Yangiliklar

Hindistonlik tadbirkor Gautam Adani yana Osiyoning eng boy odamlari ro‘yxatida birinchi o‘rinni egalladi, deb xabar berdi CNN. Bloomberg ma’lumotlariga ko’ra, uning boyligi 97,6 mlrd dollarga baholanib, uni yer yuzidagi eng boy odamlar orasida 12-o’ringa qo’ydi.

Oxirgi ikki kun ichida u o‘z kapitalini 13 mlrd dollardan ko‘proqqa oshirishga muvaffaq bo‘ldi va hamyurti Mukesh Ambani ortda qoldirdi, va osiyolik milliarderlar orasida Ambani ikkinchi o‘ringa tushdi.

Muhim sakrash AQShning Hindenburg Research firmasi Adanini «birjalarni manipulyatsiya qilish va buxgalteriya hisobidagi firibgarlikda» ayblaganidan deyarli 12-oy o’tgach sodir bo’ldi. Tekshiruvdan so’ng, bu da’volar tufayli Adanining boyligi keskin tushib ketdi.

Avvalroq, «Kursiv» Hindistonning Mumbay shahridagi...

Tesla’ning «Avtopilot» tizimidagi muammolari tufayli Xitoyda sotilgan deyarli barcha elektromobillarni qaytarib oldi, deb xabar berdi Bloomberg.

AQSH kompaniyasi 2014-yil avgustidan 2023-yil dekabriga qadar ishlab chiqarilgan 1,6 mlndan ortiq avtomobillarga proshivka o‘zgartirishlar kiritish niyatida.

Xitoy regulyatoriga ko‘ra, avtopilotdan ortiqcha foydalanish yo‘llarda ayanchli hodisalarga olib kelishi mumkin.

Bloomberg ta’kidlashicha, Tesla avtopiloti yuzlab to’qnashuvlardan so‘ng tekshirilmoqda, ularning ba’zilari olimga olib kelgan.

Avvalroq, «Kursiv» Tesla 2023-yilning to‘rtinchi choragida birinchi marta ishlab chiqarish hajmi bo‘yicha yetakchilikni Xitoyning BYD kompaniyasiga boy berganini yozgan edi.

O‘zbekiston Ichki ishlar vazirligi matbuot kotibi Shohrux G‘iyosov vazirlik sayti buzib kirilgani haqidagi xabarlarni rad etdi.

«Mazkur axborot haqiqatga to‘g‘ri kelmaydi»—deb yozdi o‘zining Telegram-kanalida.

G‘iyosov vazirlikning rasmiy portali gov.uz/iiv manzilida joylashganini ham ta’kidladi.

Bungacha ijtimoiy tarmoqlarda MSecurity.Pro xakerlari guruhi tomonidan boshqarmaning eski veb-sayti buzib kirilgani haqida ma’lumot tarqaldi. Toshkent vaqti bilan soat 14:40da iiv.uz manzilidagi portalga ulanishga harakat qilganda foydalanuvchi gov.uz/iiv saytiga yo‘naltiriladi.

Avvalroq, «Kursiv» Xitoydan kelgan xakerlar O‘zbekiston va Janubiy Koreyani nishonga olgani haqida yozgan edi.

Uzbekistan Airways aviakompaniyasi SITA Mission Watch meteorologik tizimini joriy qiladi.

Kompaniyaning ta’kidlashicha, yangi texnologiya yomon ob-havo bilan bog‘liq hodisalarning oldini olish orqali har yili 600 ming dollardan ortiq mablag’ni tejashga yordam beradi, shuningdek, yoqilg‘i sarfini 300 tonnaga kamaytiradi.

SITA Mission Watch talqin qilish va qaror qabul qilish osonlashtirish uchun muhim ob-havo hodisalari haqida ma’lumot joylashtirilgan grafik optimallashtirilgan formatda parvoz yo’nalishlari va tegishli hodisalarni tahlil qiladi.

