Yangiliklar

Mazda kompaniyasi o‘zining yangi konsept Mazda Iconic SP sportkarini taqdim etdi. Bu model bilan kompaniya mashhur rotorli dvigatelni qayta ishlab chiqarishga tayyorlanmoqda.

Mazda 2012-yilda RX-8 ishlab chiqarilishini to‘xtatgach, rotorli motor faqat eksperimentlarda ishlatilgan edi. Masalan, MX-30 krossoverida u generator sifatida qo‘llanilgan. Endi esa rotorli dvigatel yana sportkar uchun qaytmoqda.

Iconic SP ikki seksiyali rotorli motor bilan jihozlangan. U 272 kVt quvvat ishlab chiqaradi va gibrid tizim tarkibida ishlaydi. Muhimi, bu dvigatel g‘ildiraklarni to‘g‘ridan to‘g‘ri harakatga keltirmaydi, balki batareyani quvvatlaydi. Bu esa ekologik talablarga mos kelish va vodorod kabi alternativ yonilg‘ilardan foydalanish imkonini beradi.

Mazda mutaxassislari rotorli dvigatellarni zamonaviy ekologik...

27-avgust kuni Investitsiyalar, sanoat va savdo vazirligida Fransiyaning Airbus va ATR kompaniyalari vakillari bilan uchrashuv bo‘lib o‘tdi. Bu haqda vazirlik matbuot xizmati ma’lum qildi.

Tomonlar fuqaro aviatsiyasi sohasida hamkorlikni kengaytirish, xususan, O‘zbekiston aviatsiya parkining modernizatsiyasi va yangilanishi masalalariga alohida e’tibor qaratdilar. Bu esa nafaqat transport imkoniyatlarini kengaytiradi, balki mamlakatda turizm o‘sishini rag‘batlantiradi.

Shuningdek, muzokaralarda hududlararo havo qatnovlarini rivojlantirish, ATR samolyotlarini yetkazib berish, texnik xizmat ko‘rsatish markazlarini tashkil etish, shuningdek, xalqaro standartlarga muvofiq aviatsiya xodimlarini tayyorlash dasturlarini yo‘lga qo‘yish imkoniyatlari ko‘rib chiqildi.

Eslatib o‘tamiz, avvalroq «Toshkent – Sharqiy» aeroporti soatiga 100 nafar yo‘lovchiga xizmat ko‘rsatishi haqida yozgan edik.

O‘zbekiston mustaqilligining 34 yilligi munosabati bilan jazoni o‘tayotgan 523 nafar mahbus afv etildi. Bu haqda prezident farmoni qabul qilindi.

Umumiy hisobda:

Afv etilganlar orasida 45 nafar ayollar, 31 nafar 60 yoshdan oshgan shaxslar, 220 nafar 30 yoshgacha bo‘lganlar, shu jumladan 1 nafar voyaga yetmagan mavjud.

Shuningdek, afv etilganlarning 8 nafari xorijiy davlat fuqarolari bo‘lib (6 nafari Tojikiston, 1 nafari Syerra-Leone fuqarosi), 15 nafar mahkum ilgari taqiqlangan tashkilotlar faoliyatida ishtirok etgani...

Xiaomi 29-avgustdan boshlab yangi HyperOS 3 operatsion tizimining ochiq beta-versiyasini tarqatishni boshlaydi. Kompaniya allaqachon birinchi bo‘lib yangilanish oladigan qurilmalar ro‘yxatini e’lon qildi.

Dastlabki to‘lqinda yangilanishni quyidagi sakkizta model oladi:

Ro‘yxat, asosan, flagman smartfonlar va eng yangi planshetlardan iborat. Xiaomi avval hamisha yuqori sinf qurilmalarni yangilaydi, keyin o‘rta toifadagi modellarga, eng oxirida esa budjet segmentiga tarqatadi.

Demak, birinchi bo‘lib beta-versiyani olgan qurilmalar keyinchalik yakuniy HyperOS 3 versiyasini ham birinchilardan bo‘lib qabul qiladi.

Eslatib o‘tamiz...

