Yangiliklar

Consumer Reports hisobotida bir nechta brendlar ishonchlilik, egalar qoniqishi, xavfsizlik va yo‘l sinovlari natijalari asosida baholandi. Baholashda yangi avtomobillarning Overall Score ko‘rsatkichi asos qilib olindi.

2025-yil yakunlariga ko‘ra, reytingda yana bir bor Subaru birinchi o‘rinni egalladi. Consumer Reports mutaxassislarining ta’kidlashicha, Subaru avtomobillari sinov paytida darhol bilinmaydigan afzalliklarga ega. Brend ishonchli texnik qismlardan foydalanadi, zamonaviy xavfsizlik tizimlari bilan jihozlangan va favqulodda vaziyatlarda tormozlash hamda boshqaruv testlarida yuqori natija ko‘rsatadi.

Ikkinchi o‘rinni BMW egalladi. Mutaxassislar BMW’ni hashamatli avtomobillar orasida mezon sifatida baholamoqda. Ta’kidlanishicha, ushbu brend uzoq yillardan buyon nafaqat haydash zavqi, balki ishonchlilik bo‘yicha ham Yevropadagi raqobatchilaridan ustun kelmoqda.

Reytingda yuqori...

Bloger Maryam Tillayaeva Telegramdagi kanalida parvozlar bilan bog‘liq qiyinchiliklardan nolidi. U oddiy aviakompaniyalar orqali uchishda aeroportlardagi stress, navbatlar va reyslarning kechikishlaridan charchaganini qayd etgan.

Bloger muammoni hal qilish uchun obunachilariga noodatiy taklif bilan chiqqan. Uning so‘zlariga ko‘ra, agar Instagram’dagi har bir obunachi $3,5 dan yuborsa, jami $5,25 mln mablag‘ to‘planadi. Shu pul evaziga u kichik shaxsiy samolyot sotib olishni rejalashtirganini aytdi.

Maryam Tillayaeva ushbu tashabbus evaziga obunachilarini ham rag‘batlantirishni va’da qildi. Uning aytishicha, kelajakda har hafta bitta obunachini tanlab, u bilan birga dunyo bo‘ylab parvoz qilishni rejalamoqda.

Bloger shaxsiy samolyot unga, asosan, Yevropada istiqomat qilayotgan oila a’zolari yoniga qulay...

Xitoy sanoat va axborotlashtirish vazirligi bazasida Samsung Galaxy A57 modelining dizayniga tasvirlar paydo bo‘ldi. Bu haqda ITHome xabar bermoqda. Avvalroq ushbu qurilma IMEI bazasida SM-A576B kodi bilan ham qayd etilgan.

Yangilikning asosiy jihati yangilangan dizayn bo‘ldi. Muhandislar smartfonni oldingi avlodga nisbatan yanada ixcham va yengil qilgan. Galaxy A57’ning qalinligi atigi 6,9 mm, vazni esa 182 grammni tashkil etadi. Taqqoslash uchun, Samsung Galaxy A56 modeli 7,4 mm qalinlikda va 198 gramm vaznga ega edi.

O‘lchamlar kichrayganiga qaramay, batareya sig‘imi o‘zgarmagan. Galaxy A57 5000 mA·soatli akkumulyator bilan jihozlanadi. Qurilma dizaynida ham sezilarli o‘zgarishlar bor. Kamera bloki ko‘rinishi yaqinda taqdim etilishi kutilayotgan...

Andijon viloyatining Oltinko‘l tumanida firibgarlik holati fosh etildi. Bu haqda DXX xabar bermoqda.

Oltinko‘l tumanida yashovchi 1995, 1998 va 2002-yillarda tug‘ilgan uch nafar shaxs kripto-aktivlar bilan shug‘ullanuvchi, 2004-yilda tug‘ilgan fuqaroni avtomashinasiga majburan o‘tqazib, o‘zlarini go‘yoki huquqni muhofaza qiluvchi organ xodimlari sifatida tanishtirgani ma’lum bo‘ldi.

Jinoyatchilar tovlamachilik yo‘li bilan jabrlanuvchining $100 ming miqdoridagi kriptovalyutasini o‘zlashtirgan va evaziga unga $160 ming bergan. Tezkor tadbirlar davomida soxta xodimlar qo‘lga olinib, ularning noqonuniy harakatlariga chek qo‘yildi. Holat yuzasidan Jinoyat kodeksining 165-moddasi 3-qismi «a» bandi va 176-moddasi 3-qismi «a» bandi bilan jinoyat ishi qo‘zg‘atildi.

