Yangiliklar

Honor kompaniyasi yangi avlod MagicPad 4 planshetini taqdim etishga tayyorgarlik ko‘rmoqda. Qurilmaning asosiy parametrlari kompaniya tomonidan e’lon qilindi. Kutilayotgan yangilik Snapdragon 8 Gen turkumidagi kuchli protsessor va yupqa korpus dizayni bilan ajralib turadi.

Yangi planshet 12,4 dyuymli katta ekranga ega bo‘lib, tasvir yangilanish chastotasi 165 Hz’ni tashkil etadi. Qurilmaning ishlash samaradorligini Snapdragon 8 Gen seriyasiga mansub platforma ta’minlaydi. Ma’lumotlarga ko‘ra, bu eng so‘nggi Gen 5 protsessori bo‘lishi mumkin.

MagicPad 4 sig‘imi kamida 10 000 mAch bo‘lgan akkumulyator bilan jihozlanadi. Katta hajmdagi batareyaga qaramay, ishlab chiqaruvchi qurilma qalinligini 5 mm dan oshirmaslikka erishgan. Hozircha boshqa texnik tafsilotlar mavjud emas, biroq...

Fatvo markazi qoshidagi Call-markazga yangi 1171 qisqa raqam orqali qo‘ng‘iroq qilish imkoniyati yaratildi. Bu haqda O‘zbekiston musulmonlari idorasi ma’lum qildi.

Unga ko‘ra, xizmat har kuni soat 09:00 dan 17:00 gacha savollarga javob berishni ta’minlaydi.

Shu bilan birga, Call-markazning an’anaviy 78-150-33-44 raqami ham faoliyat ko‘rsatishda davom etadi.

Xorijdagi vatandoshlar Telegram orqali @fatvo_call_1 va @fatvo_call_2, shuningdek WhatsApp orqali +998917806633 raqami orqali bog‘lanishlari mumkin.

Eslatib o‘tamiz, avvalroq Ramazon oyida arzonlashtirilgan oziq-ovqat yarmarkalari tashkil etilishi haqida xabar bergan edik.

Bugun, 16-fevral kuni respublika hududlarida ob-havo sharoiti o‘zgaruvchan bo‘lishi kutilmoqda. Kunduzi yog‘ingarchilik kuzatilmaydi, biroq ayrim viloyatlarda yomg‘ir yog‘ishi prognoz qilinmoqda. Bu haqda «O‘zgidromet» xabar berdi.

Buxoro, Navoiy, Toshkent, Samarqand, Jizzax, Sirdaryo hamda Qashqadaryo viloyatining ba’zi hududlarida yomg‘ir yog‘adi, ayrim joylarda yog‘ingarchilik kuchli bo‘lishi mumkin. Ba’zi joylarga tuman tushishi ehtimoli bor.

Shamol tezligi 7–12 m/s atrofida bo‘ladi, ayrim hududlarda 13–18 m/s gacha kuchayishi mumkin. Havo harorati kunduz kuni 15–20 daraja iliq, shimoliy hududlarda esa 5–10 daraja iliq bo‘ladi.

Toshkent shahrida vaqti-vaqti bilan yomg‘ir yog‘adi. Shamol 5–10 m/s tezlikda esadi. Harorat 17–19 daraja iliq bo‘lishi kutilmoqda.

Tog‘li hududlarda ba’zi joylarda yomg‘ir...

Isroil hukumati ishg‘ol qilingan G‘arbiy Sohilda nazoratni kuchaytirish va ko‘chib kelgan aholiga yer sotib olishni osonlashtirish choralarini tasdiqladi. Falastin tomoni bu qarorni «amalda qo‘shib olish» deb atadi.

G‘arbiy Sohil falastinliklar kelajakda mustaqil davlat tashkil etishni rejalashtirayotgan hududlardan biri hisoblanadi. Hududning ko‘p qismi Isroil harbiy nazorati ostida, ayrim qismida esa cheklangan Falastin o‘zini o‘zi boshqaruvida.

Falastin prezidenti qarorni qoralab, uni «ishg‘ol qilingan hududning amalda qo‘shib olinishi» deb baholadi. Isroildagi tinchlikni nazorat qiluvchi tashkilot Peace Now choralar falastinliklarni G‘arbiy Sohilning yarim qismidan mahrum qilishi mumkinligini ogohlantirdi.

