Yangiliklar

Yozning issiq kunlari ko‘pchilik uchun qulaylikni pasaytiradi. Agar konditsioner bo‘lmasa yoki energiyani tejashni istasangiz, oddiy va samarali usullar bilan uyni tabiiy salqin holatda saqlash mumkin. Quyida Kursiv Uzbekistan yozda uy sharoitida salqinlanish bo‘yicha foydali top-7 ta usul haqida so‘z yuritadi:

1. Pardalarni yoping

Uyga kirayotgan issiqlikning katta qismi derazalar orqali kiradi. Ayniqsa, janubga qaragan derazalar kun davomida ko‘p quyosh...

Bugun, 11-iyul kuni dollar kursi 19,27 so‘mga pastlab, 12 615,07 so‘mni qayd etdi. Bu haqda Valyuta birjasi xabar berdi.

Dollar kursining so‘nggi uch kunlikdagi qiymati

30-iyun kuni dollar kursi 40,84 so‘mga oshib, 12 694,97 so‘mga yetdi. Bu hafta boshidagi eng yuqori ko‘rsatkichlardan biri bo‘ldi.

1-iyuldan boshlab dollar kursida bosqichma-bosqich pasayish boshlandi. 1-iyul kuni kurs 18,86 so‘mga kamayib, 12 676,11 so‘mni tashkil etdi. 2-iyulda esa eng katta tushish qayd etildi – dollar 84,4 so‘mga arzonlab, 12 591,71 so‘mga tushdi. 3-iyulda pasayish davom etdi, kurs yana 34,15 so‘mga kamayib, 12 557,56 so‘m bo‘ldi.

4-iyul kuni vaziyat o‘zgarib, dollar kursi 49,17 so‘mga ko‘tarilib...

O‘zbekistonda Uels bilan qo‘shma universitet ochilishi mumkin. Bu haqda «Dunyo» axborot agentligi xabar berdi.

Unga ko‘ra, O‘zbekistonning Buyuk Britaniyadagi elchisi Ravshan Usmanov Uels ta’lim vaziri Linn Nigl bilan uchrashuv o‘tkazdi. Unda ikki tomonlama ta’lim sohasidagi hamkorlik masalalari, jumladan, maktabgacha va maktab ta’limi, inklyuziv ta’lim, o‘qituvchilarning malakasini oshirish va qayta tayyorlash yo‘nalishlarida tajriba almashish istiqbollari muhokama qilindi.

Shuningdek, O‘zbekiston oliy ta’lim muassasalarida ikki tomonlama diplom berish dasturlarini joriy etish, o‘qituvchilar va talabalar almashinuvi bo‘yicha hamkorlikni rivojlantirish masalalari ko‘rib chiqildi.

Tomonlar Kardiff universiteti bilan hamkorlikda Samarqandda Britaniya tibbiyot universitetini tashkil etish masalasini kelishib oldi. Shu bilan birga, uning qoshida zamonaviy...

Oq uy matbuot xizmati tomonidan X’da (sobiq twitter) AQSh prezidenti Donald Trampning Supermen obrazidagi surati e’lon qilindi. Suratga ilova qilingan izohda Tramp umid timsoli sifatida taqdim etilgan.

«Haqqoniylik. Adolat. Amerikancha yo‘l. Supermen Tramp», — deyiladi Oq uy matbuot xizmatining postida.

Ushbu surat rejissyor Jeyms Gann tomonidan suratga olingan «Supermen» filmi posteri uslubida tayyorlangan. Gann ilgari ham ko‘plab kino-komikslar ustida ishlagan. Filmni DC Studios ishlab chiqqan, tarqatilishini esa Warner Bros. Pictures amalga oshirgan. Kartina butun dunyo kinoteatrlariga 7-iyul kuni, AQShda esa 11-iyul kuni chiqdi.

Film syujeti yosh Klark Kent haqida bo‘lib, u superqahramonlik va insoniy...

BMTning Oziq-ovqat va qishloq xo‘jaligi tashkiloti (FAO)O‘zbekistonda ilk bor o‘tkaziladigan aholi va qishloq xo‘jaligi ro‘yxatiga texnik ko‘mak ko‘rsatadi. Bu haqda EastFruit xabar berdi.