Shuningdek, Surxondaryo viloyatida qayd etilgan yana bir holatda Denov shahrida...

Honor kompaniyasi tomonidan taqdim etilgan Honor Magic8 RSR smartfoni sotuvda rekord o‘rnatdi. Bu haqda ITHome xabar bermoqda.

Ushbu smartfon ishlab chiqaruvchining egri ekranli so‘nggi flagmani bo‘lishi mumkin. Keyingi avlod qurilmalari esa tekis displey bilan taqdim etiladi.

Experience More manbasiga ko‘ra, navbatdagi Honor Magic8 avlodi taxminan 6,8 dyuymli tekis ekran bilan jihozlanadi. Hozirgi Magic8 RSR modelida esa ekran diagonali 6,71 dyuymni tashkil etadi.

Honor Terminal kompaniyasining savdo va servis bo‘yicha prezidenti Van Ban taqdim qilgan hisobotga ko‘ra, Honor Magic8 RSR Porsche Design savdolardan tushgan daromad bo‘yicha avvalgi barcha Porsche Design modellarini ortda qoldirgan. Natijada ushbu model brend tarixida yangi rekord...

25-yanvar kuni Las-Vegasda o‘zbekistonlik bokschi Isroil Madrimov professional ringga muvaffaqiyatli qaytdi. U Dominikan Respublikasi vakili Luis Salasar ustidan ochkolar hisobiga ishonchli g‘alaba qozondi.

Jang deyarli ilk daqiqalardanoq Madrimov nazorati ostida o‘tdi. U birinchi raqamda ishladi, ring markazini egallab oldi va doimiy ravishda jeb orqali raqibini bosim ostida ushlab turdi. Madrimov masofa va tempni mohirona boshqardi, Salasarga kuchli hujumli boksni majburlash imkonini bermadi.

Salasar, asosan, qarshi hujumlarga tayanib harakat qildi va alohida zarbalar bilan javob qaytarishga urindi. Biroq uning ko‘pchilik hujumlari Madrimovning ishonchli himoyasida to‘xtab qoldi. Jangning ikkinchi yarmida o‘zbekistonlik bokschining ustunligi yanada yaqqol sezildi. Faollik va aniqlik farqi ochiq ko‘rindi.

25-yanvar kuni O‘zbekistonning bir qator hududlarida ob-havo beqaror bo‘ladi. Bu haqda «O‘zgidromet» xabar bermoqda. Ayrim hududlarda yomg‘ir va qor yog‘ishi kutilmoqda.

Ertalab Buxoro, Navoiy, Samarqand, Qashqadaryo va Surxondaryo viloyatlarida yog‘ingarchilik kuzatiladi. Kunning birinchi yarmida Toshkent, Jizzax va Sirdaryo viloyatlarida ham ayrim joylarda yomg‘ir va qor yog‘adi.

Qoraqalpog‘iston Respublikasida kechga tomon ba’zi hududlarda biroz qor yog‘ishi kutilmoqda. Xorazm viloyati hamda Farg‘ona vodiysi viloyatlarida yog‘ingarchilik prognoz qilinmaydi. Ayrim joylarga tuman tushishi, yo‘llarda esa yaxmalak paydo bo‘lishi mumkin. Shamol tezligi 9–14 m/s bo‘ladi. Havo harorati 3–8 daraja iliqni tashkil etadi.

Toshkent shahrida kunning birinchi yarmida vaqti-vaqti bilan, asosan, yomg‘ir ko‘rinishida yog‘ingarchilik bo‘ladi...

Boeing 767-300 rusumli samolyoti auksionga qo‘yildi. Arizalarni qabul qilishning oxirgi muddati 30-yanvar kuni soat 09:00 etib belgilangan. Savdo jarayoni esa shu kuni soat 10:00 da boshlanadi.

Samolyotning boshlang‘ich narxi 3 trln 10 mlrd so‘mni tashkil etadi. Auksionda qatnashish uchun zakalat puli miqdori boshlang‘ich narxning 5 foizi bo‘lib, 215 mlrd so‘m etib belgilangan. Savdo oshirib borish uslubida o‘tkaziladi va birinchi qadam bahosi 86 mlrd so‘mni tashkil etadi, bu boshlang‘ich narxning 2 foiziga teng.

