Yangiliklar

Markaziy bankning nazorat qo‘mitasi tomonidan joriy yil sentabr oyi yig‘ilishlari davomida 21 masala yuzasidan tegishli qarorlar qabul qilinib, ikki bankka nisbatan jarima qo‘llanildi. Bu haqda Markaziy bank axborot xizmati xabar berdi.

Shuningdek, barcha tijorat banklari Kredit axborotining davlat reyestriga kredit axboroti to‘g‘risidagi ma’lumotlarni kechikib yoki noto‘g‘ri taqdim qilganligi sababli chora va sanksiyalar qo‘llanilishi to‘g‘risida ogohlantirildi.

Bundan tashqari, ogohlantirishlarga qaramasdan «Maroqand» AJ tomonidan taqiqlangan xizmatlar (qimor o‘yinlar) uchun to‘lovlarni amalga oshirishga yo‘l qo‘yib kelganligi sababli to‘lovlar bilan bog‘liq xizmatlari olti oyga cheklandi. Markaziy bank ma’lumotlariga ko‘ra, tashkilot Upay va Humans Pay tovar belgilariga ega. «Maroqand» asoschisi – Humans Companies. 

2-oktabrdan boshlab O‘zbekiston aviakompaniyalariga Iroq havo hududidan foydalanish taqiqlandi. Bu haqda Kursiv’ga Uzbekistan Airways matbuot xizmati xabar berdi.

Xuddi shunday taqiq Eronning g‘arbiy qismiga ham tegishli.

Eslatib o‘tamiz, 1-oktabr kuni Eron Isroilga raketa hujumi uyushtirgan edi. Dastlabki hisob-kitoblarga ko‘ra, eronliklar 180 ta raketa uchirgan.

Yaqin Sharqda sodir bo‘lgan voqealar fonida ba’zi xalqaro aviatashuvchilar reyslarni qayta yo‘naltirishga yoki ularni to‘xtatishga qaror qilishdi.

Avvalroq Kursiv Uzbekistan nashri Flynas va Qeshm Air xorijiy aviakompaniyalari Yaqin Sharqdagi vaziyat tufayli O‘zbekistonga parvozlarini bekor qilgani haqida yozgan edi.

O‘zbekiston prezidenti yordamchisi Saida Mirziyoyeva bugun Toshkentda bo‘lib o‘tgan Kreativ iqtisodiyot bo‘yicha xalqaro konferensiyada ishtirok etdi. Bu haqda u o‘zining Telegram sahifasida ma’lum qildi.

«Bugun Toshkent shahrida ijod va innovatsiya kuchiga ishongan har bir inson uchun muhim voqea — Kreativ iqtisodiyot bo‘yicha IV Butunjahon konferensiyasi boshlandi. 80 dan ortiq mamlakatdan 2000 dan ziyod ishtirokchi kreativ sohalar kelajagini muhokama qilish, tajriba almashish va hamkorlik bo‘yicha yangi imkoniyatlar yaratish uchun bir joyga jam bo‘ldi», — deydi Mirziyoyeva.

Eslatib o‘tamiz, avvalroq Saida Mirziyoyeva Komil Allamjonov bilan uchrashgani haqida yozgan edik.

Shavkat Umurzoqov O‘zbekiston shaxmat federatsiyasi Toshkent shahar bo‘limi raisi etib tayinlandi. Uning nomzodi Toshkent shahar sport boshqarmasi, sport maktablari vakillari va murabbiylar ishtirokidagi yig‘ilishda ma’qullandi.

Yig‘ilish davomida, shuningdek, shahar bo‘limining yangi rahbariyati, jumladan, rais o‘rinbosarlari, ijrochi direktor va kotib saylandi.

Shavkat Umurzoqov bunga qadar 2018 – 2023-yillarda UzAutoMotors kompaniyasi boshqaruv raisi, 2024-yildan esa Toshkent shahar hokimi sifatida faoliyat olib bormoqda.

Eslatib o‘tamiz, avvalroq Komil Allamjonov Prezident administratsiyasidagi lavozimidan ozod etilgan edi.

