Yangiliklar

16-avgust kuni Chery Xitoyda yangi elektr krossoverlari — Fulwin X3 va X3 Plus modellarini taqdim etdi. Bu haqda CarNewsChina xabar bermoqda.

Chery Fulwin X3 va X3 Plus modellari qulay imkoniyatlarga ega bo‘lib, narxi mos ravishda $12,5 mingdan $15,3 minggacha va $15,3 mingdan $19,5 minggachani tashkil qiladi. X3L EREV gibrid modeli esa 29-avgustda Chendu avtosalonida namoyish etiladi.

Fulwin X3 4327×1910×1715 mm o‘lchamga ega bo‘lib, 185 kVt (248 ot kuchi) quvvatli orqa g‘ildirakli motor bilan ta’minlangan. Batereya sig‘imi 50,79 yoki 68,36 kVt·soat bo‘lib, yurish masofasi 401 km gacha.

X3 Plus esa kattaroq bo‘lib (4380×1916×1741 mm), qo‘shimcha 70 kVt old motoriga ega...

Isroilda yuz minglab odamlar G‘azo urushiga chek qo‘yish va Hamas qo‘lida qolayotgan garovdagilarni ozod qilish bo‘yicha kelishuv talab qilib ko‘chalarga chiqdi. Bu haqda BBC xabar berdi.

Namoyishchilar ish tashlash e’lon qildi, natijada yo‘llar, universitetlar va bir nechta idoralar yopildi. Kun davomida qariyb 40 kishi qo‘lga olindi.

Biroq bosh vazir Benyamin Netanyaxu noroziliklarni tanqid qilib, ular Hamasning pozitsiyasini mustahkamlashini ta’kidladi. Isroilning o‘ta o‘ng qanot vaziri Bezalel Smotrich esa bu chiqishlarni «Hamas qo‘liga o‘ynaydigan zararli kampaniya» deb atadi.

Garovdagilar oilalari esa hukumatdan bitimni amalga oshirish va urushni to‘xtatishni talab qilmoqda. Ularning fikricha, Isroil hukumati dastlab o‘zini himoya qilish uchun boshlagan...

Redmi Note 15 Pro+ smartfoni Geekbench’da sinovdan o‘tdi. Smartfon katalogda 2510ERA8BC raqami bilan qayd etilgan, deya xabar berilmoqda platforma saytida.

Qurilma Qualcomm platformasiga asoslangan bo‘lib, grafik protsessor sifatida Adreno 810 ishlatilgan. Natijalar 1228 ball (bir yadro) va 3230 ballni (ko‘p yadro) tashkil qildi. Operativ xotira hajmi 16 GB bo‘lsa, operatsion tizim Android 15’da ishlagan.

Avvalgi ma’lumotlarga ko‘ra, Redmi Note 15 Pro+ Snapdragon 7s Gen 4 chipi bilan ta’minlanadi. Qurilma 1,5K OLED ekran, 7000 mA·soat sig‘imli akkumulyator va 90 Vt tezkor quvvatlash imkoniyatiga ega bo‘ladi.

Shuningdek, ikkita 50 MP kamera va sun’iy yo‘ldosh orqali xabar yuborish funksiyasi ham bo‘lishi...

Tijorat banklari 18-avgust uchun xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi.

Chilonzor tumanining Farhod ko‘chasi Shuhrat chorrahasidan Chilonzor metro bekati chorrahasiga qadar yo‘lning qatnov qismi yopildi. Bu haqda tuman hokimligi xabar berdi.

Joriy yilning 18-avgustidan-30-avgustigacha 13 kun muddatda ushbu hududda issiqlik tarmoqlari quvurlarini yangisiga almashtirish ishlari amalga oshiriladi.

Avvalroq Kursiv Uzbekistan Shota Rustaveli ko‘chasining bir qismi 20 kundan ziyodga yopilgani haqida yozgandi.

18-avgust tongida Toshkent viloyatining Parkent tumanida zilzila yuz berdi. Respublika seysmoprognostik monitoring markazi ma’lumotiga ko‘ra, yer silkinishi soat 04:00 da qayd etilgan.