Dastur aviakompaniyaga marshrutlarni rejalashtirish va parvozlarni bekor qilish holatlarini boshqarishga yordam beradi, shuningdek, parvozlarning xavfsiz va o’z vaqtida yetib borishini ta’minlash uchun o’zgarishlarga tezkor javob berishga imkon beradi.

Avvalroq, «Kursiv» Uzbekistan Airways aviakompaniyasi O‘zbekiston...

Shimoliy Koreya rahbari Kim Chen In qizi bilan taktik va strategik raketalar uchun mobil raketa uchirgichlar ishlab chiqaruvchi zavodga tashrif buyurdi, deya xabar bermoqda KMTA.

Tekshiruv chog‘ida Koreya Mehnat partiyasi Markaziy qo‘mitasi Bosh kotibiga korxona 2023-yilga mo‘ljallangan ishlab chiqarish planini ortig‘i bilan bajarganligi haqida ma’lumot berildi.

Kim Chen In «Xvason-17» qit’alararo raketalari va «Xvason-18» qattiq yonilg‘i raketalari uchun uchirish moslamalarini ishlab chiqarish muhimligini ta’kidladi.

KXDR rahbari zavod quvvatini oshirishni buyurdi va kelgusi yil rejalarini belgilab berdi.

Avvalroq, «Kursiv» KXDR tomonidan o‘qqa tutilgani sababli Janubiy Koreya hukumati Sariq dengizdagi Yonpxyondo orolidan fuqarolarni evakuatsiya qilayotgani haqida e’lon qilgan edi.

5-yanvar kuni O‘zbekiston valyuta birjasida dollarni qiymati 13,62 so‘mga ko‘tarildi va 12 355,16 so‘mni tashkil qildi. Mamlakatning Markaziy banki ham AQSh valyutasini shu darajada belgiladi.

Bugun Respublika tijorat banklari dollarni 12 280 – 12 350 so‘mdan xarid qilishmoqda va 12 355 – 12 415 so‘mdan sotishmoqda.

Eslatib o‘tamiz, dollarning qiymati o‘tgan ikki kun davomida pasayib kelayotgan edi. 3-yanvar kuni uning kursi 7,74 so‘mga, 4-yanvar kuni 3,58 so‘mga tushgan edi.

Oʻtgan yilning dekabr oyi boshida Oʻzbekistonda oilaviy korxonalar soni 46,1 mingtani tashkil etdi, bu 2022-yilga nisbatan 21,8%ga kam, deb xabar qildi Statistika agentligi.

Ularning aksariyati Samarqand viloyatida (8,1 ming), Farg‘ona va Xorazm viloyatlarida (5,1 ming va 5 ming) faoliyat yuritishmoqda.

Eslatib oʻtamiz, joriy yildan boshlab oilaviy tadbirkorlik subyektlariga besh nafargacha doimiy ishchi jalb qilishga ruxsat berildi. Bungacha ular uchta xodimni yollashlari mumkin edi.

O‘tgan yilning avgust oyida O‘zbekiston prezidenti Shavkat Mirziyoyev oilaviy tadbirkorlik subyektlari uchun kafilsiz kreditlar bo‘yicha limitni 33 mln so‘mdan 100 mln so‘mga oshirish to‘g‘risida buyruq bergan edi.

Avvalroq, «Kursiv» Rossiya oilaviy tadbirkorlikni qo‘llab-quvvatlashda O‘zbekistondan...

Joriy yilning 1-yanvaridan O‘zbekistonda 2026-yilgacha bo‘lgan strategik rivojlanish davlat dasturidan kelib chiqib, kasallik varaqasi onlayn tarzda beriladi.

Eslatib o‘tamiz, 2023-yilning 1-iyulidan boshlab Navoiy va Sirdaryo viloyatlarida vaqtincha mehnatga layoqatsizlik varaqalari test asosida onlayn tarzda berish joriy etilgan edi.

Toshkent va Samarqand viloyatlarida o‘tgan yilning 1-oktabridan, respublikaning boshqa hududlarida esa shu yil boshidan bu tashabbus joriy etilgan.

