Yangiliklar

Bugun, 11-dekabr kuni Markaziy bank (MB) asosiy stavkani o‘zgartirmay, 14 foiz darajasida saqlab qolish haqida qaror qabul qildi. Bu haqda regulyator matbuot xizmati ma’lum qildi.

Markaziy bank ma’lumotiga ko‘ra, 2025-yil noyabr oyida yillik umumiy inflyatsiya 7,5 foiz, bazaviy inflyatsiya esa 6,3 foizni tashkil etdi.

Regulyator inflyatsiya prognozlarini ham yangiladi. Yil yakuniga mo‘ljallangan prognoz 7,3 foizga pasaytirildi. 2026-yilda esa inflyatsiya 6,5 foiz atrofida bo‘lishi kutilmoqda. Iqtisodiyotda o‘sish sur’atlari yuqori bo‘lib, yil yakunida 7-7,5 foiz iqtisodiy o‘sish prognoz qilinmoqda.

Shu bilan birga, ba’zi xatarlar hamon saqlanib qolmoqda: oziq-ovqat taklifi, transport xarajatlari va tartibga solinadigan narxlar indeksatsiyasi inflyatsiyani oshirishi mumkin. Inflyatsiya pasayganiga qaramay...

12-dekabr uchun valyuta kurslari e’lon qilindi. Shu kun uchun AQSh valyutasi 12 047,45 so‘m (+26,55 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi.

2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil etdi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

Toshkentning Olmazor tumanida ikki nafar soliq inspeksiyasi bosh inspektori tadbirkordan pora talab qilgani uchun ushlandi. Bu haqda Davlat xavfsizlik xizmati xabar berdi.

Ular oilaviy korxonada tekshiruv o‘tkazib, go‘yoki kam soliq to‘langanini bahona qilgan va jarima qo‘llamaslik evaziga 10 mln so‘m so‘ragan.

Davlat xavfsizlik xizmati va Iqtisodiy jinoyatlarga qarshi kurashish departamenti o‘tkazgan tadbirda inspektorlar pulni olayotgan paytda qo‘lga tushdi.

Ular yuzasidan Jinoyat kodeksining 210-moddasi bilan ish qo‘zg‘atildi va qamoq ehtiyot chorasi qo‘llandi.

Avvalroq Toshkent, Qashqadaryo va Buxoroda yer savdosiga doir firibgarliklar fosh etilgandi. Unga ko‘ra, Toshkent viloyatining Ohangaron tumanida unitar korxona yuristi, ilgari sudlangan shaxs, xaridorga Nurafshon shahrida parrandachilikka...

Birlashgan Arab Amirliklarining Dubay shahrida o‘tayotgan boks bo‘yicha Jahon chempionatida O‘zbekiston terma jamoasining 9 nafar a’zosi yarim final bosqichiga chiqdi. Bu haqda O‘zbekiston boks federatsiyasi xabar bermoqda.

Chorak final bosqichining eng kutilmagan natijasi -92 kg vazn toifasida qayd etildi. Yosh bokschi To‘rabek Habibullayev kubalik afsonaviy sportchi, ikki karra Olimpiada va besh karra Jahon chempioni Xulio La Kruzga qarshi jang qildi va 4:1 hisobida g‘alaba qozondi.

Shuningdek, -51 kg vazndagi Olimpiada chempioni Hasanboy Do‘smatov tojikistonlik raqibini 5:0 hisobida mag‘lub etdi. Umumiy hisobda chorak finalda qatnashgan 11 nafar bokschidan 9 nafari muvaffaqiyatga erishdi.

Abdumalik Halokov (-60 kg), Fazliddin Erkinboyev (-75 kg...

Great Wall Motors kompaniyasi Xitoy bozorida Haval H9 Off-Road Edition versiyasini e’lon qildi. Yangi yo‘ltanlamasning narxi $36 ming tashkil etadi.

Model og‘ir yo‘l sharoitlari uchun maxsus ishlab chiqilgan. Tashqi ko‘rinishda H9’ning an’anaviy dizayni saqlangan bo‘lsa-da, yangi versiya yanada dag‘al va amaliy ko‘rinishga ega bo‘ldi. Yirik gorizontal panjaralar, yangilangan faralar, kengaygan o‘lchamlar va yaxshilangan off-road burchaklari uning qiyin hududlarga mosligini oshirgan.

