Yangiliklar

O‘zbekiston fuqarolarining katta qismi qish oylarida asosan Rossiyaga parvozni amalga oshirmoqda. Bu bo‘yicha Aviasales.uz eng ko‘p tanlanadigan aviayo‘nalishlarni ma’lum qildi.

Unga ko‘ra, Rossiyaga ketayotganlar xorijga safar qilayotganlar umumiy sonining 35 foizini tashkil qiladi. 12 foiz kishi esa BAAga yo‘l olgan. Turkiyani tanlaganlar 9 foizga teng. Shuningdek, 6 foiz o‘zbekistonliklar Xitoyga bormoqda. Saudiya Arabistoni, Malayziya va Tailand yo‘nalishlariga har biriga 3 foizdan to‘g‘ri kelgan.

Xorijga chiquvchilar orasida Janubi-Sharqiy Osiyo mamlakatlariga qiziqish ortgan. O‘tgan qish mavsumi bilan taqqoslaganda, Malayziyaga bo‘lgan talab 3 marotaba oshgan. Tailandga parvozlar soni ham 40 foizga ko‘paygan.

Chet elga oilasi bilan sayohat qilayotgan yo‘lovchilarning ulushi 2024-yilgi...

Saudiya Arabistonining «Al-Ittihod» klubi hujumchisi Karim Benzema sevgilisi bilan uchrashuv o‘tkazish uchun Luvr muzeyini ijaraga oldi.

Ma’lumotlarga qaraganda, futbolchi Parijdagi Luvr muzeyini yopiq formatda ijaraga olib, sevgilisi uchun maxsus romantik uchrashuv uyushtirgan. Ushbu kecha uchun u 12 ming yevro to‘lagan.

Bu post Benzema «Al-Ittihod» bilan shartnomasini 2028-yilgacha uzaytirganidan keyin bir necha hafta o‘tib paydo bo‘ldi. Shartnomaning yangilanishi fransiyalik futbolchining «Real Madrid»ga qaytishi haqidagi gap-so‘zlarga chek qo‘ydi.

Benzema futbolchilik faoliyatining eng gullagan davri «Real Madrid» klubiga to‘g‘ri keladi, bu yerda u 2009-yildan 2023-yilgacha to‘p surdi. Madrid klubi tarkibida Benzema besh marta UEFA Chempionlar ligasi kubogini va to‘rt marta Ispaniya chempionligini...

Jeyms Kemeronning «Olov va Kul» nomli «Avatar» franshizasining yangi qismi 19-dekabr kuni global premyerasi oldidan o‘nlab nashrlar tomonidan baholandi.

Rotten Tomatoes saytida yangi «Avatar»ning reytingi atigi 69% ni tashkil etadi, bu avvalgi filmlarga nisbatan past. Metacritic’dagi bahosi esa 61 ballga teng. Tanqidchilarning fikricha, yangi «Avatar» kino industriyasiga hech qanday innovatsionlik olib kirmayapti, hatto doimo franshizaning tashrif qog‘ozi bo‘lgan vizual qismda ham.

Associated Press nashri «Avatar»ning yangi qismini $1 mlrdlik beta-test deb atab, bu kassa muvaffaqiyatiga qaramay, hech qanday vizual hiylalar ahamiyatli ta’sirga ega hikoyani yarata olmasligini isbotladi, degan fikrni ilgari surdi.

Jurnalistlarning xulosasiga ko‘ra, filmdagi harakatlar...

AQShning Ogayo shtatida 1950-yillarga oid noyob Chevrolet Corvette sportkari topildi. 1957-yilda ishlab chiqarilgan ushbu mashina 30 yildan ortiq vaqt davomida garajda harakatsiz holatda saqlanib kelgan.