BMTning eng yuqori sud organi 2024-yilda Isroilning Falastin hududlarini ishg‘ol qilishi va ko‘chib kelish...

Xitoyda taqdim etilgan yangi Xiaomi Watch 5 soatlari endi xalqaro bozorlarga, jumladan, Yevropa mamlakatlariga yo‘naltirilmoqda. Bu haqda GSMArena ma’lum qildi.

Texnik xususiyatlari

Xiaomi Watch 5 930 mA/soat sig‘imli katta batareya bilan jihozlangan. U 1,54 dyuymli AMOLED-ekranga ega (480×480 piksel, maksimal yorqinligi 1500 nit), 2,6 mm qalinlikdagi dumaloq bezel va 5 ATM suvga chidamlilik mavjud. Qurilmada Snapdragon W5 Gen 1 chipi va energiya tejovchi BES2800 protsessor ishlaydi. Shuningdek, Bluetooth 5.4, yurak urishi sensori, qon kislorodini o‘lchaydigan sensor, EKG-sensor, akselerometr, giroskop, kompas, barometr va yorqinlik sensori mavjud.

EMG va sport imkoniyatlari

Soatlarda EMG-sensor mavjud bo‘lib, qo‘l mushaklaridan keladigan...

Avstraliya $2,76 mlrd mablag‘ ajratib, AQSh va Buyuk Britaniya bilan trilateral AUKUS mudofaa paktiga muvofiq yadro quvvatli suvosti kemalari uchun kemasozlik zavodini qurishni davom ettiradi. Bu haqda Reuters agentligi xabar berdi.

2021-yilda e’lon qilingan AUKUS Avstraliyaning eng yirik mudofaa investitsiyasi hisoblanadi. Rejaga ko‘ra, 2027-yildan boshlab AQSh boshqaruvidagi Virginia sinfidagi suvosti kemalari Avstraliyada joylashtiriladi. Taxminan 2030-yildan boshlab bir nechta Virginia sinfidagi suvosti kemalari Avstraliyaga sotiladi va Buyuk Britaniya bilan Avstraliya yangi yadro quvvatli suvosti kemalari sinfini birgalikda quradi.

Rasmiy hisob-kitoblarga ko‘ra, zavodning umumiy qurilish qiymati keyingi o‘n yilliklarda 30 milliard Avstraliya dollarini tashkil etadi. Osborne shahrida Avstraliyaning ASC kompaniyasi...

O‘zbekistonda muomaladagi naqd pullar orasida 100 ming so‘mlik banknot eng ko‘p ishlatilayotgan kupyura bo‘lib qolmoqda. Bu haqda Markaziy bank ma’lum qildi.

2026-yil 1-yanvar holatiga ko‘ra, O‘zbekistonda muomaladagi naqd pullar hajmi 68 trillion so‘mni tashkil etdi. Bu ko‘rsatkich bir yil avvalgi davrga nisbatan 15 trillion so‘mga ko‘pdir. 2025-yil davomida Markaziy bank tomonidan 16,8 trillion so‘mlik qo‘shimcha naqd pullar muomalaga chiqarilgan. Natijada umumiy pul massasida naqd pullar ulushi 18,1 foizni tashkil qildi (2024-yilda – 19,2 foiz).

Banklar orqali naqd pul aylanmasi oshdi

2025-yilda banklar orqali o‘tgan naqd pul aylanmasi 1 250 trillion so‘mga yetib, 2024-yilga nisbatan 24 foizga oshgan. Shundan...

Honor kompaniyasi arzon narxdagi yangi planshet va smartfonni, Infinix esa iPhone 17 Pro Max’ni eslatuvchi smartfonni taqdim etdi. Hafta davomidagi gadjetlar bilan Kursiv Uzbekistan’ning texnodayjestida tanishing.

Ushbu maqolada quyidagilar bilan tanishasiz:

Honor’ning Pad X8 plansheti

Honor kompaniyasi arzon narxdagi yangi Pad X8 planshetini taqdim etdi.

Planshet 11 dyuymli ekranga ega. Panel 1920×1200 piksel o‘lchamga ega va 90 Hz...

