Yangiliklar

J.D. Power’ning 2026-yil uchun AQSh bo‘yicha EV Experience Study tadqiqotida Chevrolet Blazer EV past natija qayd etdi. Model 1000 ballik tizimda 711 ball to‘pladi. Bu ko‘rsatkich ommaviy segment o‘rtacha natijasi bo‘lgan 727 balldan ancha past.

Reytingda Blazer EV Chevrolet Equinox EV (722 ball) va Honda Prologue (623 ball) oralig‘ida joylashdi. Uchala model ham General Motors’ning BEV3 platformasida ishlab chiqilgan. Bu esa muammo faqat bitta modelga emas, balki butun platformaga taalluqli bo‘lishi mumkinligini ko‘rsatadi.

Ommaviy segmentda eng yuqori natijani Ford Mustang Mach-E 760 ball bilan qayd etdi. Undan keyin Hyundai IONIQ 6 748 ball va Kia EV9 745 ball oldi.

General Motors (GM) kompaniyasining Chevrolet Traverse, GMC Acadia va Buick Enclave avtomobillarida muammo kuzatildi. Bu haqda GMAutority nashri xabar bermoqda.

Ma’lum qilinishicha, gap ularning ayrim 2024–2026 model yillariga oid nusxalari haqida bormoqda. Kompaniya fevral oyida chiqarilgan PIP6102 raqamli dastlabki servis byulletenida muammo hali muhandislar tomonidan o‘rganilayotganini ma’lum qildi. Byulleten ko‘rsatilgan model yillaridagi barcha VIN-raqamli avtomobillarni qamrab oladi. Bu esa tekshiruv aniq bir ishlab chiqarish davri bilan cheklanmaganini anglatadi.

Muammo 2,5 litrli turbo I4 LK0 benzin dvigateli bilan jihozlangan va MF8 sakkiz pog‘onali avtomat uzatma bilan ishlaydigan versiyalarda kuzatilgan. Mazkur LK0 agregati 2024 model yilidan boshlab joriy etilgan va...

2024-yilgi Parij Olimpiadasi uchun tashkil etilgan «Olimpik» futbol klubining murabbiylari va o‘yinchilari 2025-yilning may oyidan buyon maosh olmayotganini bildirdi.

Ular yarim yillik qarzdorlikni undirishda yordam so‘rab O‘zbekiston futbol assotsiatsiyasi (O‘FA) va Professional futbol ligasi (O‘zPFL)ga videomurojaat bilan chiqdi.

Hozirda mazkur holat O‘FA tomonidan o‘rganilmoqda. Assotsiatsiya futbolchilar hamda mutaxassislarning huquqlari himoya qilinishini ta’minlashga va’da bergan va yaqin kunlarda jarayon natijalari bo‘yicha qo‘shimcha ma’lumot taqdim etishini bildirgan.

«Olimpik» jamoasida ishladim va o‘tgan yilning may oyidan boshlab 5 yarim oy maosh olmadim. O‘FAga murojaatim: iltimos, oyliklarimizni hal qilib beringlar. Bizning ham bolalarimiz bor», – deya ta’kidladi klubning darvozabonlar...

Afg‘onistonda 5,7 magnitudali zilzila sodir bo‘ldi. Seysmoprognostik monitoring markazining ma’lumot berishicha, zilzila O‘zbekistonda ham sezilgan.

Yer silkinishi episentri Badaxshon hududida joylashgan. Zilzila o‘chog‘i 67 km chuqurlikda joylashgan. Episentr Toshkentdan 485 km janubiy-sharqda bo‘lgan.

Yer silkinishi O‘zbekiston hududida ham sezildi. Surxandaryo viloyatida zilzila kuchi 2 ballni tashkil etdi. Viloyat episentrdan 343 km uzoqlikda joylashgan.

Hozircha jabrlanganlar yoki talafotlar haqida rasmiy ma’lumot berilmadi. Mutasaddi xizmatlar vaziyatni kuzatmoqda.

Eslatib o‘tamiz, Kursiv Uzbekistan nashri Afg‘oniston hududida kuchli zilzila sodir bo‘lgani haqida yozgan edi.

Qishloq xo‘jaligi loyihalari uchun 100 mlrd so‘mlik venchur kompaniya tashkil etiladi. Bu haqda Shavkat Mirziyoyevning yoshlar bilan muloqotida ma’lum qilindi.

