Yangiliklar

28-mart kuni noqonuniy daromadlarni legallashtirishga qarshi kurashish bo‘yicha yangi ichki nazorat qoidalari ro‘yxatdan o‘tkazildi. Bu haqda Adliya vazirligi xabar berdi.

Yangi tartibga ko‘ra, endilikda to‘lov xizmatlari va elektron pul tizimlari orqali amalga oshiriladigan yirik pul o‘tkazmalari shaxsiy ma’lumotlar bilan rasmiylashtiriladi.

To‘lov tashkilotlari mobil ilovalarida hisob ochayotgan mijozlarni sinchiklab tekshiradi. Elektron terminal (E-POS)dan foydalanmoqchi bo‘lgan tadbirkorlar ham maxsus tekshiruvdan o‘tadi.

BHMning 30 baravari (11,25 mln so‘m) yoki undan ko‘proq summadagi pul o‘tkazmalari, jo‘natuvchi va oluvchining shaxsiy ma’lumotlari bilan birga amalga oshiriladi. Agar akkauntsiz BHMning 500 baravari (187,5 mln so‘m) yoki undan ortiq miqdor pul o‘tkazilsa, bu holatda ham majburiy tekshiruv...

«Chirchiq» texnoparki Tataristonning «Ximgrad» texnopolisi ko‘magida 2024-yilda ishlab chiqarilgan mahsulotning 53 foizini eksport qildi. Bu haqda TASS nashri ma’lum qildi.

«Loyiha faqat O‘zbekiston ichida emas, balki Markaziy Osiyodagi qo‘shni mamlakatlar uchun ham faoliyat yuritmoqda. Jumladan, Tojikiston, Qirg‘iziston va Qozog‘iston bozorlariga yetib borganmiz. Bizning korxonalar ushbu bozorlarda o‘zlarini qulay his qilmoqda», – dedi «Ximgrad» bosh direktori Ayrat Gizzatullin.

Hozirgi kunda «Chirchiq» texnoparki hududida 19 ta kompaniya faoliyat yuritmoqda, ular kimyo mahsulotlari va qog‘oz ishlab chiqarish bilan shug‘ullanadi. Shulardan to‘rtta kompaniya rezident maqomiga ega.

Ma’lumot uchun, «Chirchiq» texnoparki 2022-yil mart oyining oxirida ochilgan bo‘lib, uning tashkil...

1-aprel kuni qabul qilingan prezident qarori bilan respublikaning 16 ta tuman va shahrini jadal kompleks rivojlantirishning asosiy maqsadlari belgilandi. Bu haqda Adliya vazirligi xabar berdi.

Unga ko‘ra, sanoat ishlab chiqarishi 7–8 foizga, xizmatlar hajmi 15–17 foizga, qishloq xo‘jaligi ishlab chiqarishi esa 4–5 foizga oshiriladi. Ishsizlik darajasi 4–5 foizga, kambag‘allik esa 5–6 foizga kamaytiriladi. Qo‘ng‘irot, Asaka, G‘allaorol, Denov tumanlari va Marg‘ilon shahri ishsizlik va kambag‘allikdan xoli hududlarga aylantiriladi.

Shu yilning 1-iyuligacha 10-yildan ortiq vaqt oldin ishlab chiqilgan bosh rejalarni yangilanib, shahar markazlarini 3 zonaga: renovatsiya, rekonstruksiya va konservatsiyaga ajratiladi. Jarayonlarda aholi va tadbirkorlar takliflari inobatga olinadi.

Ushbu master reja loyihalari...

3-aprel kuni Saudiya Arabistonining Taif shahridagi Okaz stadionida bo‘lib o‘tgan «U-17» Osiyo kubogi guruh bosqichi doirasida O‘zbekiston o‘smirlar terma jamoasi tailandlik tengqurlarini 4:1 hisobida mag‘lub etdi.

O‘zbekiston jamoasi o‘yinning dastlabki daqiqalaridanoq ustunlikni qo‘lga kiritdi. 2-daqiqada Sayfiddin Sodiqov uzatmasidan foydalangan holda Sadriddin Xasanov hisobni ochdi. 13-daqiqada yana Sodiqov assistentligida Nurbek Sarsenbayev ikkinchi golni kiritdi.

