Yangiliklar

Xitoyning davlat va xususiy neft kompaniyalari AQSh sanksiyalari tufayli Eron va Rossiyadan yetkazib berishda yuzaga kelishi mumkin boʻlgan uzilishlarga tayyorgarlik koʻrmoqda. Shu sababli ular Yaqin Sharq mamlakatlaridan neft xaridini faollashtirgan, deb xabar bermoqda Bloomberg.

Ta’kidlanishicha, neftni asosan China National Offshore Oil Corporation (CNOOC), Shandong Yulong Petrochemical Co. kabi kompaniyalar sotib olmoqda.

Joriy yil boshida Vashington Rossiyaning neft kompaniyalariga qarshi sanksiyalar kiritdi. Shuningdek, AQSh uglevodorodlarni noqonuniy yetkazib berishda ishtirok etishi mumkin boʻlgan tankerlarni «qora» roʻyxatga kiritdi.

Bundan oldin Reuters agentligi manbalari Rossiyaning neft sanoatiga qarshi Amerika sanksiyalarining kuchaytirilishi Hindiston va Xitoyga uglevodorod yetkazib berishning pasayishiga olib kelishi haqida xabar...

2024-yil dekabr oyida «SNS Ratings» reyting agentligi tomonidan O‘zbekiston tijorat banklari Call-markazlari xizmat ko‘rsatish darajasini baholash bo‘yicha tadqiqot o‘tkazildi. Tadqiqot maxfiy mijoz usuli orqali 24 – 26-dekabr kunlari amalga oshirilib, banklarning xizmat sifatini oshirishda muhim natijalar qayd etildi.

Tadqiqot davomida 35 ta bank orasidan 31 tasiga qo‘ng‘iroq qilindi. To‘rtta bank bilan texnik sabablarga ko‘ra bog‘lanishning imkoni bo‘lmadi. Baholash quyidagi mezonlar asosida amalga oshirildi: operator bilan ulanish tezligi, xizmat ko‘rsatish madaniyati, operatorlarning professionalligi va suhbat davomiyligi.

Reyting natijalariga ko‘ra, «Davr Bank» 95,70 ball bilan birinchi o‘rinni egalladi. Ikkinchi o‘rinni 95,68 ball bilan «O‘zmilliybank», uchinchi o‘rinni esa 94,19 ball bilan «Anor...

O‘zbekiston kapital bozorini yanada rivojlantirishga qaratilgan qonun loyihasi muhokamaga qo‘yildi. Unda «Tartibga solish qumdoni» maxsus huquqiy rejimi orqali yangi investitsiya imkoniyatlarini joriy etish, mahalliy va xorijiy investorlar uchun sharoitlarni yaxshilashga doir chora-tadbirlar belgilangan.

«Tartibga solish qumdoni»ning yangi imkoniyatlari

Mazkur qonun loyihasiga ko‘ra, ushbu maxsus rejim cheklanmagan muddatga joriy etiladi. Bu rejim doirasida mahalliy yuridik shaxslar ham «Tartibga solish qumdoni»da qatnashuvchi maqomini olishlari mumkin, ammo so‘nggi ikki yil ichida majburiyatlarini bajarmagan yoki tartibga soluvchi organ tomonidan jazolangan kompaniyalar bundan mustasno.

«Tartibga solish qumdoni» doirasida mahalliy va xorijiy investorlarga qimmatli qog‘ozlar bilan savdo qilish, jumladan, xalqaro kompaniyalar obligatsiyalari, davlat obligatsiyalari...

13-yanvar 2025-yilda O‘zbekistonda «Kosmik faoliyat to‘g‘risida»gi Qonun qabul qilindi. Ushbu qonun kosmik faoliyat sohasidagi munosabatlarni tartibga solish, davlat xavfsizligini mustahkamlash, iqtisodiy va ijtimoiy rivojlanishni ta’minlashga qaratilgan.

