Yangiliklar

Hyundai kompaniyasi Xitoyda yangi Hyundai Palisade 2026 modelini rasman namoyish qildi. Bu haqda ITHome xabar bermoqda. Mashina 29-avgustdan Chendu avtosalonida oldindan buyurtma asosida savdoga chiqadi.

Yangi Palisade faqat 2,5 litrli dvigatellar bilan taqdim etiladi. Ularning biri benzinli, ikkinchisi esa gibrid tizimga birlashtirilgan. Oldingi, 2023-yilgi model esa Xitoyda 3,5 litrli V6 dvigateli bilan sotilgan edi.

Tashqi ko‘rinishi o‘zgarishsiz qolgan. Yirik to‘rtburchak kuzov, katta xromli radiator panjarasi, oddiy eshik tutqichlari va orqa tomonida ikkita chiqindi quvuri bor.

Salon ichida 12,3 dyuymli ikkita ekran, rul ostidagi uzatmalar dastagiga o‘tkazilgan rejim tanlash tugmasi mavjud. Ikkinchi qatorda alohida o‘rindiqlar, salonga yoritish, oldingi va orqa...

Raqobat qo‘mitasi TBC Bank Group PLC kompaniyasining Billz platformasiga egalik qiluvchi «Shoppe Group» MChJdagi 46,67 foiz ulushini sotib olish bo‘yicha arizasini ko‘rib chiqdi. Bu haqda qo‘mita matbuot xizmati ma’lum qildi.

Maxsus komissiya tomonidan o‘tkazilgan tahlil natijasida bitimga rozilik berildi. Shu bilan birga, raqobatni ta’minlash bo‘yicha bir qator shartlar belgilandi:

Qo‘mita bitim ishtirokchilariga ushbu...

Osiyo Taraqqiyot banki (OTB) ilk marotaba O‘zbekiston so‘mida (UZS) nominatsiyalangan obligatsiyalarni muomalaga chiqardi. Bu haqda bank rasmiy sahifasida xabar berdi.

Unga ko‘ra, bank ushbu obligatsiyalar orqali 312 milliard so‘m (taxminan $24,7 million) miqdorida mablag‘ jalb qildi.

Bu obligatsiyalar 14,5 foizli kupon stavkasi bilan 3 yillik muddatga chiqarilgan bo‘lib, Merrill Lynch International tomonidan joylashtirildi. Mazkur gender obligatsiyasi Toshkentdan tashqaridagi ayollar rahbarlik qilayotgan korxonalarni qo‘llab-quvvatlash maqsadida yo‘naltiriladi.

Bank vakillarining ta’kidlashicha, bu bosqich OTBning mahalliy valyutalarda obligatsiya chiqarish dasturini kengaytirish yo‘lidagi muhim qadamlardan biri bo‘lib, mahalliy investorlarga raqobatbardosh foiz stavkalari orqali ishonchli moliyaviy vositalarga ega bo‘lish imkonini beradi. Shuningdek, valyuta...

AQShning USAID tashkiloti yordamga mo‘ljallangan 60 ming tonnadan ortiq oziq-ovqatni omborlarda qolib ketgan. Ba’zilari hatto yaroqlilik muddati o‘tgan. Bu haqda The Washington Post xabar bermoqda.

Jorjiyadagi omborlarda uzoq vaqt saqlanib qolgan 15 ming funtlik yordam mahsulotlariga eskirganlik tamg‘alari bosilgan. Shuningdek, Mana Nutrition kompaniyasi omborida $50 mln qiymatdagi yer yong‘oqli pastalar ham iste’mol muddati o‘tib bormoqda.

«Pul to‘langan, hammasi tayyor. Faqat hech kim olib ketmayapti», — dedi Mana Nutrition rahbari Devid Todd Harmon.

AQSh Davlat departamentining may oyi oxiridagi hujjatida yozilishicha, bu mahsulotlar zudlik bilan boshqa joylarga ko‘chirilishi kerak. Ammo muammo shundaki, Tramp ma’muriyati USAID...

Land Rover kompaniyasi Range Rover Sport avtomobilining Blue Flame deb nomlangan yangi maxsus versiyasini namoyish etdi. Bu haqda ITHome nashri xabar bermoqda.

