Yangiliklar

Germaniyaning Henkel kompaniyasi Markaziy Osiyo va Kavkaz mintaqalari ofisini Rossiyadan Qozog‘istonga o‘tkazishni yakunladi, deb ma’lum qildi bo‘linma bosh direktori Mihail Yershov Sanoat vazirligida bo‘lib o‘tgan ishchi yig‘ilishda.

Uning so‘zlariga ko‘ra, ishlab chiqarish va logistika zanjirlarining tobora murakkablashib borayotgani kompaniyani Yevrosiyo makonida ishlab chiqarishni mahalliylashtirish haqida o‘ylashga majbur qilgan.

Henkelning mintaqada allaqachon ikkita ishlab chiqarish zavodlari bor – Kunaevdagi qurilish aralashmalari va gruntovka ishlab chiqaradigan zavod va Tbilisi yaqinidagi yelim ishlab chiqaradigan zavod.

Henkel o’z faoliyatini Yevrosiyo mintaqasining to‘qqizta davlatida – Qozog’iston, O’zbekiston, Tojikiston, Qirg’iziston, Turkmaniston, Mo’g’uliston, Ozarbayjon, Armaniston va Gruziyada olib boradi.

Eslatib o‘tamiz, Henkel’ning mintaqaviy vakolatxonasini O‘zbekistonga ko‘chirish...

Qarshi shahridagi Islom Karimov ko‘chasi va Mustaqillik shoh ko‘chasi bo‘ylab lavanda, xrizantema va 20 ming tup atirgul ko‘chatlari ekiladi, deb xabar beradi shahar hokimligi.

Parvarish va sug‘orishga alohida e’tibor qaratiladi, deyiladi xabarda.

Avvalroq shaharni obodonlashtirish xizmati xodimlari dekabr oyida viola gulini ekishgan.

Tanqidlarga javoban bu gullar sovuqqa chidamli ekanligini, shuning uchun ularni qishda ham ekish va «yilning eng sovuq oylarida» go‘zalligidan bahramand bo‘lish mumkinligini ta’kidladi hokimlik.

O‘zbekistonda qimmatbaho metallning jahon narxlari oshib borayotgani fonida oltin quymalari qimmatlashmoqda. Respublika Markaziy banki 13-apreldagi eng kichik hajmdagi 5 gramm 4,99 mln so‘mni tashkil qildi. Bu 9-aprel kuniga nisbatan 83 ming so‘mga qimmatroq.

Og‘irroq quymalar ham qimmatlashdi. 10 gramm uchun endi 9,82 mln o’rniga 9,98 mln to‘lash kerak bo‘ladi. 20 grammlik quyma esa xaridorga deyarli 19,97 mln (ilgari 19,63 mln)ga tushadi. 50 grammlik qimmatbaho metallning narxi deyarli 49,1 mln so‘mdan 49,9 mln so‘mga oshdi.

Eslatib o‘tamiz, 12-aprel kuni oltin jahon bozorida bir troya untsiyasi uchun $2400 chegarasidan o‘tib ketdi, bu tarixiy cho‘qqi hisoblanadi. Freedom Finance Global’ning yozishicha...

Xorazm viloyatining Urganch shahrida «Hamkorbank» bankomatini buzib ochgan 34 yoshli erkak qo‘lga olindi, deb xabar beradi Milliy gvardiya sayti.

Voqea Xonqa ko‘chasida sodir bo‘lgan. 12-aprel kuni soat 03:38 da Monitoring markazi qo‘riqlash bo‘limiga tashvish xabari kelib tushdi. Manzilga yetib kelgan xavfsizlik xodimlari bankomatning singan muhri va ochiq seyfni topdi. Milliy gvardiya hisobotida jinoyatchi seyfdan pul o‘g‘irlagani va yetkazilgan zarar miqdori aniqlanmagan.

«Yashirinishga uringan noma’lum shaxs voqea joyidan uzoq bo‘lmagan hududda qo‘lga olingan»— deyiladi xabarda.

Jinoyatchi Urganch shahar 2-sonli IIBga yetkazilgan.

Avvalroq «Kursiv» huquq-tartibot idoralari Urganchda ommaviy mushtlashuvning oldini olgani haqida yozgan edi. Tekshiruv davomida bunga ikki fuqaro o‘rtasidagi...