Zilzila tafsilotlari:

Sezilish kuchi:

Zilzila kuchi kichik bo‘lgani...

O‘zbekiston elchixonasi diplomatlari Polshaning «Green Crops» xoldingi egasi Mateush Ritel va bosh direktori Adam Rujiskiy bilan hamkorlik uchrashuvi o‘tkazdi. Bu haqda «Dunyo» AA ma’lum qildi.

Muzokaralarda kompaniyaning Yevropaning 12 mamlakatida faoliyat yuritayotgani, O‘zbekistonda yetishtirilgan meva-sabzavotlarni Polsha hamda boshqa Yevropa davlatlariga eksport qilishga qiziqishi ta’kidlandi.

Tomonlar mahsulot eksporti, ko‘rgazmalarda hamkorlikda qatnashish va savdo aloqalarini kengaytirish masalalarini muhokama qildi. Shuningdek, «Green Crops» vakillarining Toshkentga safarini tashkil etish hamda kompaniya stendini «Agro Expo Uzbekistan/Agrotech Expo» xalqaro ko‘rgazmasida namoyish etish bo‘yicha kelishuvga erishildi.

Ma’lum qilinishicha, elchixona ko‘magida shu yilning may – oktabr oylarida Toshkent davlat agrar universiteti, Samarqand agro innovatsiyalar instituti va boshqa...

Amerika startapi Skydweller Aero o‘zining quyosh energiyasida ishlovchi dronini muvaffaqiyatli sinovdan o‘tkazdi. Bu haqda Interesting Engineering nashri ma’lum qildi.

Apparat faqat quyosh va akkumulyator energiyasidan foydalanib, mos ravishda 73 va 74 soat davom etgan ikki parvozni amalga oshirdi. To‘rt sinov parvozi umumiy hisobda 222 soatni tashkil etdi.

Qanotlari Boeing 747dan kengroq bo‘lgan dron kun davomida 17 mingta quyosh paneli orqali to‘plangan energiya bilan akkumulyatorlarini zaryadlaydi va tunda uchishni davom ettiradi. U 400 kg gacha yuk ko‘tara oladi va 90 kunlab havoda qolishi mumkin.

AQSh Harbiy-dengiz kuchlari bu texnologiyani uzoq muddatli razvedka missiyalari uchun o‘rganmoqda. Skydwellerning mustaqil energiya tizimi yonilg‘i...

Afg‘oniston va O‘zbekiston Kobulda qiymati $243 mln bo‘lgan to‘rtta yirik elektr loyihasi bo‘yicha shartnoma imzoladi. Bu haqda Ariana News ma’lum qildi.

Unga ko‘ra, marosimda Afg‘oniston bosh vaziri o‘rinbosari Mulla Abdul G‘ani Barodar hamda O‘zbekiston energetika vaziri Jurabek Mirzamahmudov ishtirok etdi.

Loyihalar 18 oy ichida amalga oshirilishi rejalashtirilgan bo‘lib, ular orqali Afg‘oniston O‘zbekistondan 800 – 1000 megavatt elektr energiyasini import qiladi.

Asosiy loyihalar qatoriga Surxon – Dasht-i-Alvon 500 kV uzatish liniyasi, Arghandi podstansiyasini kengaytirish, Kobul – Sheyx Mesri 220 kV liniyasi hamda Nangarhorda yangi Sheyx Mesri podstansiyasi qurilishi kiradi.

Jurabek Mirzamahmudovning ta’kidlashicha, bu hamkorlik ikki xalq manfaatiga xizmat qilib, Afg‘oniston...

Avstraliya Raqobat va iste’molchilar komissiyasi (ACCC) Google’ni Telstra va Optus bilan tuzilgan «raqobatni cheklovchi» kelishuvlari uchun sudga berdi. Bu haqda Reuters agentligi ma’lum qildi.

2019 – 2021-yillarda Google Asia Pacific ushbu kompaniyalar sotgan Android telefonlariga faqat Google Qidiruvni oldindan o‘rnatish bo‘yicha shart qo‘ygan. Buning evaziga Telstra va Optus reklama daromadidan ulush olgan.

