Yangiliklar

Prezident Shavkat Mirziyoyevga Qoraqalpog‘iston Respublikasida amalga oshirilishi rejalashtirilgan investitsiya loyihalari taqdimot qilindi. Bu haqda prezident matbuot xizmati ma’lum qildi.

Qoraqalpog‘istonda so‘nggi yetti yil ichida 17 trillion 800 mlrd so‘mlik olti mingdan ziyod loyihalar amalga oshirilgan. Amalga oshirilgan loyihalar natijasi bo‘yicha 56 mingta ish o‘rni yaratilgan, shuningdek, $2 mlrd 815 mln eksport amalga oshirilgan.

Bu yil hisobi bo‘yicha mamlakatda umumiy qiymati $874 mln loyihalar bosqichma-bosqich amalga oshirilmoqda.

Hozirgi kunda xorijiy investor hamda mahalliy tadbirkorlar tomonidan Qoraqalpog‘istonda umumiy miqdorda $9,5 mlrd teng loyihalar shakllantirilgan. Ushbu loyihalardan qariyb ($1 mlrd 800 mlnga teng)  10 tasi davlat rahbariga taqdimot qilindi.

Ushbu loyihalarga asosan...

Toshkent viloyatidagi 330 ta ehtiyojmand xonadonga 2 kVt quvvatga ega quyosh batareyalari o‘rnatiladi. Tegishli qarorni viloyat hokimi Zoyir Mirzayev imzoladi.

Viloyat budjeti daromadlari 2024-yilning birinchi choragida ortig‘i bilan bajarilishi evaziga kam ta’minlangan oilalarga yordam ko‘rsatish uchun qo‘shimcha mablag‘ topish mumkin bo‘ldi.

Qarorga ko‘ra, 4,6 mlrd so‘m barcha tuman va viloyat ahamiyatiga ega shaharlar o‘rtasida teng taqsimlanadi.

Ehtiyojmand xonadonlarda quyosh panellarini faol o‘rnatish 2022-yilda boshlangan. O‘zR prezidenti Shavkat Mirziyoyev tomonidan imzolangan qarorga ko‘ra, hokimliklar zimmasiga kam ta’minlangan oilalarni quyosh batareyalari bilan ta’minlash vazifasi yuklatildi.

Bundan tashqari, hujjat iste’molchilarga quyosh batareyalari, shamol generatorlari va suv isitgichlarini o‘rnatish xarajatlarini qisman...

«Nukus Elestroapparat» elektr energiyasi tarmogʻi uchun kuchlanish qurilmalari ishlab chiqarish zavodi yiliga 273 ming dona quyosh panellarini ishlab chiqarish imkoniyatiga ega boʻldi. Bu haqda prezident Shavkat Mirziyoyevning korxonaga tashrifi chogʻida ma’lum qilindi.

Korxona 2017-yilda ishga tushirilib, unda elektr energiyasi tarmogʻi uchun kuchlanish qurilmalari ishlab chiqariladi. Joriy yil iyunda bu yerda $10 million ziyod mablagʻ evaziga quyosh panellarini yasash loyihasi ishga tushirildi. Uskunalar Koreya Respublikasidan keltirib oʻrnatildi.

Qoʻshma korxona ichki bozorda talab yuqori mahsulotni mahalliylashtirish bilan birga $4 millionlik eksport imkoniyatiga ham ega boʻldi.

Shuningdek, zavodda quvvati 125 kilovatt boʻlgan quyosh panellari oʻrnatilib, korxonaning oʻz ehtiyojlari uchun foydalaniladi va ortiqcha...

O‘zbekiston prezidenti Shavkat Mirziyoyev 20-avgust, seshanba kuni Qoraqalpog‘istonda o‘zbekistonlik tadbirkorlar bilan muloqot o‘tkazadi, deb xabar berdi davlat rahbari matbuot xizmati.

Mirziyoyev bilan muloqot arafasida joriy yilda tadbirkorlik subyektlaridan 10,1 mingdan ortiq murojaatlar kelib tushgan. Tadbirkorlarni, asosan, moliyaviy qo‘llab-quvvatlash, soliq tizimini modernizatsiya qilish, tadbirkorlik faoliyatini himoya qilishni kuchaytirish masalalari qiziqtirdi.

