Yangiliklar

«TIME» jurnali Xiaomi kompaniyasini 2024-yilgi «TIME100 eng nufuzli kompaniyalar» roʻyxatiga kiritdi. Bu haqda «Kursiv»ga korporatsiyaning O‘zbekistondagi vakillari ma’lum qildi.

Unga koʻra, «TIME» jurnali 2024-yilning mart oyida Xitoyda «Xiaomi» kompaniyasining ilk «aqlli» elektromobili Xiaomi SU7 seriyasini muvaffaqiyatli ishga tushirilganini qayd etdi. Kompaniya Xiaomi SU7 seriyasi sotuvga chiqarilgandan birinchi oyning oʻzida buyurtmalar va yetkazib berishlar soni bilan sanoatda yangi rekord oʻrnatdi.

Kompaniya kelgusi 15 – 20 yil ichida Xiaomi dunyoning yetakchi beshta avtomobil ishlab chiqaruvchilaridan biriga aylanish va ilgʻor texnologiyalar sohasida yetakchi boʻlishni rejalashtirmoqda.

Ma’lumot uchun, Xiaomi korporatsiyasiga 2010-yil aprelda asos solingan va 2018-yil 9-iyulda «Gonkong» fond birjasining asosiy panelida (1810.HK) roʻyxatdan...

Oʻzbekistondagi toʻqqizta bankda bolalar uchun plastik karta ochirish mumkin. Bu haqda Bankers.uz xabar bermoqda.

Ma’lum qilinishicha, bolalar uchun kartaning aksariyat banklarda KIDS CARD nomi bilan yuritiladi va imkoniyatlari odatiy kartadan farqlanmaydi.

Garant bank

Garant bank UZCARD va HUMO tizimlarida rasmiylashtirish mumkin boʻlgan KIDS CARD bolalar kartalarini taqdim etadi.

Kartaning shartlari:

Ipoteka bank

Mazkur bank bolalar uchun HUMO JUNIOR va UZCARD KIDS kartalarini taklif qilmoqda.

Kartalarning qulayliklari va shartlari :

5-iyun kuni O‘zbekiston Respublika valyuta birjasida dollarning o‘rtacha tortilgan qiymati 11,00 so‘mga o‘sdi va 12 676,03 so‘mni tashkil qildi.

Bugun banklar AQSh valyutasini 12 605 – 12 650 so‘mdan xarid qilishmoqda va 12 690 – 12 725 so‘mdan sotishmoqda.

Eslatib o‘tamiz, 4-iyun kuni dollarning o‘rtacha narxi 50,08 so‘mga, 3-iyun kuni esa 15,10 so‘mga ko‘tarilgan edi.

Sabine Mahl BMTning Oʻzbekistondagi yangi doimiy koordinatori boʻldi, deb xabar qildi tashkilotning Toshkentdagi vakolatxonasi matbuot xizmati.

Mahl xalqaro tashkilotlarda 22 yillik ish tajribasiga ega. U Indoneziya, Falastin va Qirg‘izistondagi BMT Ayollar bo‘limlarini boshqargan.

2007-yildan 2011-yilgacha YeXHTning etnik ozchiliklar bo‘yicha Oliy komissarligi rahbari va katta maslahatchisi lavozimlarida ishlagan.

2005 – 2007-yillarda YeXHTning Qirgʻizistondagi markazi rahbari oʻrinbosari boʻlib ishlagan.

Birlashgan Millatlar Tashkilotining O‘zbekistondagi doimiy koordinatori etib tayinlanishidan oldin Mahl Gruziyada xuddi shunday lavozimda ishlagan.

Avvalroq «Kursiv» Akmal Saidov BMT Inson huquqlari qo‘mitasi tarkibiga kiritilgani haqida yozgan edi. U ushbu tashkilotning IHQga a’zo bo‘lgan birinchi...

2024-yilning yanvar-may oylarida Olmaliq kon-metallurgiya kombinati (OKMK) tomonidan 232,4 million dollarlik mahsulot eksport qilindi, deb xabar qildi korxona matbuot xizmati.

O‘tgan yilning shu davriga nisbatan savdo hajmi 21 foizga kamaydi. Biroq eksport hajmi prognozdan 7 foizga oshib ketdi. Shu davrda OKMK tomonidan xorijga 20 ming tonna mis, 11 ming tonna rux, 310 tonna molibden mahsulotlari, shuningdek, 8,3 ming tonnadan ortiq qoʻrgʻoshin kontsentrati sotildi.

«Aytish joizki, kombinat mahsulotlari 20 dan ortiq davlatlarga eksport qilinmoqda. Yildan-yil mahsulotlar eksport geografiyasi kengaymoqda. Jumladan, 2023 yilda mis katankasi va mis kuporosi eksportida yangi bozorlar – Amerika Qo‘shma Shtatlari, Meksika va Finlyandiya kabi davlatlar o‘zlashtirildi», deya...