Tailand jamoasi 40-daqiqada Natthakit Phosri tomonidan amalga oshirilgan uzatma natijasida Silva Mexesning goli bilan javob qaytardi va hisobni 2:1 ko‘rinishiga keltirdi.

Ikkinchi bo‘limda O‘zbekiston jamoasi o‘z ustunligini mustahkamladi. 80-daqiqada Asilbek Aliev uchinchi golni kiritdi. 85-daqiqada esa Azizbek Erimbetovning uzatmasidan so‘ng Abubakir Shukurullaev hisobni 4:1 ko‘rinishiga keltirdi.

APLning 30-tur doirasida «Stemford Bridj»da bo‘lib o‘tgan London derbisida «Chelsi» minimal 1:0 hisobida «Tottenhem»ni mag‘lub etdi. Uchrashuvdagi yagona golni 50-daqiqada Enso Fernandes bosh bilan kiritdi.

Shuningdek, oʻyinda har ikki jamoaning bittadan goli VAR orqali bekor qilindi. «Chelsi» safida Kaysedoning goli ofsayd tufayli, «Tottenhem»da esa Sarrning goli hujumda qoidabuzarlik aniqlangani sababli hisobga olinmadi.

Mazkur gʻalaba «Chelsi»ga 52 ochko jamgʻarib, turnir jadvalida 4-oʻringa koʻtarilish imkonini berdi. «Tottenhem» esa 34 ochko bilan 14-oʻrinda qoldi.

Avvalroq Kursiv Uzbekistan «Manchester Siti» «Lester» ustidan ishonchli gʻalabaga erishgani haqida xabar bergan edi.

Janubiy Koreya Konstitutsiyaviy sudi parlament tomonidan qabul qilingan impichmentni tasdiqladi va Yun Sok Yol prezidentlik vakolatlaridan mahrum qilindi. Bu haqda Reuters agentligi ma’lum qildi.

Yun hokimiyatdan chetlashtirilgach 60 kun ichida yangi davlat rahbari saylovlari oʻtkazilishi shart.

«Yun demokratik respublikaning suveren a’zolari boʻlgan xalq ishonchiga qoʻpol xiyonat qildi», – dedi bosh sudya Xyon Bey.

Yun harbiy holat e’lon qilish orqali jamiyat, iqtisodiyot, tashqi siyosatning barcha sohasida tartibsizliklar keltirib chiqarganlikda ayblanmoqda.

Eslatib oʻtamiz, Janubiy Koreya tergovchilari 15-yanvar kuni mamlakat prezidenti Yun Sok Yolni hibsga olish orderini ijro etgan edi. Biroz vaqt oʻtib esa Janubiy Koreyada...

AQSh hukumati joriy qilgan yangi bojxona tariflari global savdoga jiddiy ta’sir o‘tkazishi mumkin, biroq O‘zbekiston uchun yangi eksport imkoniyatlarini ochishi ehtimoli ham bor. Bu haqda prezidentning JST bo‘yicha maxsus vakili Azizbek Urunov o‘z LinkedIn sahifasida ma’lum qildi.

Unga ko‘ra, AQSh bojxona tariflari uch toifaga ajratilgan bo‘lib, O‘zbekiston 10% qo‘shimcha boj stavkasi joriy etilgan mamlakatlar qatoriga kiritildi. Biroq asosiy global ishlab chiqaruvchilar, jumladan, Xitoy (64%), Vyetnam (46%) va Hindiston (26%) uchun yanada yuqori tariflar belgilandi.

Bu holat O‘zbekistonning qiyosiy ustunlikka ega bo‘lgan tarmoqlari, xususan, to‘qimachilik va tayyor mahsulotlar eksporti uchun yangi imkoniyatlar yaratishi mumkin. Shuningdek, AQSh bozorida raqobatchi davlatlarning mahsulotlari...

3-aprel kuni Samarqanddagi «Markaziy Osiyo – Yevropa Ittifoqi» birinchi sammiti doirasida O‘zbekiston prezidenti Shavkat Mirziyoyev va Markaziy Osiyoning qo‘shni davlatlari rahbarlari o‘rtasida muzokaralar bo‘lib o‘tdi. Bu haqda davlat rahbari matbuot xizmati ma’lum qildi.

Unga ko‘ra, Tojikiston prezidenti Emomali Rahmon bilan uchrashuv chog‘ida tomonlar 31-mart kuni Xo‘jandda o‘tgan uch tomonlama uchrashuv natijalarini muhokama qildilar. Yetakchilar chegara masalalarining to‘liq hal etilishi muhimligini ta’kidladilar.

