Yangiliklar

Hyundai kompaniyasi tomonidan keyingi avlod Hyundai Elantra N avtomobili gibrid tizim bilan taqdim etilishi kutilmoqda. Manbalarga ko‘ra, debyut 2026-yilda bo‘ladi. Bu haqda Autoblog nashri xabar bermoqda.

Tarqalgan suratlar va renderlar The Korean Car Blog sahifalarida paydo bo‘ldi. Ular yangi ko‘rinish haqida aniq tasavvur beradi. Dizayn N Vision 74 konseptidan ilhom olgani seziladi.

Tashqi ko‘rinishda sport ruhiyati saqlanadi. Old qismda yirik havo olish teshiklari ko‘rinadi. Kunduzgi yoritgichlar piksel uslubida bo‘ladi. Kuzov chiziqlari keskinlashadi. Profil kupega yaqinlashadi. Orqa tomonda yangi spoyler va burchakli fonarlar paydo bo‘ladi.

Texnik qismda asosiy yangilik gibrid kuch qurilmasi bo‘ladi. Insayderlar 2,5 litrli turbomotor va elektromotor...

Filippinning markaziy qismida kuchli zilzila sodir bo‘ldi. New York Times nashrining yozishicha, hodisa oqibatida kamida 69 kishi vafot etgan. 150 dan ortiq odamlar jarohat olgan.

Filippin vulqonologiya va seysmologiya instituti xabariga ko‘ra, 6,9 magnitudali zilzila kecha soat 22:00 atrofida 3,2 mln aholiga ega Sebu provinsiyasida yuz bergan. Zilziladan keyin bir nechta takroriy silkinishlar ham qayd etilgan.

Favqulodda vaziyatlarni boshqarish milliy kengashi ma’lumotiga ko‘ra, 22 ta inshoot shikastlangan. Yana uchta ko‘prik va bitta yo‘l yaroqsiz holga kelgan. Aloqa vositalarida uzilishlar kuzatilgan bo‘lib, fuqarolik mudofaasi vakillari ularni tiklash ustida ishlamoqda.

Sebu gubernatori Pam Barikuatro aholiga tezkor yordam ko‘rsatish uchun suv...

Google o‘zining yangi Pixel 10 smartfonini taqdim etdi. Samsung esa ilgariroq Galaxy S25 modelini bozorga olib chiqqan edi. Har ikkisi ham ixcham flagmanlar segmentida kuchli o‘yinchilar sanaladi. Savol tug‘iladi: qaysi biri yaxshiroq? Quyidagi maqolada Google Pixel 10 yoki Samsung Galaxy S25 smartfonlari dizaynidan tortib, ekran va kameralarigacha taqqoslanadi.

Dizayn va ergonomika

Google Pixel 10 alyuminiy korpus va Gorilla Glass Victus 2 bilan himoyalangan old va orqa qoplamaga ega. Orqa paneli mat shisha bilan ishlangan bo‘lib, qo‘lda yoqimli turadi. Qurilma og‘irligi 204 gramm, qalinligi 8,6 mm bo‘lgani uchun bir qo‘l bilan foydalanish mumkin, biroq ancha zich seziladi.

Samsung Galaxy...

Prezident Administratsiyasi rahbari Saida Mirziyoyeva o‘qituvchilarni kasb bayrami bilan tabriklab, yaqin kelajakda ular munosib maosh olishini ta’kidladi.

Uning so‘zlariga ko‘ra, hukumat pedagoglar hayoti va faoliyatini yengillashtirish uchun qator muhim qarorlarni qabul qilgan. Jumladan, o‘qituvchilar uchun imtiyozli ipoteka va ta’lim kreditlari joriy etilgan, farzandlarning oliy ta’lim muassasalariga kirishida yordam ko‘rsatilishi belgilangan. Shuningdek, pedagoglar uchun imtiyozli aviachiptalar, davlat xizmatlari uchun to‘lovlarni ikki baravar kamaytirish kabi qulayliklar yaratilgan. Sertifikatga ega o‘qituvchilarga esa endilikda har oy 50 foizgacha ustama beriladi.

Mirziyoyeva o‘z tabrigida yaqin kelajakda har bir o‘qituvchi munosib maosh olishini va bu kasbning obro‘-e’tibori yanada ortishini ta’kidladi.

