Yangiliklar

Nothing Phone 4a seriyasining rasmiy taqdimoti oldidan yangi ma’lumotlar taqdim etildi. Bu haqda GSMArena nashri ma’lum qildi.

Protsessor va ish faoliyati

Hisobotga ko‘ra, Nothing Phone 4a Qualcomm’ning Snapdragon 7s Gen 4 chipi bilan ishlaydi.

Xotira va saqlash joyi

Phone 4a 8GB va 12GB operativ xotira variantlarida, shuningdek, 128GB va 256GB ichki xotira bilan taqdim etilishi kutilmoqda.

Batareya va zaryadlash

Qurilma 5,400 mA/soat sig‘imli batareya bilan jihozlanadi va 50W simli tezkor zaryadlashni qo‘llab-quvvatlaydi. Shuningdek, u IP65 himoya reytingiga ega bo‘ladi.

Kameralar

Hisobotga ko‘ra, Phone 4a orqa tomonda 50MP asosiy kamera, 8MP ultra keng burchakli modul...

2025-yilda Lotin Amerikasi smartfon bozorida eng ko‘p sotilgan model – Samsung Galaxy A06 4G bo‘ldi. Bu haqda tahliliy kompaniya Counterpoint hisobotida e’lon qilindi.

Budjet toifasidagi ushbu qurilma mintaqa umumiy bozorining 7 foizini egallagan. Ikkinchi o‘rinda Samsung Galaxy A16 4G, uchinchi o‘rinda esa Motorola Moto G15 4G joylashgan.

Umuman olganda, kuchli o‘nlikdan to‘rtta model Samsung, uchtadan Motorola va Xiaomi brendlariga tegishli. Ro‘yxatdagi aksariyat qurilmalar budjet segmentiga mansub bo‘lib, faqat Samsung Galaxy A56 5G o‘rta toifaga kiradi.

Shuningdek, kuchli o‘nlikdagi 10 modeldan 8 tasi 5G tarmoqlarini qo‘llab-quvvatlamaydi. Biroq tahlilchilarga ko‘ra, Lotin Amerikasi bozori uchun bu holat odatiy hisoblanadi.

Shu bilan birga...

O‘zbekiston Xalq demokratik partiyasi (O‘zXDP) fraksiyasi a’zosi Anvarxon Temirov Toshkent shahar hokimi Shavkat Umurzoqovga ko‘chalarga temir panjaralar o‘rnatilishi yuzasidan deputatlik so‘rovi yubordi. Bu haqda partiyaning rasmiy sahifasida ma’lum qilindi.

So‘rovga sabab sifatida poytaxt ko‘cha va yo‘llarida yo‘nalishlarni ajratuvchi temir panjaralarni o‘rnatish bo‘yicha qabul qilingan qarorlar hamda ushbu ishlarga Davlat budjetidan 8,4 mlrd so‘m ajratilgani ko‘rsatilgan.

Deputat so‘rovida bir qator savollar o‘rtaga tashlangan. Jumladan, temir panjaralar o‘rnatilishi yo‘l harakati xavfsizligini ta’minlash va piyodalar bilan bog‘liq yo‘l-transport hodisalarining oldini olishga qanchalik xizmat qilishi asoslantirilgani so‘ralgan. Shuningdek, ushbu qaror qabul qilinishidan oldin ekspertlar bilan maslahatlashuvlar o‘tkazilganmi, ilmiy va tahliliy ma’lumotlar mavjudmi, degan...

AQShning Vashington shahrida birinchi marta boʻlib oʻtayotgan Tinchlik kengashi sammitiga davlat yetakchilari birin‑ketin kelishni boshladi. Shaharda xavfsizlik choralari kuchaytirilgan, yoʻllar nazorat ostida, har bir mehmonning xavfsizligi qat’iy ta’minlanmoqda.