Eslatib o‘tamiz, 2023-yilda davlat rahbarining muloqoti 18-avgust kuni bo‘lib o‘tgandi. Shundan so‘ng «Qishloq qurilish bank» respublikada Biznesni rivojlantirish va kichik biznesni qo‘llab-quvvatlash bankiga aylantirilishi e’lon qilindi.

Avvalroq «Kursiv Uzbekistan» o‘zbekistonlik senatorlar Tadbirkorlik kodeksi loyihasini ma’qullagani haqida yozgan edi.

Sirdaryo viloyatida raqobatga zid bo‘lgan 439 ta holat aniqlandi. Bu haqda Raqobatni rivojlantirish va iste’molchilar huquqlarini himoya qilish qo‘mitasi ma’lum qildi.

Qayd etilishicha, joriy yilning birinchi yarim yilligida Sirdaryo viloyati hududiy boshqarmasi tomonidan budjet buyurtmachilari 29 241 ta shartnomalar bo‘yicha 1,78 trln so‘mlik davlat xaridlari amalga oshirilgani aniqlangan.

O‘rganishlar natijasiga ko‘ra, 102,34 mlrd so‘mlik 439 ta raqobatga zid xatti-harakatlar buyurtmachilar tomonidan sodir etilgani aniqlangan.

Mazkur harakatlarning aksariyat qismi yo‘l qurilish sohasida 111 ta holat (81,1 mlrd so‘m), maktabgacha ta’lim va maktab ta’limi bo‘yicha 57 ta holat (3,6 mlrd so‘m), sog‘liqni saqlash sohasi 110 ta holat (4,6 mlrd so‘m), boshqa sohalar...

O‘zbekistonda oltin quyma va tangalar narxi o‘tgan haftadagi rekord qiymatdan oshdi. 19-avgust kuni ertalab Markaziy bank besh grammlik oltin quymasini sotish narxini 5,26 mln so‘m etib belgiladi.

O‘zbekistonda oltin narxi bo‘yicha avvalgi rekord 13-avgust kuni qayd etilgan bo‘lib, Markaziy bank besh grammlik quymani 5,18 mln so‘mdan sotgan edi.

Markaziy bank 19-avgust holatiga ko‘ra, o‘n grammlik quymani 10,51 mln so‘m, 20 grammlik 21,03 mln so‘m, 50 grammlik esa 52,57 mln so‘mga baholagan. Esdalik oltin tangalarning qiymati ham xuddi shunday oshgan.

2024-yil boshidan buyon O‘zbekiston Markaziy bankining oltin tangalari va quymalari 24 foizga qimmatlashdi.

O‘zbekistonda oltin narxining oshishi qimmatbaho metallning jahon...

«Samarqand — Toshkent — Samarqand» yoʻnalishida qoʻshimcha yoʻlovchi poyezdlar harakati yoʻlga qoʻyildi. Bu haqda «Oʻzbekiston temir yoʻllari» AJ axborot xizmati xabar berdi.

Qayd etilishicha, 2024-yilning 26–30-avgust kunlari Samarqand shahrida «Sharq taronalari XIII xalqaro musiqa festivali» oʻtkazilishi hamda Mustaqillik bayrami munosabati bilan yoʻlovchilarga qulaylik yaratish maqsadida 25-avgust kunidan 3-sentabr kunigacha 775/776-sonli yoʻnalishida «Afrosiyob» elektropoyezdining qoʻshimcha qatnovi yoʻlga qoʻyildi.

Poyezd quyidagi jadval asosida harakatlanadi:

775-sonli «Samarqand — Toshkent» yoʻnalishi

Samarqand 11:11 — Toshkent 13:26

776-sonli «Toshkent — Samarqand» yoʻnalishi

Toshkent 13:51 — Samarqand 16:05

Chiptalarni nafaqat temir yoʻl chiptaxonalaridan, balki elektron tarzda eticket.railway.uz sayti orqali xarid qilishingiz mumkin.

Eslatib oʻtamiz...

Xorazm viloyatida sholining qurg‘oqchilikka va sho‘r tuproqqa chidamli yangi navlari yetishtiriladi, deb xabar berdi O‘zR Adliya vazirligi.

