Edition nomi ostida taqdim etdi. Bu haqda Autohome nashri xabar berdi.

BMW X5 Year of the Horse Limited Edition taqdimoti

Ushbu model 2026-yil Sharqiy taqvim bo‘yicha Ot yiliga bag‘ishlangan kampaniyaning bir qismi hisoblanadi. Shu yil davomida BMW, Mini va BMW Motorrad Xitoy bozorida taxminan 20 ta yangi yoki yangilangan avtomobilni taqdim etadi. X5’dan tashqari, maxsus «otli» versiyalar BMW 3 va 5 seriyalari hamda BMW X3 krossoverini ham qamrab oladi.

Quvvat tizimi

Cheklangan seriyadagi BMW X5 ikki turdagi quvvat tizimlari bilan taqdim etiladi. Ikkalasi...

Markaziy bank O‘zbekistonda bank plastik kartalari, to‘lov infratuzilmasi va naqd pulsiz hisob-kitoblar bo‘yicha so‘nggi statistik ma’lumotlarni e’lon qildi. Unga ko‘ra, 2026-yil 1-yanvar holatiga respublikada muomalaga chiqarilgan bank kartalari soni 68 million 267 ming donadan oshgan.

Bu ko‘rsatkich uch yil avvalgi raqamlar bilan solishtirilganda qariyb ikki baravar o‘sishni anglatadi. Xususan, 2023-yil 1-yanvar holatiga 34,2 millionta, 2024-yil boshida 46,2 millionta, 2025-yil yanvarida esa 62 millionta bank kartasi muomalada bo‘lgan.

Shu bilan birga, mamlakatda to‘lov infratuzilmasi ham izchil kengayib bormoqda. 2026-yil boshiga qadar 430 ming 762 dona to‘lov terminali o‘rnatilgan bo‘lib, bu ko‘rsatkich bir yil avval 426 ming 225 donani tashkil etgan.

Dunyoning eng yirik banklaridan biri bo‘lgan JPMorgan tahlilchilari Bitkoin narxi uzoq muddatda $266 mingga ko‘tarilishi mumkinligini taxmin qilmoqda.

The Block nashrining yozishicha, hozirgi bozor bosimiga qaramay, mutaxassislarning fikricha, dunyodagi yetakchi kriptovalyuta xavfsiz aktiv sifatida oltinga tobora jiddiy raqobatchiga aylanib bormoqda.

Nima uchun bozor hozir pasaymoqda?

Kriptovalyuta hozirda korreksiya bosqichida. Nikolaos Panigirtzoglou boshchiligidagi tahlilchilar buning bir nechta sabablarini aniqlaydi:

Chery kompaniyasi yangi elektr xetchbeki QQ3 modeli uchun oldindan buyurtmalarni qabul qilishni boshladi. Bu haqda CarNewsChina xabar berdi.

Avtomobil xaridorlar orasida katta qiziqish uyg‘otgan va oldindan buyurtma ochilgan dastlabki uch soatda 27 mingdan ortiq buyurtma berildi.

CLTC sikliga ko‘ra, avtomobil 280 km dan 401 km gacha masofani bosib o‘ta oladi. Sotuvlar mart oyi boshida boshlanib, oy oxiridan ilk avtomobillar yetkazib berilishi rejalashtirilgan.

Yangi QQ3 zamonaviy va tanish dizayni bilan ajralib turadi. Dumaloq kuzov shakli, katta yumaloq faralar, yopiq old panel, yarim yashirin eshik tutqichlari va ikki rangli oynalar bunga misol. Dizaynda Mini uslubiga o‘xshash jihatlar bor. Shu...

Tijorat banklari tomonidan 9-fevral kungi xorijiy valyutalarni ayirboshlash kurslari yangilandi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

AQShda bir qator Kia elektromobillari savdosi keskin pasaydi. Bu haqda Carcoops nashri ma’lum qildi. Umumiy sotuvlar 64,5 mingta avtomobilni tashkil etib, bu o‘tgan yildagiga nisbatan 13 foizga ko‘p bo‘ldi. Biroq elektromobillar segmentida keskin pasayish qayd etildi.