Shavkat Mirziyoyev ham sammitga muvaffaqiyatli yetib bordi. O‘zbekiston prezidenti sammit doirasida xalqaro hamkorlik, tinchlik va mintaqaviy barqarorlik masalalarini muhokama qilishi kutilmoqda.

Sammitning rasmiy ochilishiga sanoqli soniyalar qoldi. Davlat yetakchilari sammitda tinchlik, xavfsizlik va barqaror rivojlanish mavzularida muloqot qiladilar.

Eslatib o‘tamiz, avvalroq Shavkat Mirziyoyev AQSh savdo vakili bilan JSTga a’zolikni muhokama qilgan edi.

Oppo kompaniyasi yangi Find X9s smartfonini taqdim etishini e’lon qilgan edi. Endi esa smartfonning global va Xitoy variantlari haqidagi tafsilotlar oshkor qilindi.

Displey xususiyatlari

Global variant 6,59 dyuymli AMOLED displey bilan ta’minlangan bo‘lib, 1.5K aniqlik va 120 Hz yangilanish tezligini qo‘llab-quvvatlaydi. Bu foydalanuvchilarga ravon animatsiyalar va yorqin, aniqligi yuqori tasvirlarni taqdim etadi.

Kameralar

Smartfonda uchlik asosiy kamera tizimi mavjud: 50 MP Sony LYT-700 asosiy sensor, 50 MP ultra keng burchakli kamera va 3 karra optik zumli 50 MP telefoto obyektiv. Old kamera esa 32 MP bo‘lib, selfilar va video qo‘ng‘iroqlar uchun yuqori sifatli surat olish imkonini...

Toshkent shahrida ochiq olovda – tandir, pech va mangalda taom tayyorlaydigan umumiy ovqatlanish obyektlari ustidan nazorat kuchaytirildi. Bu haqda poytaxt hokimligi matbuot xizmati ma’lum qildi.

Unga ko‘ra, sanitariya va ekologiya talablari asosida somsaxonalar, kabobxonalar hamda boshqa ovqatlanish nuqtalarida reydlar o‘tkazilmoqda. Xususan, chiqindilarni tozalash va tutunni chiqarish tizimlarisiz faoliyat yuritayotgan, shuningdek, tandir va mangallarni piyodalar yo‘laklari yoki turarjoy binolari yaqiniga joylashtirgan shoxobchalar aniqlanmoqda.

Bunday obyektlar faoliyati qonun hujjatlariga to‘liq muvofiqlashtirilgunga qadar vaqtincha to‘xtatiladi.

Hokimlikka ko‘ra, filtrlash va samarali tutun chiqarish tizimlarining yo‘qligi aholi salomatligiga xavf tug‘diradi, shahar ekologik muhitiga salbiy ta’sir ko‘rsatadi hamda fuqarolarning asosli e’tirozlariga sabab bo‘lmoqda.

Tadbirkorlarga qisqa...

Lada Vesta SW Sport NG avtomobili seriyali ishlab chiqarilmasligi aytilmoqda. Bu haqda RCI News nashri ma’lum qildi.

Ma’lum qilinishicha, avtomobil turbomotor bilan jihozlangan. Turbokitni RCI Service o‘rnatgan. Bu yechim avtomobil dinamikasini sezilarli oshiradi.

AvtoVAZ hozircha seriyali modellarga turbomotor qo‘ymayapti. Kompaniya yangi Lada Vesta Sport 2026’ni 2026-yil aprelda sotuvga chiqaradi. U 1.8 EVO atmosferali dvigatel bilan taqdim etiladi. Uning quvvati 145 ot kuchi va 184 Nm momentga teng bo‘ladi. Uzatmalar qutisi esa 6 pog‘onali mexanik bo‘ladi.

Seriyali turbomotorlar esa faqat Lada Azimut krossoverida 2028-yildan keyin paydo bo‘lishi kutilmoqda. Vesta Sport’da turbomotor ehtimol keyingi avlodda paydo bo‘ladi. C-segment sedani esa 2030-yilga...

