Yangiliklar

Xitoylik insayder Digital Chat Station yangi Vivo Y500 smartfoni haqida muhim ma’lumotlarni oshkor qildi. Yangi model kompaniya tarixida eng katta akkumulyator bilan taqdim etiladi — uning sig‘imi 8200 mA/soatni tashkil etadi.

Dizayn va ekran

Vivo Y500 tekis ekran bilan taqdim etiladi. Orqa panelida esa katta, markaziy joylashgan dumaloq kamera bloki bo‘ladi. Bu dizayn yechimi Vivo’ning Y-seriyasida birinchi marta qo‘llanmoqda.

Texnik platforma

Smartfonning yuragi sifatida MediaTek Dimensity 7300 chipseti ishlatiladi. Bu protsessor o‘rta sinf smartfonlari uchun ishlab chiqilgan va energiya samaradorligi bilan ajralib turadi.

Himoya darajasi

Qurilma IP68 sertifikatiga ega bo‘ladi. Demak, u suv va changga chidamli...

20-avgust kuni tunda Xitoyda internet sohasida kutilmagan hodisa yuz berdi. Soat 00:34 dan 01:48 gacha mamlakatning «Buyuk Xitoy fayrvoll» tizimi TCP 443-portini to‘liq blokladi. Bu haqda techradar nashri ma’lum qildi.

Aynan shu port orqali HTTPS ulanishlari ishlaydi va ularning yordamida aksariyat xorijiy saytlar hamda onlayn-servislar faoliyat yuritadi. Qolgan portlar – 22 (SSH), 80 (HTTP) va 8443 (muqobil HTTPS) esa ochiq qolgan. Bu vaqtinchalik izolyatsiya Xitoy foydalanuvchilarini deyarli barcha tashqi resurslardan uzib qo‘ydi.

Texnik tafsilotlar

Mutaxassislar tahliliga ko‘ra, blokirovka TCP RST+ACK paketlarini ommaviy yuborish orqali amalga oshirilgan. Bunday paketlar server va kompyuter o‘rtasidagi ulanishni darhol uzadi. Natijada foydalanuvchilar uchun oddiy...

Samarqand viloyatida yashovchi yosh ona Nasiba (shartli ism) xorijda yuqori daromadli ish va’dasiga aldanib, og‘ir vaziyatga tushib qoldi. U oilaviy nizolardan uzoqlashishni istab, ijtimoiy tarmoqlarda o‘zini muvaffaqiyatli tadbirkor sifatida ko‘rsatgan Istanbulda yashovchi Kemal (shartli ism)ning taklifiga rozi bo‘lgan edi.

Kemal unga til va malaka talab qilinmaydigan, yaxshi maoshli ish va’da qildi. Nasiba ishchi vizasisiz Turkiyaga yetib borgach «saxovatli tadbirkor» yo‘l xarajatlarini qarz sifatida ko‘rsatib, uning pasportini olib qo‘ydi va og‘ir sharoitlarda ishlashga majburlashga urindi.

Biroq vaziyat yuzasidan mamlakatimiz konsulxonasiga murojaat tushdi. Tezkor choralar ko‘rgan diplomatik vakolatxona hamda Migratsiya agentligining Turkiyadagi vakilligi yordamida fuqaro sog‘-omon holda O‘zbekistonga qaytarildi.

Shuningdek, fuqaroni...

Realme kompaniyasi ijtimoiy tarmoqlarda e’lon qilgan rasmiy tizerga ko‘ra, kompaniya 15 000 mA/soat akkumulyator bilan jihozlangan smartfonini taqdim etadi. Bu ko‘rsatkich hozirgacha bozorda mavjud bo‘lgan deyarli barcha modellardan ikki baravar yuqori.

Uzoq muddatli ishlash

Realme reklama shiori sifatida «Dramatizm ekranda saqlansin, batareyada emas» jumlasini tanladi. Kompaniya ma’lumotiga ko‘ra, yangi smartfon 50 soat uzluksiz video translatsiyani ta’minlay oladi.

Dizayn va texnik xususiyatlar

Tizerda smartfonning orqa paneli ko‘rsatilgan, unda akkumulyator hajmi yozuvi aniq ko‘rinadi. Qurilma katta hajmli bo‘lgani uchun uning korpusi odatiy smartfonlarga nisbatan ancha qalin bo‘lishi kutilmoqda. Realme bu modelda eng kuchli flagman protsessorni ishlatmasligi ham ehtimol, chunki...