Google aybini tan olib, Federal sudga 55 mln Avstraliya dollari ($35,8 mln) miqdorida jarima to‘lashga rozi bo‘ldi. Shuningdek, kompaniya kelgusida telefon ishlab chiqaruvchilar va operatorlar bilan tuzilgan shartnomalardan majburiy qidiruv tizimi cheklovlarini olib tashlashni ham zimmasiga oldi.

ACCC raisi Gina-Kass Gottlieb bu qaror avstraliyaliklarga ko‘proq tanlov imkoniyati...

Oʻzbekiston prezidenti Shavkat Mirziyoyev 17-avgust kuni Rossiya prezidenti Vladimir Putin bilan telefon orqali suhbatlashdi. Bu haqda davlat rahbari matbuot xizmati xabar berdi.

Muloqot davomida xalqaro siyosat va ikki tomonlama hamkorlikning dolzarb masalalari muhokama qilindi. Putin 15-avgust kuni Alyaskaning Ankorij shahrida boʻlib oʻtgan Rossiya – AQSh sammitining asosiy natijalari haqida Mirziyoyevga batafsil ma’lumot berdi.

Davlat rahbari erishilgan kelishuvlarni qoʻllab-quvvatlab, Ukraina atrofidagi vaziyat tez orada tinch yoʻl bilan hal etilishiga umid bildirdi.

Suhbat chogʻida ikki davlat oʻrtasidagi savdo-iqtisodiy aloqalarni chuqurlashtirish masalalari ham koʻtarildi. Prezidentlar Oʻzbekiston va Rossiya korxonalari oʻrtasida ustuvor kooperatsiya loyihalarini jadallashtirishga qaratilgan choralarni muvofiqlashtirish zarurligini qayd etdi. Shuningdek, barcha...

Oʻzbekiston prezidenti Shavkat Mirziyoyev Pokistonda yuz bergan kuchli yogʻingarchilik, suv toshqinlari va koʻchkilar oqibatida yuzlab insonlar halok boʻlgani munosabati bilan ta’ziya yoʻlladi.

Prezident davlat rahbari Asif Ali Zardariy va bosh vazir Shahboz Sharifga yoʻllagan murojaatida marhumlarning oila a’zolari va yaqinlariga hamdardlik bildirdi hamda jarohatlanganlarga tezroq sogʻayib ketishini tiladi.

Pokiston shimoli-gʻarbida kechgan kuchli musson yomgʻirlari va sel oqibatida yuzlab uy-joylar vayron boʻldi. Faqat Xayber-Paxtunxva provinsiyasining oʻzida 300 nafardan ortiq odamlar halok boʻlgani xabar qilinmoqda. Ayrim hududlarda butun qishloqlarni suv bosgani, qutqaruvchilarni yetkazish mushkul boʻlgani aytilmoqda.

Soʻnggi ma’lumotlarga koʻra, Pokiston, Hindistonning Kashmir hududi va Nepalda tabiiy ofatlar qurbonlari soni 400 nafardan...

Toshkent shahri Ichki ishlar bosh boshqarmasi yangi oʻquv yili oldidan talabalar va ularning ota-onalarini firibgarlik holatlaridan ogohlantirdi.

Ta’kidlanishicha, soʻnggi paytlarda internetda arzon ijara uylar haqidagi e’lonlar koʻpaygan. Firibgarlar aslida oʻzlariga tegishli boʻlmagan xonadonlarning suratlarini joylab, talabalar bilan bogʻlanadi. Ular «uy saqlab qoʻyish» yoki «ikki oylik toʻlovni oldindan berish» sharti bilan pul talab qiladi. Toʻlov oʻtkazilgach esa aloqani uzib, ijtimoiy tarmoqlardagi sahifalarini yopib qoʻyishadi.

IIBB bunday holatlardan saqlanish uchun talabalar va ularning yaqinlariga uy egasi bilan shaxsan uchrashib, xonadonni koʻrmaguncha biror toʻlov qilmaslikni tavsiya qildi. Shuningdek, ijara shartnomasini faqat uy egasining shaxsi tasdiqlangach imzolash lozimligi eslatildi.