Xokkey boʻyicha Oʻzbekiston milliy terma jamoasi ilk bor 2025-yil Armanistonda boʻlib oʻtadigan jahon chempionatida ishtirok etadi. Bu haqda Oʻzbekiston xokkey federatsiyasi ma’lum qildi.

O‘zbekistonlik xokkeychilar to‘rtinchi diviziondagi raqiblari bilan kuch sinashadi. Unga Armaniston, Eron, Kuvayt, Malayziya va Indoneziya terma jamoalari kiradi.

Kelasi yilda o‘zbekistonlik o‘smirlar ham Tailand mezbonlik qiladigan jahon musobaqalarida debyut qiladilar.

Yosh xokkeychilar Bosniya va Gersegovina, Turkmaniston, Tailand, JAR va Lyuksemburgga qarshi bahs olib boradi.

Avvalroq Kursiv Uzbekistan nashri O‘zbekiston Respublikasida xokkey klublari va tashkilotlaridan olinadigan daromad solig‘i stavkasi 50 foizga kamaytirilishi haqida yozgan edi.

PayPal, Alipay, UniPay, Apple Pay va Google Pay elektron to‘lov tizimlari O‘zbekistonda ishga tushish arafasida. Bu haqdagi prezident qarori Lex.uz portalida e’lon qilindi.

2024-yil oxirigacha Markaziy bank Raqamli texnologiyalar hamda Ekologiya vazirligi huzuridagi Turizm qo‘mitasi bilan birgalikda xalqaro kompaniyalar bilan ishga tushirish bo‘yicha muzokaralar olib boradi.

Bu mamlakatga sayyohlar oqimining oshishiga zamin yaratishi ko‘zda tutilgan. Bundan tashqari, Transport vazirligi va Turizm qo‘mitasi mamlakatimiz aeroportlari va temir yo‘l vokzallarida mahalliy va xorijiy avtomobillarni ijaraga beruvchi kompaniyalar Hertz, Avis, Sixt kabi faoliyati uchun shart-sharoit yaratishi qayd etilgan.

Avvalroq Kursiv Uzbekistan Samsung rahbari Apple dizaynini plagiat qilgani uchun mobil bo’limidan norozi bo‘lgani...

2-oktabr kuni ikki aviakompaniya Yaqin Sharqdagi keskin vaziyat tufayli Eron havo hududi yopilganligi sababli Oʻzbekistonga parvozlarni to‘xtatdi. Bu haqda Uzbekistan airports matbuot xizmati xabar berdi.

Unga koʻra, Flynas kompaniyasi Jidda — Toshkent — Jidda va Jidda – Namangan – Jidda yoʻnalishlari boʻyicha ikkita reysni toʻxtatdi. Qeshm Air aviakompaniyasi Tehron — Toshkent — Tehron yoʻnalishi boʻyicha parvozni bekor qildi.

Avvalroq Kursiv Uzbekistan UzAirways Isroil va Oʻzbekiston oʻrtasidagi parvozlar jadvaliga oʻzgartirish kiritmagani haqida yozgan edi.

2-oktabr kuni Oʻzbekiston Respublika valyuta birjasida dollarning rasmiy narxi 17,95 soʻmga oʻsdi va 12 757,94 soʻmni tashkil qildi.

Mamlakatdagi banklar AQSh dollarini 12680–12720 soʻmdagi oraliqda sotib olayotgan boʻlsa, 12750–12800 soʻmdan oraligʻida sotmoqda.

Eslatib oʻtamiz, 30-oktabr kuni dollar kursi 25 soʻmga qimmatlashgan edi.

Endilikda «Poytaxt bank» tomonidan ham Oʻzbekiston fuqarolariga ipoteka kreditlari ajratish yoʻlga qoʻyiladi. Iqtisodiyot va moliya vazirligi hamda bank oʻrtasida hamkorlik memorandumi imzolandi.

Hujjatga ko‘ra, tomonlar aholining turmush darajasini izchil oshirish, ipoteka krediti mexanizmlaridan foydalanish amaliyotini yanada takomillashtirish va kengaytirish bo‘yicha kelishishdi.

