Yangiliklar

Buyuk Britaniya bosh vaziri Keir Starmer Misrda o‘tgan xalqaro sammitda G‘azo sektoriga suv, sanitariya va gigiyena xizmatlarini yetkazib berish uchun 20 mln funt (taxminan $27 mln) miqdorida yordam ajratilishini ma’lum qildi. Bu haqda Reuters nashri xabar berdi.

Unga ko‘ra, yordam UNICEF, Jahon oziq-ovqat dasturi va Norvegiya Qochqinlar Kengashi orqali yetkaziladi. Bu mablag‘ ochlik, malnutritsiya va kasallik xavfi ostida qolgan aholiga yo‘naltiriladi.

Isroil bilan Hamas o‘rtasidagi o‘t ochishni to‘xtatish kelishuvi yakshanba kuni ketma-ket uchinchi kunga kirdi. Buyuk Britaniya G‘azoning qayta tiklanishiga bag‘ishlangan uch kunlik xalqaro sammitni ham o‘tkazishini e’lon qildi.

Shuningdek, Buyuk Britaniya joriy moliyaviy yilda Falastinga jami 74 mln...

O‘zbekistonning birinchi mudofaa vaziri, general-polkovnik Rustam Urmanovich Axmedov 82 yoshida vafot etdi. Bu haqda Mudofaa vazirligi matbuot xizmati xabar berdi.

Rustam Axmedov 1943-yil 10-noyabrda Farg‘ona viloyatining Bog‘dod tumanida tug‘ilgan. U Toshkent oliy tank qo‘mondonlik bilim yurti va Zirhli tank qo‘shinlari harbiy akademiyasini tamomlagan.

U 1991 – 1992-yillarda Mudofaa ishlari bo‘yicha vazir va Milliy gvardiya qo‘mondoni, 1992 – 1997-yillarda esa O‘zbekistonning birinchi mudofaa vaziri lavozimida faoliyat yuritgan.

Rustam Axmedov, shuningdek, 1997 – 1998-yillarda Favqulodda vaziyatlar vaziri bo‘lib ishlagan. U xizmatlari uchun «Faxriy yorliq», «Shon-sharaf» va «Do‘stlik» ordenlari bilan taqdirlangan.

Avvalroq Kursiv Uzbekistan Shavkat Mirziyoyev marhum Ismoil Jo‘rabekov xonadoniga tashrif buyurgani...

Sirdaryo viloyatidagi 398 ta xususiy va oilaviy bog‘chada o‘tkazilgan sanitariya nazoratida qator qoidabuzarliklar aniqlandi. Bu haqda UzA xabar berdi.

Tekshiruvlar Sirdaryo viloyati hokimligi hamda tegishli idoralar ishtirokida o‘tkazilgan. Ularning maqsadi bolalar uchun yaratilgan sharoitlarning sanitariya-gigiyena me’yorlariga qanchalik javob berishini aniqlash bo‘lgan.

Natijalarga ko‘ra, ko‘plab bog‘chalarda oshxonalar ta’mirtalab, suv ta’minotida uzilishlar mavjud, qo‘l yuvish uskunalari yetarli emasligi aniqlangan. Shuningdek, ayrim muassasalarda xodimlar va bolalar belgilangan tibbiy ko‘rikdan o‘tmagani, yotoqxona jihozlari eskirgani va xonalar ta’mirga muhtoj ekani qayd etilgan.

Kamchiliklar asosida bir necha bog‘chalarning faoliyati vaqtincha to‘xtatildi. Bu chora-tadbirlar bolalar uchun xavfsiz va sog‘lom muhit yaratish, shuningdek, sanitariya talablariga qat’iy...

Oʻzbekiston futboli tarixida ilk marta mamlakat mutaxassislari FIFA qoʻmitalari tarkibiga rasman tayinlandi. Bu haqda Oʻzbekiston futbol assotsiatsiyasi (OʻFA) matbuot xizmati xabar berdi.

FIFA Kengashi qaroriga koʻra, OʻFA birinchi vitse-prezidenti Ravshan Irmatov 2025 – 2029-yillar uchun Futbolda texnologiyalar, innovatsiyalar va raqamli rivojlanish qoʻmitasi (Football Technology, Innovation and Digital Transformation Committee) rais oʻrinbosari etib tayinlandi. Qoʻmitaga FIFAning futbol texnologiyalari boʻyicha direktori Yohannes Holzmueller rahbarlik qiladi.

