Yangiliklar

Feruza Eshmatova Oliy Majlisning Inson huquqlari bo‘yicha vakili (Ombudsman) etib saylandi. Bu haqda Quyi palata matbuot xizmati Telegram kanalida ma’lum qildi.

O‘zbekiston Respublikasi Konstitutsiyasining 93-moddasi 16-bandiga hamda «O‘zbekiston Respublikasi Oliy Majlisining Inson huquqlari bo‘yicha vakili to‘g‘risida»gi Qonunning 6-moddasiga muvofiq Feruza Eshmatova nomzodi ilgari surilgan.

Majlis davomida deputatlar nomzod bilan savol-javob o‘tkazib, muhokamalar olib borilgan.

Ovoz berish yakunlariga ko‘ra, Feruza Eshmatova O‘zbekiston Respublikasi Oliy Majlisining Inson huquqlari bo‘yicha vakili, ya’ni Ombudsman lavozimiga saylandi.

Ma’lumot uchun, Feruza Eshmatova 2015-yilda O‘zbekiston Xalq demokratik partiyasidan Oliy Majlis Qonunchilik palatasining III chaqiriq deputati etib saylangan. 2020-yilda Oliy Majlis Senatining IV chaqiriq a’zosi etib saylangan...

Opel xavfsizlik yostiqchalari bilan bog‘liq muammo sabab 900 mingdan ortiq avtomobilni global miqyosda chaqirib olishini e’lon qildi. Bu haqda «Tarantas Nyus» nashri ma’lum qilmoqda. Muammo Takata ishlab chiqargan haydovchi yostiqchasiga taalluqli.

Germaniyada 8,7 ming dona avtomobil ushbu chaqiruv doirasiga tushgan. Ta’mirlash ishlari bepul amalga oshiriladi.

Muammo nimada?

Xabarlarga ko‘ra, nosozlik haydovchi xavfsizlik yostiqchasi ichidagi gaz generatoriga bog‘liq. Yostiqcha ochilganda modul ichidagi bosim ortib ketishi mumkin. Bu esa korpus yorilishiga va metall bo‘laklari salon ichiga sochilishiga olib keladi.

Bunday holat haydovchi va yo‘lovchilar uchun jiddiy jarohat xavfini tug‘diradi. Shu sabab kompaniya profilaktik chaqiruv kampaniyasini boshlagan.

Qaysi modellar qamrab...

AQSh O‘zbekiston fuqarosi Azizjon Mamashoyevni Rossiyaga aloqador sanksiyalar ro‘yxatiga kiritdi. Bu haqda Xorijiy aktivlarni nazorat qilish boshqarmasi (OFAC) ma’lum qildi. Yangilangan ro‘yxatga to‘rt nafar jismoniy shaxs va uchta kompaniya kiritilgan.

AQShning da’volari nimalardan iborat?

AQSh Davlat departamenti ma’lumotiga ko‘ra, Azizjon Mamashoyev rossiyalik xakerlar Sergey Zelenyuk va Oleg Kucherov bilan birgalikda AQSh kiberxavfsizligiga qarshi operatsiyalarda ishtirok etgan. Ular dasturiy ta’minotdagi zaifliklar savdosi bilan shug‘ullanganlikda gumon qilinmoqda.

OFAC hujjatlarida Mamashoyevning to‘liq ismi Azizjon Mahmudovich Mamashoyev sifatida keltirilgan. Tug‘ilgan sanasi 1987-yil 20-fevral, manzili esa Toshkent shahri, Amir Temur shoh ko‘chasi 60-uy deb ko‘rsatilgan.

Unga nisbatan CAATSA doirasida Rossiyaga aloqador sanksiyalar ham...

Samsung kompaniyasi kelgusi avlod buklanuvchi smartfonlari ekranini shikastlanishdan saqlash maqsadida maxsus tizim ustida ishlamoqda. Yangilanish qurilma to‘liq yopilmagan holatlarda ishga tushib, xavf haqida bildirishnoma yuboradi.