Auksion Toshkent shahrining Sergeli tumani hududi – Uchuvchilar shaharchasida joylashgan «Uzbekistan Airways Technics» MChJ hududida o‘tkazilishi ko‘zda tutilgan.

Shu bilan birga, lot savdodan olib tashlangan. Bunga Majburiy...

Tijorat banklari 25-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

24-yanvar kuni Angliya Premyer-ligasining 23-turi doirasida «Manchester Siti» o‘z maydonida «Vulverhempton» ustidan 2:0 hisobida g‘alaba qozondi. Uchrashuvda o‘zbekistonlik himoyachi Abduqodir Husanov asosiy tarkibda maydonga tushdi va to‘liq o‘yin davomida barqaror harakat qildi.

O‘yin boshidanoq «Manchester Siti» tashabbusni qo‘lga oldi. Jamoa to‘pni nazorat qildi va yuqori temp o‘rnatdi. «Vulverhempton» past blokda himoyalanib, hujumga kam chiqdi. Husanov himoyada xotirjam o‘ynadi va uzoq paslar orqali hujumlarni boshlab berdi. Bosim tezda samara berdi. Umar Marmush qanotdan uzatilgan to‘pni aniq yakunlab, hisobni ochdi.

Birinchi bo‘lim yakuniga yaqin «Manchester Siti» ustunligini oshirdi. Antuan Semenyo jarima maydonida Bernardu Silva uzatmasidan so‘ng aniq zarba bilan ikkinchi golni kiritdi...

Threads ijtimoiy tarmog‘ida foydalanuvchi Yuriy Kojyevnikov Jetour T2 egalariga savol bilan murojaat qildi. Post ostida 130 dan ortiq izohlar qoldirildi va ularning aksariyati ijobiy bo‘ldi.

Foydalanuvchilar nimalarni yoqtirgan

Jetour T2 egalari krossover ko‘plab jihatlari bilan ijobiy taassurot qoldirganini ta’kidlashmoqda. Ayniqsa, Xitoy avtomobillariga nisbatan ehtiyotkor munosabatda bo‘lgan haydovchilar uchun model kutilmagan darajada ishonchli bo‘lib chiqqan.

Eng ko‘p tilga olinayotgan afzalliklar orasida sovuq havoda ishonchli ishga tushishi bor. Ayrim haydovchilar avtomobil -40 darajagacha bo‘lgan sovuqda muammosiz yurganini bildirgan. Elektron tizimlar barqaror ishlashi ham ijobiy baholangan.

Shuningdek, krossoverning osmasi qulay, trassada esa barqaror harakatlanishi alohida qayd etilgan. Loy va yumshoq...

Milliy statistika qo‘mitasi ma’lumotiga ko‘ra, 2025-yil yanvar – dekabr oylarida O‘zbekistonda ko‘rsatilgan bozor xizmatlari hajmi 1 050,3 trln so‘mni tashkil etdi. Eng katta ulush Toshkent shahriga to‘g‘ri kelib, poytaxtda yil davomida 397,4 trln so‘mlik xizmatlar ko‘rsatildi. Bu umumiy hajmning qariyb uchdan bir qismiga teng.

Hududlar kesimida qaralganda, xizmatlar hajmi bo‘yicha Samarqand viloyati yetakchi viloyatlar qatoridan joy oldi. Bu hududda 78,2 trln so‘mlik bozor xizmatlari amalga oshirilgan. Toshkent va Farg‘ona viloyatlarida ko‘rsatkichlar teng bo‘lib, har ikki hududda 71,8 trln so‘mdan xizmat ko‘rsatildi.

Eslatib o‘tamiz, Kursiv Uzbekistan nashri O‘zbekiston iqtisodiyoti 2025-yilda 147 mlrd dollardan oshgani haqida yozgan edi.

Janubiy Koreyada o‘tkazilgan rejalangan test-drayv vaqtida yangilangan Hyundai Santa Fe prototipi birdaniga yonib ketdi. Bu haqda Hotcars ma’lum qildi.

Hodisa kompaniya zavodlaridan biri yaqinida sodir bo‘lgan. Hotcars nashriga ko‘ra, harakat boshlanganidan ko‘p o‘tmay kapot ostidan quyuq tutun chiqqan. Haydovchi mashinani to‘xtatib, salonni tark etishga ulgurgan. Avtomobil esa deyarli butunlay yongan.