Isroilda yashovchi Oʻzbekiston fuqarolaridan mintaqadagi xavfli vaziyat tufayli oʻz uylarini zarurat tugʻilmasa tark etmasliklari soʻraldi. Bu haqda Oʻzbekistonning Isroildagi elchixonasi rasmiy bayonot berdi.

«Ushbu ziddiyatli kunlarda shaxsiy xavfsizlikka tahdid solishi mumkin boʻlgan holatlarni oldini olish uchun zaruratsiz yashab turgan joyingizni tark etmaslikni tavsiya qilamiz», — deyiladi xabarda.

Avvalroq «Kursiv» aprel oyi boshida Isroil Eronning Suriyadagi elchixonasiga hujum qilgani haqida xabar bergan edi.

Hukumat koʻmagi tufayli Oʻzbekistonda elektromobillar segmenti jadal surʼatlar bilan oʻsib bormoqda va 2024-yilning birinchi choragida umumiy avtomobil bozorining 10 foizini tashkil etdi. Bu haqda Autostat tahliliy agentligi ocus2move.com maʼlumotlariga tayanib xabar bermoqda.

Ushbu davrda avtomobillar impoti 89 938 donani tashkil etib, 26,8 foizga oʻsganini koʻrish mumkin.

«Elektromobil va boshqa avtomashinalarning import hajmi oshib bormoqda. Biroq Chevrolet ham bozordagi ulushini yoʻqotishiga qaramay, sotuvlar hajmini oshirmoqda», — deyiladi agentlik xabarida.

Avvalroq «Kursiv» yanvar oyida Oʻzbekistonga 1,6 mingta elektromobil import qilingani haqida xabar bergan edi.

Joriy yilning birinchi choragida Oʻzbekiston Rossiyaga 70 ming tonnaga yaqin meva-sabzavot eksport qildi. Bu 2023-yilning shu davriga nisbatan qariyb 1,8 barobar koʻp. Bu haqda «Interfaks» «Rosselxoz» maʼlumotlariga tayanib xabar bermoqda.

Qayd etilishicha, Oq karam eksporti 11 barobar – 3,2 ming tonnadan 38 ming tonnaga, xurmo – 6,2 barobar 233 tonnadan 1,5 ming tonnaga, gulkaram – 3,2 baravar 893 tonnadan 2,9 ming tonnagacha, sabzi – 3,3 baravar 1,5 ming tonnadan 4,9 ming tonnagacha oshgan.

«Rosselxoz»ning oʻtgan yilgi maʼlumotlariga koʻra, Oʻzbekiston Rossiya federatsiyasiga 39,5 ming tonna meva-sabzavot yetkazib bergan.

Avvalroq «Kursiv» Oʻzbekiston 2024-yilning dastlabki ikki oyida $150 mlnlik meva-sabzavot eksport qilgani...

Oʻzbekiston hukumati mamlakatga elektron sigaretalar olib kirish, realizatsiya qilish va ishlab chiqarishni taqiqlashi mumkin. Qonun loyihasi Sogʻliqni saqlash vazirligi tomonidan ishlab chiqilib, hujjat Normativ-huquqiy hujjatlar loyihalari muhokamasi portalida eʼlon qilindi.

Shuningdek, elektron sigaretalardan tashqari, tamaki isitish tizimlari ham taqiqlanishi mumkin.

Soʻnggi yillarda mamlakatimizga tamaki mahsulotlarining «zamonaviy va innovatsion» turlari, yaʼni elektron sigaretalar importi keskin oshgan. Bu Oʻzbekiston aholisi uchun sogʻlom turmush tarzini shakllantirishga qaratilgan saʼy-harakatlar fonida sodir boʻlmoqda.

Qarama-qarshilikni bartaraf etish uchun Oʻzbekiston Sogʻliqni saqlash vazirligi elektron sigaretalar, ular uchun suyuqliklar va tamaki isitish tizimlarining muomalasini taqiqlashni taklif qilmoqda.

Qonun talablarini buzganlik uchun ham maʼmuriy, ham jinoiy javobgarlikni joriy...

Belarus respublikasi Markaziy Osiyo davlatlariga mart oyida 9,6 ming tonna, aprel oyi boshidan beri esa 8,4 ming tonna shakar eksport qilib, Rossiyaning eksportdagi oʻrini qisman egallamoqda, deya xabar beradi Sugar.ru portali.

