Yangiliklar

Taniqli stendap-komik Nurlan Saburovga Rossiya hududiga kirish 50 yil muddatga man etildi. Bu haqda RIA Novosti xabar bermoqda.

Ma’lumotlarga ko‘ra, kirishni taqiqlash to‘g‘risidagi qaror mamlakat milliy xavfsizligini ta’minlash, qonunchilik normalariga rioya etish hamda an’anaviy ma’naviy-axloqiy qadriyatlarni himoyalash maqsadida qabul qilingan.

Shuningdek, huquq-tartibot organlari vakillari komikning Rossiyada ishlab topgan mablag‘larini vositachilar orqali legallashtirishga uringanini qo‘shimcha qilishgan. Saburov Rossiyada qiymati 60 mln rubldan ortiq bo‘lgan ko‘chmas mulkka egalik qiladi.

Nurlan Alibekovich Saburov 1991-yil 22-dekabrda Qozog‘istonning Stepnogorsk shahrida tug‘ilgan. U o‘z faoliyatini KVN jamoalarida boshlagan bo‘lib, keyinchalik TNT telekanalidagi Stand Up loyihasi orqali keng tanilgan.

Komikning eng mashhur loyihalaridan biri bu YouTube...

Prezident administratsiyasi rahbari Saida Mirziyoyeva Qozog‘iston parlamenti Senati raisi Maulen Ashimbayev bilan uchrashuv o‘tkazib, bir nechta masalalarni muhokama qildi. Bu haqda u o‘zining Telegram sahifasida yozdi.

Saida Mirziyoyevaning yozishicha, uchrashuv samimiy va do‘stona ruhda o‘tgan. Suhbatda O‘zbekiston va Qozog‘iston o‘rtasida oliy darajadagi o‘zaro ishonch hamda yaqin muloqotga asoslangan munosabatlar izchil mustahkamlanib borayotgani qayd etilgan.

Shu bilan birga, tomonlar 2025-yil ikki tomonlama hamkorlik uchun muhim va samarali bosqich bo‘lganini mamnuniyat bilan e’tirof etgan. Uchrashuvda parlamentlararo muloqotlar, savdo-iqtisodiy hamda madaniy-gumanitar aloqalarni yanada kengaytirish masalalari xususida ham fikr almashilgan.

Saida Mirziyoyeva mamlakatlar o‘rtasidagi amaliy hamkorlik bundan buyon ham izchil rivojlanib borishiga ishonch...

6-fevral kuni jahon bozorida oltin va kumush narxi biroz ko‘tarildi, ammo texnologik kompaniyalar aksiyalarining global sotuvi va dollar kursining mustahkamlanishi sababli haftalik ko‘rsatkichda pasayish kuzatildi. Bu haqda Reuters agentligi xabar bermoqda.

Juma kungi savdolarda spot oltin narxi 1,1 foizga oshib, bir unsiya uchun $4,8 mingni tashkil qildi, biroq hafta davomida umumiy hisobda 1,2 foizga pasaydi. Aprel oyida yetkazib beriladigan AQSh oltin fyucherslari esa 1 foizga tushib, $4,8 mingga teng bo‘ldi. Kumush narxi juma kuni 0,4 foizga ko‘tarilib, 71,50 dollarga yetgan bo‘lsa-da, bu metall ketma-ket ikkinchi hafta arzonlashmoqda.

Avvalroq kumush narxi 10 foizga tushib, 65 dollardan pastlagan va 1,5 oylik...

AQSh prezidenti Donald Tramp Vashingtonda o‘tkazilgan yopiq kechki tadbirda Grenlandiya, Kanada va Venesuelani AQSh shtatiga aylantirish haqidagi hazil-mutoyibalari bilan e’tibor qozondi. Bu haqda The Washington Post nashri xabar berdi.

Rasmiy kechada u bu gaplarni kulgi tariqasida aytganini ta’kidlagan, biroq zaldagi ko‘plab mehmonlar uning hazillarini sovuqqonlik bilan qabul qildi.

Tramp nutqi davomida avval Grenlandiyani «bosib olish» haqida gapirib, keyin bu hazil ekanini aytdi.