Birlashgan ro‘yxatga olish barcha hududlar va ma’muriy birliklarni qamrab oladi. Bu orqali aholining demografik tuzilishi va agrar sohaning asosiy jihatlari bo‘yicha obyektiv va to‘liq ma’lumotlar yig‘ilishi ta’minlanadi.

Zamonaviy statistik yondashuvlardan foydalanilgan holda ro‘yxatga olish bir xil va taqqoslanadigan axborot bazasini shakllantiradi. Bu esa ijtimoiy-iqtisodiy va agrar rivojlanishni boshqarishga oid asosli qarorlar qabul qilishda muhim ahamiyatga ega bo‘ladi.

FAO vakillarining qayd etishicha, aholini va qishloq xo‘jaligini yagona statistik jarayonda birlashtirilgan holda ro‘yxatga olish barcha darajalarda ijtimoiy va...

Xiaomi tomonidan arzon narxdagi yangi Redmi 15C smartfoni tayyorlanmoqda. Bu haqda Gizmochina nashri xabar bermoqda.

Rasmiy taqdimot sanasi hali e’lon qilinmagan, biroq qurilma haqidagi asosiy ma’lumotlar va sifati yuqori suratlar allaqachon e’lon qilindi.

Redmi 15C 6,9 dyuymli IPS ekranga ega bo‘ladi. Ekran yangilanish tezligi 120 Hz. Old kamera 13 MP, asosiy kamera esa 50 MP bo‘ladi.

Asosiy versiyada 4 GB tezkor xotira va 128 GB doimiy xotira mavjud. Kengaytirilgan versiyada esa 256 GB doimiy xotira bo‘ladi. Batareya sig‘imi 6000 mA/soat etib belgilangani va 33 Vt quvvat bilan zaryadlanishi bilan ajralib turadi. Ushbu smartfon bitta zaryad bilan 77 soatgacha ishlay...

2025-yilning yanvar–iyun oylarida 19 mingdan ortiq bojxona qonunbuzarligi va kontrabanda holatlari aniqlandi. Bu haqda Bojxona qo‘mitasi matbuot xizmati xabar berdi.

Ma’lum qilinshicha, bojxona qonunbuzarligi va kontrabanda holatlarining umumiy qiymati 564 milliard so‘mlik tovar-moddiy boyliklar noqonuniy aylanmadan chiqarildi.

Davlat budjetiga 34 trillion so‘m miqdorida bojxona to‘lovlari tushdi va belgilangan reja to‘liq bajarildi. 11 mingdan ortiq tadbirkorga 24,6 trillion so‘mlik bojxona imtiyozlari va preferensiyalar berildi. 2,8 trillion so‘mlik bojxona to‘lovlarini esa kechiktirib to‘lashga ruxsat etildi.

Tashqi savdo hajmi o‘tgan yilning shu davriga nisbatan 5 foizga o‘sdi, eksport 7 foizga, rasmiylashtirilgan bojxona yuk deklaratsiyalari soni esa 12 foizga ortdi. Yukli avtotransportlar soni...

EastFruit’ning xabar berishicha, O‘zbekistonning mashhur qovun navlari Shvetsiya bozoriga kirib bormoqda.

Fergana Exim Agro kompaniyasi Shvetsiyaga yangi qovun yetkazib berishning ikki muvaffaqiyatli partiyasi haqida e’lon qildi. «Torpedo» va «Obi-Navvot» kabi mashhur navlarning birinchi partiyasi Stokgolmga ikki haftalik yo‘lni sifat yo‘qotmasdan bosib o‘tganidan so‘ng, xaridor darhol qo‘shimcha 20 tonna buyurtma bergan.

Shvetsiyada ushbu qovunlarning chakana narxi bir kilogramm uchun taxminan 2,70 yevro yoki $3,10. O‘zbekistonda esa fermerlar qovunni daladan bir kilogrammini atigi $0,20 ga sotadi.

Eksportchi qancha foyda oladi

Yetkazib beruvchi ko‘pincha chakana narxning 40–50 foizidan ortig‘ini olmaydi — va uni ham yetkazib berganidan keyin 30 – 90 kun...