Chegaradan 19 kg tillani noqonuniy olib kirishga uringanlar qo‘lga olindi. Bu haqda Davlat xavfsizlik xizmati xabar berdi.

Unga ko‘ra, Farg‘ona tumanida yashovchi ikki fuqaro qo‘shni Qirg‘izistondan noqonuniy ravishda 19 kg 119 gramm tilla taqinchoqlarni olib kirishga uringan. Ushbu taqinchoqlarning taxminiy qiymati 20 milliard so‘mni tashkil etadi.

Hozirda tilla buyumlar daliliy ashyo sifatida rasmiylashtirilib, ekspertizaga yuborilgan. Holat yuzasidan jinoyat ishi qo‘zg‘atish masalasi ko‘rib chiqilmoqda.

Bundan avval ham Qirg‘izistondan «Vodil-avto» chegara bojxona posti orqali qimmatbaho tilla taqinchoqlarni noqonuniy olib kirishga uringan andijonlik shaxs qo‘lga olingandi.

Bunda fuqaro kiyimi ostiga yashirilgan 859 dona tilla taqinchoq va 1 dona qo‘l soatini noqonuniy...

O‘zbekistonda Heritage Hotels of Uzbekistan dasturi ishlab chiqilmoqda. Unga ko‘ra, ayrim madaniy meros obyektlari tadbirkorlarga uzoq muddatli ijaraga berilib, restavratsiya qilinadi va butik-mehmonxonalar sifatida foydalanishga topshiriladi.

Reja bo‘yicha xorijiy moliya institutlari ko‘magida tog‘li hududlarda Chimyon, Omonxona va Nurbuloqda yangi turistik zonalar barpo etiladi. Har bir zona uchun 300 – 500 gektar maydon ajratilib, infratuzilma uchun $150 mln jalb qilinadi.

Prezident topshirig‘iga muvofiq, Tashqi ishlar vazirligi va boshqa idoralar oktabr oyigacha yangi mehmonxonalar qurilishi hamda mavjudlarini kengaytirish uchun subsidiya va imtiyozlarni kengaytirish bo‘yicha qaror loyihasini tayyorlashi lozim. Tadbirkorlar foyda solig‘i, yer va mol-mulk solig‘i, shuningdek, bojxona to‘lovlari bo‘yicha yengilliklardan foydalanadi.

«Yevroosiyo Banki» AJdan bank faoliyatini amalga oshirish huquqini beruvchi litsenziya chaqirib olindi. Bu haqda Markaziy bank qarori qabul qilindi.

Bu qarorga sabab, bank tomonidan ustav kapitali miqdorining qonunchilikda belgilangan eng kam talabga muvofiqlashtirilmaganligi, shuningdek, «Banklar va bank faoliyati to‘g‘risida»gi qonunchilikda belgilangan boshqa majburiyatlarning bajarilmaganligi qayd etildi.

Shuningdek, amaldagi qonunlarga muvofiq, bankni majburiy tugatish va tugatish komissiyasini tayinlash bo‘yicha ham qaror qabul qilindi.

Ma’lumot uchun, 2023-yilning aprel oyida prezident banklar ustav kapitalining eng kam miqdorini bosqichma-bosqich oshirish to‘g‘risidagi qonunni imzoladi. O‘sha yilning sentabridan bu 200 mlrd so‘mni, 2025-yildan esa 500 mlrd so‘mni tashkil etmoqda.

«Yevroosiyo Banki» faoliyati haqida...

2025-yil 28-avgust kuni soat 9:35 holatiga ko‘ra, O‘zbekistonning doimiy aholisi 38 mln kishiga yetdi. Bu haqda Milliy statistika qo‘mitasi ma’lum qildi.

Rasmiy hisob-kitoblarga ko‘ra, aholining 19,1 mln nafari erkaklar (50,4 %), 18,9 mln nafari esa ayollardan (49,6 %) iborat. Erkaklar soni ayollardan 274 ming kishiga ko‘proq.