«Biz Grenlandiyani bosib olmaymiz, uni sotib olamiz. Men hech qachon Grenlandiyani 51-shtatga aylantirish niyatida bo‘lmaganman. Men Kanadani 51-shtatga aylantirmoqchiman. Grenlandiya 52-shtat bo‘ladi. Venesuela 53-o‘rinda bo‘lishi mumkin», – dedi u.

Bu...

Gipertoniya qon bosimining doimiy yuqori bo‘lishi bilan kechadigan xavfli kasallik. Dunyoda 30 – 79 yosh oralig‘idagi 1,4 mlrdga yaqin odamlar ushbu xastalikdan aziyat chekmoqda. Respublika ixtisoslashtirilgan kardiologiya ilmiy-amaliy tibbiyot markazi Qashqadaryo filiali direktori Yashin Ahmadov gipertoniyaning asosiy omillari haqida ma’lumot berdi.

Mutaxassisning ta’kidlashicha, gipertoniya yurak xuruji, insult, buyrak kasalliklari va xotira buzilishining asosiy sabablaridan biri. Asosan, 40 yoshdan kattalarda uchrasa-da, hozir stress, noto‘g‘ri ovqatlanish va kamharakat turmush tarzi sabab yoshlarda ham kuzatilmoqda.

Yuqori qon bosimi bosh og‘rig‘i, quloqda shovqin, ko‘rishning pasayishi, holsizlik, bosh aylanishi, uyqusizlik va yurak urishining tezlashishi bilan namoyon bo‘ladi. Ba’zan burun qonashi, ko‘ngil aynishi, shishlar va...

Indoneziyaning Sulavesi orolida topilgan urg‘ochi to‘rsimon piton rasmiy o‘lchovlardan so‘ng dunyodagi eng uzun yovvoyi ilon deb tan olindi. Uning uzunligi 7,22 metrni tashkil etgani tasdiqlandi. Bu haqda Guinness World Records xabar bermoqda.

Yangi rekordchi Ibu Baron (Baronessa) nomini olgan bo‘lib, uning o‘lchamlari standart futbol darvozasining enini to‘liq qoplaydi. Pitonning og‘irligi 96,5 kg ni tashkil etdi, bu esa voyaga yetgan gigant pandaning vazniga tengdir. Mutaxassislarning ta’kidlashicha, ilon anesteziya ostida to‘liq bo‘shashgan holatda o‘lchanganda, uning uzunligi taxminan 7,9 metrga yetishi mumkin edi. Biroq jonivorning xavfsizligini ta’minlash maqsadida bunday muolaja qo‘llanilmadi.

Piton 2025-yil oxirida Maros mintaqasida mahalliy aholi tomonidan topilgan va keyinchalik...

Buxoro shahrida jamoat transporti tizimini modernizatsiya qilish ishlari maqsadida 25 ta avtobus olib kelindi. Bu haqda Transport vazirligi xabar berdi.

Unga ko‘ra «Bux pit stop» MChJ Buxoroga navbatdagi zamonaviy avtobuslar partiyasini yetkazib berdi.

Yangi avtobuslar 13-sonli Madaniyat bosh bekati – To‘qimachi bosh bekati va 15-sonli Markaziy bozor – G‘urbincha yo‘nalishlariga joylashtirildi. Bu orqali Buxoro shahridagi brutto-shartnoma tizimidagi avtobus yo‘nalishlari soni 9 taga, yo‘nalishlarda harakatlanadigan avtobuslar soni esa 109 taga yetkazildi.

Avvalroq Kursiv Uzbekistan Andijonga navbatdagi 40 ta zamonaviy elektrobus olib kelingani haqida yozgandi.

Qozog‘istonning Aksu shahrida yashovchi bloger Chevrolet Cobalt avtomobili bir hafta davomida kuchli sovuqda turganidan keyin qanday ishga tushganini ko‘rsatdi.

Uning aytishicha, kechalari havo harorati -36 darajagacha tushgan, kunduzi esa -25 darajadan yuqori bo‘lmagan. Shu kunlarda u mashinani umuman haydamagan, jamoat transportidan foydalangan.

Avtomobilni ishga tushirish oson bo‘lmagan, ammo baribir muvaffaqiyatli chiqqan. Muhim jihati shundaki, akkumulyator shu vaqt davomida uyda saqlangan. Muallif videoda akkumulyatorni uyidan olib chiqib, tashqarida mashinaga o‘rnatadi. Bu sovuqda dvigatelni ishga tushirishga katta yordam bergani ta’kidlanmoqda.