Voqea jamoatchilik e’tiborini tortdi. Sababi yonib ketgan avtomobil restaylingdan o‘tgan, ya’ni texnik jihatdan katta o‘zgarishlar kutilmaydigan model edi. Mutaxassislarning fikricha, bunday yangilanishlar odatda dvigatel yoki elektr tizimiga jiddiy aralashuvsiz amalga oshiriladi. Shu bois hodisa mavjud avlod avtomobillarida ham yashirin texnik muammo bo‘lishi mumkin degan xavotirlarni kuchaytirdi.

Ijtimoiy tarmoqlarda faol...

Hafta davomida dollar 174 so‘mga oshdi. AQSh valyutasi dushanba kuni pasaygan bo‘lsa, boshlari kunlari o‘sish dinamiklarni ko‘rsatdi.

19-yanvarda dollar kursi 6,88 so‘mga pasayib, 11 962,78 so‘mni tashkil etdi. Bu hafta ichidagi yagona pasayish bo‘ldi va bozorda qisqa muddatli sokinlikni yuzaga keltirdi. 20-yanvardan boshlab vaziyat o‘zgardi. Dollar bir kun ichida 88,93 so‘mga oshib, 12 050 so‘mga yetdi. Bu haftadagi eng keskin kunlik o‘sish sifatida qayd etildi.

21-yanvarda kurs o‘sishi davom etdi. Dollar 21,58 so‘mga ko‘tarilib, 12 072 so‘m etib belgilandi. O‘sish sur’ati sekinlashgan bo‘lsa-da, ijobiy dinamik saqlanib qoldi. 22-yanvarda dollar yana sezilarli tarzda mustahkamlandi. Kurs 48,78 so‘mga oshib...

Ushbu sana jahon sporti tarixidagi ilk qishki o‘yinlar va xalqaro diplomatiyadagi jiddiy o‘zgarishlar bilan yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1919-yili Parij tinchlik konferensiyasida xalqaro munosabatlar tarixida yangi sahifa ochildi. Birinchi jahon urushidan so‘ng dunyo tinchligini ta’minlash va nizolarni muzokara yo‘li bilan hal etish maqsadida Millatlar ligasi ta’sis etilishi ma’qullandi. Bu tashkilot keyinchalik tashkil etilgan Birlashgan Millatlar Tashkiloti (BMT)ning bevosita o‘tmishdoshi hisoblanadi.

1924-yilda Fransiyaning Shamon shahrida tarixiy voqea yuz berdi – I Qishki Olimpiada o‘yinlari rasman start oldi. Dastlab «Qishki sport turlari haftaligi» deb nomlangan va 16 davlat vakillari ishtirok etgan ushbu...

Kursiv Uzbekistan 24-yanvar kuni xorijda va O‘zbekistonda e’lon qilingan yangiliklarni bir joyga jamladi.

Oʻzbekiston iqtisodiyoti 2025-yilda 147 mlrd dollardan oshdi

2025-yil yakunlariga koʻra, Oʻzbekiston yalpi ichki mahsuloti (YIM) 7,7 foizga oʻsib, 1 849,7 trillion soʻm yoki $147 mlrdni tashkil etdi. Bu haqda Milliy statistika qoʻmitasi hisobotida ma’lum qilindi.

Qoʻmitaning ma’lumotlarida keltirilishicha, bu kutilgan 6 foizlik prognozdan yuqori. AQSh dollarining oʻrtacha kursi 12 575,9 soʻm boʻlganini hisobga olganda, YIM hajmi $147,08 mlrdga teng boʻldi. 2024-yilda bu koʻrsatkich $115 mlrd edi. Aholi jon boshiga YIM 48,4 mln soʻm, ya’ni $3,8 mingni tashkil etdi.

Oʻzbekiston armiyasi Markaziy Osiyoda eng kuchli deb...

Oʻzbekistonda ayollar va bolalarga nisbatan zoʻravonlikka qarshi kurashish tizimi yanada kuchaytirilishi rejalashtirilmoqda. Bu Mahallani rivojlantirish va jamiyatni yuksaltirish yili doirasida hamda «Oʻzbekiston — 2030» strategiyasini amalga oshirish boʻyicha davlat dasturi loyihasida nazarda tutilgan.

Hujjatga koʻra, 14 yoshga toʻlmagan shaxslarga nisbatan sodir etilgan jinsiy jinoyatlar uchun jazolar keskin kuchaytiriladi. Xususan, bunday jinoyatlar uchun umrbod ozodlikdan mahrum etishgacha boʻlgan jazo choralarini belgilash taklif qilinmoqda.