Unga ko‘ra, birinchi avlodga mansub Chevrolet Corvette C1 1990-yillarning o‘rtalaridan beri foydalanilmagan. Avvalgi egasi avtomobilni restavratsiya qilishni boshlagan, hatto dvigatelini ham yechib olgan, biroq ish oxiriga yetmagan. Egasi vafot etgach, uning qarindoshlari sportkarni eBay platformasida sotuvga qo‘ygan.

Hozirda avtomobil ta’mirtalab holatda: bo‘yoq qatlami shikastlangan, ayrim joylarda zang paydo bo‘lgan. Salonida esa ichki qoplamaning bir qismini almashtirish talab etiladi. Shunga qaramay, bu Corvette’ning qiymati yuqori, chunki u yonilg‘i purkash tizimiga ega kamyob versiya hisoblanadi.

1957-yilgi...

Mag‘lubiyat nimaligini bilmay kelgan super o‘rta vazn toifasidagi jahon chempioni Terens Krouford 38 yoshida professional boksni tark etishini e’lon qildi. Bu haqda bokschi ijtimoiy tarmoqdagi sahifasida ma’lum qildi.

Krouford meksikalik kuchli bokschi Saul Alvaresni sentabr oyida Las-Vegasda mag‘lub etib, mutlaq super o‘rta vazn kamari sohibi bo‘lgandi. U amaldagi WBA, IBF va WBO super o‘rta vazn toifasi chempioni sifatida iste’foga chiqmoqda. Avvalroq bokschi sanksiya to‘lovlari bo‘yicha yuzaga kelgan nizo tufayli WBC kamaridan mahrum etilgan edi.

«Men musobaqadan chekinyapman, jang qilishni tugatganim uchun emas, balki boshqa turdagi jangda g‘alaba qozonganim uchun. Bu siz o‘z shartlaringiz bilan ketadigan...

Qo‘qon shahrida yashovchi 54 yoshli tabib Iqbol Salievga 10 sutka ma’muriy qamoq jazosi qo‘llanildi. Bu haqda Farg‘ona viloyati sudlari matbuot xizmati xabar berdi.

Unga ko‘ra, Jinoyat ishlari bo‘yicha Qo‘qon shahar sudining 17-dekabr kungi qarori bilan Salievga ma’muriy qamoq jazosi qo‘llangan. Aniqlanishicha, u muddati 2024-yil dekabrda tugagan guvohnoma bilan faoliyat olib borgan.

Tabib Ma’muriy javobgarlik to‘g‘risidagi kodeks bo‘yicha javobgarlikka tortilgan. Bundan tashqari, unga 2025-yil 10-yanvarda ham shu moddaning 1-qismi asosida aybdor deb topilib, bazaviy hisoblash miqdorining 20 baravari miqdorida jarima tayinlangan.

Eslatib o‘tamiz, avvalroq Sogʻliqni saqlash vazirligi fuqarolarni ijtimoiy tarmoqlarda faoliyat yuritayotgan soxta tabiblarga aldanmaslikka chaqirgandi. Vazirlik xabarida aytilishicha, tegishli...

O‘zbekistonda tijorat banklari tomonidan aholiga ajratilgan ta’lim krediti va avtokreditlar miqdori mos ravishda 16,2 va 7 foizga o‘sdi. Bu haqda Markaziy bankning joriy yil dekabr oyida e’lon qilingan hisobotida keltirilgan.

Bank hisobotida berilgan statistikaga ko‘ra, 2025-yilning dastlabki 9 oyi davomida o‘zbekistonliklarga mashina xarid qilish uchun 13,7 trln so‘m kredit berilgan. Bu miqdor o‘tgan yilning yanvar-sentabr oylarida taqdim qilingan avtokredit miqdoridan 7 foizga (949 mlrd so‘m) ko‘pni tashkil qilmoqda.

Mutaxassis nima deydi

Tahririyat raqamlardagi o‘sish haqida qo‘shimcha ma‘lumot olish uchun bank mutaxassisi bilan bog‘landi. Kursiv muxbiri bilan bo‘lgan suhbatda u hozirda banklar nega birlamchi avtomobil bozorini faol tarzda avtokreditlashni...