Kia EV6 modeli savdosi bir yil ichida 65 foizga tushdi. Yanvar oyida atigi 540 ta avtomobil sotildi. O‘tgan yili bu ko‘rsatkich 1,5 mingta edi. EV9 modeli savdosi ham 45 foizga kamayib, 674 donani tashkil etdi. Asosiy sabablardan biri sifatida $7,5 ming miqdoridagi federal soliq imtiyozining bekor qilinishi ko‘rsatilmoqda.

Elektromobillar fonida an’anaviy modellar yuqori natija qayd etdi. Eng ko‘p sotilgan model Kia Sportage bo‘lib...

Islom taraqqiyot banki (IsDB) O‘zbekiston infratuzilmasi va ta’lim sohasini rivojlantirish uchun $164 mln miqdorida mablag‘ ajratadi. Bu bo‘yicha tegishli moliyalashtirish bitimlari Saudiya Arabistonining Al-Ula shahrida o‘tayotgan xalqaro konferensiya doirasida imzolandi.

Hujjatlarga IsDB prezidenti Muhammad Al-Jassir va O‘zbekiston Bosh vaziri o‘rinbosari, iqtisodiyot va moliya vaziri Jamshid Qo‘chqorov imzo chekdi.

Ajratilayotgan mablag‘larning $70 mln qismi Jizzax viloyatidagi Dashtobod – Zomin – Baxmal – G‘allaorol avtomobil yo‘lini rekonstruksiya qilishga yo‘naltiriladi. Loyiha doirasida 143 km hududiy va 30 km mahalliy yo‘llar ta’mirlanib, 200 mingga yaqin aholining transport xavfsizligi hamda harakat qulayligi oshiriladi.

Qolgan $94,06 mln esa SmartEd ta’lim loyihasiga ajratiladi. Ushbu loyiha doirasida...

Tesla 2026-yildan Semi elektr yuk avtomobilini ishlab chiqarishni boshlaydi. Bu haqda kompaniya rasmiy sahifasida ma’lum qilindi.

Tesla’ning so‘nggi hisobotiga ko‘ra, yilning birinchi yarmida Semi yuk avtomobili va ikki eshikli Tesla Cybercab elektromobilining ishlab chiqarildi. Ushbu ma’lumotni Ilon Mask ham tasdiqlagan, ammo u faqat joriy yil davomida ishlab chiqarish rejalashtirilgani haqida gapirgan.

Tesla Semi 2017-yilda taqdim etilgan bo‘lib, kompaniya va Ilon Mask va’dalariga ko‘ra, uning ishlab chiqarilishi ancha oldin boshlanishi kerak edi. Shunga qaramay, Tesla ba’zi avtomobillarni ishlab chiqarib, bir qator mijozlarga yetkazib ham bergan.

ACT Research prognoziga ko‘ra, 2026 yilda ishlab chiqarish hajmi nisbatan past bo‘lib...

Mazda kompaniyasi eng eski krossoveri bo‘lgan Mazda CX-3 modelini ishlab chiqarishni yakunlashga qaror qildi. Bu haqda Carcoops xabar bermoqda.

CX-3 Yaponiya bozorida 2026-yil fevral oyi oxirida konveyerdan olinadi. Shuningdek, model Tailand va Meksikadagi zavodlarda ham yaqin vaqt ichida ishlab chiqarilmaydi.

CX-3 ilk bor 2015-yilda taqdim etilgan bo‘lib, so‘nggi yillarda texnik va dizayn jihatdan ancha eskirgani qayd etilmoqda. Ko‘plab bozorlarda, jumladan, AQShda u allaqachon yanada zamonaviy va kengroq CX-30 modeli bilan almashtirilgan. 2027-yilda CX-3 o‘rnini bosuvchi yangi avlod krossoveri taqdim qilinishi kutilmoqda.

Shu bilan birga, Mazda CX-5 modeli yangilanishdan so‘ng ishlab chiqarishda qolmoqda. 2026-yil yakunlariga ko‘ra, aynan CX-5 Rossiya...

Hyundai’ning ichki yonuv dvigatelli eng ixcham krossoveri Hyundai Bayon qishki sinovlar chog‘ida kamuflyaj ostida tasvirga tushdi. Bu haqda Carcoops xabar bermoqda. Krossover dizayni hamda konsepsiyasida jiddiy o‘zgarishlar bo‘lishidan darak bermoqda.