Rossiya federatsiyasidan shakar eksportining taqiqlanishi va xomashyo yetkazib berishning qisqarishi kutilmoqda.

Oy boshidan buyon Oʻzbekistonga temir yoʻl orqali bor-yoʻgʻi 3,1 ming tonna Rossiya shakar xomashyosi olib kelingan. Taqqoslash uchun mart oyida rekord daraja 48,8 ming tonnaga yetgan edi.

Avvalroq Oʻzbekiston Qishloq xoʻjaligi vazirligi Rossiyaning shakar eksportiga taqiqi Oʻzbekistonga taʼsir qilmasligi haqida maʼlum qilgan edi.

«Humo Arena» muz saroyida xokkey boʻyicha Oʻzbekiston oʻsmirlar terma jamoasi taqdimoti boʻlib oʻtdi. Marosim Osiyo va Okeaniya kubogi oldidan boʻlib oʻtdi.

Taqdimot marosimida yigʻilganlar terma jamoa tarkibi bilan shaxsan tanishish va terma jamoa bosh murabbiyi Abdumadjid Nosirovning tabrik soʻzini eshitish imkoniga ega boʻldi. Jamoamiz vakillari barcha xokkey ishqibozlarini jamoamizni qoʻllab-quvvatlashga va turnirda ishtirok etuvchi jamoalar oʻrtasidagi qiziqarli uchrashuvlarning guvoh boʻlishga taklif qildi.

Maʼlumot uchun, Osiyo va Okeaniya kubogi 23–30-aprel kunlari Toshkent va Samarqand shaharlarida boʻlib oʻtadi. Vakillarimiz musobaqaning amaldagi gʻolibi sifatida yurtimiz sharafini himoya qiladi.

Musobaqaning ochilish oʻyini 23-aprel kuni «Humo Arena»da boʻlib oʻtadi. Unda Oʻzbekiston termaga jamoasi Eron bilan...

Qozogʻiston hukumati ichki bozorda yoqilgʻi balansini saqlash maqsadida 92 va 93 markali benzin va dizel yonilgʻisining narxini xorijliklar uchun oshirmoqchi. Bu haqda Qozogʻiston Energetika vazirligi xabar bermoqda.

Qozogʻiston mintaqadagi yonilgʻi materiallarining narxi eng past boʻlgan mamlakat qaroriga kiradi. Bu esa neft mahsulotlarining boshqa mamlakatlarga tarqalishi va «kulrang» eksport xavfini keltirib chiqarmoqda.

Unga koʻra, hujjat loyihasida 92 va 93 markali benzin narxi xorijliklar uchun 205 tengedan 245 tengegacha (5811 soʻmdan 6945 soʻmga), dizel yonilgʻisi narxi 295 tengedan 315 tengegacha (8363 soʻmdan 8930 soʻmgacha) oshirilishi koʻzda tutilgan.

Vazirlik maʼlumotiga koʻra, mamlakat fuqarolari uchun narxlar oʻzgarishsiz qoladi.

Avvalroq «Kursiv» «Gazprom» Oʻzbekistonga yetkazib...

11-aprel kuni Oʻzbekiston tashqi ishlar vaziri Baxtiyor Saidov Minskda Belarus prezidenti Aleksandr Lukashenko bilan uchrashdi.

Belarus hukumati Oʻzbekiston bilan, xususan, BelAZga o‘xshashagan qoʻshma korxonalar yaratishdan manfaatdor ekanligini bildirdi.

«Biz kelishib olgan qoʻshma korxonalarni yaratishga alohida eʼtibor qaratishingizni soʻrayman. BelAZ va shu yoʻnalishdagi boshqa loyihalarda jiddiy ishlaylik. Biz bundan manfaatdormiz», — dedi Lukashenko Saidov bilan uchrashuvda.

Davlat rahbarining soʻzlariga koʻra, mamlakatlar oʻzaro tovar ayirboshlash hajmini $1 milliardgacha oshirishni rejalashtirmoqda.

Avvalroq «Kursiv» Lukashenkoning Oʻzbekiston prezidenti Shavkat Mirziyoyev bilan uchrashuvi haqida xabar bergan edi.