Statistika qo‘mitasi ma’lumotlariga ko‘ra, 2025-yil boshidan buyon aholining umumiy soni 455 ming kishiga ko‘paygan. 1-yanvar holatiga mamlakatda 37,5 mln kishi istiqomat qilgan bo‘lsa, 1-aprelga kelib bu raqam 37,7 mln, avgust oxirida esa 38 mln kishiga yetdi.

Viloyatlar kesimida aholisi eng ko‘p hudud Samarqand viloyati bo‘lib, u yerda 4,3 mln kishi yashaydi. Keyingi o‘rinlarda...

Massachusets texnologiya instituti (MTI) olimlari yengil, ariga o‘xshash yangi robot ishlab chiqdi. Bu haqda CNN ma’lum qildi.

Xabarga ko‘ra, ushbu robot havoda muallaq turishi, hatto ag‘darilib uchishi ham mumkin. Shuningdek, u bir soniyada 400 marta qanot qoqadi.

Tadqiqotchilarning aytishicha, bu robot-ari kelajakda sun’iy changlatishda katta rol o‘ynashi mumkin. Masalan, Marsda ekin yetishtirilganda hasharotlarni olib borish qiyin bo‘lganligi sababli bunday texnologiya katta yordam beradi.

«Biz arilarning ajoyib harakatlarini takrorlashga harakat qilyapmiz. Agar bir kun Marsda o‘simlik o‘stirilsa, changlatish uchun hasharotlarni olib borishga hojat qolmaydi. Ana shunda bizning robotimiz asqatadi», — deydi MTI tadqiqotchisi Yi-Xsuan.

Loyiha...

Apple kompaniyasi 9-sentabr kuni bo‘lib o‘tadigan Awe Dropping tadbirida yangi avlod smartfonlarini taqdim etadi. Eng ko‘p e’tibor qaratilayotgan model esa iPhone 17 Air smartfoni bo‘lmoqda. Tom’s Guide qurilma haqida dastlabki ma’lumotlarni e’lon qildi.

Mutaxassislar fikricha, iPhone 17 Air o‘zining yupqa va yengil dizayni bilan Apple tarixida alohida o‘rin egallashi mumkin. Hozirgi iPhone 16 Pro va 16 Pro Max 8,25 mm qalinlikda bo‘lsa, yangi model atigi 5,5 mm bo‘lishi aytilmoqda. Bu ko‘rsatkich Galaxy S25 Edgedan (5,8 mm) ham yupqaroq. Qurilma titanium korpusda va bir nechta ranglarda taqdim etilishi kutilmoqda.

iPhone 17 Air’da A19 yoki A19 Pro chipi qo‘llanishi mumkin. Bu...

Rossiya hukumati avtomobil benzinini eksport qilishga qo‘yilgan vaqtinchalik taqiqni yana ikki oyga cho‘zdi. Bu haqda hukumatning Telegram kanalida xabar berildi.

Unga ko‘ra, cheklovlar 1-sentabrdan 31-oktabrgacha amal qiladi. Sentabr oyida taqiq barcha eksportchilarga — ishlab chiqaruvchilarga ham, ishlab chiqaruvchi bo‘lmagan kompaniyalarga ham tatbiq etiladi.

1-oktabrdan boshlab esa cheklov faqat ishlab chiqaruvchi bo‘lmagan kompaniyalarga nisbatan saqlanib qoladi. Neft mahsulotlari ishlab chiqaruvchilari uchun bekor qilinadi.

Hukumat qarori ichki yonilg‘i bozorida barqarorlikni ta’minlashga qaratilgani ta’kidlandi.

Rossiyadan benzin eksportiga taqiq jarayoni

Avvalroq 29-iyuldan Rossiya hukumati yoz oxiriga qadar benzin eksporti uchun to‘liq cheklovlarni joriy etgandi. Ushbu cheklov barcha kompaniyalar, xususan, ishlab chiqaruvchilarga...

Shavkat Mirziyoyev mamlakatda rasmiy tashrif bilan bo‘lib turgan Yaponiya tashqi ishlar vaziri Takesi Ivaya boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda vazir Yaponiya bosh vaziri Sigeru Isibaning samimiy salomi va O‘zbekiston Mustaqilligi kuni munosabati bilan tabriklarini yetkazdi.