Milliy statistika qo‘mitasining dastlabki ma’lumotlariga ko‘ra, 2025-yil yanvar – iyun oylarida O‘zbekistonda barcha toifadagi xo‘jaliklar tomonidan 3,8 million tonna sabzavot yetishtirildi.

Hududlar kesimida eng yuqori ko‘rsatkich Surxondaryo viloyatida qayd etildi. Bu yerda 719,7 ming tonna sabzavot yetishtirilgan.

Ikkinchi o‘rinda Andijon viloyati (670,7 ming tonna), uchinchi o‘rinda esa Farg‘ona viloyati (511,8 ming tonna) joy olgan.

Toshkent viloyatida yarim yilda 375 ming tonna, Samarqandda 340,8 ming tonna, Namanganda 297,7 ming tonna sabzavot yetishtirildi.

Qolgan hududlarda ko‘rsatkichlar quyidagicha:

Ijtimoiy tarmoqlarda «O‘zbekiston 24» telekanali videolarini sun’iy intellekt yordamida soxtalashtirib, go‘yoki «Amina» nomidan tez daromad olish mumkinligi haqida xabarlar tarqatilmoqda. Bu haqda IIV Kiberxavfsizlik markazi ma’lum qildi.

Rasmiy manbalar bu ma’lumotlarni qat’iy rad etmoqda: ushbu xabarlar yolg‘on va haqiqatga to‘g‘ri kelmaydi.

Fuqarolardan bunday ma’lumotlarga ishonmaslik, ularni tarqatmaslik va rasmiy manbalardangina xabarlarni olish so‘raldi.

Avvalroq Kursiv Uzbekistan firibgarlar Farrux Zokirovning soxta tasvirlaridan foydalanib koʻpchilikni chuv tushirayotganligi haqida xabar bergan edi.

Toshkent shahrida Shota Rustaveli ko‘chasida rekonstruksiya ishlari olib borilishi sababli avtotransport harakati vaqtinchalik cheklanadi. Bu haqda Toshkent shahar hokimligi ma’lum qildi.

Cheklov Cho‘ponota va Shota Rustaveli ko‘chalari kesishmasidan («Birodarlik qabrlari» yodgorligi) boshlab, Shota Rustaveli ko‘chasining Mirobod ko‘chasi bilan kesishmasigacha («Grand Mir» mehmonxonasi aylanasi) bo‘lgan oraliqda amal qiladi.

Cheklov 2025-yil 24-avgustdan 31-avgustgacha davom etadi.

Rasmiylar noqulayliklar uchun uzr so‘rab, haydovchilarga muqobil yo‘nalishlardan foydalanishni tavsiya etmoqda.

Avvalroq Kursiv Uzbekistan Nukus va Shahrisabz ko‘chalari orasida tungi gastroko‘cha qurilishi haqida xabar bergan edi.

Xitoyda yuzlab ayollar shaxsiy fotosurat va videolari noqonuniy tarzda Telegramda tarqatilgani fosh etildi. Ulardan biri – yosh ayol CNN’ga shaxsiy ma’lumotlari va yaqin videolari sobiq sevgilisi tomonidan maxfiy chatda 100 mingdan ortiq obunachiga ulashilganini aytib berdi.

«Mask Park» kanali fosh bo‘ldi

«Mask Park Treehole Forum» nomli kanal – so‘nggi o‘n yillikda Sharqiy Osiyoda aniqlangan eng yirik ekspluatatsion platformalardan biri sifatida tanildi. Bu yerda nafaqat ayollar, balki ularning oila a’zolari ham tahqirli muhokamalarga nishon bo‘ldi. Ayollarni haqoratli so‘zlar bilan «og‘zaki zo‘rlash» holatlari keng tarqalgan.

Kanal yopilgan bo‘lsa-da, CNN o‘nlab boshqa shunga o‘xshash guruhlarni topdi. Ba’zilarida 20 mingdan ortiq foydalanuvchi...

Banklar 24-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Valyuta ayirboshlash kalkulyatori

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.   

Xitoyning yirik avtomobil ishlab chiqaruvchisi 5 ming dollarlik Chery elektromobilini namoyish qildi. Chery QQ Ice Cream 205 Sundae Edition narxi avvalgidek qoldi – 36,9 ming yuan (taxminan $5145 yoki 470 ming rubl), ammo imkoniyatlari oshirilgan.