Avtomobilning uzunligi 5070 mm, kengligi 1976 mm, balandligi 1960 mm, g‘ildirak bazasi esa 2850 mm. Klirens 235 mm ga yetkazilgan – bu avvalgidan 11 mm ko‘proq. Kirish burchagi 31 darajadan 33 darajaga, chiqish burchagi esa 26 darajaga oshirilgan.

Paragvay prezidenti Santyago Penya 11-dekabr kuni O‘zbekistonga rasmiy tashrif bilan yetib keldi. Uni «Toshkent-Humo» xalqaro aeroportida Bosh vazir o‘rinbosari Jamshid Qo‘chqorov va boshqa rasmiylar kutib oldi.

Toshkentda o‘tadigan yuqori darajadagi muzokaralarda O‘zbekiston va Paragvay o‘rtasidagi siyosiy, savdo-iqtisodiy, madaniy va gumanitar hamkorlik masalalari muhokama qilinadi.

Bundan tashqari, Paragvay bilan qishloq xo‘jaligi, oziq-ovqat va kimyo sanoati, raqamlashtirish, turizm va sport sohalarida amaliy hamkorlikni kuchaytirish rejalashtirilgan.

Prezident Penya, shuningdek, Xalqaro avtomobil federatsiyasi Bosh assambleyasi va uning doirasidagi mukofotlash marosimida ishtirok etadi.

Avvalroq Shavkat Mirziyoyev 11 – 12-dekabr kunlari Turkman xalqining milliy yetakchisi Gurbanguli Berdimuhamedovning taklifiga binoan Turkmanistonga amaliy tashrif bilan borishi xabar qilingandi.

Qoraqalpoq o‘tovi YUNESKOning Insoniyat nomoddiy madaniy merosining reprezentativ ro‘yxatiga kiritildi.

Qaror Hindiston poytaxtida bo‘lib o‘tayotgan YUNESKO qo‘mitasining 20-sessiyasida bir ovozdan qabul qilindi. Ushbu nominatsiya O‘zbekiston, Qozog‘iston va Qirg‘iziston tomonidan qo‘shma tarzda taqdim etilgan.

Qoraqalpoq o‘tovi («qora uy») o‘zining konstruksiyasi, naqshlari va xalqning turmush tarzini aks ettiruvchi ramzlari bilan qadrlanadi. So‘nggi yillarda O‘zbekiston va YUNESKO o‘rtasidagi hamkorlik kuchaygani natijasida mamlakatning ko‘plab nomoddiy meros elementlari ro‘yxatlarga kiritilmoqda.

Qoraqalpoq o‘tovining ro‘yxatga kiritilishi hunarmandlarni qo‘llab-quvvatlash, sayyohlikni rivojlantirish va an’anaviy bilimlarni avlodlarga yetkazishda yangi imkoniyatlar yaratadi.

Avvalroq qo‘biz yasash va ijro etish san’ati rasmiy ravishda YUNESKOning Nomoddiy madaniy meros ro‘yxatiga kiritilgandi...

Professional boksning super yengil vazn toifasida IBF kamari uchun sobiq da’vogar Shohjahon Ergashev 20-dekabr kuni Samarqandda navbatdagi jangini o‘tkazadi. Bu haqda Olamsport xabar bermoqda.

Family Park majmuasida tashkil etiladigan oqshomning asosiy to‘qnashuvida Ergashevga kongolik Mardoche Kuvesa Katombe raqiblik qiladi. Ma’lumotlarga ko‘ra, 33 yoshli Shohjahon Ergashev faoliyati davomida 27 ta jang o‘tkazib, shulardan 25 tasida g‘alaba qozongan va ikki bor mag‘lubiyatga uchragan. Uning 32 yoshli raqibi hisobida esa 17 g‘alaba va 8 ta mag‘lubiyat mavjud.

O‘zbekistonlik bokschi so‘nggi bor shu yilning fevral oyida Farg‘onada ringga chiqqan edi. O‘shanda u ugandalik Junju Poverni birinchi raunddayoq texnik nokaut evaziga mag‘lub etgan.

Avvalroq...

Chery kompaniyasi Xitoy bozorida yangilangan Arrizo 8 Pro modelini rasman namoyish qildi. Bu haqda «Kitayski avtomobili» nashri ma’lum qildi.