Qonunga ko‘ra, O‘zbekistonning kosmik faoliyatidagi asosiy maqsadlar qatoriga mudofaa qobiliyatini kuchaytirish, barqaror ijtimoiy-iqtisodiy rivojlanish va xavfsizlikni ta’minlash kiradi.

Vazirlar Mahkamasi kosmik sohadagi yagona davlat siyosatini amalga oshirishni ta’minlashga mas’ul bo‘lib, Kosmik tadqiqotlar va texnologiyalar agentligi esa ushbu faoliyatni tartibga soluvchi maxsus vakolatli davlat organi sifatida faoliyat yuritadi.

Mudofaa vazirligi esa kosmik texnologiyalardan, ayniqsa, harbiy sohada foydalanishni, kosmik tizimlarni yaratish bo‘yicha ishlarni tashkil qilishni davom ettiradi.

Kosmik tizimlarning turlari orasida Yer masofadan zondlash, kosmik...

Ijtimoiy tarmoqlarda Samarqand viloyati Ishtixon tumanidagi Oqdaryo suv omborida damba yorilgani hamda suv sathi me’yordan oshib ketgani haqida tasdiqlanmagan xabarlar tarqalmoqda. Holat yuzasidan tuman hokimligi rasmiy munosabat berdi.

«Oqdaryo suv omborida hech qanday nosozliklar yoki xavfli holat yuzaga kelmagan. Suv sathi me’yoriy darajada boʻlib, damba va unga tegishli infratuzilmalar barqaror holatda ishlamoqda. Barcha obyektlar doimiy ravishda mutaxassislar tomonidan nazorat qilinmoqda», – deyiladi.

Shuningdek, Oqdaryo suv ombori strategik ahamiyatga ega inshoot sifatida qonunchilikka muvofiq ravishda texnik koʻrikdan oʻtkazilib, uning xavfsizligi toʻliq ta’minlangani ta’kidlandi.

Ma’lumot uchun, Oqdaryo daryosining oʻzanida joylashgan Oqdaryo suv ombori 1989-yilda foydalanishga topshirilgan...

«UzAuto Motors» AJ Chevrolet Cobalt GX-Midnight AT avtomobillari uchun avvalgi kontraktatsiyada tuzilgan, ammo belgilangan muddatlarda to‘lovi amalga oshirilmagan hajmlar qayta kontraktatsiyaga chiqarilishini e’lon qildi.

Avtomobillarni xarid qilish uchun shartnomalar 16-yanvar kuni soat 10:00 dan boshlab savdo.uzavtosanoat.uz onlayn platformasi va UzAvtoSavdo ilovasi orqali tuziladi.

Telegram-bot xizmati foydalanuvchilarga navbatni kuzatish va mavjud avtomobillar haqida ma’lumot olish imkonini beradi. Shuningdek, avtomobil xaridi uchun tuzilgan shartnomalar bo‘yicha to‘lov yetti kalendar kun ichida amalga oshirilishi lozim.

Avvalroq Kursiv Uzbekistan yaqin kunlarda Cobalt Midnight avtomobillari o‘z egalariga topshirilishi haqida xabar bergan edi.

TikTok ijtimoiy media platformasi AQShda federal darajada taqiq kuchga kirishi mumkin bo‘lgan yakshanba kuniga qadar ilovani to‘xtatishga tayyorgarlik ko‘rmoqda. Bu haqda Reuters ma’lum qildi.

Ushbu taqiq faqat Oliy sudning aralashuvi orqali to‘xtatilishi mumkin. Ilovani ochishga uringanlarda taqiq haqida ma’lumot beruvchi xabar paydo bo‘ladi. Shu bilan birga, foydalanuvchilarga o‘z ma’lumotlarini yuklab olish imkoniyati taqdim etilishi rejalashtirilgan.