General Motors kompaniyasi Ekvador bozorida Chevrolet Captiva EV’ning 2026-yilgi elektr versiyasini rasman namoyish qildi. Bu haqda Tarantas News nashri xabar berdi.

Ushbu model mamlakatda sotuvga chiqarilgan Chevrolet’ning to‘rtinchi to‘liq elektr avtomobili bo‘lib, u Blazer EV, Equinox EV va Spark EUV’dan keyin qatorga qo‘shildi.

Chevrolet Captiva EV 2026 Ekvadorda faqat Premier komplektatsiyasida taklif etiladi. Ushbu versiya ikki rangli tashqi dizayni — qora tom, qoraytirilgan bezaklar, shuningdek, o‘z sinfidagi eng to‘liq texnologik va xavfsizlik yechimlari bilan ajralib turadi.

Elektr krossover old o‘qqa o‘rnatilgan 201 ot kuchiga ega elektromotor bilan jihozlangan. U 60 kVt·soat sig‘imli litiy-temir-fosfat (LFP) batareya bilan ishlaydi. Batareya tezkor...

Apple kompaniyasi iPhone smartfonlari uchun ayrim chiplarni Hindistonda ishlab chiqarishni rejalashtirmoqda. The Economic Times nashriga ko‘ra, kompaniya Murugappa Group’ga tegishli CG Semi bilan dastlabki muzokaralarni olib borgan.

Ma’lum qilinishicha, Apple hozircha Hindistonda asosiy Apple A yoki yangi Apple C va N chiplarini ishlab chiqarishni rejalashtirmayapti. Muzokaralar, asosan, ekran bilan bog‘liq oddiy chiplar haqida ketmoqda.

Dastlab displey drayver chiplarini ishlab chiqarish yo‘lga qo‘yilishi mumkin. Hozirda Apple bunday chiplarni Samsung, Himax, LX Semicon va Novatek kabi kompaniyalardan xarid qiladi. Ushbu yetkazib beruvchilarning ishlab chiqarish quvvatlari Janubiy Koreya, Tayvan va Xitoyda joylashgan.

Shuningdek, Apple Hindistonda chip ishlab chiqarish bo‘yicha boshqa kompaniyalar bilan...

18-dekabr uchun valyuta kurslari e’lon qilindi. Shu kun uchun AQSh valyutasi 12 059,78 so‘m (-45,78 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

1-dekabr kuni valyuta kursi 11 940,95 so‘m etib belgilandi va oldingi kunga nisbatan 38,65 so‘mga oshdi. 2-dekabrda vaziyat o‘zgardi. Dollar 11 895,57 so‘mga tushib, kunlik hisobda 45,38 so‘m pasaydi. 3-dekabr kuni kurs pasayishda davom etdi va 11 880,93 so‘mni tashkil etdi. Bu kunda dollar yana 14,64 so‘mga arzonlashdi.

4-dekabrda bozor yo‘nalishini o‘zgartirdi. AQSh valyutasi yana mustahkamlanib, 11 912,38 so‘mga chiqdi. Kunlik o‘sish 31,45 so‘m bo‘ldi. 5-dekabr kuni esa haftadagi eng katta ko‘tarilish qayd etildi. Dollar 50,85 so‘mga...

Honor yangi WIN smartfonlar seriyasini e’lon qildi va to‘laqonli anons sanasini tasdiqladi. Yangi mahsulotlarning taqdimoti 26-dekabr kuni bo‘lib o‘tadi. Seriya ikkita modelni o‘z ichiga oladi, bular Honor WIN va Honor WIN RT.

Vizual jihatdan, ikkita model o‘rtasidagi farq kattaroq modelda to‘rtinchi kameraning borligida hisoblanadi. Shuningdek, ikkinchi model nomidagi RT qo‘shimchasi «Racing Turbo»ga ishora qilishi mumkin, bu esa yuqori unumdorlik yoki yaxshilangan sovutish tizimini anglatadi.

