Yangiliklar

Davlat ijtimoiy sug‘urtasi tizimida nafaqalarni tayinlash va to‘lashning yagona tartibi joriy etildi. Bu haqda Adliya vazirligi matbuot xizmati ma’lum qildi.

Unga ko‘ra, sug‘urta hodisalari yuzaga kelganda sug‘urtalangan shaxslarga 2026-yil 1-yanvardan homiladorlik va tug‘ish nafaqasi, 2026-yil 1-iyuldan esa vaqtincha mehnatga layoqatsizlik nafaqasi to‘lanadi.

Sug‘urta hodisasi yuzaga kelganda to‘lovlar sug‘urtalangan shaxs davlat ijtimoiy sug‘urtasi bo‘yicha to‘lovlarni olish huquqiga ega bo‘lgan davrda tayinlanadi. Bunday huquq ish beruvchi bilan mehnat munosabatlarida bo‘lgan davrda, yuridik yoki jismoniy shaxslar bilan tuzilgan fuqarolik-huquqiy shartnomalar asosida xizmat ko‘rsatish jarayonida, shuningdek qonunchilikda belgilangan tartibda boshqa rasmiy faoliyat bilan band bo‘lgan davrda yuzaga kelishi mumkin.

Homiladorlik va tug‘ish...

2026/2027-o‘quv yilidan Toshkent davlat iqtisodiyot universitetida alohida ta’lim yo‘nalishi sifatida Davlat auditi oliy maktabi tashkil etilishi belgilandi. Bu haqda Adliya vazirligi ma’lum qildi.

Mamlakatda davlat auditi, investitsiya loyihalari va infratuzilmani boshqarish jarayonlarini zamonaviy asosda takomillashtirishga qaratilgan yangi tizim joriy etiladi. Prezident farmoniga ko‘ra, 2027-yil 1-yanvardan ijtimoiy va ishlab chiqarish infratuzilmasini rivojlantirish dasturlarini shakllantirishdan boshlab loyihalarni foydalanishga topshirishgacha bo‘lgan barcha jarayonlar to‘liq raqamlashtiriladi.

Mazkur jarayonda rivojlantirish dasturlari Iqtisodiyot va moliya vazirligining «Kapital qo‘yilmalar» avtomatlashtirilgan axborot tizimida elektron shaklda shakllantiriladi. Davlat budjeti hisobidan moliyalashtiriladigan loyihalar bo‘yicha loyiha-smeta hujjatlarini ishlab chiqish va ekspertizadan o‘tkazish «Shaffof qurilish» platformasi orqali amalga oshiriladi.

Shuningdek...

O‘zbekistonda davlat auditi va moliyaviy nazorat tizimini yanada takomillashtirishga qaratilgan yangi huquqiy mexanizmlar joriy etilmoqda. Bu haqda Adliya vazirligi ma’lum qildi.

Unga ko‘ra, 2026-yil 1-yanvardan boshlab Hisob palatasi faoliyati kamida har 5 yilda bir marotaba tashqi baholashdan o‘tkaziladi. Tashqi baholash Hisob palatasi organlarining xalqaro tashkiloti – INTOSAI hamda boshqa xalqaro darajada tan olingan tashkilotlar metodologiyalari asosida amalga oshiriladi.

Baholash jarayoni kelishuvlar doirasida xalqaro tashkilotlar yoki xorijiy davlatlarning oliy audit organlari tomonidan o‘tkaziladi. Shuningdek, mustaqil baholash jarayonini tashkil etish, Hisob palatasi faoliyatiga oid barcha ma’lumotlarni taqdim etish va baholash natijalarini jamoatchilik uchun e’lon qilish belgilandi.

Prezident farmoni bilan Hisob...

Shimoliy koreyalik xakerlar 2025-yilda rekord darajadagi $2 mlrdlik kriptovalyutani o‘g‘irlashdi. Bu haqda Bloomberg xabar berdi.

Nashrning yozishicha, o‘g‘irlangan kriptovalyuta mablag‘i 2024-yilga nisbatan 50 foizdan ko‘proq. Bloomberg tomonidan keltirilgan Chainalysis hisobotiga ko‘ra, bu mablag‘lar 2025-yilning yanvaridan beri kriptovalyuta sanoatidan o‘g‘irlangan taxminan $3,4 mlrdning asosiy qismini tashkil qiladi. Shimoliy Koreyaga tegishli bo‘lgan kriptovalyuta bilan bog‘liq o‘g‘irliklarning umumiy miqdori rekordlar boshlanganidan beri kamida $6,75 mlrdga yetdi.

