Yangiliklar

Tesla yangi avlod Roadster modeli uchun patent oldi. ITHome nashrining yozishicha, kompaniya ushbu texnologiya yordamida elektromobilni atigi 1 soniyada 100 km/soat tezlikka yetkazmoqchi.

Patent hujjatlarida ta’kidlanishicha, bu texnologiya ko‘p rejimli aktiv aerodinamik tizim deb nomlanadi. U avtomobil ostida parraklar yordamida pastga bosim, ya’ni downforce hosil qiladi. Maxsus parraklar tushiriladi va ular orqali shamollatish yo‘nalishlari bo‘ylab havo so‘rib olinadi.

Natijada avtomobil ostida yopiq yoki yarim yopiq zona paydo bo‘ladi, bu esa vakuumga yaqin muhit yaratadi. Shu orqali avtomobil yo‘lga «yopishib» harakatlanadi va ayniqsa burilishlarda barqarorlik sezilarli darajada oshadi.

Mutaxassislar fikriga ko‘ra, agar Tesla Roadster to‘liq muhrlangan pastki aerodinamik zonasiga...

Telegram messenjeri ilk bor shaxsiy foydalanuvchi akkauntini rasmiy tasdiqlovdan o‘tkazdi. Bu profil messenjer asoschisi Pavel Durovga tegishli bo‘ldi.

Oldin faqat messenjerdagi kanallari va botlarigina rasmiy belgiga ega bo‘lishi mumkin edi. 2025-yil boshida «Verifikatsiya 2.0» deb nomlangan yangi tizim joriy etilgach, tasdiqlangan tashkilotlar o‘z nomidan ayrim akkauntlarga belgi bera boshladi. Shu yo‘l bilan mart oyida Durov «@major» loyihasi orqali maxsus belgiga ega bo‘lgan.

Ammo endi Durov profilida bevosita Telegram tomonidan berilgan tasdiq belgisi paydo bo‘ldi. Unda «ushbu akkaunt Telegram vakillari tomonidan tasdiqlangan» degan yozuv aks etgan.

Hozircha odatiy foydalanuvchilarga shaxsiy akkauntni rasmiy tasdiqlash imkoniyati berilmagan. Yangi belgining paydo bo‘lishi...

Avgust oyidan boshlab Nukus – Beyneu – Nukus temiryo‘l yo‘nalishida qatnovlar haftasiga uch martaga yetkaziladi. Avval bu yo‘nalishda poyezd haftasiga ikki marotaba harakatlangan edi. Bu haqda «O‘zbekiston temir yo‘llari» xabar berdi.

Yo‘lovchilar talabiga ko‘ra, poyezdlar harakat jadvaliga ham o‘zgartish kiritildi. Endilikda qatnovlar ertalabgi soatlarda amalga oshiriladi.

Yangi jadvalga ko‘ra:

Avvalroq «Kursiv» nashri Qirg‘iziston Xitoydan O‘zbekistonga temir yo‘l qurilishini boshlagani haqida yozgandi.

2025-yilning yanvar-iyun oylarida O‘zbekistonda 28,5 mingdan ortiq fuqaro ishlab chiqargan quyosh energiyasi uchun subsidiya oldi. Bu haqda Soliq qo‘mitasi ma’lum qildi.

Unga ko‘ra, davlat budjetidan umumiy 63,5 mlrd so‘m to‘lab berildi. Eng ko‘p to‘lovlar Xorazm viloyati (19,1 mlrd so‘m), Qoraqalpog‘iston (9,7 mlrd so‘m) va Toshkent shahri (4,9 mlrd so‘m) aholisiga to‘g‘ri keldi.

Quyosh panellari o‘rnatib, ortiqcha energiyani umumiy tarmoqqa uzatgan fuqarolarga har 1 kVt/soat uchun 1 000 so‘m subsidiya to‘lanadi.

To‘lovni olish uchun Soliq ilovasining «Keshbek va imtiyozlar» bo‘limidagi «Quyoshli uy» orqali karta hisobiga o‘tkazish mumkin.