Texnik xususiyatlari

Mini-automobilning gabaritlari 3008 x 1496 x 1637 mm, g‘ildirak bazasi esa 1960 mm. Kichik o‘lchamlarga qaramay, avtomobil ikki rangli kuzovga ega va saloni zamonaviy multimedia tizimi bilan jihozlangan. Android asosida ishlovchi 9 dyuymli sensorli ekran (1080 x 720 pikselli), Bluetooth, Wi-Fi nuqtasi, ovozli boshqaruv, raqamli panel va ko‘p funksiyali rul mavjud.

Shuningdek, avtomobil orqa kamera, konditsioner va smartfon ulanish funksiyalarini ham...

AQSh valyutasi hafta davomida turlicha dinamiklarni ko‘rsatdi. Kursiv Uzbekistan nashri dollar kursi Markaziy Osiyoda qanday o‘zgarganiga oid maqolasini e’lon qiladi.

O‘zbekiston

18-avgust kuni 1 AQSh dollari 12 497,19 so‘mni tashkil etib, oldingi kunga nisbatan 50,19 so‘mga arzonlashdi. 19-avgustda esa kurs biroz tiklanib, 27,73 so‘mga oshib 12 524,92 so‘m bo‘ldi. 20-avgust kuni ham o‘sish davom etdi va dollar 12 466,44 so‘mgacha ko‘tarildi.

21-avgustda esa aksincha, kurs 52,65 so‘mga tushib, 12 413,79 so‘mni qayd etdi. 22-avgustga kelib esa pasayish yanada sezildi. Dollar 56,70 so‘mga arzonlab, 12 357,09 so‘mga teng bo‘ldi.

Dollar kursi umumiy hisobda 140,1 so‘m pasaydi.

Qozog‘iston

Qo‘shni Qozog‘istonda ham...

24 avgust kuni O‘zbekistonda kechasi harorat 12–23°, kunduzi 23–40° atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

O‘zbekiston Respublikasi mustaqilligi arafasida bir guruh yurtdoshlarimiz faxriy unvon, orden va medallar bilan mukofotlandi. Bu haqda davlat rahbari matbuot xizmati ma’lum qildi.

Eslatib o‘tamiz, avvalroq tadbirkorlar kuni munosabati bilan bir qator biznes vakillari mukofotlangan edi.

Jizzax viloyati Aydarkul bo‘yida joylashgan Arnasoy aerodromi foydalanishga topshirildi. Bu haqda AvroRJ’s SKY ma’lum qildi.

Mazkur aerodrom 1,7 ming metr uzunlikdagi uchish-qo‘nish yo‘lagi, terminal binosi hamda ATR-72 va L-410 samolyotlari uchun mo‘ljallangan to‘xtash joylariga ega. Birinchi parvozni harbiy-transport samolyoti CASA C295W amalga oshirdi.

Arnasoy aerodromi kelgusida hududda barpo etilishi rejalashtirilgan yirik kurort majmuasining transport markaziga aylanishi, turistlar oqimini oshirish va mintaqaning iqtisodiy hamda ijtimoiy rivojlanishiga xizmat qilishi kutilmoqda.

Shu tariqa mamlakat aviatsiya xaritasida yangi nuqta paydo bo‘lib, ichki turizmni rivojlantirish uchun keng imkoniyatlar yaratildi.

Eslatib o‘tamiz, avvalroq Turkmaniston — Xorazm — Qoraqalpog‘iston — Qozog‘iston yo‘nalishi bo‘ylab yangi turistik yo‘lak...

O‘zbekiston Respublikasi davlat mustaqilligining 34 yilligi munosabati bilan barcha davlat teatrlari 1-sentabr kuni «Ochiq eshiklar kuni»ni o‘tkazadi. Bu haqda Madaniyat vazirligi ma’lum qildi.

Ushbu tadbir doirasida poytaxt va viloyatlardagi teatrlarda turli spektakl va konsert dasturlari tomoshabinlarga bepul namoyish etiladi.

Teatr ixlosmandlari taklifnomalarni tegishli teatr kassalaridan olishlari mumkin. Taklifnomalar soni cheklangan.

Eslatib o‘tamiz, avvalroq Mustaqillik kuni munosabati bilan necha kun dam olinishi haqida yozgan edik.

Jizzax viloyatining Sharof Rashidov hamda Paxtakor tumanlarida xalq deputatlari tuman Kengashining navbatdan tashqari sessiyalari bo‘lib o‘tdi. Bu haqda viloyat matbuot xizmati ma’lum qildi.

Sharof Rashidov tumani hokimi lavozimiga Ashurov Asilbek Raxmonovich nomzodi kiritilib, deputatlar tomonidan bir ovozdan ma’qullandi. U 2022-yildan buyon Paxtakor tumani hokimi sifatida faoliyat yuritib kelayotgan edi.