Unda davlat rahbari yoshlar tadbirkorligini qo‘llab-quvvatlash uchun «Aloqabank» va «Milliy bank»ka qo‘shimcha $200 mln ajratilishini ma’lum qildi. Ushbu ikki bank yoshlar bilan ishlash bo‘yicha asosiy mas’ul etib belgilandi.

Barcha banklarning 30 foiz xodimi faqat yoshlar loyihalari va ularning bandligini ta’minlash bilan shug‘ullanadi. Hokimlar va banklar hamkorlikda yoshlar bilan ishlash tizimini kuchaytiradi.

«Agrobank» yangi venchur kompaniya ochib, dastlab 100 mlrd so‘m ajratdi. Bunda mablag‘lar aqlli issiqxona, aqlli fermer xo‘jaligi, kasalliklarni erta aniqlash va innovatsion texnikalar ishlab chiqarish kabi startaplarga...

Hindistonning Dehli shahridagi Jamiya Milliya Islomiya (JMI) universitetida o‘zbek tili, adabiyoti va madaniyati bo‘yicha to‘rt yillik bakalavriat dasturi ishga tushirilmoqda.

1920-yilda tashkil etilgan JMI universiteti reytinglarga ko‘ra, mamlakatning eng yaxshi 3 ta oliy o‘quv yurti qatoriga kiradi. Universitetda 2004-yildan buyon O‘zbekiston elchixonasi ko‘magida o‘zbek tili kurslari faoliyat yuritib kelgan. Biroq shu vaqtga qadar talabalar faqat bir yillik sertifikat va diplom dasturlarida o‘qish imkoniyatiga ega edi.

Dastur doirasida hind yoshlari o‘zbek filologiyasi va madaniyatini chuqur o‘rganib, kelajakda malakali tarjimon va sharqshunoslar sifatida yetishib chiqadi. Ushbu universitetning ikkita o‘quv binosi tarixiy mutafakkirlar — Abu Rayhon Beruniy va Abu Ali ibn Sino

Farg‘ona viloyatining Qo‘qon shahridagi ko‘p qavatli uyda yong‘in yuz berdi. Bu haqda favqulodda vaziyatlar boshqarmasi xabar bermoqda.

Boshqarmaga ko‘ra, 25-fevral kuni soat 14:47 da «112» tizimi orqali Qo‘qon shahri «Bo‘ston» MFYdagi ko‘p qavatli uylardan birida chaqnash sodir bo‘lgani va yong‘in kelib chiqqani haqida xabar tushgan.

Qutqaruv bo‘linmalari zudlik bilan voqea joyiga yetib borgan. Yong‘in qisqa fursatda o‘chirilgan.

Favqulodda vaziyatlar boshqarmasi ma’lumotiga ko‘ra, tan jarohati olganlar haqida hozircha xabar kelib tushmagan.

Ayni paytda qutqaruvchilar tomonidan hodisa oqibatlarini bartaraf qilish ishlari davom etmoqda. Qo‘shimcha ma’lumot berilishi kutilmoqda.

Eslatib o‘tamiz, Kursiv Uzbekistan nashri Oltiariq tumanidagi daraxt ko‘chatlari omborida yong‘in sodir bo‘lgani haqida...

Jizzax viloyatining Sharof Rashidov tumani sobiq hokimi va hokimlik bosh mutaxassisi korrupsiya hamda talon-toroj qilish jinoyatlarida aybdor deb topildi. Sud hukmiga ko‘ra, sobiq hokim 11 yilga, bosh mutaxassis esa 7 yilga ozodlikdan mahrum etildi.

Jinoyat ishlari bo‘yicha Zomin tumani sudining hukmiga ko‘ra, 1971-yilda tug‘ilgan sobiq hokim o‘zlashtirish, mansab vakolati doirasidan chetga chiqish, pora olish va yer berish tartibini buzish kabi jinoyatlarni sodir etganlikda aybdor deb topildi. Unga nisbatan bazaviy hisoblash miqdorining 150 baravari miqdorida jarima va 11 yil muddatga ozodlikdan mahrum qilish jazosi tayinlandi.

Shu bilan birga, hokimlikning qurilish va kommunal xo‘jalik masalalari bo‘yicha sobiq bosh mutaxassisi pora olish...