Asosiy o‘zgarish – 400T versiyasiga o‘rnatilgan 2,0 litrli yangilangan dvigatel. Uning quvvati avvalgi 254 ot kuchidan 261 ot kuchiga, aylanish momenti esa 390 Nm dan 400 Nm ga oshdi. Biroq uzatma o‘zgarishsiz qolgan: 7 pog‘onali 7DCT robot transmissiyasi saqlangan.

Modelning tashqi ko‘rinishi ham biroz yangilangan. Old qismdagi ayrim elementlar qayta ishlanib, sedan Arrizo 8 liniyasining umumiy uslubini saqlagan holda zamonaviyroq ko‘rinishga ega bo‘lgan.

Xitoyda Arrizo 8 Pro narxi 147 900 yuan, bu taxminan $20,7 ming atrofida. Chery’ning yangi modeli savdo...

O‘zbekistonlik avto­bloger «SNG Garage» Chevrolet Cobalt modelining yangi Midnight versiyasini ko‘rib chiqdi. Bu haqda Kursiv Media xabar bermoqda. Tashqi ko‘rinishdagi o‘zgarishlar asosan kichik bo‘lsa-da, dvigatel, transmissiya, tormoz tizimi va salon sezilarli darajada yangilangan.

Dvigatel va uzatma sezilarli yumshatilgan

Kapot ostida yana 1,5 litrli atmosferali motor, biroq bloger aytishicha, u endi ancha jim va tejamkor ishlaydi. ECU qayta sozlangan, Euro-5 standartiga moslab chiqilgan.

Transmissiya ham yangilanib, uzatishlar endi tezroq va muloyim almashadi. Mashinaning dinamika ko‘rsatkichlari o‘zgarmagan bo‘lsa-da, xarakteri tinchroq va o‘zini ishonchli tutadi. ABS tizimi qayta sozlangan va tormozlanish silliqroq bo‘lgan.

Salon

Salon Midnight versiyasida eng ko‘p...

Samsung’ning navbatdagi flagmanlari Galaxy S26, S26 Plus va S26 Ultra haqida yangi ma’lumotlar paydo bo‘ldi. Bu haqda Gizmochina nashri xabar berdi.

Ular kompaniyaning kelasi yilgi asosiy e’tibori smartfon emas, balki aksessuarlar ekotizimida bo‘lishini ko‘rsatmoqda.

Unga ko‘ra, Galaxy S26 seriyasi ilk bor Qi2 standartini to‘liq qo‘llab-quvvatlaydi. Eng diqqatga sazovor o‘zgarish — Galaxy S26 Ultra modelida simsiz zaryadlash quvvati 25 Vt ga oshirilishi. Bu S25 liniyasidagi 15 Vt ko‘rsatkichiga nisbatan jiddiy yangilanish hisoblanadi.

Samsung shu bilan birga aksessuarlar liniyasini ham yangilamoqda. Yangi avlod uchun Magnetic Clear, Magnetic Carbon, Magnetic Rugged va Magnetic Silicon kabi magnitli g‘iloflar ishlab chiqilmoqda. Shuningdek, kompaniya Qi...

Moskvada Ikkinchi G‘arbiy okrug harbiy sudi 33 yoshli O‘zbekiston fuqarosini 15 yilga umumiy tartibli koloniyaga hukm qildi. Bu haqda TASS xabar bermoqda.

Ayol Suriyada faoliyat yurituvchi «Katiba Tavhid val-Jihod» xalqaro terrorchilik guruhini moliyalashtirishga ko‘maklashishda ayblangan. Bu haqda sud matbuot xizmatiga tayanib TASS xabar bermoqda.

Sudlanuvchi Mahbubaxon O‘rinboyeva Rossiya Jinoyat kodeksining terrorchilik faoliyatini moliyalashtirishga ko‘maklashish moddalari bo‘yicha aybdor deb topilgan. Huquq-tartibot organlarining aniqlik kiritishicha, ayblanuvchi o‘z aybini tan olmagan.

Tergov ma’lumotlariga ko‘ra, O‘rinboyeva 2022-yil oktabr oyida Moskvada bo‘lgan vaqtida radikallar ko‘rsatmasi bilan o‘z bank kartasi rekvizitlari va mobil bank ilovasiga kirish huquqini taqdim etgan. Kartaga boshqa shaxsdan kelib tushgan...