Paxtakor tumani hokimligiga esa Abduvoxidov Xusan Bo‘ltakovich tayinlandi. U yangi lavozimgacha BMTning Oziq-ovqat va qishloq xo‘jaligi tashkiloti (FAO) loyihasida moliyaviy masalalar bo‘yicha maslahatchi sifatida faoliyat yuritgan.

Eslatib o‘tamiz, avvalroq Samarqand viloyatining uchta tumaniga yangi hokim tayinlangan edi.

Londonda O‘zbekiston elchixonasida «Cavitas Energy» kompaniyasi rahbari Grem Makney bilan uchrashuv o‘tkazildi. Bu haqda «Dunyo» AA ma’lum qildi.

Muloqotda O‘zbekistonda neft-gaz sohasida qo‘shma loyihalarni amalga oshirish hamda energetika tarmog‘iga ilg‘or texnologiyalarni tatbiq etish masalalari muhokama qilindi.

«Cavitas Energy» texnologiyalari yordamida iqtisodiy jihatdan samarasiz deb hisoblangan neft konlarini rentabel aktivlarga aylantirish imkoniyatlari ham ko‘rib chiqildi.

Grem Makney kompaniya O‘zbekiston bilan uzoq muddatli hamkorlikka tayyorligini bildirib, ilg‘or yechimlarni mamlakat energetika sohasi rivojiga yo‘naltirishga katta qiziqish mavjudligini ta’kidladi.

Eslatib o‘tamiz, avvalroq O‘zbekiston va Qatar farmatsevtika sohasida hamkorlik qilishi haqida yozgan edik.

O‘zbekistonning Stokgolmdagi elchixonasi diplomatlari Daniya Tashqi ishlar vazirligi Iqtisodiy diplomatiya departamenti direktori Karen Abraxamsen hamda vazirlikning boshqa mas’ul xodimlari bilan uchrashuv o‘tkazdi. Bu haqda «Dunyo» AA ma’lum qildi.

Muloqotda siyosiy, savdo-iqtisodiy, investitsiya, ta’lim, turizm, sog‘liqni saqlash va qishloq xo‘jaligi sohalarida hamkorlikni yanada rivojlantirish masalalari ko‘rib chiqildi.

Tomonlar so‘nggi yillarda savdo aylanmasining o‘sib borayotganini qayd etib, bu jarayonni muntazam muloqot mexanizmlari orqali qo‘llab-quvvatlash muhimligini ta’kidlashdi.

Shuningdek, shu yil oktabrdan boshlab «Centrum Air» aviakompaniyasi tomonidan Toshkent – Kopengagen yo‘nalishida to‘g‘ridan to‘g‘ri aviaqatnovlar yo‘lga qo‘yilishi ikki tomonlama aloqalarni, jumladan, turizm va iqtisodiy hamkorlikni yanada faollashtirishi qayd etildi.

Eslatib o‘tamiz, avvalroq O‘zbekiston va...

18 – 22-avgust kunlari dollar kursida tebranishlar davom etdi. Valyuta qiymati kunma-kun turlicha o‘zgarib, hafta oxiriga kelib pasayish kuzatildi. Kursiv Uzbekistan nashri hafta davomida dollar kursi qanday o‘zgarganiga oid maqolasini e’lon qiladi.

18-avgust kuni 1 AQSh dollari 12 497,19 so‘mni tashkil etib, oldingi kunga nisbatan 50,19 so‘mga arzonlashdi. 19-avgustda esa kurs biroz tiklanib, 27,73 so‘mga oshib 12 524,92 so‘m bo‘ldi. 20-avgust kuni ham o‘sish davom etdi va dollar 12 466,44 so‘mgacha ko‘tarildi.

AQSH valyutasining 28.07-22.08-sanalardagi o‘zgarishi

21-avgustda esa aksincha, kurs 52,65 so‘mga tushib, 12 413,79 so‘mni qayd etdi. 22-avgustga kelib esa pasayish yanada sezildi...

Berlin shahrida bo‘lib o‘tgan EURAMET (Yevropa Milliy metrologiya institutlari uyushmasi)ning 19-Bosh Assambleyasida O‘zbekiston milliy metrologiya instituti Markaziy Osiyodagi yagona hamkor tashkilot sifatida qabul qilindi. Bu haqda «Dunyo» AA ma’lum qildi.