Xitoyning 10 dan ortiq shaharlarida O‘zbekiston savdo uylari ochiladi. Bu haqda «Kursiv»ga eksportchilar uyushmasi raisi o‘rinbosari Bobur Rasulev ma’lum qildi.

Savdo uylari Rijou, Zibo, Yantai, Shenyang, Panjin, Shangxai, Guangjou, Nantong, Yangjou va boshqa shaharlarida ochilishi ko‘zda tutilmoqda.

Shu tariqa O‘zbekiston prezidenti Shavkat Mirziyoyevning Xitoyga qishloq xo‘jaligi mahsulotlari eksportini ko‘paytirish to‘g‘risidagi apreldagi qarori amalga oshirilmoqda.

Avvalroq «Kursiv» Rossiyaning beshta shahrida O‘zbekiston savdo vakolatxonalari ochilishini e’lon qilgan edi.

Rossiyalik kosmonavt Oleg Kononenko koinotda 1 ming kun bo‘ldi va kosmik parvozlarning umumiy davomiyligi bo‘yicha jahon rekordini o‘rnatdi, deb xabar berdi «Roskosmos».

Rekord 5 iyun kuni qayd etilgan. Umuman olganda, kosmonavt beshta kosmik parvozni amalga oshirdi.

Avvalgi rekordni Kononenkoning hamyurti Gennadiy Padalka o‘rnatgan bo‘lib, u koinotda jami 878 kun bo‘lgan.

Avvalroq «Kursiv» Xitoy to‘rtta sun’iy sputnikni Yer orbitasiga olib chiqqani haqida yozgan edi.

Joriy yilning iyun oyi holatiga koʻra, 3,1 mln nafar fuqaro pensiyani naqdsiz shaklda olishi ma’lum boʻldi. Bu haqda Pensiyaga jamgʻarmasi matbuot xizmati xabar bermoqda.

Joriy yilning iyun oyi toʻlov roʻyxatlariga 4 mln nafar pensiya oluvchilar kiritilgan. Ulardan pensiya toʻlovlarini naqd pulsiz shaklda oluvchilar 3,1 mln nafarni yoki jami oluvchilarning 77 foizni tashkil qiladi.

Shuningdek, pensiyani naqdsiz shaklda oluvchilarga iyun oyi uchun mablagʻlar toʻliq moliyalashtirib berilgani ta’kidlandi.

Pensiya pullarini naqd shaklda oluvchilarga joriy oy toʻlovlari tasdiqlangan grafiklarga asosan Xalq bankining sayyor kassalari tomonidan yetkazib berilishi ma’lum qilindi.

Avvalroq «Kursiv» bola parvarishi davrida ish staji qanday hisoblanishi haqida xabar bergan...

Yaqin kunlarda Moskva, Sankt-Peterburg va Rossiyaning yana uchta shahrida, shuningdek, Xitoyda O‘zbekistonning savdo uylari ochiladi. Bu haqda «Kursiv»ga eksportchilar uyushmasi raisi o‘rinbosari Bobur Rasulev xabar berdi.

 «Yaqin kelajakda Moskva, Sankt-Peterburg, Novosibirsk, Tatariston (Qozon) va Boshqirdiston (Ufa) shaharlarida Oʻzbekistonning savdo vakolatxonalari ochilishi kutilmoqda», dedi Rasulev.

Uning qoʻshimcha qilishicha, Oʻzbekiston eksportchilari Rossiyaning ushbu shaharlari bilan iqtisodiy aloqalarni rivojlantirgan.

Savdo uylari Rossiya mintaqalarining bozorlari va marketing strategiyalarini o‘rganishadi.

Assotsiatsiya vakilining aytishicha, O‘zbekiston Xitoy va Yevropa davlatlarida o‘nga yaqin savdo vakolatxonasini ochishni ham rejalashtirgan.

Avvalroq «Kursiv» Ivanovo viloyatida Oʻzbekiston Savdo-sanoat palatasining Savdo uyi ochilganini e’lon qilgan edi.

Qoʻshni Qozogʻistonda Qurbon hayiti bayrami 17-iyun sanasiga belgilandi va mamlakat aholisi ketma-ket 15, 16 va 17-iyun kunlari dam oladi.

Oʻzbekistonda ham Qurbon hayiti 17-iyun kuni nishonlanishi kutilmoqda, lekin bu hozircha rasman tasdiqlangani yoʻq. Oʻzbekiston Musulmonlar idorasi tomonidan Qurbon hayitining aniq sanasi e’lon qilinmagan. Agar bayram 17-may (dushanba) kuniga to‘g‘ri kelsa, o‘zbekistonliklar ko‘proq dam oladi.