«Yot jismlarni aniqlash» funksiyasi hali rasman taqdim etilmagan One UI 9 tizimi kodlarida aniqlangan. Dastur matniga ko‘ra, agar smartfon qandaydir to‘siq sababli to‘liq yopilmasa, tizim ekranga zarar yetkazmaslik uchun uni qayta ochishni va yot moddalarni tozalashni so‘raydi. Zarurat tug‘ilganda, foydalanuvchilar ushbu ogohlantirishni sozlamalar orqali o‘chirib qo‘yishi mumkin bo‘ladi.

Sizdirilgan ma’lumotlar orasida 2026-yilda chiqishi kutilayotgan uchta yangi modelning grafik tasvirlari ham mavjud. Ular Galaxy Z Fold 8, Galaxy Z Flip 8 hamda yangi, kengroq formatdagi...

Samsung Galaxy S26 Ultra smartfoni Dubayda sotuvga chiqqach, uning kamerasi foto flagman Vivo X300 Pro bilan taqqoslandi. Bloger Sahil Karoul ikki qurilmaning suratga olish imkoniyatlarini solishtirdi.

U oddiy rejimda va 10 karra zumda olingan suratlarni e’lon qildi. Blogerning aytishicha, 10 karra zumda olingan suratlar 24 megapiksel emas, 12 megapiksel formatda saqlangan.

Samsung Galaxy S26 Ultra modelida yangi Privacy Display funksiyasi ham mavjud. Bu funksiya ekran ma’lumotlarini yon tomondan ko‘rayotganlardan himoya qiladi va ikki xil rejimda ishlaydi.

Ma’lumotlarga ko‘ra, Galaxy S26 Ultra’ning ilk partiyasi allaqachon Dubayda sotuvga chiqarilgan. Model ilgari Galaxy S25 Ultra bilan ham taqqoslangan edi.

Eslatib o‘tamiz, avvalroq...

Sankt-Peterburg gubernatori Aleksandr Beglov 7-qavatdan tushib ketgan 7 yoshli bolani qutqargan Xayrullo Ibodullayevni «Qutqaruvdagi jasorati uchun» ko‘krak nishoni bilan mukofotladi. Bu haqda gubernatorning Telegram sahifasida ma’lum qilindi.

«Bugun Xayrullo Ibodullayev bilan uchrashdim. Butun shaharimiz uning jasorati haqida eshitdi. U ish vaqtida o‘z hayotini xavf ostiga qo‘yib, derazadan yiqilgan 7 yoshli bolani ushlab qoldi. Jarohat olgan bo‘lsa-da, bolaning hayoti uchun jon kuydirdi.

Xayrullo tozalash kompaniyasida ishlaydi, to‘rt farzandning otasi. Unga boshqalar hayotiga befarq bo‘lmagani, yordamga shayligi va insoniyligi uchun «Qutqaruvdagi jasorati uchun» ko‘krak nishoni topshirildi», – deydi gubernator.

Shu bilan birga, unga Sankt-Peterburg hukumati...

Yevropa Chempionlar ligasi pley-off bosqichida javob uchrashuvlari o‘tkazildi va to‘rtta jamoa nimchorak final masalasini hal qildi. Norvegiyaning «Budyo-Glimt», Angliyaning «Nyukasl», Germaniyaning «Bayer» hamda Ispaniyaning «Atletiko» klublari keyingi bosqichga yo‘l oldi.

«Inter» — «Budyo-Glimt» 1:2 (2:5)

Norvegiyaning «Budyo-Glimt» jamoasi Milanda o‘tkazilgan uchrashuvda Italiyaning «Inter» klubini 2:1 hisobida mag‘lub etib, umumiy 5:2 hisobida zafar quchdi. Uchrashuvda Yens Petter Xauge va Xakon Evyen norvegiyaliklarning gollariga mualliflik qildi. 76-daqiqada Bastoni oradagi farqni bittaga qisqartirdi. Natijada jamoa o‘z tarixida ilk bor Chempionlar ligasining 1/8 finaliga yo‘llanma oldi.

«Budyo-Glimt» bosh murabbiyi Kyetil Knutsen bu voqeani Norvegiya futboli uchun tarixiy lahza deb atadi.

Klinik farmatsevt Anum Iqbal tabletkalarni maydalash yoki kapsulalarni ochib ichish sog‘liq uchun xavf tug‘dirishi mumkinligini aytdi. Uning ogohlantirishi haqida Daily Mirror nashri xabariga tayanib, Gazeta.ru ma’lum qildi.

