Yangiliklar

Senatning 10-yalpi majlisida Oliy sud tarkibiga o‘zgartirishlar kiritildi. Bu haqda Yuqori palata matbuot xizmati xabar berdi.

Unga ko‘ra, Alisher Usmanov besh yil muddatga Oliy sud raisining birinchi o‘rinbosari – sudlov hay’ati raisi etib saylandi.

Shuningdek, Ikram Muslimov Oliy sudi raisining birinchi o‘rinbosari – sudlov hay’ati raisi lavozimidan, Nodira Xakimova esa Oliy sud sudyasi lavozimidan ozod etildi.

Bundan avval O‘zbekistonda Odil sudlov akademiyasi tashkil etish tartibi belgilangandi.

2025-yil 1-oktabrdan boshlab sudyalik lavozimlariga nomzodlar Akademiyaning olti oylik kasbiy qayta tayyorlash kurslarida davlat granti asosida o‘qitiladi. Kurslarga qabul qilingan shaxslar o‘qish davomida egallab turgan lavozimini saqlab qoladi hamda...

Bugun, 5-sentabr kuni soat 12:05 da Andijon viloyati Andijon tumanida joylashgan avtomobillarga suyultirilgan va siqilgan gaz to‘ldirish shoxobchasida yong‘in chiqqan. Bu haqda viloyat Favqulodda vaziyatlar boshqarmasiga xabar qilindi.

Unga ko‘ra, MAN rusumli yonilg‘i tashuvchi avtomobil sisternasidan propan suyultirilgan gazni to‘kish jarayonida texnologik qoidalar buzilgani oqibatida yong‘in kelib chiqqan.

Voqea joyiga yong‘in-qutqaruv bo‘linmalari soat 12:13 da yetib borgan. Yong‘in 12:26 da o‘rab olinib, 13:03 da to‘liq bartaraf etilgan. Hodisa oqibatida tan jarohati olganlar haqida ma’lumot yo‘q.

Avvalroq Kursiv Uzbekistan Sho‘rchi tumanidagi gaz quyish shoxobchasida yong‘in yuz bergani haqida yozgandi.

Toshkent viloyatida o‘tkazilgan reydlar davomida tabiiy gazdan noqonuniy foydalanish holatlari aniqlandi. Bu haqda Energetika vazirligi xabar berdi.

Xususan, Bo‘stonliq tumanidagi bir dala hovlisida loyiha hujjatlarisiz gazdan foydalanilgani aniqlanib, 3,04 mlrd so‘mlik zarar qayd etildi.

Shuningdek, Ohangaron tumanida fuqaro o‘z uyida gaz tarmog‘iga ruxsatsiz ulanib, novvoyxona tashkil etgani ma’lum bo‘ldi. Bu holatda 396 mln so‘mlik zarar hisoblandi.

Umumiy hisobda 3,4 mlrd so‘mlik zarar aniqlanib, hujjatlar huquqni muhofaza qiluvchi organlarga topshirildi.

Bundan avval Marg‘ilon va Nukus shahrida ham gazdan noqonuniy foydalanish holatlari aniqlangandi. Marg‘ilonda fuqaro ovqatlanish shoxobchasini tabiiy gaz tarmog‘iga o‘zboshimchalik bilan ulab, 117,9 mln so‘mlik zarar yetkazgan. Nukus shahrida...

O‘zbek tilida xizmat ko‘rsatmagan viza markaziga chora ko‘rildi. Bu haqda Raqobat qo‘mitasi xabar berdi.

Ma’lum qilinishicha, qashqadaryolik fuqaro VFS Global markazi xizmatlarida ovozli menyu, operatorlar va hujjatlarda davlat tili ishlatilmayotgani, barcha ish hujjatlari faqat rus va ingliz tillarida yuritilayotganidan norozi bo‘lgan.

Mazkur holat bo‘yicha qo‘mita kompaniyaga tegishli choralar ko‘rish hamda 10 kun ichida javob taqdim etish yuzasidan rasmiy murojaat yubordi.

Shuningdek, qo‘mita ushbu masalani nazoratga olib, iste’molchilarga davlat tilida to‘liq va tushunarli ma’lumot berilishini ta’minlash choralarini ko‘rayotganini ma’lum qildi.