Yillik summaning katta qismi fevral oyidagi tarixdagi eng yirik raqamli o‘g‘irlik bilan bog‘liq bo‘lib, o‘shanda shimoliy koreyalik xakerlar Bybit kripto birjasidan $1,5 mlrdni o‘g‘irlagan.

Chainalysis’ning ta’kidlashicha, Shimoliy Koreya barcha davlat subyektlari orasida eng muhim kriptovalyuta...

Honor Magic V6 smartfoni haqida dastlabki ma’lumotlar paydo bo‘ldi. Bu haqda GSMArena xabar bermoqda.

Modelda asosiy e’tibor batareyaga qaratilgan. Honor ikki xil sig‘imni sinovdan o‘tkazmoqda. Global bozor uchun 6900 mA/soat, Xitoy bozoriga esa 7200 mA/soat versiyasi kutilmoqda. Har ikkala model simsiz quvvatlashni qo‘llab-quvvatlaydi. Bu buklanuvchi flagmanlar orasida eng katta batareyalardan biri bo‘ladi.

Magic V6 Qualcomm Snapdragon 8 Elite Gen 5 protsessori bilan jihozlanadi. Bu yangi avlod chipseti yuqori unumdorlik va energiya samaradorligini ta’minlashi kutilmoqda.

Kamera imkoniyatlari ham sezilarli yangilanadi. Asosiy modul 200 megapikselli bo‘ladi. Shuningdek, periskop linzasi orqali 3 karra optik zum beriladi. Bu uzoq masofadan olingan suratlarni aniq...

Fransiyaning «PSJ» klubi 2025-yil yakunlariga ko‘ra bir kalendar yili davomida oltita sovrin yutgan dunyodagi uchinchi jamoaga aylandi.

Luis Enrike shogirdlari 2025-yil davomida o‘zi ishtirok etgan barcha turnirlar Fransiya chempionati, kubogi va superkubogi, Yevropa Chempionlar ligasi hamda UEFA Superkubogida zafar quchdi. Parij jamoasi Qit’alararo kubok finalida «Flamengo»ni mag‘lub etdi va tarixiy olti karra g‘oliblikni qo‘lga kiritdi.

Bunday natijaga shu vaqtga qadar faqat ikki jamoa erisha olgan edi. 2009-yilda Pep Gvardiola qo‘l ostidagi «Barselona» hamda 2020-yilda Xans-Diter Flik boshchiligidagi «Bavariya» klublari barcha oltita sovrinni bir yilda qo‘lga kiritgan edi.

Avvalroq Kursiv Uzbekistan «PSJ» Mbappega 60 mln yevro to‘lashi haqida xabar...

Markaziy bank huzuridagi Bank nazorati qoʻmitasi 2025-yil noyabr oyida boʻlib oʻtgan yigʻilishlarda jami 41 ta masalani muhokama qildi. Bu haqda regulyator matbuot xizmati xabar berdi.

Asosiy masalalarning katta qismi roʻyxatga olish va ruxsat berish yoʻnalishiga toʻgʻri keldi. Xususan, kredit tashkilotlari ustavlariga kiritilgan oʻzgartirishlarni roʻyxatdan oʻtkazish, yangi mikromoliya va kredit tashkilotlarini hisob roʻyxatiga olish, ayrim mikromoliya tashkilotlarini reyestrdan chiqarish, kredit tashkilotlari ustav fondidagi ulushga egalik qilish uchun ruxsat berish bilan bogʻliq masalalar koʻrib chiqildi. Shuningdek, banklarda auditorlik tekshiruvlarini oʻtkazish huquqi uchun auditorlik malaka sertifikatlarini berish hamda tijorat banklari kuzatuv kengashi, boshqaruv aʼzolari va muhim lavozimdagi xodimlar nomzodlari muhokama qilindi.

Bundan...

2025-yilning yanvar – oktabr oylari yakunlariga ko‘ra, O‘zbekistonda ko‘rsatilgan jami bozor xizmatlari hajmi 818,5 trln so‘mni tashkil etdi. Bu haqda Milliy statistika qo‘mitasi ma’lum qildi.

Xizmat ko‘rsatish turlari bo‘yicha eng yuqori dinamika moliya sohasida qayd etildi, o‘sish sur’ati 124,5 foizga yetgan. Shuningdek, aloqa va axborotlashtirish (119,6 foiz) hamda ijara xizmatlari (119,4 foiz) yuqori o‘sish ko‘rsatkichlarini namoyish etgan.