26-fevral uchun valyutalar kursi yangilandi. Unga ko‘ra, dollar 50,58 so‘mga tushib, 12 137,10 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

19-fevralga kelib dollar 12 132,48 so‘mga (-5,38), 20-fevral kuni esa 36,93 so‘mga oshib, 12 169,41 so‘mga yetdi. 23-fevral kuni dollar 43,38 so‘mga oshib, 12 212,79 so‘mni tashkil etdi. 24-fevral kuni dollar 23,34 so‘mga oshib, 12 236,13 so‘mga yetgan edi. 25-fevral kuni esa 48,45 so‘mga tushib, 12 190 so‘mni tashkil etdi.

Markaziy bank ma’lumotlariga ko‘ra, yevro 59,63 so‘mga tushib, 14 307,21 so‘mni, rubl 0,56 so‘mga pasayib, 158,53 so‘mni tashkil qildi.

Eslatib o‘tamiz, Kursiv Uzbekistan...

Ramazon oyi munosabati bilan xorijdagi vatandoshlar uchun keng ko‘lamli iftorlik tadbirlari tashkil etilmoqda. Bu haqda Tashqi ishlar vazirligi matbuot kotibiga ko‘ra, bu yil iftorliklar 10 ta mamlakat va 50 dan ortiq shaharlarni qamrab oladi.

Tadbirlar chet elda mehnat qilayotgan, ta’lim olayotgan va doimiy yashayotgan o‘zbekistonliklarni birlashtirishga qaratilgan. Iftorliklar Makka va Madina, Seul, Istanbul, Anqara, Qohira, Ammon, Kuala-Lumpur, Vashington, Nyu-York va Toronto shaharlarida o‘tkaziladi. Rossiyaning 20 ta, AQShning 10 ta shahrida ham tadbirlar rejalashtirilgan. Xususan, AQShning 6 ta shahrida jami 15 ta iftorlik tashkil etiladi.

Shuningdek, vatandoshlar homiyligida Dallas, Filadelfiya, Orlando, Vashington, Makka, Novosibirsk, Tomsk va Yekaterinburg shaharlarida ham qo‘shimcha...

Nio kompaniyasi o‘zining Nio ES9 modelini Xitoy bozorida 1-iyundan boshlab mijozlarga yetkazib berishni boshlaydi. Bu haqda kompaniya prezidenti Sin Lixon Nio bahor festivalida ma’lum qildi.

Modelning rasmiy taqdimoti 10-aprelga rejalashtirilgan. Sotuvlar may oyida start olishi kutilmoqda. ES9 yanvar oyida Xitoyda savdo litsenziyasi uchun ariza topshirgan va asosiy texnik ko‘rsatkichlari ochiqlangan edi. Avtomobil Ichki Mongoliyadagi Yakeshi hududida qishki sinovlardan ham o‘tgan.

Yangi ES9 ilgari taqdim etilgan Nio ET9 sedanidan barcha asosiy texnologiyalarni oladi. Jumladan, steer-by-wire boshqaruv tizimi, 900 voltli yuqori kuchlanishli platforma hamda aktiv osma tizimi qo‘llaniladi. Model turli komplektatsiyalarda, jumladan nisbatan arzon boshlang‘ich versiyada ham taqdim etiladi.

Texnik...

Audi va SAIC Motor hamkorligidagi subbrend yangi elektr sportkar konseptini namoyish etdi. Dizayner Theottle tomonidan tayyorlangan renderlar afsonaviy TT modelining zamonaviy talqinini ko‘rsatdi.

AUDI brendi Xitoyning mahalliy bozoriga moslashish maqsadida tashkil etilgan bo‘lib, u an’anaviy to‘rtta halqa logotipidan voz kechgan. Yangi konsept E5 Sportback dizayn elementlarini o‘zida aks ettiradi va gorizontal yoritish tizimi bilan jihozlangan. Avtomobilning orqa qismi 1998-yilda taqdim qilingan ilk TT modellariga xos shaffof lyuk dizaynini eslatadi.

Audi TT tarixi 1998-yilda boshlangan va o‘zining dumaloq shakllari bilan avtomobil olamida inqilob qilgan edi. 2007-yilda chiqarilgan ikkinchi avlod yanada agressiv ko‘rinishga ega bo‘ldi. Sportkar 2022-yilda 394 ot kuchiga ega...

