Yangiliklar

AnTuTu platformasi fevral oyi uchun eng kuchli Android smartfonlari reytingini e’lon qildi. Natijalar fevral oyi davomida o‘tkazilgan testlarning o‘rtacha ko‘rsatkichlari asosida tuzilgan.

Reytingda birinchi o‘rinni Honor Power 2 egalladi. Qurilma AnTuTu testida o‘rtacha 2,2 mln ball to‘plagan. Smartfon MediaTek Dimensity 8500 Elite protsessori asosida ishlaydi. Chip Cortex-A725 yadrolari arxitekturasiga ega bo‘lib, yuqori ishlash tezligi bilan ajralib turadi.

Modelning asosiy xususiyatlaridan biri — juda katta batareya. Qurilma 10 080 mA/soat sig‘imli akkumulyator bilan jihozlangan. Shunga qaramay, smartfon korpusi atigi 7,98 mm qalinlikdan iborat.

Reytingda ikkinchi va uchinchi o‘rinlarni Oppo Reno 15 Pro hamda Oppo Reno 15 egalladi. Ularning natijalari mos...

Prezident Administratsiyasi rahbari Saida Mirziyoyeva O‘zbekiston ayollar va xotin-qizlarni 8-mart bayrami bilan qutladi. U o‘zining Telegram-kanalida post joyladi.

Mirziyoyevaning ta’kidlanishicha, zamonaviy jamiyatda ayollar faqat oilada emas, balki davlat va jamiyat hayotining barcha sohalarida faol ishtirok etmoqda. Bugun ular IT va texnologiyalar, biznes, ilm-fan, sport va boshqa ko‘plab yo‘nalishlarda yetakchi sifatida namoyon bo‘layotir.

Ayollar yetakchiligining kengayishi jamiyat rivojiga ham katta hissa qo‘shadi. Bu kuchli iqtisodiyot shakllanishiga xizmat qiladi va o‘zaro hurmatga asoslangan mustahkam oilalarni yaratishga yordam beradi.

Unga ko‘ra, ayollarning faol va teng huquqli ishtiroki insonlarning ertangi kunga bo‘lgan ishonchini oshiradi. Bu esa mamlakat tinchligi va barqarorligini mustahkamlashga xizmat qiladi.

2026-yil avtomobil bozori uchun muhim davr bo‘lishi kutilmoqda. Ishlab chiqaruvchilar endi faqat elektromobillarga tayanmayapti. Ko‘plab kompaniyalar gibrid, plug-in gibrid va zamonaviy ichki yonuv dvigatelli modellarga ham e’tibor qaratmoqda. Motor1 portali 2026-yilda taqdim etiladigan eng yaxshi yangi avtomobillar ro‘yxatini tuzdi.

Audi RS6

Audi RS6 Avant modelining yangilangan versiyasi 2026-yilda taqdim etilishi kutilmoqda. Yangi avtomobil plug-in gibrid tizim bilan jihozlanishi mumkin.

Model V8 dvigatelga ega bo‘lishi taxmin qilinmoqda. Uning umumiy quvvati 700 ot kuchidan oshishi mumkin. Tashqi dizaynda ham sezilarli o‘zgarishlar bo‘ladi. Old qism qayta ishlanadi va orqa tomonda yangi egzoz tizimi paydo bo‘ladi.

Bentley yangi elektr SUV ustida...

Kanada bosh vaziri Mark Karni Buyuk Britaniya qiroli Charlzga murojaat qilib, uning ukasi Endryu Mauntbetten-Vindzorni taxt vorisligi ro‘yxatidan chiqarishni taklif etdi. Karni bu bayonotni Tokio shahrida jurnalistlar bilan uchrashuvda aytgan.

Uning so‘zlariga ko‘ra, Endryuning harakatlari qattiq tanqidga loyiq va u vorislik ro‘yxatidan chiqarilishi kerak. Kanada bosh vaziri Endryu hozir taxt navbatida ancha uzoqda ekanini tan oldi. Biroq u bu masala prinsipial ahamiyatga ega ekanini ta’kidlagan.