GM kompaniyasi tomonidan yangilangan Chevrolet Equinox 2026 avtomobili rasman taqdim etildi. Bu haqda kompaniya saytida ma’lum qilindi.

Model uchta asosiy versiyada sotuvga chiqadi. Ular LT, RS va ACTIV versiyalari bo‘lib, texnik imkoniyatlari farq qiladi. Bu komplektatsiyalar 2025-yilgi avloddan o‘zgarishsiz qolgan.

Yangi model tashqi ko‘rinishida biroz yangilanishlarga ega bo‘lgan. Eng muhim yangiliklardan biri — kuzov rangiga qo‘shilgan Polar White («Qutb oqi») deb nomlangan yangi rang bo‘lib, u avtomobilga yanada zamonaviylik va joziba beradi. Shuningdek, LT bazaviy komplektatsiyasidan ilgari mavjud bo‘lgan relingli tom opsiyasi olib tashlandi. Bu qaror avtomobil vaznini kamaytirish va ishlab chiqarish xarajatlarini optimallashtirishga qaratilgan.

Equinox 2026’dan boshlab...

Toshkent metropolitenining «O‘zbekiston mustaqilligining 30 yilligi» halqa yo‘li 18-oktabrdan qayta ishga tushadi. Bu haqda «Toshkent metropoliteni» DUK xabar bermoqda.

Ma’lum qilinishicha, «O‘zbekiston mustaqilligining 30 yilligi» yerusti halqa yo‘li yo‘nalishida olib borilgan rejali profilaktika ishlari yakunlanmoqda.

«Profilaktik ishlarining yakuniy bosqichi amalga oshirilayotganini inobatga olib, yaqin muddat ichida ushbu yo‘nalish o‘z faoliyatini qayta tiklaydi. Jumladan, metro poyezdlar harakati va yo‘lovchilar xavfsizligini ta’minlash hamda sifatli xizmat ko‘rsatish maqsadida ushbu yo‘nalishda poyezdlar harakati sinov tariqasida (yo‘lovchilarsiz) bir muddat harakatlanadi», deyiladi Toshkent metropoliteni DUK xabarida.

Avvalroq Toshkent shimoliy vokzali yonidagi yerosti yo‘li savdo maskanlariga aylantirilishi haqida yozgan edik.

Keyingi yil boshida taqdim etilishi kutilayotgan Samsung Galaxy S26 Ultra smartfoni haqida yangi ma’lumotlar paydo bo‘ldi. Model ilk bor sifatli renderlarda namoyish etilgan.

Smartfonning o‘lchamlari 163,4 x 77,9 x 7,9 mm bo‘ladi. Kamera blokini hisobga olganda qalinlik 12,4 mm gacha yetadi. Displey esa 6,9 dyuymli bo‘lishi kutilmoqda.

Galaxy S26 Ultra 5000 mA/soat sig‘imli akkumulyator va 60 vatt quvvatlanishni qo‘llab-quvvatlaydi. Qurilma 12 – 16 GB tezkor xotira va 1 TB gacha doimiy xotira bilan taqdim etilishi kutilmoqda. Kamera tizimi 200 MP, 50 MP, 50 MP va 10 MP sensordan iborat bo‘ladi.

Shuningdek, Qualcomm kompaniyasi tasdiqlashicha, Galaxy S26 liniyasi Snapdragon...

Toshkent shahar hokimligi Shota Rustaveli ko‘chasida avtomobillar harakati qanday tashkil etilgani haqida video yo‘riqnoma e’lon qildi.

Mazkur ko‘cha yaqinda rekonstruksiya qilindi va ko‘plab haydovchilar orasida yo‘l harakati tartibi yuzasidan savollar paydo bo‘lgan edi.

Hokimiyat vakillari tushuntirish berish jarayonida, xususan, Grand Mir Hotel mehmonxonasi yonida tashkil etilgan halqa harakati qanday ishlashi haqida ma’lumot berdi. Shuningdek, chorrahalarda qaysi qatordan chapga burilish mumkinligi ham alohida ko‘rsatib o‘tildi.