Metroda harakat xavfsizligi qoidalarini buzganlik uchun jarima, Davaktivga yangi rahbar — hafta davomida e’lon qilingan yangiliklar Kursiv Uzbekistan dayjestida.

O‘zbekiston eksporti 2025-yilda 24 foizga oshdi

Foto: Milliy statistika qo‘mitasi

2025-yilda O‘zbekistonning tashqi savdo aylanmasida eksport hajmi $33,8 mlrdga yetdi. Ushbu ko‘rsatkich o‘tgan yilning mos davriga nisbatan 24 foizga yuqori. Bu haqda Milliy statistika qo‘mitasi xabar berilmoqda.

Hisobot davrida O‘zbekiston eksportida eng yuqori ulushga ega bo‘lgan davlatlar ro‘yxatini Rossiya ($4,3 mlrd) boshqarmoqda. Ikkinchi o‘rinni Xitoy ($2,5 mlrd) egallagan bo‘lsa, uchinchi o‘rinda Qozog‘iston ($1,5 mlrd) qayd etilgan. Afg‘oniston ham xuddi shunday, ya’ni $1,5 mlrdlik ko‘rsatkich bilan yetakchi hamkorlar qatoridan joy olgan.

O‘tgan hafta davomida avtoolamda qanday o‘zgarishlar kuzatilgani, transport vositalarining qaysi modellari savdoga chiqqani, shuningdek, mashinalarning yangilangan dizayni bilan Kursiv Uzbekistan’ning avtodayjestida tanishing.

Ushbu maqolada quyidagilar haqida bilib olasiz:

Audi E7X

Xitoyda Audi E7X avtomobilining ommaviy ishlab chiqariladigan versiyasi sovuq iqlim sharoitidagi sinovlar vaqtida rasman ko‘rsatildi.

Audi...

Chevrolet Braziliyada yangilangan Chevrolet Tracker 2026 modelini rasman namoyish etdi. Bu haqda Motor1.com nashri xabar berdi. Model zamonaviyroq dizayn va yangi texnologiyalar bilan taqdim etildi.

Yangi Tracker old qismida ikkiga bo‘lingan faralar va kattaroq radiator panjarasi bilan ajralib turadi. Dizayn Equinox va Blazer modellariga yaqinlashtirilgan. Orqa qismda esa fonuslar ichki elementlar bilan yangilangan. Model tashqi ko‘rinishda Montana pikapiga ham o‘xshash yechimlar olgan.

Salon ichida asosiy yangilik – yangi asboblar paneli. Endi Tracker kattaroq multimedia ekrani va to‘liq raqamli instrumentlar paneli bilan taklif etiladi. Bu Spin va S10 modellarining so‘nggi restaylingiga o‘xshaydi. Rul saqlangan, biroq markazdagi Chevrolet belgisi qora rangda...

G‘azoda yakshanba kuni ertalab amalga oshirilgan Isroil zarbalari oqibatida kamida 11 falastinlik halok bo‘ldi. Bu haqda mahalliy fuqaro mudofaasi va sog‘liqni saqlash organlariga tayanib BBC ma’lum qildi.

Falastin Qizil Yarim Oy jamiyati ma’lumotiga ko‘ra, shimoliy G‘azodagi chodir lageriga berilgan zarba oqibatida kamida olti kishi halok bo‘lgan. Yana bir hujum janubiy hududda sodir bo‘lib, besh kishi qurbon bo‘lgan.

Isroil mudofaa kuchlari esa terror nishonlariga zarba berilganini bildirdi. Bayonotga ko‘ra, harbiylar Hamas tomonidan o‘t ochishni to‘xtatish bitimi buzilgani uchun javob bergan. Ayrim jangarilar tunnel orqali Isroil nazoratidagi hududga chiqqani qayd etildi.

10-oktabr kuni kuchga kirgan o‘t ochishni to‘xtatish kelishuvidan buyon Isroil...

Samsung yangi «Privacy Display» funksiyasini rasman e’lon qildi. Kompaniya foydalanuvchilarni yangi maxfiylik darajasiga tayyorlanishga chaqirgan.

