Yangiliklar

Markaziy bank ma’lumotiga koʻra, 2025-yil 1-noyabr holatida Oʻzbekistonning oltin-valyuta aktivlari 59,3 milliard dollarga yetib, tarixiy maksimumni yangiladi. Bu haqda regulyator matbuot xizmati xabar berdi.

Ta’kidlanishicha, yil boshidan buyon zaxiralar 44,3 foizga oshgan. Oylik oʻsish esa 8 foizni tashkil etdi. Umumiy aktivlarning qariyb $11 milliardi xorijiy valyutalar, $47,8 milliarddan ortigʻi esa qimmatbaho metallardan iborat. Troya unsiyasi boʻyicha oltin hajmi bir oyda 11,6 milliondan 11,9 million unsiyaga koʻtarildi.

Sentabr oyida Oʻzbekiston Markaziy banki global regulyatorlar orasida yagona oltin sotuvchisi boʻlgan. Mazkur oyda mamlakat toʻrt tonna oltin sotgan.

Shu bilan birga, dunyo Markaziy banklari oltin xaridini kuchaytirishda davom etmoqda: sentabr oyida...

«UzAuto Motors» AJ kuzatuv kengashi aksiyadorlarga har bir aksiya uchun 4 642 soʻm dividend ajratishni tavsiya qildi. Bu kompaniya aksiyalarining bozor qiymatiga nisbatan 8,7 foiz daromadni anglatadi (53,5 ming so‘m). 2025-yilning toʻqqiz oyi yakunlari boʻyicha foydani taqsimlash masalasi 24-noyabr kuni boʻlib oʻtadigan navbatdan tashqari umumiy yigʻilishda muhokama qilinadi.

Aksiyadorlar reyestriga kirish uchun aksiyalarni sotib olishning soʻnggi muddati — 14-noyabr (T+2 tizimiga muvofiq). Tavsiya maʼqullansa, kompaniya ommaviy maqomga ega boʻlganidan buyon ilk bor bir yil ichida uchinchi marta dividend toʻlaydi.

Notekis dividend siyosati

2023-yildagi IPO’dan keyin kompaniya dividend siyosatida notekislik kuzatilmoqda. Joylashtirishdan so‘ng, 2022-yil yakunlari bo‘yicha...

AQSh valyutasi hafta davomida turlicha dinamiklarni ko‘rsatdi. Kursiv Uzbekistan nashrining ushbu maqolasida dollar kursining hafta davomidagi o‘zgarishi haqida so‘z boradi.

3-noyabr kuni dollar 12 005,09 so‘m bo‘ldi. Bu kun pasayish 20,13 so‘mni tashkil qildi. 4-noyabr kuni kurs 11 972,34 so‘m etib belgilandi. Bu yana 32,75 so‘mlik pasayish demakdir.

5-noyabrda pasayish davom etdi. Dollar 11 950,63 so‘m bo‘ldi. Kunlik o‘zgarish 21,71 so‘mni tashkil qildi. 6-noyabrda bozor yo‘nalishi o‘zgardi. Dollar 11 970,67 so‘m bo‘ldi va kurs 20,04 so‘mga oshdi.

7-noyabr kuni ko‘tarilish yanada kuchaydi. Dollar 12 022,92 so‘m etib belgilandi. Bu bir kunda...

Meta kompaniyasi 2024-yilda firibgarlik alomatlari boʻlgan onlayn reklamalardan qariyb $16 milliard daromad olgan. Bu haqda Reuters nashri kompaniyaning ichki hujjatlariga tayanib, xabar berdi.

Nashr tanishgan hujjatlarga koʻra, Facebook, Instagram va WhatsApp foydalanuvchilariga har kuni 15 milliardga yaqin shubhali reklama koʻrsatgan. Ularga soxta investitsiya takliflari, noqonuniy kazinolar, qalbaki dori vositalari va boshqa firibgarlik sxemalari kiradi.

Meta ichki auditida reklamani nazorat qilish tizimi juda liberal ekani qayd etilgan: reklama beruvchi shubhali faoliyat bilan 95 foiz ehtimol bilan shugʻullanayotgani aniqlangandagina bloklanadi. Undan past holatlarda kompaniya faqat reklama narxini oshiradi.