Bundan avval Qoraqalpog‘iston Respublikasi, Andijon, Qashqadaryo, Navoiy, Sirdaryo va Surxondaryo viloyatlaridagi avtovokzal hamda avtostansiyalar nomlarini davlat tili qoidalari va...

Ijtimoiy tarmoqlarda ilondan sho‘rva tayyorlanayotgani aks etgan video tarqaldi. Ushbu holat Farg‘ona viloyati Ekologiya, atrof-muhitni muhofaza qilish va iqlim o‘zgarishi boshqarmasi ekologik nazorat inspeksiyasi hamda 1-mintaqaviy PPX xodimlari tomonidan o‘rganildi.

Unga ko‘ra, viloyatning Oltiariq va Buvayda tumanlarida bir fuqaro tipratikan va ilonni noqonuniy saqlab, sho‘rva tayyorlab sotayotgani aniqlangan.

Ekologiya vazirligi mazkur holat bo‘yicha hujjatlar rasmiylashtirilib, sud organlariga yuborilganini ma’lum qildi.

Bundan avval Yangiyo‘lda chumchuq go‘shtidan shashlik tayyorlagan choyxona rahbari jarimaga tortilgandi. Tekshiruv davomida choyxonada chumchuq go‘shtidan shashlik pishirilayotgani aniqlanmagan. Davlat inspektorlari choyxona rahbaridan izoh so‘raganida, u videolavhaning ilgari — mijozlarni jalb qilish maqsadida tasvirga olinganini bildirgan. Uning so‘zlariga...

8-sentabr kuni uchun dollar kursi 12 520,78 so‘m (+83,63 so‘m) etib belgilandi. Bu haqda Markaziy bank xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 153,72 so‘mga oshib, 14 634,29 so‘mni, rubl esa 0,36 so‘mga oshib, 153,70 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi. 

Toshkent shahrida kuz-qish mavsumiga tayyorgarlik doirasida yirik suv o‘tkazgich tarmoqlarida profilaktika-ta’mirlash ishlari olib boriladi. Bu haqda «Toshkent shahar suv ta’minoti» AJ ma’lum qildi.

Shu sababli Toshkentning deyarli barcha tumanlarida 8-sentabrdan 10-oktabrgacha ichimlik suvi vaqtincha bo‘lmaydi. Ta’mirlash ishlari jadval asosida bosqichma-bosqich amalga oshiriladi.

Avvalroq Kursiv Uzbekistan poytaxtda issiqlik va issiq suv ta’riflari narxlari oshirilishi rasman tasdiqlangani haqida yozgandi.

Oʻzbekiston milliy jamoasi oktabr oyida Janubiy Amerikaning kuchli terma jamoalaridan biri Urugvay bilan oʻrtoqlik uchrashuvi o‘tkazadi. Bu haqda OʻFA matbuot xizmati xabar berdi.

Ta’kidlanishicha, uchrashuv 13-oktabr kuni Kuala-Lumpur (Malayziya) shahrida boʻlib oʻtadi.

Mazkur bellashuv Oʻzbekiston va Urugvay terma jamoalari oʻrtasidagi uchinchi oʻyin boʻladi. Avvalgi ikki uchrashuv 2018 va 2019-yillarda oʻtkazilib, har ikkisini ham urugvayliklar 3:0 hisobida oʻz foydasiga hal qilgandi.

Yangi bahs Temur Kapadze boshchiligidagi Oʻzbekiston terma jamoasi uchun 2026-yilda AQSh, Meksika va Kanadada boʻlib oʻtadigan FIFA Jahon chempionatiga tayyorgarlik jarayonida muhim sinov vazifasini bajaradi.

Hozirda Urugvay terma jamoasini argentinalik tajribali mutaxassis Marselo Byelsa boshqarmoqda.

Avvalroq «Kursiv» CAFA...

Senatning 10-yalpi majlisida talabalar o‘rtasidagi jinoyatchilik yuzasidan Oliy ta’lim, fan va innovatsiyalar vaziri Qo‘ng‘irotboy Sharipovga parlament so‘rovi yuborish to‘g‘risida qaror qabul qilindi. Bu haqda Yuqori palata matbuot xizmati xabar berdi.