Eslatib o‘tamiz, may oyida qayta tiklanuvchi energiya bo‘yicha rekord ko‘rsatkich qayd etilgan...

Iqtisodiy tadqiqotlar va islohotlar markazi (ITIM) O‘zbekiston shaharlari va hududlaridagi iqtisodiy faollikni NASA tungi yoritish sun’iy yo‘ldosh ma’lumotlari asosida tahlil qildi (tadqiqot Kursiv Uzbekistan’da mavjud).

Bu metod xalqaro tadqiqotlarda keng qo‘llaniladi. Tungi yoritilganlik ko‘rsatkichlari hududlarning mahalliy rivojlanish darajasini aniqlashga imkon beradi. ITIM mutaxassislari ta’kidlashicha, sun’iy yo‘ldosh ma’lumotlariga ko‘ra, 2020–2024-yillarda O‘zbekistonda jon boshiga to‘g‘ri keladigan YIM 63,5 foizga oshgan (rasmiy statistikaga ko‘ra — 59,4%).

Ma’lumotlarga ko‘ra, mamlakat shaharlari orasida jon boshiga YIM eng yuqori bo‘lgan shahar — Navoiy ($8,3 ming). Undan keyin Toshkent ($7,2 ming) va Zarafshon ($6,8 ming) joy olgan. Samarqand va Qo‘qon shaharlari ham ilk beshlikka kirgan.

Kichik va...

2025-yil iyun oyida O‘zbekiston Markaziy banki dunyodagi eng yirik oltin xaridoriga aylandi. Bu haqda Jahon oltin kengashi hisobotida ma’lum qilindi.

Ma’lum qilinishicha, regulyator to‘qqiz tonna qimmatbaho metall sotib olgan. Bungacha bank oltinning faol sotuvchisi bo‘lgan. Masalan, may oyida Markaziy bank bir tonna, aprel va mart oylarida esa 11 tonnadan oltin sotgan.

Iyunda, shuningdek, Qozog‘iston ham faol xaridor bo‘lib, yetti tonna oltin sotib oldi. Turkiya, Chexiya va Xitoy – ikki tonnadan, Qirg‘iziston, Filippin va Qatar esa bir tonnadan xarid qilgan.

Iyunda eng ko‘p oltin sotgan davlat Singapur bo‘ldi – u besh tonna oltin realizatsiya qilgan. Ushbu davlat regulyatori...

AQSh prezidenti Donald Trampning fikricha, 2028-yilgi prezidentlik saylovlarida hozirgi vitse-prezident Jey Di Vens nomzod sifatida ishtirok etishi mumkin. Bu haqda «RBK» nashri xabar berdi.

«Shubhasiz, bu haqda gapirishga hali erta, lekin u ajoyib ish qilmoqda va hozircha favorit bo‘lishi mumkin», – dedi Tramp.

Bundan avval AQSh davlat kotibi Marko Rubio 2028-yilgi saylovlarda respublikachilar partiyasidan aynan Vens nomzod bo‘lib chiqishi mumkinligini bildirgandi.

Trampning fikricha, saylov kampaniyasi davomida Rubio va Vens birga harakat qilishi ehtimoldan xoli emas.

2016-yilda Rubio prezidentlik uchun kurashda qatnashgan. The Hill nashrining yozishicha, u yana o‘z omadini sinab ko‘rishi...

5-avgust kuni hukumatning qarori bilan tuman va shaharlar iqtisodiy o‘sishini rag‘batlantiruvchi drayver loyihalarni shakllantirish va amalga oshirish tartibi tasdiqlandi. Bu haqda Adliya vazirligi ma’lum qildi.

Drayver loyihalar hududning imkoniyatlarini hisobga olgan holda sanoat, xizmat ko‘rsatish va qishloq xo‘jaligini rivojlantiruvchi, iqtisodiy o‘sishga turtki beruvchi tashabbuslar hisoblanadi. Ularni ishlab chiqish va ishga tushirish hududiy hokimliklar zimmasiga yuklatilgan.