Sog‘liqni saqlash va arxitektura sohalaridagi xizmatlar hajmi ham mos ravishda 115,4 foiz va 114,6 foizga oshgan. Hisobot davrida transport va savdo xizmatlari 113,4 foiz, ta’lim sohasidagi xizmatlar esa 113,0 foiz o‘sishni ko‘rsatgan.

Nisbatan past o‘sish foizini ko‘chmas mulk (111,4) hamda ovqatlanish...

Prezident Shavkat Mirziyoyev topshirig‘i bilan energetika sohasidagi boshqaruvni kuchaytirish maqsadida joriy qilingan iqtisodiyot va moliya vazirining neft va gaz bo‘yicha o‘rinbosari lavozimiga Xurshid Baxtiyorovich Mustafoyev tayinlandi. Bu haqda vazirlik rasmiy sahifasida keltirilgan.

18-dekabr kuni iqtisodiyot va moliya vaziri Jamshid Qo‘chqorov «O‘zbekneftgaz» AJda bo‘lib o‘tgan yig‘ilishda yangi lavozimning joriy etilishi – energetikada tizimli islohotlarni amalga oshirishda muhim ahamiyat kasb etishini aytdi.

Yig‘ilishda shuningdek, «O‘zbekneftgaz» raisi lavozimiga tayinlangan Abdug‘ani Sanginov jamoaga rasman tanishtirildi va soha oldida turgan dolzarb masalalar muhokama qilindi.

Mamlakat hayotining muhim sohalaridan biri bo‘yicha vazir o‘rinbosarligiga kelgan Mustafoyev 1981-yilda Buxoro viloyatida tug‘ilgan. 2002-yilda Toshkent moliya instituti...

O‘zbekistonning Jahon savdo tashkiloti (JST)ga a’zo bo‘lishi kutilmaganda sekinlashishi bo‘yicha xavotirlar ortib bormoqda. Bu haqda JSTga a’zo bo‘lish bo‘yicha prezidentning maxsus vakili Azizbek Urunov ma’lum qildi.

Urunov JST Umumiy kengashida O‘zbekistonning a’zolik jarayoni yuzasidan bayonot berdi. Unda mamlakatning JSTga qo‘shilish bo‘yicha hozirgi holati va quyidagi asosiy faktlar ta’kidlandi.

1-fakt. O‘zbekiston JSTga to‘liq sodiq

O‘zbekiston JSTga a’zo bo‘lish jarayoniga qat’iy sodiq, zarur islohotlarni amalga oshirdi va qolgan masalalarni muhokama qilishga tayyor. Shu bilan birga, ishchi guruh a’zolaridan aniq va o‘z vaqtida fikr-mulohazalar berilishi muhimligi qayd etildi. O‘zbekiston JSTning 14-vazirlar konferensiyasi (MC14)ga qadar a’zolikni yakunlash to‘liq mumkin, deb hisoblaydi...

Transfermarkt portali Saudiya Arabistoni Proligasi futbolchilarining bozor qiymatlari bo‘yicha yangilangan reytingini taqdim etdi. Yangilanish natijasida besh nafar yetakchi futbolchining narxida pasayish kuzatilgan.

Reytingning yuqori pog‘onalarida jiddiy o‘zgarishlar yuz bergan. «Al-Qodisiya» hujumchisi Mateo Retegi 40 mln yevro bilan peshqadamlikni saqlab qolgan bo‘lsa-da, uning qiymati 5 mln yevroga arzonlashdi. Eng katta pasayish «Al-Hilol» vakili Darvin Nunesda qayd etildi. Uning narxi 10 mln yevroga pasayib, 35 mln yevroni tashkil etmoqda.

«An-Nasr» forvardi Krishtianu Ronalduning transfer bahosi 12 mln yevro darajasida o‘zgarishsiz qoldi. 40 yoshli futbolchi umumiy ro‘yxatning 23-pog‘onasidan joy olgan. Mutaxassislar futbolchining yoshi va jismoniy holatini inobatga olgan holda, uning narxi barqaror...

22-dekabr uchun valyuta kurslari e’lon qilindi. Shu kun uchun AQSh valyutasi 11 996,14 so‘m (-25,47 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil qildi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

Andijon viloyatining Xo‘jaobod tumanida o‘tkazilgan tezkor tadbirda O‘zbekistonning oltin quymalarini Qirg‘izistonga olib ketishga urinish holati aniqlandi. Bu haqda Davlat xavfsizlik xizmati xabar berdi.