Bu model atigi 50 dona ishlab chiqariladi. Har birining narxi qariyb $143 ming. Sotuvlar Xitoy bozorida boshlandi.

Mashina kuzovi Speed Blue asosidagi maxsus ko‘k rangda bo‘yalgan. Rang tarkibiga tabiiy slyuda poyondalari qo‘shilgan. Dizayn ustida Land Rover’ning SVO bo‘limi ishlagan. U eksklyuziv ishlovlar bilan shug‘ullanadi.

Blue Flame versiyasi qora elementlar to‘plami va 23 dyuymli qora disklar bilan jihozlangan.

Texnik xususiyatlar aniqlanmagan. Asosiy versiyada 3,0 litrli benzinli motor (400 ot kuchi) yoki 550 ot kuchiga ega gibrid tizim mavjud...

Toshkent shahrining Yashnobod tumanidagi qo‘riqlanayotgan obyektlardan birida ishlaydigan qorovul tomonidan rahbariga bolta bilan tahdid qilish holati yuz berdi. Bu haqda Ichki ishlar vazirligi huzuridagi Qo‘riqlash departamenti xabar berdi.

Bu holat 31-iyul kuni yuz bergan. Tezkor harakatlanuvchi guruh xodimlari zudlik bilan voqea joyiga yetib borib, holatni o‘rganishgan. Aniqlanishicha, ushbu ofisda qorovul bo‘lib ishlovchi fuqaro ish haqi oshirilishini talab qilib, ofis rahbarini bolta bilan tan jarohati yetkazish bilan qo‘rqitgan.

Huquqni muhofaza qiluvchi xodimlar fuqaroga bunday harakatlar uchun qonuniy javobgarlik belgilanishini tushuntirishgan. Natijada fuqaroning qo‘lida bo‘lgan bolta va yon sumkasida saqlanayotgan pichoq olib qo‘yilgan.

Hodisa yuzasidan tegishli hujjatlar rasmiylashtirilib, ashyoviy dalillar bilan...

O‘zbekiston – Qozog‘iston chegarasida mahsulotlar tranziti uchun «yashil yo‘lak» joriy etilishi mumkin. Bu haqda «Dunyo» axborot agentligi ma’lum qildi.

O‘zbekistonning Qozog‘istondagi elchisi Baxtiyor Ibragimov Qozog‘iston Moliya vazirligi huzuridagi Davlat daromadlari qo‘mitasi raisi Jandos Duysembiyev bilan uchrashuv o‘tkazdi.

Unga ko‘ra, «G‘ishtko‘prik» (O‘zbekiston) – «Jibek Joli» (Qozog‘iston) hamda «Davut-ota» (O‘zbekiston) – «Tajen» (Qozog‘iston) chegara punktlarida rekonstruksiya ishlarini jadallashtirish rejalashtirilmoqda. Bu orqali savdo hajmini va turizm ko‘rsatkichlarini oshirish maqsad qilingan.

Bundan tashqari, Sirdaryo viloyatida tashkil etilayotgan Xalqaro sanoat kooperatsiyasi markazi yaqinidagi Sirdaryo – Atameken chegara punktini zamonaviy infratuzilma bilan ta’minlashga ham alohida e’tibor qaratildi.

Shuningdek, meva-sabzavot va boshqa tez buziladigan mahsulotlar tranzitini...

5-avgust kuni Zeekr 009 elektromobili yangi Ice Jade White rangda namoyish etiladi. Bu haqda ITHome nashri ma’lum qildi.

Kompaniya ushbu rang 7 xil ko‘k va 5 xil oq tus orasidan tanlanganini bildirgan. Bu maxsus tus eksklyuziv slyuda materialidan ishlab chiqarilgan va quyosh nurlari ta’sirida sarg‘aymasligi bilan ajralib turadi.

Avvalgi ma’lumotlarga ko‘ra, mashinaning Brilliance modeli 5217×2024×1812 mm o‘lchamlarga va 3205 mm g‘ildirak bazasiga ega. Mashina to‘liq 800 voltli yuqori kuchlanishli tizimga ega bo‘lib, 108 kVt·soatli 5C Kirin akkumulyatori bilan jihozlangan. CLTC standartiga ko‘ra bir zaryadda 702 km yo‘l bosadi, 0 dan 100 km/soatgacha 3,9 soniyada tezlashadi.

To‘rt o‘rinli elektr MPV...

«Toshkent» respublika fond birjasida (RFB) joy olgan yuqori likvidli aksiyalarning aksariyati 28-iyuldan 1-avgustgacha bo‘lgan davrda turli dinamikani ko‘rsatib, UCI fond indeksi 0,7 foizga tushdi.

O‘tgan haftada undan oldingi davrga nisbatan ko‘plab aksiyalar narxi sekin o‘sdi, ammo ba’zilari keskin tushishni qayd etdi.

Masalan, «O‘zbektelekom» aksiyalari eng katta o‘sishga erishib, 3,82 foizga qimmatlashdi. Shuningdek, «O‘zRTXB» (+3,32%) va «Ipak yo‘li» (+3,11%) aksiyalarida ham o‘sish qayd etildi.

Biroq «Qo‘qon mexanika zavodi» aksiyalari 12,71 foizga arzonlashib, haftaning eng katta pasayishini qayd etdi. Bundan tashqari, «Biokimyo» (-11,10%) va «O‘zbekneftgaz» aksiyalari (-6,57%) ham pasayish bilan ajralib turdi.

Faqat «Ipoteka-bank»ning oddiy aksiyalari va «Hamkorbank»ning imtiyozli aksiyalari narxida...

3-avgustdan Toshkent shahridagi yirik bozorlarda go‘sht va go‘sht mahsulotlari arzonlashtirilgan narxlarda savdoga chiqarildi. Bu haqda poytaxt hokimligi matbuot xizmati xabar qildi.

Unga ko‘ra Aviasozlar, Farhod, Eski Jo‘va, Yunusobod va Qo‘yliq bozorlari hududida ilgari faoliyat yuritgan 624 ta go‘sht savdo rastasiga qo‘shimcha yana 84 tasi tashkil etildi. Savdo nuqtalarining umumiy soni hozirda 708 taga yetgan.

3-avgust holatiga ko‘ra, Toshkent shahri bozorlariga jami 78,9 tonna go‘sht yetkazib berilgan bo‘lib, shundan 21,8 tonnasi yangi ochilgan rastalar orqali savdoga chiqarilgan. Go‘sht mahsulotlari quyidagicha taqsimlangan:

Narxlar...

Infinix Hot 60 Pro yangi seriyadagi eng oddiy va funksional model sifatida taqdim etildi. U Pro+ modeliga qaraganda biroz soddaroq, ammo ba’zi afzalliklarga ega. Bu haqda GSMArena nashri xabar bermoqda.

Hot 60 Pro korpusi tekis dizaynga ega. U deyarli yengil va yupqa bo‘lsa-da, egilgan ramka o‘rniga tekis shaklni afzal ko‘rganlar uchun qulayroq bo‘ladi.

Model asosiy raqobatchisi Pro+ bilan solishtirganda bir necha ustunlikka ega:

Hot 60 Pro ikki turdagi korpus bilan taqdim etilgan. Charmga o‘xshash korpus Pro+ va Pro’da farq...

Geely Auto iyul oyida 130 ming dona yangi elektromobil sotganini e’lon qildi. Bu haqda CarNewsChina xabar bermoqda.

Ma’lum qilinishicha, ko‘rsatkich o‘tgan yilga nisbatan 120,4 foizga ko‘p. Iyul natijalari may oyidagi eng yuqori ko‘rsatkich (138 ming dona) bilan deyarli tenglashdi. Elektromobillar Geely’ning umumiy oylik savdosining 55 foizini tashkil qildi. Iyulda jami 237,7 ming dona avtomobil sotilgan.

Yanvar – iyul oralig‘ida Geely 850 mingdan ortiq NEV sotgan. Bu o‘tgan yildagiga nisbatan 126% ko‘p. Kompaniya elektr va gibrid segmentida ikki xonali o‘sishni davom ettirmoqda.

Iyul oyida eng ko‘p sotilganlar qatorida to‘liq elektr avtomobillar (BEV) bor – 90 ming dona, bu...

2025-yilning yanvar – iyun oylarida mamlakat 95,3 ming tonna banan import qilgan. Bu 2024-yilning shu davriga nisbatan besh foizga ko‘p. Bu haqda Milliy statistika qo‘mitasi xabar berdi.

Import geografiyasiga qaralsa, umumiy hajmning 98,6 foizi Ekvadordan – 94 ming tonna mahsulot olib kelingan. Qolgani esa Xitoy (539 tonna), Qirg‘iziston (295 tonna), Hindiston (224 tonna) va boshqa davlatlardan (205 tonna) yetkazib berilgan.

EastFruit’ga ko‘ra, 2025-yilning birinchi yarmida bananga bo‘lgan talab ichki bozordagi nisbatan barqaror narxlar fonida yana-da oshdi. Yanvardan iyungacha bo‘lgan davrda ulgurji narxlar o‘tgan yilgi darajadan deyarli farq qilmagan.

Bundan tashqari, so‘nggi to‘rt oy davomida O‘zbekiston Rossiya, Moldova, Polsha...

Toshkent shahri aholisiga tez tibbiy yordam guruhi qanday harakatlanayotganini real vaqt rejimida xaritada kuzatish imkoniyatini yaratdi. Bu haqda Yandex Uzbekistan Kursiv’ga xabar berdi.

Yangi tizim Respublika tez tibbiy yordam markazi va Yandex Uzbekistan hamkorligida ishlab chiqilgan bo‘lib, bemor va yaqinlariga tibbiy yordam guruhi qayerda ekanini kuzatish va kelish vaqti haqida oldindan tayyorlanish imkonini beradi. Chaqiruv yuborilgach, foydalanuvchiga SMS orqali elektron xaritaga havola yuboriladi. U orqali tez yordam mashinasining yo‘nalishini onlayn ko‘rish mumkin bo‘ladi.

Keyinchalik bu imkoniyat Yandex Go mobil ilovasi orqali ham taqdim etiladi. Foydalanuvchilar tez tibbiy yordamni qayerda ekani va taxminiy yetib kelish vaqti haqida push-xabarnomalar orqali ma’lumot olishadi...

Endilikda uch yoshga to‘lmagan farzandi bog‘chaga qatnaydigan ehtiyojmand oilalarga davlat tomonidan har oy 618 ming so‘m miqdorida maxsus moddiy yordam to‘lab beriladi. Bu haqda 2025-yil 31-iyul kuni hukumat qarori asosida ijtimoiy qo‘llab-quvvatlashning yangi tartibi joriy qilindi.

Mazkur yordam quyidagi talablarga javob beradigan oilalarga taalluqlidir:

– oila Kambag‘allar reyestrida ro‘yxatda bo‘lishi lozim;
– bolaning ota yoki onasi yagona bo‘lishi, ya’ni farzand faqat bitta ota-onadan biri bilan yashashi kerak;
– ushbu yagona ota yoki ona rasmiy ish joyiga ega bo‘lishi, ya’ni ish joyi mehnat daftarchasida qayd etilgan bo‘lishi shart;
– farzand maktabgacha ta’lim muassasasiga qatnayotgan bo‘lishi lozim;
– bola 3 yoshga to‘lmagan bo‘lishi kerak.

Agar...

Prezident qaroriga binoan, 2025/2026-o‘quv yilidan boshlab Sherali Jo‘rayev nomidagi musiqa va san’at oliy maktabida ta’lim jarayoni yo‘lga qo‘yiladi.

Ushbu o‘quv dargohi Andijon ixtisoslashtirilgan san’at maktabi negizida tashkil etilmoqda. Maktabga boshlang‘ich musiqiy bilimga ega bo‘lgan o‘quvchilar 9-sinfdan ijodiy imtihon asosida qabul qilinadi.

O‘quv dasturi 3 yilga mo‘ljallangan bo‘lib, davlat granti asosida amalga oshiriladi. Bitiruvchilarga o‘rta maxsus kasb-hunar ta’limi bo‘yicha davlat namunadagi diplom beriladi.