Agar amaldagi Bayon ko‘proq xetchbekka yaqin ko‘rinishga ega bo‘lsa, keyingi avlod modeli haqiqiy krossover qiyofasini oladi. Kuzatilgan suratlarga ko‘ra, yangi Bayonning tom chizig‘i ancha to‘rtburchak bo‘ladi. Umumiy proporsiyalar esa yanada massiv ko‘rinishga ega.

Eng muhim yangilik kapot ostida bo‘lishi kutilmoqda. Hozirgi Bayon 1,0 litrli turbomotor asosidagi 48 voltli yumshoq gibrid tizimi bilan jihozlangan. Insayderlarga ko‘ra, keyingi avlod ilk bor to‘liq gibrid (HEV) kuch qurilmasiga ega bo‘ladi. Shuningdek, agressivroq bamperlar...

Apple kompaniyasi CarPlay tizimini sun’iy intellekt chat-botlari bilan moslashtirish ustida ish olib bormoqda. Bu haqda Tech Crunch nashri ma’lum qildi.

Unga ko‘ra, Apple CarPlay ichida sun’iy intellekt chat-botlari ilovalarini qo‘llab-quvvatlash bo‘yicha tadqiqotlar olib borilmoqda. Bu, o‘z navbatida, foydalanuvchilarga avtomobilda istalgan SI chat-botlari bilan muloqot qilish imkonini yaratadi.

Apple’ning yangi avlod CarPlay Ultra tizimi esa markaziy sensorli ekran va haydovchi oldidagi raqamli panelni ham o‘z ichiga oladi. Bu tizim foydalanuvchilarga avtomobilning ayrim sozlamalarini boshqarish imkonini ham beradi.

Ushbu yangilanish orqali Google’ning Gemini, Anthropic’ning Claude va OpenAI’ning ChatGPT kabi chat-botlarni avtomobil ichida ishlatish nazarda tutilmoqda. Shu bilan birga, Apple’ning Siri...

Haval kompaniyasi Raptor yo‘ltanlamasining yangi Haval Raptor Plus nomli modifikatsiyasini tayyorlamoqda. Bu haqda Autohome xabar bermoqda. Yangi talqin standart versiyadan sezilarli darajada kattalashgan.

Raptor Plus tashqi ko‘rinishda brendga xos «kvadrat» dizaynni saqlab qolgan. Shu bilan birga, radiator panjarasi yangilangan. Avtomobilning o‘lchamlari sezilarli darajada oshgan. Uzunligi 4 912 mmga yetgan, g‘ildirak bazasi esa 2 850 mmni tashkil etadi. Bu ko‘rsatkichlar bo‘yicha Raptor Plus Toyota Land Cruiser 300 bilan bir darajaga yaqinlashgan.

Salon qismida ham jiddiy yangilanishlar mavjud. Asboblar paneli va multimedia tizimi kattaroq va yuqori aniqlikdagi ekranlar bilan jihozlangan. Uzatmalar qutisi selektori rul ustuniga ko‘chirilgan, natijada markaziy tunnelda bo‘sh joy...

Bugun, 9-fevral kuni O‘zbekiston hududlarida ob-havo o‘zgaruvchan bo‘ladi. Kunduzi respublikaning ayrim joylarida yomg‘ir yog‘ishi kutilmoqda. Bu haqda «O‘zgidromet» xabar berdi.

Farg‘ona vodiysi viloyatlarida esa yog‘ingarchilik kutilmayapti. Ba’zi hududlarda tuman tushishi mumkin.

Shamol asosan 7–12 m/s tezlikda esadi, ayrim joylarda 13–18 m/s gacha, ba’zan esa 20–25 m/s gacha kuchayishi ehtimoli bor. Havo harorati kunduzi 12–17° iliqni tashkil etadi, shimoliy hududlarda esa 3–8° iliq bo‘ladi.

Poytaxtda kechga tomon yomg‘ir yog‘ishi kutilmoqda. Shamol 3–8 m/s tezlikda esadi, ayrim paytlarda 10–12 m/s gacha kuchayishi mumkin. Harorat 14–16° iliq atrofida bo‘ladi.

Tog‘ oldi va tog‘li hududlarda yog‘ingarchilik kuzatiladi – yomg‘ir va qor yog‘ishi, ayrim...