Yangi texnologiya displeydagi kontentni yon tomondan qarayotganlar uchun ko‘rinmas qiladi. Ya’ni ekranga to‘g‘ridan to‘g‘ri qaragan foydalanuvchi ma’lumotni ko‘radi, biroq yon tomondagi odamlar tasvirni aniq ko‘ra olmaydi.

Kompaniya videorolik orqali funksiyani namoyish etdi. Unda texnologiya 25-fevral kuni taqdim etilishi ma’lum qilindi.

Avval e’lon qilingan ma’lumotlarga ko‘ra, aynan shu kuni San-Fransiskoda Galaxy Unpacked tadbiri o‘tkaziladi. Unda Samsung Galaxy S26 Ultra, Galaxy S26 va Galaxy S26 Plus modellari namoyish etilishi kutilmoqda.

Tahlilchilarga ko‘ra, «Privacy Display» funksiyasini birinchi bo‘lib Galaxy S26 Ultra olishi mumkin. Bu kompaniyaning flagman modelida...

Qozog‘iston, O‘zbekiston va Qirg‘iziston energetika vazirlari uchrashuv o‘tkazib, mintaqaviy suv va energetika hamkorligini mustahkamlash masalasini muhokama qildi.

Muzokaralarda Qozog‘iston energetika vaziri Yerlan Akkenjenov, Qirg‘iziston vaziri Taalaibek Ibrayev va O‘zbekiston energetika vaziri Jurabek Mirzamahmudov ishtirok etdi. Tomonlar amaldagi hamkorlik natijalarini ko‘rib chiqdi va ustuvor yo‘nalishlarni belgiladi.

Asosiy e’tibor mintaqaviy energiya tizimining barqaror va muvozanatli ishlashini ta’minlashga qaratildi. Elektr energiyasi ishlab chiqarish jadvalini muvofiqlashtirish va suvdan foydalanish bo‘yicha kelishuvlarga rioya etish masalalari muhokama qilindi.

Shuningdek, transchegaraviy daryolardagi suv oqimini barqaror saqlash muhim ekani ta’kidlandi. Bu masala qishloq xo‘jaligi va energetika xavfsizligi uchun hal qiluvchi ahamiyatga ega.

Vazirlar mavsumiy yuklama davrlarida o‘zaro...

O‘zbekistonda 2026-yilda avtomobillarning 5 ta yangi modeli taqdimot qilinadi. Bu haqda «O‘zavtosanoat» AJ boshqaruvi raisi Ulug‘bek Ro‘ziqulov prezidentga ma’lum qildi.

Uning ta’kidlashicha, Damas, Traverse, Captiva va Kia’ning yangi modellari chiqadi. Jizzaxdagi BYD zavodida Yuan Up modelini ishlab chiqarish yo‘lga qo‘yiladi.

Allaqachon yangilangan Damas modeli tayyor. Yaqin kunlarda uning savdosi boshlanadi. Xorazm viloyatida avval berilgan topshiriq to‘liq bajarilgani qayd etildi. Mazkur loyiha asosida yangi modelni joriy yilning o‘zida chiqarish rejalashtirilgan.

Shuningdek, yangilangan Captiva va Traverse modellari ham taqdim etiladi. Bundan tashqari, Kia brendining yangi avtomobillari ham bozorda paydo bo‘ladi. Ularning barchasi mamlakatda lokalizatsiya qilingan holda ishlab chiqariladi.

BYD zavodi bo‘yicha ham...

Internetda taxminiy Xiaomi 18 modeli tasviri paydo bo‘ldi. Qurilmaning taqdimoti sentabr oyiga rejalashtirilgani aytilmoqda.

Renderlarga ko‘ra, smartfon dizayni iPhone 16 Pro bilan juda o‘xshash. Ayniqsa, kamera blokining joylashuvi va shakli deyarli bir xil ko‘rinadi. Xiaomi’da modul kattaroq ekani aytilmoqda.

Burchaklarning yumaloqligi ham Apple flagmaniga o‘xshab ketadi. Logo olib tashlansa, qurilmalarni ajratish qiyin bo‘lishi mumkin.

Oldingi mish-mishlarga ko‘ra, Xiaomi 18 6,4 dyuymli OLED displey bilan jihozlanadi. Asosiy kamera 50 MP bo‘lishi kutilmoqda. Shuningdek, 50 MP ultra keng burchakli sensor va 200 MP periskop telefoto kamera ham taklif etilishi mumkin.