Mutaxassisning aytishicha, ko‘plab bemorlar tabletkani yutishni osonlashtirish maqsadida uni kukunga aylantiradi yoki kapsula ichidagi kukunni alohida idishga to‘kib ichadi. Biroq bu dori vositasining ta’sir mexanizmini buzishi mumkin. Ayniqsa, uzoq muddatli ta’sirga ega preparatlar odatda XL, XR yoki CR belgisi bilan ko‘rsatiladi hamda ichakda eriydigan maxsus qobiq bilan qoplangan tabletkalar uchun bu juda xavfli.

Farmatsevt tushuntirishicha, ichakda eriydigan qobiq oshqozonni bezovta qilmaslik va faol moddaning oshqozon shirasi ta’sirida yemirilib ketmasligini ta’minlash uchun mo‘ljallangan...

FVV ma’lumotiga ko‘ra, 25 – 26-fevral kunlari kutilayotgan yomg‘irlar sabab respublikaning tog‘ oldi va tog‘li hududlarida sel-suv toshqin hodisalari yuzaga kelishi mumkin.

Hududlar:

Mutaxassislar tog‘oldi va tog‘li hududlarda yashovchi fuqarolar hamda ushbu yo‘nalishlarda harakatlanayotgan haydovchilardan ehtiyot choralarini ko‘rishni so‘ramoqda. Ayrim hududlarda yomg‘ir suvlari to‘planib, pastqam joylarni suv bosishi ehtimoli mavjud.

Eslatib o‘tamiz, Kursiv Uzbekistan nashri 25-fevral kuni qanday ob-havo kuzatilishi haqida yozgan edi.

TBC Bank Group Nyu-York shahrida investorlar uchun ilk bor Strategiya kunini o‘tkazdi. Unda O‘zbekistondagi TBC Uzbekistan raqamli moliyaviy ekotizimini 2030-yilgacha rivojlantirish rejalari taqdim etildi.

TBC Uzbekistan Nyu-Yorkda strategiya kunini o‘tkazgan ilk o‘zbekistonlik ekotizim bo‘ldi. Bu tadbir global investorlarning O‘zbekistonga qiziqishi ortayotganini ko‘rsatdi.

Tadbirda O‘zbekiston Investitsiyalar, sanoat va savdo vazirligi hamda Iqtisodiyot va moliya vazirligi vakillari ishtirok etdi. Vazir Laziz Kudratov xalqaro investorlar, jumladan, BlackRock, Vanguard, JP Morgan Asset Management, Schroders va Fidelity International vakillariga mamlakatning strategik rivojlanish yo‘nalishlari haqida ma’lumot berdi.

TBC Bank Group TBC Uzbekistan’ni kengaytirish rejasini ham e’lon qildi. Hozirgi kunda ekotizimning 23 mln ro‘yxatdan o‘tgan foydalanuvchisi bor...

Braziliyaning janubi-sharqidagi Minas-Jerais shtatida kuchli yog‘ingarchilik va ko‘chkilar oqibatida kamida 25 kishi halok bo‘ldi. Bu haqda BBC nashri xabar berdi.

O‘lim holatlari ko‘proq Juiz de Fora shahrida qayd etilgan bo‘lib, rasmiylar 18 kishining vafot etganini bildirgan. Ubá shahrida esa 7 nafar odam halok bo‘lgan. Bir nechta uy va binolar qulaganidan keyin o‘nlab odamlar qidiruvga berildi. Hududda qutqaruv ishlari davom etmoqda.

Braziliya prezidenti Luiz Inácio Lula da Silva qurbonlar va uylarini yo‘qotgan oilalarga chuqur ta’ziya bildirdi hamda Juiz de Fora shahrida favqulodda holat e’lon qilinganini ma’lum qildi.

Juiz de Fora shahrining o‘zida taxminan 440 kishi uyidan mahrum bo‘ldi. Shahar...

Olmaota shahrida migratsiya qonunchiligini buzgan 40 nafar O‘zbekiston fuqarosi mamlakat hududidan chiqarib yuborildi. Bu haqda Olmaota shahri Politsiya departamenti ma’lum qildi.