Bundan tashqari, ipoteka bozorini resurslar bilan ta’minlash maqsadida Iqtisodiyot va moliya vazirligi tomonidan davlat byudjetidan mablagʻ jalb qilish toʻgʻrisida ham kelishib oldilar.

Qayd etilishicha, joriy yilning 1-sentabr hisob-kitob natijalariga ko‘ra, «Poytaxt bank» kredit portfeli 212 mlrd so‘mni tashkil etmoqda. Ushbu ko‘rsatkich o‘tgan yilning mos davrida 82 mlrd so‘mni tashkil qilgan. Joriy yilda bankning kredit portfoliosi o‘tgan...

1-oktabr kuni Eron Isroilga qarshi raketa hujumi uyushtirdi, bu esa Yaqin Sharqda vaziyatning keskinlashuviga olib keldi. «Kursiv» Oʻzbekiston aviakompaniyalari ushbu vaziyatda nimani rejalashtirayotganiga qiziqib koʻrdi.

Air Samarkand aviakompaniyasi Eron havo hududining yopilishi munosabati bilan Oʻzbekiston shaharlaridan Jiddaga parvozlar yoʻnalishlarini zudlik bilan qayta tashkil etishini maʼlum qildi.

Aviakompaniya BAA, Bahrayn va Saudiya Arabistoni orqali oʻtadigan muqobil yoʻnalishlarni ishga tushirish ustida ishlamoqda. Kompaniyaga bogʻliq boʻlmagan sabablarga koʻra, Jidda, Termiz va Samarqand oʻrtasida kechikishlar kutilmoqda.

Qanot Sharq esa siyosiy vaziyat va ehtimoliy xavflarni hisobga olgan holda ish olib borishini maʼlum qildi. Aviakompaniya matbuot xizmati yoʻnalishlar oʻzgargan taqdirda yoʻlovchilarni xabardor qilishini taʼkidladi.

Kursiv Uzbekistan...

Besh nafar shaxmatchimiz shaxmat bo‘yicha dunyoning yangi reytingidan o‘rin oldi. Reyting Xalqaro shaxmat federatsiyasi veb-saytida ma’lum qilindi.

Unga ko‘ra, reytingda eng yuqori o‘rinda joylashgan shaxmatchi Nodirbek Abdusattorov bo‘ldi: 6-o‘rin.

Shuningdek, 43-o‘rinda Rustam Qosimjonov, 56-o‘rinda Javohir Sindarov, 57-o‘rinda Shamsiddin Vohidov hamda 75-o‘rinda Nodirbek Yakubboyev ham reytingda qayd etilgan.

Eslatib o‘tamiz, avvalroq Nodirbek Abdusattorov Ozarbayjonda boʻlib oʻtgan Xotira turnirida ikkinchi oʻrinni egallagan edi.

Yandex Go xizmati rebrending qildi. Bu haqda kompaniya Kursiv Uzbekistanʼga ma’lim qildi.

«Yangilanish ilovaning turli kundalik vazifalarni osonroq hal qilishga yordam beradigan barcha odatiy va yangi imkoniyatlarini aks ettiradi. Yandex Go’ning maqsadi – insonlarning kundalik hayotini yengilroq qilish», – deyiladi xabarda.

Xizmat allaqachon vizual uslubini, logotipini, veb-saytning bosh sahifasini yangilashni, shuningdek, taksi avtomobillarida brendingni oʻzgartirishni boshladi. Yandex Go’ning xususiy belgi-ikonkasi ham oʻzgardi, endilikda sariq fondagi Go yozuvli qora harflarda aks etadi.

Avvalroq Kursiv Uzbekistan Yandex taksida qancha pul topish mumkinligi haqida maqola tayyorlagan edi.

«Inklyuziv ijodkorlik: o‘zgargan voqelik» mavzusida to‘rtinchi jahon kreativ iqtisodiyot konferensiyasi boshlandi. Bu haqda Kursiv Uzbekistan muxbiri xabar berdi.