Ta’kidlanishicha, oliy ta’lim muassasalarida ta’lim-tarbiya jarayonini samarali tashkil etish, talabalarning bo‘sh vaqtlarini mazmunli o‘tkazish va ota-onalar bilan hamkorlikni kuchaytirish yetarli darajada yo‘lga qo‘yilmagan. Shu bois ayrim hollarda nosog‘lom muhit yuzaga kelib, huquqbuzarlik va jinoyatchilikka sabab bo‘lmoqda.

Raqamlarga ko‘ra, 2024-yilda oliy ta’lim muassasalari talabalari ishtirokida 761 ta jinoyat sodir etilgan. 2025-yilning dastlabki olti oyida esa 102 ta oliy ta’lim muassasasida 307 nafar talaba turli jinoyatlarga qo‘l urgan. Asosiy jinoyatlar yo‘l-transport...

Smartfon bozorida Samsung kompaniyasining ham o‘rni alohida. 2025-yilning birinchi choragida Samsung 60,5 mln dona smartfon yetkazib bergan. Bu kompaniyaga global bozorda 20% ulushni ta’minladi. Kursiv Uzbekistan nashrining ushbu maqolasida eng yaxshi batareyaga ega Samsung smartfonlari haqida so‘z boradi.

Ushbu maqoladan quyidagi modellarning batareyasi haqida bilib olasiz:

Samsung Galaxy M54 5G

Galaxy M54 5G 2023-yil mart oyida taqdim etilgan va qisqa vaqt ichida bozorda o‘z o‘rnini topgan model hisoblanadi...

Xitoyning BYD kompaniyasi tomonidan taqdim etilgan hashamatli BYD Yangwang U8L avtomobili 12-sentabrdan boshlab sotuvga chiqadi. Bu haqda CarNewsChina xabar bermoqda. Uning narxi $180 ming bo‘lib, og‘irligi 3,6 tonnaga teng.

Avtomobilning uzunligi 5400 mm, eni 2049 mm, balandligi 1921 mm, g‘ildirak bazasi esa 3250 mmga teng. U gabaritlarda Range Rover va Rolls-Royce Cullinan’dan katta. Krossover 23 dyuymli kovan disklar, elektrli yukxona eshigi va suzuvchi kapaklar bilan jihozlangan.

Salonda 6 o‘rinli (2+2+2) joylashuv mavjud. Old o‘rindiqlarda 14 nuqtali massaj, haroratni aniqlovchi aqlli tirsak tayanchlar va shaxsiy audio tizim bor. Ikkinchi qatorda «og‘irliksiz holat» (O‘rindiqning maxsus shakli va sozlanishi tufayli tanadagi bosimni...

Fargʻona vodiysida 5-sentabr kuni soat 12:00 dan 36 soat davomida «Ohangaron-Pungon» magistral gaz quvuri orqali tabiiy gaz uzatish vaqtincha toʻxtatiladi.

Shu munosabat bilan avtomobillarga gaz toʻldirish kompressor shoxobchalari hamda yirik iste’molchilarning gaz ta’minoti ham cheklanadi.

Energetika vazirligi topshirigʻiga koʻra, «Oʻzbekneftgaz» AJ hudud aholisi ehtiyojini qoplash maqsadida birja savdolariga ikki ming tonna benzin qoʻydi. Bu hajm odatdagi kunlik koʻrsatkichdan qariyb yetti baravar koʻpdir. Shu paytgacha Fargʻona vodiysi uchun kuniga oʻrtacha 250 – 300 tonna benzin ajratilgan.

Shuningdek, neft bazalari 24 soatlik ish rejimiga oʻtkazilib, avtobenzin hududiy AYQShlarga uzluksiz yetkazib berilishi ta’minlanadi. Mutasaddilarning qayd etishicha, bu chora vaqtinchalik noqulayliklarni yumshatishga va...

Iqtisodiyot va moliya vazirligining ma’lumotiga ko‘ra, «Tashabbusli budjet» loyihasining joriy yilgi 2-mavsumida jami 18,7 ming loyiha ishtirok etdi.