Unga ko‘ra, aniqlangan shaxslar Qozog‘iston hududida bo‘lish tartibini buzgan. Tekshiruvlar davomida ularning mamlakatda qonuniy yashash qoidalariga rioya qilmagani ma’lum bo‘lgan va amaldagi qonunchilik asosida chiqarib yuborish chorasi qo‘llanilgan.

Shuningdek, fuqarolar maxsus avtobusda Qozog‘iston – O‘zbekiston davlat chegarasigacha yetkazilgan. Jarayon xavfsizlik talablari va hujjatlarni rasmiylashtirish qoidalariga to‘liq rioya etilgan holda amalga oshirilgan.

Turkiyaning Balikesir viloyatida 9-Ana Jet Harbiy-havo bazasiga qarashli F-16 Fighting Falcon samolyoti xizmat parvozi vaqtida halokatga uchradi. Bu haqda Euronews mahalliy nashrlarga tayanib xabar bermoqda. Hodisa 25-fevralga o‘tar kechasi sodir bo‘lgan.

Viloyat hokimi Ismoil Ustao‘g‘lining ma’lum qilishicha, samolyot soat 00:50 atrofida qulagan. Uchuvchi halok bo‘lgan. Hokim marhumning yaqinlariga hamdardlik bildirgan.

Turkiya Milliy mudofaa vazirligi bayonotiga ko‘ra, Balikesirdagi harbiy bazadan havoga ko‘tarilgan F-16 bilan soat 00:56 dan boshlab aloqa uzilgan. Shundan so‘ng qidiruv-qutqaruv ishlari boshlangan.

Qidiruv natijasida samolyotning qulagani aniqlangan va uning qoldiqlariga yetib borilgan. Uchuvchining halok bo‘lgani tasdiqlangan.

Rasmiylarga ko‘ra, halokat sabablari maxsus komissiya tekshiruvi yakunida ma’lum qilinadi. Marhum...

Tijorat banklari tomonidan 25-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Xiaomi kompaniyasi Xitoydagi yirik avto OAV bo‘lgan AutoReport ustidan tuhmat bo‘yicha sudda g‘alaba qozondi. Bu haqda CarNewsChina xabar berdi.

Sud qaroriga ko‘ra, AutoReport turli onlayn platformalardagi akkauntlari orqali yetarli tekshiruvsiz, noto‘g‘ri va haqoratli ma’lumotlar tarqatgan. Bu esa Xiaomi’ning obro‘-e’tibori va brend imijiga zarar yetkazgan deb topildi.

Qarorga muvofiq, AutoReport bahsli materiallarni o‘chirishi, ommaviy ravishda uzr so‘rashi hamda Xiaomi’ga $726 ming dollar miqdorida tovon puli to‘lashi shart.

Xiaomi sud qaroridan so‘ng bergan bayonotida tanqid va takliflarni qabul qilishini, biroq yolg‘on axborot va tuhmatlarga nisbatan qonuniy choralar ko‘rishini ta’kidladi.

Ochiq manbalarga ko‘ra, AutoReport Yiche.com saytiga aloqador. Yiche.com 2000-yilda Nio asoschisi Uilyam...

YouTube Premium Lite tarifini kengaytirdi. Endi obunachilar videolarni fon rejimida tomosha qilish va qurilmaga yuklab olib, oflayn ko‘rish imkoniyatiga ega bo‘ladi.

Yangi imkoniyatlar qatoriga Background Play (fon rejimida ijro) va Downloads (videoni yuklab olish) funksiyalari qo‘shildi. Bu orqali foydalanuvchilar ilovadan chiqib ketgan holda ham video ovozini tinglashi yoki internetga ulanmagan paytda kontentni tomosha qilishi mumkin.

Premium Lite obunasi oyiga $7,99 narxda taklif etiladi. Yangilanish 25-fevral, bugundan boshlab bosqichma-bosqich joriy etilmoqda va yaqin haftalarda ushbu tarif mavjud bo‘lgan barcha hududlarda ishga tushiriladi. Kompaniya ma’lumotiga ko‘ra, funksiyalar foydalanuvchilarning fikr-mulohazalari asosida qo‘shilgan.

Shu bilan birga, to‘liq imkoniyatlardan foydalanish — jumladan, barcha videolarni...

BYD o‘zining 1000 ot kuchiga ega Fangchengbao subbrendi ostida ilk sedanini tayyorlamoqda. Bu haqda ITHome nashri xabar bermoqda.

