Yangiliklar

O‘zbekistonda o‘zini mayning qurilmasiga sarmoya kiritish platformasi sifatida tanitayotgan Veemine loyihasiga rasmiylar e’tibor qaratdi. Istiqbolli loyihalar milliy agentligi (ILMA) mazkur loyiha hech qanday ruxsat olmaganini, tekshiruvlar esa unda firibgarlik va qonunbuzarlik alomatlarini aniqlaganini xabar qildi.

Agentlik holat yuzasidan hujjatlarni huquqni muhofaza qiluvchi organlarga taqdim etgan. Rasmiylar fuqarolarga murojaat qilib, kriptoaktivlar bilan bog‘liq shubhali loyihalarga, xususan, «moliyaviy piramida»larga aldanmaslikni qat’iy tavsiya qilmoqda.

Avvalroq ommaviy axborot nashrlari ushbu loyiha ortidagi sxemani ochiqlagandi. Unga ko‘ra, Veemine foydalanuvchilarga mayning uskunasini ijaraga olib daromad topishni taklif qiladi. Firibgarlar, ayniqsa, Farg‘ona vodiysi va Xorazm viloyatida faol bo‘lgan.

Loyiha o‘z saytida Britaniyada ro‘yxatdan o‘tgani, 2013-yildan buyon...

Sayohatdan so‘ng aeroportda yuklarni topolmay qolganda yoki uni shikastlangan holda qabul qilganda qanday yo‘l tutish kerak? Uzbekistan Airports bir nechta tavsiyalarni berib o‘tdi.

1-qadam: Lost & Found xizmatiga murojaat qilish

Uchib kelish zalidan chiqmasdan, aynan shu hududda joylashgan yo‘qolgan yuklar bo‘yicha xizmatga borish kerak. Xodimlar dastlabki rasmiylashtirish ishlarini amalga oshiradi.

2-qadam: Ariza to‘ldiriladi va holat rasmiylashtiriladi

Sizdan parvoz raqami, bagajning ko‘rinishi, aloqa ma’lumotlari va iloji bo‘lsa, yuk suratini taqdim etish so‘raladi. Xodimlar bu ma’lumotlar asosida PIR (Property Irregularity Report) hujjatini rasmiylashtiradi.

3-qadam: So‘rov uchun identifikatsiya raqami olish

Bu raqam orqali aviakompaniyaning vebsayti yoki Lost & Found xizmati orqali yuk...

AQSh prezidenti Donald Tramp Coca-Cola kompaniyasi bilan AQShda haqiqiy shakarqamishdan foydalanish bo‘yicha kelishuvga erishganini e’lon qildi. Bu haqda Reuters xabar bermoqda.

Tramp Truth Social’da yozishicha, u Coca-Cola vakillari bilan suhbatlashgan va ular AQShda ishlab chiqariladigan ichimliklarda endi real shakarqamishdan foydalanishga rozi bo‘lgan.

Ushbu qadam Tramp ma’muriyatining «Amerikani sog‘lom qilamiz» tashabbusi doirasida amalga oshirilmoqda. Bu tashabbus Sog‘liqni saqlash vaziri Robert Kennedi bilan bog‘liq bo‘lgan ijtimoiy harakatga asoslangan.

Hozirda AQShda Coca-Cola makkajo‘xori siropi bilan shirinlantiriladi. Biroq boshqa ayrim davlatlarda kompaniya shakarqamishdan foydalanadi. Kennedi AQShda ortiqcha shakar iste’mol etilishini tanqid qilib keladi. Oq uy va Coca-Cola bu borada izoh bermagan.

Eslatib o‘tamiz...

2025-yilning birinchi yarim yilligida «Toshkent» respublika fond birjasidagi (RFB) umumiy savdo hajmi 12 trillion so‘mga yetdi. Birja o‘tgan yilning shu davriga nisbatan bu ko‘rsatkich 17 baravar oshganini ma’lum qildi.

Yarim yillik yakunlariga ko‘ra, umumiy bitimlar soni o‘tgan yilga qaraganda 21,7 foizga kamayib, 214,9 mingtani tashkil etdi. Shundan 181,9 mingta bitim birja kotirovka ro‘yxatidagi qimmatli qog‘ozlar bilan tuzilgan, qolganlari esa tashkiliy tarzda birja tashqarisidagi bozorda amalga oshirilgan.