Loyihalar har yili 1-noyabrgacha hokimliklar tomonidan ishlab chiqilib, keyin Qoraqalpog‘iston Respublikasi, viloyatlar va Toshkent shahri hokimliklariga taqdim etiladi. U yerdan 10 kun ichida Iqtisodiyot va moliya vazirligiga yuboriladi. Vazirlik esa 15 ish kunida loyihani joyiga chiqib o‘rganadi.

Drayver loyihalar tanlov (tender) asosida aniqlangan bosh...

Samsung‘ning yangi flagman smartfoni Samsung Galaxy S25 seriyasi Janubiy Koreyada olti oy ichida 3 mln dona sotildi. Bu natijaga Galaxy S24’ga qaraganda ikki oy oldin erishildi. Bu haqda Sammobile xabar bermoqda.

Kompaniyaning ta’kidlashicha, bu muvaffaqiyatga foydalanuvchilarga smartfonni bir yil ichida asl narxining 50 foizigacha qaytarib sotish imkonini beruvchi obuna dasturi ham sezilarli hissa qo‘shgan.

Shuningdek, Galaxy Z Fold7 va Galaxy Z Flip7 modellari ham avvalgi versiyalariga qaraganda ko‘proq sotilgani qayd etildi.

Ma’lumot o‘rnida, Galaxy S25 seriyasi global savdoga 2025-yil fevral oyida chiqdi. Hozirda to‘rt model mavjud: Galaxy S25, S25 Plus, S25 Ultra va S25 Edge. Tez orada S...

Banklar 6-avgust kungi xorijiy valyutalarni sotib olish va sotish kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

BMTning dengizga chiqish imkoni bo‘lmagan rivojlanayotgan mamlakatlar bo‘yicha konferensiyasi doirasida Markaziy Osiyo mamlakatlari va Ozarbayjon milliy kunlariga bag‘ishlangan tadbirlar bo‘lib o‘tdi. Bu haqda davlat rahbari matbuot xizmati ma’lum qildi.

Milliy kunlar doirasida mintaqa xalqlarining boy madaniy merosi, hunarmandchiligi, san’ati va turizmi namoyish etildi. Milliy pavilonlar, taomlar ko‘rgazmasi hamda pazandachilik bo‘yicha mahorat darslari tashrif buyuruvchilarda katta qiziqish uyg‘otdi.

O‘zbekistonning an’anaviy hovli uslubida qurilgan paviloni alohida e’tiborni tortdi. Tadbir mintaqadagi madaniy rang-baranglik va o‘zaro anglashuvni mustahkamlashga xizmat qildi.

Mazkur tadbir bilan Shavkat Mirziyoyevning Turkmanistonga amaliy tashrifi yakunlandi. Uni Turkmaniston Xalq maslahati raisi Gurbanguli Berdimuhamedov kuzatib qo‘ydi. Davlat rahbari Toshkentga qaytib keldi.

NASA rahbarining vaqtincha vazifasini bajaruvchi Shon Daffi AQSh Oyga birinchi bo‘lib yadro reaktorini yetkazishni rejalashtirayotganini ma’lum qildi. Bu haqda TASS xabar berdi.

Uning so‘zlariga ko‘ra, bu qadam Oyda barqaror baza qurish va strategik hududni egallash uchun zarur. Reaktor quvvati 100 kilovatt bo‘lishi rejalashtirilgan bo‘lib, loyiha uchun yuz millionlab dollar sarflangan.

Daffining ta’kidlashicha, Oyda muhim manbalar — muz va quyosh nuri mavjud bo‘lgan eng qulay hudud mavjud bo‘lib, AQSh ushbu hududni «Amerika uchun» egallamoqchi. NASA 2030-yilga qadar ushbu reaktorni koinotga uchirishni mo‘ljallamoqda.

Rossiya va Xitoy ham Oyda AES qurishni rejalashtirayotganini inobatga olgan holda, AQSh bu borada peshqadam bo‘lishga intilmoqda.

Eslatib...