Shuningdek, ular erishilgan kelishuvlarning amalga oshirilish natijalarini, jumladan, tovar ayirboshlash hajmini oshirish va hamkorlik loyihalarini tezlashtirish masalalarini ko‘rib chiqdilar.

Qirg‘iziston prezidenti Sadir Japarov bilan uchrashuvda sanoat, transport, energetika va infratuzilma sohalaridagi loyihalarni jadallashtirish hamda madaniy-gumanitar almashinuvni davom ettirish...

4-aprel kuni O‘zbekistonning aksariyat hududlarida havo biroz bulutli bo‘lib, kechga tomon ba’zi joylarda yomg‘ir yog‘ishi va momaqaldiroq kuzatilishi mumkin. Bu haqda «O‘zgidromet» agentligi ma’lum qildi.

Unga ko‘ra, Toshkent shahrida harorat kunduzi 28-30° atrofida bo‘lsa, Qoraqalpog‘iston va Xorazm viloyatida 20-25° bo‘lishi kutilmoqda.

Navoiy, Buxoro, Samarqand va Jizzax viloyatlarida kechga tomon qisqa muddatli yomg‘ir yog‘ishi ehtimoli bor. Qashqadaryo va Surxondaryo viloyatlarida harorat 28-33° gacha ko‘tariladi. Andijon, Namangan va Farg‘onada esa yog‘ingarchilik kutilmaydi, kun davomida 23-28° iliq bo‘ladi.

Tog‘li hududlarda havo salqin bo‘lib, kechasi 4-9°, kunduzi 15-20° atrofida bo‘lishi kutilmoqda. Shamolning tezligi ba’zi joylarda 15-20 m/s gacha kuchayishi mumkin.

«Tashabbusli budjet»ning joriy yilgi 1-mavsumi yakuniga ko‘ra, dastlab g‘oliblikka erisha olmagan 33 ta loyiha qo‘shimcha mablag‘ evaziga moliyalashtiriladigan bo‘ldi. Bu haqda Iqtisodiyot va moliya vazirligi ma’lum qildi.

Unga ko‘ra, xalq deputatlari tuman (shahar) Kengashlari mahalliy budjetdan qo‘shimcha 7,5 mlrd so‘m ajratib, ushbu loyihalarni qo‘llab-quvvatlashga qaror qildi.

Amaldagi tartibga ko‘ra, mahalliy Kengashlar budjet mablag‘lari hisobidan qo‘shimcha g‘oliblarni aniqlash vakolatiga ega.

G‘olib loyihalar ro‘yxati bilan ushbu havola orqali tanishish mumkin.

Eslatib o‘tamiz, avvalroq «Open budjet»da qaysi loyihalar ko‘proq moliyalashtirilgani haqida yozgan edik.

Shotlandiyaning Skay orolida o‘tkazilgan yangi tadqiqotlar 167 mln yil avval bu hududda yirtqich megalozavrlar va o‘txo‘r sauropodlar yashaganini tasdiqladi. Bu haqda CNN axborot agentligi ma’lum qildi.

Unga ko‘ra, olimlar tomonidan topilgan qadimiy oyoq izlari bu dinozavrlar bir xil lagunada suv ichish uchun to‘planganini ko‘rsatadi.

Edinburg universiteti tadqiqotchilari 2019-yilda ilk bor uchta dinozavr izini aniqlagan bo‘lib, keyinchalik dron yordamida hududni batafsil o‘rganish natijasida jami 131 ta iz hujjatlashtirildi. Bu izlar avval baliqlarning dam olish joyi deb noto‘g‘ri talqin qilingan edi.

O‘rta Yura davrida Skay oroli subtropik iqlimga ega bo‘lib, ulkan daryo deltalari va lagunalar bilan qoplangan edi. Sauropodlar sekin harakatlanib...

2025-yil 4-apreldan 9-aprelgacha Toshkent shahrida Parlamentlararo Ittifoqning 150-yubiley assambleyasi tadbirlari bo‘lib o‘tadi. Shu sababli, ushbu kunlarda poytaxtning markaziy ko‘chalarida yuk transport vositalarining harakati to‘liq cheklanadi, deya ma’lum qildi IIBB YHXB.