Avvalroq, prezident Shavkat Mirziyoyev raqamlashtirishdan bosh tortgan rahbar korrupsiyani yo‘q qilishga intilmasligini aytgan edi.

Qozog‘iston xorijliklar uchun turistik soliqni butunlay bekor qildi. Bu haqda Qozog‘iston Respublikasi Turizm va sport vazirligi matbuot xizmati xabar berdi.

O‘zgartirishlar 2024-yil 9-yanvardan kuchga kiradi. Ma’lumot uchun: avval, respublikada 0,2 dan 0,5 minimal hisoblash ko’rsatkichigacha (18,7 ming so‘mdan 46,8 ming so‘mgacha) qat’iy belgilangan stavka mavjud edi.

Ushbu turdagi to‘lov o‘tgan yilning boshida joriy qilingan – uning o‘lchami turistlar qoladigan mehmonxona xonasi narxiga bog‘liq edi.

AvvalIroq, Indoneziya hukumati bu yildan boshlab Baliga tashrif buyuruvchilar uchun turistik soliq joriy qilmoqchi ekani xabar qilingan edi. Uning hajmi 10 dollarni tashkil qiladi.

Jizzax viloyatida soxta aksiz markasi bilan 3,5 ming shishadan ortiq aroq sotilishiga chek qo‘yildi, deb xabar qildi Iqtisodiy jinoyatlarga qarshi kurashish departamenti.

Aroq GOLD, Portveyn, «Talaya», «Juravli» va «Chistaya vodka» kabi alkogol markalari ostida sotishga harakat qilingan. Huquq-tartibot idoralari xodimlari tomonidan 125 quti tamaki mahsulotlari ham olib qo‘yildi.

Aksiz markalarini qalbakilashtirish fakti bo‘yicha O‘zbekiston Jinoyat kodeksining 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilgan.

Avvalroq, «Kursiv» O‘zbekistonda aroq ishlab chiqarish kamaygani haqida yozgan edi.

Microsoft 30 yil ichida birinchi marta Windows 11 kompyuterlarida klaviatura tartibini o‘zgartiradi. Yangilangan klaviaturada Copilot sun’iy intellekt tugmachasi bo‘ladi.

SI tugmachasini funksiyalarini yoqish uchun Microsoft 365 Copilot vositasini ishlatadi. U turli xil dasturlarda, jumladan Word va Excel’da ishlatilishi mumkin.

Avvalroq, 2023-yilda yirik texnologiya kompaniyalari venchur fondlardan ko‘ra sun’iy intellektni rivojlantirishga ko‘proq qiziqish bildirgani xabar qilingan edi. Shunday qilib, Microsoft, Google va Amazon bozorga taxminan 17 mlrd dollar sarmoya kiritdi.

Toshkent qishloq xoʻjaligi mahsulotlari ulgurji bozori («Qoʻyliq») hududini rekonstruksiya qilish rejalashtirilmoqda, deb xabar qildi poytaxt hokimligi matbuot xizmati.

«Bozorga olib kelinayotgan mahsulotlar bozor hududiga sig‘may, atrofidagi hududlarda, shu jumladan Chirchiq kanali bo‘yida tartibsiz savdo amalga oshirilayotganligi hamda bozor hududiga kuniga 600 dan ortiq yuk mashinalari kirib-chiqishi avtomobil yo’llarining tirbandligiga asosiy sabab bo‘lmoqda va aholiga jiddiy noqulayliklar yaratmoqda» — deb tushuntirdi shahar hokimligi.

Rekonstruksiya jarayonida savdoni «Food City» va «Toshkent Index» savdo markazlari hududiga ko‘chirish taklif qilinmoqda. Bunda sotuvchilarning tovarlari va boshqa mol-mulkini tashish bilan bog‘liq xarajatlar qoplanadi. Shuningdek, tadbirkorlar savdo majmualaridagi do‘konlarni uch oyga ijara puli to‘lashdan ozod qilinadi.

Qo‘yliq...

Joriy yilning 20-yanvaridan O‘zbekistonda «Afrosiyob», «Nasaf», «O‘zbekiston» va «Sharq» poyezdlari uchun chiptalar narxi 20 foizga oshiriladi, deb xabar berdi «O‘zbekiston temir yo‘llari».