Shuningdek, algoritmlar firibgarlik kontentining tarqalishiga bilvosita hissa qoʻshayotgani aytiladi. Foydalanuvchi bir marta shubhali...

Vazirlar Mahkamasi huzuridagi Migratsiya agentligi taklifi bilan xorijga tashkilot orqali ishlash uchun ketayotgan fuqarolarni himoya qiluvchi ixtiyoriy sugʻurta tizimi joriy etiladi.

Yangi tartibga koʻra, sugʻurta kompaniyalariga migrantlar uchun imtiyozli tariflar va maxsus sugʻurta mahsulotlarini ishlab chiqish tavsiya etilgan. Qamrovga xorijda mehnat faoliyati davridagi hayot va sogʻliq sugʻurtasi, patent yoki ruxsatnoma rad etilishi xavfi, ishga joylashish uchun olingan kreditlar qaytmasligi bilan bogʻliq risklar, shuningdek, Oʻzbekistonda ixtiyoriy tibbiy sugʻurta polisi berish yoki migrant boʻlgan mamlakatda assistans orqali tibbiy yordamni tashkil etish kiradi.

Sugʻurta qoplamasi badal toʻlangan valyutada toʻlanadi. Uzoq muddatli hayot sugʻurtasida ikki asosiy holat koʻzda tutilgan:

Qozogʻiston Sun’iy intellekt va raqamli rivojlanish vazirligi hamda Freedom Holding Corp. strategik hamkorlikni yoʻlga qoʻydi. Ushbu kelishuv doirasida mamlakatda zamonaviy sun’iy intellekt markazi barpo etiladi. Bu haqda vazirlik rasmiy saytida xabar berildi.

Vazirlikning ta’kidlashicha, loyiha Qozogʻiston hamda Markaziy Osiyo mamlakatlarining sunʼiy intellekt sohasidagi yetakchiligini mustahkamlashga xizmat qiladi. Markaz Nvidia infratuzilmasi asosida jihozlanadi, boshqaruv esa Freedom Holding Corp. zimmasida boʻladi. Loyihaga kiritiladigan investitsiyalar hajmi $2 milliardni tashkil etadi va kompaniya asosiy investor sifatida ishtirok etadi.

«Biz Qozogʻistonning global sunʼiy intellekt sanoatidagi oʻrnini kuchaytirishga qaratilgan ushbu keng koʻlamli tashabbusga qoʻshilayotganimizdan mamnunmiz. Tajribamiz Nvidia texnologiyalari va vazirlikning strategik qarashlari Markaziy...

Agar AQShda oraliq saylovlardan keyin ichki tartibsizliklar boshlansa, Xitoy Tayvanga 2026-yil noyabr oyida hujum qilishi mumkin. Bu haqda Germaniyaning Bild nashri G‘arb razvedka xizmatidagi manbalariga tayanib, xabar bermoqda.

Manbalarga ko‘ra, Pekin Vashingtonda yuzaga kelishi mumkin bo‘lgan siyosiy beqarorlikni, masalan, Donald Tramp yoki demokratlarning saylov natijalarini bahslashi oqibatida kelib chiqadigan inqirozni – Tayvanga qarshi harbiy operatsiya boshlash uchun qulay imkoniyat sifatida ko‘rib chiqmoqda.

Spear instituti eksperti May-Britt Shtumbaumning ta’kidlashicha, Xitoy ehtimoliy operatsiyaga faol tayyorgarlik koʻrmoqda. Unga koʻra, Pekin bir qator fuqarolik paromlarini harbiy ehtiyojlar uchun modernizatsiya qilmoqda va 2026-yil oxirigacha 70 dan ortiq yirik kemani qurishni rejalashtirgan.

AQSh prezidenti Donald Tramp Truth Social platformasida Vashingtonda oʻtgan «C5+1» sammiti Oʻzbekiston va Markaziy Osiyoning boshqa davlatlari bilan ajoyib yangi munosabatlarni boshlab berganini ma’lum qildi.

Trampning aytishicha, Yevropa, Osiyo va Yaqin Sharq tutashgan strategik hudud sifatida Markaziy Osiyo AQSh uchun muhim sherikka aylanishi mumkin.