Iqtidorli bitiruvchilar o‘qishni oliy ta’lim muassasalarining 2-bosqichidan davom ettirish huquqiga ega bo‘ladi. Shuningdek, maktabda Sherali Jo‘rayevning ijodiy yo‘nalishlari asosida ilmiy-ijodiy laboratoriya faoliyati ham yo‘lga qo‘yiladi.

Avvalroq Kursiv Uzbekistan Andijonda Sherali Jo‘rayev nomidagi musiqa maktabi tashkil...

O‘zbekiston va Afg‘oniston Kobulda o‘tkazilgan biznes uchrashuvi doirasida umumiy qiymati $20 milliondan ziyod bo‘lgan 45 ta savdo bitimini imzoladi. Bu haqda TOLO News nashri xabar berdi.

Afg‘oniston sanoat va savdo vaziri vazifasini bajaruvchi Nuriddin Aziziy so‘zlariga ko‘ra, Kobul O‘zbekiston bilan savdo hajmini $3 milliardga yetkazish ustida faol ishlamoqda.

«Biz import va eksport hajmini birdek kengaytirishimiz, faqat import qiluvchi mamlakat bo‘lib qolmasligimiz kerak», dedi u.

Uchrashuvda Afg‘oniston Savdo-sanoat va investitsiyalar palatasi vakillari, O‘zbekiston elchisi Oybek Usmonov ham ishtirok etdi. Usmonovning ta’kidlashicha, joriy yilning birinchi yarmida Afg‘onistonning O‘zbekistonga eksporti 300 foizga oshgan.

Avvalroq Kursiv...

Armaniston hukumati 3-avgustdagi Jennifer Lopez konsertiga $7 million sarflagan. Bu haqda Yerevan shahri hokimi o‘rinbosari Armen Pambuxchyan ma’lum qildi, deb yozmoqda «RBK».

Uning aytishicha, konsertga xorijdan kelgan turistlarning har biri Armanistonda o‘rtacha $500 sarflaydi. Bu summaga yo‘l haqi, mehmonxona, ovqatlanish va boshqa xarajatlar kiradi. Natijada mamlakat iqtisodiyotiga taxminan $7,5 million tushadi, degan hisob-kitob qilingan.

«15000 * 500 = 7 500 000. Ya’ni hukumat ajratgan mablag‘ to‘liq o‘zini oqlaydi», – degan Pambuxchyan.

U, shuningdek, bu konsert mamlakatning xalqaro obro‘sini oshirib, Armanistonning dunyoga tanilishiga hissa qo‘shishini ta’kidlagan.

Ammo ijtimoiy tarmoqlarda ko‘plab foydalanuvchilar hukumatning bu qadar katta...

Davlat tomonidan ehtiyojmand oilalardagi xotin-qizlar uchun 2025-yilgi qabulda to‘rt mingta qo‘shimcha grant asosidagi kvota ajratildi. Bu haqda Oila va xotin-qizlar qo‘mitasi ma’lum qildi.

Yo‘nalishlar bo‘yicha eng ko‘p kvota tibbiyot fanlariga (1 046 ta), aniq va tabiiy fanlarga (806 ta) hamda boshqa yo‘nalishlarga (1 987 ta) to‘g‘ri keldi.

Hududlar kesimida esa eng ko‘p kvota Farg‘ona (529), Samarqand (508) va Namangan (382) viloyatlariga ajratildi. Eng kam kvota Toshkent shahri (88 ta) hissasiga to‘g‘ri keldi.

Mazkur tavsiyanomaga ega bo‘lgan xotin-qizlar doimiy yashash hududi va tanlagan sohasi bo‘yicha ajratilgan kvota doirasida tanlovda ishtirok etadi. Bu kvotalar faqat kunduzgi ta’lim shaklida, birinchi oliy ta’lim...

Apple kompaniyasi 2025-yilning uchinchi choragi uchun moliyaviy hisobotini e’lon qildi. (Kompaniyaning moliyaviy yili oktabrdan boshlanadi) Kompaniya chorakni $94 mlrd daromad bilan yakunladi. Bu o‘tgan yilgi ko‘rsatkichdan 10 foiz yoki $8,2 mlrd ko‘p.