Buning uchun Qishloq xo‘jaligi vazirligiga Filippin Xalqaro sholichilik ilmiy-tadqiqot instituti bilan hamkorlikni yo‘lga qo‘yish, sholining ertapishar, sho‘rga va qurg‘oqchilikka chidamli navlarini yetkazib berishni ta’minlash topshirildi.

O‘simliklar ikki yil davomida Xorazm viloyatining tuproq-iqlim sharoitida sinovdan o‘tkaziladi.

Avvalroq «Kursiv» Toshkent viloyatida sholi uchun 10 ming gektar maydon ajratilganini yozgan edi.

Bugun, 19-avgustdan boshlab talabalikka tavsiya etilganlar uchun yotoqxona arizalari qabul qilinmoqda. Bu haqda Oliy ta’lim, fan va innovatsiyalar vazirligi ma’lum qildi.

Ma’lumot o‘rnida, 1-kurs talabalari davlat OTMining yotoqxonalariga joylashish uchun Davlat xizmatlari markazi yoki Yagona interaktiv davlat xizmatlari portali — my.gov.uz orqali elektron ariza topshirishlari mumkin.

Ma’lum qilinishicha, hozirgi kunda talabalikka tavsiya etilganlar haqida ma’lumotlarni «Talabalar turar joyi axborot tizimi»ga yuklash jarayoni yakunlangan.

Avvalroq «Kursiv Uzbekistan» talabalar yotoqxonadagi navbatni onlayn kuzatib borishlari mumkinligi haqida xabar bergan edi.

Oʻzbekistonda maymun chechagini aniqlash va davolash usuli ishlab chiqildi, deb ma’lum qildi Sanitariya-epidemiologiya qoʻmitasi rahbari Rustamjon Ikramov AOKAda boʻlib oʻtgan brifingda.

Ikromov bu kasallik Afrikada eng ko‘p uchraganini ta’kidladi.

Bu kasallik 2022-yildan beri Yevropa va Amerikada ham qayd etilgan. Osiyo va Markaziy Osiyo mintaqasida yuqtirish holatlari kuzatilmagan.

Avvalroq «Kursiv» Jahon sog‘liqni saqlash tashkiloti (JSST) maymun chechagi tufayli global favqulodda holat e’lon qilgani haqida yozgan edi.

«Parij – 2024» Olimpiadasida sovrindor boʻlgan sportchilarning murabbiylari ham pul mukofotlari bilan taqdirlandi. Bu haqda Kursiv Uzbekistanʼga Milliy olimpiya qoʻmitasi matbuot xizmati ma’lum qildi.

Unga koʻra, oltin medal olgan sportchilarning murabbiylari $50 ming, kumush olganlarning murabbiylari $25 ming, bronza medal olganlarning murabbiylari esa $12,5 mingdan mukofotlandi.

Eslatib oʻtamiz, Olimpiada oʻyinlarida oltin medal sohiblariga $200 ming, Tahoe avtomobili va ikki qavatli kottejlar berildi. Kumush medal sohiblariga $100 ming, bronza medal sohiblariga $50 ming hamda BYD Song Plus EV Champion avtomobili va kvartiralar topshirildi.

Avvalroq «Kursiv» Oʻzbekiston delegatsiyasi Toshkentda qanday kutib olingani haqida fotolavha tayyorlagan edi.

O‘zbekistonga tajriba almashish, amaliyot o‘tash va ilg‘or operatsiyalarni o‘tkazish uchun xorijlik shifokorlar taklif etilmoqda, deb xabar qildi Sog‘liqni saqlash vazirligi matbuot xizmati.

Vazirlik davlat tibbiyot muassasalarining arizalarini qabul qiladi va nomzodlarni tanlov asosida tanlaydi.

Xorijiy mutaxassislarni boshqa joyga ko‘chirish va ishga joylashtirish 2024-yilda tashkil etilgan Tibbiyotni rivojlantirish jamg‘armasi mablag‘lari hisobidan moliyalashtiriladi.