«Bu mintaqa muhim minerallar, uglevodorodlar va insoniy iste’dodlarning ulkan zaxirasiga ega. Shuning uchun biz bu jarayonda toʻliq ishtirok etishga tayyormiz», – dedi AQSh prezidenti.

Uning soʻzlariga koʻra, sammit yakunida AQSh aviatsiya, muhim minerallarni qazib olish va boshqa sohalarda amerikaliklar bandligini oshiradigan koʻp milliard dollarlik kelishuvlarga erishgan.

Bungacha Tramp Oʻzbekiston...

Turkiya Superligasining 12-turidan oʻrin olgan uchrashuvda «Genchlerbirligi» oʻz maydonida «Bashakshehir»ni 2:1 hisobida magʻlub etdi.

Uchrashuvda mezbonlar 35-daqiqada himoyachi Talisson Kelvenning goli evaziga oldinga chiqib oldi. Ikkinchi boʻlim boshida Eldor Shomurodov muvozanatni tikladi. Biroq 53-daqiqada hakam «Bashakshehir» darvozasi tomon penalti belgiladi. Baye Nyang 11 metrlik nuqtani aniq amalga oshirib, «Genchlerbirligi»ni yana oldinga olib chiqdi.

Qolgan daqiqalarda mehmonlar hisobni tenglashtirish uchun bir necha imkoniyat yaratdi, ammo hisob boshqa oʻzgarmadi.

Shu tariqa «Genchlerbirligi» ochkolarini 11 taga yetkazib, turnir jadvalida 13-oʻringa koʻtarildi. «Bashakshehir» esa 13 ochko bilan 10-pogʻonani egallab turibdi.

Eldor Shomurodov uchrashuvni asosiy tarkibda boshlab, toʻliq 90 daqiqa oʻynadi. 30 yoshli hujumchi...

Oʻzbekiston Jahon savdo tashkiloti (JST)ga a’zo boʻlish jarayonida Ekvador bilan olib borilgan ikki tomonlama muzokaralarni muvaffaqiyatli yakunladi. Bu haqda prezidentning JST masalalari boʻyicha maxsus vakili Azizbek Urunov ma’lum qildi.

Urunov Ekvador tomoniga samarali muloqot va koʻrsatilgan qoʻllab-quvvatlov uchun minnatdorlik bildirib, Oʻzbekiston JSTga a’zolik jarayonini izchil davom ettirayotganini ta’kidladi. Uning aytishicha, endi tashkilotga qoʻshilish boʻyicha yana ikki davlat bilan muzokaralarni yakunlash qolgan.

6-noyabr kuni Oʻzbekiston Kanada va Panama bilan JSTga a’zolik boʻyicha ikki tomonlama muzokaralarni yakunlab, protokollarni imzoladi. Sentabrda Argentina, Avstraliya va Gonduras bilan, oktabr oyida esa Yevropa Ittifoqi bilan muzokaralar toʻliq tugatilgan edi.

Ma’lumot uchun, Oʻzbekistonning...

8-noyabr kuni soat 09:14 da Oʻzbekiston hududida zilzila sodir boʻldi. Bu haqda Seysmoprognostik monitoring markazi ma’lum qildi.

Ta’kidlanishicha, zilzilaning magnitudasi 3,2, chuqurligi 10 km boʻlgan. Yer silkinishining episentri Buxoro viloyatining Gazli shahri hududida, Toshkentdan 506 km janubi-gʻarbda joylashgan.

Markaz ma’lumotiga koʻra, episentrda silkinish kuchi 3 ball, Gazli shahrida esa 2 ball atrofida sezilgan.

Soʻnggi kunlarda Afgʻonistonda 3-noyabr kuni roʻy bergan kuchli zilzila tufayli Surxondaryo viloyatida 4-5 ballgacha sezilish holatlari kuzatilganidan keyin aholida yana xavotir kuchaygan.

5-noyabr kuni Kursiv Uzbekistan Tojikistonda sodir bo‘lgan zilzila O‘zbekiston hududida ham sezilgani haqida xabar bergan edi.

Oʻzbekiston futbol assotsiatsiyasi faxriylar kengashi raisi, OʻFA Ijroiya qoʻmitasi va Murabbiylar kengashi a’zosi, «Oʻzbekiston Respublikasida xizmat koʻrsatgan yoshlar murabbiysi» Toʻlagan Isoqov 8-noyabr kuni 76 yoshida vafot etdi. Bu haqda OʻFA matbuot xizmati xabar berdi.