2025-yil oktabr oyida Endryu Mauntbetten-Vindzor jiddiy mojaro ortidan barcha qirollik unvonlaridan mahrum qilingan edi. Mojaro uning amerikalik milliarder Jeffri Epshteyn bilan aloqalari bilan bog‘liq bo‘lgan. Shunga qaramay, sobiq shahzoda hali ham Britaniya taxti vorisligi ro‘yxatida...

Xitoyning BYD kompaniyasi 5 daqiqalik tez zaryadlash tarmog‘ini kengaytiradi. Bu haqda CarNewsChina nashri xabar bermoqda. Kompaniya yil oxirigacha mamlakat bo‘ylab 20 mingta megavatt darajasidagi zaryadlash stansiyasini ishga tushirishni maqsad qilgan.

Bu reja ikkinchi avlod Blade Battery batareyasi taqdimotidan keyin e’lon qilindi. Kompaniya vakillariga ko‘ra, yangi tizim elektromobillarni juda qisqa vaqt ichida zaryadlash imkonini beradi. Yangi Megawatt Flash Charge 2.0 texnologiyasi yordamida avtomobil batareyasi 10 foizdan 70 foizgacha atigi 5 daqiqada zaryad oladi. Bu esa elektromobilni tez to‘ldirish bo‘yicha an’anaviy batareya almashtirish tizimlariga yaqin natija hisoblanadi.

Masalan, NIO kompaniyasi batareya almashtirish texnologiyasi bilan mashhur. Ularning stansiyalarida batareya odatda 3 daqiqada...

Tijorat banklari tomonidan 8-mart kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Bugun, 8-mart kuni metan «zapravka»lar soat 10:00 dan ishlay boshlaydi. Bu haqda Energetika vazirligi matbuot xizmati Telegram-kanalida ma’lum qildi.

Qayd etilishicha, metan «zapravka»lar belgilangan vaqtdan boshlab avtomobillarga gaz quyishni boshlaydi. Stansiyalar odatdagi tartibda ishlashi kutilmoqda.

Kursiv Uzbekistan nashri 7-mart kuni metan «zapravka»lar faqatgina 6 soat davomida ishlagani haqida yozgan edi.

Farg‘ona vodiysida esa «zapravka»larining ish vaqti mahalliy hokimliklar bilan kelishilgan holda gaz bosimi darajasiga qarab belgilangan.

Vazirlikning qo‘shimcha qilishicha, gaz bosimi pasaygan paytlarda birinchi navbatda aholi, jamoat transporti va ijtimoiy obyektlarga tabiiy gaz bilan uzluksiz ta’minotning ta’minlanishiga alohida e’tibor qaratiladi.

AQShda Chevrolet kompaniyasi 2026-yil mart oyida Chevrolet Tracker modeli uchun yangi chegirma va moliyalashtirish aksiyalarini taqdim etdi. Bu haqda GMAutority nashri xabar bermoqda. Takliflar 31-martgacha amal qiladi.

Kompaniya xaridorlarga past foizli kredit va qo‘shimcha chegirmalar taklif etmoqda. 2026-yilgi Tracker modeli uchun 2,9 foizlik kredit stavkasi 48 oygacha beriladi. Shuningdek, avtomobil xarid qilgan mijozlar uchun dastlabki 90 kun davomida oylik to‘lov talab etilmaydi.

Xaridorlar $500 miqdorida to‘g‘ridan to‘g‘ri chegirma olishi mumkin. Agar avtomobil kredit orqali rasmiylashtirilsa, yana $500 qo‘shimcha chegirma beriladi. Natijada umumiy chegirma miqdori $1 minggacha yetadi.

Model uchun lizing dasturi ham taklif qilinmoqda. Tracker LT versiyasini 24 oyga...

Yaqin Sharqda davom etayotgan mojaro fonida Kuvayt neft qazib olish hajmini kamaytirdi. Bu haqda Reuetrs nashri xabar bermoqda.

Nashr xabariga ko‘ra, qaror AQSh va Eron o‘rtasidagi urush sabab mintaqada transport xavfsizligi keskin yomonlashgani ortidan qabul qilingan. Mojaro tufayli neft tashish uchun eng muhim yo‘llardan biri hisoblangan Hormuz bo‘g‘ozi orqali yuk tashish deyarli to‘xtab qolgan. Mazkur bo‘g‘oz orqali dunyodagi neft va suyultirilgan gazning qariyb 20 foizi tashiladi. Shuning uchun u global energiya bozori uchun strategik yo‘lak hisoblanadi.