2024-yilgi konferensiyada texnologiyaning jadal rivojlanishidan kelib chiqadigan ijtimoiy va iqtisodiy muammolar o‘rganiladi.

Xususan, sun’iy intellektning joriy etilishida intellektual mulk huquqlari qanday belgilanishi va ijodiy odob-axloq qay tarzda o‘zgarayotganining muhokamasi bo‘lib o‘tadi.

Qayd etilishicha, sun’iy idrok 2025-yilga kelib 85 milliondan ortiq ish o‘rinlarining o‘rnini egallashi mumkin, bu esa ko‘plab ijodiy kasblarga ta’sir etmay qo‘ymaydi. 

Ushbu konferensiya davomida O‘zbekistonda 2030-yilgacha kreativ iqtisodiyotni rivojlantirish konsepsiyasining loyihalari va 2025-2026 yillarda uning amalga oshirilishi bo‘yicha davlat dasturi ishlab chiqiladi.

Eslatib o‘tamiz, Butunjahon kreativ iqtisodiyot konferensiyasi yetakchi jahonshumul minbariga...

«Toshkent» respublika fond birjasi (RFB) «Matbuot tarqatuvchi»dan tashqari yana 15 ta AJ ni katirovkalash varaqa ro‘yxatidan chiqardi. Bu haqda RFB axborot xizmati xabar berdi.

Qayd etilishicha, asosiy sabab sifatida qimmatli qog‘ozlarni birja kotirovkalash varag‘ida turish tartib-qoidalarini bajarmaganligi ko‘rsatilgan. Ammo RFB xabarida aynan qanday qoidalar buzilganligi aniq aytilmagan.

Nizom qoidalariga ko‘ra, agar emitent tomonidan so‘nggi 12 kalendar oy davomida ma’lumotni ochish talablari bo‘yicha o‘n va undan ortiq qoida buzilishlar sodir etilsa, bunday holat ma’lumotni ochish talablarining tizimli buzilishi sifatida tan olinadi.

Shuningdek, litsenziya komissiyasiga emitentning ushbu qimmatli qog‘ozlarini delisting qilish masalasi ko‘rib chiqiladi.

Ma’lumot uchun, «Matbuot tarqatuvchi...

Toshkent shahrida 2,2 mlrd so‘mlik yaroqlilik muddati o‘tgan dori vositalarini muomalaga kiritilishining oldi olindi. Bu haqda Iqtisodiy jinoyatlarga qarshi kurash departamenti axborot xizmati xabar berdi.

Qayd etilishicha, A.Ph. xususiy korxonasi mas’ul shaxslari hamda va boshqalar noturar binoda yaroqlilik muddati o‘tgan dori vositalarini o‘tkazish maqsadida saqlab kelayotganliklari aniqlangan.

Tadbir davomida mazkur dori vositalari ashyoviy dalil sifatida olingan. Holat yuzasidan Jinoyat kodeksining 186-3-moddasi (sifatsiz, yaroqsiz dori vositalari yoxud tibbiy buyumlarni saqlash, tayyorlash, tashish va o‘tkazish) bilan jinoyat ishi qo‘zg‘atilgan.

Avvalroq Kursiv Uzbekistan Toshkent viloyati Ohangaron tumanida noqonuniy dori sotgan shaxslarni qo‘lga olingani haqida xabar...

Turkiya prezidenti Rajab Toyyib Erdo‘g‘on Turkiya buyuk millat majlisidagi nutqida Livandan keyin Isroilning navbatdagi nishoni Turkiya bo‘lishi mumkinligini aytdi. Bu haqda Report Az xabar berdi.

Erdo‘g‘onning so‘zlariga ko‘ra, Yaqin Sharqda mojaroning yanada kuchayishiga yo‘l qo‘ymaslik zarur. U Isroilning Livanga hujumlari dahshatli oqibatlarga olib kelishi mumkinligini aytib, barchani ogohlikka chaqirdi.

Eslatib o‘tamiz, avvalroq Eron Isroilga qanotli va ballistik raketalar bilan hujum qilgani haqida yozgan edik.