Rossiyalik shifokorlar Toshkentga tashrif buyurib, oʻzbekistonlik hamkasblari bilan uchrashuv oʻtkazadi. Bu haqda Rossiya federatsiyasining mamlakatimizdagi savdo vakolatxonasi xabar bermoqda.

Tadbir 17-aprel kuni «Oʻzekspomarkaz»ning bosh pavilyonida boʻlib oʻtadi. Marosimda «Volgogradda davolanish» loyihasining taqdimoti boʻlib oʻtadi. Shuningdek, bolalar salomatligi, ginekologiya va akusherlik, kosmetologiya, onkologiya, travmatologiya va ortopediya sohalari mutaxassislari maʼruza qilishi kutilmoqda.

Rossiya va oʻzbekistonlik mutaxassislar kasalliklarning oldini olish va tibbiy yordam koʻrsatish, sogʻlomlashtirish turizmini rivojlantirish masalalarini muhokama qiladi.

Shuningdek, poytaxtda 16–18-aprel kunlari Oʻzbekistonda «Sogʻliqni saqlash – TIHE 2024» xalqaro tibbiyot koʻrgazmasi boʻlib oʻtadi.

Avvalroq «Kursiv» tibbiy teledasturlarning rossiyalik boshlovchisi Yelena Malisheva Oʻzbekiston sogʻliqni saqlash aʼlochisi boʻlganligi haqida xabar bergan...

Aripov Muzaffar Piskent tumani hokimi vazifasini vaqtincha bajaruvchi etib tayinlandi. Bu haqda Toshkent viloyati hokimligi matbuot xizmati xabar bermoqda.

Aripov lavozimga tayinlangunga qadar, Toshkent viloyati hokimligi Tashkiliy-kadrlar guruhi rahbari lavozimida faoliyat yuritgan.

Piskent tumani hokimi lavozimida ishlab kelayotgan Nodirbek Yakubov oʻz arizasiga binoan egallab turgan lavozimidan ozod qilindi.

Maʼlumot uchun, Muzaffar Aripov 1985-yilda Toshkent viloyatida tugʻilgan. Maʼlumoti – oliy. 2010-yilda Toshkent davlat agrar universitetini, 2020-yil Oʻzbekiston respublikasi prezidenti huzuridagi Davlat boshqaruvi akademiyasini tamomlagan.

Avvalroq «Kursiv» Sirdaryo viloyati Sayxunobod tumaniga yangi hokim tayinlangani haqida xabar bergan edi.

2023-yilda Oʻzbekiston respublikasi aholisining oʻrtacha yoshi 29 yoshni tashkil etgan. Bu haqda Statistika agentligi maʼlum qildi.

Jins boʻyicha:

erkaklar uchun – 28,3 yosh

ayollar uchun – 29,7 yosh oʻrtacha koʻrsatkich sifatida qayd etilgan.

Maʼlumot uchun, 2023-yilda Oʻzbekistonda doimiy aholining oʻrtacha umr koʻrish davomiyligi 74,7 yoshni tashkil etgan.

Avvalroq «Kursiv» Oʻzbekistonda erkaklar va ayollarning umumiy soni haqida xabar bergan edi.

Tyumen viloyati Savdo-sanoat palatasi Oʻzbekistonda palata manfaatlarini ifodalovchi «SIBERIA WEAL» kompaniyasining ochilganini eʼlon qildi. Bu haqda Rossiyaning Oʻzbekistondagi savdo vakolatxonasi matbuot xizmati xabar bermoqda.

«Tyumen viloyati Savdo-sanoat palatasi tomonidan Oʻzbekistonda tashkil etilgan “SIBERIA WEAL» kompaniyasi Tyumendagi korxonalar va Rossiyaning boshqa mintaqalaridagi kompaniyalarga Oʻzbekiston bozoriga kirish uchun barcha turdagi xizmatlarni taqdim etadi”, — deyiladi xabarda.

U yuridik shaxsni roʻyxatdan oʻtkazish, buxgalteriya hisobini yuritish, «Made in Uzbekistan» sertifikatini berish jarayonlarini qoʻllab-quvvatlaydi. Shuningdek, potensial xorijiy hamkorlarni topishda yordam beradi.