Kuvayt milliy kompaniyasi ishlab chiqarish va qayta ishlash hajmini qisqartirganini ma’lum qildi. Biroq neft qazib olish qanchaga kamaytirilgani ochiqlanmagan. Fevral oyida mamlakat kuniga...

Xitoyning Xpeng Motors kompaniyasi Xpeng G6 modelining yangi EREV versiyasini rasman taqdim etdi. Bu haqda CarNewsChina nashri xabar bermoqda. Yangi krossover Xitoy bozorida $27 ming narxda sotuvga chiqdi.

Model kupe uslubidagi SUV bo‘lib, uzunligi 4 771 mmni tashkil etadi. Avtomobil 800 voltli elektr arxitekturasida qurilgan va tezkor zaryadlashni qo‘llab-quvvatlaydi. Kompaniya ma’lumotiga ko‘ra, batareya ideal sharoitda 12 daqiqada 314 km masofaga yetadigan energiya to‘plashi mumkin.

Yangi G6 EREV 55,8 kVt/soat sig‘imli LFP batareyasi bilan jihozlangan. Elektromotor quvvati 218 kVt’ni tashkil etadi. Avtomobil 1,5 litrli turbobenzin dvigatel bilan ham jihozlangan. Bu dvigatel g‘ildiraklarni harakatlantirmaydi, balki generator sifatida ishlaydi va batareyani quvvatlaydi.

Farg‘ona viloyatining Farg‘ona tumani soliq inspeksiyasining bosh inspektori tadbirkordan $101 ming pora talab qilgan. Bu haqda Davlat xavfsizlik xizmati (DXX) ma’lum qildi.

Ma’lumotlarga ko‘ra, u yuqori lavozimda ishlovchi tanishlari orqali tuman hokimligi zaxirasidagi 10 gektar qishloq xo‘jaligi yerini tadbirkorga ajratib berishni va’da qilgan. Yer maydoni kelajakda sayyohlik maskani tashkil etish uchun berilishi aytilgan.

Buning evaziga mansabdor shaxs namanganlik tadbirkordan $95 ming talab qilgan. Bundan tashqari, yer toifasini o‘zgartirib berish uchun yana $6 ming so‘ragan. Jami talab qilingan summa $101 mingni tashkil etgan.

DXX va Ichki ishlar vazirligining Namangan viloyati boshqarmalari hamkorligida tezkor tadbir o‘tkazildi. Operatsiya Yangi Namangan tumanida tashkil...

8-mart, yakshanba kuni muborak Ramazon oyining o‘n sakkinchi kuni boʻlib, Toshkent shahrida saharlikning tugashi soat 5:29 ni tashkil qiladi. Iftorlik esa 18:25 da boshlanadi.

Oʻzbekistondagi qolgan shaharlardagi vaqtlar quyidagi jadvalda keltirilgan:

Roʻza tutish (saharlik, ogʻiz yopish) duosi

Navaytu an asuvma sovma shahro ramazona minal fajri ilal magʻribi, xolisan lillahi taʼaalaa, Allohu akbar.

Iftorlik (ogʻiz ochish) duosi

Allohumma laka sumtu va bika amantu va aʼalayka tavakkaltu va ʼala rizqika aftartu, fagʻfirli, ya Gʻoffaru, ma qoddamtu vama axxortu.

Avvalroq Kursiv Uzbekistan Ramazonda suvsizlanishning oldini qanday olish mumkinligi haqida yozgandi.

Kursiv Uzbekistan 7-mart kuni e’lon qilingan yangiliklarning muhimlarini bir joyga jamladi.

Nodirbek Abdusattorov Prague International Chess Festival 2026 turnirining gʻolibi boʻldi

Chexiyaning Praga shahrida oʻtkazilgan Prague International Chess Festival 2026 turnirining Masters guruhida oʻzbekistonlik shaxmatchi Nodirbek Abdusattorov gʻoliblikni qoʻlga kiritdi.