Rasmiylarning ta’kidlashicha, ushbu video yo‘riqnoma haydovchilar uchun qulaylik yaratish va tirbandliklarni kamaytirishga qaratilgan.

Eslatib o‘tamiz, Kursiv Uzbekistan nashri Shota Rustaveli ko‘chasidagi piyodalar svetofori tovush balandligi pasaytirilayotgani haqida yozgan edi.

Avtomobil tanlashda ko‘plab omillar e’tiborga olinadi: narxi, qulayligi, dizayni va, albatta, xizmat muddati. Har bir haydovchi mashinasining ishonchli bo‘lishini va yillar davomida qo‘shimcha xarajatsiz xizmat qilishini xohlaydi. Mutaxassislar va haydovchilar tajribasiga ko‘ra, ayrim krossoverlar 15 yil va undan ortiq vaqt davomida mustahkamligini saqlab qoladi. Ushbu maqolada 15 yil davomida xizmat qiladigan TOP 5 avtomobil va ularning texnik xususiyatlari haqida so‘z boradi.

Toyota RAV4

Toyota RAV4 o‘zining ishonchliligi bilan dunyo bo‘ylab mashhur. Model mukammal yig‘ilishi, sifatli materiallari va o‘ylangan dizayni bilan ajralib turadi. Ushbu krossoverning konstruksiyasi oddiy va mustahkam, ehtiyot qismlari esa bozorda keng tarqalgan. Bu esa uni...

Banklar 1-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi.

O‘zbekistonning Novosibirskdagi Bosh konsulxonasi osiyolik qiyofali voyaga yetmagan shaxsga tajovuz qilingani yuzasidan Rossiya huquqni muhofaza qilish idoralariga murojaat yubordi. Bu haqda konsulxona telegram kanalida ma’lum qilindi.

30-sentabr kuni shahar markazidagi Lenin ko‘chasida bir guruh o‘smirlar osiyolik qiyofali voyaga yetmagan shaxsga tajovuz qilgan. Hodisa chog‘ida jabrlanuvchi kaltaklangan, milliy asosda haqoratli so‘zlar ishlatilgan va uni tiz cho‘ktirishga majburlashgan.

Rossiya Ichki ishlar vazirligining Novosibirsk viloyati boshqarmasi mazkur voqea yuzasidan tekshiruv boshlanganini ma’lum qilgan. Hozirda hodisaga aloqador shaxslar aniqlanmoqda. Jabrlangan bolaning millati va fuqaroligi huquqni muhofaza qiluvchi organlar tomonidan tekshirilmoqda.

O‘zbekiston Bosh konsulxonasi rasmiy kanallar orqali Rossiya huquqni muhofaza qilish idoralariga murojaat yuborgan...

Xiaomi kompaniyasi tomonidan yaqinda Xiaomi 17 Pro smartfoni taqdim etildi. Uning texnik imkoniyatlari va dizayni Comss nashri tomonidan tahlil qilindi.

Displey hajmi va sifati

Xiaomi 17 Pro 2,7 dyuymli ekran bilan jihozlangan. 17 Pro Max esa 2,9 dyuymli panel bilan chiqdi. Har ikkisi ham to‘liq AMOLED panelga ega. Yangilanish tezligi 120 Hzga teng. Yorqinlik 3500 nitgacha ko‘tariladi. Shuning uchun quyoshda ham ko‘rinish yaxshiga ega bo‘ladi. Sensor javobi tez, animatsiyalar silliq ishlaydi.

SI va shaxsiylashtirish

Yordamchi ekran shaxsiy uslubni to‘liq ko‘rsatadi. Soat ko‘rinishlari juda ko‘p. Klassik mexanik uslubdan zamonaviy minimal dizayngacha bor. Xiaomi’ning Pangda nomli virtual pandasi...

UEFA Chempionlar ligasi umumiy bosqichining 2-turi doirasida Madridning «Real» klubi safarda «Qayrat» mehmoni boʻldi va yakunda yirik 5:0 hisobida gʻalaba qozondi.

Uchrashuvdagi gollar «qaymoqranglilar safidan Kilian Mbappe (xet+trik), Eduardo Kamavinga va Brahim Dias mualliflik qildi.