Xususan, «Toshkent – Buxoro – Toshkent» yoʻnalishi boʻyicha «Afrosiyob» ekonom klassidagi chiptalar narxi 336 ming soʻmgacha, biznes va VIP klassdagilar mos ravishda 462 ming va 636 ming soʻmgacha qimmatlashadi.

«Toshkent – Qarshi – Toshkent» yoʻnalishi boʻyicha chiptalar narxi 282 ming soʻm (ekonom-klass), 390 ming soʻm (biznes klass) va 534 ming soʻmni tashkil qiladi (VIP klass).

«Toshkent – Samarqand – Toshkent» yo‘nalishida ekonom-klass uchun chipta narxi 204 ming so‘mgacha, biznes-klass uchun – 276 ming so‘mgacha...

O‘zbekistonda 2023-yilning 11-oyi davomida avtomobil sotib olish uchun berilgan kreditlar hajmi 34,66 trln so‘mni tashkil etdi, bu 2022-yilga nisbatan 76,8%ga ko‘pdir, deb xabar beradi Markaziy bank. Biroq, Markaziy bank bunday kreditlarga nisbatan talablarni kuchaytirgach, kreditlash hajmining qisqarish tendentsiyasi kuzatildi.

O‘tgan yilning 11-oyi davomida bunday kreditlar bo‘yicha eng yirik shartnomalar may oyida (4,45 trln. so‘m) tuzilgan. Xuddi shu oyda regulyator avtokreditlar uchun risklarni o’lchashning yangi usulini taklif qildi. Tegishli oʻzgartirishlar loyihasi Qonun hujjatlari muhokamasi portalida e’lon qilindi. Markaziy bank bunday o‘zgarishlar sababini tushuntirdi: bank portfellarida avtokreditlarning konsentratsiyasi xavfning oshishiga olib keladi. Natijada hujjat 20-avgustdan kuchga kirdi.

2023-yil sentabr...

O‘zbekiston banklarida imtiyozli ta’lim krediti berilishi noma’lum muddatga to’xtatildi, deb xabar qildi Bankir Telegram kanali.

O‘zbekistonda 12 ta bank imtiyozli ta’lim kreditlari ajratmoqda. Telegram kanali ushbu banklarning barchasi bilan bog‘landi. Biroq, moliya muassasalaridan olingan ma’lumotlarga ko‘ra, hozirda ularning hech biri imtiyozli ta‘lim kreditlarini taqdim etmaydi. Ushbu xizmat qachon qayta tiklanishi ham noma‘lum.

Avvalroq, «Kursiv» ta’lim krediti qaysi tartib asosida beriladi, deb xabar bergan edi.

O‘zbekistonda 2023-yil yakuniga ko‘ra favqulodda vaziyatlar soni qariyb uchdan birga – 34%ga kamaydi, dedi FVV rahbari Furqat Abduqodirov.

Yil davomida 12 yong‘in-qutqaruv qismlari qurildi. Yana to‘rtta obyekt ta’mirlandi. Vazirlik 50’ga yaqin o‘t o‘chirish mashinasi va maxsus texnika xarid qildi.

Qutqaruvchilar 200dan ortiq sel toshqini mashqlarini o‘tkazishdi va 105 kilometrdan ortiqroq kanallar va ariqlar tozalashdi.

Avvalroq, «Kursiv» O‘zbekiston FVV rahbari o‘rinbosari Toshkent shahar Favqulodda vaziyatlar boshqarmasi boshlig‘i etib tayinlangani haqida e’lon qilgan edi.

Yanvar oyi boshida Yaponiyaning Noto yarim orolida sodir bo‘lgan qator zilzilalar kamida 84 kishining hayotiga zomin bo‘ldi. Odamlar soni yana oshishi mumkin, chunki 242 nafar mahalliy aholi hanuz bedarak yo‘qolganlar , deb yozadi Bloomberg.