Prezident Jo Bayden 2024-yilda TikTokning xitoylik egasi ByteDance’dan AQShdagi aktivlarini sotishni talab qiluvchi qonun imzolagan edi. Ushbu talab 2025-yil 19-yanvarga qadar bajarilmasa, TikTok butun AQSh bo‘ylab taqiqlanishi belgilangan.

TikTok bu qarorni AQSh Konstitutsiyasining Birinchi tuzatmasi – so‘z erkinligini cheklashga zid ekanini ta’kidlab, sud...

2025-yil 14-yanvar kuni Istanbuldagi O‘zbekiston Bosh konsulxonasiga qo‘lbola spirtli ichimlik iste’moli oqibatida zaharlanib vafot etgan 5 nafar yurtdoshimizning qarindoshlari murojaat qildi.

Mazkur noxush holatlar Istanbulning Aksaray tumanida sotib olingan sifatsiz spirtli ichimliklar iste’moli oqibatida yuzaga kelgani aniqlandi.

Vafot etganlarning barchasi 35 – 40 yoshdagi erkaklar bo‘lib, ular voyaga yetmagan farzandlarini yetim qoldirishdi.

Istanbul Bosh konsulxonasi fuqarolarni spirtli ichimlik iste’molidan tiyilishga, sifati noma’lum mahsulotlardan foydalanmaslikka va ehtiyotkorlikka chaqiradi.

Avvalroq Kursiv Uzbekistan avtofiribgarlikda gumon qilingan o‘zbekistonlik erkak Turkiyada qo‘lga olingani haqida xabar bergan edi.

Qishloq xoʻjaligi vazirligi hamda Sogʻliqni saqlash vazirligi qarori bilan Oʻzbekiston Respublikasi uchun karantin ahamiyatiga ega zararli organizmlar roʻyxati tasdiqlandi.

Shu bilan birga, Oʻzbekiston Respublikasi Oʻsimliklar karantini va himoyasi agentligi hamda Sogʻliqni saqlash vazirligining 2022-yil 12-martdagi qarorlari oʻz kuchini yoʻqotdi.

Oʻzbekiston Respublikasi hududida uchramaydigan oʻsimliklar karantinidagi zararli organizmlar:

I. Zararkunandalar – 95 nomdagi.

II. Oʻsimlik kasalliklari:

III. Begona oʻtlar – 36 nomdagi.

Oʻzbekiston Respublikasining ayrim hududlarida tarqalgan oʻsimliklar karantinidagi zararli organizmlar:

1. Zararkunandalar – 8 turdagi.

2. Begona oʻtlar...

Favqulodda vaziyatlar vazirligi huzuridagi Seysmoprognostik monitoring Respublika markazi ma’lum qilishicha, 2025-yil 15-yanvar kuni mahalliy vaqt bilan soat 12:32 da Qashqadaryo viloyatining Dehqonobod tumanida zilzila sodir bo‘ldi.

Zilzila koordinatalari: 38,66° shimoliy kenglik va 66,64° sharqiy uzunlikda, 10 km chuqurlikda qayd etilgan. Magnitudasi 3,9 bo‘lgan zilzila episentri Toshkent shahridan 363 km janubiy-g‘arbda joylashgan.

O‘zbekiston hududida zilzila Qamashi tumanida 2 ball kuch bilan sezilgan.

Tegishli xizmatlar vaziyatni nazoratga olgan, zilzila oqibatlaridan zarar yetgani haqida hozircha ma’lumot berilmagan.

Avvalroq Kursiv Uzbekistan Buxoro viloyatida zilzila yuz bergani haqida xabar bergan edi.

Abu-Dabida o‘tayotgan «Barqaror rivojlanish haftaligi» xalqaro sammiti doirasida O‘zbekiston va BAA o‘rtasida chiqindilarni qayta ishlash orqali elektr energiyasi ishlab chiqarish bo‘yicha yirik shartnoma imzolandi. Ushbu loyiha xorijiy investitsiyalar asosida amalga oshiriladi. Bu haqda Ekologiya vazirligi ma’lum qildi.