Toʻlagan Isoqov 1949-yil 8-oktabrda Yangi yoʻl tumanida tugʻilgan. U futbolchi sifatida 13 mavsum davomida «Paxtakor» jamoasi sharafini munosib himoya qilgan. 252 ta uchrashuvda maydonga tushib, 52 gol kiritgan.

1979-yilda Minskka parvoz chog‘idagi mash’um aviahalokatdan Isoqov jarohati sabab tarkibga kiritilmagani uchun tasodifan omon qolgan. Shu voqealardan soʻng u futbolchilik faoliyatini yakunlagan.

Isoqov murabbiylik faoliyatini davom ettirib, «Paxtakor», «Zarafshon» va «Surxon» klublarini boshqargan. Soʻnggi yillarda OʻFA faxriylar...

8-noyabr kuni O‘zbekistonda havo o‘zgaruvchan bo‘ladi, yog‘ingarchilik kutilmaydi. Shamol sharqdan esadi, harorat kechasi -3° dan 5° iliqqacha, kunduzi 3° dan 20° iliqqacha bo‘ladi, deya xabar bermoqda «O‘zgidromet» agentligi.

Quyida ob-havo ma’lumoti viloyatlar kesimida:

Dam olish kunlari ayrim banklar aholiga valyuta ayirboshlash va pul o‘tkazmalari xizmatlarini taqdim etadi. Bu haqda Markaziy bank ma’lum qildi.

Shuningdek, «24/7» rejimida ishlovchi avtomatlashtirilgan valyuta ayirboshlash bankomatlari va banklarning...

«Tayyab Finance mikromoliya tashkiloti»ga mikromoliya banki sifatida faoliyat yuritish uchun litsenziya berildi. Bu haqda Markaziy bank matbuot xizmati ma’lum qildi.

Shu asosda «Tayyab Finance» mikromoliya tashkiloti faoliyati «TAYANCH» mikromoliya banki nomi ostida davom ettiriladi. Tegishli reyestrlarda zarur o‘zgarishlar amalga oshirilmoqda.

Ma’lumot uchun, mikromoliya banki kichik va o‘rta biznes hamda aholiga mikrokreditlar va moliyaviy xizmatlar taqdim etadi. Ularning asosiy maqsadi tadbirkorlikni qo‘llab-quvvatlash va moliyaviy imkoniyatlari cheklangan hududlarda yordam ko‘rsatishdir.

Eslatib o‘tamiz, avvalroq O‘zbekistonda inflyatsion kutilmalar ketma-ket oltinchi oyda ham pasaygani haqida xabar bergan edik.

O‘zbekiston xodimlarining taxminan yarmi barqaror ish tartibini afzal ko‘radi (49%), lekin 39% moslashuvchan ish uslubini xohlashini bildirgan. Hh.uz platformasi 110 nafar xodim va ish beruvchi o‘rtasida moslashuvchan jamoaviy ish tizimi joriy etilishi bo‘yicha so‘rovnoma o‘tkazdi.

Ishtirokchilar ko‘pincha vazifalar jamoa bilan birga hal qilinishini (47%) va qarorlar tez, ortiqcha rasmiyatsiz qabul qilinishini (35%) qayd etishgan. 29% doimiy fikr-mulohaza oladi, 23% esa rahbarlar nazorat o‘rniga yo‘naltirishga e’tibor berishini bildirgan.

Respondentlar moslashuvchan jamoaviy ish tizimining asosiy qadriyatlari sifatida ishonch va ochiqlikni (47%) hamda xatolardan qo‘rqmay o‘rganish imkoniyatini (46%) ajratib ko‘rsatishgan. 40% uchun kompaniyaning aniq maqsadi muhim hisoblanadi.

Moslashuvchan ish tizimining eng katta afzalligi...

Indoneziya poytaxti Jakartadagi maktab kompleksi ichidagi masjidda juma namozi vaqtida portlash yuz berdi. Hodisa natijasida bir necha kishi jarohatlandi va shifoxonaga yetkazildi, deya xabar bermoqda Al Jazeera.