Suhbat davomida ikki tomonlama strategik sheriklikni rivojlantirish, savdo-iqtisodiy va madaniy-gumanitar hamkorlikni kengaytirish masalalari muhokama qilindi. O‘zbekiston va Yaponiya o‘rtasida tovar ayirboshlash hajmi ortib borayotgani, yirik investitsiya loyihalari amalga oshirilayotgani va Osaka shahrida o‘tgan «EXPO 2025» doirasida O‘zbekiston milliy kunining muvaffaqiyatli o‘tkazilgani qayd etildi.

Shuningdek, O‘zbekiston – Yaponiya markazi faoliyatini kengaytirish va qo‘shma universitet tashkil...

Banklar 28-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.

O‘zbekiston va Misr hamkorligida ammofos ishlab chiqarish zavodi barpo etiladi. Bu haqda «Dunyo» AA ma’lum qildi.

Bu borada «O‘zkimyosanoatloyiha» AJ delegatsiyasi Qohirada Misrning yirik Polyserve Group kompaniyasi rahbariyati bilan hamkorlik muzokaralarini olib bordi.

Loyiha o‘g‘it ishlab chiqarish quvvatini oshirish, qishloq xo‘jaligida barqaror o‘sishni ta’minlash, oziq-ovqat xavfsizligini mustahkamlash va ekologik samarali texnologiyalarni joriy etishga qaratilgan.

Ma’lumot uchun, ammofos azot va fosforga boy mineral o‘g‘it bo‘lib, o‘simliklar uchun zarur bo‘lgan ikki asosiy elementni o‘zida mujassam etadi. Uning tarkibida fosfor (46 – 52%) va azot (10 – 12%) mavjud. Ammofos o‘simliklarning ildiz tizimini mustahkamlab, hosilning tezroq pishishiga yordam beradi. U barg va...

Janubiy Koreya parlamenti maktab sinfxonalarida mobil telefon va boshqa raqamli qurilmalardan foydalanishni taqiqlovchi qonunni qabul qildi. Bu haqda Reuters agentligi ma’lum qildi.

Unga ko‘ra, qonun yoshlarda ijtimoiy tarmoqlarga qaramlik ortib borayotgani sababli ishlab chiqildi.

“Yoshlarimizning ijtimoiy tarmoqlarga qaramligi hozir jiddiy darajaga yetdi», dedi muxolifatdagi Xalq kuchi partiyasi deputati Cho Jung-hun. “Bolalarimiz har tongda qizarib ketgan ko‘z bilan uyg‘onadi. Ular Instagram’da tungi soat 2-3 gacha o‘tirishadi», — deya ta’kidladi u parlamentda.

Ta’lim vazirligi ma’lumotiga ko‘ra, o‘quvchilarning 37 foizi ijtimoiy tarmoqlar ularning hayotiga salbiy ta’sir ko‘rsatishini, 22 foizi esa akkauntiga kira olmasa, xavotir sezishini bildirgan.

Qonun...

Shavkat Mirziyoyev 27-avgust kuni «Toshkent – Sharqiy» aerodromi negizida qurilgan yangi aeroportni borib ko‘rdi. Bu haqda prezident matbuot xizmati ma’lum qildi.

Loyihaning qurilishi 2017-yilda boshlangan bo‘lib, ayni damda zamonaviy biznes aviatsiya majmuasi sifatida foydalanishga tayyor holga keldi.

561 gektar maydonda joylashgan aeroportda 4 km uzunlikdagi uchish-qo‘nish yo‘lagi, 20 ta havo kemasiga mo‘ljallangan perron, biznes-jetlar va yirik samolyotlar uchun angarlar barpo etildi. Shuningdek, VIP va CIP terminallar bunyod etilib, soatiga 100 nafar yo‘lovchiga xizmat ko‘rsatish imkoniyati yaratildi.

Aeroport ICAO III-A toifasidagi ilg‘or uskunalar bilan jihozlanib, noqulay ob-havo sharoitida ham uchish-qo‘nishni ta’minlaydi. Yangi majmua Toshkent va Yangi Toshkent uchun muhim transport...