Shuningdek, aksiya bozoridagi savdo hajmi 14 baravar oshib, 5,3 trillion so‘mga yetdi. Bozor kapitalizatsiyasi esa 0,15 foizga oshib, 242,8 trillion so‘mni tashkil etdi. Hisobot davri oxiriga kelib birja kotirovka ro‘yxatida 93 emitentning...

Shu yilning iyun oyida O‘zbekistondagi keng ma’nodagi pul massasi (M2) 12,3 trillion so‘mga oshib, jami 312,5 trillion so‘mga yetdi. Bu haqda Markaziy bankning yangilangan statistik ma’lumotlari e’lon qilindi.

Shuningdek, iyun oyida so‘mdagi pul massasi 10,6 trillion so‘mga ko‘payib, 250 trillion so‘mga yaqinlashdi.

Naqd pullar aylanmasi

O‘tgan oyda muomaladagi naqd pullar hajmi 3,9 trillion so‘mga oshib, umumiy 59,1 trillion so‘mga yetdi. Bundan tashqari, bank tizimidan tashqaridagi naqd pullar ham 4,1 trillion so‘mga ko‘payib, 1-iyul holatiga ko‘ra, 70,3 trillion so‘mni tashkil etdi.

Shuningdek, vakillik hisobvaraqlari (yuridik va vakil tashkilotlar balansidagi mablag‘lar) bo‘yicha ham yuqori faoliyat qayd etilib...

Tomorrowland festivalining bosh sahnasi yonib ketdi. BBC’ning xabar berishicha, Belgiyaning Boom shahrida joylashgan festival maydoniga minglab odamlar kelishni boshladi.

Chorshanba kuni kechqurun yuz bergan yong‘in natijasida bosh sahna butunlay yongan. Biroq tashkilotchilar hech kim jarohat olmaganini, festival davom etishini ma’lum qilmoqda.

400 mingdan ortiq mehmonlar kelishi kutilayotgan tadbir juma kuni boshlanadi. Deyvid Getta, Lost Frequencies, Svedish House Mafia va Charlotte De Vitte kabi mashhur DJlar chiqish qiladi.

Mahalliy yong‘in xizmati hududni xavfsiz deb baholadi. Endi yondirilgan sahna buzilish-buzilmasligi muhokama qilinmoqda. Tashkilotchilar sahna o‘rniga alternativ yechim izlayotganini aytgan. DreamVille nomli lager allaqachon ochilgan.

«Sahnasi oddiy sahna...

Tojikiston hukumati Rog‘un GESdan O‘zbekistonga elektr energiyasi yetkazib berish bo‘yicha bitim loyihasini ma’qulladi. Hujjat matni Tojikiston Adliya vazirligi veb-saytida e’lon qilindi.

Elektr xaridini «O‘zenergosotish» kompaniyasi amalga oshiradi. Bir kVt/soat elektr energiyasining narxi qo‘shilgan qiymat solig‘i (QQS) bilan 3,4 sentni tashkil qiladi. Ikkinchi yildan boshlab narx har yili 1 foizga indekslanadi. Bundan tashqari, Tojikistonning «Barki Tochik» energiya kompaniyasi ham O‘zbekistonga elektr energiyasi yetkazib beradi.

Toshkent va Dushanbe o‘rtasidagi ushbu bitim 20 yil amal qiladi va keyinchalik 10 yillik davrlar bilan uzaytirilishi mumkin. Kelib chiqadigan bahs va kelishmovchiliklar tomonlar muzokaralar va maslahatlashuvlar orqali hal qiladi.

Rog‘un GES – Tojikistondagi eng yirik...

AQSh bozorida iPhone’larda ishlatilayotgan displeylar bilan bog‘liq patent nizosi sababli sotuvlar to‘xtatilishi mumkin. Bu haqda Hi-tech mail nashri xabar berdi.

AQSh Xalqaro savdo komissiyasi Apple yetkazib beruvchilaridan biri bo‘lgan Xitoyning BOE kompaniyasi Janubiy Koreyaning Samsung’iga tegishli texnologiyalarni noqonuniy ishlatganini aniqladi.

Mazkur holat OLED displeylar ishlab chiqarishga taalluqli. BOE aynan ushbu ekranlar bilan Apple’ning iPhone 15, 16 va 17 seriyali modellarini ta’minlab kelmoqda. Komissiya hozircha dastlabki qarorni chiqargan. Bu asosda BOE tomonidan yetkazilayotgan mahsulotlar hamda ular qo‘llanilgan barcha qurilmalarni AQShga import qilishni taqiqlashni tavsiya qilgan.