Milliy politsiya boshlig‘i Listyo Sigit Prabowo portlashga aloqador deb hisoblanayotgan shaxs maktab talabasi ekanini ma’lum qildi. Hozirda uning tarixi va ehtimoliy motivi bo‘yicha tergov olib borilmoqda.

Guvohlar portlash ovozi eshitilganini, derazalar singani va ko‘plab insonlar vahimaga tushib, tashqariga yugurganini so‘zlab berdi. Ko‘plab talaba va xodimlar jarohatlangan, masjidda esa katta zarar yo‘q.

Shifoxona xodimlari dastlab 55 kishini qabul qilgan, ulardan 20 kishi hozir ham shifoxonada davolanmoqda, ularning uch kishisi jiddiy jarohat olgan. Politsiya...

Hukumat qarori bilan «Xalqaro pochta va kuryerlik jo‘natmalarini bojxona nazorati va rasmiylashtiruvdan o‘tkazish tartibi to‘g‘risida»gi nizom tasdiqlandi. Bu haqda Adliya vazirligi ma’lum qildi.

Nizomga ko‘ra, pochta va kuryerlik orqali yuboriladigan yoki olib kiriladigan barcha tovarlar bojxona nazoratidan o‘tkaziladi. Buning uchun pochta operatorlari va ekspress tashuvchilar jo‘natmalarni bojxona organlariga taqdim etadi.

Jo‘natmalar bojxona shartlariga rioya qilingan holda manzil bojxona postiga yetkaziladi. Tashish, yuklash, tushirish va saqlash bilan bog‘liq xarajatlar pochta operatori yoki tashuvchi tomonidan qoplanadi.

Bojxona organlari xavfni boshqarish tizimi asosida jo‘natmalarni «qizil», «sariq» va «yashil» yo‘laklar orqali rasmiylashtiradi. Bu tartib xavfsizlik va tezkorlikni ta’minlashga qaratilgan.

Eslatib o‘tamiz, avvalroq davlat...

Tojikobod tumanidagi Didal muzligining katta qismi ajralib tushib, tog‘ yonbag‘ridan pastga besh kilometrcha siljidi. Bu haqda Tojikiston Gidrometeorologiya agentligining Gliyatsiya markazi ma’lum qildi.

Ajralgan muz bo‘lagi uzunligi 1,3-1,5 km, eni 170 – 200 metr, balandligi 25 – 50 metrni tashkil qiladi. Mutaxassislar sun’iy yo‘ldosh suratlari orqali vaziyatni o‘rganib, muzlikning hanuz beqaror ekanini aniqlagan. So‘nggi uch kunda u yana 72 metr siljigan.

Olimlar buni yoz va kuz oylarida havoning haddan tashqari yuqori harorati bilan izohlashmoqda.

Mutaxassislar ogohlantirishicha, bu beqarorlik tog‘larda tabiiy ofatlar, masalan, ko‘chkilar yoki sel xavfini oshiradi, shuning uchun vaziyat doimiy kuzatilmoqda.

Ma’lumot uchun, Tojikiston hududining 93 foizi tog‘lar...

«Kalmaegi» to‘foni Filippinda 188, Vyetnamda esa kamida 5 kishining hayotiga zomin bo‘ldi. Bu haqda Reuters agentligi ma’lum qildi.

Kuchli shamol va jala yomg‘ir Vyetnamning qirg‘oqbo‘yi hududlariga katta zarar yetkazdi. To‘fon payshanba kuni kechqurun markaziy viloyatlarga kirib kelgan.

Shamol daraxtlarni ildizi bilan sug‘urib tashladi, minglab uylarga zarar yetkazdi va elektr ta’minotini uzdi. Rasmiylarga ko‘ra, 1,3 mlnga yaqin aholi chiroqsiz qolgan, 2,8 mingdan ortiq uylar vayron bo‘lgan.

Gia Lay viloyatida qisqichbaqa fermasi egasi Nguyen Dinh Sa to‘lqin va shamol sabab 1 mlrd dong (taxminan $38 ming) miqdoridagi zarar ko‘rganini aytgan. To‘lqin balandligi yetti metrgacha yetgani qayd etilgan.

Vyetnam hukumati 268 mingdan...