Ma’lum qilinishicha, sof foyda $23,4 mlrd bo‘lib, o‘tgan yilgi $21,4 mlrddan oshdi. Operatsion foyda esa $28,2 mlrdni tashkil etdi. Apple iPhone sotuvidan $44,6 mlrd daromad oldi. O‘tgan yili bu ko‘rsatkich $39,3 mlrd edi. Mac sotuvi ham oshib, $8 mlrdga yetdi. Servislar bo‘yicha daromad $27,4 mlrdni tashkil etgan.

Bu ko‘rsatkich iPhone’dan keyingi eng katta daromad manbai bo‘ldi. iPad sotuvi esa pasaydi – $6,6 mlrd bo‘ldi (o‘tgan yili...

Auto.ru portali avtomobillarni zangga qarshi himoya darajasi bo‘yicha sinovdan o‘tkazdi va eng yaxshi galvanizatsiyaga ega bo‘lgan Xitoy krossoverlarini aniqladi.

Birinchi o‘rinni to‘liq galvanizatsiyalangan kuzovi bilan Haval H7 egalladi. Ikkinchi o‘ringa esa Knewstar 001 (Geely Tugella) loyiq topildi — unda faqat tom qismi galvanizatsiyalanmagan.

Keyingi o‘rinlarda Soueast S07, Geely Atlas, Chery Tiggo 7L va Haval F7 joy oldi. Bu modellar tom va yukxona atrofi qismlarida himoya qatlamiga ega emas.

Eng yomon natija GAC GS4’ga tegishli bo‘ldi – uning tashqi kuzov qismlarida umuman galvanizatsiya aniqlanmadi.

Jetta VS7 esa faqat eshiklar, old qanotlar va bagaj qopqog‘ining galvanizatsiyasi bilan biroz ustunlikka ega bo‘ldi.

Toyota subrendi Daihatsu kompaniyasi Indoneziyadagi Gaikindo avtosalonida yangi Rocky Limited Edition modelini taqdim etdi. Bu haqda Carcoops xabar bermoqda.

Model atigi 10 dona ishlab chiqariladi. Bu uni Lamborghini va Ferrari’dan ham kamyob qiladi. Yangi avtomashina oddiy Rocky’dan $260 qimmatroq bo‘lib, uning narxi $15,1 mingni tashkil qiladi.

Kuzovi to‘q sariq rangda, tomi, oynalari, arkalari qora rangda bo‘yalgan. Old bamperlar bo‘yalmagan, panjarasida Daihatsu yozuvi bor. Disklar qora, 16 dyuymli.

Salon qora bezaklar bilan jihozlangan. Unda rul, eshik tutqichlari, shamollatkichlar atrofi va uzatma dastasi mavjud.

2 ta xavfsizlik yostig‘i, 7 dyuymli mediaekran, raqamli panel va mato qoplamali o‘rindiqlar bilan jihozlangan...

Tijorat banklari 4-avgust kungi xorijiy valyutalarni sotib olish va sotish kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

«Expo Osaka 2025 Kansai» xalqaro ko‘rgazmasi doirasida O‘zbekiston pavilyoni «Red Dot Award: Brands & Communication Design» tanlovining «Ko‘rgazma stendlari» nominatsiyasida «Best of the Best» mukofotini qo‘lga kiritdi. Bu haqda «Dunyo» AA xabar berdi.

Bu mukofot dunyo miqyosida dizayn va kommunikatsiya sohasidagi eng nufuzli e’tiroflardan biri sanaladi. Ilgari bu mukofotga «Apple», «Ferrari», «Philips» kabi global brendlar sazovor bo‘lgan.

O‘zbekiston pavilyoni xalqaro sahnada mamlakatning madaniy merosi, ochiqligi va zamonaviy rivojlanishini ifodalagan loyiha sifatida tan olingan.

Eslatib o‘tamiz, avvalroq Saida Mirziyoyeva pavilyon yuz minglab tashrif buyuruvchilarning e’tiborini tortgani haqida so‘zlagan edi.