Amerikaning Papa John’s pitsa tarmog‘i Qozog‘iston va Qirg‘izistonda to‘liq yopilmoqda. Kursiv Media dunyodagi uchinchi eng yirik pitsa tarmog‘i nima uchun Markaziy Osiyodan chiqib ketayotgani haqida ma’lumot berdi.

Restorator Daniyar Monolbayev o‘z ijtimoiy tarmoqlarida ma’lum qilishicha, uning kompaniyasi Papa John’s brendi bo‘yicha Qozog‘iston va Qirg‘izistondagi master-franchayzi sifatida faoliyatni tugatmoqda. Uning so‘zlariga ko‘ra, daromadning uzoq muddat kamayishi va xarajatlarning oshishi bunday qarorni qabul qilishga majbur qilgan.

«Mavjud barcha mablag‘lar eng muhim to‘lovlarga yo‘naltirildi: ish haqi, soliqlar, ijara majburiyatlari va qarzlarning bir qismini to‘lash. Qozog‘istonda ham aksariyat xodimlarga boshqa kompaniyalarda ishlashni davom ettirishga yordam berishga muvaffaq bo‘ldik...

O‘zbekiston milliy terma jamoasi bosh murabbiyi Fabio Kannavaro Deportes RCN nashriga bergan intervyusida mahalliy chempionatda intensivlik pastligini ta’kidladi.

Jahon chempionati qur’asi natijalariga ko‘ra, O‘zbekiston terma jamoasi Portugaliya, Kolumbiya va qit’alararo pley-off g‘olibi bilan bir guruhdan joy oldi. Kannavaro O‘zbekiston uchun bu tarixiy ilk mundial ekanini, biroq ichki chempionat saviyasi jahon darajasidagi raqobatga dosh berishda qiyinchilik tug‘dirishi mumkinligini tan oldi.

«Mahalliy chempionatimiz birinchi darajali hisoblanmaydi, shu sababli o‘yinlarda intensivlik yuqori emas. Biz bu jihatni sekin-asta yaxshilab borishimiz kerak», – dedi murabbiy.

52 yoshli mutaxassis guruhdagi raqiblar, xususan, Nestor Lorenso boshchiligidagi Kolumbiya terma jamoasiga yuqori baho...

«Samarqand avtomobil zavodi» MChJ QK (SamAuto) ustav kapitalidagi 75,2 foiz davlat ulushini xususiylashtirish jarayonlari yakuniga yetdi. Davlat aktivlarini boshqarish agentligi mazkur ulushni Turkiyaning Anadolu Group tarkibidagi Anadolu Isuzu kompaniyasiga sotish bo‘yicha kelishuvga erishgan edi.

Kelishuv shartlariga ko‘ra, investor davlat ulushi uchun $80 mln miqdorida to‘lovni amalga oshirishi, shuningdek, korxonani rivojlantirish maqsadida qo‘shimcha $80 mlnlik investitsiya kiritishi belgilangan. Bu investitsiyalar loyihaning texnik-iqtisodiy baholashidan kelib chiqqan holda amalga oshiriladi.

Bitimni amalga oshirish uchun Anadolu Isuzu Turkiya tartibga soluvchi organlaridan barcha zarur ruxsatlarni oldi. Joriy yilning 19-noyabr kuni oldi-sotdi shartnomasi imzolandi, 9-dekabr kuni esa $80 mlnlik to‘lov Davlat aktivlari agentligining Xususiylashtirish jamg‘armasiga...

Qirg‘iziston prezidenti Sadir Japarov tomonidan bolalarni zo‘rlash va bu jinoyatlar ortidan sodir etilgan qotilliklar uchun o‘lim jazosini qayta tiklash haqidagi taklif rad etildi. Sud 10-dekabr kuni masalani ko‘rib chiqib, bunday o‘zgarish asosiy qonunga zid ekanini ma’lum qildi.

Sudning ta’kidlashicha, Konstitutsiya inson huquqlari va erkinliklarini eng oliy qadriyat sifatida belgilaydi. Shuning uchun fundamental huquqlarni cheklovchi yoki ularning kafolatlarini pasaytiradigan har qanday tuzatishlar konstitutsion tizimga zarar yetkazishi mumkin.

Konstitutsiyaviy sud o‘lim jazosini taqiqlash nafaqat huquqiy norma, balki muhim axloqiy tamoyil ekanini qayd etdi. Shuningdek, Qirg‘iziston xalqaro shartnomalar bilan o‘z zimmasiga olgan majburiyatlardan ortga chekina olmasligi eslatib o‘tildi. Xususan, Vena konvensiyasiga ko‘ra...