Kursiv Uzbekistan nashri hafta davomida yuz bergan eng muhim hodisa va voqealarni bitta materialga jamladi.

Toshkentda tezlik chegarasi 90 km/soatgacha oshirilishi mumkin

Toshkent shahrining 5 ta ko‘chasida avtomobillar uchun tezlik cheklovini oshirish taklifi berildi. Bu haqda xalq deputatlari shahar Kengashining yig‘ilishida poytaxt Yo‘l harakati xavfsizligi boshqarmasi boshlig‘i o‘rinbosari Elmurod Alimov ma’lum qildi.

Batafsil

Buxoro viloyatidagi besh ming xonadonda issiqxonalar tashkil etiladi

Shavkat Mirziyoyev Buxoro viloyatida islohotlar natijadorligi va yangi loyihalar yuzasidan yig‘ilish o‘tkazdi. Bu haqda prezident matbuot xizmati ma’lum qildi.

So‘nggi sakkiz yilda viloyatga $8 mlrddan ortiq investitsiya jalb qilinib, sanoat sohasida 6 mingta yangi korxona ochildi, sanoat mahsulotlari hajmi...

Jizzax viloyatining Forish tumani hokimi oʻrinbosari pora olayotganda ushlandi. Bu haqda Davlat xavfsizlik xizmati ma’lum qildi.

Rasmiy xabarga koʻra, u iyun oyida qishloq xoʻjaligi yoʻnalishidagi MChJ auksion orqali yutib olgan 204 gektar sugʻoriladigan yer maydonini hokimlik zaxirasiga qaytarmaslikni va tadbirkor kelgusida bu yerdan erkin foydalanishini ta’kidlagan.

Buning evaziga hokim oʻrinbosari $30 ming pora talab qilgan. U $20 mingini xizmat avtomashinasida olayotganida ashyoviy dalillar bilan qoʻlga olindi. Qolgan $10 mingni esa hosil yigʻimidan keyin berilishi kerakligi aytilgan.

Mazkur holat yuzasidan unga nisbatan Jinoyat kodeksining tegishli moddalari bilan jinoyat ishi qoʻzgʻatildi. Hozirda u qamoqqa olingan va dastlabki tergov harakatlari olib borilmoqda.

11 – 15-avgust kunlari Markaziy Osiyo davlatlarida AQSh dollarining milliy valyutalarga nisbatan harakati turlicha kechdi. Ayrim joylarda barqarorlik kuzatilgan bo‘lsa, boshqalarda kurs biroz pasaydi yoki ozgina ko‘tarildi. Kursiv Uzbekistan nashri Markaziy Osiyoda dollar kursining o‘zgarishi haqida maqola e’lon qiladi.

O‘zbekiston

Hafta boshida, 11-avgust kuni 1 dollar 12 589,35 so‘mga teng edi. Keyingi kunlarda kurs asta-sekin pasaydi: 12-avgustda 12 509,83 so‘m, 13-avgustda esa 12 497,75 so‘m bo‘ldi. 14-avgustda kutilmagan o‘sish kuzatilib, kurs 12 581,97 so‘mni tashkil etdi. Ammo 15-avgustda yana pasayib, 12 547,38 so‘mga tushdi. Umuman olganda, hafta davomida dollar 41,97 so‘mga arzonlashdi.

Qozog‘iston

11-avgust kuni 1 dollar 539,49 tenge...

Jennifer Lopezning Markaziy Osiyodagi konsertlari nafaqat shou sifatida, balki daromad va sayyohlarni jalb qilish boʻyicha ham musobaqaga aylandi. Tahlillar Toshkentning barcha koʻrsatkichlarda Olmaotadan ustun chiqqanini koʻrsatdi.

7-avgust kuni san’atkor Toshkentdagi «Milliy» stadionida konsert berdi. Tadbirga 31 mingdan ortiq tomoshabinlar tashrif buyurdi, ularning 15,3 mingtasi xorijlik mehmonlar boʻldi. Poytaxt budjetiga 42,5 mlrd soʻm ($3,3 mln) tushum kirdi.