Voyaga yetmaganlarga nisbatan sodir etilgan jinsiy va zoʻravonlikka oid jinoyatlarni tergov qilish prokuratura organlarining mutlaq vakolatiga oʻtkaziladi. Shuningdek, ayollar va bolalarga nisbatan zoʻravonlik bilan bogʻliq ishlarni maxsus tayyorgarlikdan oʻtgan tergovchi va sudyalar koʻrib chiqishi belgilangan.

Loyihada nikoh...

Saudiya Arabistoni Podshohligining O‘zbekistondagi yangi elchisi Saad bin Nosir bin Abdulloh Abu Haymed O‘zbekiston tashqi ishlar vaziri Baxtiyor Saidovga ishonch yorliqlari nusxalarini topshirdi. Bu haqda TIV rahbari o‘zining Telegram sahifasida ma’lum qildi.

Uchrashuvda O‘zbekiston va Saudiya Arabistoni o‘rtasidagi munosabatlar ko‘plab yo‘nalishlarda jadal rivojlanayotgani ta’kidlandi. Tomonlar savdo-iqtisodiy aloqalar, investitsiyalar, energetika va madaniy almashinuv sohalarida hamkorlikni yanada kengaytirishning ustuvor yo‘nalishlari hamda istiqbollarini muhokama qildi.

«Elchi janoblariga mamlakatimizdagi faoliyati davomida muvaffaqiyatlar tilaymiz», – deyiladi xabarda.

Ma’lumot uchun, O‘zbekiston va Saudiya Arabistoni podshohligi o‘rtasida diplomatik munosabatlar 1992-yilning 20-fevralida o‘rnatilgan. 

Avvalroq Kursiv Uzbekistan prezident Saudiya Arabistoni elchisiga «Doʻstlik» ordeni...

Yirik G‘arb aviakompaniyalari Yaqin Sharqdagi xavfsizlik xatarlarining kuchayishi fonida Isroil va Fors ko‘rfazi mamlakatlariga parvozlarni vaqtincha to‘xtatdi.

Ta’kidlanishicha, reyslar bekor qilinishi Turkiya tashqi ishlar vaziri Isroil Erongа zarba berish imkoniyatlarini ko‘rib chiqayotgani haqida ogohlantirganidan so‘ng kuzatildi. 23-yanvardan boshlab KLM Royal Dutch Airlines, Air France, British Airways, Lufthansa hamda Swiss International Air Lines Tel-Avivga parvozlarni bekor qildi.

Ayrim aviatashuvchilar Dubay, Saudiya Arabistoni va Birlashgan Arab Amirliklariga amalga oshiriladigan reyslarni ham vaqtincha to‘xtatgan. Bekor qilishlar payshanba kuni kechqurun boshlangan bo‘lib, dam olish kunlari davomida Yevropa va Shimoliy Amerikadagi minglab yo‘lovchilarga ta’sir ko‘rsatgan.

Shuningdek, Air Canada Isroilga rejalashtirilgan to‘rtta reysni bekor qilgan...

Oʻzbekiston shaharlarida yoʻnalishsiz taksilar uchun avtomobillarning foydalanish muddati 15 yildan oshmasligi belgilanishi rejalashtirilmoqda. Bu talab Adliya vazirligi jamoatchilik muhokamasiga qoʻygan «Transport toʻgʻrisida»gi qonun loyihasida nazarda tutilgan.

Loyihaga koʻra, shaharlarda yoʻlovchi tashiydigan yoʻnalishsiz taksilar texnik holati va jihozlari yoʻl harakati xavfsizligi talablariga toʻliq mos boʻlishi shart. Xususan, avtomobil ishlab chiqarilganiga 15 yildan oshmagan boʻlishi kerak.

Hujjatda bu cheklov yoʻlovchilar xavfsizligini oshirish, texnik nosoz transport vositalaridan foydalanishni kamaytirish hamda shahar transport xizmatlari sifatini yaxshilashga qaratilgani qayd etilgan. Shuningdek, yoʻnalishsiz taksilarda majburiy sugʻurta boʻlishi, elektron toʻlovlar qabul qilinishi va taksometr funksiyasini bajaruvchi maxsus ilovalar joriy qilinishi talab etiladi.

Qonun loyihasi qabul qilinsa...