2026-yil 1-fevral holatiga ko‘ra, O‘zbekistonda muomaladagi bank plastik kartalari soni 69,2 mln donaga yetdi. Bu haqda Markaziy bank ma’lum qildi. To‘lov terminallari soni 433,3 ming tani, o‘rnatilgan bankomat va infokiosklar soni esa 42,3 mingtani tashkil qilgan.

Jadval:

2026-yil yanvar oyi davomida to‘lov terminallari orqali tushgan jami tushum 41 trln 948 mlrd 200 mln so‘mni tashkil etgan.

Eng ko‘p tushum qayd etgan 5 ta bank (yanvar, mlrd so‘m)

Ushbu besh...

Xitoy bozorida savdolar sust kechayotgani sababli Audi E5 Sportback elektromobilining narxi $4,35 mingga tushirildi. CarNewsChina’ga ko‘ra, endi model 31-martgacha qariyb $29,9 mingdan sotiladi.

E5 Sportback 2025-yilda taqdim etilgan va Advanced Digitised Platform asosida ishlab chiqilgan. Model dastlab $34,3 ming–$46,5 ming oralig‘ida sotuvga chiqarilgan edi. Biroq Xitoyda talab kutilgan darajada bo‘lmadi. Shundan so‘ng kompaniya chegirma dasturini ishga tushirdi.

Natijada yangi narx $30 ming – $42,1 ming oralig‘iga tushdi. O‘lchamlari 4881×1960×1579 mm, g‘ildirak bazasi 2950 mm. Model orqa yoki to‘liq tortish tizimida taklif etiladi. Quvvati 220 kVtdan 579 kVtgacha, ya’ni 295 – 776 ot kuchiga teng. 76, 83 va 100 kVt...

Microsoft kompaniyasi butun dunyo bo‘ylab internet qamrovini oshirish maqsadida SpaceX’ning Starlink sun’iy yo‘ldosh xizmati bilan hamkorlikni e’lon qildi.

Microsoft barqarorlik masalalari bo‘yicha bosh direktori Melani Nakagavaning ma’lum qilishicha, loyihaning dastlabki bosqichida Keniyadagi internet provayderi bilan hamkorlikda 450 ta jamoat markazi tarmoqqa ulanadi. Bu qadam SpaceX uchun yangi talab darajalarini shakllantirishi kutilmoqda. Maskning koinot kompaniyasi joriy yilda IPO’ga aylanishi ehtimoli mavjud.

Mazkur hamkorlik Ilon Mask va Microsoft o‘rtasidagi murakkab munosabatlar fonida yuz bermoqda. Ayni vaqtda Mask Microsoft tomonidan qo‘llab-quvvatlanadigan OpenAI kompaniyasi va uning rahbari Sem Altmanga qarshi sud jarayonini olib bormoqda. Da’voda notijorat fonddan $134 mlrdgacha mablag‘ni undirish talab...

Qozog‘istonda Xitoy avtomobillari ikki yilda 36 foizga qadrsizlangani aytildi. Bu haqda Kolesa.kz nashriga tayanib Kursiv Qozog‘iston ma’lum qildi.

Tahlil birlamchi va ikkilamchi bozor ma’lumotlariga asoslangan bo‘lib, platformadagi e’lonlar hamda Qozog‘iston avtomobil ittifoqi statistikasi inobatga olingan. Tadqiqotda avtomobillarning ishonchliligi emas, narx dinamikasi va bozor xulqi o‘rganilgan.

Eng katta pasayish Chery Tiggo 7 Pro Max modelida qayd etilgan. Ushbu avtomobil ikki yil ichida o‘rtacha 36 foizgacha qiymatini yo‘qotgan. Hatto birinchi yilning o‘zidayoq model qiymatining chorak qismidan ko‘prog‘ini yo‘qotadi. Shu bilan birga, brendning boshqa modellari ancha yumshoqroq pasayish ko‘rsatgan.

Jadval:

Mutaxassislar fikricha, Xitoy avtomobillari narxining tezroq tushishiga bir necha omil sabab...

Surxondaryo viloyatidagi AYOQShda sotilayotgan Ai-92 markali avtobenzin davlat standartlariga mos kelmasligi aniqlandi. Mazkur holat yuzasidan tadbirkorlik subyektiga nisbatan jarima chorasi ko‘rildi. Bu haqda «O‘zenergoinspeksiya» rasmiy bayonot bermoqda.