Avvalroq «Kursiv» nashri O‘zbekistondagi tibbiyot oliy o‘quv yurtlarining 200 nafar bitiruvchisi o‘qishni xorijda davom ettirish uchun ketishini yozgan edi.

Bugun, 19-avgust kuni prezident Qoraqalpog‘iston Respublikasiga boradi. Bu haqda prezident matbuot xizmati xabar berdi.

Tashrif davomida sanoat korxonalari, IT hamda ijtimoiy soha obyektlari ko‘zdan kechiriladi, shuningdek, davlat rahbarining mamlakat aholisi hayoti bilan tanishishi rejalashtirilgan.

2024-yil 20-avgust kuni Nukus shahrida Shavkat Mirziyoyevning tadbirkorlar bilan muloqoti bo‘lib o‘tishi ham rejaga kiritilgan.

Avvalroq «Kursiv Uzbekistan» Shavkat Mirziyoyev va Vladimir Putin telefon orqali muloqot qilgani haqida xabar bergan edi.

O‘zbekistonda 2024-yilning dastlabki olti oyida qurilish sohasida 53 122 ta tadbirkorlik subyektlari roʻyxatdan oʻtgan. Bu haqda Statistika agentligi axborot xizmati xabar berdi.

Ma’lum qilinishicha, ushbu ko‘rsatkich o‘tgan yilning mos davrida 51 592 tani tashkil qilgan edi.

Eslatib o‘tamiz, O‘zbekistonda 2024-yilning yanvar–iyun oylarida qurilish ishlari hajmi 10 foizga oshgan.

Avvalroq «Kursiv Uzbekistan» Toshkentda 2025-yilgi Osiyo oʻyinlari oʻtkazish uchun qurilayotgan Olimpiya shaharchasida metall konstruksiya ishlari yakunlangani haqida xabar bergan edi.

«Toshkent» respublika fond birjasidan (RFB) joy olgan yuqori likvidli aksiyalarning aksariyat qismi ortda qolgan haftani arzonlashish bilan yakunladi. Shunga qaramasdan keskin oʻsish bilan yakunlaganlari ham bor. «Kursiv Uzbekistan» hafta davomida RFBdagi qimmatli qogʻozlarning dinamikasini oʻrganib chiqdi.

Unga ko‘ra, 12-avgustdan 16-avgustga qadar UCI fond indeksi 3,1 foizga kamaydi. Qimmatli qogʻozlar ichida eng katta oʻsish «Turon bank» tomonidan qayd etilib, bankning qimmatli qogʻozlari 39,93 foizga oshdi. Bank sektorlari ichida qolgan banklarning aksiyalari tushdi.

Shuningdek, Oʻzbekiston Respublikasi tovar-xomashyo birjasi (4,10 foiz), «Oʻzmetkombinat» (0,55 foiz), «Kvarts» (6,54 foiz), «Oʻzbektelekom» (4,63 foiz), «Dori-Darmon» (0,54 foiz) va UzAuto Motorsʼning (1,49 foiz) aksiyalari oʻsishga erishdi.

Oʻz navbatida...

Mamlakat aholisining umumiy daromadlari hisobida yollanma ishchilarning daromad ulushi ortdi. Bu haqda statistika agentligi xabar berdi.  

Joriy yilning birinchi yarim yilligi bo‘yicha umumiy hisobda daromadlar tarkibida yollanma ishchilarning daromad ulushi 29,9 foizni tashkil qiladi.

Ushbu ko‘rsatkich 2023-yilning mos davrida esa 29,8 foizni tashkil qilgan.

Ma’lumot uchun, yollanma ishchilarning daromadi deganda, mehnatga haq to‘lashning yashirin qismi (birlamchi yoxud buxgalteriya hisobida aks ettirilmagan, ish beruvchi tomonidan amalga oshiriladigan to‘lovlar)ni qo‘shgan holda pul va natura (ya’ni pul o‘rniga to‘lanadigan mahsulot) shaklida mehnatga haq to‘lash ko‘rinishidagi daromadlar tushuniladi.

Avvalroq «Kursiv» birinchi yarim yillikda Davlat budjeti taqchilligi 29 trln soʻmga teng boʻlgani haqida...