Ma’lumot uchun, Qurbon hayiti Ramazon oyi tugaganidan keyin 70-kundan soʻng nishonlanadi. Har yili bayram sanasi, oy taqvimiga koʻra, taxminan 10 kunlik farq bilan oʻzgaradi.

Eslatib o‘tamiz, Ramazon hayiti 10-aprel kuniga toʻgʻri kelgan edi.

Avvalroq «Kursiv» Ramazon hayiti munosabati bilan Samarqandga qo‘shimcha reys qo‘yilgani haqida...

O‘zbekistondagi aholi punktlarining qariyb 93 foizi yuqori tezlikdagi internet bilan ta’minlangan, ijtimoiy obyektlar bo‘yicha bu ko‘rsatkich 100 foizni tashkil etadi, deya xabar berdi «O‘zbektelekom» AK matbuot kotibi Timur Mamajonov O‘zbekiston Axborot va ommaviy kommunikatsiyalar agentligida bo‘lib o‘tgan brifingda.

Toshkent va Samarqand beshinchi avlod internet aloqasi (5G) bilan to‘liq ta’minlangan.

5G tez orada Qoraqalpog‘istonda va O‘zbekistonning barcha viloyatlarida ham mavjud bo‘ladi.

O‘tgan yili korxona tomonidan 60 ming kilometrdan ortiq aloqa liniyalari yotqizildi. Ularning umumiy uzunligi 233 ming km.ga oshdi.

Avvalroq «Kursiv» 2025-yil yanvaridan O‘zbekistondagi tarmoq provayderlari tashqi internetga to‘g‘ridan-to‘g‘ri ulanish imkoniyatiga ega bo‘lishi haqida yozgan edi.

Ziyadulla Karimov Sirdaryo viloyatining Sardoba tumani hokimi etib tayinlandi, deb xabar qildi O‘zA agentligi.

Karimov tuman rahbari etib tayinlanguniga qadar Sirdaryo viloyati Davlat aktivlarini boshqarish agentligi rahbari lavozimida ishlab kelgan.

Eslatib o‘tamiz, Sardoba viloyatining sobiq rahbari Akmal Mirzayev Sirdaryo viloyati hokimining o‘rinbosari etib tayinlangan edi.

Avvalroq «Kursiv» Komiljon Mullajonov Sayxunobod tumaniga hokim bo‘lgani haqida yozgan edi.

AQSh dollari kursining barqarorlashishi oltin va kumushning jahon narxlarida pasayishiga olib keldi, deb xabar beradi «Trading economics» portali.

Chorshanba kuni ertalabki ma’lumotlarga ko‘ra, oltin unsiyasi $2,3 mingga baholanmoqda, kumush – $30 past.

Ayni damda investorlar Qo‘shma Shtatlardagi may oyidagi bandlik hisoboti e’lon qilinishini kutishmoqda. Bu qimmatbaho metallarning narxiga ta’sir qilishi mumkin. Bundan tashqari, bozor ishtirokchilari asosiy sanoat kumush iste’molchilari uchun vaziyatni baholashda davom etmoqdalar.

Qimmatli qog‘ozlar bozorida Nvidia (+1,53 foiz) va P&G (+1,48 foiz) aksiyalari qiymatining o‘sishi kuzatilmoqda. Exxon Mobil aksiyalari arzonlashmoqda (-1,44 foiz).

Avvalroq «Kursiv» 4-iyun kuni bozorlardagi vaziyat haqida e’lon qilgan edi.

Oʻzbekiston oliy ta’lim muassasalari 5-iyun, chorshanba kunidan boshlab abituriyentlardan hujjatlarni qabul qilishni boshlaydi. Jarayon Bilim va malakalarni baholash agentligining veb-saytida amalga oshiriladi.

Gap 2024/2025 o‘quv yili uchun hujjatlarni qabul qilish haqida bormoqda.

Eslatib o‘tamiz, bu yil O‘zbekistonda universitetga qabul tizimi o‘zgartirildi. Demak, birinchi bosqichda abituriyentlar roʻyxatdan oʻtib, test fanlarini tanlab olishlari, soʻngra oʻqish yoʻnalishi va shakllari toʻgʻrisida qaror qabul qilishlari kerak boʻladi.

Shu bilan birga, maktab bitiruvchilari birinchi navbatda test sinovlaridan o‘tishlari kerak bo‘ladi.

Yaponiyada avtomobillarni sertifikatlash uchun zarur boʻlgan ma’lumotlar soxtalashtirilgani aniqlangach, yirik avtomobil ishlab chiqaruvchilar ishtirokida mojaro avj oldi. Bu haqda «Reuters» nashri xabar bermoqda.