Tokio hukumati Fudzi tog‘i vulqoni otilishi oqibatlarini ko‘rsatadigan sun’iy intellekt yordamida yaratilgan videoni taqdim etdi. Bu haqda CNN agentligi xabar berdi.

Videoda vulqon kuli ikki soat ichida Tokioda yetib kelib, havoni ifloslantirishi, transport, elektr ta’minoti va oziq-ovqat tarqatilishida jiddiy uzilishlarga sabab bo‘lishi mumkinligi tasvirlangan.

Mutaxassislar hisobiga ko‘ra, keng ko‘lamli otilishda 1,7 mlrd kub metr vulqon kuli hosil bo‘ladi va iqtisodiy zarar 2,5 trln yen ($16,6 mlrd)gacha yetishi mumkin.

Hukumat aholiga ikki haftalik zarur mahsulotlarni zaxirada saqlashni tavsiya qilmoqda. Fudzi tog‘i vulqoni oxirgi marta 318 yil avval portlagan bo‘lsa-da, u hanuz faol hisoblanadi.

Eslatib o‘tamiz, avvalroq Italiyada Etna vulqoni otilgani...

Qalbaki dori ishlab chiqaruvchi yashirin sex fosh etilishi, dollar kursining oshishi, «Qayrat»ning ilk marta Chempionlar ligasi guruh bosqichiga chiqishi — Kursiv Uzbekistan nashri 27-avgustda sodir bo‘lgan eng muhim voqea va hodisalarni bitta materialga joyladi.

Toshkentda qalbaki dori ishlab chiqaruvchi yashirin sex fosh etildi

Davlat xavfsizlik xizmati va Iqtisodiy jinoyatlarga qarshi kurashish departamenti Toshkent shahrida tezkor tadbir o‘tkazib, noqonuniy dori vositalari ishlab chiqarilayotgan yashirin sexni aniqladi.

Batafsil

Daniya Falastinni tan olish borasida o‘z shartini bildirdi

Daniya bosh vaziri Mette Frederiksen Falastin davlatini tan olish ehtimolini inkor etmadi. Bu haqda «Ria Novosti» ma’lum qildi.

Batafsil

«Qayrat» penaltilarda «Seltik»ni mag‘lub etib, ilk marta...

28-avgust kuni O‘zbekiston hududida havo harorati kechasi o‘rtacha 17–25 daraja, kunduzi 34–40 daraja atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Fuqaroviy va harbiy dronlar ishlab chiqaruvchi Sahro Drone Industry kompaniyasi mahsulotlariga Iordaniyada qiziqish ortgani haqida xabar berdi. Bu haqda kompaniya bosh direktori Olmosxon Niyozxonov «O‘zbekiston 24» telekanaliga bergan intervyusida aytib o‘tdi.

Uning so‘zlariga ko‘ra, Samarqandga tashrif chog‘ida Iordaniya qiroli Abdalla II ibn al-Husayn korxona mahsulotlariga qiziqish bildirgan.

Kompaniya hozirda mini-dronlar, kamerali FPV-modellar, razvedka uchun mo‘ljallangan uchuvchisiz apparatlar hamda ikki yo‘nalishda foydalaniladigan qurilmalarni ishlab chiqaradi. Ishlab chiqarish jarayonining qariyb 80 foizi O‘zbekistonda to‘liq mahalliylashtirilgan.

Avvalroq Iordaniyadan kelgan delegatsiya korxona zavodiga tashrif buyurib, ishlab chiqarish quvvatlari bilan tanishgan. Niyozxonovning ta’kidlashicha, xorijiy mutaxassislar mahalliylashtirish darajasidan hayratda qolgan.

Namoyishdan so‘ng tomonlar batafsil muzokaralar boshlash...

Rossiyalik olimlar sun’iy intellekt yordamida Parkinson kasalligini erta aniqlash texnologiyasini ishlab chiqdilar, deb xabar berdi C-News Sеchenov universiteti vakillariga tayanib.