Rasmiylar avvalroq, vayronalar ostida qolib ketgan insonlarni 72-soat ichida topish kerakligini, aks holda ularning tirik qolishi ehtimoli juda pasayadi, deb e’lon qilgan edi. Sinoptiklarning tabiiy ofat hududida yomg‘ir yog‘ishini prognoz qilishlari vaziyatni yanada og‘irlashtirmoqda. Ko‘chkilar yuzaga kelishi xavfi ortadi.

Payshanba kuni 80-yoshli ayol vayronalar ostidan qutqarib olindi. U uch kun davomida o‘zining vayron bo‘lgan uyi ostida qolgan edi.

Nomura tadqiqot instituti maʼlumotlariga koʻra, soʻnggi zilzilalardan...

2024-yilda jahon iqtisodiyoti 2,4%ga o‘sadi. Bu o‘tgan yilga nisbatan pastroq ko‘rsatkich. Bunday prognoz Birlashgan Millatlar Tashkiloti (BMT) tomonidan berilgan.

«Bizning hisobotimiz shuni ko‘rsatdiki, 2023-yilda global o’sish 2,7% tashkil qiladi. Ammo 2024-yil uchun prognozimiz 2,4%ga tushirildi», dedi BMTning Iqtisodiy va ijtimoiy masalalar departamentining iqtisodiy tahlil va siyosat bo‘limi direktori Shantanu Mukerji kechagi brifingda. TASS agentligi uning so‘zlaridan iqtibos keltirdi.

Mukerji aytishsicha, bu yil global inflyatsiya 2%ga tushadi. Biroq, tashkilot hali iqtisodiyotni xavfli zonadan olib chiqmagan, tanazzul xavfi saqlanib qolmoqda.

Avvalroq, «Kursiv» Xalqaro valyuta jamg‘armasining global iqtisodiy tendentsiyalar haqidagi hisoboti haqida xabar bergan edi. Tadqiqotchilarning fikriga ko‘ra, parchalanish tufayli...

Amerika parlamentida Xitoyning uyali aloqa va navigatsiya modullarini ishlab chiqaruvchi Quectel Wireless Solutions kompaniyasining kredit bozoriga kirishini cheklash taklifi bilan chiqdi. Bunga sabab – kompaniya o’zining mamlakatidagi qurolli kuchlari bilan mumkin bo’lgan aloqa, deb aniqladi Bloomberg.

Amerika Qo’shma Shtatlari Vakillar palatasi (shtat Kongressining quyi palatasi) komissiyalari rahbarlari tashabbus bilan chiqdi. Ular bu taklif bilan prezident Jo Bayden ma’muriyatiga murojaat qilishdi.

Parlament a’zolarining maktubida aytilishicha, Quectel «Mudofaa vazirligi tomonidan harbiy maqsadlar uchun tayinlangan ko‘plab Xitoy firmalarining asosiy yetkazib beruvchisi» deb hisoblanadi.

Quectel Wireless Solutions turli xil qurilmalar, jumladan, bankomatlar, xavfsizlik tizimlari va energiya hisoblagichlari uchun aloqa va navigatsiya modullarini ishlab...

«Islom davlati» (ID) terrorchilik guruhi 3-yanvar kuni Eronning Kirmon shahrida sodir bo‘lgan ikkita portlash uchun javobgarlikni o‘z zimmasiga oldi, deb yozadi Reuters.

Bu haqda ID o‘zining Telegram kanallarida xabar qoldirdi. Unda aytilishicha, guruhning ikki aʼzosi general Qosim Sulaymoniy qabriga toʻplangan olomon orasiga kirib borgan. Ular portlovchi kamarlarni ishga tushirishdi.

Sulaymoniy qabrida tadbir harbiy rahbar vafotining to‘rt yilligiga to‘g‘ri keldi. U Iroqda AQSH’ning uchuvchisiz samolyoti tomonidan o‘ldirilgan.

Amerika Qo’shma Shtatlari, o‘z navbatida, ID’ning portlashlarga aloqadorligi haqidagi da‘vosiga shubha qilmasligini aytdi.