Qurilma yangi Qualcomm Snapdragon 8 Elite Gen 6 platformasida ishlashi aytilmoqda...

AQSh harbiylari Eron hududida ehtimoliy operatsiya ssenariylarini ishlab chiqmoqda. Bu haqda Reuters manbalarga tayanib xabar berdi.

Unga ko‘ra, agar shunday qaror qabul qilinsa, operatsiya bir necha hafta davom etishi mumkin. Yakuniy qaror AQSh prezidenti Donald Tramp tomonidan qabul qilinadi.

Qayd etilishicha, Pentagon turli variantlarni ko‘rib chiqmoqda. Ular orasida uzoq davom etadigan harbiy kampaniya ham bor. Bunday ssenariy Vashington va Tehron o‘rtasidagi keskinlikni yanada kuchaytirishi mumkin.

Manbalar operatsiya boshlansa, javob zarbasi ehtimolini ham istisno etmayapti.

Avvalroq Tramp Eron bilan muzokaralar murakkab kechayotganini bildirgandi. U kelishuvga erishish kutilganidan qiyinroq bo‘layotganini aytgan.

Ehtimoliy harbiy tayyorgarlik haqidagi xabar AQSh va Eron o‘rtasidagi diplomatik...

Chevrolet’ning Chevrolet Blazer 2027 avtomobili rasman taqdim etiladi. Bu haqda GMAutority xabar bermoqda.

Kutilishicha, 2027-yilgi Blazer 2026-yilgi modeldan deyarli farq qilmaydi. Tashqi ko‘rinish, salon dizayni, komplektatsiyalar va dvigatel variantlari saqlab qolinadi.

Xaridorlar ikki xil dvigatelni ko‘rishi mumkin. Birinchisi – 2,0 litrli turbomotorli I4 LSY benzin agregati. Ikkinchisi – 3,6 litrli atmosferali V6 LGX dvigateli. Ikkalasi ham GM’ning 9 pog‘onali avtomat uzatmalar qutisi bilan taklif etiladi. Old g‘ildirakdan tortish va to‘liq uzatmali versiyalar mavjud bo‘lib qoladi.

2027-yilda o‘zgarishlar asosan kosmetik bo‘lishi kutilmoqda. Yangi rang variantlari va opsional paketlarda kichik yangilanishlar paydo bo‘lishi mumkin. Model ishlab chiqarish yakuniga yaqinlashgani sababli ayrim...

O‘zbekistonda mashhur «Polisorb» preparatiga o‘xshash kontrafakt mahsulot aniqlandi. Bu haqda Intellektual mulk agentligi ma’lum qildi.

Tekshiruv Rossiyaning Polisorb AJ kompaniyasi murojaatidan so‘ng o‘tkazilgan. Ma’lum bo‘lishicha, «O.B.M.» MChJ «Polisorb ENT» nomi ostida biologik faol qo‘shimcha ishlab chiqargan.

Mahsulot nomi asl brendga deyarli to‘liq o‘xshash bo‘lgani sababli xaridorlar uni haqiqiy preparat bilan adashtirishi mumkin bo‘lgan.

Holat yuzasidan kompaniya rahbariga nisbatan ma’muriy bayonnoma rasmiylashtirildi. Ish sudga yuborilgan.

Fuqarolarga dori vositalari va BAA xarid qilayotganda ehtiyotkor bo‘lish tavsiya etiladi. Mahsulotlarni faqat ishonchli dorixonalardan olish so‘ralmoqda.

Eslatib o‘tamiz, Kursiv Uzbekistan O‘zbekistonda dorixonalar bir yilda qariyb 8 mlrd so‘m asossiz daromad olgani haqida yozgan...

Tijorat banklari tomonidan 15-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

O‘zbekistonda «antikvar» sifatida e’tirof etilgan avtomototransport vositalariga cheklov joriy etilmaydi. Bu haqda YHXB axborot xizmati rahbari Zoyir Yo‘ldoshov ma’lum qildi.