Uch motor va qariyb 1000 ot kuchi

Ichki manbalarga ko‘ra, sedan uch motorli elektr tizimiga ega bo‘ladi. Umumiy quvvat qariyb 1000 ot kuchiga yetishi mumkin. Arxitektura flagman elektr sportkarlar sxemasiga yaqin. Ikki motor orqa o‘qda, biri old tomonda joylashadi.

Muhandislar texnik asos sifatida Denza Z modeliga tayangan bo‘lishi mumkin. Agar shunday bo‘lsa, tezlanish ko‘rsatkichlari yuqori darajadagi elektromobillar darajasida bo‘ladi. Bu esa modelni global premium segmentdagi raqobatchilar qatoriga olib chiqadi.

Shuningdek, avtomobil YunNian-M aqlli shassi boshqaruv tizimi bilan jihozlanishi kutilmoqda. Bu...

BYD kompaniyasi 25-fevral kuni yangi o‘rta o‘lchamli elektromobil BYD Song Ultra EV modelining salonini rasman namoyish qildi. CarNewsChina’ga ko‘ra, model keng imkoniyatlari bilan ajralib turadi.

Avtomobil «katta yotoq» rejimini qo‘llab-quvvatlaydi, bu esa sayohat va dam olish uchun qulaylik yaratadi. Salon dizayni soddaligi bilan e’tiborni tortadi. Old panel tekis chiziqli ko‘rinishda ishlangan.

Avtomobil to‘liq raqamli asboblar paneli va markazda ekran bilan jihozlangan. Ikki dona simsiz telefon zaryadlash joyi, ikkita stakan qo‘yish joyi hamda multimedia boshqaruv tugmasi mavjud.

Big bed mode funksiyasi 2840 mm g‘ildirak bazasi hisobiga yaratilgan. Old va orqa o‘rindiqlar bir-biriga ulanib, keng yotoq maydonini hosil qiladi.

Google Wear OS qurilmalari foydalanuvchilarini endi telefondan uzilgan hollarda ham zilzila haqida ogohlantiradi. Kompaniya eng so‘nggi Google Play Services yangilanishida ushbu imkoniyatni taqdim etdi.

O‘tgan yili Google Androidning zilziladan ogohlantirish tizimini Wear OS soatlariga joriy qilgan edi, ammo ilgari bu faqat telefondagi ogohlantirishni soatga takrorlash bilan cheklangan edi. Endilikda esa telefon soatdan uzoqda bo‘lsa ham, soat mustaqil ravishda zilzilalardan ogohlantiradi. Buning uchun soat alohida internet aloqasiga ega bo‘lishi lozim, ya’ni bu imkoniyat mobil ma’lumot ulanishi mavjud soatlar uchun amal qiladi.

Zilziladan ogohlantirish tizimi millionlab telefonlardan olingan sensor ma’lumotlarini yig‘ib, zilzila sodir bo‘lishini aniqlaydi. Telefon akselerometri titrashni sezsa, u...

General Motors (GM) 2024–2025-yillardagi Chevrolet Equinox elektromobillari uchun rasmiy servis yangilanishini e’lon qildi. Bu haqda GMAutority xabar bermoqda.

Muammo old oyoq joylariga suv sizishi bilan bog‘liq edi. So‘nggi oylarda egalari salonda suv tovushi va nam gilamdan shikoyat qilgan. Endi kompaniya dilerlarga aniq ko‘rsatma berdi.

Muammo ikki sababga bog‘liq bo‘lishi mumkin. Birinchisi, HVAC tizimidagi drenaj trubkasi bulkheaddan ajralib ketishi. Ikkinchisi esa pol ostidagi korpus choklaridagi germetik qatlamda bo‘shliq paydo bo‘lishi.

Ta’mirlash jarayoni oddiy emas. Usta gilamni ko‘taradi va choklarni tekshiradi. Zarur bo‘lsa, choklar qayta germetik bilan yopiladi. Agar gilam nam bo‘lsa, u to‘liq quritiladi. Bu hid va mog‘or paydo bo‘lishining...

AQShning Texas shtatida joylashgan Scoggin Dickey Parts Center ustalari General Motors’ning (GM) 4,3 litrli LV3 V6 dvigatelini 1 403 ot kuchiga yetkazdi. Bu haqda GMAutority nashri xabar bermoqda.