Tezkor tadbirda «Do‘stlik» chegara bojxona posti yaqinida 31 yoshli T.T. ismli Farg‘ona viloyatida yashovchi shaxs to‘xtatilib, unga tegishli xo‘jalik qopi xolislar ishtirokida ko‘zdan kechirildi. Qop ichidagi 3 dona temir qoplamali avtomobil ehtiyot qismlari maxsus vositalar yordamida bo‘laklarga ajratilganda, ularning ichiga jami 7 kg 784 g oltin bo‘laklari yashirilgani ma’lum bo‘ldi.

Baholash xulosasiga ko‘ra, ushbu oltin quymalarning umumiy qiymati 12,5 mlrd so‘mni tashkil etadi.

Aniqlanishicha, u Toshkent shahridan yuborilgan oltinlarni Qirg‘izistonda qabul qilib oladigan shaxsga yuk...

2026-yilning 6 – 24-yanvar kunlari Saudiya Arabistonida futbol bo‘yicha 23 yoshgacha bo‘lgan yoshlar o‘rtasidagi Osiyo kubogi final bosqichi bo‘lib o‘tadi. Mazkur nufuzli musobaqada o‘zbekistonlik hakamlar guruhi va instruktorlar jamoasi faoliyat olib borishi tasdiqlandi.

Asker Najafaliyev turnirda bosh hakam sifatida ishlash uchun taklif etilgan. Unga qanotlarda tajribali yordamchi hakamlar Ruslan Serazitdinov va Baxtiyorxo‘ja Shavkatov ko‘maklashadi. Shuningdek, zamonaviy futbolning ajralmas qismi bo‘lgan VAR tizimida Firdavs Norsafarov faoliyat yuritadi.

Hakamlar ishini nazorat qilish va o‘yin davomida metodik yordam ko‘rsatish uchun Valentin Kovalenko instruktor sifatida jalb etilgan. Saudiya Arabistoni mezbonlik qiladigan ushbu turnirda Ravshan Haydarov boshchiligidagi O‘zbekiston U-23 terma jamoasi ham qatnashadi.

Avvalroq Kursiv...

Vivo X200T smartfonining to‘liq texnik xususiyatlarini oshkor qilindi. Unga ko‘ra, yangi flagman MediaTek Dimensity 9400+ protsessori asosida ishlaydi va Android 15 tizimi bilan jihozlanadi.

Smartfon 6,67 dyuymli OLED ekranga ega bo‘ladi. Uning tasvir aniqligi 1,5K bo‘ladi. Kadr yangilanish tezligi esa 120 Hz bo‘lishi aytilmoqda. Bu esa o‘yinlar va video kontentda yuqori silliqlik beradi.

X200T uchta 50 megapikselli professional sensor bilan chiqadi. Asosiy modul Sony IMX921 bo‘ladi. Keng burchak kamerasi Samsung JN1 sensoridan foydalanadi. Uchinchi modul Sony IMX882 periskop linzasi bilan jihozlanadi. U 3 barobar optik zum imkoniyatini beradi. Bu esa uzoqdan olingan tasvirlarni tiniq aks ettirish imkonini yaratadi.

Akkumulyator...

19-dekabr kuni GAC Hyptec A800 nomli flagman EREV sedani oldindan buyurtma qilish uchun taqdim etildi. Bu haqda CarNewsChina xabar bermoqda.

Model Huawei bilan hamkorlikda ishlab chiqilgan bo‘lib, avtomagistralda L3 darajadagi avtopilot tizimini qo‘llab-quvvatlaydi. Avtomobil salonida 6536 mm uzunlikdagi atmosfera yoritgichlar o‘rnatilgani aytilmoqda. Bu ko‘rsatkich hozircha yo‘lovchi avtomobillari orasida eng uzun ko‘rsatkichlardan biri hisoblanadi.

Hyptec A800 tashqi ko‘rinishda zamonaviy Xitoy elektromobillariga xos yopiq old panel, uzundan-uzoq LED chiziqli faralar, tomdagi lidar sensori va yashirin eshik tutqichlari bilan ajraladi. Aerodinamik qarshilik koeffitsienti 0,275 Cd. Korpus o‘lchamlari 5130×1966×1500 mm bo‘lib, g‘ildirak bazasi 3020 mm. Old faralardagi 6068 mm uzun yorug‘lik chizig‘i korpus...