Mazkur qoʻmita VAR tizimi, golni aniqlash texnologiyasi, yarimavtomatik ofsayd nazorati, raqamli monitoring va sun’iy intellekt asosidagi yechimlar kabi innovatsion texnologiyalarni joriy etish va sinovdan oʻtkazish ustida ish olib boradi.

Shuningdek, OʻFA bosh kotibi Avaz Maksumov Sohil...

Mashhur amerikalik aktrisa, «Oskar» mukofoti sovrindori Dayan Kiton 79 yoshida Kaliforniyada vafot etdi. Bu haqda uning oilasi ma’lum qildi.

Dayan Kiton (asl familiyasi Holl) 1946-yil Los-Anjelesda tugʻilgan. U 1970-yillarda Frensis Ford Koppolaning «Choʻqintirgan ota» trilogiyasida Key Adams-Korleone roli orqali butun dunyoda tanilgan.

Aktrisa, shuningdek, Vudi Allenning «Enni Xoll» filmidagi ijrosi bilan 1977-yilda «Eng yaxshi ayol roli» uchun «Oskar» mukofotini qoʻlga kiritgan. Shu film unga «Oltin globus» va Bafta sovrinlarini ham olib kelgan.

Kiton oʻz faoliyati davomida 60 dan ortiq film va teleseriallarda suratga tushgan. U «Uylangan ayollar», «Bir narsa berishi kerak», «Oila toshi», «Kitob klubi», «Chunki men shunday...

Braziliyalik sobiq UFC chempioni Charls Oliveyra uch oylik tanaffusdan soʻng UFC Fight Night 261 turnirining bosh jangida Mateush Gamrotni ikkinchi raundda boʻgʻish usuli bilan mag‘lub etdi.

Jangning dastlabki daqiqalaridayoq Oliveyra hujumkor uslubda harakat qildi. Gamrot raqibini parterga olishga urindi, biroq bu taktika kutilgan natija bermadi. Braziliyalik sportchi darhol qulay pozitsiyani egallab, bir necha bor xavfli harakatlarini sinab koʻrdi.

Ikkinchi raundda Oliveyra tashabbusni butunlay oʻz qoʻliga oldi. Aniq zarbalar seriyasidan soʻng u boʻgʻish usulini qoʻlladi. Hakam jangni 2-daqiqa 48-soniyada toʻxtatdi.

Bu gʻalaba Charls Oliveyra uchun professional faoliyatidagi 32-muddatidan avvalgi gʻalaba boʻldi. Ulardan 22 tasi boʻgʻish yoki ogʻriq keltiruvchi usullar bilan qoʻlga...

Qirgʻiziston Milliy xavfsizlik davlat qoʻmitasi raisi Qamchibek Tashiyev mamlakat poytaxti kelgusida Manas shahriga koʻchirilishi ehtimolini istisno etmadi. Bu haqda u Manasdagi ta’lim muassasalari rahbarlari bilan uchrashuvda ma’lum qildi.

Tashiyevning aytishicha, 2026-yilda Manasga respublika ahamiyatidagi uchinchi shahar maqomi berilishi rejalashtirilgan. U Jalolobod nomining oʻzgartirilishini strategik jihatdan toʻgʻri qaror deb atadi va Manasning mamlakat rivojlanishidagi roli ortib borayotganini ta’kidladi.

«Ba’zi siyosatchilar Manas poytaxt boʻladi, deb aytishgan. Agar biz bunga loyiq boʻlsak, nega yoʻq? Ammo buning uchun shahar ham, xalq ham tayyor boʻlishi kerak. Poytaxt boʻlish – bu katta mas’uliyat, buning uchun moliyaviy, infratuzilmaviy va ruhiy tayyorgarlik zarur...

Oʻzbekistonning milliy pochta operatori «Oʻzbekiston pochtasi» (UzPost) xususiylashtirilgani haqida ma’lumotlar paydo boʻldi. Bu haqda iqtisodchi Otabek Bakirov bir nechta mustaqil manbalarga tayanib xabar bermoqda.