Kelishuvga ko‘ra, O‘zbekiston Ekologiya, atrof-muhitni muhofaza qilish va iqlim o‘zgarishi vazirligi, Investitsiyalar, sanoat va savdo vazirligi, Energetika vazirligi hamda BAAning «Tadweer Group» kompaniyasi loyihani hamkorlikda amalga oshiradi.

Loyiha doirasida Buxoro viloyatida qiymati $200 mlnga teng chiqindi yoqish zavodi qurilishi rejalashtirilgan. Zavod kuniga 1,5 ming tonna chiqindini termik usulda qayta ishlashga mo‘ljallangan bo‘lib, qurilish ishlari 2025-yilda boshlanadi. 2027-yilda zavod nafaqat Buxoro, balki Navoiy...

AQSh hukumati Xitoyda ishlab chiqarilgan deyarli barcha yengil va yuk mashinalarini import qilishni taqiqlash bo‘yicha yangi qoidalarni muhokama qilmoqda. Ushbu chora-tadbirlar Xitoy avtomobillarida ishlatiladigan dasturiy ta’minot va apparat vositalaridan foydalanishni cheklash orqali milliy xavfsizlikni ta’minlashga qaratilgan. Bu haqda Reuters ma’lum qildi.

Savdo vaziri Jina Raimondo ushbu masalani izohlab, «Biz yo‘llarimizda millionlab Xitoy avtomobillari harakatlanishini ko‘rishni istamaymiz va xavf ostida ekanligimizni kech anglashni xohlamaymiz», dedi.

Yangi qoidalar 2027-yildan boshlab dasturiy ta’minotga, 2029-yildan esa apparat vositalariga cheklovlar kiritishni ko‘zda tutadi. Shuningdek, Xitoy kompaniyalariga AQShda o‘zi boshqariladigan avtomobillarni sinovdan o‘tkazish taqiqlanadi.

Mazkur qoidalarda og‘irligi 4500 kilogrammdan ortiq transport vositalari cheklovlardan ozod qilingan...

Quvaytda bo‘lib o‘tgan Osiyo ot sporti federatsiyasi (AEF)ning navbatdagi Bosh Assambleyasida Toshkent 2025-yilgi konkur bo‘yicha Osiyo chempionatiga mezbonlik qilishi to‘g‘risida qaror qabul qilindi. Ushbu tadbirda O‘zbekiston yilqichilik va ot sporti federatsiyasi raisi Bahromjon Gaziyev mamlakat nomidan ishtirok etdi. Bu haqda Olimpiya qo‘mitasi ma’lum qildi.

Joriy yilning 1 – 3-aprel kunlari O‘zbekiston poytaxti konkur bo‘yicha yoshlar o‘rtasidagi Osiyo chempionatiga mezbonlik qiladi. Mazkur musobaqa «Universal Horses Stable» ot sporti majmuasida o‘tkazilishi rejalashtirilgan.

Avvalroq Kursiv Uzbekistan BAAdagi ot sporti bo‘yicha turnirda o‘zbekistonlik chavandoz kumush medalni qoʻlga kiritgani haqida xabar bergan edi.

SpaceX kompaniyasi Turkiyaning Baykar kompaniyasi ishtirokida ishlab chiqilgan Fergani Space loyihasining birinchi sun’iy yo‘ldoshini orbitaga muvaffaqiyatli olib chiqdi. Ushbu muhim uchirish AQShning Vandenberg harbiy bazasidan Transporter-12 missiyasi doirasida amalga oshirildi. Bu haqda TASS agentligi ma’lum qildi.

Sun’iy yo‘ldosh Turkiyaning global joylashuv tizimini rivojlantirish bo‘yicha Fergani loyihasining bir qismi hisoblanadi. Baykar raisi Selchuk Bayraktar loyihaning koinotni tadqiq qilish yo‘nalishida yangi marralarni ochganini ta’kidladi: «20 yillik maqsadga erishganimizdan so‘ng biz koinotni o‘rganishga qadam tashladik».

Loyiha doirasida Fergani sun’iy yo‘ldoshi uchun maxsus ishlab chiqilgan vodorod peroksidli dvigatel 2024-yil may oyida muvaffaqiyatli sinovdan o‘tkazilgan edi. Ushbu loyiha koinot tadqiqotlari va global joylashuv tizimini...

Prezident tomonidan imzolangan qonunga ko‘ra, «Davlat boji to‘g‘risida»gi Qonunga muhim qo‘shimcha va o‘zgartirishlar kiritildi. Ushbu o‘zgartirishlar ma’muriy-hududiy birliklarning tuzilishi, chegaralari yoki bo‘ysunuvi o‘zgarishi sababli o‘z joylashuvini o‘zgartirishga majbur bo‘lgan tadbirkorlik subyektlari va boshqa yuridik shaxslar uchun qulayliklar yaratadi.

Endilikda tadbirkorlik subyektlari va boshqa yuridik shaxslar joylashgan yeri (pochta manzili) o‘zgarganda, ular qayta davlat ro‘yxatidan o‘tkazilgani uchun davlat bojini to‘lashdan ozod etiladi.

Shuningdek, sug‘urta qildiruvchilar uchun ham muhim yengilliklar joriy etildi. Majburiy sug‘urta shartnomalaridan kelib chiqadigan da’volar yuzasidan sug‘urta qildiruvchilar, jumladan, sug‘urtalangan shaxslar, naf oluvchilar va jabrlanuvchilar fuqarolik ishlari bo‘yicha sudlar va iqtisodiy sudlarda davlat bojini to‘lashdan ozod qilinadi.

Avvalroq...

2024-yilda Belarus va O‘zbekiston kompaniyalari tomonidan tuzilgan birja bitimlari hajmi $55 mlnga yetib, bu 2023-yilga nisbatan uch barobar ko‘pdir. Ushbu ma’lumot Belarus universal tovar birjasining (BUCE) Gomel filiali direktori Grigoriy Ginsar tomonidan O‘zbekistonning Farg‘ona viloyati delegatsiyasi bilan uchrashuvda e’lon qilindi.

BUCE vakilining so‘zlariga ko‘ra, birja savdosi hajmining o‘sishi O‘zbekistondan akkreditatsiyadan o‘tgan savdo ishtirokchilari sonining 97 tadan 177 taga ko‘payishi bilan bog‘liq. Shuningdek, Belarus va O‘zbekiston o‘rtasidagi savdoga yangi tovarlar, xususan, yog‘siz va quruq sut kiritilishi bu jarayonga katta ta’sir ko‘rsatdi. Faqat avgustdan dekabrgacha bu mahsulotlar bo‘yicha bitimlar miqdori $4 mlndan oshgan.

O‘zbekistonning Belarusga eksportida to‘qimachilik sanoati uchun paxta ipi...

15-yanvar, chorshanba kuni Qoraqalpog‘iston Respublikasi va Xorazm viloyatida biroz yomg‘ir va qor yog‘adi, deb xabar berdi «O‘zgidromet».

Mamlakat poytaxti va tog‘li hududlarda yog‘ingarchilik kutilmaydi. O‘zbekistonning ayrim hududlarida tuman tushadi.

Oʻrtacha havo harorati +8…+13° boʻladi. Toshkentda +10…+12°, tog‘larda +5…+10° issiq bo‘lishi kutilmoqda.

Avvalroq «O‘zgidromet» mamlakatda 13 – 17-yanvar kunlari havo iliq va yog‘ingarchiliksiz bo‘lishi haqida xabar bergan edi.

Janubiy Koreya tergovchilari chorshanba kuni ertalab mahalliy vaqt bilan mamlakat prezidenti Yun Sok Yolni hibsga olish orderini ijro etdi, deb xabar bermoqda Yonhap axborot agentligi.

Advokatning so‘zlariga ko‘ra, davlat rahbarining o‘zi Korrupsiyaga qarshi kurashish davlat agentligi (CIO) xodimlariga so‘roqqa kelishga qaror qilgan. Shunga qaramay u tergovni noqonuniy deb hisoblaydi.

Yun Sok Yol 2024-yil dekabrida mamlakatda harbiy holat e’lon qilgan edi. Prezident qarori parlament tomonidan qo‘llab-quvvatlanmadi va ommaviy norozilik namoyishlari boshlandi.

Markaziy razvedka boshqarmasi avvalroq davlat rahbarini fitnada ayblab hibsga olishga uringan, biroq harbiylarning qarshiligiga duch kelgan.

Avvalroq Kursiv Uzbekistan Janubiy Koreyada muvaqqat prezidentga impichment e’lon qilingani haqida xabar...

Qozogʻiston Respublikasi norezidentlari uchun toʻlov kartalarining amal qilish muddati 12 oy etib belgilandi. Bu haqda mamlakat Moliya bozorini tartibga solish va rivojlantirish agentligi matbuot xizmati xabar berdi.

Ma’lum qilinishicha, yangi chora-tadbirlar giyohvand moddalar va raqamli aktivlarning noqonuniy aylanishi sohasida bank xizmatlaridan foydalanish xavfini minimallashtirishga qaratilgan.

Jumladan, giyohvand moddalar muomalasi va tranziti, shuningdek, «Ostona» xalqaro moliya markaziga kirmaydigan raqamli aktivlar birjalari foydasiga toʻlovlar va elektron kazinolar hamda internet-kazinolar foydasiga pul oʻtkazmalari kabi operatsiyalarni avtomatik tarzda aniqlash boʻyicha talablar belgilangan.

Bundan tashqari, mijozlar uchun rasmiylashtirilishi mumkin boʻlgan kartalar soni ham kamaytirilgan. Bu chora-tadbirlar mamlakatda giyohvand moddalar va raqamli aktivlarning noqonuniy aylanishi...

Prezident Shavkat Mirziyoyev BAA investitsiyalar vaziri, ADQ xoldingining bosh ijrochi direktori Muhammad Hasan al-Suvaydiy boshchiligidagi Birlashgan Arab Amirliklarining yetakchi kompaniyalari delegatsiyasi bilan uchrashuv oʻtkazdi.

Tomonlar innovatsion texnologiyalar, nodir metallarni qazib olish, temir yoʻllarni rivojlantirish, «quruq» portlar barpo etish, kabellar ishlab chiqarish, shuningdek, ta’lim va tibbiyotda DXSH loyihalarini tezroq amalga oshirishga kelishib oldi.

Shuningdek, har bir kompaniya bilan hamkorlik qilish boʻyicha keyingi qadamlarni belgilab oldik. Infratuzilma, qurilish, energetika, transport, logistika, togʻ-kon sanoati, elektrotexnika va kommunal xoʻjalik sohalarida qoʻshma loyihalar rejalashtirilgan.

Uchrashuv yakunida hamkorlikning barcha yoʻnalishlari boʻyicha «Yoʻl xaritasi»ni qabul qilishga kelishib olindi.

Avvalroq Kursiv Uzbekistan Toshkentda BAA bilan hamkorlikda yirik...

BAA bilan hamkorlikda Toshkentda yirik ma’lumotlarni qayta ishlash markazini tashkil etish rejalashtirilmoqda. Oʻzbekiston prezidenti Shavkat Mirziyoyev tashabbusni BAA sun’iy intellekt vaziri Umar bin Sulton al-Olama bilan muhokama qildi.

Shuningdek, tomonlar generativ sun’iy intellektni yaratish, shu jumladan, energetikada katta til modellaridan foydalanish boʻyicha hamkorlikni muhokama qildi.