Turnirning soʻnggi 9-turida Abdusattorov amerikalik Xans Nimannga qarshi dona surib, 34-yurishda murosa yoʻlini tanladi. Umumiy hisobda u 5,5 ochko jamgʻarishga erishdi.

Indoneziya ham 16 yoshgacha boʻlgan bolalar uchun ijtimoiy tarmoqlarni cheklamoqda

Indoneziya hukumati 16 yoshgacha boʻlgan bolalar uchun ijtimoiy tarmoqlarga kirishga yoshga oid cheklovlar joriy etadi. Ushbu cheklovlar 28-martdan boshlab kuchga kiradi, deb xabar bermoqda Variety nashri.

Indoneziya aloqa va raqamli texnologiyalar...

Xitoy milliarderlar soni boʻyicha Amerika Qoʻshma Shtatlarini ortda qoldirib, yana dunyoda yetakchiga aylandi. Bu haqda Hurun Global Rich List 2026 hisobotida ma’lum qilindi.

Hisobotga koʻra, dunyodagi milliarderlar soni ilk bor 4 minglik chegaradan oshdi. Xitoyda 1,1 ming nafar milliarder istiqomat qiladi. Bu oʻtgan yildagiga nisbatan 287 kishiga koʻp. AQSh 1 ming nafar milliarder bilan ikkinchi oʻrinni egalladi (+130). Hindiston esa 308 milliarder bilan reytingning uchinchi pogʻonasida qayd etildi.

Keyingi oʻrinlarda Germaniya, Buyuk Britaniya va Shveysariya joylashgan. Bu koʻrsatkich oʻtgan yildagiga nisbatan 10 kishiga koʻp. Shuningdek, Avstraliya, Singapur va Kanada ham eng koʻp milliarderlar yashaydigan davlatlar oʻntaligiga kirdi.

Sayyoraning eng boy odami...

Yaqin Sharqdagi harbiy harakatlar sabab mintaqadagi qator davlatlarning havo hududi yopilgan boʻlsa-da, Oʻzbekiston fuqarolarini vatanga qaytarish ishlari davom etmoqda. Bu haqda Transport vazirligi ma’lum qildi.

Vazirlikka koʻra, Bahrayn, Quvayt, Suriya, Iroq, Eron, Qatar va Isroil havo hududlari parvozlar uchun yopiq boʻlib qolmoqda. Shu sabab fuqarolar muqobil yoʻnalishlar orqali olib chiqilmoqda.

28-fevraldan 7-mart kuni soat 10:00 holatiga qadar Madina va Jidda aeroportlaridan jami 63 ta reys amalga oshirildi. Ushbu parvozlar orqali 13 ming 543 nafar Oʻzbekiston fuqarosi mamlakatga qaytarildi. Shuningdek, Dubay aeroportidan bajarilgan 9 ta reys bilan yana 1 401 nafar fuqaro olib kelindi.

Xorijiy aviakompaniyalar ham evakuatsiya jarayoniga qoʻshildi...

Sakkiz karra «Oltin toʻp» sohibi Lionel Messining «Inter Mayami» klubidagi yillik maoshi $70 – 80 million atrofida ekanligi ochiqlandi. Bu haqda jamoa ta’sischilaridan biri Xorxe Mas Bloomberg nashriga bergan intervyusida ma’lum qildi.

Xorxe Masning soʻzlariga koʻra, Messi $70 – 80 millionni tashkil etadigan maoshni olishga toʻla haqli. U Messi bilan tuzilgan shartnoma va uning yillik xarajatlarining qanday shakllanishi haqida batafsil ma’lumot bermagan.

Xabaringiz bor, Messi 2023-yilning yozidan buyon «Inter Mayami» safida toʻp surib kelmoqda. U bilan birga jamoa toʻrtta sovrinni qoʻlga kiritdi, jumladan, klub tarixida ilk bor MLS (Amerika futbol ligasi) gʻolibi boʻldi.

Eslatib oʻtamiz, futbolchi 2003-yildan 2021-yilgacha Ispaniyaning...

Qishki Paralimpiya o‘yinlarining ochilish marosimi 6-mart kuni Rimdagi «Arena di Verona» amfiteatrida bo‘lib o‘tdi.