Goldman Sachs banki 2026-yil oxiriga borib oltin narxi bir unsiya uchun $5,4 mingga yetishini prognoz qilmoqda. Bu haqda bank tahlilchilarining 21-yanvarda e’lon qilingan hisobotida aytiladi.

Bundan oldingi prognoz $4,9 ming darajasida edi, oltin narxi bu darajadan allaqachon oshdi. Goldman Sachs tahlilchilarining ta’kidlashicha, prognozning yangilanishi xususiy investorlar tomonidan oltinga diversifikatsiya faol bosqichga oʻtgani bilan bogʻliq. Bank fikricha, makroiqtisodiy siyosatga oid xavflardan himoya sifatida oltin sotib olgan investorlar yil oxirigacha oʻz pozitsiyalarini saqlab qolishi mumkin.

Hisobotda soʻnggi 12 oy ichida oltin narxi 70 foizdan ortiqqa oshgani qayd etilgan. Geosiyosiy beqarorlik, urushlar, global kuchlar muvozanatining oʻzgarishi hamda AQSh prezidenti Donald Trampning Federal...

2025-yilda Rossiya Oʻzbekistonga yetkazib berilgan tabiiy gaz hajmini 30 foizga oshirdi. Yil davomida mamlakatga 7 mlrd kub metrdan ortiq gaz eksport qilingan. Bu haqda Xalqaro energetika agentligi (IEA) hisobotida qayd etilgan.

Rossiya gazi Qozogʻiston hududi orqali «Markaziy Osiyo – Markaz» gaz quvuri orqali yetkazib berilgan. Oʻtgan yil davomida «Gazprom» Oʻzbekistonga jami 7,7 mlrd kub metr gaz yetkazib berishni rejalashtirgan boʻlib, bu 2024-yil koʻrsatkichidan qariyb 2 mlrd kub metrga koʻpdir.

Milliy statistika qoʻmitasi ma’lumotlariga koʻra, 2025-yilda Oʻzbekiston Rossiya va Turkmanistondan import qilgan gazning umumiy qiymati $1,65 mlrdni tashkil etdi. Bu koʻrsatkich pul koʻrinishida 1,2 foizga kamaygan boʻlsa-da, Rossiyadan yetkazib berilgan...

Oʻzbekiston Qurolli Kuchlari Markaziy Osiyodagi eng kuchli armiya sifatida e’tirof etildi. Bu haqda Global Firepower Indexʼning yangilangan reytingida ma’lum qilindi.

Reytingga koʻra, Oʻzbekiston dunyodagi 145 ta davlat orasida 53-oʻrinni egalladi. Mamlakat harbiy salohiyati bilan mintaqada yetakchilik qilib, qoʻshni davlatlardan yuqori natija qayd etdi. Xususan, Qozogʻiston 58-oʻrin, Turkmaniston 78-oʻrin, Tojikiston 100-oʻrin, Qirgʻiziston esa 109-oʻrindan joy olgan.

Global Firepower ma’lumotlariga koʻra, Oʻzbekiston armiyasi tarkibida 120 mingdan ortiq harbiy xizmatchilar mavjud. Qurolli kuchlar ixtiyorida 159 ta aviatsiya texnikasi, 470 ta tank hamda 8,6 mingdan ortiq turli xil zirhli texnika bor.

Reytingni shakllantirishda 60 dan ortiq koʻrsatkichlar inobatga olgan. Ular orasida harbiy xarajatlar...

Fargʻona viloyatining Bogʻdod tumanida koʻp qavatli uy-joy qurish uchun yer maydoni toifasini oʻzgartirib berishni va’da qilib, $400 ming talab etgan shaxs ushlandi.

Ma’lum boʻlishicha, 1984-yilda tugʻilgan, muqaddam sudlangan tuman fuqarosi mahalliy tadbirkorga mansabdor tanishlari orqali yer maydonini uy-joy qurishga rasmiylashtirib berilishini aytgan. U 2020-yilda issiqxona tashkil etish uchun ajratilgan 29 gektar yer maydonidan 5 gektar qismining toifasini oʻzgartirish evaziga $400 ming talab qilgan.

Davlat xavfsizlik xizmati, Iqtisodiy jinoyatlarga qarshi kurashish departamenti hamda Ichki ishlar organlari tomonidan oʻtkazilgan tezkor tadbirda u oldindan olinadigan $50 mingni qabul qilayotgan paytda ashyoviy dalillar bilan qoʻlga olindi.

Tezkor tadbir davomida ushbu shaxsning mansabdor tanishi...