Bir haftalik sovuqdan keyin dvigatel ishga tushgan, biroq darhol to‘liq ishlamagan. Motor sekin qizigan, harorat ko‘rsatkichi dastlab noto‘g‘ri chiqib, faqat...

Ijtimoiy tarmoqlar va ayrim nashrlarda yangi Chevrolet Matiz 2026 modelining videolari tarqaldi. Kursiv Uzbekistan vaziyatni o‘rganishga harakat qiladi.

Matiz 2026 haqida video Lyxyauto You Tube kanalida e’lon qilingan. Bir nechta faol internet nashrlar, Telegram kanallarda ham modelga oid postlar chiqa boshladi.

Ushbu avtomobilga oid rasmiy xabar yoki e’lon GM kompaniyasining rasmiy sahifalarida chiqmagan. Hattoki, ushbu modelning kelajagi haqida kompaniya vakillari hech bir joyda izoh bermagan.

Kursiv Uzbekistan nashri ushbu tasvirlar yuzasidan «O‘zavtosanoat» AJga so‘rov yubordi. Kompaniya matbuot xizmatining «Kursiv» tahririyatiga ma’lum qilishicha, modelni ishlab chiqarish 2018-yilda to‘xtatilgan.

«Matiz rusumidagi avtomobillarni ishlab chiqarish 2018-yilda to‘xtatilgan...

O‘tgan yili Rossiyadan vaqtinchalik boshpana so‘rab murojaat qilgan o‘zbekistonliklar 176 kishini tashkil qildi. Bu haqda Rossiya Ichki ishlar vazirligi ma’lumotlariga tayanib TASS xabar berdi.

Ta’kidlanishicha, 2025-yilda Rossiyadan jami 8820 nafar xorij fuqarosi boshpana so‘ragan, ulardan 3332 nafari Ukraina fuqarosi, 3196 nafari Suriya fuqarosi, shuningdek, 281 nafari afg‘onistonlik, 313 nafari falastinlik va 176 nafari o‘zbekistonlik bo‘lgan.

Germaniya, Qozog‘iston, Turkmaniston, Isroil va Armaniston ham Rossiyadan boshpana izlovchilar soni eng ko‘p bo‘lgan o‘nta davlat qatoriga kirdi.

2024-yilda Rossiyaga 6879 kishi vaqtinchalik boshpana so‘rab murojaat qilgan, ularning yarmidan ko‘pini (3722) Ukraina fuqarolari, ikkinchi o‘rinni esa Suriya fuqarolari (726) egallagan.

Rossiyadagi bu maqom...

Milliy statistika qo‘mitasi yanvar oyidagi inflyatsiya ko‘rsatkichlarini e’lon qildi. Ma’lumotlarga ko‘ra, oylik inflyatsiya 0,7 foizni, yillik nisbatda esa 7,2 foizni tashkil etdi.

Yanvar oyida oziq-ovqat mahsulotlari 0,8 foizga qimmatlashdi. Ayrim asosiy mahsulotlar narxida o‘sish qayd etildi. Xususan:

Arzonlashgan mahsulotlar:

Mirzo-Ulug‘bek Elchiyevich Abdusalomov Konstitutsiyaviy sud sudyasi etib qayta saylandi. Bu haqda Senat matbuot xizmati xabar berdi.

Abdusalomov 1952-yilda tug‘ilgan, Toshkent davlat universitetini tamomlagan. Mutaxassisligi – huquqshunos, yuridik fanlar nomzodi. O‘zbekistonda xizmat ko‘rsatgan yurist.

U 1995 – 2004-yillarda Oliy xo‘jalik sudi raisi, 2004 – 2005-yillarda Konstitutsiyaviy sud raisi lavozimlarida ishlagan, 2005-yil 7-mayidan 2021-yil 5-fevraliga qadar Markaziy saylov komissiyasi raisi bo‘lgan. 2021-yil fevralidan buyon Konstitutsiyaviy sud sudyasi lavozimida ishlab kelayotgandi.

Ma’lumot uchun, 2024-yil yanvarida «O‘zbekiston Respublikasining Konstitutsiyaviy sudi to‘g‘risida»gi Qonunga kiritilgan o‘zgartirishga ko‘ra, Konstitutsiyaviy sud sudyalari qayta saylanish huquqisiz 10 yillik muddatga saylanadi. Ilgari birinchi marta 5 yilga, ikkinchi marta...

Xiaomi kompaniyasi global bozor uchun yangi flagman smartfonlarini – Xiaomi 17 va Xiaomi 17 Ultra’ni taqdim etishga tayyorlanmoqda. Bu haqda GSM Arena xabar berdi.

Ranglari

Xiaomi Xiaomi 17 va Xiaomi 17 Ultra smartfonlari yangi rang variantlarini e’lon qildi. Global bozor uchun Xiaomi 17 bazaviy modeli ko‘k, qora va yangi yashil ranglarda, Xiaomi 17 Ultra esa yashil, oq va qora ranglarda taqdim etiladi. Leica Edition maxsus versiyasi esa qora va oq ranglarda chiqariladi.

Texnik xususiyatlari

Xiaomi 17 bazaviy modeli global bozor uchun 256 GB va 512 GB xotira variantlarida mavjud. Xiaomi 17 Ultra esa 512 GB xotira...

Xitoyda endigina savdoga chiqqan iQOO 15 Ultra qisqa vaqt ichida Ultra-toifadagi smartfonlar orasida eng yaxshi sotilayotgan modelga aylandi. Ma’lumotlarga ko‘ra, qurilma JD.com, Taobao va Douyin platformalarida yangi Ultra-modellar orasida start sotuvi bo‘yicha yetakchilik qilgan.

Sotuvlarning birinchi kunida iQOO 15 Ultra natijasi iQOO 15 Pro‘dan qariyb 1,5 baravar yuqori bo‘lgan. Ikkinchi kunda esa ko‘rsatkich 2,3-2,4 baravargacha oshgan.

Tahlillar xaridorlar, ayniqsa, katta xotirali versiyalarni faol tanlayotganini ko‘rsatdi. 24 GB tezkor va 1 TB doimiy xotiraga ega konfiguratsiya ulushi kutilganidan yuqori chiqdi va prognozlardan oshib ketdi.

iQOO 15 Ultra eng so‘nggi Qualcomm Snapdragon 8 Elite Gen 5 protsessori bilan jihozlangan. Smartfonda...

OPPO kompaniyasi Android 16 operatsion tizimiga asoslangan ColorOS 16 yangilanishini oladigan qurilmalar ro‘yxati ma’lum qilindi. Yangi dasturiy ta’minot yaqin kunlarda 20 dan ortiq smartfon va planshet modellariga tarqatila boshlaydi.

Kompaniya taqdim etgan ro‘yxatga ko‘ra, birinchi navbatda buklama smartfonlar va flagmanlar yangilanadi. Bular qatoriga OPPO Find N5, Find N3, Find N2 Flip hamda Find X8 va X5 Pro modellari kiradi. O‘rta segmentda esa Reno seriyasining keng qamrovli modellari Reno 14, 13, 12, 11 va 10 Pro+ qamrab olingan. Shuningdek, K13, F29 va F27 seriyalari hamda OPPO Pad 2 va Pad 3 planshetlari ham yangilanishni birinchilardan bo‘lib qabul qiladi.

Yangilanish bosqichma-bosqich...

Google kompaniyasi Android foydalanuvchilari uchun Quick Share (tezkor ulashish) funksiyasini faqat Pixel smartfonlarida emas, boshqa Android qurilmalari egalari uchun ham joriy qildi. Bu haqda Android Authority xabar berdi.

Unga ko‘ra, Quick Share funksiyasi to‘g‘ridan to‘g‘ri va teng usulda ishlaydi. Ma’lumotlar server orqali uzatilmaydi, umumiy tarkib qayd etilmaydi va qo‘shimcha ma’lumotlar yuborilmaydi.

Avval bu imkoniyat Pixel 10 modellari uchun joriy etilgan, keyinchalik Pixel 9 egalari ham undan foydalana olishgan. Endilikda esa boshqa Android brendlariga tegishli qurilmalarda ham ushbu funksiyadan foydalanish mumkin.

Google vakillarining xabar berishicha, kompaniya mahsulotni iPhone, iPad va MacBook bilan mos ishlashi uchun katta vaqt va kuch...