Bu motor aslida GM tomonidan Silverado va Sierra pikaplariga o‘rnatilgan edi. Zavod sozlamasida u atigi 285 ot kuchi va 305 lb-ft moment berardi. Endi esa ko‘rsatkich 1 125 lb-ft darajagacha yetdi.

Loyiha Danny LVito deb nomlangan. Motorning ichki qismi to‘liq mustahkamlangan. Wiseco porshenlari va Molnar shatunlari o‘rnatilgan. O‘zgaruvchan gaz taqsimoti va silindr o‘chirish tizimi olib tashlangan. Maxsus tayyorlangan raspredval qo‘llangan.

Induksiya qismida ikkita HPT 6262 turbo ishlatilgan. Ular V8’ning L8T kollektorlariga...

Mazda yangi avlod Mazda MX-5 avtomobili ustida ishlamoqda. Bu haqda Carcoops nashri ma’lum qildi. Manbaga ko‘ra, model to‘liq elektromobilga aylantirilmaydi.

Yevropadagi kompaniya rahbarlari ma’lum qilishicha, keyingi MX-5 ma’lum darajada elektrlashtiriladi. Eng kamida mild-hybrid tizimi qo‘llaniladi. Ammo yakuniy qaror hali qabul qilinmagan.

Mazda dizayn direktori Jo Stenuitning aytishicha, MX-5’ning asosiy qadriyatlari o‘zgarmaydi. Model yengil vaznli, arzon va haydashdan zavqli bo‘lishi kerak. Bu xususiyatlar kuch agregatiga bevosita bog‘liq.

Kompaniya turli variantlarni ko‘rib chiqmoqda. Oddiy mild-hybrid, plug-in gibrid yoki range-extender arxitekturasi ehtimoldan xoli emas. Ayrim ssenariylarda avtomobil tomi ochiq holda deyarli shovqinsiz harakatlanishi mumkin. Bu esa chuqurroq elektrlashtirishni anglatadi.

Shu bilan birga...

Vengriyadagi Budapesht universiteti olimlari mushuklarning insonlarga emotsional bog‘liqligi haqida qiziqarli tadqiqot o‘tkazdi. Tadqiqot xulosalari haqida The Independent nashri ma’lum qilgan, deya xabar berdi Afisha Daily.

Tajriba davomida 15 ta terapevtik mushuk va 13 ta oddiy uy mushugi ishtirok etgan. Terapevtik mushuklar ataylab tanlangan — ular turli joylarga borishga o‘rgangan bo‘lgani sababli, notanish muhitdagi stress natijalarga ta’sir qilmasligi kerak edi. Mushuklar alohida xonaga joylashtirilib, ularning egasi va begona odamga nisbatan reaksiyasi kuzatilgan.

Natijalarga ko‘ra, terapevtik mushuklar egasi va notanish kishiga deyarli bir xil darajada do‘stona munosabat bildirgan. Oddiy uy mushuklari esa na egasiga, na begona odamga sezilarli darajada alohida reaksiya...

O‘zbekistondagi nufuzli banklardan birining Amaliyot boshqarmasi boshlig‘i o‘rinbosari lavozimida ishlovchi mansabdor pora olayotganda ushlandi. Bu haqda DXX matbuot xizmati ma’lum qildi.

Unga ko‘ra, mansabdor xodim Toshkent viloyatida qurilish materiallari ishlab chiqaruvchi MChJda viloyat Soliq boshqarmasi tomonidan o‘tkazilgan audit natijasida aniqlangan salkam 73 mlrd so‘mlik soliq va boshqa majburiy to‘lovlarni o‘z tanishlari orqali bekor qilib berish evaziga $110 ming talab qilgan.

Davlat xavfsizlik xizmati, Iqtisodiy jinoyatlarga qarshi kurashish departamenti va Ichki ishlar organlari hamkorligida o‘tkazilgan tezkor tadbirda bank mansabdori kelishilgan pul mablag‘idan $30 mingini oldindan olayotgan vaqtida ashyo dalillar bilan ushlangan.

Holat bo‘yicha unga nisbatan Jinoyat kodeksining 168-moddasi 4-qismi...