Dongfeng Voyah brendi tomonidan 10-dekabr kuni Xitoyda yangi Voyah Passion L avtomobili taqdim etildi. Bu haqda CarNewsChina xabar bermoqda.

Modelning boshlang‘ich narxi $39 mingni tashkil etadi. Passion L 800V platformasi, kuchli gibrid tizimi, Huawei’ning Qiankun ADS 4.0 avtopilot texnologiyasi va 1 400 km umumiy masofasi bilan e’tiborni tortmoqda.

Sedan o‘rta-yirik sinfga mansub bo‘lib, uning o‘lchamlari 5125×1985×1522 mm, g‘ildirak bazasi 3010 mm, og‘irligi esa 2,37 tonnani tashkil etadi. Tashqi ko‘rinish oltita rangda taqdim etilgan. Korpusda alyuminiy shassi, old ikki tayanchli osma va orqa besh bog‘lamli mustaqil osma qo‘llanilgan. Havo yostiqli osma tizimi, balandligi sozlanadigan amortizatorlar va 10 darajali orqa g‘ildiraklarni...

Surxondaryoda chiqindilarni boshqarish xizmatlari sifatini yaxshilash maqsadida «Toza hudud» davlat muassasasiga 12 ta zamonaviy maxsus texnika topshirildi. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Ushbu texnikalar chiqindilarni to‘plash va olib chiqishga mo‘ljallangan bo‘lib, «SamAuto»da ishlab chiqarilgan va umumiy qiymati 2,2 mlrd so‘mni tashkil etadi.

Yangi texnikalar Yevropa standartlariga mos va uzoq yillar xizmat ko‘rsatishga mo‘ljallangan. Bu orqali hududda sanitariya xizmatlari qamrovi 74% dan 86% gacha oshishi kutilmoqda.

Avvalroq 2030-yilgacha maishiy chiqindi poligonlari 50 foizga qisqartirilishi haqida xabar berilgandi. Shu vaqtgacha 47 ta poligon rekultivatsiya qilinib, 243 gektar yer tabiatga qaytarildi. Prezident mutasaddilarga qolgan...

Xitoy sifat assotsiatsiyasi (CQA) 2025-yilgi gibrid va elektromobillar bo‘yicha yillik reytingni e’lon qildi. Bu haqda «Kitayskie avtomobili» nashri xabar bermoqda.

Umumiy qoniqish indeksi bozor bo‘yicha 100 balldan 80 ballni tashkil etdi. Bu o‘tgan yilga qaraganda 2 ballga yuqori. Eng katta ijobiy o‘sish infotizimlar segmentida qayd etilgan. Bu yo‘nalish bo‘yicha ko‘rsatkichlar bir yil ichida 16 ballga oshgan.

Shu bilan birga, nosozliklar soni ham ko‘paygan. Har 100 avtomobilga o‘rtacha 109 ta muammo to‘g‘ri kelmoqda, eng ko‘p shikoyatlar esa asboblar paneli va haydovchi yordamchi tizimlariga tegishli.

Reytingda yagona mutlaq yetakchi sifatida faqat bitta model ko‘rsatildi. Aito M9 gibrid krossoveri birinchi o‘rinni...

Donald Tramp rasmiy ravishda yangi immigratsiya dasturi – Trump Gold Card vizasini taqdim etdi. Bu haqda CNN xabar bermoqda.

Ushbu yo‘l orqali xorijliklar $1 mln to‘lab, yashash ruxsatini tez muddatda olishlari mumkin. Kompaniyalar esa chet ellik xodimni olib kelish uchun $2 mln to‘lab, homiy bo‘la oladi.

Tramp Oq uyda o‘tkazilgan davra suhbatida bu tashabbusni mamlakat uchun juda muhim qadam deb atadi. Yangi vizaga oid rasmiy sayt trumpcard.gov ishga tushirilib, dastur haqida batafsil ma’lumot joylashtirildi.

Saytga ko‘ra:

Coca-Cola kompaniyasi bosh operatsion direktori Henrik Braun 2026-yil 31-martdan boshlab kompaniyaning yangi bosh direktori bo‘lishi ma’lum qilindi. Bu haqda CNBC nashri xabar berdi.