Bakirovning soʻzlariga koʻra, davlat ulushini sotib olgan investor shimollik yirik elektron savdo platformalaridan biri boʻlishi mumkin. U nom aniq aytilmagan boʻlsa-da, bu Rossiyada faoliyat yurituvchi onlayn platformalardan biri ekani taxmin qilinmoqda.

Hozircha bitim tafsilotlari va aksiyalar paketi hajmi oshkor etilmagan. Davlat aktivlarini boshqarish agentligi ham, UzPost rahbariyati ham bu borada izoh bermagan.

Eslatib oʻtamiz, joriy yil iyun oyida UzPostʼning affillangan shaxslar roʻyxatida oʻzgarishlar kuzatilgan edi. Undan «Aloqabank», Iqtisodiyot va moliya vazirligi hamda ushbu vazirlikka tegishli...

Toshkentda xalqaro Ritz-Carlton brendi ostida besh yulduzli mehmonxona va turarjoy majmuasi qurilishi davom etmoqda. Bu haqda Investitsiyalar, sanoat va savdo vazirligi xabar berdi.

Vazir o‘rinbosari Xurram Teshabayev Ozarbayjonning PASHA Real Estate kompaniyasi rahbari Elchin Gadimov bilan uchrashuv o‘tkazib, loyihaning hozirgi holati va keyingi bosqichlarini muhokama qildi. Uchrashuvda qurilish ishlari belgilangan jadvalga muvofiq davom etayotgani ta’kidlandi.

Majmuaning bosh rejasi Britaniyaning Benoy arxitektura kompaniyasi bilan hamkorlikda ishlab chiqilgan. Loyiha qiymati $200 millionni tashkil etadi. Hozirda yerosti inshootlari qurilishi yakunlanish arafasida, yil oxiriga qadar esa binolarning ustki konstruksiyalarini barpo etish ishlari boshlanishi rejalashtirilgan.

Tomonlar loyiha sifatini xalqaro standartlarga mos darajada ta’minlash, shuningdek...

Yangi Zelandiyada Laurence Gregory Watkins ismli erkak dunyodagi eng uzun ism egasi sifatida Ginnes rekordlar kitobiga kiritildi. Uning rasmiy ismi 2253 ta soʻzdan iborat boʻlib, uni toʻliq aytish uchun 10 daqiqadan ortiq vaqt talab etiladi.

Watkins 1990-yil 8-mart kuni oʻz ismini oʻzgartirish uchun ariza topshirgan. U ismiga tarixiy va madaniy ahamiyatga ega boʻlgan minglab shaxslar, faylasuflar, siyosatchilar hamda yozuvchilarning nomlarini qoʻshganini aytadi.

«Bu ism insoniyat tarixining kichik ensiklopediyasiga oʻxshaydi, har bir ismning oʻz ma’nosi bor», — deydi u.

Ismni rasmiy roʻyxatdan oʻtkazish dastlab rad etilgan, biroq Yangi Zelandiya Oliy sudi uning arizasini qoʻllab-quvvatlab...

Oʻzbekistonda 2026-yil uchun doktorantura va tadqiqot yoʻnalishlari boʻyicha qabul kvotalari tasdiqlandi. Ushbu kvotalar Davlat budjeti mablagʻlari hisobidan moliyalashtiriladi.

Innovatsion rivojlanish agentligining ma’lumotiga koʻra, kelasi yil ilmiy kadrlarni tayyorlashning barcha bosqichlari uchun jami 5,3 mingta oʻrin ajratilgan. Shundan 4,1 mingtasi tayanch doktorantura, 714 tasi doktorantura, 398 tasi stajyor-tadqiqotchi yoʻnalishlariga toʻgʻri keladi. Shuningdek, maqsadli doktorantura (PhD va DSc) uchun 76 ta kvota belgilanadi.

Oliy ta’limdan keyingi ta’limning barcha shakllari boʻyicha hujjatlar qabuli 2025-yil 5-noyabrgacha davom etadi.

Eslatib o‘tamiz, 2024-yilda bu yoʻnalishlarga 5200 ta, 2025-yilda esa 5250 ta kvota ajratilgan edi.

Avvalroq Kursiv Uzbekistan abituriyentlar uchun kontrakt va grant kvotalari kengaytirilgani...