Avvalroq Xitoyning Urumchi shahrida «Oʻztoʻqimachiliksanoat» uyushmasining vakolatxonasi ochilishi haqida xabar berilgan edi.

Oʻzbekistonda 2024-yilning dastlabki uch oyida tibbiy tez yordam xizmatiga 686 ta yolgʻon murojaat kelib tushgan. Bu haqda Respublika shoshilinch tibbiy yordam markazi direktori Abduvoitjon Gʻofurov maʼlum qildi.

Taqqoslash uchun, 2023-yilning shu davrida bu koʻrsatkich 893 tani tashkil etgan edi.

Yolgʻon qoʻngʻiroqlar eng koʻp Buxoro viloyatida — 137 ta, Toshkent shahrida — 133 ta kelib tushgan. Shuningdek, Qashqadaryo viloyatidan 110 ta, Andijon viloyatidan 58 ta, Fargʻona viloyatidan 57 ta murojaat kelib tushgan. Eng kam yolgʻon qoʻngʻiroqlar Sirdaryo viloyatida qayd etilgan – atigi 1 ta.

Avvalroq «Kursiv» Oʻzbekiston tez tibbiy yordam xizmati yana 30 dona yangi avtomashina olgani haqida xabar...

2024-yilning yanvar-fevral oylarida Oʻzbekistonga 16 ta xorijiy davlatlardan qiymati $58,5 mln teng boʻlgan 5 058 ta yuk avtomobillari import qilingan. Bu haqda Statistika agentligi xabar bermoqda.

Unga koʻra, Oʻzbekistonga 2 oyda yuk avtomobillarini eng koʻp import import qilgan davlatlar orasida Xitoy 4420 dona bilan yetakchilik qildi. Shuningdek, Koreyadan 503 dona, Rossiyadan 46 dona, Polshadan 38 dona, Germaniyadan 12 dona yuk mashinalari ham import qilingan.

Yuk avtomobillari importi oʻtgan yilning mos davriga nisbatdan 39 donaga kamaygan.

Avvalroq «Kursiv» 2023-yilda nazoratdan oʻtkazilgan 762 855 yuk avtomobillarining 1909 tasi ortiqcha yuk bilan harakatlangani haqida xabar boʻlgan edi.

Oʻzbekistonning Rossiyadagi elchisi Botirjon Asadov yoʻl-transport hodisasida jabrlangan vatandoshlarimizni koʻrish uchun Samara viloyatiga tashrif buyurdi.

Samara viloyati sogʻliqni saqlash vaziri Armen Benyanning soʻzlariga koʻra, YTHda jabrlanganlarning barchasiga hududdagi toʻrtta shifoxonada tibbiy yordam koʻrsatilmoqda.

Bugungi kunda 18 nafar bemorning ahvoli oʻrtacha, ikki nafarining ahvoli qoniqarli, yana ikki nafarining ahvoli ogʻirligicha qolmoqda.

Eslatib oʻtamiz, 8-aprelga oʻtar kechasi ichida o‘zbekistonliklar bo‘lgan Chimkent-Nijniy Novgorod yoʻnalishi boʻylab harakatlanayotgan avtobus ishtirokida YTH sodir boʻlgan edi.

Andijonda 42 milliard soʻmlik yoʻl qurilishi loyihasini tadbirkorga olib bermoqchi boʻlgan shaxslar qoʻlga olindi. Bu haqda DXX matbuot xizmati xabar berdi.

Ular yuqori lavozimda ishlovchi tanishlari orqali, MCHJga Asaka tumanidagi «4R-112» avtomobil yoʻlining 4 km qismiga asfalt-beton qoplamasini yotqizish boʻyicha loyihani olib berish evaziga, loyiha uchun ajratiladigan 42 mlrd soʻmning 10 foizini (4,2 mlrd soʻm) berishini talab qilishadi.

Fuqarolar soʻralgan pul mablagʻ hisobidan $20 ming olgan vaqtida ashyoviy dalillar bilan ushlandi.

Hozirda ularga nisbatan Jinoyat kodeksining 168-moddasi (Firibgarlik) va 211-moddasi (Pora berish) bilan jinoyat ishi qoʻzgʻatilib, qamoqqa olish tarzidagi ehtiyot chorasi qoʻllanildi.