General Motors 2027-yilgi Chevrolet Tracker MHEV (Mild Hybrid Electric Vehicle) modelini yaqin kunlarda Braziliyada taqdim etadi. Bu haqda GM Authority xabar berdi.

Model brendning mamlakatdagi ilk flex-fuel gibrid avtomobillaridan biri bo‘ladi. Braziliya Chevrolet uchun eng yirik ishlab chiqarish va savdo bozorlaridan biri.

Yangi Tracker mild-hybrid versiyasi 2027-yilgi model qatoridagi eng muhim yangilik sifatida ko‘rilmoqda. U kompaniyaning elektrlashtirilgan avtomobillar ulushini kengaytirish rejasida asosiy o‘rin tutadi. Model etanol bilan ishlay oladigan yangi flex-fuel dvigatel bilan jihozlanadi.

Ma’lumotlarga ko‘ra, 2027-yilgi Chevrolet Tracker MHEV Braziliyada ishlab chiqilgan va mahalliy muhandislar tomonidan tayyorlangan. Avtomobil GM’ning San-Kayetanu-du-Sul zavodida ishlab chiqariladi. Ushbu korxona yangi versiyani nafaqat...

Samsung kompaniyasining Samsung Galaxy S26 modeli hali rasman taqdim etilmadi. Shunga qaramay, sizdirilgan ma’lumotlar allaqachon muhokamalarga sabab bo‘lmoqda. Asosiy savol oddiy: kutish kerakmi yoki hozirgi Samsung Galaxy S25 5G haliyam dolzarbmi? Gulf News nashri tomonidan chop etilgan maqolada shu savolga javob beriladi.

Galaxy S26: evolyutsiya, inqilob emas

Mish-mishlarga ko‘ra, Galaxy S26 jiddiy dizayn o‘zgarishlarini emas, balki takomillashtirishni taklif etadi. Asosiy e’tibor Ultra modelga qaratilishi mumkin. Oddiy S26 va S26 Plus esa katta sakrash qilmasligi kutilmoqda.

Bu Samsung konservativ strategiya tanlaganini ko‘rsatadi. Kompaniya mavjud yechimlarni silliqlashga urg‘u bermoqda. Bozor raqobati va narx bosimi sharoitida bu mantiqiy qaror.

Kutilayotgan...

O‘zbekiston prezidentining AQShga amaliy tashrifi doirasida Nyu-Yorkda Xalqaro Turon federatsiyasi vakillari tomonidan ramziy tabrik aksiyasi o‘tkazildi. Bu haqda Dunyo AA xabar bermoqda.

Aksiya doirasida Tayms-skver maydonidagi raqamli LED-billboard displeylari va shahar bo‘ylab harakatlanayotgan maxsus treklarning multimedia ekranlarida videoroliklar ko‘rsatildi. Unda o‘zbek sportchilarining xalqaro musobaqalardagi yutuqlari va milliy sportni rivojlantirishga qaratilgan ishlar aks etgan.

Namoyish qilingan lavhalarda sportchilarning g‘alabalari, taqdirlash marosimlari, shuningdek, jismoniy tarbiya va ommaviy sportga davlat tomonidan ko‘rsatilayotgan tizimli yordam o‘z ifodasini topdi.

Ushbu tadbir prezidentning sportni rivojlantirish, yoshlar salohiyatini ro‘yobga chiqarish uchun sharoit yaratish va o‘zbek sportining xalqaro nufuzini mustahkamlashga qo‘shayotgan hissasi uchun minnatdorlik belgisi sifatida tashkil...

O‘zbekistonda 2026-yilda davlat banklarini xususiylashtirish rejalashtirilmagan. Bu haqda joriy yilning 16-fevral kuni prezident tomonidan tasdiqlangan yangilangan «O‘zbekiston – 2030» strategiyasida ma’lum qilindi.