Ulardan 2,3 ming loyiha g‘olib bo‘lib, loyihalarni amalga oshirish uchun 3,2 trillion so‘m mablag‘ yo‘naltiriladi. Jarayon davomida 11,1 milliondan ortiq ovoz berilgan.

G‘olib loyihalarning aksariyatini ichki yo‘llarni (piyodalar yo‘lakchasi, yo‘l o‘tkazgichlar) ta’mirlash (1186 ta), umumta’lim maktablarini (460 ta) va sog‘liqni saqlash muassasalarini ta’mirlash va moddiy-texnika bazasini rivojlantirish (232 ta) tadbirlari tashkil qiladi.

Loyihalari eng ko‘p g‘olib chiqqan hududlar:

Shuningdek, ushbu hududlardagi loyihalarning katta qismi yo‘l ta‘miriga aloqador...

O‘zbekiston terma jamoasi CAFA Nations Cup 2025 guruh bosqichi uchinchi turida Qirg‘izistonga qarshi o‘yin oldidan tayyorgarlikni yakunlamoqda. Jamoa sardori Eldor Shomurodov bo‘ladigan uchrashuv haqida fikr bildirdi.

Qirg‘izistonga qarshi o‘yin haqida

Uning ta’kidlashicha, guruhda intriga yuzaga kelgan, ya’ni O‘zbekiston va Ummon bir xil ochko va gollar soniga ega. Shomurodovning so‘zlariga ko‘ra, finalga chiqish uchun imkon qadar samarali o‘ynash kerak.

«Oldinga o‘tish uchun ko‘proq gol urishimiz kerak. Qirg‘iziston kuchli va tartibli jamoa, ular doim oxirigacha kurashadi. Oson o‘yin bo‘lmaydi, lekin biz g‘alaba uchun bor kuchimizni sarflaymiz», dedi u.

Taktika va masofadan zarbalar haqida

Hujumchi...

Hukumat qarori bilan O‘zbekistonning bojxona hududidan chiqadigan tovarlar qiymatini aniqlash tartibi haqidagi nizom tasdiqlandi. Bu haqda Adliya vazirligi xabar berdi.

Nizomga ko‘ra, olib chiqilayotgan tovarlarning bojxona qiymati ixtiyoriy yoki soxta narxlarga asoslanmasligi lozim.

Bojxona qiymatini aniqlash quyidagi usullar orqali amalga oshiriladi:

Asosiy usul — 1-usul hisoblanadi. Agar uni qo‘llash imkoni bo‘lmasa, qolgan usullar ketma-ket tartibda qo‘llanadi.

Bojxona qiymatini aniqlashning boshlang‘ich nuqtasi — xaridor sotuvchiga to‘lashi lozim bo‘lgan haqiqiy xarajatlarni belgilashdan iborat.

Bundan...

UzAuto Motors tomonidan uzoq kutilgan yangilangan Chevrolet Cobalt avtomobili yaqin kunlarda taqdim etiladi. Bu haqda Chevrolet Uzbekistan ma’lum qildi.

Bu safar o‘zgarishlar, asosan, salon dizayni va jihozlarga taalluqli bo‘ladi. Avtomobil yangi asboblar paneli, sensorli MyLink multimedia tizimi, kruiz-kontrol va old o‘rindiqlar isitkichi bilan jihozlanadi.

Autostrada nashrining qayd etishicha, yangilangan Cobalt’da Tracker 1 uslubidagi panel, dvigatel harorati ko‘rsatkichi, Apple CarPlay va Android Auto qo‘llovchi multimedia tizimi, ruldan boshqariladigan funksiyalar, kruiz-kontrol hamda old o‘rindiqlarni isitish imkoniyati mavjud bo‘lishi mumkin.

Shartnomalar yaqin haftalarda ochilishi kutilmoqda. Dastlabki avtomobillar esa 2025-yil oxirigacha xaridorlarga yetkaziladi. Bu yangilanish modelning narxini oshirishi mumkin. Ayni...

Qirg‘izistondan giyohvandlik moddalari olib kelgan Andijon viloyatining Qo‘rg‘ontepa tumanida yashovchi olti nafar fuqaro qo‘lga olindi. Bu haqda Davlat xavfsizlik xizmati (DXX) xabar berdi.