Yangi batareya texnologiyalari va energiyani tejovchi protsessorlar tufayli endi ham arzon telefonlar, ham flagmanlar ancha uzoq ishlayapti. Tom’s Guide nashri bir qator smartfonlarni sinovdan o‘tkazib, kuchli batareyaga ega modellarni saraladi.

Sinov natijalariga ko‘ra, oddiy smartfon o‘rtacha 11 soat ishlaydi. Ushbu ro‘yxatga kirish uchun esa kamida 16 soatga yaqin natija ko‘rsatish talab etilgan. Quyida eng uzoq vaqt ishlaydigan 10 ta model haqida ma’lumot keltirilgan.

Batareyasi kuchli 10 ta smartfon modeli (soat:daqiqa)

Moody’s xalqaro reyting agentligi O‘zbekistonning suveren reytinglari bo‘yicha navbatdagi davriy ko‘rib chiqishni yakunladi. Agentlik ma’lumotiga ko‘ra, ushbu sharh texnik xususiyatga ega bo‘lib, yaqin kelajakda reytingni saqlab qolish yoki o‘zgartirishdan oldingi muhim bosqich hisoblanadi.

Hisobotda O‘zbekistonning kredit profili yuqori iqtisodiy o‘sish salohiyati va nisbatan mo‘tadil davlat qarzi bilan qo‘llab-quvvatlanayotgani qayd etilgan. Davlat qarzining katta qismi imtiyozli shartlarda jalb qilingan. Shu bilan birga, aholi jon boshiga daromadning pastligi, raqobatbardoshlik darajasining cheklanganligi, institutsional hamda mo‘tadil siyosiy xatarlar iqtisodiyot uchun cheklovchi omillar sifatida ko‘rsatib o‘tilgan.

Moody’s bahosiga ko‘ra, O‘zbekiston iqtisodiyoti tashqi voqealarga, jumladan Rossiya va Ukraina o‘rtasidagi mojaroning ta’siriga nisbatan barqarorlikni namoyon etmoqda...

Sanitariya-epidemiologiya qo‘mitasi so‘nggi paytlarda o‘zini «SES» xodimi deb tanishtirayotgan shaxslar haqida murojaatlar bo‘layotganini bildirdi.

Xabarga ko‘ra, ular ko‘p qavatli uylar va turli tadbirkorlik subyektlariga borib, suvaraklarga qarshi majburiy dezinfeksiya bahonasida dori vositalarini sotishga urinmoqda. Ma’lum qilinishicha, boshqarma va uning tuman bo‘limlari xodimlari aholi yoki tadbirkorlarga dezinfeksiya vositalarini sotish bilan shug‘ullanmaydi. Xavotirli jihati, o‘zini «SES» xodimi deb tanishtirayotgan shaxslarning soxta xizmat guvohnomalari ham mavjud.

Sanitariya-epidemiologiya qo‘mitasi dezinfeksiya vositalarini bilmasdan qo‘llash zaharlanish kabi salbiy oqibatlarga olib kelishini bildirdi. Shuning uchun agar kimdir o‘zini «SES» xodimi sifatida tanishtirib, dori vositalarini pullashga urinsa, avvalo uning xizmat guvohnomasini so‘rash zarur. Agar bu shaxslar...

Toshkent viloyatining Zangiota tumanida elektr energiyasini saqlash tizimi quriladi. Bu bo‘yicha 17-dekabr kuni prezident Shavkat Mirziyoyev qaror imzoladi.

«Eaglerise development HK Company Limited» kompaniyasi tomonidan «Toshkent viloyati Zangiota tumanida quvvati 150 MVt (300 MVt soat) bo‘lgan elektr energiyasini saqlash tizimini qurish» investisiya loyihasi doirasida «Mega Energy Power TECH» MCHJ (loyiha kompaniyasi) ta’sis etilgan.

Qarorga ko‘ra, loyiha kompaniyasi o‘z zimmasiga elektr energiyasini saqlash tizimi foydalanishga kafolatlangan tarzda tayyor turishini ta’minlash majburiyatini oladi.

Loyiha kompaniyasi loyiha doirasida elektr stansiyasini yagona elektr energiyasi tarmog‘iga ulash uchun elektr uzatish tarmoqlari va podstansiya quradi hamda ishga tushirilgandan so‘ng ularni «O‘zbekiston milliy elektr tarmoqlari» AJga...