11 ta davlat delegatsiyasi, jumladan, Buyuk Britaniya, Fransiya, Kanada va Ukraina tomoni Rossiya hamda Belarus sportchilarining o‘yinlarga neytral maqomda kiritilishi sababli an’anaviy sportchilar paradini boykot qildi. Ushbu davlatlarning ko‘ngillilari stadiondan bayroqlarni olib o‘tishdi.

Shuningdek, Eron terma jamoasi ham Paralimpiadada ishtirok etmadi. Xalqaro Paralimpiya qo‘mitasining bayonotiga ko‘ra, Yaqin Sharqdagi vaziyatning keskinlashishi sababli Eronning yagona chang‘ichi Italiyaga xavfsiz yetib kela olmagan.

Boykotlarga qaramay XPQ rahbariyati paralimpiya harakati siyosatdan chetda qolishga intilayotganini ta’kidladi.

Italiyada bo‘lib o‘tadigan qishki o‘yinlarda O‘zbekiston terma jamoasi ham ishtirok etadi. Milliy delegatsiya para...

Qozogʻistonda goʻsht narxining oshishi qoʻshni davlatlarga, xususan, Oʻzbekistonga faol eksport qilinayotgani bilan bogʻliq. Bu haqda Qozogʻistonning qishloq xoʻjaligi vaziri oʻrinbosari Yerbol Tasjurekov ma’lum qildi.

Vazir oʻrinbosarining soʻzlariga koʻra, Qozogʻistonda goʻsht tanqisligi yoʻq, ammo mol goʻshtining katta qismi eksportga chiqarilmoqda, shu bilan narxlar yuqori darajada qolmoqda.

«Yaqin atrofdagi davlatlarga, xususan, Oʻzbekistonga katta eksport ketmoqda, chunki bizning goʻsht mahsulotimiz katta talabga ega», – dedi Tasjurekov.

Qozogʻistonning goʻsht yetishtirish hajmi yiliga 430 ming tonnani tashkil etadi. Bozorning ehtiyoji esa taxminan 400 ming tonnani tashkil qiladi. Ortib qolgan goʻsht mahsulotlari eksportga chiqariladi.

Shuningdek, Tasjurekov yaqin uch yil ichida...

Oʻzbekistonning oltin-valyuta zaxiralari yangi rekordga yetdi va 1-mart holatiga koʻra $77 mlrdni tashkil etdi. Bu haqda Markaziy bank hisobotida ma’lum qilindi.

Regulyatorning e’lon qilishicha, fevral oyida xalqaro aktivlaning umumiy qiymati $2,2 (+2,9%) mlrdga oshgan. Oltin qiymati esa ketma-ket sakkizinchi oy rekordni yangilab, $67,67 mlrdga yetgan va yanvar oyga nisbatan bu koʻrsatkich $2,7 mlrdga, ya’ni (+4,1%) oshdi.

Shuningdek, oltinning fizik hajmi 13,1 million troya unsiyagacha (398,1 tonna) oʻsdi. Fevral oyida regulyator zaxiralarni taxminan 0,3 million unsiyaga (9,3 tonna) toʻldirdi. Jahon bozorida esa fevral oxirida oltin $5,100 – $5,350 atrofida narxlar tebranib turdi, ammo mart boshida narx $4,990 gacha tushdi.

Shuningdek...

Indoneziya hukumati 16 yoshgacha boʻlgan bolalar uchun ijtimoiy tarmoqlarga kirishga yoshga oid cheklovlar joriy etadi. Ushbu cheklovlar 28-martdan boshlab kuchga kiradi, deb xabar bermoqda Variety nashri.

Indoneziya aloqa va raqamli texnologiyalar vaziri bolalar uchun akkauntlarni deaktivatsiya qilish jarayoni 28-martdan boshlanishini ma’lum qildi. U ushbu qarorni onlayn pornoqrafiya, kiberbulling, onlayn firibgarlik va internetga qaramlik kabi tahdidlarga qarshi kurashish maqsadida qabul qilinganini ta’kidladi.