Oʻzbekistonning Air Samarkand, My Freighter va Qanot aviakompaniyalari Sharq Janubiy Koreyaga muntazam reyslarni yoʻlga qoʻyadi. Bu haqda Transport vazirligi matbuot xizmati xabar berdi.

Ma’lum qilinishicha, vazirlik delegatsiyasi Seulda Koreya aviatsiya ma’muriyati vakillari bilan muzokaralar oʻtkazdi. Uchrashuvda ikki davlat aviatsiya kompaniyalari oʻrtasidagi hamkorlik va parvozlar sonini oshirish masalalari muhokama qilindi.

Tomonlar mamlakatlar oʻrtasida parvoz qilish huquqiga ega boʻlgan kompaniyalar soni boʻyicha cheklovlarni bekor qilish, ularga parvozlar uchun tegishli huquqlar koʻrib chiqdi. Shuningdek, bu parvozlar chastotasini oshirish va ularning geografiyasini kengaytirish muhokama qilindi.

Avvalroq Kursiv Uzbekistan UzAirways ikki turdagi yangi Airbus samolyotlarini lizing asosida olishi haqida xabar bergan edi.

O‘zbekiston va Eron o‘zaro savdo hajmi oshib borayotganini qayd etib, biznes-forum o‘tkazishga hozirlik ko‘rmoqda. Bu masalalarni O‘zbekiston bosh vaziri Abdulla Aripov Eron birinchi vitse-prezidenti Muhammad Rizo Oref bilan muhokama qildi. Bu haqda hukumat matbuot xizmati xabar berdi.

Uchrashuv davomida rasmiylar ko‘p qirrali hamkorlikni yanada mustahkamlash borasida salmoqli ishlar amalga oshirilayotganligi ta’kidlandi.

Qayd etilishicha, o‘tgan yilning o‘zida ikki mamlakat o‘rtasida savdo yarim milliard dollardan oshgan. Bundan tashqari, qo‘shma korxonalar soni 51 taga ko‘paygan.

Shuningdek, uchrashuv davomida hukumatlararo qo‘shma komissiyaning navbatdagi yig‘ilishi va uning doirasidagi biznes-forumga puxta tayyorgarlik ko‘rish, davlatlarimiz o‘rtasida turli sohalarda sanoat kooperatsiya loyihalarini amalga oshirish masalalariga e’tibor qaratildi.

Isroildagi Oʻzbekiston elchixonasi ushbu mamlakatda boʻlib turgan oʻzbekistonliklarni ogohlantirdi.

Oʻzbekiston elchixonasi oʻzbekistonliklardan raketa hujumlari paytida tezlik bilan bomba boshpanalariga kirish, mamlakat front orti qoʻmondonligi bildirishnomalari va ogohlantirishlariga amal qilishni tavsiya qilmoqda. Shuningdek, agar shoshilinch yordam yoki maslahat kerak boʻlsa, Oʻzbekistonning Isroildagi elchixonasiga murojaat qilish soʻraldi.

Favqulodda yordam telefonlari: 03-672-2466, 03-672-2371, 03-758-5075 03-758-5076.

Favqulodda va shoshilinch xabarlar uchun: 054 485 1397. Elektron pochta: il.uzembassy@mfa.uz.

Eslatib oʻtamiz, 1-oktabr kuni Eron Isroilga qanotli va ballistik raketalar bilan hujum qilgan.

Avvalroq Kursiv Uzbekistan Tel-Avivdan Toshkentga uchishi kerak boʻlgan samolyot kechiktirilgani haqida xabar bergan edi.

Ikki rossiyalik konkida uchuvchi Denis Ayrapetyan va Daniil Yeybog O‘zbekiston terma jamoasini himoya qilish niyatida, deb xabar berdi TASS agentligi.

Rossiya konkida uchish ittifoqi sportchilarga ikki yil karantin e’lon qildi. Shu bilan birga, tuzilma ularning o‘tishini ma’qulladi.