Hozirda davlatga tegishli to‘qqizta bank mavjud. Bular «Milliybank», «Agrobank», «Sanoatqurilishbank», «Asakabank», Xalq banki, Biznesni rivojlantirish banki, «Mikrokreditbank», «Aloqabank» va «Turonbank» hisoblanadi.

Hujjatga ko‘ra, 2026-yilda davlat banklari soni o‘zgarmaydi. Xususiylashtirish jarayoni 2027-yildan boshlanadi. Rejaga ko‘ra, 2027-yilda davlat banklari soni 7 taga, 2028-yilda 6 taga, 2029-yilda 5 taga, 2030-yilda esa 4 taga kamayadi. Demak, 2030-yilgacha 5 ta davlat banki sotilishi rejalashtirilgan. Qaysi banklar davlat tasarrufida qolishi aniq ko‘rsatilmagan.

Yangilangan strategiya avvalgi loyihadan farq qiladi. 2025-yil dekabr oyida jamoatchilik muhokamasiga...

17-fevralda imzolangan prezident farmoniga asosan, BMT shartnomaviy qo‘mitalarining vaqtinchalik choralar to‘g‘risidagi murojaatlarini ko‘rib chiqish tartibi joriy etildi. Bu haqda Adliya vazirligi xabar berdi.

Belgilangan tartibga ko‘ra, BMT qo‘mitalaridan kelib tushgan murojaat Tashqi ishlar vazirligi orqali qabul qilingach, bir kun muddatda Inson huquqlari bo‘yicha O‘zbekiston Respublikasi Milliy markazi va Adliya vazirligiga yuboriladi. Markaz zudlik bilan mas’ul davlat organlariga so‘rovnoma kiritib, vaziyat yuzasidan tezkor choralar ko‘rishni va asoslantirilgan tushuntirish berishni talab qiladi.

Davlat organlari uch kun ichida amalga oshirilgan yoki rejalashtirilayotgan ishlar yuzasidan Markazga hisobot taqdim etishi lozim. Shundan so‘ng Markaz ishchi guruh bilan hamkorlikda to‘plangan ma’lumotlar asosida yana uch kun...

20-fevral uchun valyutalar kursi yangilandi. Unga ko‘ra, dollar 36,93 so‘mga oshib, 12 169,41 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

12-fevral kuni esa 22,68 so‘mga tushib, 12 287,31 so‘mni tashkil etdi. 13-fevral uchun dollar 11,73 so‘mga tushib, 12 275,58 so‘mga yetgandi. 16-fevral kuni dollar 54,6 so‘mga tushib, 12 220,98 so‘mni, 17-fevral kuni esa 29,68 so‘mga tushib, 12 191,30 so‘mni, 18-fevral kuni 53,44 so‘mga tushib, 12 137,86 so‘mni tashkil qildi. 19-fevralga kelib dollar 12 132,48 so‘mga (-5,38) yetdi.

Markaziy bank ma’lumotlariga ko‘ra, yevro 0,1 so‘mga tushib, 14 359,90 so‘mni, rubl 0,14 so‘mga...

Toshkentda taroveh namozi vaqtida bir qator avtobuslar yo‘nalishi o‘zgartiriladi. Bu haqda Тоshkent shahar transport bosh boshqarmasi xabar berdi.

2026-yil 18-fevraldan boshlab har kuni soat 18:00 dan 24:00 gacha masjidlar yaqinidagi ayrim ko‘chalarda transport vositalari harakati vaqtincha cheklanadi.

Shu sababli quyidagi avtobus yo‘nalishlari harakati vaqtincha cheklangan ko‘chalarga yondosh ko‘chalar orqali o‘zgartiriladi. O‘zgartirilgan yo‘nalishlarda qatnov oralig‘i belgilangan vaqtdan oshishi mumkin. Yo‘lovchilardan safarlarini oldindan rejalashtirish so‘raladi.

Harakat cheklanadigan hududlar va o‘zgartiriladigan yo‘nalishlar

Haydovchilar va yo‘lovchilardan tirbandliklarni inobatga olib, harakatni oldindan rejalashtirish so‘raladi.