O‘zbekistonda pullik avtomobil yo‘llarida harakat tezligini 150 km/soatgacha oshirish masalasi ko‘rib chiqilmoqda. Bu haqda Avtoyo‘llar qo‘mitasi bosh yuriskonsulti Hasan Umarov ma’lum qildi.

Uning so‘zlariga ko‘ra, bu taklif yo‘llarga oid qonunning yangi tahririda ko‘zda tutilgan. Hujjatda shuningdek, to‘lovli yo‘llardan foydalanish uchun belgilangan narxning eng yuqori chegarasi ham belgilanadi. Masalan, 200 km masofadagi yo‘l uchun to‘lov 100 ming so‘m atrofida bo‘lishi kutilmoqda.

Deputat Farhod Zayniyevning aytishicha, har bir to‘lovli yo‘lga bepul muqobil yo‘l ham mavjud bo‘ladi.

Unga ko‘ra, mavjud avtomobil yo‘llarini pullik qilish rejalashtirilmagan — buning o‘rniga yangi trassa quriladi.

Shuningdek, favqulodda holatlar paytida to‘lovli yo‘llardan bepul foydalanish imkoniyati yaratiladi. Huquqni...

Fransiya prezidenti Emmanuel Makron Sebastyan Lekornyuni yana bosh vazir lavozimiga tayinladi. Bu haqda Bloomberg nashri xabar berdi.

Nashrga ko‘ra, qayta tayinlov siyosiy muvozanatni saqlash va navbatdagi hukumat inqirozini oldini olishga qaratilgan so‘nggi urinish sifatida baholanmoqda.

Lekornyu 9-sentabrdan 6-oktabrgacha Fransiya hukumatiga rahbarlik qilgan edi. U iste’fosidan bir kun oldin yangi hukumat tarkibini e’lon qilgan, biroq uni muxolifat partiyalari keskin tanqid qilgan.

Yangi bosh vazir 13-oktabr, dushanba kuni kelgusi yilgi Davlat budjetini parlamentga taqdim etadi. Agar hujjat qabul qilinmasa, hukumat moliyalashtirilishini ta’minlash uchun alohida qonun loyihasi ishlab chiqilishi kerak bo‘ladi.

Sebastyan Lekornyu 1986-yil 11-iyunda Obonn shahrida tug‘ilgan. U 2022-yil bahoridan 2024-yil...

Samsung kompaniyasi tomonidan Xitoy bozoriga mo‘ljallangan yangi Samsung W26 smartfoni taqdim etildi. Bu model mashhur Galaxy Z Fold7 smartfonining hashamatli versiyasi bo‘lib, oltin rangdagi bezak elementlari bilan ajralib turadi. Qurilma qizil va qora ranglarda taqdim etilgan.

W26 modeli alyuminiy korpusga ega. Uning qalinligi ochiq holatda 4,2 mm, buklanganda esa 8,9 mm bo‘lib, og‘irligi 215 grammni tashkil etadi.

Smartfon Snapdragon 8 Elite chipi asosida ishlaydi va Android 16 tizimidagi One UI 8 qobig‘iga ega. Qurilma 16 GB operativ xotira hamda 512 GB yoki 1 TB doimiy xotira bilan jihozlangan. Tashqi ekranining diagonali 6,5 dyuym, ichki ekran esa 8 dyuym bo‘lib...

Bosh prokuratura huzuridagi Departamentning Pastdarg‘om tumani bo‘limi tomonidan o‘tkazilgan tergovga qadar tekshiruvda «K.O.» MChJ mas’ullari elektr tarmog‘iga noqonuniy ulanganligi fosh etildi.

Aniqlanishicha, korxona «Mirzo Ulug‘bek» MFY hududidagi binosida tijorat faoliyati uchun ruxsatsiz tarzda elektr tarmog‘idan foydalangan. Natijada davlatga 165,5 mln so‘mlik zarar yetkazilgan.

Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, Kursiv Uzbekistan nashri Toshkent va Farg‘onada yirik miqdordagi giyohvandlik vositalari musodara qilingani haqida yozgan edi.

BAAning DP World kompaniyasi va O‘zbekistonning Tashkent Invest kompaniyasi Toshkentda yirik logistika terminali qurish bo‘yicha kelishuv imzoladi. Bu haqda Dubay amirligi hukumati matbuot xizmati xabar berdi. Loyiha qiymati $288 mln deb baholanmoqda.