O‘tkazilgan nazorat tadbirlari davomida «Sh. S.» mas’uliyati cheklangan jamiyatiga qarashli avtomobillarga yoqilg‘i quyish shoxobchasidagi mahsulotlar tegishli tartibda laboratoriya tahlilidan o‘tkazildi. Tekshiruv natijalari shoxobchada sotilayotgan Ai-92 markali avtobenzinning amaldagi davlat standart talablariga javob bermasligini ko‘rsatdi.

Mazkur qonunbuzilishi holati yuzasidan ushbu shoxobchada realizatsiya qilingan avtobenzin qiymatining 50 foizi miqdorida moliyaviy jarima qo‘llandi. Jarima miqdori 14,3 mln so‘mni tashkil etgan.

Avvalroq Kursiv Uzbekistan AYOQShlarda benzin sifatini tekshiruvchi uskunalar o‘rnatilishi haqida xabar bergan edi.

Linzin YouTube kanali blogeri iPhone Air smartfonini sezilarli darajada o‘zgartirib, unga shaffof korpus va fizik nano-SIM karta o‘rnatdi.

Loyiha muallifi lazer yordamida smartfonning orqa shishasidagi shaffof bo‘lmagan qoplamani to‘liq olib tashlagan. Natijada akkumulyator, asosiy plata, MagSafe g‘altagi va boshqa elektron komponentlar tashqaridan ko‘rinadigan holatga kelgan.

Fizik nano-SIM karta uyasini qo‘shish texnik jihatdan ancha murakkab jarayon bo‘lib chiqdi. Buning uchun korpusning quyi qismida maxsus teshik ochildi va joy bo‘shatish maqsadida original Taptic Engine vibratsiya motori ixchamroq muqobiliga almashtirildi. SIM-modul mikropayka usuli yordamida bevosita asosiy plataga ulandi.

Biroq bunday o‘zgartirishlar qurilmaning texnik holatiga salbiy ta’sir ko‘rsatgan. Xususan, smartfon namlikdan himoya qilish...

Leapmotor yangi ixcham Leapmotor A10 modelining rasmiy interyer suratlarini taqdim etdi. Bu haqda CarNewsChina nashri xabar bermoqda.

Ta’kidlanishicha, model Xitoy bozorida birinchi chorakda sotuvga chiqib, xalqaro nomi B03X bo‘ladi. Salon dizayni soddaligi bilan ajralib turadi. Old panel to‘g‘ri chiziqli qilib ishlangan. Haydovchi oldida 8,88 dyuymli to‘liq raqamli panel joylashgan. Markazda esa 14,6 dyuymli 2,5K o‘lchamdagi multimedia ekrani bor.

Modelda yoritish, simsiz quvvatlash joyi va ikki stakan ushlagich mavjud. Sun’iy intellekt yordamchisi Alibaba’ning Qwen platformasi asosida ishlaydi. Bu tizim inson va avtomobil o‘rtasidagi muloqotni soddalashtiradi.

Tashqi ko‘rinishda kompaniya Tech Natural Aesthetics 2.0 uslubidan foydalangan. Old qismi yopiq panjara va ko‘pburchak...

Avtomobil bozoridagi so‘nggi tahlillar asosida 2026-yilning eng nufuzli va qulay o‘rta o‘lchamli avtomobillari aniqlandi. Mazkur reytingda Germaniyaning BMW va Porsche brendlari yetakchilik qilmoqda. Bu haqda CarBuzz nashri xabar bermoqda.

BMW X5 M modeli 617 ot kuchiga ega 4,4 litrli V8 gibrid dvigateli bilan ro‘yxatda peshqadamlik qilmoqda. Nashr ekspertlarining ta’kidlashicha, ushbu model sport dinamikasi va kundalik qulaylikni ideal tarzda birlashtirgan. Mazkur modelning boshlang‘ich narxi $131 mingni tashkil etadi.

«BMW M avtomobillari ko‘pincha qattiq haydash qulayligini taqdim qiladi, ammo X5 M Competition yetarli qulaylikni ta’minlaydi», – dedi CarBuzz tahririyati a’zosi Jared Rozenholts.

Kuchli uchlikdan Porsche Cayenne...

Wolt kompaniyasi O‘zbekistondagi faoliyatini yakunlashga qaror qildi. Bu haqda kompaniya rasmiy sahifasida ma’lum qildi.