U 2017-yildan beri kompaniyani boshqarib kelayotgan Jeyms Kuinsi o‘rnini egallaydi. Kuinsi esa Coca-Cola’ning direktorlar kengashi ijrochi raisi sifatida faoliyatini davom ettiradi.

Kompaniya ma’lumotlariga ko‘ra, Braunning vazifasi global bozorlar bo‘yicha yangi o‘sish yo‘nalishlarini aniqlash, iste’molchilar ehtiyojiga mos mahsulotlar yaratish hamda texnologiyalarni samarali qo‘llashga qaratiladi.

Braun va Kuinsi — kompaniyada faoliyat tarixi

Henrik Braun Coca-Cola tarkibiga 1996-yilda qo‘shilgan. U 2025-yil boshida bosh operatsion direktor lavozimiga tayinlangan edi.

Jeyms Kuinsi ham 1996-yilda kompaniyaga kirgan bo‘lib, 2017-yildan buyon bosh...

AQSh Federal zaxira tizimi asosiy foiz stavkasini yana 0,25 punktga tushirdi. Yangi ko‘rsatkich 3,5-3,75 foiz oralig‘ida belgilandi. Bu so‘nggi uch oy ichidagi ketma-ket uchinchi pasaytirish bo‘lib, umumiy hisobda stavka yil davomida 0,75 punktga kamaydi.

Tizim bu qarorni iqtisodiyotdagi sekinlashuv, ish o‘rinlari qisqarishi va inflyatsiya bosimi saqlanib turgani bilan izohladi. Shu bilan birga, Federal tizim 2026-yilda atigi bitta qo‘shimcha pasaytirish bo‘lishi mumkinligini bildirdi.

Federal zaxira tizimi stavkani pasaytirganidan keyin global aksiyalar bozorida ralli boshlandi, ammo uzoqqa bormadi. Oracle kompaniyasining kutilganidan past moliya natijalari texnologik aksiyalarga bosim o‘tkazdi va bozor kayfiyatini buzdi. Nasdaq 100 fyucherslari 1,6 foizgacha, S&P...

Shavkat Mirziyoyev 11 – 12-dekabr kunlari Turkman xalqining milliy yetakchisi Gurbanguli Berdimuhamedovning taklifiga binoan Turkmanistonga amaliy tashrif bilan boradi.

Tashrif doirasida Mirziyoyev Turkmanistonning doimiy betarafligi e’lon qilinganining 30 yilligi, Xalqaro betaraflik kuni va 2025-yilning «Xalqaro tinchlik va ishonch yili» deb e’lon qilinganiga bag‘ishlangan xalqaro forumda ishtirok etadi. Tadbir Ashxobodda bo‘lib o‘tadi va unda ko‘plab davlatlar hamda xalqaro tashkilotlar rahbarlari qatnashadi.

Shuningdek, Mirziyoyev forumning «Tinchlik va ishonch: barqaror kelajak yo‘lidagi maqsadlar mushtarakligi» mavzuidagi yalpi sessiyada nutq so‘zlaydi.

Avvalroq Istanbulda Eron, Xitoy, Qozog‘iston, O‘zbekiston, Turkmaniston va Turkiya Yevrosiyo tranzit koridorining janubiy yo‘li bo‘ylab temiryo‘l yuk tashishlarini kengaytirish bo‘yicha kelishuv imzolagandi...

Oliy ta’lim muassasalarida tahsil olayotgan talabalar uchun qishki ta’til davomida mahalliy yo‘nalishdagi poyezd qatnovlarida chegirmalar beriladi. Bu haqda «O‘ztemiryo‘lyo‘lovchi» AJ matbuot xizmati ma’lum qildi.

Unga ko‘ra, barcha mahalliy yo‘nalishdagi yo‘lovchi poyezdlarining to‘liq temir yo‘l hujjatlari narxidan 50% chegirma amalda bo‘ladi. Chegirma SV va VIP klass vagonlari hamda yuqori tezlikda harakatlanuvchi «Afrosiyob» elektropoyezdlarga tatbiq etilmaydi. Chegirma 2025-yil 18-dekabrdan 2026-yil 12-yanvargacha amal qiladi.

Talabalar chiptalarni elektron tarzda eticket.railway.uz sayti yoki Android va iOS ilovalari orqali xarid qilish mumkin.

Eslatib o‘tamiz, avvalroq Uzbekistan Airways talabalarga 50 foizlik chegirma e’lon qilgan edi.