Loyihani amalga oshirish uchun qo‘shma korxona tashkil etiladi. Unda Tashkent Invest (poytaxt hokimligi shuba korxonasi) 15 foiz ulushga, DP World esa qolgan qismga ega bo‘ladi.

DP World rahbari Sulton Ahmad bin Sulayem bu hamkorlik O‘zbekistonni Markaziy Osiyodagi yirik logistika va savdo markaziga aylantirishga bo‘lgan sadoqatni aks ettirishini ta’kidlagan.

Terminal Yangihayot tumanidagi «Yangi Avlod» sanoat zonasida barpo etiladi. Loyihaning birinchi bosqichi doirasida 2026 – 2027-yillar oxiriga qadar temir...

AQSh prezidenti Donald Tramp Xitoydan import qilinadigan tovarlarga 100 foizli qo‘shimcha boj joriy etilishini e’lon qildi. Bu bayonot ortidan AQSh fond bozori va kriptovalyuta keskin qulamoqda.

Bitcoin narxi atigi bir necha daqiqa ichida $123 mingdan $113 minggacha tushib ketgan. Ayni paytda bitcoin $111 mingga teng. Toncoin esa 30 foizga arzonladi, shuningdek Telegram hamyon tizimi vaqtincha ishlamay qoldi.

Umuman olganda, global kriptobozor 9 foizdan ko‘proq kamayib, umumiy hajmi $3,76 trln darajasiga tushdi.

Kriptobozorda eng katta yo‘qotishlar XRP, Dogecoin va Cardano tangalarida kuzatildi — ularning qiymati 26 – 30 foizgacha pasaydi. Ethereum esa 10 foizga tushib, $4000 darajasidan pastga ketdi.

Eslatib...

AQShning Tennessi shtatida joylashgan Accurate Energetic Systems kompaniyasiga qarashli portlovchi modda ishlab chiqaruvchi zavodda kuchli portlash sodir bo‘ldi. Hodisa oqibatida 18 kishi halok bo‘lgan yoki bedarak yo‘qolgan deb xabar qilindi.

Portlash kuchidan 15 mil uzoqlikdagi uylar ham titragan, vayronalar va metall bo‘laklar esa yarim chaqirim masofagacha sochilgan.

Okrug mutasaddilari halok bo‘lganlar soni aniq emasligini, ammo bir necha kishining bedarak yo‘qolgani tasdiqlanganini bildirdi.

Rasmiylarning ma’lum qilishicha, dastlab 19 kishi bedarak yo‘qoldi deb xabar berilgan, biroq keyin ulardan biri uyida topilgan. Hozircha qurbonlarning shaxsini aniqlash va yaqinlariga xabar berish ishlari davom etmoqda.

Huquq-tartibot organlari portlash paytida zavodda bo‘lgan ishchilarni aniqlash uchun...

Telegram’ning so‘nggi yangilanishi bir nechta yangi funksiyalarni taqdim etdi. Endilikda foydalanuvchilar guruhli qo‘ng‘iroqlar va videochatlarda izohlar va reaksiyalar yuborishi mumkin.

Shuningdek, kontaktlarga shaxsiy eslatma qo‘shish, tug‘ilgan kun sanasini taklif etish, profil rangini o‘zgartirish va yangi «sovg‘a» interfeysi kabi imkoniyatlar ham paydo bo‘ldi.

iOS foydalanuvchilari uchun esa yangi Liquid Glass dizayni joriy qilindi. Bundan tashqari, sun’iy intellekt (SI) botlar endi alohida mavzularda muloqot qilish va javoblarni bosqichma-bosqich chiqarish imkoniyatiga ega bo‘ldi.

Telegram shuningdek, blokcheynda saqlanadigan sovg‘alarni profil sahifasida ko‘rsatish va xatolik yoki taklif yuborish uchun mini-ilova ishga tushirganini ham ma’lum qilgan.

Avvalroq Pavel Durov Ostonada sun’iy intellekt laboratoriyasi ochilishini e’lon...

Xitoyning Arcfox brendining Alpha T5 Extended Range Edition gibrid avtomobili oktabr oyi oxirida taqdim etishini e’lon qilindi. Bu haqda CarNewsChina xabar bermoqda.