Ma’lum bo‘lishicha, ular Qirg‘izistondagi narkosavdogardan ikki kg «gashish»ni $15 ming evaziga sotib olishga kelishgan. Boshlang‘ich to‘lov sifatida $2 mingni yetkazib bergan.

Bundan keyin Qirg‘iziston fuqarosi mazkur moddani davlat chegarasidan yashirincha olib o‘tib, Xonobod shahridagi maxfiy joyda qoldirgan. Keyinchalik qo‘rg‘ontepaliklardan biri uni olib, mashinasida Xonobod – Qo‘rg‘ontepa yo‘nalishida ketayotganida DXX xodimlari tomonidan qo‘lga olingan.

Tezkor tadbir davomida guruhning qolgan beshta a’zosi ham ushlangan. Ekspertiza natijasiga ko‘ra, topilgan «gashish»ning sof og‘irligi 1,9 kgni tashkil qilgan.

Mazkur shaxslarga nisbatan...

Geely Galaxy kompaniyasi tomonidan yangi flagman Geely Galaxy M9 avtomobili taqdim etildi. Bu haqda CarNewsChina xabar bermoqda.

Olti o‘rindiqli yirik SUV 17-sentabrdan sotuvga chiqadi. Narxlar $27 mingdan boshlanib, $36 minggacha yetadi. Avtomobil GEA Evo platformasida ishlab chiqilgan va Thor Super Electric Hybrid gibrid tizimi bilan jihozlangan. Shuningdek, haydovchiga yordam beruvchi H5 darajasidagi tizim ham mavjud.

Mashina uzunligi 5205 mm, kengligi 1999 mm, balandligi 1800 mm bo‘lib, g‘ildirak bazasi 3030 mmni tashkil etadi. Salon hajmi 5,2 kvadrat metrdan iborat, uzunligi 3,7 metr, balandligi esa 1,3 metrga teng. Ikkinchi va uchinchi qatordan erkin o‘tish imkoniyati yaratilgan.

Ichki qismida 12,66 dyuymli...

Tailandning sobiq bosh vaziri Thaksin Shinavatra sud qarori e’lon qilinishidan bir necha kun oldin shaxsiy samolyotida mamlakatni tark etdi. Bu haqda CNN agentligi ma’lum qildi.

Unga ko‘ra, 76 yoshli siyosatchi Singapurga «sog‘liq tekshiruvi» uchun ketayotganini bildirgan bo‘lsa-da, samolyoti oxir-oqibat Dubayga yo‘nalgan.

Shinavatra ilgari 15 yil surgunda yashagan va 2023-yilda vatanga qaytib, qisqa muddat hibsda bo‘lgan edi. Qirol qarori bilan jazosi qisqartirilganidan so‘ng u shartli ozod qilingan. Bu galgi ketishi esa uning qaytib kelmasligi haqidagi taxminlarni yanada kuchaytirdi.

Shu bilan birga, Tailand parlamenti yaqin kunlarda yangi bosh vazirni saylashi kutilmoqda. Siyosiy kuchlar orasidagi kurashda Bhumjaithai partiyasi yetakchisi Anutin Charnvirakul asosiy...

3-sentabr kuni soat 01:00 atrofida Samarqand shahri Ibn Sino ko‘chasida Chevrolet Cobalt ishtirokida yo‘l-transport hodisasi yuz berdi. Bu haqda Samarqand viloyati Ichki ishlar boshqarmasi YHXB xabar berdi.

Chevrolet Cobalt avtomobili haydovchisi tezlikni me’yoridan oshirib, rul boshqaruvini yo‘qotgan. Natijada yo‘lda harakatlanib ketayotgan skuterga urilgan va keyin aeroport kirish qismidagi avtomatik to‘siqqa borib urilgan.

Hodisa oqibatida skuter haydovchisi va yo‘lovchisi tan jarohati olib, shifoxonaga murojaat qilgan.

Holat yuzasidan Samarqand shahri IIB tomonidan dastlabki surishtiruv ishlari olib borilmoqda.

Eslatib o‘tamiz, Kursiv Uzbekistan Chevrolet Gentra avtomobilining kamchiliklari haqida yozgan edi.