Birlashgan Millatlar Tashkilotining uy-joy huquqi boʻyicha maxsus ma’ruzachisi Balakrishnan Rajagopal Oʻzbekistonga keladi, deyiladi BMT saytida.

Rajagopalning tashrifi 19-avgust, dushanba kuni boshlanadi. Maxsus ma’ruzachi Toshkent, Samarqand, Buxoro va Jizzaxga borish niyatida. Safar yakunida, 30-avgust kuni uning matbuot anjumani o‘tkaziladi. 2025-yil mart oyida BMTga O‘zbekistondagi vaziyat bo‘yicha hisobot taqdim etilishi kutilmoqda.

BMTning maxsus ma’ruzachisi uy-joy huquqining O‘zbekiston qonunchiligiga tatbiq etilishini o‘rganish, shuningdek, huquqiy postulatlar amalda qanday amalga oshirilayotganini tekshirish niyatida. Mahalliy ko‘chmas mulk bozori hajmi, xaridorlarga taklif etilayotgan sharoit va narxlar ko‘rib chiqiladi.

Rajagopal oiladagi zo‘ravonlik qurbonlari boshpanalariga, talabalar yotoqxonalariga va boshpanasizlar yashash joylariga tashrif buyurishni rejalashtirmoqda.

Avvalroq «Kursiv» BMT ma’lumotlariga...

Nomi oshkor etilmagan xaridor Indiana Jons kino qahramoni kiygan jigarrang kigiz shlyapani sotib oldi, deb xabar berdi Bloomberg.

Amerikaning Los-Anjeles shahridagi kimoshdi savdosini kino va televideniye sanoati uchun suvenirlar ishlab chiqaruvchi Propstore o‘tkazdi.

Mashhur antikvar tadqiqotchisining shlyapasi $630 mingga sotib olindi, uning maksimal narxi $500 ming bo‘lishi kutilgan edi.

Aktyor Xarrison Ford Jons rolida «Indiana Jons va taqdir ibodatxonasi» filmida ushbu bosh kiyimni kiygan.

«Kursiv» may oyi oxirida ingliz musiqachisi Jon Lennonning gitarasi auksionda yozgan edi. Kimoshdi savdolarida taniqli shaxslar yoki kino qahramonlariga tegishli narsalarning narxi, qoida tariqasida, taxminiy qiymatdan oshadi.

Toshkentda 2025-yilgi yoshlar o‘rtasidagi Osiyo oʻyinlari oʻtkazish uchun qurilayotgan Olimpiya shaharchasida metall konstruksiya ishlari yakunlandi, deb xabar qildi Oʻzbekiston Milliy olimpiya qoʻmitasi (MOQ).

Bir kun avval qurilish maydoniga O‘zbekiston sport vaziri Adham Ikramov va MOQ Bosh kotibi Oybek Kasimov tashrif buyurdi.

«Hozirgi kunga kelib, metall konstruksiya ishlari allaqachon yakunlangan bo‘lib, obyektlarning tashqi qismini yopish jarayoni ketmoqda», deyiladi xabarda.

Tekshiruv ishtirokchilari shaharchadan Osiyo o‘yinlaridan keyin foydalanish masalalarini muhokama qilishdi.

Avvalroq «Kursiv» shaharcha qurilishi 2022-yilda boshlanganini yozgan edi.

Bugun, 19-avgust kuni O‘zbekistonda quruq va issiq havo kuzatiladi. Janubiy hududlarda shamol tufayli chang-to‘zonlar ko‘tarilishi mumkin. O‘rtacha havo harorati 30–35 daraja issiq bo‘ladi. Bu haqda Gidrometeorologiya xizmati agentligi xabar bermoqda.

Toshkent shahrida havo biroz bulutli bo‘ladi, biroq yog‘ingarchilik kuzatilmaydi. Kunduzi havo harorati 33-darajagacha isishi mumkin, kechga kelib 18-darajagacha iliq bo‘ladi.

Tog‘li hududlarda qisqa muddatli yomg‘ir yog‘ishi va momaqaldiroq bo‘lishi ehtimoli bor. Ba’zi joylarda sel-suv toshqinlari yuzaga kelishi mumkin. Kunduzi havo 25-darajagacha isishi mumkin.