Bu o‘rta o‘lchamdagi SUV CATL Freevoy akkumulyatorlari va BAIC Shenqing gibrid tizimi asosida yaratilgan. Modelda 1,5 litrli dvigatel elektr generatori sifatida ishlaydi. Uning issiqlik samaradorligi 40 foizni tashkil etadi. Avtomobilning yoqilg‘i sarfi 5,18 litr/100 km, sof elektr yurish masofasi 215 km, umumiy yurish masofasi esa 1 215 kmni tashkil etadi.

Alpha T5 EREV to‘liq zaryad bilan 0 dan 100 km/soatgacha 6,5 soniyada, batareya to‘liq bo‘sh holatda esa 7,6 soniyada tezlashadi. Tez zaryadlash funksiyasi yordamida batareya 15 daqiqada...

Toshkent shahar hokimligi «Moskva uylari» majmuasida renovatsiya ishlari boshlanishi haqida ijtimoiy tarmoqlarda tarqalgan xabarlarga munosabat bildirdi. Rasman ma’lum qilinishicha, bunday ishlar olib borilmaydi, balki binolarning fasadlari tartibga keltiriladi, shu bilan birga, me’moriy ko‘rinish saqlab qolinadi.

Mirzo Ulug‘bek tumani hokimi Baxodir Gaibnazarov aholi bilan uchrashib, vaziyatni tushuntirib berdi. Unga ko‘ra, ishlar faqat tashqi bezakni yangilash, atrofni obodonlashtirish va yashil hududlarni kengaytirish bilan cheklanadi. Shuningdek, yangi favvoralar, avtoturargohlar va hovlilarni obodonlashtirish ishlari ham rejalashtirilgan.

Hokimiyat bayonotida ta’kidlanishicha, mas’ullar va tegishli tuzilmalar fuqarolar bilan yaqindan ishlash, ularning e’tirozlariga tezkor javob berish va loyiha maqsadini aniq tushuntirish bo‘yicha faol bo‘lishi kerak.

Ma’lumot uchun...

Andijon tumanida bir nechta xonadonlarning tomorqasini suv bosgan. Ushbu holat yuzasidan FVB rasmiy izoh berdi.

Ma’lum qilinishicha, 11-oktabr kuni soat 07:58 da Andijon tumanining Qumko‘cha mahallasi hududidan oqib o‘tuvchi SRK-1 mahalliy kanalida suv hajmi ortib ketgani natijasida qirg‘oq va dambalardan qisman suv chiqqan. Natijada bir nechta xonadonlarning tomorqasiga suv kirgan.

Hozirda Irrigatsiya tarmoqlari boshqarmasi tomonidan kanaldan suv oqimini to‘xtatish choralari ko‘rilgan. Shu bilan birga, damba va qirg‘oqni mustahkamlash ishlari muhandislik texnikalari yordamida olib borilmoqda.

FVB ma’lumotiga ko‘ra, hodisa oqibatida tan jarohati olgan fuqarolar haqida xabar kelib tushmagan. Voqea joyida FVB, hokimlik, qutqaruv bo‘linmalari hamda irrigatsiya tizimi xodimlari ish olib...

Banklar 11-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi.  

Norvegiyada o‘tayotgan og‘ir atletika bo‘yicha jahon chempionatida o‘zbekistonlik sportchi Akbar Jo‘rayev 110 kilogrammgacha bo‘lgan vazn toifasida mutlaq jahon chempioni unvonini qo‘lga kiritdi. Bu haqda Milliy olimpiya qo‘mitasi xabar bermoqda.

U siltab ko‘tarishda 196 kilogramm natija qayd etib, yangi jahon rekordi o‘rnatdi. U bu natija bilan uchinchi bor dunyo birinchiligini qo‘lga kiritdi.

Musobaqada yana bir o‘zbekistonlik sportchi — Ruslan Nuruddinov ham muvaffaqiyatli ishtirok etdi. U siltab koʻtarishda 228 va ikki kurash yakuniga koʻra 414 bilan ikkita bronza medaliga ega chiqdi.

Eslatib o‘tamiz, Kursiv Uzbekistan nashri Abbosbek Fayzullayev Urugvay bilan kechadigan o‘yinda maydonga tusha olmasligi haqida yozgan edi.