Shu tariqa «Real» ushbu gʻalabadan soʻng oʻz ochkolari hisobini 6 taga yetkazib, onlayn jadvalda birinchi oʻringa koʻtarilib oldi. «Qayrat» esa hozirda soʻnggi pogʻonada bormoqda.

YChL. 2-tur. 30 sentabr

«Qayrat» — «Real» 0:5

Gollar: Mbappe (25 penalti, 52, 74), Kamavinga (83), Dias (90+3).

Qayrat — Xolmirza, Mata, Sorokin, Martinovich, Tapalov (Stanoyev, 64), Arad (Baybek, 64), Kassabulat, Gromko (Zariya, 80), Mirinskiy, Jorjinio (Edmilson, 64), Satpayev (Rikardinio, 80).

Oltin quymalar narxi yana oshdi, Afg‘oniston internetdan uzildi, Moskvada musulmonlar futbol ligasi tashkil etildi, SamAuto’ning 75,2 foiz davlat ulushi sotildi — Kursiv Uzbekistan tomonidan 30-sentabrning eng muhim voqea va hodisalari bitta materialga jamlandi.

YouTube Tramp bilan sudlashuvni $24,5 million to‘lov evaziga yakunladi

Alphabet’ga qarashli YouTube AQSh prezidenti Donald Tramp ochgan sud ishini $24,5 mln to‘lab hal qildi. Bu haqda Reuters agentligi xabar berdi. Ish 2021-yil yanvaridagi Kapitoliy voqealaridan so‘ng Tramp akkaunti vaqtincha bloklangani bilan bog‘liq edi.

Rossiya 2026-yilda 5-6 ming dona «Atom» elektromobili ishlab chiqarishni rejalashtirmoqda

Rossiya sanoat va savdo vaziri Anton Alixanov «Innoprom. Belarus» ko‘rgazmasida bergan intervyusida 2026-yilda mahalliy «Atom» elektromobilining...

1-oktabr kuni O‘zbekiston hududiga salqin va nisbatan nam havo kirib keladi, ayrim joylarda yomg‘ir yog‘adi, shamol kuchayishi mumkin, harorat esa kunduz kunlari 13–33° oralig‘ida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Yevropa kosmik agentligi (ESA) va Gaia teleskopi bilan ishlayotgan olimlar Somon yo‘lining markazidan tarqalayotgan ulkan to‘lqinni kashf etdi. Bu haqda ASD News ma’lum qildi.

Bu hodisa galaktikaning tuzilishi va dinamikasi haqidagi tasavvurlarni o‘zgartirmoqda.

2013-yilda uchirilgan Gaia teleskopi 2025-yilda yonilg‘i tugagach missiyasini yakunladi. U qariyb 2 mlrd yulduzni kuzatib, galaktikaning mislsiz 3D xaritasini yaratdi. Natijalarga ko‘ra, galaktika doimiy harakatda bo‘lib, yulduzlar diskida suvdagi to‘lqinlarga o‘xshash deformatsiyalar mavjud.

Olimlar bunday to‘lqin paydo bo‘lishini 300 – 900 mln yil avval kichik galaktika bilan to‘qnashuv natijasida yuzaga kelgan bo‘lishi mumkin, deb taxmin qilishmoqda. Yana bir versiyaga ko‘ra, u Radklif to‘lqini bilan bog‘liq bo‘lishi...

Ijtimoiy tarmoqlarda muhokama qilinayotgan «Air Samarqand» aviakompaniyasi xodimlariga oylik maoshlar berilmayotgani yuzasidan Kambag‘allikni qisqartirish va bandlik vazirligi vaziyat nazoratga olinganini bildirdi.

Bugungi kunga qadar o‘n nafarga yaqin fuqaro iyun–avgust oylari uchun uch oylik maoshlarini ololmaganliklari bo‘yicha shikoyat qilgan.

Mazkur holat yuzasidan Davlat mehnat inspeksiyasi tomonidan 1,5 mlrd so‘mlik da’vo arizalari kiritildi.

Da’vo talablarida kechiktirilgan har bir kun uchun qo‘shimcha pul kompensatsiyasi ham undirilishi so‘ralib, ish Samarqand shahar sudiga topshirildi.