O‘zbekistonda rasman ro‘yxatdan o‘tgan Sea Breeze, 97 so‘mga pasaygan dollar, buzilishi rejalashtirilayotgan Grand Mir Hotel, 230 mlrd so‘mga xususiylashtirilgan Avto Climate Control – Kursiv Uzbekistan 5-avgustda yuz bergan muhim voqealarni bitta materialga jamladi.

Sea Breeze loyihasi O‘zbekistonda rasman ro‘yxatdan o‘tdi

Kecha, 4-avgust kuni Sea Breeze Uzbekistan qo‘shma korxonasi Korxonalar va tashkilotlarning yagona davlat reyestriga kiritildi. Ustav fondi 400 million so‘m etib belgilangan. Kompaniya ikki teng ulushli sherik – Ozarbayjonning Agalarov Development kompaniyasi va o‘zbekistonlik biznesmen Ulug‘bek Maxmudov tomonidan tashkil etilgan.

Toshkentda xalqaro gemmologiya markazi ish boshlaydi

Isroilning GCI Gemological Centers Ltd. kompaniyasi va O‘zbekistondagi «Expert One» MCHJ hamkorligida...

6-avgust kuni O‘zbekiston bo‘ylab havo biroz bulutli bo‘lib, yog‘ingarchilik kutilmaydi, kunduzgi harorat 33-40° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shvetsiya, Norvegiya va Daniya NATO boshchiligidagi tashabbus orqali Ukrainaga AQSh qurollarini, jumladan, Patriot raketalarini yetkazib berish uchun qariyb $500 mln ajratadi. Bu haqda Reuters agentligi ma’lum qildi.

Unga ko‘ra, mazkur mablag‘ Ukraina mudofaasi va NATO bilan hamkorlikni mustahkamlashga xizmat qiladi.

Norvegiya Mudofaa vaziri Tore O. Sandvik bu yordam Ukrainaga zarur jihozlarni tezda yetkazish hamda NATO doirasida hamkorlikni kuchaytirishni maqsad qilganini bildirdi. Ukraina prezidenti Vladimir Zelenskiy bu chorani Yevropaning uzoq muddatli xavfsizligi uchun muhim qadam, deya baholadi.

Daniya zudlik bilan $90 mln ajratishini bildirdi, Norvegiya esa $146 mln, Shvetsiya esa $275 mln bilan ishtirok etadi. Paket Patriot raketalari, havo hujumidan...

O‘zbekiston qonunchiligiga muvofiq, ayrim ijtimoiy himoyaga muhtoj yoki alohida yutuqlarga erishgan talabalar turarjoylariga ustuvorlik asosida joylashtiriladi.

Hujjatga ko‘ra, quyidagi toifadagi talabalar yotoqxonalarga birinchi navbatda qabul qilinadi:

Nukus shahrida fuqaro farzandining ta’minoti uchun 2,270 mlrd so‘mdan ortiq aliment mablag‘ini oldindan to‘ladi. Bu haqda MIB matbuot xizmati ma’lum qildi.

Fuqarolik ishlari bo‘yicha Nukus tumanlararo sudi qaroriga asosan, fuqaro sobiq turmush o‘rtog‘ining foydasiga voyaga yetmagan farzandi uchun aliment to‘lashi kerak edi. MIB Nukus shahar bo‘limi ijrochilari bu ishni nazoratga olib, qarzdorga alimentni oldindan to‘lash imkoniyati borligini tushuntirdi.

Natijada kelgusi 13 yil uchun hisoblab chiqilgan 2,2 mlrd so‘mlik aliment mablag‘i bir yo‘la to‘lab berildi. Sobiq turmush o‘rtog‘i bu mablag‘ni olganini tasdiqlab, tilxat taqdim etdi.

Eslatib o‘tamiz, avvalroq O‘zbekistonda aliment to‘lovlari miqdorini qayta ko‘rib chiqish taklif etilgan edi.

Tadbirkorlik subyektlarining mualliflik huquqlarini himoya qilish maqsadida sud qonun buzgan MChJdan 94 mln so‘m miqdorida tovon puli undirilishini belgiladi. Bu haqda Adliya vazirligi ma’lum qildi.