Avgust oxiriga yetgani sari ota-onalar bozorlar va doʻkonlarni kezib, farzandlari uchun maktab buyumlarini izlashmoqda. «Kursiv» muxbiri Bek-Baraka kanstovar bozori va onlayn do‘konlardagi maktab uchun kiyim-kechak va o‘quv qurollari narxlarini solishtirdi.

Maktab o‘quv qurollari

Bek-Baraka bozorida ruchkalarning narxi sifatiga qarab donasi bir ming so‘mdan boshlanmoqda. Onlayn do‘konda esa uch mingdan belgilandi.

Rangli qalamlarning soni va sifatiga qarab narxi 12 mingdan boshlanib 30 minggacha bormoqda. Marketpleysda esa yetti ming so‘mdan start olmoqda.

12 varaqli daftar narxi savdo rastalarida 600 so‘mdan boshlanmoqda, 48-varaqli umumiy daftarlar esa ikki mingdan sotilmoqda. Onlayn do‘konda 12-varaqli daftarning narxi uch mingdan boshlanib 10 ming so‘mgacha, 48-varaqli daftarning...

Oliy ta’lim muassasalarining bakalavriat ta’lim yoʻnalishlariga kirish test sinovlari natijasidan norozi boʻlgan abituriyentlar 18-avgustdan apellatsiya berishlari mumkin. Bu haqda Bilimni baholash agentligi xabar berdi.

Ma’lum qilinishicha, arizalarini my.uzbmb.uz saytida (shaxsiy kabineti orqali) onlayn tarzda 18-avgustdan 27-avgustga qadar (10 kun davomida) berishlari mumkin.

Abituriyent apellatsiya shikoyati berishi uchun test sinovida ishtirok etgan va test sinovidan chetlatilmagan boʻlishi lozim.

Avvalroq «Kursiv Uzbekistan» bakalavriat boʻyicha test sinovlarining mandati e’lon qilingani haqida xabar bergan edi.

Pokiston hukumati 126 ta ortiq davlat, jumladan, Oʻzbekiston sayyohlari uchun viza tartibini soddalashtirdi. Bu haqda Visasnews agentligi xabar berdi.

14-avgustdan boshlab dunyoning 126 ta davlatidan kelgan xorij fuqarolari Pokistonga, jumladan, Oʻzbekistonga ham bepul viza olishlari mumkin boʻladi.

Elektron vizaga ariza topshirish uchun yuqorida nomlari sanalgan davlatlar fuqarolari 24 soat ichida pasport fotosurati va nusxasini Pokiston IIV veb-saytiga taqdim etadi. Viza 90 kun davomida amal qiladi.

Bu roʻyxatga Qozogʻiston, Qirgʻiziston, Tojikiston, Turkmaniston, Rossiya va Belarus kabi davlatlar ham kiritilgan.

Avvalroq «Kursiv Uzbekistan» Tailand hukumati 15-iyuldan boshlab Oʻzbekiston fuqarolari uchun 60 kunlik vizasiz rejimni rasman joriy qilgani haqida xabar bergan...

2024-yil iyul oyida Oʻzbekiston dunyodagi mobil internet tezligi reytingida 74-oʻrinni egalladi. Bu haqda Speedtest Global Index hisobotida ma’lum qilindi.

Joriy yilning iyul oyi davomida, butun dunyodagi mobil internet tezligi oʻrtacha 56,09 Mbit/sekundni, statsionar internet tezligi esa 93,94 Mbit/sekundni tashkil etdi.

Oʻzbekiston simsiz internet tezligi boʻyicha oʻtgan oyga nisbatdan uch pogʻona yuqorilab 74-oʻrindan joy oldi. Simli internet tezligi boʻyicha esa 82-oʻrinni egalladi.

Dunyoda simsiz internet tezligi boʻyicha 359,85 Mbit/ sekund bilan BAA birinchi oʻrindan joy oldi. Keyingi oʻrinlarda Qatar (343.84 Mbit/s) hamda Kuvayt (232.12 Mbit/s) egalladi.

Shuningdek, simli internet tezligi boʻyicha ham BAA yetakchi (291.85 Mbit/s) boʻlgan boʻlsa, Singapur ikki...