Smartfonlarning texnik xususiyatlari hozircha noma’lum. Qurilmalar geymerlarga mo‘ljallangan bo‘lib, bunga ranglar nomlari ham ishora qiladi. «Specified Win», «Fast Black/Team up» va «Fearless of Blue».

Avvalroq Kursiv Uzbekistan Honor 2026-yilda noodatiy Robot Phone smartfonini taqdim etishi...

O‘zbekiston Madaniyat va San’atni rivojlantirish jamg‘armasi va King jamg‘armasi bilan hamkorlikda tashkil etilgan Naqsh hunarmandchilik maktabi yangi ustaxona uchun arizalar qabul qilishni boshladi. Bu haqda ma’lumotlar Kursiv’ga ma’lum qilindi.

Kurs 15 nafar ishtirokchi uchun mo‘ljallangan bo‘lib, O‘zbekistonning me’moriy merosidagi geometriya va ornament prinsiplari bilan tanishtiradi.

Immersiv dastur ishtirokchilarga Registon va Bibi-Xonim kabi tarixiy me’moriy yodgorliklarda ishlatilgan oltin nisbati va ornament tizimlarini o‘rganish imkonini beradi. King jamg‘armasi an’anaviy san’at maktabi o‘qituvchilari geometriya asosida san’at loyihalash va ornament yaratish metodologiyasini tushuntiradi.

Ustaxona tafsilotlari

Shavkat Mirziyoyev Koreya Respublikasi Milliy Assambleyasi Spikeri U Von Shik boshchiligidagi delegatsiyani qabul qildi. Bu haqda prezident matbuot xizmati xabar bermoqda.

Tomonlar O‘zbekiston va Koreya Respublikasi o‘rtasidagi alohida strategik sheriklikni yanada mustahkamlash masalalarini muhokama qildi. Parlamentlararo hamkorlik ushbu aloqalarning muhim yo‘nalishi ekani qayd etildi.

Siyosiy va parlamentlararo aloqalar faollashgani ta’kidlandi. Tovar ayirboshlash hajmi ortmoqda. Koreyadan iqtisodiyotni modernizatsiya qilish va yuqori texnologiyali sanoatni rivojlantirishga qaratilgan investitsiyalar ko‘paymoqda.

O‘zbekistonda Koreyaning yetakchi universitetlariga tegishli to‘rtta filial faoliyat yuritmoqda. Hududlarda professional ta’lim markazlari ham samarali ishlamoqda.

Infratuzilmani rivojlantirish, transport va logistika, nodir metallarni qayta ishlash hamda boshqaruv va qonun ijodkorligini raqamlashtirish bo‘yicha qo‘shma...

Mozilla Corporation Entoni Enzor DeMeoni bosh direktor etib tayinlaganini rasman e’lon qildi. Uning rahbarligida kompaniya Firefox brauzerini sun’iy intellekt integratsiyasiga ega to‘laqonli platformaga aylantirishni rejalashtirmoqda.

Yangi boshliqning ta’kidlashicha, texnologiyalarni joriy etish foydalanuvchi maxfiyligini buzmasligi kerak. Foydalanuvchilar barcha SI funksiyalari ustidan to‘liq nazoratga ega bo‘ladi. SI ishi shaffof bo‘lishi va keraksiz funksiyalar to‘liq o‘chirib qo‘yilishi mumkin.

Bundan tashqari, Firefox foydalanuvchilarga tanlash uchun bir nechta neyrotarmoq modellarini taklif qilishni maqsad qilgan. Bularga ochiq kodli SI yechimlari hamda yirik kompaniyalarning modellari kiradi. Entoni Enzor DeMeo bu tayinlovdan oldin Firefox’ning bosh menejeri lavozimida ishlagan va vaqtinchalik rahbar Lora Chemberzni almashtirdi.