Ushbu kompaniya Uzum tezkor MCHJga tegishli «Uzum tezkor” va «Uzum food» brendlariga o‘xshash belgidan noqonuniy foydalangan.

«Uzum tezkor» MCHJ sudga murojaat qilib, tovar belgisi buzilganini isbotladi. Natijada sud 75 mln so‘m tovon puli, qolaversa, davlat bojlari va boshqa xarajatlarni qoplash uchun jami 94 mln so‘m undiruv qarorini chiqardi.

Mutasaddilar barcha tadbirkorlarni o‘z brendlarini ro‘yxatdan o‘tkazishga va huquqbuzarlik holatlarida Adliya vazirligiga murojaat qilishga chaqirmoqda.

Eslatib o‘tamiz, avvalroq Botir Qodirov 100 mln so‘mdan ortiq jarimaga...

BMTning Dengizga chiqish imkoni bo‘lmagan rivojlanayotgan mamlakatlar bo‘yicha uchinchi konferensiyasi doirasida Shavkat Mirziyoyev va Turkmaniston prezidenti Serdar Berdimuhamedov uchrashdi. Bu haqda davlat rahbari matbuot xizmati ma’lum qildi.

Unga ko‘ra, Mirziyoyev Berdimuhamedovni BMT anjumanining yuqori darajada o‘tkazilgani bilan tabriklab, uni Turkmanistonning yuksak mukofoti bilan taqdirlagani uchun minnatdorlik bildirdi.

Uchrashuvda O‘zbekiston – Turkmaniston o‘rtasidagi do‘stlik va strategik sheriklikni yanada mustahkamlash, ayniqsa, sanoat, energetika, transport va qishloq xo‘jaligi kabi yo‘nalishlarda hamkorlikni chuqurlashtirish masalalari muhokama qilindi.

Tomonlar joriy yilda rejalashtirilgan yuqori darajadagi uchrashuvlar, komissiyalar yig‘ilishlari va madaniy tadbirlarning samarali o‘tishini ta’minlash zarurligini ta’kidladi.

Eslatib o‘tamiz, avvalroq Shavkat Mirziyoyev «Hamkorlikni rivojlantirishga qo‘shgan hissasi uchun...

AQSh hukumati 2025-yil 20-avgustdan boshlab yangi tajriba dasturini ishga tushirmoqda. Bu dasturning asosiy maqsadi vizasi muddati tugaganidan so‘ng mamlakatda qolib ketayotgan xorijliklar sonini kamaytirishdir, deya yozmoqda Reuters.

Yangi tartibga ko‘ra, ayrim davlatlardan keluvchi sayyohlar va ishbilarmonlardan $5 mingdan $15 minggacha garov puli talab qilinishi mumkin. Konsullik xodimlari bu garovni talab qilish yoki qilmaslik to‘g‘risida o‘zlari qaror chiqaradi. Garov muddati tugagach viza shartlariga amal qilganlarga pul qaytariladi.

Garov talabi vizani buzish hollari yuqori bo‘lgan davlatlar yoki tekshiruv va xavfsizlik ma’lumotlari yetarli bo‘lmagan mamlakatlarga nisbatan joriy etiladi. Bu tartib, asosan, Chad, Eritreya, Myanma, Yaman hamda ayrim Afrika davlatlarining fuqarolariga tegishli bo‘lishi...

O‘zbekiston va Indoneziya aviatsiya hukumatlari o‘rtasida havo qatnovlarini rivojlantirishga qaratilgan yangi kelishuv imzolandi. Uchrashuv Indoneziya poytaxti Jakarta shahrida bo‘lib o‘tdi, deya xabar bermoqda Transport vazirligi.

Kelishuvga ko‘ra, aviakompaniyalar soni va parvoz manzillariga qo‘yilgan cheklovlar bekor qilinadi, haftalik aviaqatnovlar soni 56 taga yetkaziladi. Denpasar, Surabaya, Medan kabi shaharlarga to‘g‘ridan to‘g‘ri parvozlar yo‘lga qo‘yiladi. Shuningdek, yuk tashuvlar uchun ham keng imkoniyatlar yaratildi.