Ayrapetyan avvalroq jahon chempionatida oltin, estafeta bo‘yicha Yevropa chempionatida kumush medalni qo‘lga kiritgan edi.

Yeybog 2020-yilda Yevropa chempionatining oltin medalini qo‘lga kiritdi.

Kursiv Uzbekistan rossiyalik konkida uchuvchi Danila Semerikov O‘zbekiston terma jamoasida o‘ynashini yozgan edi.

1-oktabr kuni soat 23:45 da Samarqand shahar Lolazor koʻchasida joylashgan Samarqand davlat arxitektura-qurilish instituti hududida qurilishi tugallanmagan faollar zalida yong‘in sodir bo‘ldi. Bu haqda viloyatning FVB bayonot berdi.

Unga ko‘ra, yong‘in sodir bo‘lgan joyga 6 ta yong‘in-qutqaruv ekipajlari soat 23:54 da yetib borgan. Soat 00:30 da yong‘in to‘liq bartaraf etilgan.

Yong‘in natijasida eski qurilish mahsulotlari yonib zararlangan. Hodisa oqibatida jabrlangan va halok boʻlganlar haqida ma’lumot kelib tushmadi.

Hozirda yong‘inning kelib chiqish sababini o‘rganish uchun tergovga qadar tekshirish ishlari olib borilmoqda.

Eslatib o‘tamiz, avvalroq Toshkent davlat agrar universitetidagi yong‘in haqida xabar bergan edik.

Amerikaning Boeing samolyotlari ishlab chiqaruvchisi qo‘shimcha mablag‘ jalb qilish uchun aksiyalarini sotmoqchi, deb xabar berdi Bloomberg agentligi.

Jurnalistlarning ma’lumotlariga ko‘ra, kompaniya umumiy qiymati $10 milliardlik qimmatli qog‘ozlarni sotishni rejalashtirmoqda. Shunday qilib, aviasoz ishchilarning keng ko‘lamli ish tashlashidan so‘ng pul zaxirasini to‘ldirishni istaydi.

Shu bilan birga, Boeing yaqin oy ichida bu choralarga qaror qilishi dargumon, kompaniya hali ham ushbu qadamni rejalashtirish bosqichida. Agar bu amalga oshsa, Saudi Aramco aksiyalarining iyun oyidagi $12,3 milliardlik sotuvidan keyingi eng yirik sotuvi bo‘ladi.

Boeing sentabr oyida boshlangan ishchilar ish tashlashidan keyin xavf ostida qolgan kredit reytingini saqlab qolish uchun moliyaviy zaxiralarni to‘ldirish kerak.

Xodimlarning...

Bugun, 2-oktabr kuni Farg‘ona vodiysida va Toshkent viloyatida kechga kelib yomg‘ir yog‘ishi ehtimoli bor. Boshqa viloyatlarda esa quruq va iliq havo kuzatiladi. Kunduzi havo 24-29 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkent shahrida ham kechga tomon qisqa muddatli yomg‘ir yog‘ishi mumkin. Kunduzi havo harorati 28-darajagacha ko‘tariladi, kechasi esa 10-15 daraja iliq bo‘ladi.

Tog‘li hududlarning ayrim joylarida yog‘ingarchilik kuzatiladi. Tepaliklarda esa qor yog‘ishi mumkin. Kunduzi havo 20-darajagacha isiydi, kechga kelib 6-11 daraja salqin bo‘ladi.

Uzbekistan Airways aviakompaniyasining Tel-Avivdan HY304 reysi 2-oktabr, chorshanbaga o‘tar kechasi kechiktirildi, deya xabar berdi aviatashuvchi.

Aviakompaniya parvozning kechiktirilishini Eronning Isroilga hujumi va javob choralarini kutish tufayli Yaqin Sharq havo hududining bir qismi yopilishi bilan izohladi.

Samolyot avval Samarqandga (soat 04:40 da), keyin Toshkentga (soat 6:35 da) qo‘nishi kerak edi.

Avvalroq Kursiv Uzbekistan Eron Isroilga qanotli va ballistik raketalar bilan hujum qilgani haqida yozgan edi.