Eslatib o‘tamiz, avvalroq Bektemir va Katta halqa yo‘li chorrahasida harakat vaqtincha o‘zgartirilishi haqida xabar berilgandi.

General Motors 2026-yilda 80 – 90-yillarning mashhur Chevrolet Monza sedanini yangi qiyofada qayta ishlab chiqarishga qaror qildi. Xitoydagi muvaffaqiyatli qayta ishga tushirilishdan so‘ng model Lotin Amerikasi va Yaqin Sharq bozorlariga yo‘naltirilmoqda.

Yangi Monza global strategiyaning bir qismi sifatida har bir mintaqa uchun alohida moslashtirilgan. Xususan, model Meksikada Cavalier, Qatarda esa Cruze nomi bilan sotuvga chiqarilmoqda. Tashqi ko‘rinishidan o‘rta sinf sport sedanlarini eslatuvchi avtomobil zamonaviy raqamli panel va multimedia tizimi bilan jihozlangan.

«Monzaning qaytishi shunchaki nostalgiya emas, balki turli madaniyatlar va qit’alar uchun universal avtomobil yaratishga qaratilgan o‘ylangan qadamdir», – deyiladi General Motors rasmiy relizida.

Yangi Chevrolet Tracker 2026 avtomobilining ichki qismi namoyish qilindi. Bu haqda Motor1.com nashri xabar bermoqda.

Raqamli panel va yangi multimedia

Premier talqinida 8 dyuymli raqamli asboblar paneli paydo bo‘ldi. Markazda esa 11 dyuymli MyLink multimedia o‘rnatilgan. Ekranlar aniq va tez ishlaydi. Ammo yoqilg‘i sarfini ko‘rish uchun menyular ichiga kirish kerak. Oldingi oddiy ko‘rsatkichlarga nisbatan bu biroz noqulay.

Boshlang‘ich Turbo AT versiyasi analog panelni saqlab qolgan. Shunga qaramay, unda ham yangi multimedia tizimi mavjud.

Tugmalar saqlangan ergonomika

Tracker’ning muhim ustunligi – jismoniy tugmalar saqlab qolingan. Konditsioner va asosiy funksiyalar ekran ichiga yashirilmagan.

Markaziy konsolda simsiz zaryadlash mavjud. Bundan...

Audi rahbari yangi sportkar bekor qilinmaganini ma’lum qildi. Bu haqda Motor1.com nashri xabar berdi. Model 2027-yilda taqdim etiladi.

Gap Audi Concept C haqida ketmoqda. Oldin Porsche elektr 718 loyihasini to‘xtatishi mumkinligi haqidagi mish-mishlar chiqqan edi.

Audi bosh direktori Gernot Dollner xodimlarga yo‘llagan ichki xatda loyiha davom etishini tasdiqlagan. Unga ko‘ra, platformani yetkazib berish masalasi shubha ostida emas.

Yangi model Porsche bilan hamkorlikda ishlab chiqilmoqda. Platforma faqat elektromobillar uchun mo‘ljallangan. Concept C yagona kuzov variantida taqdim etiladi. Unda elektr boshqaruvli targa tom saqlanib qoladi.

Audi ushbu modelni TT 2.0 deb atamoqda. U yangi dizayn tilini boshlab beradi va salon sifatini...

Ayollar kreditni o‘z vaqtida qaytarishda erkaklarga nisbatan intizomliroq. Yoshlar esa yoshi kattalarga qaraganda kreditni ko‘proq kechiktiradi. Bu haqda Markaziy bank Statistika va tadqiqotlar departamenti tomonidan o‘tkazilgan tadqiqot natijalarida e’lon qilindi.

Tahlilda 2025-yil 1-dekabr holatiga jismoniy shaxslarning kredit portfeli ma’lumotlari o‘rganildi. Natijalarga ko‘ra, ayollarning kreditni qaytarish darajasi erkaklarga nisbatan yuqori.