Yangi maqom O‘zbekistonning xalqaro nufuzini oshiradi, Yevropa metrologiya tizimiga kirish imkonini yaratadi hamda mahalliy etalonlarni Yevropa standartlari bilan taqqoslashga yo‘l ochadi. Shuningdek, ilmiy hamkorlik, kadrlar malakasini oshirish va sanoat mahsulotlari sifatini yuksaltirishga xizmat qiladi.

Bugungi kunda O‘zbekiston fotometriya va radiometriya yo‘nalishidagi loyihalarda faol qatnashmoqda. Bu esa mamlakatimizning metrologiya sohasidagi global integratsiyaga qadam tashlayotganidan dalolat beradi.

Eslatib o‘tamiz, avvalroq O‘zbekiston qazilmalari global yetkazib berish zanjiriga qo‘shilishi haqida yozgan edik.

Turkiyalik tadbirkor Xamid Aydin Toshkentdagi «Tashkent City» majmuasida go‘zallik va plastik jarrohlik klinikasi uchun $1,2 mln sarmoya kiritmoqda. Bu haqda «Dunyo» AA ma’lum qildi.

Unga ko‘ra, yangi klinikani yil yakunida ishga tushirish rejalashtirilgan.

Aydinning aytishicha, u 2020-yildan buyon O‘zbekistonda klinikalar tarmog‘ini kengaytirib kelmoqda. Hozirgi kunda Toshkent, Samarqand va Urganchda faoliyat yuritayotgan «EKU» klinikalarida 12 nafar turkiyalik va 70 nafar o‘zbekistonlik shifokor ishlamoqda. Shu kungacha u sog‘liqni saqlash sohasiga $3,75 mln investitsiya kiritgan.

22-avgust kuni Toshkent viloyati, Parkent tumanida «Uzum sayli» va xalqaro vinochilik festivali boshlandi. Kursiv Uzbekistan jamoasi festivalning birinchi kunidan fotoreportaj tayyorladi.

Eslatib o‘tamiz, festival 23-avgust kuni yakunlanadi.

Avvalroq Kursiv Uzbekistan Xorazmda «Qovun sayli 2025» qanday o‘tganligi haqida yozgan edi.

Turkmaniston xalq maslahati rahbari Gurbanguli Berdimuhammedov O‘zbekiston prezidenti Shavkat Mirziyoyevga tuya va tuyachani sovg‘a qildi. Bu haqda davlat rahbari matbuot xizmati ma’lum qildi.

Prezident matbuot xizmati qayd etishicha, ushbu hayvonlar baraka va farovonlik ramzi hisoblanadi.

Sovg‘a topshirish marosimi Turkmanboshi shahrida bo‘lib o‘tdi. Unda Ozarbayjon rahbari Ilhom Aliyev ham ishtirok etdi. Berdimuhammedov unga «Taus» laqabli axaltekin zotli otni tuhfa qildi. Turkman siyosatchisining ta’kidlashicha, ot nomi «Yashasin Turkmaniston, Ozarbayjon, O‘zbekiston» degan ma’noni anglatadi.

Shuningdek, uch davlat rahbarlari turkman otchilik sport guruhi — «Galkinish» chiqishini tomosha qildilar.

Eslatib o‘tamiz, avvalroq O‘zbekiston yuk tashish tariflarini pasaytirishga va Kaspiy orqali yangi yo‘laklar ochishga tayyorligi...

Oʻzbekiston Milliy olimpiya qoʻmitasi va Futbol assotsiatsiyasi rahbariyati Manchester shahrida «City Football Group» va «Manchester Siti» klubi bilan uchrashuv oʻtkazdi. Muzokaralarda oʻzbek futbolini yangi bosqichga olib chiqish masalalari koʻrib chiqildi.

Asosiy mavzu sifatida oʻzbek klublaridan birini «City Football Group» tizimiga integratsiya qilish imkoniyati muhokama qilindi. Shuningdek, zamonaviy futbol akademiyasi tashkil etish, infratuzilmani rivojlantirish va xalqaro tajribani joriy etish masalalariga alohida eʼtibor qaratildi.

Kompaniya vakillari Oʻzbekiston milliy terma jamoasining jahon chempionatiga chiqqani futbol rivoji yuqori darajaga yetganidan dalolat berishini taʼkidlashdi. Shuningdek, Abduqodir Husanovning transferi oʻzbek futboliga xalqaro qiziqishni oshirgani qayd etildi.

Safar davomida rasmiylar «Manchester Siti» akademiyasi va jamoa tizimi...