Rossiyada AvtoVAZ Lada avtomobillariga chegirmalar e’lon qildi. Bu haqda kompaniyaning Telegram kanalida ma’lum qilindi.

Davlat dasturi doirasida Lada Vesta variator bilan, Granta va Largus modellari 20 foizgacha chegirma bilan taklif qilinmoqda. Variatorli Lada Vesta narxi 1,287 mln rubl ($16,7 ming)dan boshlanadi. Lada Granta uchun minimal narx 680 ming rubl ($8,8 ming)ga tushdi. Lada Largus esa 1,27 mln rubl ($16,5 ming) atrofida baholanmoqda.

Shuningdek, Granta va variatorli Vesta SW xaridorlari uchun qo‘shimcha bonus ham belgilangan. «Hamkorbank» orqali kredit rasmiylashtirilsa, bepul kasko sug‘urtasi taqdim etiladi.

Eng katta foyda yo‘ltanlamas modellar xaridorlariga to‘g‘ri kelmoqda. Trade-in dasturi va davlat subsidiyasi hisobiga Lada Niva...

Xitoyning Geely kompaniyasi Milan shahrida o‘zining yangi texnologik flagmani bo‘lgan Geely Galaxy M7 krossoverini taqdim etdi. Bu haqda ITHome nashri xabar bermoqda. Model global bozorga mo‘ljallangan va qayta zaryadlanadigan gibrid kuch qurilmasiga ega.

Geely Galaxy M7 to‘liq yoqilg‘i baki va to‘liq zaryadlangan batareya bilan 1730 km masofani bosib o‘ta oladi. Shundan 225 km yo‘l faqat elektr rejimida yurish imkonini beradi. Bu ko‘rsatkich modelni o‘z sinfidagi eng uzoq masofaga yuradigan krossoverlardan biriga aylantiradi.

Krossover besh xil rangda taqdim etildi. Old qismida 2 metrdan uzun yorug‘lik tasmasi bor. U 362 ta LED chiroqdan iborat. Orqa fonarlar ham yagona yorug‘lik elementi tarzida...

O‘zbekiston avtomobil bozorida Chevrolet Cobalt uzoq yillardan beri eng ommabop modellar qatorida. Arzonligi, oddiy texnik tuzilishi va ehtiyot qismlarining qulayligi sabab u ko‘pchilikning birinchi avtomobiliga aylangan. YouTube’dagi «Avto Shovvoz» kanali muallifi Cobalt’ning afzalligi va kamchiligini muhokama qildi. Quyida ushbu video asosida avtomobilning real imkoniyatlari batafsil tahlil qilinadi.

Chevrolet Cobalt – bu, asosan, kundalik shahar va viloyat yo‘llarida harakatlanish uchun mo‘ljallangan budjet sedan. U sport xarakteri yoki premium qulayliklarni taklif qilmaydi, biroq ishonchlilik va iqtisodiylikka urg‘u beradi.

Cobalt odatda 1.5 litrli benzin dvigatel bilan taklif qilinadi, mexanik yoki avtomat uzatmalar qutisiga ega. Konstruksiyasi murakkab emas, shu sababli servis...

OpenAI kompaniyasi dasturlash va mantiqiy fikrlashni o‘zida birlashtirgan, bugungi kungacha eng qobiliyatli agent hisoblangan GPT-5.3-Codex modelini taqdim etdi. Bu haqda kompaniya rasmiy sayti xabar berdi.

GPT-5.3-Codex dasturiy ta’minot muhandisligi bo‘yicha sanoat standartlari hisoblangan SWE-Bench Pro va Terminal-Bench 2.0 sinovlarida rekord natijalarni qayd etdi. Xususan, terminal ko‘nikmalarini o‘lchaydigan testda yangi model 77,3 foiz aniqlikka erishgan bo‘lsa, uning oldingi versiyasi 64 foiz natija ko‘rsatgan edi.

GPT-5.3-Codex modeli GPT-5.2-Codex’ga nisbatan 25 foizga tezroq ishlaydi va uzoq muddatli murakkab vazifalarni inson aralashuvisiz bajarish salohiyatiga ega. Model nafaqat kod yozish, balki nosozliklarni tuzatish, dasturni joylashtirish va tizimni monitoring qilish kabi to‘liq sikldagi vazifalarni bajara...