Unga ko‘ra, 2026-yil 1-fevraldan ishlab chiqarilganiga 50 yildan oshgan avtomobillardan foydalanish va ularni qayta ro‘yxatdan o‘tkazish taqiqlandi. Mazkur cheklov «antikvar» sifatida e’tirof etilgan avtomototransport vositalariga tatbiq etilmaydi.

Ishlab chiqarilganiga 50 yil va undan ortiq vaqt o‘tgan hamda asl holati saqlangan avtomobillar antikvar transport vositasi sifatida qayta ro‘yxatdan o‘tkaziladi. Bunday avtomobillarga maxsus davlat raqam belgilari berilishi ko‘zda tutilgan.

Biroq bu maqomni olish uchun transport vositasi ma’lum talablarga javob berishi shart. Eng avvalo, avtomobilning tashqi ko‘rinishi va umumiy tuzilishi o‘zgarmagan bo‘lishi...

Qoraqalpog‘iston Respublikasi Nukus shahrida 217 mln so‘mlik gaz o‘g‘irligi fosh etildi. Bu haqda «Hududgazta’minot» AJ matbuot xizmati ma’lum qildi.

O‘tkazilgan tekshiruv davomida qonunbuzarlik aniqlandi. Tadbirda Qoraqalpog‘iston Respublikasi prokuraturasi, «Hududgaz Qoraqalpog‘iston» GTF xodimlari va huquqni muhofaza qiluvchi organlar ishtirok etdi.

«Qo‘shbuloq» MFYda yashovchi fuqaro U.B. xonadoni tekshirildi. Aniqlanishicha, iste’molchi hisoblagichdan tashqari yashirin tarmoq tortib, gazdan noqonuniy foydalangan.

Holat yuzasidan dalolatnoma rasmiylashtirildi. 217 mln 605 ming so‘mlik tabiiy gaz hajmi qayta hisob-kitob qilindi.

To‘plangan hujjatlar huquqni muhofaza qiluvchi organlarga yuborilgan.

Eslatib o‘tamiz, Kursiv Uzbekistan nashri Toshkent viloyati va Andijonda yirik narkolaboratoriya aniqlangani haqida yozgan edi.

Xitoyda Geely kompaniyasi savdolar bo‘yicha BYD’ni ortda qoldirdi. Bu haqda CarNewsChina ma’lum qildi.

Chakana savdoda Geely 210 ming dona avtomobil sotdi. Bu o‘tgan yilga nisbatan 12,6% kamayish demakdir. Ikkinchi o‘rinda FAW-Volkswagen 132 ming dona bilan qayd etildi. BYD esa 94 ming dona ko‘rsatkich bilan uchinchi bo‘ldi. Uning savdosi bir yil ichida 53%ga qisqardi.

TOP-10 ro‘yxatiga ilk bor HIMA kirdi. Huawei bilan bog‘liq ushbu yangi energiya brendi chakana savdoni 65,5%ga oshirib, 58 ming dona natija ko‘rsatdi.

Umuman olganda, yanvar oyida Xitoyda 1,544 mln dona yo‘lovchi avtomobili sotildi. Bu o‘tgan yilga nisbatan 13,9% kam. Oylik ko‘rsatkich esa qariyb uchdan birga qisqardi.

Qishki Olimpiya o‘yinlarida short-trek bahslarida O‘zbekiston nomidan ishtirok etayotgan Daniil Yeybog 1500 metr masofada o‘z chiqishini yakunladi. Bu haqda Milliy olimpiya qo‘mitasi ma’lum qildi.

U chorak final bosqichida muvaffaqiyatli harakat qildi. U o‘z guruhida 2:16.963 natija bilan 3-bo‘lib marraga yetib keldi va yarim final yo‘llanmasini qo‘lga kiritdi.

Yarim finalda esa Yeybog 2 daqiqa 18 soniya natija bilan yana 3-o‘rinni egalladi. Bu ko‘rsatkich «A» finaliga chiqish uchun yetarli bo‘lmadi. Natijada sportchimiz «B» finalida ishtirok etdi.

Hal qiluvchi bosqichda u 5-bo‘lib finishga yetib keldi. Umumiy hisobda esa 1500 metr masofadagi bahslarni 14-o‘rinda yakunladi.

Ma’lumot uchun, Daniil Yeybog 1997-yil 20-martda Rossiyaning Olenegorsk...