Daromad bilan kreditni qaytarish o‘rtasida ham bog‘liqlik bor. Daromad oshgani sari kreditni kechiktirish kamayadi. Aksincha, kredit summasi kattalashgani sayin kechiktirish ehtimoli ortadi.

Shuningdek, tahlillar kredit muddati va kredit risk darajasi o‘rtasida chiziqli bo‘lmagan bog‘liqlik mavjudligini ko‘rsatmoqda. Xususan, muddati 3 yilgacha bo‘lgan kreditlar bo‘yicha kreditlarni kechiktirish darajasi oshib borgan bo‘lsa (eng...

Vivo kompaniyasi yangi Vivo V70 smartfonlar seriyasini rasman taqdim etdi. Seriyaga oddiy Vivo V70 va kuchliroq Vivo V70 Elite modeli kirdi. Har ikkala model 50 MP Sony sensori va Zeiss optikasiga ega asosiy kamera bilan jihozlangan.

Smartfonlar 6,59 dyuymli egri qirrali AMOLED displeyga ega. Ekran 1,5K aniqlik va 120 Hz yangilanish tezligini qo‘llab-quvvatlaydi. Barmoq izi skaneri ekran ostiga o‘rnatilgan.

Vivo V70 Elite Qualcomm Snapdragon 8s Gen 3 protsessori bilan ishlaydi. Oddiy V70 modelida esa Snapdragon 7s Gen 4 chipi o‘rnatilgan. Qurilmalar Android 16 asosidagi OriginOS 6 tizimida ishlaydi. Kompaniya 4 yil davomida tizim yangilanishi va 6 yil xavfsizlik yangilanishlarini...

Xorazm viloyatining Hazorasp tumanidagi «M.M.D.» MChJga qarashli avtomobillarga yonilg‘i quyish shoxobchasi jarimaga tortildi. Bu haqda «O‘zenergoinspeksiya» xabar berdi.

Inspeksiya tomonidan o‘tkazilgan o‘rganishda shoxobcha neft mahsulotlarini chakana sotish faoliyatini tegishli litsenziyasiz amalga oshirib kelgani aniqlandi.

Mazkur holat yuzasidan korxonaga bazaviy hisoblash miqdorining 100 baravari (41,2 mln so‘m) miqdorida jarima qo‘llanildi.

Eslatib o‘tamiz, avvalroq Hazorasp tumanida 13,1 mlrd so‘mlik gaz talon-toroj qilingandi. Holat «Pahlavon Mahmud» MFYda joylashgan «G.M.H.» MChJga qarashli ko‘p qavatli uyda qayd etilgan.

Tekshiruvda uy ta’minot tashkiloti bilan shartnoma tuzmasdan ulanganligi ma’lum bo‘ldi. Loyiha-texnik hujjatlar ham rasmiylashtirilmagan. Iste’molchi tabiiy gaz tarmog‘iga to‘g‘ridan to‘g‘ri ulanib, gazdan noqonuniy foydalangan.

Los-Anjelesda bo‘lib o‘tayotgan sud jarayonida Meta rahbari Mark Sukerberg kompaniya 13 yoshgacha bo‘lgan bolalarning platformadan foydalanishiga ruxsat bermasligini ma’lum qildi. Bu haqda Reuters xabar bermoqda.

Da’vogar tomon advokati Mark Lanier Sukerbergni 2024-yilda Kongress oldida bergan ko‘rsatmalari yuzasidan so‘roq qildi va unga kompaniyaning ichki hujjatlarini taqdim etdi. 2018-yilgi Instagram taqdimotlaridan birida shunday yozilgan edi:

«Agar o‘smirlar orasida katta yutuqqa erishmoqchi bo‘lsak, ularni kichik yoshdanoq jalb qilishimiz kerak».