Great Wall Motor kompaniyasining 2026-yilgi Haval Big Dog avtomobili rasman taqdim etildi. Yangi model 17-iyul kuni Xitoyda sotuvga chiqadi. Bu haqda CarNewsChina nashri xabar bermoqda.

Bu avvalgi modelning yangilangan ko‘rinishi bo‘lib, asosan, tashqi dizayn va salonida o‘zgarishlar bor.

Old panjarasi yangilangan, lekin retro uslubdagi LED faralar saqlab qolingan. Faralar 20 foizga yorqinroq bo‘ldi. Orqa chiroqlar esa L shaklidagi yorituvchi chiziq bilan bezatilgan.

Avtomobil besh xil rangda taqdim etiladi: ko‘k, yashil, kulrang, oq va qora. Yon tomonlari o‘zgarishsiz qolgan – kvadrat kuzov, an’anaviy eshik tutqichlari va tomdagi bagaj qafasi mavjud.

Ichki qismda esa yangi D-shakldagi rul, 14,6 dyuymli markaziy ekran...

Honor Magic 8 Pro smartfoni haqida dastlabki ma’lumotlar paydo bo‘ldi. Bu haqda 4pda texnologiyalar nashri xabar bermoqda.

Nashrning qayd etishicha, bu flagman model kuchli texnik xususiyatlarga ega bo‘ladi. Smartfon Qualcomm Snapdragon 8 Elite 2 protsessori bilan jihozlanadi. Uning ekrani 6,71 dyuym bo‘lib, uch o‘lchamli yuzni aniqlash tizimi va ultratovushli barmoq izi skaneri bilan ta’minlanadi.

Asosiy kamera 200 megapikselli bo‘ladi. Akkumulyator sig‘imi esa 7000 mA/soatdan yuqori bo‘lishi kutilmoqda. Qurilma 100 vattlik tezkor zaryad va 80 vattlik simsiz zaryadlashni qo‘llab-quvvatlaydi.

Honor Magic 8 Pro kuzda taqdim qilinishi rejalashtirilgan.

Eslatib o‘tamiz, Kusiv Uzbekistan nashri Honor kompaniyasi yangi Honor X70 smartfonini iyul oyida...

Huawei kompaniyasi o‘zining yangi flagman seriyasi – Huawei Pura 80 smartfonlarini global bozorda taqdim etdi. Seriyaga Pura 80 Pro va Pura 80 Ultra modellari kiradi. Qurilmalar ilg‘or kamera tizimi, yuqori sifatli ekran hamda tez zaryadlash texnologiyalari bilan ajralib turadi. Taqdimot Dubay shahrida bo‘lib o‘tdi.

Yangi smartfonlar kuchli kamerasi, yorqin ekrani, katta akkumulyatori va zamonaviy dizayni bilan ajralib turadi. Ularning dizayni g‘arb va sharq estetikasidan ilhomlangan bo‘lib, korpus sirli va yaltiroq qoplama bilan bezatilgan. Kamera moduli esa uchburchak shaklida joylashtirilgan. Pura 80 Ultra modelida titanli korpus va ikkinchi avlod Kunlun Glass himoya oynasi ishlatilgan. Bu oynaning tushishga va tirnalishga chidamliligi...

2025-yilning dastlabki olti oyida O‘zbekiston aholisining 31 589 nafari ipoteka kreditiga ega bo‘ldi. Bu haqda Markaziy bank xabar berdi.

Ularga jami 9,44 trln so‘m miqdorida kredit ajratildi. Bu ko‘rsatkich o‘tgan yilning shu davriga nisbatan kredit hajmida qariyb 37 foiz, foydalanuvchi sonida esa 5 388 nafarga ko‘p demakdir.

Shuningdek, bu davrda ipoteka kreditidan foydalanganlarning 12 229 nafari ayollar bo‘lib, bu umumiy kredit oluvchilarning 39 foizini tashkil etdi. Ularga ajratilgan jami kredit hajmi 3,60 trln so‘mni tashkil qilgan. Erkaklar soni 19 360 nafar bo‘lib, ular uchun ajratilgan kredit hajmi 5,84 trln so‘m bo‘lgan.

O‘tgan yilning shu davrida esa ipoteka krediti olgan...