Fojia oqibatida 84 kishi halok bo‘ldi. 284 kishi, jumladan, bolalar yaralangan.

Reuters qayd etishicha, 2022-yilda ID Erondagi shialar ziyoratgohiga uyushtirilgan...

2023-yilning to‘qqiz oyida kichik tadbirkorlik subyektlari tomonidan 6,4 mlrd so‘mlik rieltorlik xizmatlari ko‘rsatildi. Bu haqda Statistika agentligi xabar berdi.

2022-yilga nisbatan bu ko‘rsatkich atigi 5,4%ga oshgan. Shu bilan birga, o‘tgan yilning yanvar-sentabr oylari uchun inflyatsiya darajasi Markaziy bank ma’lumotlariga ko‘ra 9,2%ni tashkil etadi.

Avvalroq, «Kursiv» Toshkentda kvartiralar ijarasi 6%ga arzonlashgani haqida yozgan edi.

Shaharshunos Iskandar Soliyev poytaxtning Shota Rustaveli ko‘chasini rekonstruksiya qilish bo‘yicha tajriba loyihasining konseptual dizaynini namoyish qildi. Oʻzgartirishlarga koʻra, «Grand Mir» mehmonxonasidagi aylanma yoʻlni olib tashlash va uning oʻrniga X shaklidagi koʻchalar chorrahasini tashkil qilish rejalashtirilgan.

Soliyevning soʻzlariga koʻra, «Toshkent – Kam uglerodli avtotransportga investitsiyalar jalb etishni jadallashtirish (TAILEV)» jamoasi, Transport vazirligi va Birlashgan Millatlar Tashkiloti Taraqqiyot Dasturining O‘zbekistondagi Vakolatxonasi hamkorligida qilishmoqda. Soliyevning o’zi ham shu jamoadan.

«Bu konsept loyihada biz faqat yo’l qismida o’zgarishlarni ko’zda tutadigan rekosnstruksiya konsept-dizaynini ishlab chiqqanmiz»— deb yozdi shaharshunos.

Rekonstruksiyadan so‘ng avtobus yo‘laklari yo‘lning qolgan qismidan ajratiladi va eng chap yolakda harakatlanadi. Avtobus bekatlari...

«Toshkent – ​​Angren – Toshkent» yo‘nalishi bo‘yicha elektrichkalar harakati to‘xtatiladi. Bu haqda «O‘zbekiston temir yo‘llari» matbuot xizmati xabar berdi.

Ertaga, 5-yanvardan boshlab reyslar endi tashkil etilmaydi. Bu Toshkentdan Angrenga poyezdlar harakatlanadigan temir yo‘l uchastkasining modernizatsiya qilinishi bilan bog‘liq.

Reyslar qachon tiklanishi aytilmagan.

Oʻtgan yili Oʻzbekiston rahbari Shavkat Mirziyoyev saylovoldi tashviqoti chogʻida 2024-yildan boshlab poytaxtni Bekobod, Xoʻjikent va Angren bilan bogʻlaydigan 10 ta elektrichka qatnovi yoʻlga qoʻyilishini maʼlum qilgan edi.

Avvalroq, «Kursiv» 2024-yilda Xitoydan O‘zbekistonga temir yo‘l qurilishini boshlash rejalashtirilgan, deb e’lon qilgan edi.

7-yanvar, yakshanba kuni Toshkent, Samarqand, Sirdaryo va Jizzax viloyatlarida yomg‘ir yog‘ishi kutilmoqda, deb xabar berdi «O‘zgidromet».

Bu hududlarda shamol tezligi 15-20 m/s gacha kuchayishi mumkin. Havo harorati kechasi +2…+7°, kunduzi +7…+12° bo‘ladi.

Bundan tashqari, 8-yanvar kuni kechasi 0…+5° gacha, kunduzi +5…+10° gacha salqin bo‘lishi kutilmoqda.

Avvalroq, «Kursiv» Toshkent viloyatida 6-yanvar kuni kechasi +2…+7°, kunduzi +12…+17° iliq bo‘lishi kutilayotgani haqida yozgan edi.