Unga ko‘ra, platforma 2026-yil 4-martgacha ishlashda davom etadi. Qaror kompaniyaning xalqaro faoliyatini qayta ko‘rib chiqish jarayonidan so‘ng qabul qilingan. Wolt o‘z resurslarini barqaror o‘sish va uzoq muddatli rivojlanish imkoniyati yuqori bo‘lgan bozorlarga yo‘naltirishni maqsad qilgan.

DoorDash International rahbari, Deliveroo bosh direktori va Wolt hammuassisi Miki Kuusi kompaniya nomidan O‘zbekistondagi xodimlar, mijozlar, hamkorlar va kuryerlarga minnatdorlik bildirdi. Uning so‘zlariga ko‘ra, bu qiyin qaror, biroq kompaniya eng istiqbolli bozorlariga e’tibor qaratish orqali global miqyosda uzoq muddatli qiymat yaratishni davom ettiradi.

«Biz Qatar, Singapur...

BMT Ukrainada barqaror tinchlikni qo‘llab-quvvatlash rezolyutsiyasini qabul qildi. O‘zbekiston va 50 ta davlat betaraf qolgan.

Rezolyutsiya Rossiya va Ukraina o‘rtasida darhol, to‘liq va shartsiz o‘t ochishni to‘xtatishga chaqiradi. Unda Ukrainaning suvereniteti, mustaqilligi va xalqaro tan olingan chegaralari doirasidagi hududiy yaxlitligini qo‘llab-quvvatlash qayd etilgan.

Shuningdek, hujjatda harbiy asirlarni almashish, majburan olib ketilgan yoki deportatsiya qilingan tinch aholini, jumladan, bolalarni qaytarish talabi ham aks etgan.

BMT vakili yakunda darhol, to‘liq va shartsiz o‘t ochishni to‘xtatishga chaqirgan. Bu adolatli va uzoq muddatli tinchlik sari birinchi qadam bo‘lishi kerakligi bildirilgan.

Eslatib o‘tamiz, «Kursiv» O‘zbekistonda BMT murojaatlarini ko‘rib chiqishning yangi tartibi belgilangani haqida...

Raqobat qo‘mitasi tomonidan davlat xaridlari sohasida 16,4 mlrd so‘mdan ortiq xaridlarda qonunbuzilishlar aniqlanib, tegishli choralar ko‘rildi. Bu haqda qo‘mita matbuot xizmati xabar berdi.

Aniqlangan holatlar qator hududlarda qayd etildi. Andijon viloyatida 320 mln so‘mlik, Jizzax viloyatida 370 mln so‘mdan ortiq va 30 mln so‘mlik, Namanganda 250 mln so‘mlik, Navoiyda 55 mln so‘mlik xaridlarda kamchiliklar topildi.

Bundan tashqari, Qashqadaryoda 500 mln so‘mga, Sirdaryoda 300 mln so‘mga yaqin, Surxondaryoda 250 mln va 200 mln so‘m atrofidagi xaridlar o‘rganildi. Xorazm viloyatida 1,1 mlrd so‘mdan ortiq 7 ta xaridda qonun talablari buzilgani aniqlandi. Toshkent shahrida esa O‘zbekiston milliy metrologiya institutining 13,1 mlrd so‘mdan...

Instagram platformasi o‘zining TV ilovasini AQShdagi Google TV qurilmalarida ishga tushirdi. Bu haqda Tech Crunch nashri xabar berdi.

Ilova foydalanuvchilarga Reels videolari va Instagramdagi postlarni to‘g‘ridan to‘g‘ri televizorda ko‘rish imkoniyatini taqdim etadi. Bu orqali Instagram YouTube bilan raqobatni kuchaytirishni maqsad qilmoqda. Instagram TV ilovasini mobil ilovaga bog‘lagan holda beshtagacha hisob qo‘shish yoki televizorda ko‘rish uchun yangi hisob yaratishlari mumkin.

Ilova har bir foydalanuvchi uchun shaxsiylashtirilgan bo‘lib, ular yoqtirgan kontent va mualliflarga asoslangan Reels videolarini namoyish etadi. Videolar mavzular bo‘yicha kanallar va kategoriyalarga ajratiladi. Reels’lar avtomatik tarzda aylanadi, shuning uchun keyingi videoga o‘tkazish shart emas. Foydalanuvchilar videolarni yoqtirish, izohlarni...