Shavkat Mirziyoyev va Pokiston bosh vaziri Shahboz Sharif qo‘shma deklaratsiya hamda ikki tomonlama savdo-iqtisodiy hamkorlikni kengaytirish to‘g‘risidagi bayonnomani imzoladi. Bu haqda prezident matbuot xizmati ma’lum qildi.

Yetakchilar huzurida bir qator ikki tomonlama hujjatlar ham almashildi. 2026 – 2028-yillarga mo‘ljallangan Tashqi ishlar vazirliklari hamkorlik dasturi, O‘zbekiston – Pokiston Ishbilarmonlik kengashi va hududlararo forumini tashkil etish to‘g‘risidagi bitimlari shular jumlasidandir.

Shuningdek imtiyozli savdo, port xizmatlari, konchilik, qishloq xo‘jaligi, farmatsevtika, to‘qimachilik, raqamli texnologiyalar, madaniyat, sport, ekologiya, favqulodda vaziyatlarni boshqarish va korrupsiyaga qarshi kurashish sohalaridagi hamkorlik bitimlari ham imzolandi.

Bundan tashqari, giyohvandlik vositalari va psixotrop moddalar aylanmasiga qarshi kurashish, jazoni o‘tashni davom...

Toshkent «qo‘riqchisi» – taniqli tarixchi, o‘lkashunos va yozuvchi Boris Golender 5-fevral kuni kechqurun yurak yetishmovchiligidan vafot etdi. U 78 yoshda edi.

Boris Anatolevichning nomi ko‘pchilik uchun Toshkent bilan uzviy bog‘liq bo‘lib, uning ilmiy va madaniy xizmatlari shahar tarixini saqlash va targ‘ib qilishda muhim o‘rin tutdi. Ko‘plar uni «Eski Toshkent qo‘riqchisi» deb atashardi.

1947-yilda Toshkentda tug‘ilgan Golender Toshkent davlat universitetining kimyo fakultetini tamomlagan bo‘lsa-da, butun umri jurnalistika, tarix va o‘lkashunoslikka bag‘ishlandi. U O‘zbekiston tarixi va madaniyati haqida 100 dan ortiq kitob va maqolalar yozgan, shuningdek, turistik yo‘lko‘rsatkichlar yaratgan.

2007-yilda nashr etilgan «Mening toshkentlik janoblarim» kitobi Toshkent va uning aholisi haqidagi...

Surxondaryo viloyatining Angor tumanida 5-fevral kuni ilk bodom gulladi. Bu haqda tuman hokimligi matbuot xizmati xabar berdi.

Bundan oldin 2025-yil 8-yanvarda Sariosiyo tumanida joylashgan «Yuqori Toʻpalang» milliy tabiat bog’i hududida qish sovug‘i hukm surayotgan bir paytda achchiq bodom daraxti gullagandi.

Avvalroq «Kursiv» nashri O‘zbekistonda bodom narxi nega keskin oshib ketgani haqida yozgandi.

Bitkoin narxi AQSh prezidenti Donald Trampning qo‘llab-quvvatlashiga qaramay, beqarorlikni namoyish etmoqda. 6-fevral soat 09:35 holatiga ko‘ra, kriptovalyuta qiymati $64,8 mingni tashkil qildi.

Xalqaro bozorlarda bitkoin narxi yil boshidan beri 24 foizga pasayib, o‘tgan yilgi $122,2 minglik rekorddan ancha uzoqlashdi. Deutsche Bank tahlilchilariga ko‘ra, bozorning qulashiga Trampning Federal zaxira tizimi raisi lavozimiga qattiqqo‘l siyosat tarafdori Kevin Uorshni nomzod qilib ko‘rsatgani turtki bo‘lgan.

O‘zbekistonning UZNEX birjasi ma’lumotlariga ko‘ra, 6-fevral soat 00:01 da bitkoin narxi $61 minggacha tushib ketgan edi, ammo tonggi savdolarda (09:35 holatiga) $64,8 minggacha ko‘tarildi. Shunga qaramay, umumiy tendensiya pasayish yo‘nalishida qolmoqda.

Stifel investitsiya firmasi narxlar kelgusida...