10-avgust kuni xonanda Olmaotadagi Markaziy stadionda chiqish qildi. Konsertni qariyb 27 ming kishi tomosha qildi, ular orasida 7 ming sayyoh ham bor edi. Soliq tushumlari 600 mln tengeni ($1,2 mln) tashkil etdi.

Shu tariqa Toshkent soliq tushumlarida ham, chet ellik tomoshabinlar sonida...

AQSh prezidenti Donald Tramp 22-avgust kuni Vladimir Putin va Vladimir Zelenskiy bilan uch tomonlama uchrashuv oʻtkazishni rejalashtirmoqda. Bu haqda Axios nashri manbalarga tayanib xabar bermoqda.

Ma’lumotlarga koʻra, Tramp bu sanani Putin bilan muzokaralardan soʻng Yevropa yetakchilari bilan suhbat davomida tilga olgan. CNN manbalari ham Tramp 22-avgust kuni uchrashuv oʻtkazishni rejalashtirayotganini tasdiqladi.

Biroq uch tomonlama sammitga tayyorgarlik faqat 18-avgust kuni Vashingtonda Tramp va Zelenskiy oʻrtasidagi muzokaralar muvaffaqiyatli oʻtsa boshlanishi aytilmoqda.

Ma’lumot uchun, 15-avgust kuni Alyaskaning Ankorij shahrida Tramp va Putin uchrashuvi boʻlib oʻtdi. Muzokaralarda asosiy mavzu Rossiya va Ukraina oʻrtasidagi urushni toʻxtatish masalasi boʻldi. Gʻarb OAV xabariga koʻra, Putin Donesk...

Ilon Mask asos solgan SpaceX kompaniyasining sun’iy yoʻldosh internet xizmati Starlink Oʻzbekistonda 2026-yildan boshlab ishga tushirilishi mumkin. Bu haqda servisning rasmiy saytida ma’lumot paydo boʻldi.

Dastlab kompaniya Oʻzbekiston bozoriga 2023-yilda kirishi rejalashtirilgandi. Keyinchalik muddat 2025-yilga surildi, endi esa yana bir yilga kechiktirildi.

SpaceX bundan oldin 2022-yilda Oʻzbekistonda yirik loyihalar amalga oshirishga tayyor ekanini bildirgan. Shuningdek, «Oʻzbekkosmos» taklifi qabul qilinsa, 2028-yilda Xalqaro astronavtika kongressi Toshkentda oʻtkazilishi va Ilon Mask ham tadbirga tashrif buyurishi ehtimoli bor.

Qozogʻistonda esa Starlink allaqachon ishga tushdi. Xizmat 2025-yil 13-avgustdan boshlab butun mamlakat boʻylab ochildi. Ungacha u faqat sinov tariqasida ishlagan va tezkor internetdan...

Turkiyalik tajribali murabbiy Fotih Terim Oʻzbekiston milliy terma jamoasi bosh murabbiyiga aylanishi mumkin. Bu haqda bir qator turk nashrlari xabar bermoqda.

Manbalarga koʻra, Oʻzbekiston futbol assotsiatsiyasi 71 yoshli mutaxassisga allaqachon rasmiy taklif yuborgan. Terim esa yakuniy qarorga kelish uchun vaqt soʻragan. Agar u rozilik bildirsa, 2026-yilda AQSh, Meksika va Kanadada boʻlib oʻtadigan Jahon chempionatida «oq boʻrilar»ni boshqarishi mumkin.

Ma’lumot uchun, Fotih Terim Turkiya milliy terma jamoasi bilan Yevro – 2008 va Yevro – 2016 musobaqalarida ishtirok etgan. U Istanbulning «Galatasaroy» klubi bilan UEFA kubogini qoʻlga kiritgan, shuningdek, «Fiorentina», «Milan» va «Panatinaikos» klublarida ham faoliyat olib borgan.

Avvalroq Kursiv Uzbekistan...

APLning 1-turidan oʻrin olgan bahsda «Manchester Siti» oʻz uyida «Vulverhempton»ni qabul qildi va yirik 4:0 hisobida gʻalaba qozondi.