Avvalroq Osiyo taraqqiyot banki Oʻzbekistonda «Sement-beton qoplamali ichki...

Oʻzbekistonda 2024-yilda iqtisodiy oʻsish sekinlashishi, 2025-yilda esa bu koʻrsatkich biroz oʻsishi kutilmoqda. Bu tartibga solinadigan narxlarning oshishi uy xoʻjaliklarining real daromadlarining oʻsishini cheklab, talabni kamaytirish sababli sodir boʻladi. Bu haqda Osiyo taraqqiyot bankining (OTB) «Osiyo–Tinch okeani mintaqasi uchun iqtisodiy prognozlar: 2024-yil aprel» nomli yangi hisobotida maʼlum qilindi.

Ayniqsa xizmatlar va qishloq xoʻjaligi sohasida oʻsish surʼatining sekinlashishi kutilmoqda, sababi tartibga solinadigan narxlarning oshishi real ichki talabning oʻsishini cheklaydi. Hisobotda 2024-yilda u 5,5 foizgacha sekinlashishi, 2025-yilda esa sanoatning oʻsishi fonida 5,6 foizgacha koʻtarilishi keltiriladi.

OTB tahlilchilari oʻtgan yili sanoat va qishloq xoʻjaligining oʻsishi hisobiga iqtisodiy oʻsish tezlashganini taʼkidlamoqda. Qattiq pul-kredit siyosati...

Mart oyida eksportga yoʻnaltirilgan 37 ta yangi kompaniya IT Park rezidenti boʻldi. Ular orasida xorijiy kapital ishtirokidagi 19 ta kompaniya bor.

Kompaniyalar orasida Yaponiyaning kompyuter oʻyinlari ishlab chiqishga ixtisoslashgan «TOYBEEZ» MCHJ va dasturiy taʼminotni ishlab chiqish, ularga xizmat koʻrsatishga ixtisoslashgan «H AND K GROUP» MCHJ kompaniyalari bor.

Mart oyining yangi rezidentlari xorijiy mamlakatlarga $10 million ortiq mahsulot va xizmatlarni eksport qilishni rejalashtirmoqda. Faoliyat yoʻnalishlari orasida: IT va BPO xizmatlari, dasturiy taʼminotni ishlab chiqish, dizayn va multimedia bor.

Asosiy eksport bozorlari AQSH, Yevropa davlatlari, Estoniya, BAA, Hindiston, Yaponiya, Janubiy Koreya va MDH davlatlari boʻladi.

Taqdim etilgan biznes-rejaga koʻra...

IQAir maʼlumotlariga koʻra, 11-aprel kuni Toshkent shahrida havoning ifloslanish darajasi JSST tavsiya qilgan meʼyordan 8,5 baravar ko‘proqqa oshgan.

Havo indeksi 118 ni tashkil qiladi. Soat 12:16 holatiga koʻra atmosferadagi PM2,5 zarrachalarining tarkibi 42,5 mkg/m3 ga yetgan. Bu inson salomatligi uchun zararli deb hisoblanmoqda.

Boshqa mayda zarralarning tarkibi – PM10 – 42,7 mkg / m3 ni tashkil etdi.

Eslatib oʻtamiz, 8-aprel kuni PM2,5 kontsentratsiyasi meʼyordan 1,5 baravarga oshgan edi.

Ogʻir atletika boʻyicha Oʻzbekiston terma jamoasi Tailandning Pxuket shahrida oʻtayotgan Jahon kubogida dastlabki medallarini qoʻlga kiritdi.

Unda erkaklar oʻrtasida -109 kg vazn toifasida «A» guruh bahslarida Oʻzbekiston sharafini himoya qilgan Akbar Joʻrayev dast koʻtarishda 189 kg , siltab koʻtarishda 227 kg va ikkikurash natijasiga koʻra 416 kg natija bilan uchchala yoʻnalishda ham oltin medalga sazovor boʻldi.

Shuningdek, ushbu vazn toifasida ishtirok etgan yana bir vakilimiz Sharofiddin Amriddinov esa dast koʻtarishda 170 kg natija bilan bronza medalini qoʻlga kiritdi.

Avvalroq «Kursiv» Ruslan Nuriddinov ogʻir atletika boʻyicha 5-karra Osiyo chempioni boʻlgani haqida xabar bergan edi.