Mazkur hamkorlik «O‘zbekiston – 2030» strategiyasi doirasida aviaqatnovlar hajmini to‘rt barobarga oshirish maqsadiga xizmat qiladi. Kelishuv ziyorat turizmini rivojlantirish, «Umra plyus» dasturini joriy etish hamda ikki tomonlama savdo va turizm aloqalarini mustahkamlashga xizmat qilishi kutilmoqda.

Eslatib o‘tamiz, avvalroq Centrum...

Turkmanistonga tashrif doirasida Shavkat Mirziyoyev Gruziya Bosh vaziri Irakliy Kobaxidze bilan uchrashuv o‘tkazdi. Bu haqda prezident matbuot xizmati xabar qildi.

Suhbat chog‘ida ikki davlat o‘rtasidagi savdo-iqtisodiy, transport-logistika va madaniy-gumanitar sohalardagi o‘zaro hamkorlikni yanada rivojlantirish masalalari ko‘rib chiqildi.

Uchrashuvda joriy yilning mart oyida Gruziya Bosh vazirining O‘zbekistonga rasmiy tashrifi chog‘ida erishilgan kelishuvlar samarali amalga oshirilayotgani mamnuniyat bilan ta’kidlandi. Xususan, ikki davlat vazirlik va idoralari o‘rtasidagi aloqalar faollashgani, tashqi ishlar hamda iqtisodiyot vazirlari darajasida uchrashuvlar o‘tkazilgani qayd etildi.

Tomonlar kelgusida qishloq xo‘jaligi, to‘qimachilik, elektr texnikasi, farmatsevtika, oziq-ovqat sanoati va logistika sohalarida kooperatsiya loyihalarini amalga oshirishga alohida e’tibor qaratishga kelishib oldi.

Uchrashuv...

Xitoyda mashhur Nokia 3310 endi 4G bilan ishlashi mumkin. Taobao savdo platformasida 4G tarmog‘ini qo‘llovchi baseband-protsessor o‘rnatilgan maxsus platalar savdoga chiqarildi.

Ushbu texnologik yangilanish Nokia 3310’ni hozirgi kunda ham ishlatish imkonini beradi, ayniqsa, 2G yoki 3G tarmoqlari o‘chirilgan hududlarda. Buning uchun foydalanuvchi telefonning ichki platasini almashtirishi kerak bo‘ladi.

Yangilangan plata narxi arzon emas – 345 yuan (taxminan $50). Bu pulga Xitoyda oddiy smartfon xarid qilish mumkin, biroq u Nokia 3310’dagi «o‘lmas» chidamlilik yoki afsonaviy «Snake» o‘yinini taklif eta olmaydi.

Avvalroq Kursiv Uzbekistan Nokia smartfon bozoriga yangi hamkor bilan qaytmoqchi ekanligi haqida yozgan edi.

Finlyandiyaning mashhur texnologik brendi Nokia...

O‘zbekiston Davlat aktivlarini boshqarish agentligi «Avto Climate Control» MChJ ustav kapitalidagi 100 foiz davlat ulushini 230 milliard so‘m evaziga xususiylashtirish bo‘yicha kelishuvga erishdi.

Savdoda eng yuqori taklifni bildirgan Best Pipe and Parts kompaniyasi xaridor sifatida tanlab olindi. Savdo jarayonida to‘rtta investor ishtirok etdi, yakunda Best Pipe and Parts eng yuqori – 230 mlrd so‘mlik taklifi bilan g‘olib deb topildi.

Bitimga ko‘ra, xaridor xarid to‘lovining 35 foizini bir oy ichida to‘lashi va korxona faoliyat yo‘nalishini kamida 10 yil davomida saqlab qolishi lozim. Shuningdek, u General Motors bilan tuzilgan texnologik hamkorlik va litsenziya shartlariga qat’iy amal qilishi shart.

Ma’lumot uchun, Best...