O‘zbekistonliklar bu yilgi kuz faslida ham ichki, ham tashqi yo‘nalishlarga qiziqishni kuchaytirdi. Aviasales.uzning Kursiv’ga bergan ma’lumotiga ko‘ra, umumiy bronlar soni 12 foizga oshgan.

Eng mashhur xorijiy manzillar orasida Rossiya, Turkiya, Qozog‘iston, Xitoy, Janubiy Koreya, BAA, Ozarbayjon, Buyuk Britaniya, Latviya va Tailand bor.

Ichki turizm sezilarli o‘sishda, ya’ni mamlakat bo‘ylab safarlar soni 36 foizga ko‘paygan. Qozog‘istonga ham talab kuchli bo‘lib, bronlar 41 foizga oshgan, narxlar esa o‘zgarmagan.

Turkiyaga uchun chiptalar 8 foizga tushdi. Xitoy yo‘nalishida esa vizasiz rejim tufayli narxlar 39 foizga pasaydi, bronlar 46 foizga ko‘paydi.

Aksincha, BAA yo‘nalishida qiziqish kamaygan. Bronlar 36 foizga qisqardi, chiptalar esa...

2025-yilning 1-yanvar holatiga Oʻzbekistondagi muzeylar soni (filiallarni qoʻshgan holda) 138 tani tashkil etadi. Bu haqda Milliy statistika qo‘mitasi ma’lum qildi.

Ulardan Madaniy meros agentligi tizimida 114 ta davlat muzeyi faoliyat yuritadi: 37 tasi asosiy muzey, 71 tasi filial va oltitasi muzey-qo‘riqxona hisoblanadi.

Joriy yil boshidagi holatga ko‘ra, eng ko‘p tashrif buyurilgan muzeylar beshtaligi quyidagicha:

2024-yil davomida O‘zbekistondagi barcha muzeylarga jami 4,8 million nafar...

AQSh prezidenti Donald Tramp juma kuni farmonga imzo chekib, Pentagonning rasmiy nomini «Mudofaa vazirligi»dan «Urush vazirligi»ga o‘zgartirishi kutilmoqda. Bu haqda CNN agentligi ma’lum qildi.

U bu qarorni Birinchi va Ikkinchi jahon urushlari davridagi tarixiy nomga qaytish sifatida izohladi. Pentagon dastlab Jorj Vashington davrida «Urush vazirligi» nomi bilan tashkil etilgan, biroq 1949-yilda prezident Garri Trumen tomonidan «Mudofaa vazirligi»ga aylantirilgan.

Mudofaa vaziri Pit Hegset bu qarorni qo‘llab-quvvatlab, so‘zlar va nomlar muhim ekanligini ta’kidladi. Shu bilan birga, u so‘nggi oylar ichida harbiy bazalar va kemalarga tarixiy nomlarni qaytarish bo‘yicha ham tashabbuslarni amalga oshirmoqda.

Eslatib o‘tamiz, avvalroq Donald Tramp Oq uyda texnologiya rahbarlari...

Ijtimoiy tarmoqlarda tarqalgan «Tadbirkor qurilishdagi korrupsiya haqida» nomli videopost yuzasidan Kadastr agentligi ham rasmiy bayonot berdi.

«Videoda tadbirkor tilga olgan qurilish uchun ruxsatnoma berish ishlarida kadastr idoralari ishtirok etmaydi! Shuningdek, fuqaro ba’zi jarayonlarni chalkashtirmoqda. Tadbirkor yer sotib olgandan so‘ng kadastr idoralari faqat yerga bo‘lgan huquqini ikki ish kunida ro‘yxatdan o‘tkazib beradi va bu ruxsatnoma berish jarayoni emas.

Kadastr idoralari barcha qurilish ishlari tugallanganidan so‘ng ko‘chmas mulkni o‘lchab, kadastr pasportini shakllantirib beradi va tegishli tashkilotlar tomonidan foydalanishga ruxsatnoma berilganidan so‘ngina ko‘chmas mulkka bo‘lgan huquqlarni davlat ro‘yxatidan o‘tkazadi», — deyiladi bayonotda.

Qurilish vazirligi izohi