Ko‘plab haydovchilar Xitoy avtomobillari 100 ming kmdan keyin ishonchliligini yo‘qotadi, degan fikrdan cho‘chiydi. Avto.ru kanali mutaxassislari esa bu stereotipni 112 ming km yo‘l bosgan Geely Coolray misolida tekshirib ko‘rdi. Ushbu tajriba ikkilamchi bozordan Coolray sotib olishni rejalashtirayotganlar uchun foydali bo‘lishi mumkin.

Kuzov va salon holati

Avtoekspert Ivan Ananyevning ta’kidlashicha, modelning asosiy kamchiligi – lok-bo‘yoq qoplamasining yupqaligi. 50 ming km atrofida kapot va bagaj qopqog‘ida mayda tirnalishlar hamda zang belgilari paydo bo‘lishi mumkin. Shu bilan birga, ayrim egalari 300 ming km yurilgan avtomobillarda ham zang yo‘qligini qayd etgan.

Shuningdek, faralarning xiralashishi va optika ichida kondensat to‘planishi holatlari uchraydi...

Xitoyda J.D. Power kompaniyasining yangi energiya manbalarida ishlovchi avtomobillar (elektromobil va gibridlar) sifati bo‘yicha 2025-yilgi tadqiqoti e’lon qilindi. Bu haqda Carnewschina nashri xabar berdi.

Tadqiqot natijalariga ko‘ra, eng ommabop brendlar yetakchilikni boy berdi, yangi nomlar esa yuqori o‘rinlarni egalladi.

So‘rovnoma doirasida 57 ta avtomobil brendi va 5,7 mingdan ortiq avtomobil egalari qatnashdi. Ishtirokchilar mashinalaridan kamida ikki oy, ko‘pi bilan bir yil foydalangan.

Mutlaq yetakchi — Aito M9

Reytingning mutlaq yetakchisi Huawei ishtirokida ishlab chiqilgan Aito M9 modeli bo‘ldi. U bir vaqtning o‘zida bir nechta toifada eng yaxshi natijani qayd etdi. O‘rta va yirik SUV segmentida Aito M9, M...

Fransiya poytaxti Parij shahrida Xalqaro dzyudo federatsiyasi «IJF Judo Awards – 2025» marosimini o‘tkazdi. Unda O‘zbekiston dzyudo federatsiyasi tomonidan taqdim etilgan «Yilning eng yaxshi bolalar loyihasi» nominatsiyasida Diyora Keldiyorova dzyudo maktabi g‘olib deb topildi.

Taqdirlash marosimida mukofotni Olimpiya o‘yinlari g‘olibi Diyora Keldiyorova qabul qilib oldi. Tadbirda O‘zbekiston dzyudo federatsiyasi raisi Azizjon Komilov boshchiligidagi rasmiy delegatsiya ham ishtirok etdi.

Ma’lumot uchun, Toshkent shahridagi 17-maktabda Diyora Keldiyorova nomidagi dzyudo maktabi faoliyat boshlagan. Hozirda unda 300 nafarga yaqin bolalar dzyudo bilan shug‘ullanmoqda. Shuningdek, Xalqaro dzyudo federatsiyasi tashabbusi bilan ilgari surilgan «Maktablarda dzyudo» dasturi poytaxt bilan birga respublikaning boshqa hududlarida ham amalga...

Surxondaryo Ekologiya, atrof-muhitni muhofaza qilish va iqlim o‘zgarishi boshqarmasining tumanlardan biridagi bo‘limi boshlig‘i pora talab etgan paytida qo‘lga olindi. Bu haqda DXX matbuot xizmati ma’lum qildi.

Unga ko‘ra, mansabdor mahalliy MChJ hududida 14 tup gujum, 6 tup archa, 1 tup tut va 1 tup chinor daraxtlari tegishli ruxsatnomasiz kesilgani bo‘yicha tuzilgan dalolatnomani tabiatga yetkazilgan zararni kamaytirib ko‘rsatish evaziga $500 miqdorida pora talab qilgan.

Davlat xavfsizlik xizmati, Bosh prokuratura departamenti hamda ichki ishlar organlari xodimlari hamkorligida o‘tkazilgan tezkor tadbirda mansabdor shaxs so‘ralgan pul mablag‘ini olayotgan vaqtida ashyoviy dalillar bilan ushlandi.

Hozirda unga nisbatan Jinoyat kodeksining 210-moddasi 2-qismi «v» bandi...