AQSh prezidenti Donald Tramp 1-avgustdan boshlab Kanadadan olib kiriladigan mahsulotlarga 35 foizlik boj joriy etilishini e’lon qildi. Bu haqda u o‘zining Truth Social ijtimoiy tarmog‘ida e’lon qilgan rasmiy maktubida ma’lum qildi.

Tramp AQShning 20 dan ortiq savdo hamkorlariga ham xuddi shunday ogohlantiruvchi maktublar yuborgan.

Kanada rasmiy javob berdi

Kanada bosh vaziri Mark Karni boj e’loniga javoban, mamlakat ishchilari va tadbirkorlarini himoya qilish bo‘yicha qat’iy choralar ko‘rilishini ma’lum qildi. Uning ta’kidlashicha, Kanada fentanil oqimini to‘xtatish borasida AQSh bilan hamkorlikni davom ettirmoqda.

Tramp esa bojlarga sabab sifatida Kanadada ishlab chiqarilmagan AQSh mahsulotlariga solinayotgan soliq, fentanil oqimi va savdo nomutanosibligini ko‘rsatgan...

Volkswagen Jetta eng katta krossoverini taqdim etdi. Bu haqda Autohome xabar berdi.

Volkswagen konserniga kiruvchi Xitoyning Jetta markasi o‘zining yangi VS8 krossoverini jamoatchilikka tanishtirdi. Bu model Jetta brendi tarixidagi eng katta avtomobil bo‘lishi bilan ajralib turadi.

VS8 modeli boshqa Jetta avtomobillaridan tashqi ko‘rinishi va interyeri bilan farq qiladi, biroq avvalgi dvigatel konfiguratsiyasi saqlab qoladi.

Krossoverning tashqi qiyofasi Jetta brendining an’anaviy uslubida ishlab chiqilgan bo‘lib, unda ramkasiz radiator panjarasi va Y shaklidagi yorug‘lik elementlari qo‘llangan.

Avtomobilning uzunligi 4629 mm, eni 1851 mm, balandligi 1624 mm, g‘ildirak bazasi esa 2731 mmni tashkil etadi. Ushbu o‘lchamlari bilan VS8 avvalgi flagman VS7 modelidan...

Nvidia rahbari Forbes milliarderlar ro‘yxatida Baffetni vaqtincha ortda qoldirdi. Bu haqda Oninvest nashri xabar bermoqda.

10-iyul kuni Nvidia rahbari Jensen Xuang Forbes milliarderlar ro‘yxatida mashhur investor Uorren Baffetdan yuqoriga ko‘tarildi. Xuang savdolar davomida Baffetdan o‘zib ketdi, biroq birja yopilishida Berkshire rahbari yana ustunlikni qaytarib oldi.

Forbes ma’lumotiga ko‘ra, savdo yakunida Baffetning boyligi $143,3 milliard, Xuangning boyligi esa $142,9 milliard deb baholandi. Shu tariqa ular reytingda mos ravishda yettinchi va sakkizinchi o‘rinni egalladi.

Xuang kun davomida boyligini 818 million dollarga oshirib, Baffetning o‘rnini egalladi. Aksincha, Baffetning boyligi $1,2 mlrdga kamaydi. Xuang hozirda reytingda oltinchi o‘rinda turgan Google...

Realme Note 70T smartfoni tez orada taqdim etilishi kutilmoqda. Bu haqda GSMArena texnologiyalar nashri xabar bermoqda.

Yangi model 4 GB tezkor xotira va 128 GB doimiy xotira bilan chiqadi. Ekrani 6,74 dyuymli FHD+ AMOLED bo‘lib, «kapalak» uslubidagi old kamera joylashuviga ega. Protsessor sifatida Unisoc T7250 ishlatilgan.

Batareyasi 6 000 mA/soat quvvatga ega, 15 vattlik tezkor zaryadlashni qo‘llab-quvvatlaydi. Orqa kamera – 50 MP, old kamera esa 16 MP. Yon tomonda barmoq izi skaneri bor. 3,5 mm naushnik uchi ham saqlab qolingan.