Tadqiqotchilar neyrotarmoqni sog‘lom bemorlar va Parkinson kasalligi tashxisi qo‘yilgan bemorlarning elektroensefalogramma (EEG) ma’lumotlari asosida o‘qitdilar. Sinov natijalariga ko‘ra, neyrotarmoq tekshiruv namunalarida 97% hollarda to‘g‘ri tashxis qo‘ya oldi.

Bu ishlanma kasallikni erta bosqichda davolash imkoniyatini ochadi. Hozirgi paytda Parkinson ko‘pincha qo‘l titrashi, harakatlanish faolligining pasayishi va mushaklarning qotib qolishi kabi yaqqol alomatlar paydo bo‘lgandagina aniqlanadi.

Erta diagnostika esa davolashni o‘z vaqtida boshlash, kasallik rivojlanishini sekinlashtirish va bemorning hayot sifatini yuqori darajada saqlash imkonini beradi.

Ma’lumot uchun, Parkinson kasalligi insonning asab...

AQSh prezidenti Donald Tramp Hindistondan import qilinadigan mahsulotlarga 50% boj joriy etib, mamlakat iqtisodiyotiga katta zarar yetkazdi. Bu haqda Reuters agentligi ma’lum qildi.

Mutaxassislar hisob-kitobiga ko‘ra, Hindiston 2022-yildan buyon Rossiya neftini arzon narxlarda import qilib, qariyb $17 mlrd tejagan. Biroq yangi bojlar tufayli eksport hajmi 40% ga kamayishi, bu esa Hindistonga $37 mlrdgacha zarar keltirishi mumkin. Ayniqsa, to‘qimachilik va zargarlik sanoati minglab ish o‘rinlarini yo‘qotish xavfi ostida qoldi.

Rossiya nefti Hindiston importining 40 foizini tashkil qiladi. Agar Dehli bu manbadan voz kechsa, jahon bozorida neft narxi 200 dollar/barrelgacha ko‘tarilishi ehtimoli bor.

Trampning keskin qarorlari AQSh-Hindiston aloqalarini keskinlashtirdi va so‘nggi...

Yo‘lovchilarning qulayligi va temir yo‘lga bo‘lgan yuqori talabni inobatga olib, «O‘zbekiston temir yo‘llari» AJ Toshkent – Olot – Toshkent yo‘nalishida qo‘shimcha qatnov tashkil etmoqda. Bu haqda Transport vazirligi ma’lum qildi.

Toshkent – Olot – Toshkent qo‘shimcha poyezd qatnovi jadvali:

Kompaniya xabariga ko‘ra, chipta sotib olish imkoniyatlari kengaytirilgan bo‘lib, yo‘lovchilar ularni «O‘zbekiston temir yo‘llari» rasmiy sayti orqali yoki temir yo‘l kassalaridan xarid qilishlari mumkin.

Eslatib o‘tamiz, avvalroq Uzbekistan Airways yo‘lovchilar talabiga binoan sentabr oyida mahalliy yo‘nalishlarda qo‘shimcha parvozlarni yo‘lga qo‘ygani haqida yozgan edik.

Ilon Mask kompaniyasi SpaceX o‘zining eng yirik va qudratli raketasi – Starshipning 10-sinov parvozini muvaffaqiyatli amalga oshirdi. Bu avvalgi ketma-ket muvaffaqiyatsizliklardan keyingi muhim natija bo‘ldi, deya yozmoqda BBC.

Raketa Texasdagi sinov maydonidan mahalliy vaqt bilan soat 18:30 da uchirildi. Uchirilgach, birinchi bosqichdagi barcha 33 dvigatel muvaffaqiyatli ishga tushdi va 7 daqiqa o‘tib kemadan ajralib, Meksika ko‘rfaziga qulab tushdi.

Starship esa ko‘tarilishni davom ettirib, Yer yuzidan 200 km balandlikka chiqdi va sayyorani to‘liq aylanib chiqdi. Parvoz 60 daqiqa davom etdi.

Jarayon chog‘ida dvigatel qismlarining portlashi va raketaning yon qanotlari alangalanib, tebranayotgani kuzatildi. Shunga qaramay, SpaceX parvozni «katta muvaffaqiyat» sifatida baholadi.