Shu bilan birga, Shavkat Mirziyoyev Muhammad bin Zoid nomidagi Sun’iy intellekt universitetida oʻzbekistonlik talabalarni oʻqitish dasturini boshlashni taklif qildi. Tadqiqot laboratoriyalari va texnologik klasterlar tashkil etish rejalari muhokama qilindi.

Avvalroq Kursiv Uzbekistan Shavkat Mirziyoyev Abu-Dabidagi sammitda «yashil» iqtisodiyot, energetika manbalari va iqlim oʻzgarishi masalalari haqida nutq soʻzlagani haqida xabar bergan edi.

Bugun, 14-yanvar kuni Sibir transport politsiyasi Krasnoyarsk oʻlkasi aeroportida pichoqbozlik sodir etgan Oʻzbekiston fuqarosini soʻroq qilinayotgan videoni e’lon qildi.

Soʻroq paytida erkak oʻzining xatti-harakatlarini aniq tushuntira olmagan, faqat hujumdan oldin ancha spirtli ichimlik ichganini eslatib oʻtdi.

Voqea yuz bergan muassasa xodimining soʻzlariga koʻra, jinoyatchi avval barmenga pichoq bilan hujum qilgan, keyin bar peshtaxtasi ustidan sakrab oʻtib, boshqa erkakni roʻyxatga olish ustunlari tomon quvib ketgan.

Hibsga olingan shaxsning aytishicha, u 11-yanvar kuni Krasnoyarskka kelgan va tez orada uyiga qaytishni rejalashtirgan. Hozirda tergov harakatlari olib borilmoqda.

Avvalroq Kursiv Uzbekistan xalqaro qidiruvda boʻlgan ikki nafar Oʻzbekiston fuqarosi Rossiyada qoʻlga olingani haqida xabar...

Prezident Shavkat Mirziyoyev Oʻzbekiston Qurolli Kuchlari tashkil etilganining 33-yilligi hamda Vatan himoyachilari kuni munosabati bilan tabrik yoʻlladi. Bu haqda prezident matbuot xizmati xabar berdi.

Davlat rahbari oʻz tabrigida Qurolli kuchlarning mamlakat mustaqilligi va xavfsizligi kafolatiga aylanganini alohida taʼkidladi. Soʻnggi yillarda armiyani zamonaviy qurol-yarogʻ va texnika bilan taʼminlash, harbiylarning jismoniy va maʼnaviy tayyorgarligini oshirish borasida keng koʻlamli ishlar amalga oshirilmoqda.

«Eng muhimi, xalq bilan armiya tobora yaqin boʻlib borayotgani harbiy soha rivojiga yangicha kuch va sifat bagʻishlamoqda. Bugungi kunda navqiron avlodimiz oʻrtasida harbiy xizmatga qiziqish kuchayib, minglab yigit-qizlarimiz vatan himoyasiga dadil bel bogʻlayotgani barchamizni cheksiz quvontiradi...

Shavkat Mirziyoyev 14-yanvar kuni Birlashgan Arab Amirliklari (BAA) poytaxtida oʻtayotgan «Abu-Dabi barqaror rivojlanish haftaligi» sammitida nutq soʻzladi. Bu haqda prezident matbuot xizmati xabar berdi.

Davlat rahbari oʻz nutqida BAA Oʻzbekistonning «yashil» energetika sohasidagi ishonchli va strategik hamkori ekanini ta’kidladi.

«Shuni alohida qayd etmoqchimanki, “yashil» energiya sohasida Birlashgan Arab Amirliklari bizning ishonchli va strategik hamkorimizdir. Soʻnggi yillarda Amirliklar bilan investitsiyalar portfeli $26 milliarddan oshdi. Ular orasida qayta tiklanuvchi energetika loyihalari asosiy lokomotiv boʻlmoqda”, – deya ta’kidladi Mirziyoyev.

Shuningdek, sammit tashkilotchisi – Masdar kompaniyasi bilan umumiy quvvati 1,5 gigavatt boʻlgan 5 ta elektr...