Uchrashuvdagi hisobni 34-daqiqada Erling Holand ochib, mezbonlarni oldinga olib chiqdi. 37-daqiqada Teyani Reynders ikkinchi golni kiritdi. Birinchi bo‘limda hisob boshqa o‘zgarmadi.

Ikkinchi boʻlimning 61-daqiqada Holand dublni rasmiylashtirdi, 81-daqiqada esa Rayan Sherki yakuniy natijani mustahkamladi.

Uchrashuvning 82-daqiqasida oʻzbekistonlik himoyachi Abduqodir Husanov maydonga tushirildi. U Jon Stounz oʻrnini egallab, bahs yakuniga qadar bexato harakat qildi.

Avvalroq Kursiv Uzbekistan Abduqodir Husanov «Manchester Siti»da haftasiga qancha maosh olishi haqida xabar bergan edi.

AQSh davlat departamenti 16-avgust kuni Gʻazo aholisi uchun viza berish jarayoni toʻxtatilganini maʼlum qildi. Bu haqda Fox News xabar berdi.

Ma’lumotda aytilishicha, qaror sabablariga aniqlik kiritilmagan. Departamentning izohida faqatgina Gʻazodan keluvchilar uchun viza berish jarayoni toʻliq va batafsil qayta koʻrib chiqilmoqda, deya qayd etilgan. Shuningdek, soʻnggi kunlarda berilgan tibbiy-gumanitar vizalar ham tekshiruvdan oʻtkazilayotgani bildirildi.

Tramp ma’muriyati iyun oyidan boshlab vizaga murojaat qilish tartibini murakkablashtirgan edi. Endilikda arizachilarning ijtimoiy tarmoqlardagi faoliyati ham sinchkovlik bilan oʻrganilmoqda. Departament oʻsha paytda «har bir viza milliy xavfsizlik qarori» ekanini ta’kidlab, AQSh manfaatlariga tahdid soluvchi shaxslarga mamlakatga kirishga yoʻl qoʻyilmasligini bildirgan edi.

Shuningdek, Gʻazodan chiqishga...

Jahon iqtisodiyoti va diplomatiya universiteti kuzatuv kengashi qaroriga ko‘ra, 2025-o‘quv yilidan boshlab talabalar uchun kontrakt to‘lovlari 15 foizga oshirildi. Bu haqda universitet matbuot xizmati xabar berdi.

Ma’lumotga koʻra, bakalavriatning 1 – 2-kurs talabalari uchun stipendiyasiz kontrakt narxi 33,75 mln soʻm, stipendiyali shaklda esa 40,58 mln soʻm etib belgilandi. 3 – 4-kurslarda tahsil olayotganlar esa stipendiyasiz 27,3 mln soʻm, stipendiyali kontrakt uchun 34,13 mln soʻm toʻlaydi.

Oʻzbekistonda doimiy yashash hujjatiga ega boʻlgan xorijiy talabalar uchun kontrakt narxi 38,4 mln soʻm, viza asosida tahsil oladigan xorijiylar uchun esa 44,8 mln soʻm qilib belgilandi.

Magistratura bosqichidagi talabalar uchun kontrakt summasi 34,56 mln...

Appfigures kompaniyasi tahliliga ko‘ra, ChatGPT mobil ilovasi sun’iy intellekt bozorida mutlaq yetakchiga aylandi.

2023-yil may oyidan buyon iOS va Android ilovalari orqali foydalanuvchilar sarflagan mablag‘lar hajmi $2 milliardga yetdi. Bu raqam Claude, Grok va Copilot kabi barcha raqiblarning jami tushumidan qariyb 30 baravar yuqori.

2025-yilda ChatGPT daromadi $1,35 mlrdni tashkil etdi, bu esa o‘tgan yilga nisbatan 673% ko‘p. Ilovaning o‘rtacha oylik daromadi $193 mln bo‘lib, ChatGPT bugungi kunda dunyo bo‘ylab 690 million marta yuklab olindi.

Yuklab olishlar bo‘yicha Hindiston yetakchilik qilmoqda (13,7%), undan keyin AQSh (10,3%) keladi. AQSh, shuningdek, ChatGPT’ning eng yirik daromad manbai bo‘lib, ilovaning umumiy tushumining...