Vazirlik fuqarolarga o‘z mehnat huquqlari buzilganda 1176 qisqa raqami, (71) 200-06-00 ishonch telefoni yoki @munosibmehnat_bot orqali murojaat qilish imkoniyati borligini eslatib o‘tdi.

Eslatib o‘tamiz, avvalroq Air Samarkand aviakompaniyasi Kursiv Uzbekistan’ga...

AQSh prezidenti Donald Tramp Hamasga G‘azo tinchlik rejasini qabul qilish uchun 3-4 kun muddat berdi. U agar guruh rad etsa, «juda og‘ir yakun» olib kelishi bilan ogohlantirdi, deya xabar bermoqda Reuters.

Qatar va Misr vositachiligida tayyorlangan 20 bandlik rejada darhol o‘t ochishni to‘xtatish, asirlarni almashish, Hamasning qurolsizlanishi va xalqaro boshqaruv ostida o‘tish davri hukumatini tashkil etish ko‘zda tutilgan.

Isroil bosh vaziri Benyamin Netanyaxu Tramp bilan birga hujjatni qo‘llab-quvvatladi. Hamas esa rejani «Isroil foydasiga biryoqlama» deb baholagan bo‘lsa-da, uni ko‘rib chiqishga va’da berdi. Shu bilan birga, Saudiya Arabistoni, Iordaniya, BAA, Qatar va Misr tashqi ishlar vazirlari tashabbusni olqishladi.

Turkiya ham...

Strategik islohotlar agentligi tuman va shahar hokimliklari faoliyatini takomillashtirish bo‘yicha prezident farmoni loyihasini ishlab chiqdi. Bu haqda agentlik rasmiy sahifasida ma’lum qilindi.

Bugungi kunda hokimlarga yuklatilgan vazifalar soni juda ko‘p bo‘lib, mavjud resurslar ularni to‘liq bajarishga imkon bermayapti. Shu sababli boshqaruv tizimini qayta ko‘rib chiqish zarur bo‘ldi.

Farmon loyihasiga ko‘ra, 2026-yil oxirigacha 32 ta tuman va shaharda alohida boshqaruv tartibi joriy etiladi. Bu hududlarda iqtisodiyot, qishloq xo‘jaligi, madaniyat, yoshlar va boshqa yo‘nalishlarga oid idoralarning mahalliy bo‘linmalari hokimlik tarkibiga o‘tkaziladi. Hokimlar bevosita rahbarlik qilib, shtatlarni mustaqil belgilash hamda xodimlarni tayinlash vakolatiga ega bo‘ladi.

Tajriba-sinov davrida hokim o‘rinbosarlari soni 6 nafardan...

Shavkat Mirziyoyev ustoz va murabbiylarni kasb bayrami bilan samimiy tabrikladi. Davlat rahbari ta’lim-tarbiya sohasida fidoyilik bilan mehnat qilayotgan pedagoglarning xizmatini yuksak qadrlashini alohida ta’kidladi.

Prezident ta’lim sifatini oshirish uchun «Yangi avlod» bog‘chalari, zamonaviy texnikumlar hamda xalqaro dasturlar asosida yangi loyihalar yo‘lga qo‘yilishini ma’lum qildi. Shuningdek, oliygohlarda ta’lim jarayonlarini rivojlantirish, professor-o‘qituvchilarning ilmiy faoliyatini qo‘llab-quvvatlash ustuvor yo‘nalishlardan biri sifatida belgilandi.

Ustoz va murabbiylarning nufuzini yanada oshirish uchun imtiyozli kreditlar, kontrakt to‘lovlariga chegirmalar, uy-joy sharoitlarini yaxshilash kabi qo‘shimcha imkoniyatlar yaratiladi. Bu orqali ta’lim sohasida faoliyat yuritayotgan mutaxassislarning hayoti va faoliyatiga keng qulayliklar ta’minlanadi.

Davlat rahbari o‘qituvchi va murabbiylarni kelajak avlodni tarbiyalashdagi beqiyos...

UEFA Isroil futbol assotsiatsiyasiga qarshi choralarni ko‘rib chiqmoqda, biroq mamlakat Jahon chempionati saralash bosqichidan chetlashtirilmasligi mumkin. Bu haqda The Guardian nashri ma’lum qildi.