Qrim rasmiylari Rossiyaga nisbatan salbiy munosabat bildirgan 84 nafar jismoniy va yuridik shaxsning mol-mulkini davlat egaligiga o‘tkazish to‘g‘risida qaror qabul qildi. Bu haqda Qrim parlamenti spikeri Vladimir Konstantinov o‘zining Telegram-kanalida ma’lum qildi.

Aktivlar orasida taniqli bokschi Oleksandr Usikning mulklari ham bor. Rasmiylar uni Ukraina harbiylari uchun mablag‘ yig‘ishda va Rossiyaning maxsus harbiy amaliyotini ochiqchasiga qoralashda ayblamoqda. Shuningdek, Ukraina Oliy Radasining sobiq deputati Igor Franchukning Qrimdagi bir qator aktivlari, jumladan Lilaste va Teskao kabi shirkatlardagi ulushlari davlat tasarrufiga o‘tkazildi.

Oleksandr Usik 2024-yil 18-may kuni Ar-Riyodda Tayson Fyurini mag‘lubiyatga uchratib, og‘ir vazn toifasida WBA, WBC, IBF va WBO kamarlarining mutlaq sohibiga...

Rossiyada 55 yil avval ishlab chiqarilgan, deyarli ideal holatda saqlanib qolgan Volga GAZ-21R avtomobili sotuvga chiqarildi. Bu haqda Tarantas News nashri xabar berdi.

Gap 1970-yil fevral oyida konveyerdan chiqqan, Volga’ning uchinchi seriyasiga mansub bazaviy versiya haqida ketmoqda. Aynan shu yilning iyul oyida Gorkiy avtomobil zavodida yigirma birinchi modellar ishlab chiqarilishi rasman yakunlangan.

Sotuvchi ma’lumotiga ko‘ra, avtomobil so‘nggi 55 yil davomida quruq garajda, maxsus g‘ilof ostida saqlangan. Mashinaning barcha detallari original bo‘lib, hatto yurilgan masofa ham o‘zgartirilmagan — umumiy probeg atigi 55 ming kilometrni tashkil etadi. Avtomobildan juda kam foydalanilgan, u faqat yoz mavsumida va nihoyatda ehtiyotkorlik bilan haydalgan.

Ixtisoslashtirilgan ta’lim muassasalari agentligi tizimiga kiruvchi ijod maktablarida ta’lim jarayoni 7 – 11-sinflarda olib boriladi. Bu haqda Adliya vazirligi «Huquqiy axborot» Telegram kanalida ma’lum qildi.

Hukumatning 17-dekabr kuni qabul qilingan qarori bilan, Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi tizimiga kiruvchi ijod maktablari faoliyatini belgilovchi yangi nizom tasdiqlandi.

Nizom ijod maktablarining huquqiy maqomi, tashkil etish tartibi va jarayonlarni nazorat qilish mexanizmlarini aniq belgilaydi.

Har bir sinfda 20 nafardan ortiq o‘quvchilar bo‘lishiga ruxsat berilmaydi. O‘quv haftasi besh kun davom etadi, biroq pedagogik kengash qarori bilan maktab olti kunlik dars jadvaliga ham o‘tishi mumkin. Maktabni tamomlagan bitiruvchilarga davlat...

Qozog‘istonda 16 yoshgacha bo‘lganlar uchun ijtimoiy tarmoqlarga ro‘yxatdan o‘tish taqiqlanishi mumkin. Bu haqda Tengrinews nashri xabar bermoqda. Hujjat hozircha faqat muhokama uchun e’lon qilingan.

Loyiha «Onlayn platformalar va OAV masalalari bo‘yicha ayrim qonun hujjatlariga o‘zgartirishlar kiritish to‘g‘risida» qonunga qo‘shimcha sifatida taklif etilgan. Unda 16 yoshdan kichik bolalarni ijtimoiy tarmoqlarda ro‘yxatdan o‘tkazmaslik taklifi bor. Messenjer xizmatlari bundan mustasno.

Vazirlik tushuntirishicha, taqiq faqat ijtimoiy tarmoqlarga tegishli bo‘ladi. WhatsApp yoki Telegram kabi tezkor xabar almashish servislariga tatbiq etilmaydi. Aniq ro‘yxat berilmagan, biroq Qozog‘istonda ishlayotgan barcha ijtimoiy tarmoqlar qamrab olinishi aytilgan. Bu TikTok, Instagram, Facebook, Threads, X, VK kabi platformalarga ham tegishli bo‘lishi...