Shuningdek, agar yakuniy qaror ham shu asosda chiqsa, Apple iPhone’larning BOE ekranli versiyalarini AQShda sotishni...

AQShda ishlatilgan elektromobillar benzinli avtomobillarga nisbatan ancha tez arzonlashmoqda. iSeeCars tahliliy platformasining yangi tadqiqotiga ko‘ra, so‘nggi bir yil ichida elektromobillar narxi o‘rtacha 4,8 foizga tushgan. Shu bilan birga, benzinli avtomobillar esa 5,2 foizga qimmatlasha boshlagan.

Kompaniya ma’lumotlariga ko‘ra, bir yildan besh yilgacha bo‘lgan elektromobillarning o‘rtacha narxi $31 354 ni tashkil etgan, bu o‘tgan yilga nisbatan $1 569 ga kam. Solishtirish uchun, shu yoshdagi benzinli avtomobillar narxi o‘rtacha $32 525 bo‘lib, bu 2024-yil iyuniga nisbatan $1 594 ga ko‘proq.

«Qayta sotuv bozoridagi xaridorlar, avvalo, foydali narxni izlaydi. Bugungi kunda elektromobillar bu borada yutqazmoqda. Ular arzonroq, biroq...

Yevrokomissiya tomonidan Yevropa Ittifoqi budjeti ikki trillion yevroga oshirilishi taklif qilindi. Bu 2028 – 2034-yillar uchun mo‘ljallangan yangi budjet loyihasi bo‘lib, u 16-iyul kuni Yevrokomissiya rahbari Ursula fon der Lyayen tomonidan taqdim etildi.

Yangi budjetda jami xarajatlar 1,21 trillion yevrodan 1,816 trillion yevroga oshirilishi rejalashtirilgan. Eng katta o‘zgarishlardan biri – fermerlar uchun ajratiladigan mablag‘ kamaygan. Buning o‘rniga innovatsiya, texnologiyalar, mudofaa va Ukrainaga yordamga ko‘proq pul ajratiladi.

Fermerlar va baliqchilikni qo‘llab-quvvatlovchi jamg‘arma 300 mlrd yevroni tashkil etadi. Bu avvalgi 386 mlrd yevrolik ajratmadan kam. Biroq umummilliy va mintaqaviy hamkorlik fondiga 865 mlrd yevro ajratiladi.

Shuningdek, yangi budjetda raqamli texnologiyalar, yashil...

Bugun, 17-iyul kuni dollar kursi 100,17 so‘mga pastlab, 12 658,19 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi uch kunlikdagi qiymati

30-iyun kuni dollar kursi 40,84 so‘mga oshib, 12 694,97 so‘mga yetdi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab dollar kursida bosqichma-bosqich pasayish boshlandi. 1-iyul kuni kurs 18,86 so‘mga kamayib, 12 676,11 so‘mni tashkil etdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mga tushdi. 3-iyulda pasayish davom etdi, kurs yana 34,15 so‘mga kamayib, 12 557,56 so‘m bo‘ldi.

4-iyul kuni vaziyat o‘zgarib, dollar kursi 49,17 so‘mga ko‘tarilib...

O‘zbekistonda spirtli ichimliklar ishlab chiqaruvchilari uchun qator huquqiy choralar belgilandi. Endi ular ishlab chiqarish rejasini bajarmasa yoki mavjud ishlab chiqarish quvvatlarini to‘liq ishlatmasa, jarima to‘laydi. Bunga doir Vazirlar Mahkamasining qarori tasdiqlandi.

Hujjatga ko‘ra, korxonalar tasdiqlangan yillik ishlab chiqarish rejalariga rioya qilishi lozim. Yillik ishlab chiqarish quvvatlaridan foydalanish holatini tekshirish vazifasi alkogol va tamaki bozorini tartibga solish inspeksiyasiga yuklatiladi. Ushbu inspeksiya Iqtisodiy jinoyatlarga qarshi kurashish departamenti huzurida faoliyat yuritadi.

Monitoring davomida inspektorlar quyidagi ko‘rsatkichlarni o‘rganadi:

16-iyul kuni Qirg‘izistonning «Elkart» va O‘zbekistonning Uzcard to‘lov tizimlari o‘zaro pul o‘tkazmalarini yo‘lga qo‘ydi. Bu haqda Qirgʻizistonning banklararo protsessing markazi xabar berdi.

