Yangiliklar

Prezidentning yangi farmoni bilan O‘zbekistonda uy-joy sohasini 2040-yilgacha barqaror rivojlantirish bo‘yicha yangi strategiyalar belgilab berildi. Bu haqda davlat rahbari matbuot xizmati ma’lum qildi.

Unga ko‘ra, farmon uy-joy sohasini uzoq muddatli va barqaror rivojlantirishga qaratilgan yirik islohotlar paketini belgilab berdi. Hujjatda aholining o‘sishi, urbanizatsiya jarayonlarining tezlashuvi va iqtisodiy o‘sish sur’atlari inobatga olinib, 2040-yilgacha uy-joy qurilishi hajmini ikki baravarga oshirish ustuvor vazifa sifatida belgilangan. Rejaga muvofiq, yillik quriladigan uy-joylar soni 421 mingtaga, ipoteka bozori hajmi esa 56,7 mlrd dollarga yetkaziladi.

Farmonda uy-joy sohasini modernizatsiya qilishning besh asosiy yo‘nalishi belgilangan: yirik aglomeratsiyalarda uy-joy fondini kengaytirish, zamonaviy uy-joylar ulushini 2040-yilgacha 50 foizga yetkazish...

Syurix shahrida 2026-yilgi Jahon chempionati saralash bosqichining o‘tish o‘yinlariga qur’a tashlash marosimi bo‘lib o‘tdi.

Unga ko‘ra, Yevropa mintaqasidagi o‘tish o‘yinlarida jami 16 ta jamoa ishtirok etadi. Ular orasida saralash guruhlarida ikkinchi o‘rinni egallagan Italiya, Ukraina, Kosova, Polsha, Daniya, Turkiya, Uels, Slovakiya, Chexiya, Albaniya, Bosniya va Gersegovina hamda Irlandiya bor.

Shuningdek, Millatlar ligasidagi reytingi sababli Ruminiya, Shvetsiya, Shimoliy Irlandiya va Shimoliy Makedoniya ham ushbu bosqichga qo‘shildi. Qura natijalariga ko‘ra, boshqa juftliklar ham ma’lum bo‘ldi. Polsha Albaniya bilan, Turkiya esa Ruminiya bilan kuch sinashadi.

Bundan tashqari, qit’alararo pley-off bahslari doirasida Surinam terma jamoasi Boliviya bilan to‘qnash kelishi belgilandi. Yangi Kaledoniya esa...

Oq uy Kongressga murojaat qilib, Nvidia va AMD chiplarining Xitoy hamda boshqa davlatlarga sotilishini cheklashni ko‘zda tutuvchi qonun loyihasini rad etishga chaqirdi. Bu haqda Bloomberg xabar berdi.

Hozir muhokama qilinayotgan GAIN AI Act hujjati eksport qilinadigan mikrosxemalardan avvalo amerikalik mijozlar foydalanishini talab qiladi. Nashrga ko‘ra, Oq uy pozitsiyasi hujjat qabul qilinishiga qarshi faol lobbi olib borayotgan Nvidia uchun muhim yutuq bo‘lishi mumkin.

Biroq Kongress Pekinning sun’iy intellekt sohasidagi imkoniyatlarini cheklash tarafdori bo‘lib qolmoqda. Agar loyihaning dastlabki varianti tasdiqlanmasa, muqobil qonun loyihasi ko‘rib chiqilishi rejalashtirilgan.

Ushbu muqobil taklifga ko‘ra, AQSh Savdo vazirligi Xitoyga H20 modelidan kuchliroq chiplarni sotish bo‘yicha arizalarni...

2025-yilning uchinchi choragi yakunida mikromoliya tashkilotlari va lombardlarning faoliyati sezilarli kengaydi. Aktivlar, kreditlash hajmi va kapital o‘sdi, biroq bozorda yuqori foiz stavkalari va muamмoli kreditlar xavfi ham kuchaygan. Bu haqda Markaziy bankning sharhi e’lon qilindi.

Unga ko‘ra, sektordagi jami aktivlar 2025-yil 1-oktabr holatiga 10,6 trillion so‘mga yetdi – o‘tgan yilga nisbatan 1,5 baravarga oshish qayd etildi. Bu o‘sishning 93 foizi (9,8 trln so‘m) kredit qo‘yilmalar hisobidan yuzaga keldi.

Yil boshidan sentabrgacha mikromoliyaviy tashkilotlar va lombardlar jami 21,3 trillion so‘m miqdorida kredit ajratgan. Bu o‘tgan yilning mos davriga nisbatan ikki barobardan ortiq.

Kreditlashning 90 foizi, ya’ni 19,2 trln so‘mi jismoniy...

Realme GT 8 Pro smartfoni Hindistonda namoyish qilindi. Bu haqda Gizmochina texnologiya nashri xabar bermoqda.

U yerda narx $820 mingdan (12/256 GB) boshlanadi. Smartfon kamerasi yangidan ishlab chiqilgan. Unda yetti linzali optika, aks ettirishni kamaytiruvchi qoplama va Ricoh GR interfeysi bor. 200 megapikselli telefoto kamera birinchi marta shu seriyada qo‘llandi. Snap Focus rejimi ko‘chada tez suratga olish imkonini beradi.

Uskuna Snapdragon 8 Elite Gen 5 protsessori bilan jihozlangan. Bu chip 3 nm texnologiyada ishlab chiqilgan. Qurilma AnTuTu’da 4 mln balldan yuqori natija chiqargan. Ekran 2K va 144 Hz yangilanish chastotasiga ega. Batareya sig‘imi 7000 mAsoat. Zaryadlash quvvati...

Toshkentda soatiga 12 ming so‘mdan joriy etilgan pullik avtoturargohlar narxi jamoatchilik noroziligiga sabab bo‘lmoqda. Xalq demokratik partiyasi rasmiy bayonot bilan chiqib, tariflar aholining daromadlariga mos emasligini ta’kidladi.

Poytaxtda 14 mingga yaqin pullik to‘xtash joylari tashkil etilgan bo‘lsa-da, kuniga mashinasini 8 soat qoldiradigan xodim uchun to‘lov 100 ming so‘mga yaqinlashmoqda. Bu oylik xarajatlar eng kam ish haqidan ham oshib ketishi mumkinligini anglatadi.

Partiya qo‘shni davlatlarda narxlar bir necha baravar arzonligini eslatib, Toshkentdagi tariflar iqtisodiy mantiq va ijtimoiy adolatga mos kelmasligini bildirdi.

Shuningdek, XDP bir qator takliflarni ilgari surdi. Jumladan, tariflar aholining daromadlari va ehtiyojlarini hisobga olgan holda qayta ko‘rib chiqilishi...

Ispaniya sudi Meta kompaniyasini raqobat qoidalarini buzgani va Yevropa Ittifoqining ma’lumotlarni himoya qilish reglamentiga rioya qilmagani uchun $552 million jarimaga tortdi. Bu haqda Reuters xabar bermoqda.

Madrid sudi qaroriga ko‘ra, kompensatsiya 87 ta raqamli nashr va axborot agentligiga yo‘naltiriladi. Jarima Meta kompaniyasining Facebook va Instagram platformalarida xulq-atvorga asoslangan reklama uchun shaxsiy ma’lumotlardan foydalanish usuli bilan bog‘liq.

Sudning ta’kidlashicha, AQSh texnologiya giganti foydalanuvchi ma’lumotlarini noqonuniy qayta ishlash orqali Ispaniya onlayn reklama bozorida sezilarli raqobat ustunligiga ega bo‘lgan. Da’vo 2018-yil may oyida kuchga kirgan ma’lumotlarni himoya qilish bo‘yicha umumiy reglament talablariga asoslangan.

Sudya Meta reklamadan kamida 5,3 milliard yevro daromad olganini...

Huawei bilan hamkorlik qiluvchi Stelato kompaniyasi yangi Stelato S9 sedanini rasman taqdim qildi. Bu haqda CarNewsChina xabar bermoqda.

Model Auto Guangzhou 2025 ko‘rgazmasi oldidan o‘tkazilgan taqdimotda namoyish qilindi. Yangi avlod S9 to‘rtta variantda sotuvga chiqdi. Narxlar 309 800 yuandan ($43,4 ming) boshlanadi va 369 800 yuangacha ($51,8 ming) yetadi.

Yangi S9 kuzovida bir qator yangilanishlar bor. Smart elektr eshiklar va elektron tashqi oynalar ham taklif etiladi. O‘lchamlari o‘zgarmagan. Uzunligi 5160 mm, eni 2005 mm, balandligi 1492 mm. G‘ildirak bazasi 3050 mmni tashkil etadi. Olti xil tashqi rang va uch xil disk dizayni mavjud.

Model aqlli haydash bo‘yicha ham...

2027-yil 1-yanvargacha turizm sohasi subyektlari tomonidan import qilinadigan avtobus, elektrobus va mikroavtobuslar bojxona bojidan ozod etiladi. Shavkat Mirziyoyev turizm sohasini tezkor va samarali boshqarish bo‘yicha yangi qaror imzoladi.

Unga muvofiq, Qoraqalpog‘istonda litsenziyaga ega turoperatorlar, istisno tariqasida, ekstremal turlar uchun kuchli yo‘ltanlamas avtomobillarni olib kirganda bojxona boji va utilizatsiya yig‘imini hozirgi stavkaning 25 foizi miqdorida 3 yil davomida bo‘lib-bo‘lib to‘lashi mumkin.

Bundan tashqari, turizm sohasi subyektlari tomonidan import qilinadigan avtobus, elektrobus va mikroavtobuslarning sonidan qat’i nazar, ularga bitta sertifikat berishga ruxsat etiladi.

2030-yil 1-yanvargacha Brand Finance reytingidagi top-50 brend bilan dastlabki kelishuvga ega bo‘lgan va mehmonxona qurishni boshlagan...

Tesla kompaniyasining kompensatsion paketi tufayli Ilon Maskning kelgusi o‘n yillikdagi daromadi yiliga o‘rtacha $100 milliardni tashkil qiladi. Bu haqda The Washington Post’ning yangi hisob-kitoblari e’lon qilindi.

Taqqoslash uchun, bu 2024-yilda AQShdagi barcha boshlang‘ich maktab o‘qituvchilarining umumiy yillik maoshidan ham ko‘p. Ularning jami daromadi o‘tgan yili $97 milliard bo‘lgan.

Nashr yozishicha, Maskning o‘n yil davomida oladigan $1 trillionlik kompensatsion paketi AQSh korporativ tarixidagi eng yirik to‘lov bo‘lib qolmoqda. Tesla aksiyadorlari yaqinda ushbu paketni ma’qullagan edi.

Shuningdek, Ilon Maskning yillik daromadi 1,4 million nafar boshlang‘ich maktab o‘qituvchisining umumiy maoshidan ko‘proq. Xuddi shu miqdordagi daromadni AQShdagi 3,2 million kassir bir yil davomida...

21-noyabr uchun valyuta kurslari e’lon qilindi. Shu kun uchun AQSh valyutasi 11 914,67 so‘m (+3,74 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

13-noyabr kuni esa 11 972,35 so‘mga (-17,65 so‘m) tenglashdi. 14-noyabr kuni 11 985,10 so‘m (+12,75 so‘m), 17-noyabr uchun 12 039,61 so‘m (+54,51 so‘m), 18-noyabr kuni 12 009,92 so‘m (-29,69 so‘m) esa etib belgilandi. 19-noyabr kuni dollar 11 940,70 so‘mga (-69,22 so‘m), 20-noyabr kuni esa 11 910,93 so‘m (-29,77 so‘m) tenglashgan edi.

Markaziy bank ma’lumotlariga ko‘ra, yevro 49,29 so‘mga tushib, 13 735,23 so‘mni, rubl esa 0,78 so‘mga oshib, 148,27 so‘mni tashkil qildi.

Eslatib o‘tamiz, Kursiv Uzbekistan AQSh dollari...

Bloger va bokschi Jeyk Pol 19-dekabr kuni Mayamidagi «Kaseya Center» arenasida sobiq og‘ir vazn toifasi chempioni Entoni Joshua bilan kuch sinashadi. Bu haqda Al Jazeera nashri xabar berdi.

Sakkiz raundlik professional boks uchrashuvi Netflix platformasida jonli efirda namoyish etiladi. Bu 28 yoshli Jeyk Pol uchun faoliyatidagi eng jiddiy sinov bo‘lishi kutilmoqda. Uning hisobida hozirda 12 g‘alaba (7 nokaut) va 1 mag‘lubiyat mavjud.

Pol so‘nggi marta iyun oyida ringga ko‘tarilib, sobiq o‘rta vazn toifasi chempioni Xulio Sezar Chavesni hakamlarning yakdil qarori bilan mag‘lub etgan edi.

«Bu sun’iy intellekt simulyatsiyasi emas, bu hisob-kitob kuni. O‘z kuchining cho‘qqisida...

Buxoro viloyatida quyosh panellarini o‘rnatgan fuqarolar elektr tarmog‘iga topshirgan ortiqcha energiya uchun 15,3 milliard so‘mdan ko‘proq subsidiya oldi. Bu haqda Davlat soliq xizmati rasmiy sahifasida ma’lum qildi.

Amaldagi tartibga ko‘ra, ishlab chiqarilgan va tizimga uzatilgan har bir kVt-soat energiya uchun 1 000 so‘mdan subsidiya to‘lab beriladi.

Soliq xizmati xabariga ko‘ra, hozirda viloyatda 4,2 mingdan ortiq xonadon quyosh panellaridan foydalanadi.

Avvalroq yanvar – sentabr oylarida 35,3 ming nafar jismoniy shaxs elektr tarmoqlariga uzatilgan quyosh energiyasi uchun jami 153,6 mlrd so‘m subsidiya olgani haqida xabar berilgandi. Eng katta to‘lovlar Xorazm viloyati (42,6 mlrd so‘m), Qoraqalpog‘iston Respublikasi (22,4 mlrd so‘m) va...

Shavkat Mirziyoyev farmoniga ko‘ra, Sherzod Davlyatovich Kudbiyev O‘zbekiston Urbanizatsiya va uy-joy bozorini barqaror rivojlantirish milliy qo‘mitasi raisi lavozimiga tayinlandi. Shu munosabat bilan u Soliq qo‘mitasi raisi lavozimidan ozod etildi.

Farrux Jaxongirovich Pulatov Soliq qo‘mitasi raisi etib tayinlandi. U bungacha Iqtisodiyot va moliya vazirligi huzuridagi Kadastr agentligini boshqarib kelayotgan edi va ushbu lavozimdan ozod qilindi.

Ma’lumot uchun, Kudbiyev 1981-yil 12-aprel kuni Farg‘ona viloyatida tug‘ilgan. 2003-yilda Farg‘ona politexnika institutini tugatgan. O‘zining mehnat faoliyatini 2003-yildan Mehnat vazirligining turli lavozimlarda boshlagan.

O‘zbekiston prezidentining qarori bilan 2023-yilning 3-avgust kuni Vazirlar Mahkamasi huzuridagi Soliq qo‘mitasi raisi lavozimiga tayinlandi.

Avvalroq Kursiv Uzbekistan Aziz Abduhakimov prezident...

Oktabr oyida uy-joy oldi-sotdi bitimlari 12 foizga ko‘payib, 27,1 mingtaga yetgan. Bu 2023-yil avgustidan buyon kuzatilgan eng yuqori ko‘rsatkich hisoblanadi. Bu haqda Iqtisodiy tadqiqotlar va islohotlar markazi tahlillari e’lon qilindi.

Hududlar bo‘yicha faollik

O‘tgan oyda uy-joy bozoridagi eng katta o‘sish Xorazm, Buxoro va Toshkent viloyatlarida qayd etilib, bu hududlarda bitimlar soni o‘rtacha 26 foizga oshgan. Surxondaryo va Sirdaryo viloyatlarida esa o‘sish nisbatan past bo‘lib, mos ravishda 2% va 4% atrofida bo‘ldi.

Respublika bo‘yicha barcha bitimlarning qariyb 30 foizi Toshkent shahri hissasiga to‘g‘ri keladi. Poytaxtdagi savdo hajmi oy davomida 5,3%, bir yillik kesimda esa 32% o‘sgan.

Ikkilamchi uy-joy bozori

«PSJ» klubi va Marokash terma jamoasi himoyachisi Ashraf Hakimi Afrikaning 2025-yildagi eng yaxshi futbolchisi deb topildi. Bu haqda Al Jazeera nashri xabar berdi.

Hakimi misrlik Muhammad Saloh va nigeriyalik Viktor Osimhenni ortda qoldirdi.

«Bu sovrin nafaqat men uchun, balki Afrikada futbolchi bo‘lishni orzu qilgan barcha uchundir», – dedi Hakimi taqdirlash marosimida.

Futbolchi «PSJ»ning Chempionlar ligasidagi ilk g‘alabasiga katta hissa qo‘shdi. Finalda Parij klubi Italiyaning «Inter» jamoasini 5:0 hisobida mag‘lub etgandi. Hakimi Liga 1 va Fransiya kubogi bilan birga mavsumda tarixiy treblni qayd etdi. Avgust oyida esa «Tottenhem» ustidan qozonilgan g‘alaba evaziga UEFA Superkubogi...

Xiaomi Auto zavodida 500 ming dona avtomobil yig‘ildi. Bu haqda kompaniya Weibo tarmog‘idagi sahifasida ma’lum qildi.

Xiaomi elektromobil bozoriga 2023-yil oxirida SU7 modeli bilan kirgan. Rasmiy savdo esa 2024-yil 28-mart kuni Xitoyda boshlangan. Hozir kompaniya yana bir model – Xiaomni YU7 krossoverini ham sotmoqda.

«Bu biz uchun yangi bosqich. Barcha mijozlarimizga qo‘llab-quvvatlagani uchun rahmat», – deya qayd etgan kompaniya prezidenti Lu Veybing.

Xiaomining elektromobil siyosati

Xiaomi elektromobil bozoriga qat’iy va uzoq muddatli strategiya bilan kirgan. Kompaniya o‘zining avtonom haydash tizimlari, aqlli boshqaruv platformasi va energiya samaradorligi bo‘yicha mustaqil ishlab chiqishlarga katta sarmoya...

UzAuto Motors kompaniyasining ayrim dilerlarida Chevrolet Cobalt uchun shartnomalar ochilgani aytilmoqda. Kursiv Uzbekistan vaziyatni o‘rgandi.

Nashr bilan suhbatda bo‘lgan «Avtotexxizmat» MChJ vakili Cobalt uchun shartnomalar bugun, 20-noyabr kuni yopilganini qayd etdi. Aynan 20-noyabr Toshkent vaqti bilan soat 13:00 da «Drivers village» saytida Cobalt uchun shartnoma tuzish bandi ochiq ekanini ko‘rish mumkin.

Autostrada nashri jarayon shaffof bo‘lmagani, shartnoma tuzish uchun pora talab qilinayotganiga oid murojaatlar kuchayganini yozdi. Unga ko‘ra, qimmatroq komplektatsiyadagi Cobalt avtomobillariga shartnoma olish ancha oson, biroq eng arzon – Style AT modeli uchun $200 miqdorida pora talab qilinayotgani aytilmoqda. Bu modelning rasmiy narxi 148 mln so‘mni tashkil...

Poytaxt bozorlaridagi avtoturargohlar narxi oshirilishi bo‘yicha Toshkent shahar hokimligi tushuntirish berdi. Unga ko‘ra, Munitsipal aktivlarni boshqarish korxonasi bozor avtoturargohlarida mashinalarning haqiqiy turish vaqtini o‘rgandi.

Tahlil natijasiga ko‘ra, xaridorlarning aksariyatiga xarid qilish uchun ikki soatgacha vaqt yetarli ekani ma’lum bo‘ldi. Shu sababli dastlabki ikki soat uchun to‘lov miqdori o‘zgartirilmadi.

«Ikki soatdan ortiq qolish, odatda, bozor xodimlari, savdogarlar va faoliyati bozor hududi yoki unga tutash hududga bog‘liq bo‘lgan shaxslarga xos. Yangilangan tariflar, asosan, ushbu toifadagi foydalanuvchilarga ta’sir ko‘rsatadi, oddiy xaridorlarga emas», – deyiladi xabarda.

Hokimlikka ko‘ra, narxlarning yangilanishi avtoturargohlarni tartibga solish, dam olish kunlarida yuklamani kamaytirish...

O‘zbekistonda xizmat ko‘rsatgan madaniyat xodimi, taniqli rejissyor va teleboshlovchi Mirabbos Abdulhaqovich Mirzaahmedov 19-noyabr kuni 84 yoshida vafot etdi. Davlat rahbari marhumning oila a’zolariga hamdardlik bildirdi.

Mirzaahmedov 1941-yil 30-sentabrda Toshkentda ziyoli oilada tug‘ilgan, keyinchalik Toshkent teatr va rassomlik institutida kino va teatr san’ati aktori mutaxassisligida ta’lim olgan. U o‘z faoliyatini O‘zbekiston teleradiokompaniyasida rejissyor yordamchisi sifatida boshlagan va 60 yildan ortiq vaqt davomida televideniye sohasida samarali faoliyat yuritdi.

U «Yoshlar» tahririyati rejissyori, bosh rejissyor, «O‘zbekiston» telekanalining oliy toifali rejissyori, shuningdek, 40 yildan buyon efirga chiqib kelayotgan mashhur «Otalar so‘zi – aqlning ko‘zi» dasturining rejissyori va boshlovchisi sifatida millionlab tomoshabinlar mehrini qozongan.

O‘zbekistonda davlat korxonalarida boshqaruv xodimlari soni 10 foizgacha kamaytiriladi. Bu bo‘yicha prezident farmoyishida keltirilgan.

Unga ko‘ra, davlat korxonalaridagi xarajatlarni qisqartirish va faoliyat samaradorligini oshirishni muvofiqlashtiruvchi respublika komissiyasi tuziladi. Komissiya ikki oy ichida boshqaruv xodimlari sonini 10 foizgacha qisqartirish bo‘yicha aniq takliflarni prezident administratsiyasiga taqdim etishi lozim.

Shuningdek, davlat korxonalari keng iste’mol tovarlari bo‘yicha ehtiyojlarni qondirish uchun birgalikda xarid tizimini yo‘lga qo‘yadi. Zarur holatlarda ekspertlar va maxsus xarid tashkilotlari jalb etilishi mumkin.

Farmoyishda davlat korxonalarining prezident tomonidan berilgan topshiriqlardan tashqari holatlarda homiylik faoliyatini to‘xtatishi ham belgilandi.

Shuningdek, Hisob palatasiga «UzAssets» AJ bilan hamkorlikda strategik davlat korxonalari tomonidan 2026-yil uchun ishlab...

Turkiya Milliy ta’lim vazirligi tomonidan maktab dasturiga o‘zgartirish kiritilib, Markaziy Osiyo atamasi o‘rniga Turkiston tushunchasi qo‘llay boshlandi. Bu haqda Turkish Minute xabar berdi.

Vazir Yusuf Tekin bu qaror turk dunyosida birlikni mustahkamlash uchun qabul qilinganini aytdi. Uning so‘zlariga ko‘ra, maktab dasturidan imperiyaga oid ma’nolarni beruvchi geografik nomlar chiqarilmoqda.

Vazirlikning fikricha, tarixiy nomni qayta kiritish o‘quv dasturining mazmunini boyitadi va turk xalqlari o‘rtasidagi umumiylikni kuchaytiradi.

Rasmiy ma’lumotlarda ta’kidlanishicha, Turkiston – XIX asrgacha qo‘llanilgan tarixiy nom bo‘lib, turkiy tilli xalqlar yashagan hududlarni anglatgan.

Eslatib o‘tamiz, Kursiv Uzbekistan nashri Farg‘ona viloyati va Turkiya o‘rtasida $679,5 millionlik kelishuvlar imzolangani haqida yozgan edi.

Airbus direktorlar kengashi raisi Rene Oberman Yevropa davlatlarini Rossiyaning raketalariga javoban taktik yadro quroliga ega bo‘lishga chaqirdi.

Oberman o‘z nutqida Rossiya Yevropaga ochiq tahdid solayotganini ta’kidladi. Uning so‘zlariga ko‘ra, Kaliningrad va Belarus hududida joylashtirilgan «Iskander» raketalari mintaqa xavfsizligi uchun jiddiy xavf tug‘dirmoqda.

«Bizning Axilles tovonimiz (zaif nuqtamiz – tahr.) shundaki, Rossiya bizga ochiqchasiga tahdid solmoqda: bu Kaliningradda, shundoqqina ostonamizda joylashtirilgan “Iskander» raketalaridagi 500 dan ortiq taktik yadroviy jangovar kallaklardir”, — dedi Airbus rahbari.

Ushbu tahdidga qarshi turish uchun Germaniya, Fransiya, Buyuk Britaniya va boshqa davlatlar Rossiyani yadroviy tiyib turish bo‘yicha qo‘shma dastur ishlab chiqishi...

O‘zbekistonda I tarif guruhi iste’molchilari uchun elektr energiyasi sutka vaqtiga qarab uch xil narxda hisoblanadi. Bu haqda Elektr energiyasi, neft mahsulotlari va gazdan foydalanishni nazorat qilish inspeksiyasi ma’lumot berdi.

Ya’ni kunning qaysi paytida elektr ishlatilsa, narx ham shunga qarab o‘zgaradi. Unga ko‘ra:

Eslatib o‘tamiz, I tarif guruhiga asosiy va zaxira elektr ta’minoti uchun ulangan quvvati yigʻindisi 750 kVA va undan ortiq boʻlgan elektr energiyasi uchun tabaqalashtirilgan tarif boʻyicha hisob-kitob qilinadigan isteʼmolchilar kiradi.

Budjet tashkilotlari, suv ta’minoti tashkilotlari, fermer xoʻjaliklari va suv isteʼmolchilari uyushmalarining nasos stansiyalari, shuningdek, davlat budjetidan moliyalashtiriladigan nasos stansiyalari bundan mustasno.

Avvalroq O‘zbekiston va Afg‘oniston...