Smartfon IP64 darajasida chang va suv tomchisidan himoyalangan. O‘lchamlari 161,7 × 74,7 × 7,6 mm, og‘irligi esa...

YouTube 10 yildan beri faol bo‘lgan «Trendlar» sahifasini yaqin haftalarda yopadi. Bu haqda Variety nashri ma’lum qildi.

Kompaniyaga ko‘ra, foydalanuvchilar hozirda virusli videolar va mikro-trendlarni Shorts, tavsiyalar va izlash orqali topmoqda.

2015-yilda boshlangan sahifa o‘rniga endi «Trend musiqalar», «Haftalik podkastlar» va «Film treylerlari» kabi maxsus reytinglar joriy qilinadi. YouTube bu o‘zgarishlar orqali foydalanuvchilarga dolzarb kontentni yanada aniqroq taqdim etishni maqsad qilgan.

Eslatib o‘tamiz, avvalroq You Tuber MrBeast eng yosh milliarder bo‘lgani haqida yozgan edik.

Bugun, 11-iyul kuni soat 09:43 da Toshkent shahrining Yakkasaroy tumanida joylashgan Seul moon ovqatlanish maskanida yong‘in sodir bo‘ldi. Bu haqda Favqulodda vaziyatlar vazirligi (FVV) xabar bermoqda.

Favqulodda vaziyatlar boshqarmasi xodimlari voqea joyiga to‘rt daqiqa ichida – soat 09:47 da yetib bordi. Yong‘in ikki daqiqa ichida 09:49 da o‘rab olinib, 09:53 da to‘liq o‘chirilgan.

Hodisa natijasida hech kim tan jarohati olmadi. Hozirda yong‘in sabablari va yetkazilgan zarar miqdori o‘rganilmoqda.

Eslatib o‘tamiz, Kursiv Uzbekistan Toshkentdagi yirik suv quvuri portlashi bo‘yicha rasmiy munosabat berilgani haqida yozgan edi.

Xitoyda Nio kompaniyasining Onvo L90 elektromobili oldindan buyurtmaga chiqarildi. Narxi $27 mingni tashkil etadi. Bu haqda CarNewsChina xabar bermoqda.

Bu eng yengil to‘liq o‘lchamli uch qatorli SUV bo‘lib, og‘irligi atigi 2 250 kgni tashkil etadi. Avtomobil 900V tizim, 4D mm-to‘lqinli radar va ilg‘or havo osmasiga ega.

Onvo L90 o‘lchamlari: 5145×1998×1766 mm. G‘ildirak bazasi 3110 mmni tashkil etadi. Old bagaj hajmi – 240 litr. Orqa bagaj 430 litr hajmga ega.

Model 6 yoki 7 o‘rinli variantlarda taqdim etiladi. 6 o‘rinli versiyada har bir o‘rindiqda isitish, ventilyatsiya va massaj funksiyasi bor. Uch zonali konditsioner, shift ekran, ovoz tizimi va mini muzlatkich...

2025-yil 11-iyul kuni Bitkoin narxi ilk bor $117 mingdan oshdi. Bu raqam Bitkoin tarixidagi eng yuqori narx hisoblanadi.

Uznex platfpormasida 11-iyul soat 10:20 da bitta bitkoin narxi $117,2 mingni qayd etdi.

O‘sishga bir nechta omillar sabab bo‘ldi. Eng avvalo, AQSh dollarining qadrsizlanishi investorlarning kriptovalyutaga qiziqishini kuchaytirdi. Dollar so‘nggi olti oy ichida 11 foizga tushdi, bu esa investorlarni xavfsiz aktivlarga o‘tishga undadi.

Yana bir muhim sabab – spot bitkoin ETF’larning AQShda faol savdoga chiqishi. Bu orqali katta institutsional investorlar bozorda ishtirok eta boshladi. Siyosiy jihatdan ham kriptoga bo‘lgan munosabat ijobiy tus olyapti. AQShda ayrim siyosatchilar, jumladan, Donald Tramp bitkoin va...

Nutella ishlab chiqaruvchisi Ferrero Group AQShning mashhur don mahsulotlari kompaniyasi WK Kellogg’ni $3,1 mlrdga sotib oldi, deya xabar bermoqda CNN.

Ferrero WK Kellogg brendlarini rivojlantirish va sarmoya kiritishni rejalashtirmoqda. Kompaniya tarkibida 14 ming xodim va 22 ta zavod mavjud. Kellogg assortimentida Raisin Bran, Corn Flakes va Apple Jacks kabi ko‘plab mashhur mahsulotlar ishlab chiqariladi.

Bu Ferrero’ning eng yirik xaridi bo‘lib, kompaniyaning AQSh bozoridagi ta’sirini sezilarli darajada oshiradi. Mutaxassislar bu bitimni oziq-ovqat sanoatida kuchayib borayotgan konsolidatsiya va o‘zgarayotgan iste’molchi talablari fonida «aqlli qadam» deb baholamoqda.

Eslatib o‘tamiz, avvalroq Rhode kosmetika brendi $1 milliardga sotilgan edi.

Dunyodagi birinchi Hermes Birkin sumkasi Sotheby’s tomonidan rekord darajadagi $10,1 mlnga (127,9 mlrd so‘m) sotildi. Forbes nashrining yozishicha, u auksion tarixidagi eng qimmat sumka bo‘ldi.

Bu noyob buyum barcha mavjud Birkin sumkalari uchun prototip hisoblanadi. 1984-yilda uni Hermes kompaniyasining o‘sha paytdagi badiiy rahbari Jan-Lui Dyuma aynan Jeyn Birkin uchun ishlab chiqqan.

Ma’lum qilinishicha, savdolar $1,17 milliondan boshlangan va tez sur’atda oshib borgan. Xaridorning ismi esa oshkor etilmadi.

Prototip Birkin boshqa sumkalardan bir nechta xususiyati bilan farq qiladi. Avvalo, uning o‘lchami noyob – balandligi bo‘yicha 40 modeliga o‘xshaydi, lekin chuqurligi bo‘yicha 35 modeliga teng.

Shuningdek, unda oltin bilan qoplangan latun...

UzAuto Motors Powertrain korxonasini vaqtinchalik boshqarib kelgan Saidazim G‘ulomov rasman bosh direktor lavozimiga tasdiqlandi.

G‘ulomov 2023-yil oxirida bosh direktor vazifasini vaqtincha bajaruvchi etib tayinlangandi. Shu davr mobaynida barcha rahbarlik vakolatlarini amalga oshirib kelgan.

U 2016 – 2021-yillar davomida ham UzAuto Motors Powertrain korxonasini boshqargan va avtomobil sanoati sohasida katta tajribaga ega. Keyinchalik uning o‘rnini shved mutaxassisi Bu Anderson egallagan.

Joriy yil boshida Bu Anderson UzAuto Motors hamda UzAuto Motors Powertrain’dagi barcha lavozimlardan ketgani haqida rasmiy xabar berilgandi. Uning ketishi ortidan kompaniya rahbariyatida bir qator o‘zgarishlar yuz bergan.

Avvalroq Kursiv Uzbekistan Yanosh Kovach UzAuto Motors bosh direktori etib tayinlangani...

Fransiya prezidenti Emmanuel Makronning Buyuk Britaniyaga tashrifi yakunida ikki davlat mudofaa sohasidagi hamkorlikni mustahkamlashga kelishib oldi. Bu haqda The New York Times nashri ma’lum qildi.

Tomonlar Storm Shadow raketalarini birgalikda ishlab chiqishni davom ettiradi. Shuningdek, yadroviy to‘siq bo‘yicha ilk marta muvofiqlashtirilgan deklaratsiya imzolanadi.

Hujjatda har ikki davlat yadroviy qurollari o‘z nazoratida qolishi, ammo Yevropaga tahdid bo‘lsa, birgalikda javob qaytarilishi mumkinligi aytilgan. Bu bayonot ikki mamlakat yadroviy siyosatini birinchi marta muvofiqlashtirishini bildiradi.

Makron va bosh vazir Keir Starmer Ukrainaga yordam, Rossiyaga bosim va noqonuniy migratsiyaga qarshi kurash masalalarini ham muhokama qildi. Ular Ukrainani qo‘llab-quvvatlovchi davlatlar yig‘ilishiga ham qo‘shildi.

Bu kelishuvlar...