Endi ikki davlat fuqarolari mobil ilovalar orqali to‘g‘ridan to‘g‘ri pul o‘tkazmalarini amalga oshiradi.

Qirg‘izistonliklar uchun bu xizmat «Elkart Mobile» ilovasida mavjud bo‘lsa, o‘zbekistonlik foydalanuvchilar Unired ilovasi orqali pul yuborish imkoniga ega.

«To‘lov tizimlarining birlashuvi — bu faqat texnika emas, bu mintaqaviy hamkorlik falsafasi», — deydi «Elkart» tizimini boshqaruvchi «MPC» rahbari Oltimish Turatbekov.

Avvalroq «Kursiv» nashri aprel oyida O‘zbekiston va Qozog‘iston o‘rtasida pul o‘tkazmalari keskin oshgani haqida yozgandi.

«UzAuto Motors» AJ 2025-yil 21-iyuldan boshlab Chevrolet Onix, Tracker va Damas modellari uchun yangi shartlarni e’lon qildi.

Kompaniyaning rasmiy bayonotida aytilishicha, bo‘lib to‘lash mexanizmi o‘zini oqlagani bois, uni yanada rivojlantirish va kengaytirish bo‘yicha qaror qabul qilingan.

Endilikda xaridorlar ushbu mashinalarni tijorat banklari orqali 20% boshlang‘ich to‘lov bilan sotib olishlari mumkin. Ilgari boshlang‘ich to‘lov miqdori 50% tashkil etgan. Shuningdek, yillik 0% dan boshlanadigan foiz stavkasi bilan avtomobilni xarid qilish imkoniyati taqdim etilmoqda.

Batafsil ma’lumotlarni UzAuto Motors’ning rasmiy saytlarida — uzautomotors.com va chevrolet.uz, shuningdek kompaniyaning ijtimoiy tarmoqlardagi sahifalarida yoki tijorat banklarining filiallarida olish mumkin.

Qo‘shimcha ma’lumot uchun aloqa raqami...

Bugun, 17-iyul kuni Kuala-Lumpur shahridagi OFK (Osiyo Futbol Konfederatsiyasi) qarorgohida 2026-yilgi Jahon chempionatining Osiyo saralash bosqichidagi 4-bosqich qur’asi o‘tkazildi. Qur’aga ko‘ra, 6 jamoa ikki guruhga bo‘lindi va faqat guruh g‘oliblari mundial yo‘llanmasini qo‘lga kiritadi.

A guruhi:

B guruhi:

Qur’a tashlash marosimida O‘zbekiston terma jamoasi bosh murabbiyi Temur Kapadze ishtirok etdi. U ingliz tilida so‘zlagan nutqida O‘zbekistonning ilk bor Jahon chempionatiga yo‘llanma olishini ta’kidlab, bu tarixiy natijada mamlakat rahbariyati va muxlislarning ishonchi hal qiluvchi rol o‘ynaganini alohida qayd etdi.

Eslatib o‘tamiz, Osiyoga ajratilgan 8 to‘g‘ridan to‘g‘ri yo‘llanmaning 6 tasi...

«Shahrisabz — Kitob» yo‘nalishida 20 ta yangi avtobus harakati yo‘lga qo‘yildi. Bu haqda Transport vazirligi xabar berdi.

Qashqadaryoda yo‘lovchi tashish bilan shug‘ullanuvchi «Humoyun» korxonasi tomonidan 20 dona AsiaStar rusumli avtobuslar olib kelindi. Ular «Shahrisabz avtovokzali – Kitob shifoxonasi» yo‘nalishida harakatlanadi.

Ma’lumot uchun, ushbu yo‘nalishning umumiy masofasi 15,7 km bo‘lib, avtobuslar kuniga 20 ming nafar yo‘lovchilarga xizmat ko‘rsatish imkoniyatiga ega.

Shu yil yakunigacha viloyatga yana 66 ta yangi avtobus olib kelinishi rejalashtirilgan.

Avvalroq Kursiv Uzbekistan avtobus va mikroavtobuslar uchun yo‘lovchi boshiga subsidiya berilishi haqida yozgandi.

Bundan tashqari, avtobuslar uchun utilizatsiya yig‘imidan berilgan imtiyoz muddati yana uch yilga uzaytiriladi va...

Akademik Mahmud Mirzayev nomidagi Bog‘dorchilik, uzumchilik va vinochilik ilmiy-tadqiqot instituti va Germaniyaning Xalqaro hamkorlik jamiyati o‘rtasida iqlimiy xavflarni kamaytirish bo‘yicha memorandum imzolandi. Bu haqda O‘zbekiston Qishloq xo‘jaligi vazirligi xabar berdi.

Mazkur hamkorlik Germaniya iqtisodiy hamkorlik va taraqqiyot federal vazirligi tomonidan moliyalashtiriladigan mintaqaviy loyiha doirasida amalga oshirilmoqda. Loyiha 2022-yilda boshlangan va 2028-yilgacha davom etadi.

Memorandumning asosiy maqsadi — Markaziy Osiyo mintaqasida iqlim va tabiiy xatarlarni kamaytirish, shuningdek, transchegaraviy suv resurslarini boshqarish sohasida ilmiy-amaliy salohiyatni mustahkamlashdan iborat.

Institut rejasiga ko‘ra, 2025-yil oxirigacha Navoiy ilmiy-tajriba stansiyasi hududida 10 gektar maydonda intensiv bog‘ barpo etiladi va unda tomchilatib sug‘orish tizimi o‘rnatiladi.

Loyiha quyidagi...

Internetda Samsung Galaxy S25 FE smartfonining yangi suratlari paydo bo‘ldi. Unda smartfon oq rangda tasvirlangan. Avvalroq qora rangdagi ko‘rinishi ham tarqalgan edi.

Rasmning sifati unchalik yuqori emas, lekin telefonning old va orqa ko‘rinishini ko‘rish mumkin. Dizayn deyarli Galaxy S24 FE bilan bir xil.

Avvalgi ma’lumotlarga ko‘ra, Galaxy S25 FE Exynos 2400e protsessorida ishlaydi. Uning kamida 8 GB tezkor xotirali versiyasi bo‘ladi. Telefon Android 16 va One UI 8.0 tizimi bilan chiqadi.

Asosiy kamera haqida aniq ma’lumot yo‘q, ammo old kamera 12 MP bo‘lishi aytilmoqda. Bu Galaxy S24 FE’dagi 10 MP kameraga nisbatan yaxshilanish hisoblanadi.

Eslatib o‘tamiz, Kursiv Uzbekistan nashri...

BYD kompaniyasi Song L SUV qatoriga yangi model BYD Song L GT modelini qo‘shdi. Bu haqda CarNewsChina xabar bermoqda.

Ushbu elektromobil avvalgi Song L EV bazasida ishlab chiqilgan. Yangi model tashqi ko‘rinishda deyarli Song L EV’ga o‘xshaydi. Ammo old bamperda qora elementlar ko‘paytirilgan. Faralar orasida ham qora panel qo‘shilgan. Har bir versiyada tomda lidar radari bo‘lishi kutilmoqda.

Avvalgi modelda God’s Eye B va God’s Eye C kabi haydovchiga yordam tizimlari mavjud edi. GT versiyasida ham shular davom ettiriladi. Orqa tomonda yangi GT logotipi bor. Shuningdek, elektr qanotli spoilerni saqlab qolishgan. Rasmiy ma’lumotga ko‘ra, bu detal 100 km masofada...

Xiaomi 15T Pro hali rasman taqdim etilmagan bo‘lsa-da, uning texnik xususiyatlari Geekbench test bazasida paydo bo‘ldi. Smartfon 2506BPN68G raqamli indeksi bilan ro‘yxatdan o‘tgan.

Ushbu model bir yadroli testda 1057, ko‘p yadroli testda esa 4009 ball to‘plagan. Ehtimol, bu global Redmi K80 Ultra versiyasi bo‘lishi mumkin. Biroq protsessor arxitekturasi farq qiladi. Qurilmada sakkiz yadroli chip bor: to‘rtta yadro 2,0 Hz, qolganlari esa 2,85 Hz da ishlaydi. Bu ko‘rsatkichlar dimensity 8100 protsessoriga o‘xshaydi.

Smartfonda Android 15 va 12 GB tezkor xotira borligi qayd etilgan. Akkumulyator sig‘imi esa taxminan 5500 mA/soat bo‘ladi. Ilgari aytilganidek, Redmi K80 Ultra’da bu ko‘rsatkich 7410 mA/soat edi.