UEFA faqat o‘z nazorati ostidagi musobaqalardan — Millatlar ligasi va Yevropa ligasidan Isroilni chetlatishi mumkin.

Shu sababli Isroil terma jamoalari Millatlar ligasi o‘yinlaridan, «Makkabi Tel-Aviv» esa Yevropa ligasidan chetlatilish ehtimoli yuqori. Ammo Jahon chempionati FIFA vakolatiga kirgani bois, Isroilning saralash bosqichida ishtiroki saqlanib qoladi.

Norvegiya va Italiya Isroil bilan yaqinlashib kelayotgan xalqaro tanaffus davrida maydonga tushishi rejalashtirilgan. Norvegiyada Amnesty International UEFAga bosim o‘tkazishga chaqirdi, Italiyada esa G‘azodagi voqealar sababli umumxalq ish tashlash o‘tkazildi.

Italiya futbol federatsiyasi...

2026-yilda O‘zbekistonda aholi va qishloq xo‘jaligini ro‘yxatga olish jarayoni bo‘lib o‘tadi. Milliy statistika qo‘mitasi boshqarma boshlig‘i Nurbek Sheraliyevning Kursiv Uzbekistan’ga ma’lum qilishicha, jarayonga «mahalla yettiligi» tizimidan 47 ming xodim jalb etiladi.

«O‘zi «mahalla yettiligi»da 66 142 ta xodim bor, shundan 47 mingtasi jalb qilinadi. Qolganlarini ham biz zaxira kadr sifatida o‘qitamiz. Ular 15 kun davomida o‘qitiladi», deydi Nurbek Sheraliyev.

Ro‘yxatga olish jarayoni 2026-yilning 15 – 31-yanvar kunlari internet orqali, 3–28-fevral kunlari esa yalpi kuzatuv, ya’ni uyma-uy yurib ro‘yxatga olish orqali o‘tkaziladi.

Sheraliyevning ta’kidlashicha, internet sust bo‘lgan hududlarda davlat tashkilotlari sharoit yaratadi, zarur bo‘lsa mahalla xodimlari...

Chevrolet Onix O‘zbekistondagi eng ommabop avtomobillardan biri hisoblanadi. Yanvar-avgust oylarida 14,2 ming xarid qilingan. Kursiv Uzbekistan nashrining ushbu maqolasida Chevrolet Onix avtomobili haqida qiziqarli faktlar haqida so‘z boradi.

Ushbu maqoladan quyidagilarni bilib olasiz:

Model haqida qisqacha

Braziliyada yaratilgan

Modelning dizayni haqida nimalar ma’lum

Onix nomining siri

Model haqida qisqacha

Model 5 o‘rindiqqa ega bo‘lib, uzunligi 4474 mm, kengligi 1746 mm, balandligi esa 1470–1474 mm atrofida. G‘ildirak bazasi 2600 mm, yo‘l balandligi (klirensi) esa 136 mm qilib belgilangan.

Avtomobilning yoqilg‘i bakining hajmi 44 litrni tashkil etadi, yukxona esa 469 litr sig‘imga ega...

Birlashgan Arab Amirliklarida hozirda mavjud vizalar tizimi yangilanib, yana to‘rtta yangi kirish vizasi joriy etildi. Bu haqda Gulf News xabar berdi.

Unga ko‘ra, bu tashabbus mamlakatga texnologiya, sun’iy intellekt, ko‘ngilochar va turizm sohalarida malakali mutaxassislarni jalb qilishni ko‘zlaydi.

Yangi vizalar orasida sun’iy intellekt mutaxassislari uchun, ko‘ngilochar, tadbir va kruiz vizasi bor. Shuningdek, mavjud vizalar shartlari ham qayta ko‘rib chiqildi. Yuk mashinasi haydovchilari vizasi transport korxonalari kafolati asosida beriladi, do‘st yoki qarindoshni ziyorat qilish vizasi esa kafillik daromadiga bog‘liq bo‘ldi.

Bundan tashqari, gumanitar viza bir yil muddatga joriy etildi. Beva yoki ajrashgan ayollarga ham farzandlariga vasiylik qilganda, yashash ruxsatnomasi berilishi...