Unga ko‘ra, qurilish obyektlarida ishlayotgan va yuk tashish bilan shug‘ullanayotgan haydovchilarga faqat Toshkent halqa yo‘li orqali harakatlanish tavsiya etiladi.

Eslatib o‘tamiz, avvalroq 3 – 5-aprel kunlari Samarqandga kirish yo‘llari vaqtincha yopilishi haqida xabar bergan edik.

Shavkat Mirziyoyev 3-aprel kuni Samarqand shahrida Turkmaniston prezidenti Serdar Berdimuhamedov bilan uchrashdi. Bu haqda davlat rahbari matbuot xizmati ma’lum qildi.

Unga ko‘ra, tomonlar ikki davlat o‘rtasidagi strategik sheriklikni yanada rivojlantirish muhimligini ta’kidladilar.

Uchrashuvda Turkmaniston prezidenti O‘zbekiston rahbariga Gurbanguli Berdimuhamedovning samimiy salomini yetkazdi. Tomonlar do‘stlik va yaxshi qo‘shnichilik asosidagi hamkorlikni mustahkamlash masalalarini muhokama qildilar.

Ikki davlat o‘rtasidagi tovar ayirboshlash hajmi barqaror o‘sib, o‘tgan yilda $1,1 mlrddan oshgani qayd etildi. Sanoat, energetika, transport va qishloq xo‘jaligi sohalarida qo‘shma loyihalar muvaffaqiyatli amalga oshirilayotgani, shuningdek, «Shovot – Toshovuz» chegaraoldi savdo zonasini yaratish ishlari davom etayotgani ma’lum qilindi.

Eslatib o‘tamiz, avvalroq O‘zbekistonda Yevropa kompaniyalari...

Belgiya telekommunikatsiya shartnomalarini tuzishda korrupsiya ishi doirasida musodara qilingan $108 mlnni O‘zbekistonga qaytaradi, deya xabar berdi qirollik prokuraturasi.

Gap Gulnora Karimovaga qarshi jinoiy ish haqida ketmoqda. U xorijiy telekommunikatsiya kompaniyalaridan O‘zbekistonda faoliyat yuritish uchun pora olganlikda aybdor deb topilgan edi.

2022-yilda O‘zbekiston Adliya vazirligi Belgiyadan Karimovaning $240 mlnlik aktivlarini qaytarishni rejalashtirayotganini ma’lum qilgan edi.

Mazkur aktivlar O‘zbekiston hukumati so‘roviga binoan musodara qilingan. Belgiyalik huquq-tartibot idoralari pul yuvish va korrupsiya sxemalari ishi bo‘yicha jami $200 mlnni musodara qilgan.

Yevropa Ittifoqi qonunlariga ko‘ra, musodara qilingan mablag‘ va undan tushgan foizlar ikki davlat o‘rtasida taqsimlanadi.

Ma’lumot uchun, Gulnora Karimova hozir koloniyada jazoni...

Samarqand xalqaro aeroporti bahor-yoz mavsumida parvozlar jadvali (VLP) boʻyicha ish boshladi. Bu haqda Air Marakanda matbuot xizmati Kursiv Uzbekistan’ga xabar berdi.

Kuz-qish mavsumida Air Marakanda 578 mingdan ortiq yoʻlovchilarga xizmat koʻrsatgan. Bu oʻtgan yilning shu davriga nisbatan 18 foizga oʻsganini anglatadi.

Joriy yil boshidan buyon aeroport 339 mingdan ortiq yoʻlovchilarga xizmat koʻrsatib, 2024-yilning shu davriga nisbatan 16 foizga yuqorilagan.

Eng koʻp parvozlar Moskva, Istanbul, Sankt-Peterburg va Jidda shaharlariga amalga oshirilgan.

Shuningdek, 2-apreldan boshlab AZAL aviakompaniyasi Bokuga parvozlarni qayta tiklagan boʻlsa, 7-apreldan Xitoyning China Southern Airlines aviakompaniyasi haftasiga bir marta reys amalga oshiradi.

Eslatib oʻtamiz, Kursiv Uzbekistan Qazaq Air...

Bugungi kunda 67 ta tadbirkorlik subyekti va davlat tashkilotlari tomonidan 81 ta faoliyat turi bo‘yicha eksklyuziv huquqlar mavjud. Bu haqda Raqobat qo‘mitasi tomonidan o‘tkazilgan tahlillarda e’lon qildi.

Ushbu huquqlar aholining sog‘lig‘i, huquq va manfaatlari, davlat hamda jamoat xavfsizligini ta’minlash maqsadida berilgan.

O‘tgan davr mobaynida 24 ta xo‘jalik yurituvchi subyekt va davlat tashkilotlariga berilgan eksklyuziv huquqlar bekor qilindi. Bu iqtisodiyotda davlat ishtirokini qisqartirish va xususiy sektorga kengroq imkoniyat yaratish maqsadida amalga oshirildi.

Avvalroq 1-apreldan boshlab ayrim xo‘jalik yurituvchi subyektlarning faoliyat yo‘nalishlari bo‘yicha eksklyuziv huquqlari bekor qilingani haqida yozgandik.

Shuningdek, 28-fevraldagi prezident farmoni ijrosini ta’minlash doirasida Eksklyuziv huquqlar berilgan xo‘jalik yurituvchi...

2020-yilda chiqarilgan Samsung Galaxy S20, Galaxy S20 Plus va Galaxy S20 Ultra smartfonlari uchun muhim yangilanish taqdim etildi. Bu haqda Sammobile nashri xabar bermoqda.

Ushbu yangilanish xavfsizlikni yaxshilashga qaratilgan boʻlib, Android tizimining 58 ta zaifligini bartaraf etadi. Yangilanish One UI interfeysini ham oʻz ichiga oladi va foydalanuvchilarga qurilmalarini xavfsizroq ishlatish imkoniyatini yaratadi.

Samsung bu yangilanishni mart oyida chiqarishni rejalashtirgan edi. Ammo u har chorakda taqdim etilishi sababli aprel oyiga qoldirilgan.

Yangilanish Galaxy S20, S20 Plus va S20 Ultra modellari uchun mavjud boʻlib, ularni LTE va 5G tarmoqlari uchun qoʻllab-quvvatlashni davom ettiradi.

Eslatib oʻtamiz, Kursiv Uzbekistan nashri Samsung Galaxy...

Bugun, 3-aprel kuni «Markaziy Osiyo – Yevropa Ittifoqi» sammiti doirasida O‘zbekistonda Yevropa investitsiya bankining mintaqaviy ofisini ta’sis etish to‘g‘risida bitim imzolandi. Bu haqda prezident matbuot xizmati xabar berdi.

Yevropa investitsiya banki 1958-yilda tashkil etilgan bo‘lib, Yevropa Ittifoqining yetakchi moliyaviy instituti hisoblanadi.

«Toshkentda bu ofisning ochilishi o‘zaro manfaatli hamkorlikni kengaytirish, O‘zbekistonda va umuman Markaziy Osiyoda «yashil» iqtisodiyot, innovatsion sanoat va zamonaviy infratuzilmani rivojlantirishga jalb etilayotgan investitsiyalar hajmini oshirish imkonini beradi», – deyiladi xabarda.

Avvalroq Kursiv Uzbekistan Shavkat Mirziyoyev Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayen bilan muzokaralar o‘tkazgani haqida yozgandi.

Bugun, 3-aprel kuni Shavkat Mirziyoyev Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayen bilan muzokaralar o‘tkazdi. Bu haqda prezident matbuot xizmati xabar berdi.

Tomonlar savdo-iqtisodiy va investitsiya sohalarida hamkorlikni rivojlantirish masalalarini muhokama qildi. Kengaytirilgan sheriklik va hamkorlik to‘g‘risida kelishuv imzolanishga tayyorlanayotgani ta’kidlandi.

O‘zbekiston va YI o‘rtasidagi tovar ayirboshlash hajmi ortib bormoqda. Yevropa kompaniyalari ishtirokidagi investitsiya portfeli 30 mlrd yevrodan oshdi. Shuningdek, Toshkentda Yevropa investitsiya bankining vakolatxonasi ochilishi haqida bitim imzolandi.

YI rahbarlari O‘zbekistonda olib borilayotgan iqtisodiy taraqqiyotni va Markaziy Osiyodagi qo‘shnichilik siyosatini yuksak baholadi.

Muzokaralarda innovatsiyalar, «yashil» energetika, tog‘-kon sanoati, qishloq xo‘jaligi, transport...

Qirgʻiziston va Oʻzbekiston oʻzaro elektr energiyasi yetkazib berishni yoʻlga qoʻyish va energiya tarmoqlari barqarorligini oshirishni rejalashtirmoqda. Bu haqda Tazabek nashri xabar bermoqda.

Bundan tashqari, Qirg‘iziston Xitoydan elektr energiyasi import qilishdan manfaatdor. Ayni paytda kompaniya «Datka-Torugart» yo‘nalishi bo‘ylab 500 kVt quvvatga ega liniya qurish ustida ishlamoqda.

Ikki davlat o‘rtasida avval ham elektr energiyasi almashilgan. 2021-yilda mamlakatlar o‘zaro yetkazib berish bo‘yicha kelishib olgan.

Qirgʻizistonda elektr energiyasining muhim qismi gidroelektr stansiyalarida ishlab chiqariladi. Bahor va yoz oylarida respublikada elektr energiyasi ortiqcha bo‘lsa, kuz va qish oylarida respublika qo‘shni davlatlardan elektr energiyasini import qilishga majbur bo‘ladi.

Statistika qoʻmitasi ma’lumotlariga koʻra, 2024-yilda...

4-apreldan AQSh dollarining rasmiy kursi 5,44 so‘mga oshib, 12 920,4 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 855 – 12 905 so‘mdan sotib olayotgan bo‘lsa, 12 925 – 12 980 so‘m oralig‘ida sotmoqda.

Shu bilan birga, yevro 295,30 so‘mga oshib, 14 252,54 so‘mga yetdi. Rossiya rubli esa 0,03 so‘mga tushib, 153,52 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.      

FIFAning yangilangan reyting jadvaliga koʻra, Oʻzbekiston terma jamoasi bir pogʻona yuqorilab, 57-oʻrinni band etdi.

Osiyo davlatlari orasida Oʻzbekiston 6-oʻrinni, Markaziy Osiyo mintaqasida esa 1-oʻrinni egallagan.

Reytingda kuchli uchlikni Argentina (1-oʻrin), Fransiya (2) va Belgiya (3) terma jamoalari tashkil etdi.

Eslatib oʻtamiz, Kursiv Uzbekistan Oʻzbekiston Eron bilan durang oʻynagani haqida yozgan edi.

Raqobat qo‘mitasi va O‘zbekiston texnik jihatdan tartibga solish agentligi tomonidan respublikadagi mahsulotlarning qonunchilik talablariga muvofiqligini o‘rgandi. Bu haqda qo‘mita matbuot xizmati xabar berdi.

Tekshiruvda 298 ta mahsulot nazoratdan o‘tkazildi. Shundan 143 tasi sut mahsulotlari, 30 tasi muzqaymoq, 70 tasi go‘sht mahsulotlari, 55 tasi non va bulochka mahsulotlari ekani aniqlandi.

Eng ko‘p kamchiliklar texnik reglament va standartlar ko‘rsatilmaganligida aniqlangan — 53,7%.

Jumladan, Samarqanddagi Pure milky works va Farg‘onadagi Kamalak milk kompaniyalari ishlab chiqarayotgan sut mahsulotlarida texnik reglament va partiya raqami mavjud emas.

Samarqanddagi «Baxt» va Toshkentdagi «Lazzat» korxonalarining kolbasa hamda sosiska mahsulotlarida ishlab chiqarish sanasi va saqlash muddati, partiya raqami...

Neuralink tomonidan chiplangan birinchi bemorga aylangan amerikalik Nolan Arbo oʻqishni qayta boshlaganini va ish topganini ma’lum qilgan. Bu haqda u X tarmogʻida ma’lum qilgan.

Arbo implant oʻrnatilgandan beri 14 oy oʻtganini qayd etgan.

«Menda hech qanday salbiy nojoʻya ta’sirlar boʻlmadi, na jismoniy, na psixologik», – u chipdan foydalanish hissiyotlarini tasvirlab bergan.

Uning soʻzlariga koʻra, implant uning hayotini oʻzgartirgan va kelajakda koʻplab falaj odamlarning hayotini oʻzgartirishi kerak.

Arbo 14 oy ichida oldingi 11,5-yilga qaraganda koʻproq kitob oʻqiganini yozgan. Nolan Arbo Neuralink tufayli u ish topganini tan oldi. Bemor turli tadbirlarda ma’ruzachi boʻladi.

Yanvar oyida Neuaralink...