Uning soʻzlariga koʻra, 16 yoshgacha boʻlgan bolalar uchun yuqori xavfli platformalardagi akkauntlar, jumladan, YouTube, TikTok, Facebook, Instagram, Threads, X , Bigo Live va Roblox kabi tarmoqlarda deaktivatsiya qilinadi. Hukumat bu qarorni, ota-onalarga algoritmlar gigantlari bilan yolgʻiz kurashishga toʻgʻri...

7 – 9-mart kunlari 21 ta tijorat banki tomonidan valyuta ayirboshlash hamda xalqaro pul oʻtkazmalari shoxobchalari faoliyati yoʻlga qoʻyiladi. Bu haqda Markaziy bank matbuot xizmati ma’lum qildi.

Shanba, yakshanba va dushanba kunlari bank boʻlimlarida mijozlar xorijiy valyutani sotib olish va sotish, shuningdek, pul oʻtkazmalarini amalga oshirishlari mumkin.

Agro bank Apex bank;

Milliy bank;

Tenge bank;

Hamkor bank;

Anor bank;

Garant bank;

Hayot bank;

Asaka bank;

Universal bank;

SQB;

Trust bank;

Orient Finance bank;

7-mart kuni metan «zapravka»lar soat 10:00 dan 16:00 gacha faoliyat yuritadi. Bu haqda Energetika vazirligi ma’lum qildi.

Vazirlik ushbu chora gaz ta’minotining holatidan kelib chiqib, ish rejimini cheklashga majbur boʻlganini ta’kidladi.

Fargʻona vodiysida esa «zapravka»larining ish vaqti mahalliy hokimliklar bilan kelishilgan holda gaz bosimi darajasiga qarab belgilanadi.

Vazirlikning qo‘shimcha qilishicha, gaz bosimi pasaygan paytlarda birinchi navbatda aholi, jamoat transporti va ijtimoiy obyektlarga tabiiy gaz bilan uzluksiz ta’minotning ta’minlanishiga alohida e’tibor qaratiladi.

Eslatib oʻtamiz, 6-mart kuni metan «zapravka»lar faqatgina ijtimoiy soha va jamoat transporti uchun ishlagan edi.

Avvalroq «Kursiv» Oʻzbekistondagi «zapravka»larda 1-apreldan benzin faqat karta orqali sotilishi...

Chexiyaning Praga shahrida oʻtkazilgan Prague International Chess Festival 2026 turnirining Masters guruhida oʻzbekistonlik shaxmatchi Nodirbek Abdusattorov gʻoliblikni qoʻlga kiritdi.

Turnirning soʻnggi 9-turida Abdusattorov amerikalik Xans Nimannga qarshi dona surib, 34-yurishda murosa yoʻlini tanladi. Umumiy hisobda u 5,5 ochko jamgʻarishga erishdi.

Gʻoliblikka da’vogar Jorden van Forest esa eronlik Parham Maghsoodluga imkoniyatni boy berdi va musobaqani uchinchi oʻrinda yakunlashga majbur boʻldi.

Yana bir oʻzbekistonlik shaxmatchi Nodirbek Yoqubboyev esa oxirgi turda germaniyalik Vinsent Keymerni magʻlub etdi va toʻrtinchi oʻrindan joy oldi.

Abdusattorovning mazkur gʻalabasi uni FIDE reytingida 2780 ballga yetkazib, Top – 4 talikka qoʻshilishiga yordam berdi.

Avvalroq Kursiv Uzbekistan Nodirbek Abdusattorov...

8-mart — bu faqatgina gullar berish va tabriklash kuni emas, balki har bir ayolning qalbini iliqlik va e’tibor bilan to‘ldirish imkoniyati. Shu kun uchun uyda bayramona dasturxon tayyorlash esa mehmonlaringizni hayratga soluvchi va bayram ruhini oshiruvchi eng muhim jihatlardan biri hisoblanadi.

«Kursiv» nashri O‘zbekiston sharoitida bayramona dasturxon bezash va xarajatlarni qanday rejalashtirish mumkinligini batafsil ko‘rib chiqdi.

Dasturxon bezash uchun reja

Bayram dasturxonini bezashda birinchi qadam rejalashtirishdan boshlanadi. Jumladan, quyidagicha mavzularda tashkillashtirish mumkin: