Yangiliklar

2023-yilda naqd pul tushumlarining umumiy miqdori 669 trln so’mni tashkil etdi, bu 2022-yilga nisbatan 28 foizga ko‘proqdir, deb sharh tayyorladi Markaziy bank.

Shu bilan birga, terminallar orqali tushumlar ulushi 34 foizdan 38 foizga ko‘tarilgan, savdo va xizmatlar sohasi terminallaridan tushumlar ulushi esa 37 foizdan 40 foizga oshgan.

Banklar orqali naqd pul aylanmasi ham 19 foizga oshib, 831 trln. so’mni tashkil etgan. Banklarga naqd pul tushumi 20 foizga oshgan va 414 trln soʻmlik koʻrsatkichni qayd etgan.

Bank kassalaridan, jumladan, bankomatlardan naqd pul yechib olish 17 foizga oshdi va 417 trln so‘mni tashkil etdi.

Bank kartalariga kirim hajmi 1,4 barobar...

Qozogʻistonning Seysmologiya tajriba-medotik ekspedisiyasi (STME) yangi yer osti silkinishlarini qayd etdi.

Jumladan, seysmologlar Toshkent vaqti bilan soat 12:19 da 4,5 balli yer qimirlashini payqashgan. Uning silkinish kuchi Qozogʻiston hududi boʻylab sezilmagan.

Soat 14:07 da epitsentri Xitoy hududida boʻlgan zilzila Olmaotada ham sezilgan, uning silkinish kuchi 2 ballni tashkil qilgan.

Soat 14:23 va 14:24 da Xitoyda 4,8 va 4,9 balli zilzilalar sodir boʻlgan. Silkinishlar kuchi Qozogʻistonda sezilmagan.

Avvalroq, «Kursiv» kecha tunda sodir boʻlgan zilziladan soʻng Olmaotada istiqomat qiluvchi 44 nafar fuqaro tibbiy yordam soʻrab murojaat qilgani haqida yozgandi.

Ekologiya va Sogʻliqni saqlash vazirligi havo sifatini monitoring qilish uchun milliy platforma va mobil ilovani ishga tushiradi.

Buning uchun loyiha doirasida 2023-yildan Surxondaryo, Buxoro, Xorazm viloyatlari hamda Qoraqalpogʻiston Respublikasida havo ifloslanishi ortidan aholining turli kasalliklarga chalinish darajasini oʻrganish boshlangan.

Bugungi kunda Oʻzbekistonda havo sifatini monitoring qilishda Atmosfera ifloslanishi umumiy indeksidan (IZA) foydalaniladi. U havoni ifloslantiruvchi zarralarning oʻrtacha yillik konsentratsiyasi asosida hisoblanadi.

Avvalroq, «Kursiv» 17-yanvar kuni Toshkent havosida PM2,5 zarralari miqdori JSST tomonidan ruxsat etilgan koʻrsatkichdan 23 barobarga oshib ketgani haqida yozgandi.

O‘zbekiston Markaziy banki 2024-yilda pul o‘tkazmalari hajmi 10-15 foizga, ya’ni 12-12,5 mlrd dollargacha oshishini prognoz qilmoqda. Bu haqda Markaziy bankning mehnat bozori sharhida aytiladi.

Ma’lum qilinishicha, mehnat muhojirlari uchun qo‘shimcha shart-sharoitlar yaratilishi va xorijdagi ishchilarga bo‘lgan talab joriy yilda migratsiya hamda pul o‘tkazmalari dinamikasini saqlab qolishga yordam beradi.

2023-yilda mamlakatga transchegaraviy pul o‘tkazmalari hajmi 2022-yildagi 3 foizga nisbatan 14 foizga oshdi.

Eslatib oʻtamiz, oʻtgan yilning bahor faslida Osiyo taraqqiyot banki Rossiya Federatsiyasidan Markaziy Osiyo mamlakatlariga pul oʻtkazmalari boʻyicha ijobiy tendensiyani qayd etgan edi.

Avvalroq, «Kursiv» o‘tgan yilning dekabr oyi boshida KWIKPAY to‘lov tizimi O‘zbekistonga pul o‘tkazmalarini yo‘lga qo‘ygani...

2023-yilda Ati.su birjasi orqali O‘zbekistonga yuk tashish bo‘yicha murojaatlar soni 51 foizga oshdi, deb xabar berdi «Kursiv»ga birja matbuot xizmati.

Shu bilan birga, ushbu turdagi xizmatlar narxi yil davomida chorak barobarga oshgan.

Eksport yetkazmalarida esa teskari tendensiya kuzatilmoqda. O‘tgan yili eksport arizalari soni 24 foizga kamaygan, narxlar esa 34 foizga oshgan.

Ati.su shuningdek, respublika bo’ylab ichki transportga bo’lgan talabning bir necha barobar ortganini qayd etdi. Ushbu ko‘rsatkichning o‘sishi iqtisodiyotning va xususan, onlayn savdo bozorining faol rivojlanishidan dalolat beradi.

«Ammo bu yerda mutlaq raqamlar kichik – ichki yo’nalishlarning aksariyatida yuk jo’natuvchilar raqamli xizmatlarga murojaat qilmasdan, yetkazib beruvchilarni an’anaviy usullarda topishni afzal...

Prezident Shavkat Mirziyoyev 23-yanvar kuni XXR raisi Si Szinpin taklifiga binoan Xitoyga joʻnab ketdi. Bu haqida prezident matbuot xizmati maʼlum qildi.

Davlat rahbari 23-25-yanvar kunlari ushbu mamlakatda boʻladi.

Shavkat Mirziyoyev davlat tashrifi doirasida oliy darajadagi muzokaralar va ikki tomonlama uchrashuvlar oʻtkazadi.

Avvalroq, «Kursiv» Xitoyning Urumchi shahrida «Oʻztoʻqimachiliksanoat» uyushmasining vakolatxonasi ochilishi haqida yozgandi.

O‘tgan yilning yoz faslida Toshkent viloyatida qattiq maishiy chiqindilarni (QMCh) utilizatsiya qilish bo‘yicha birinchi texnologik poligon qurilishi ma’lum bo‘lgan edi. U XX asrning 60-yillari oxirida ish boshlagan Ohangaron poligonining oʻrniga ishga tushadi.

«Kursiv» «Maxsustrans»ning chiqindilarni tashish va utilizatsiya qilish filiali rahbari Rafael Bekmullin bilan bugungi kunda eski va yangi inshootlarda davom etayotgan jarayon haqida suhbatlashdi.

Eski poligon taqdiri bilan nima bo‘ladi?

Eski chiqindi poligonining maydoni 59 gektarni tashkil etadi, shundan 40-45 gektar yer chiqindilarni utilizatsiya qilish uchun ajratilgan. Poligon rasman 1970-yillarda, aslida esa 60-yillarda ishga tushgan.

2019-yil iyun oyida O‘zbekiston prezidenti Shavkat Mirziyoyev yig‘ilishlardan birida poligonning...

Oʻzbekistonda kichik va oʻrta biznesni qoʻllab-quvvatlash uchun 83 trln soʻm ajratiladi. Prezident Shavkat Mirziyoyev tegishli qarorni imzoladi.

Shuningdek, sohaga xalqaro moliya institutlarining 247,5 million dollarga teng mablagʻi ham jalb etiladi.

Jumladan, kichik biznes subyektlariga 40 trln soʻm kredit koʻrinishida, 40 trln soʻm esa mikromoliyaviy xizmatlar koʻrsatish uchun yoʻnaltiriladi.

Kichik va oʻrta biznes loyihalarini moliyalashtirish uchun 1,5 trln soʻm ajratish belgilangan. 247,5 mln dollar esa tadbirkorlarning tashabbuslarini qoʻllab-quvvatlash uchun yoʻnaltiriladi.

Eslatib oʻtamiz, davlat rahbari 2023-yilning kuz faslida kichik biznesni moliyaviy jihatdan qoʻllab-quvvatlashga oid qarorni imzolagan edi. Shu maqsadda byudjetdan 6 trln soʻm ajratilishi belgilangan.

Avvalroq, «Kursiv» oʻtgan yilning...

Xitoyning Urumchi shahrida «O‘zto‘qimachiliksanoat» uyushmasining vakolatxonasi ochiladi, deb xabar qildi uyushma matbuot xizmati.

Vakolatxona 2024-yilning mart oyida Paxta va toʻqimachilik savdo markazida oʻz faoliyatini boshlaydi.

«O‘zto‘qimachiliksanoat» aksiyadorlik jamiyati ma’lumotlariga ko‘ra, O‘zbekiston Xitoy bozoriga asosan ip kalavasini yetkazib beradi. Xitoy esa sun’iy va sintetik tolalar jo‘natadi.

Ayni paytda Xitoyda O‘zbekiston to‘qimachilik korxonalarining uchta savdo uyi faoliyat yuritmoqda.

2023-yilda O‘zbekiston xorijga 3 mlrd dollarlik to‘qimachilik mahsulotlarini yetkazib bergan, bu o‘tgan yilga nisbatan 3,8 foizga kam bo’lgan. Eksportning asosiy qismini ip-kalava (41,1 foiz) va tayyor to‘qimachilik mahsulotlari (40 foiz) ni tashkil etgan.

Avvalroq, «Kursiv» Belarusning Smorgon shahrida o‘zbek paxtasidan ip-kalava ishlab...

Oʻzbekiston va Qirgʻiziston oʻrtasidagi savdo-sotiq aylanmasi 6 yil ichida 8 barobarga – 1,3 milliard dollarga oʻsdi. Bu haqida Oʻzbekistonning Oʻsh shahridagi Bosh konsuli Zafarbek Ahmedov va Qirgʻiziston savdo-sanoat palatasi Oʻsh viloyati boʻlimi rahbari Cholponboy Ermekov ishtirokidagi uchrashuv vaqtida maʼlum qilindi.

Ikki mamlakat vakillari joriy koʻrsatkichni kelgusida 2 milliard dollargacha yetkazish maqsad qilinganini aytib oʻtdilar.

Tomonlar uchrashuvda Oʻzbekiston va Qirgʻiziston tadbirkorlari uchun V2V formatida muzokaralar oʻtkazishga kelishib olishgan. Bundan tashqari, Andijon va Oʻsh shaharlariga biznes turlar tashkil etish ham rejalashtirilgan.

Avvalroq, «Kursiv» Oʻzbekiston Qirgʻiziston benzinining eng yirik importyori boʻlgani haqida yozgandi.

O‘zbekistonda «Sog‘liqni saqlash loyihalari markazi» davlat muassasasi tashkil etiladi. Yangi tuzilmaning vazifalari davlat tibbiy sugʻurta tizimini joriy etishni oʻz ichiga oladi, deyiladi mamlakat prezidenti Shavkat Mirziyoyev saytida.

Bir kun avval davlat rahbari O‘zbekistonda sog‘liqni saqlash tizimini isloh qilishni jadallashtirish bo‘yicha tashabbuslar bilan tanishdi. Markazning tashkil etilishi ana shu maqsadga xizmat qilishi kerak.

Markaz loyiha ofisi sifatida faoliyat yuritadi. U O‘zbekiston Sog‘liqni saqlash vazirligi tarkibiga kiradi. Yangi muassasaga xorijlik mutaxassislarni ham jalb qilish rejalashtirilgan.

Avvalroq, «Kursiv» O‘zbekiston elektron kassa varaqasiga o‘tgani haqida yozgan edi.

Qozog‘istonning Olmaota shahrida seshanbaga o‘tar kechasi sodir bo‘lgan zilzila oqibatida sakkiz kishi jabrlandi, deb xabar bermoqda «TASS» axborot agentligi.

Uch kishi xonadon derazasidan sakrash oqibatida jarohat olgan. Bir nafar jabrlanuvchi kasalxonaga yotqizilgan.

Olmaotada zilzila kuchi taxminan besh ballni tashkil etgan. Yer osti silkinishlaridan qo‘rqqan aholi uylarni tark etishga majbur bo‘lgan.

Eslatib o‘tamiz, 22-yanvarga o‘tar kechasi Qirg‘iziston-Xitoy chegarasida ketma-ket yer silkinishlari sodir bo‘lgan edi. Ularni Qozog‘iston va O‘zbekiston aholisi ham sezgan.

O‘zbekiston poytaxti va respublikaning boshqa hududlarida zilzilaning sezilish kuchi to‘rt ballni tashkil etgan.

Avvalroq, «Kursiv» O‘zbekistonda kuchli zilzilalar haqida ogohlantirish tizimi joriy etilishini e’lon qilgan...

22-yanvar kuni kecha yaqin Xitoy va Qirgʻiziston chegarasida 3 marta zilzila qayd etildi. Silkinishlarning eng kuchlisi 7 ballga teng boʻlgan. Yer osti silkinishlari Oʻzbekiston hududida ham sezilgan. Bu haqida Oʻzbekiston FVV Seysmoprognostik monitoring markazi maʼlum qildi.

Birinchi va eng kuchli silkinish Toshkent vaqti bilan 23:08 da qayd etilgan. U Andijon, Fargʻona, Namangan viloyati, shuningdek Toshkent shahri aholisiga ham sezilgan. Zilzila kuchi 3-4 ballni tashkil etgan.

Qozogʻiston FVV yer silkinishlari Olmaota, Ostona, Shimkent, shuningdek yana bir nechta hududlarda sezilganini maʼlum qilgan. Olmaota shahrida yer qimirlashining sezilish kuchi 5 ballgacha yetgan.

Oradan koʻp oʻtmay, soat 23:42 va 00:36 da Xitoy...

Bugun Oʻzbekiston boʻylab havo harorati 10-15, shimolda 0-5 daraja iliq boʻlishi kutilmoqda. Qoraqalpogʻiston Respublikasi va Xorazm viloyatining ayrim hududlarida yogʻingarchilik (yomgʻir va qor) kutiladi. Bu haqida «Oʻzgidromet» maʼlum qildi.

Respublikaning togʻli hududlarida yogʻingarchilik boʻlishi ehtimoli kam. Havo harorati 4-9 daraja iliqni tashkil etadi.

Toshkent shahrida ham yogʻingarchilik kutilmaydi. Shamol 3-8 m/s tezlikda esadi, havo harorati 13-15 daraja iliq boʻladi.

23- yanvar kuni Qatarda bo‘lib o‘tayotgan Futbol bo‘yicha Osiyo Kubogida O‘zbekiston terma jamoasi Avstraliyaga qarshi to‘p suradi.

B-guruhining 3-tur bahsi Toshkent vaqti bilan soat 16:30 Al-Vakra shahridagi «Al-Janub» stadionida boshlanadi.

Eslatib o‘tamiz, B-guruhdan joy olgan 2-tur natijalari bo‘yicha O‘zbekiston terma jamoasi to‘rt ochko jamg‘arib ikkinchi pog‘onadan o‘rin olgan edi. Guruh peshqadami Avstraliya terma jamoasi olti ochko jamlagan. Suriya vakillari bir ochko bilan uchinchi o‘rinda va guruh autsayderi Hindistonda ochko yo‘q.

Qirg‘iziston prezidenti Sadir Japarov «Kabar» axborot agentligiga bergan intervyusida Xitoy-Qirg‘iziston-O‘zbekiston temir yo‘lining o‘zini oqlash muddatini e’lon qildi.

Uning so‘zlariga ko‘ra, bu loyiha 35-40 yil ichida o‘zini oqlaydi, biroq uning amalga oshirilishi Qirg‘iziston Respublikasiga tranzit davlatga aylanish imkonini beradi. Japarovning ta’kidlashicha, xorijiy kreditlar moliyalashtirish uchun ishlatilmaydi.

Xitoydan O‘zbekistonga temir yo‘l qurish bo‘yicha kelishuv 2022-yil kuzida ShHT sammiti doirasida imzolangan edi. Loyiha 2023-yilda ishga tushirilishi rejalashtirilgan edi, biroq oʻsha yilning kuzida Qirgʻiziston hukumati uning 2024-yilga koʻchirilishini e’lon qilgan edi.

Xitoydan O‘zR’ga o‘tadigan temir yo‘lning taxminiy qiymati 5 mlrd dollarni tashkil etdi.Yo‘lning umumiy uzunligi qariyb 450 kilometrni tashkil etadi.

Avvalroq, «Kursiv...

22-yanvar, dushanba kuni Toshkent shahrida atmosferada PM2,5 miqdori ruxsat etilgan me’yordan 14,3 baravarga oshdi, deb xabar berdi «O‘zgidromet».

PM2.5 – changning mayda zarralari. Ular o’pka va yurak kasalliklari bo’lgan odamlar uchun zararli.

Shu bilan birga, CO va PM10 kontsentratsiyasi normal darajada ekanligi aniqlandi.

Avvalroq, Kursiv 17-yanvar kuni Toshkentda PM2.5 tarkibi normadan 23 baravarga oshgani haqida yozgan edi.

Toshkentda eski Toshkent tibbiyot akademiyasi hududidagi sobiq Kadet korpusi binosini restavratsiya qilish loyihasi tasdiqlandi, deb xabar bermoqda Madaniy meros agentligi.

Avvalroq, internetda binoning buzilishi mumkinligi haqida xabarlar tarqalgan edi. Keyinroq, Madaniy meros agentligi bu ma’lumotni rad etib, bino madaniy meros obyekti ekanligini ta’kidladi.

Eslatib o‘tamiz, bino XIX-asrda qurilganligini. Ilgari u 1900-yildan 1918-yilgacha mavjud bo’lgan Toshkent kadet korpusiga tegishli edi. Bugungi kunda bu yerda poytaxt tibbiyot akademiyasi joylashgan.

O‘tgan yili AQSh hukumati O‘zbekiston fuqarolarining 59,56 %ga noimmigratsion vizalar (B toifasidagi vizalar) berishdan bosh tortgan. Buni AQSh Davlat departamenti ma’lumotlari tasdiqlaydi.

Bu Markaziy Osiyo mintaqasidagi eng yuqori ko‘rsatkichdir. O‘tgan yili ushbu toifadagi vizalar ko‘proq qirg‘izistonliklarga (41,54%rad etish darajasi) va qozog‘istonliklarga (41,93%) berilgan. Turkmaniston va Tojikiston fuqarolari orasida deyarli har ikkinchi odamga rad javobi berilgan – 51,10% va 54,96%.

Rad javobini olganlar soni O‘zbekiston fuqarolariga qaraganda faqat to‘qqizta davlatda ko‘proq – Shimoliy Koreya (100%), Palau (100 %), Mikroneziya (100%), Liberiya (78,1%), Mavritaniya (76,43%), Laos (72,79%), Somali (69,89%), Nikaragua (65,6%), Mali (60,1%).

Eslatib o‘tamiz, Birlashgan Arab Amirliklari (BAA) va O‘zbekiston...

22-yanvar kuni O‘zbekiston valyuta birjasida dollarning o‘rtacha tortilgan qiymati 11,01 so‘mga ko‘tarildi. Bugun AQSh valyutasining kursi 12 418,01 so‘mni tashkil qildi.

Respublika tijorat banklari dollarni 12 345 – 12 390 so‘mdan xarid qilishmoqda va 12 425 – 12 470 so‘mdan sotishmoqda.

Avvalroq, Kursiv 19-yanvar kuni AQSh valyutasining qiymati 13,15 so‘mga pasaygan edi.

Mamlakatimizda minimal iste’mol xarajatlari (MIX) 621 ming so‘mga baholandi. Bu o‘tgan yilga nisbatan 9,3%ga ko‘pdir, deya xabar beradi Statistika agentligi.

O‘zbekistonda 2021-yildan boshlab MIX’ni hisoblash tartibi joriy etilgan. U inflyatsiya kutilmalari asosida hisoblab chiqiladi va kambag‘allik chegarasini aniqlash uchun ishlatiladi.

Aytish joizki, respublikada yillik inflyatsiya 8,8%ga oshgan. Shu bilan birga, oziq-ovqat mahsulotlari narxi o‘rtacha 9,7%ga ko‘tarildi.

Freedom Finance Global kompaniyasi buyurtmasi bilan URTG tomonidan har oyda O‘zbekiston aholisi o‘rtasida o‘tkazilayotgan so‘rov natijalariga ko‘ra, narxlar o‘sishiga qaramay, mamlakatimiz aholisining aksariyati moddiy farovonligi yaxshilanganini ma’lum qildi. O‘zbekistonliklar bu yil ham xuddi shunday yaxshilanishni kutishmoqda.

Avvalroq, «Kursiv» Osiyodagi koronavirus pandemiyasi kambag‘allarni...

Freedom Finance Global olti oydan buyon Markaziy Osiyo davlatlari: Qozogʻiston, Oʻzbekiston, Qirgʻiziston va Tojikiston aholisining iste’molchilik ishonchini, inflyatsiya va devalvatsion kutilmalarini oʻrganadi. 2023-yil dekabr tadqiqot uchun muhim oy bo‘ldi, chunki u yarim yillik xulosalar chiqarishga imkon berdi. Shuningdek, kalendar yilining tugashini hisobga olgan holda, respondentlardan 2024-yilga bo’lgan kutilmalari va 2023-yilda nima o‘zgargani haqida so‘radik.

O’tgan yilning dekabr oyida uchta mamlakatda iste’molchilar ishonchining umumiy pasayishi kuzatildi. Ayniqsa, to‘rtta Markaziy Osiyo davlatlarida  yirik xaridlarning qulayligi bo’yicha aholining baholari pasayish ko’rsatkichi bilan alohida ajralib turdi. Shunga qaramay, 2023-yilning ikkinchi yarmini ijobiy deb atash mumkin, chunki bu davrda iste’molchilarning ishonchi oshdi va yil ijobiy...

O‘zbekistonlik Feruza Kazakova boks bo‘yicha ayollar o‘rtasidagi Millatlar kubogida eng yaxshi deb topildi, deb xabar berdi O‘zbekiston Milliy olimpiya qo‘mitasi.

Serbiyada bo‘lib o‘tgan ushbu musobaqada O‘zbekiston terma jamoasi vakillari 11 ta medal – to‘rtta oltin, uchta kumush va to‘rtta bronzani qo‘lga kiritdi.

Jumladan, Feruza Kazakova, Aziza Yakubova, Sitora Turdibekova va Aziza Zokirova eng yuqori darajadagi medallarni qo‘lga kiritdi.

Kumush medallarni Saidaxon Rahmonova, Rayxona Qodirova va Navbahor Hamidova, bronza medalni Muxlisa Xushvaqtova, Moxinabonu va Xadichabonu Abdullayeva hamda Oltina Sotimboyevalar qo‘lga kiritdi.

Avvalroq, Kursiv o‘zbekistonlik bokschi Murodjon Axmadaliyev WBA chempionlik kamariga da’vogar bo‘lgani haqida...

Yoshlar siyosati va sport vazirligi o‘zgartiriladi, bu haqdagi qarorni prezident Shavkat Mirziyoyev imzoladi.

Boshqarma negizida Sport vazirligi tashkil etiladi. Shu bilan birga, Yoshlar masalalari agentligi Vazirlar Mahkamasi tasarrufiga o‘tkaziladi.

Sport vazirligi Toshkent shahridagi Abdulla Qodiriy ko‘chasi, 2-uyda joylashgan bo‘ladi, Yoshlar agentligi esa — Alisher Navoiy ko‘chasi, 11-uyda.

Avvalroq, Kursiv Yoshlar agentligi volontyorlar faoliyatini nazorat qilishi haqida yozgan edi.