Avvalroq Kursiv Uzbekistan...

Tojikiston O‘zbekistondan sutkasiga 2 mln kVt/soatgacha elektr energiyasi ola boshladi. Bu haqda AziaPlus Tj ma’lum qildi.

Tojikiston tashqi bozorlarga faqat mamlakat janubi-g‘arbida joylashgan O‘zbekiston energiya tizimi orqali chiqish imkoniyatiga ega. Xususan, 500 kV kuchlanishli «Regar – G‘uzor» elektr uzatish liniyasi orqali tranzit amalga oshiriladi.

Mamlakat Energetika vazirligi ma’lumotiga ko‘ra, Tojikiston energiya tizimining Markaziy Osiyo yagona energiya tizimi bilan parallel ishlashi shimoliy elektr tarmoqlari mintaqaviy «energiya halqasi»ga ulangach yo‘lga qo‘yiladi. Tojikistonning Markaziy Osiyo yagona energiya tizimiga to‘liq qo‘shilishi 2026-yilning birinchi choragida kutilmoqda.

12-dekabr holatiga ko‘ra, Tojikistonda sutkalik elektr ishlab chiqarish hajmi 54 mln kVt/soatdan oshgan. Avvalroq bu ko‘rsatkich 44 mln...

Toshkent shahar hokimligi poytaxt transport tizimida rejalashtirilayotgan o‘zgarishlar noto‘g‘ri talqin qilinayotganini bildirib, ushbu masala yuzasidan qayta tushuntirish berdi.

Unga ko‘ra, viloyatlardan Toshkent shahriga avtomobillar kirishiga hech qanday taqiq yoki cheklov joriy etilmaydi. Avvalgi tartib saqlanib qoladi va haydovchilar shaxsiy avtomobilda shaharga kirishda davom etishi mumkin.

Rejalashtirilayotgan ishlar nazorat-o‘tkazish punktlarini modernizatsiya qilish bilan bog‘liq. Ayrim punktlar shahar tashqarisiga ko‘chiriladi, ayrimlari esa qayta quriladi. Ushbu hududlarda yirik avtoturargohlar, dam olish joylari va shaharga tez yetib borish imkonini beradigan jamoat transporti infratuzilmasi tashkil etiladi.

Bu imkoniyat ixtiyoriy hisoblanadi. Haydovchilar xohlasa avtomobilini turargohda qoldirib, yo‘lni metro yoki avtobusda davom ettirishi mumkin. Xohlaganlar esa...

FIFA global norozilikdan so‘ng Jahon chempionati chiptalari narxini qisqartirdi. Xususan, turnir finali uchun eng sodiq muxlislarga $4,1 ming o‘rniga $60 lik chiptalar taklif qilinadi.

Ma’lum bo‘lishicha, Shimoliy Amerikada bo‘lib o‘tadigan turnirdagi har bir o‘yin uchun $60 lik chiptalar mavjud bo‘ladi va bu chiptalar ishtirokchi jamoalarning milliy federatsiyalariga beriladi. Federatsiyalar bu chiptalarni avvalgi o‘yinlarga tashrif buyurgan eng sodiq muxlislariga tarqatadi.

Tashkilot narx siyosatini bu qadar keskin o‘zgartirgani sababini aniq aytmadi, biroq pastroq narxlar «o‘z milliy jamoalari ortidan turnir bo‘ylab sayohat qilayotgan muxlislarni qo‘llab-quvvatlash» uchun mo‘ljallanganini bildirdi. 48 ta jamoa ishtirok etadigan ushbu Jahon chempionatidan FIFA kamida $10 mlrd daromad...

Tesla kompaniyasi Texas shtati, Ostin shahrida robotaksi xizmatini yangi bosqichga olib chiqdi: endi avtomobillarda xavfsizlik xodimi umuman bo‘lmaydi. Bu haqda TechCrunch nashri xabar berdi.

Ilon Maskning aytishicha, kompaniya iyun oyidan boshlab tanlab olingan mijozlar va inflyuenserlar uchun robotaksi sinovlarini o‘tkazgan. Avval old o‘rindiqda xavfsizlik xodimi bo‘lgan bo‘lsa, sentabr oyidan u haydovchi o‘rindig‘iga o‘tkazildi. Endilikda esa avtomobillar butunlay inson aralashuvisiz harakat qiladi.

Tesla Ostindagi kichik sinov parki iyun oyidan buyon kamida yetti yo‘l-transport hodisasiga aralashgan, ammo tafsilotlar deyarli ochiqlanmagan. Kompaniya ijtimoiy tarmoqlarda yo‘lovchisiz Tesla Model Y videosini tarqatib, «Sekin-asta, keyin birdaniga» degan ishora qoldirdi.

Tesla robotaksilari Ostindagi xizmat hududini asta-sekin...

Davlat soliq qo‘mitasi 2025-yil yanvar – oktabr oylarida savdo sohasida faoliyat yuritgan yirik soliq to‘lovchilar bo‘yicha ma’lumotlarni e’lon qildi. Hisobotga ko‘ra, ushbu davrda savdo tarmog‘ida 151 492 ta yuridik shaxs faoliyat ko‘rsatgan.

Savdo sohasida umumiy tovar aylanmasi 656,5 trln so‘mni tashkil etdi. To‘langan soliqlar hajmi 28,9 trln so‘mga yetdi. Soliq imtiyozlari esa 5,6 trln so‘mni tashkil qilgan.

Shundan TOP – 20 yirik soliq to‘lovchi korxonalar hissasiga 45,5 trln so‘mlik tovar aylanmasi to‘g‘ri kelgan. Ular tomonidan jami 2,3 trln so‘m soliq to‘langan. Ushbu kompaniyalar savdo sohasidagi jami soliq tushumlarining 8 foizini shakllantirgan.

Eng ko‘p soliq to‘lagan korxonalar reytingida birinchi o‘rinni...

Toshkentga kirish nuqtalarida yangi avtoturargohlar tashkil etiladi. Bu haqda Тоshkent shahar transport bosh boshqarmasi xabar berdi.

Unga ko‘ra, shahar kirish nuqtalari va chegaraga yaqin hududlarda zamonaviy va qulay turargohlar tashkil etiladi. Bu turargohlar shahar atroflaridan kelayotgan haydovchilarga avtomobilini shu yerda qoldirib, manziliga metro yoki avtobus orqali tez va xavfsiz yetib borish imkonini beradi.

Shuningdek, mazkur avtoturargohlar majburiy emas. Haydovchilar o‘z xohishiga ko‘ra, avtomobilini qoldirishi yoki shahar ichiga kirishda davom etishi mumkin.

Boshqarma poytaxtga har kuni qariyb 300 mingta avtomobil kirishi va bu holat, ayniqsa, tig‘iz soatlarda markaziy ko‘chalarda tirbandliklarning keskin oshishiga sabab bo‘layotganini bildirdi. Yangi mexanizm shaharga kirishni...

AQSh prezidenti Donald Tramp 16-dekabr kuni AQShga to‘liq yoki qisman kirish cheklovlari qo‘llaniladigan davlatlar ro‘yxatini kengaytirish to‘g‘risidagi farmonni imzoladi. Oq uy ma’lumotiga ko‘ra, ro‘yxat 19 ta davlatdan 39 taga yetdi.

Farmonga asosan, ayrim davlatlar uchun to‘liq taqiq, ayrimlari uchun esa qisman cheklovlar joriy etildi. Oq uy bu qarorni mazkur mamlakatlarda hujjatlarni tekshirish, xavfsizlik skriningi va ma’lumot almashish tizimlaridagi jiddiy kamchiliklar bilan izohladi.