Qozog‘istonning Air Astana aviakompaniyasi va Boeing kompaniyasi o‘rtasida 15 ta Boeing 787-9 Dreamliner samolyotini yetkazib berish bo‘yicha shartnoma imzolandi.

Shartnomaning umumiy qiymati $7 mlrdni tashkil etadi. Ushbu kelishuv Qozog‘iston prezidentining AQShga rasmiy tashrifi doirasida imzolandi. Bitimga ko‘ra, yangi samolyotlar avval buyurtma qilingan uchta Dreamlinerni to‘ldiradi. Yangi samolyotlar Air Astanaga xalqaro yo‘nalishlar geografiyasini kengaytirish, jumladan, AQShga bevosita reyslarni yo‘lga qo‘yish imkonini beradi.

Shuningdek, SCAT aviakompaniyasi ham Boeing bilan hamkorlikni davom ettirib, 2035-yilgacha 15 ta Boeing 737 samolyoti xarid qilishni rejalashtirmoqda.

Shu bilan birga, «Kazaeronavigatsiya» kompaniyasi AQShning Leidos firmasi bilan aeronavigatsiya tizimini Skyline-X darajasigacha yangilash ustida ishlamoqda.

Avvalroq Kursiv...

Turkish Airlines joriy yilning uchinchi choragida $6,95 mlrd daromad oldi. Anadolu agentligining qayd etishicha, bu o‘tgan yilga nisbatan 4,9 foiz ko‘p.

Kompaniya joriy chorakda 27,2 mln yo‘lovchi tashidi. Bu Turkish Airlines tarixidagi eng yuqori uchinchi chorak ko‘rsatkichi bo‘ldi.

Avialiniya ketma-ket 18 chorak davomida o‘sishni davom ettirib kelmoqda. 2025-yilning uchinchi choragida yo‘lovchi sig‘imi 8,2 foiz oshdi. Bu ko‘rsatkich pandemiyagacha bo‘lgan davrdan 43 foiz yuqori.

Iyul – sentabr davrida umumiy daromad 4,9 foizga ko‘tarilib, taxminan $7 mlrd bo‘ldi. Yo‘lovchi tashishdan tushgan daromad 6,1 foiz oshdi. Bu talabning kuchli bo‘lganini ko‘rsatadi.

Biroq daromad o‘sishiga qaramay, Turkish Airlines’ning operatsion foydasi 21,3 foizga kamaydi...

Chevrolet Cobalt o‘zbekistonliklar uchun haliyam eng ommabop avtomobil bo‘lib qolmoqda. «O’zavtosanoat» taqdim etgan ma’lumotlarga ko‘ra, yanvar – sentabr oylarida 95 ming dona avtomobil xarid qilingan. Kursiv Uzbekistan nashrining navbatdagi maqolasida Chevrolet Cobalt avtomobilini qanday usullar bilan yaxshilash mumkin degan savolga javob beriladi.

Ushbu maqoladan quyidagilarni bilib olasiz:

Yonilg‘i tejamkorligini oshirish: oddiy va foydali usullar

Chevrolet Cobalt’ning yonilg‘i sarfini kamaytirish nafaqat pulni tejaydi, balki atrof-muhitga ham foyda beradi. Buning uchun quyidagi oddiy odatlarni yo‘lga...

Qozog‘iston AQShning Joby Aero kompaniyasi bilan umumiy qiymati $300 million bo‘lgan elektr havo taksilarini xarid qilish bo‘yicha memorandum imzoladi. Bu haqda mamlakat Sun’iy intellekt va raqamli rivojlanish vazirligi ma’lum qildi.

6-noyabr kuni Vashingtonda imzolangan hujjat Sun’iy intellekt va raqamli rivojlanish vazirligi, Joby Aero, Qozog‘istonning Alatau Advance Air Group Ltd kompaniyasi hamda Kaspi xolding Kengashi raisi Vyacheslav Kim o‘rtasidagi to‘rt tomonlama hamkorlikni o‘z ichiga oladi.

Loyiha Qozog‘istonning «Alatau shahri» tashabbusi doirasida amalga oshiriladi va vertikal uchish-qo‘nishga ega elektr havo apparatlarini xarid qilishni nazarda tutadi. Shuningdek, Alatau hududida dronlar uchun sinov va sertifikatlash markazi barpo etiladi.

Elektr havo taksilari Alatau va...