Sukerberg advokat uning so‘zlarini noto‘g‘ri talqin qilayotganini ta’kidladi.

«Biz vaqt o‘tishi bilan bolalar xavfsiz foydalanishi mumkin bo‘lgan xizmatlarning turli versiyalarini yaratishni muhokama qilganmiz...

Vyetnamning uchta aviakompaniyasi AQShning Boeing aviasozlik korporatsiyasi bilan jami 90 ta samolyot sotib olish bo‘yicha shartnomalarni imzoladi. Bu haqda Reuters agentligi xabar bermoqda.

Mamlakatning milliy tashuvchisi hisoblangan Vietnam Airlines 50 ta tor fyuzelyajli 737-8 rusumli samolyotni xarid qilish uchun $8,1 mlrdlik bitim tuzdi. Kompaniya bayonotiga ko‘ra, havo kemalari 2030 va 2032-yillar oralig‘ida yetkazib beriladi va bu aviapark hajmini 2030-yilga borib qariyb 151 taga yetkazish imkonini beradi. Shuningdek, tashuvchi qiymati $12 mlrdgacha bo‘lgan qo‘shimcha 30 ta keng fyuzelyajli samolyot xaridi bo‘yicha ham muzokaralar olib bormoqda.

Yangi tashkil etilgan Sun PhuQuoc Airways aviakompaniyasi 40 ta 787-9 Dreamliner samolyoti uchun $22,5 mlrdlik...

Telegram ma’muriyati xorijiy maxsus xizmatlar foydalanuvchi yozishmalariga kira olgani haqidagi da’volarni rad etdi. Bu haqda Reuters agentligi ma’lum qildi.

Kompaniyaga ko‘ra, Rossiya hukumatining shifrlash buzilgani haqidagi bayonoti ataylab tarqatilgan uydirma. Bu bayonot messenjer faoliyatini taqiqlash va fuqarolarni davlat nazoratidagi boshqa platformaga o‘tkazishni oqlash uchun bildirilgan.

Avvalroq Rossiya raqamli rivojlanish vazirligi rahbari messenjerdan xorijiy maxsus xizmatlar foydalanayotganini aytgandi. U ma’muriyat 150 mingta noqonuniy kontentni o‘chirish bo‘yicha so‘rovga javob bermaganini ham ma’lum qilgan.

Fevral boshida Moskvada Telegram ishini sekinlashtirish qarori qabul qilingandi. Roskomnadzor servis foydalanuvchi ma’lumotlarini yetarli darajada himoya qilmayotganini bildirgan.

Shu bois Rossiyada messenjerga nisbatan cheklovlar bosqichma-bosqich kuchaytirilishi mumkin.

Eslatib...

UEFA Chempionlar ligasining pley-off bosqichi doirasidagi dastlabki o‘yinlarda «Nyukasl Yunayted» safarda Ozarbayjonning «Qorabog‘» klubini 1:6 hisobida tor-mor etdi. «Bryugge» va «Atletiko Madrid» o‘rtasidagi bahsda jangovar durang qayd etilgan bo‘lsa, «Bayer Leverkuzen» Gretsiyada «Olimpiakos» ustidan ishonchli g‘alabaga erishdi.

«Qorabog‘» 1:6 «Nyukasl Yunayted»

Boku shahridagi Tofiq Bahramov nomidagi Respublika stadionida o‘tgan uchrashuvda «Nyukasl Yunayted» raqibiga hech qanday imkoniyat qoldirmadi. O‘yinning dastlabki bo‘limidayoq mehmonlar 5 ta gol urishga muvaffaq bo‘lishdi. Uchrashuv qahramoni Entoni Gordon bo‘lib, u birinchi bo‘limning o‘zidayoq poker qayd etdi.

Gordon o‘yinning 2-daqiqasida hisobni ochdi va keyinchalik 32, 33 hamda 45+1 daqiqalarda darvozani ishg‘ol qildi. Shuningdek, 8-daqiqada Malik Tiav