Shuningdek, Falastin ma’muriyati bergan sayohat hujjatlariga ega shaxslarga ham qo‘shimcha cheklovlar kiritildi. Shu bilan birga, Turkmaniston fuqarolari uchun notijorat vizalar bo‘yicha taqiq bekor qilindi, ammo mamlakat fuqarolarining AQShga kirishi baribir cheklangan holda qolmoqda.

Farmon doimiy yashash huquqiga...

KIA’ning 2026-yilgi Sorento modeli avtomobil xavfsizligi sohasida eng nufuzli baholardan biri – IIHS Top Safety Pick+ mukofotiga sazovor bo‘ldi. Bu haqda Tarantas News nashri xabar berdi.

Ushbu mukofot AQShdagi Yo‘l harakati xavfsizligini sug‘urtalash instituti tomonidan faqat eng yuqori talablarni bajargan avtomobillarga beriladi.

Institut bahosiga ko‘ra, Sorento 2026 frontal to‘qnashuvning kichik va o‘rtacha qoplanish sinovlarida, shuningdek yangilangan yon zarba testlarida yuqori natijalarni ko‘rsatgan. Bundan tashqari, model piyodalar bilan to‘qnashuvlarning oldini olish bo‘yicha samarali ishlashi va barcha komplektatsiyalarda sifatli standart faralar bilan jihozlangani bilan ajralib turgan.

Bu yutuq Kia brendi uchun 2025-yilda qo‘lga kiritilgan beshinchi IIHS Top Safety Pick+ mukofoti bo‘ldi...

FIFA 2025-yilning ramziy terma jamoasini e’lon qilgandan keyin «Barselona» hujumchisi Rafinyaning ro‘yxatdan tushib qolgani uchun uning rafiqasi e’tiroz bildirdi.

Futbolchining turmush o‘rtog‘i Natalia Belloli ijtimoiy tarmoqlarda keskin norozilik bildirib, tashkilotchilarni xolislikni yo‘qotganlikda aybladi. Ramziy jamoa, asosan, mavsumni Chempionlar ligasi g‘olibligi bilan yakunlagan «PSJ» futbolchilaridan tashkil topdi.

Ramziy jamoadan «Pari Sen-Jermen»ning olti nafar futbolchisi Janluiji Donnarumma, Ashraf Hakimi, Uilyam Pacho, Nuno Mendesh, Vitinya va Usmon Dembele o‘rin oldi. Shuningdek, Virjil van Deyk, Koul Palmer, Pedri, Jud Bellingem va Lamine Yamal tarkibdan joy olgan.

«Oltin to‘p» uchun kurashda beshinchi o‘rinni egallagan va 2024/25-yilgi mavsumda barcha musobaqalarda 57 o‘yinda 60 ta golli...

16-dekabr kuni Tesla aksiyalari 3 foizdan ortiq qimmatlashib, $489,88 darajasida yopildi. Kun davomida qimmatli qog‘ozlar narxi $491,5 gacha ko‘tarilib, kompaniya aksiyalari qariyb bir yil ichida ilk bor tarixiy maksimumni yangiladi.

Aksiyalar o‘sishi fonida Tesla’ning bozor kapitallashuvi $1,63 trillionga yetdi. Natijada kompaniya chip ishlab chiqaruvchi Broadcom’ni ortda qoldirib, AQShdagi eng qimmat kompaniyalar orasida 7-o‘rinni egalladi. Shunday qilib, eng yirik kompaniyalar ro‘yxatida yana Magnificent Seven – Nvidia, Apple, Alphabet, Microsoft, Amazon, Meta va Tesla jamlandi.

Bozor bahosining oshishi kompaniya rahbari Ilon Maskning boyligiga ham sezilarli ta’sir ko‘rsatdi. Forbes Real-Time ma’lumotlariga ko‘ra, Maskning boyligi bir kun ichida $8,2 mlrdga oshib, $684,2 mlrdni...