EA kompaniyasining navbatdagi futbol o‘yini — EA Sports FC 26 rasmiy ravishda 2025-yil 26-sentabr kuni turli platformalarda chiqariladi. Bu haqda ITHome nashri ma’lum qildi.

O‘yinni PC, PS5, PS4, Xbox One, Switch 2 va Nintendo Switch qurilmalari orqali o‘ynash mumkin bo‘ladi. Steam’dagi Xitoy regioni uchun narx 248 yuan ($34,55)ga teng belgilangan.

Yangi o‘yin muqovasida 22 yoshli ingliz futbolchisi Jud Bellingem va 22 yoshli germaniyalik Jamol Musiala aks etgan. EA bu relizni EA Sports FC seriyasida yangi davr boshi sifatida e’lon qilgan.

EA Sports FC 26’ning asosiy yangiliklari:

Dunyodagi eng xavfsiz mamlakatlar reytingida O‘zbekiston 148 ta davlat orasidan 25-o‘rinni egalladi. Bu haqda Numbeo onlayn platformasi xabar berdi.

Tadqiqot jinoyatchilik darajasi, odamlarning kun-u tun o‘zini xavfsiz his qilishi, huquq-tartibot organlariga ishonch kabi omillar asosida tuzilgan.

Reyting rasmiy statistikaga emas, balki jahon bo‘ylab yuz minglab foydalanuvchilarning real hayotdagi kuzatuvlari va baholariga tayanadi.

Reytingda Birlashgan Arab Amirliklari eng xavfsiz davlat sifatida birinchi o‘rinda qayd etilgan. Ikkinchi va uchinchi o‘rinlarni Andorra va Qatar egalladi. O‘zbekiston esa mintaqadagi boshqa davlatlar — Rossiya (52-o‘rin), Qozog‘iston (73), Ukraina (81) va Qirg‘iziston (101)ga nisbatan ancha yuqori pog‘onada joylashgan.

Reytingning oxiridan Gaiti, Papua...

Yaponiya O‘zbekiston bilan migratsiya bo‘yicha hamkorlikni kuchaytiradi. Bu haqda Nikkei Asia nashri xabar berdi.

Hozirgi paytda Yaponiyada qariyalarni parvarishlash, umumiy ovqatlanish va qurilish sohalarida ishchi yetishmovchiligi mavjud. Davlat ushbu sohalardagi kadrlar yetishmovchiligini to‘ldirish bo‘yicha Markaziy Osiyo davlatlariga, jumladan, O‘zbekistonga ham e’tibor qaratmoqda.

Shuningdek, Yaponiya Sog‘liqni saqlash, mehnat va farovonlik vazirligi Janubiy hamda Markaziy Osiyo davlatlaridan ishchi yuboruvchi agentliklar bilan muzokara olib borish uchun xususiy tashkilotni jalb qiladi. Bu jarayonda Yaponiyada ishchi kuchiga bo‘lgan talab va mavjud tizimli to‘siqlar o‘rganiladi.

Onodera User Run kompaniyasi Yaponiyaning belgilangan malakali ishchi dasturi bo‘yicha yuqori sifatli sushi restoranlari uchun ishchilarni tayyorlaydi. O‘tgan...

Tarmoqlarda bloger «Chechenka» ikki nafar kichik yoshdagi bolani o‘zaro urishtirayotgani tasvirlangan video tarqaldi. Bolalar ombudsmani holat bo‘yicha izoh berdi.

Videoda ayol ularning mushtlashuvini kulgu bilan kuzatgani aks etgan. Mazkur holat Bolalar ombudsmani tomonidan o‘rganilib, 14-iyul kuni holatga huquqiy baho berish uchun Ichki ishlar vazirligiga so‘rov yo‘llangan.

Yakkasaroy tumani Ichki ishlar boshqarmasi tekshiruviga ko‘ra, blogerlik bilan shug‘ullanuvchi Gulzoda Abdullayeva 13-iyul kuni Toshkent viloyatida dam olish vaqtida o‘z o‘g‘li va jiyanini go‘yoki «hazil tariqasida» urishtirgan va bu holatni Instagram sahifasiga joylashtirgan.

15-iyul kuni Abdullayeva bolalarni tarbiyalash va ularga ta’lim berish majburiyatini bajarmaslik bo‘yicha javobgarlikka tortildi.

Avvalroq Kursiv Uzbekistan Yuqori Chirchiqda o‘gay...