Unga koʻra, Yaponiya transport vazirligi Toyota, Mazda va Yamaha kompaniyalariga ayrim avtomobillarni yetkazib berishni toʻxtatishni buyurdi. Vazirlik tomonidan seshanba kuni Toyota kompaniyasining shtab-kvartirasida tekshiruv oʻtkazildi. Qolgan kompaniyalarda ham tekshiruvlar oʻtkazilishi rejalashtirilgan.

Toyota korxonasida oʻtkazilgan tergovda qoidabuzarliklar 2014, 2015 va 2020-yillardagi oltita turli sinovlar davomida sodir boʻlgan. Gap uchta model: Corolla Fielder, Corolla Axio va Yaris Cross haqida ketmoqda.

Shuningdek, ushbu mojarolar fonida avtomobil ishlab chiqaruvchi kompaniyalarning askiyalari ham sezilarli tushib ketdi.

Avvalroq «Kursiv» UzAuto Motors deyarli...

O‘zbekistonda alkogol va tamaki bozori ustidan nazorat kuchaytiriladi. Prezident Shavkat Mirziyoyev bu haqdagi farmonni imzoladi. Hujjatga ko‘ra, shu maqsadda Alkogol va tamaki bozorini tartibga solish inspeksiyasi tashkil etiladi.

Inspeksiya Bosh prokuratura huzuridagi Iqtisodiy jinoyatlarga qarshi kurashish departamenti qoshida faoliyat yuritadi.

Bundan tashqari, respublikada alkogolli mahsulotlar ishlab chiqarish uchun qo‘shimcha litsenziya talablari joriy etilmoqda. Ishlab chiqarishda videokuzatuv o‘rnatish shular jumlasidandir. Zavodlar, shuningdek, alkogolli mahsulotlarni ishlab chiqarish va sotishda sifat talablariga, identifikatsiya qilish yo‘li bilan aktsiz markalari va majburiy raqamli markirovkalashdan foydalanishga rioya qilishlari shart.

Avvalroq «Kursiv» O‘zbekistonda aroq va vino ishlab chiqarish kamaygani, biroq pivo ko‘paygani haqida yozgan edi.

5-iyun, chorshanba kunining ikkinchi yarmida Toshkentda +32…+34° iliq bo‘lishi, qisqa muddatli yomg‘ir yog‘ishi va momaqaldiroq bo‘lishi kutilmoqda, deb xabar berdi «O‘zgidromet».

Poytaxtda shamol 12-15 m/s gacha kuchayishi mumkin (Bofort shkalasi bo‘yicha 12 balldan olti ball).

Oʻzbekistonda bugun oʻrtacha kunlik havo harorati +30…+35° boʻladi. Toshkent va Samarqand viloyatlarida, shuningdek, Farg‘ona vodiysida yomg‘ir yog‘ishi kutilmoqda.

Avvalroq «Kursiv» O‘zbekistonda 2024-yil iyun oyidagi ob-havo haqida yozgan edi.

O‘zbekiston va Qatar transport sohasida, ayniqsa, yo‘lovchi havo transportida hamkorlikni faollashtirmoqda, deb xabar qildi respublika Transport vazirligi matbuot xizmati.

Bir kun avval O‘zbekiston transport vaziri Ilhom Mahkamov va Qatar fuqaro aviatsiyasi rahbari Muhammad Faleh Al-Hajri o‘rtasida uchrashuv bo‘lib o‘tdi.

Transport idoralari vakillari Oʻzbekiston va Qatar oʻrtasidagi aviaqatnovlar sonini haftasiga 4 tadan 7 tagacha oshirishga kelishib oldilar. Bundan tashqari, ular Qatar poytaxti Dohani mamlakatimizdagi ko‘plab viloyat aeroportlar bilan bog‘lamoqchi.

Avvalroq «Kursiv» 2024-yil aprelida O‘zbekiston va Qatar strategik sherik bo‘lishganini e’lon qilgan edi.

Chexiyada yengil atletika bo‘yicha «Josef Odlozil Memorial» xalqaro turniri bo‘lib o‘tdi. Musobaqada uzunlikka sakrash bo‘yicha O‘zbekiston vakili Anvar Anvarov ikkinchi o‘rinni egalladi, deb xabar berdi Milliy olimpiya qo‘mitasi.

Anvarov 7,92 metr natija ko‘rsatdi, shu bilan birga, birinchi o‘rinni egallagan chexiyalik Petr Mayndlshmid ham xuddi shunday masofaga sakrab chiqdi, ammo urinishlar soni bo‘yicha hamyurtimizni ortda qoldira oldi.

Bronza medalni Janubiy Afrika Respublikasi vakili Rusval Samaai qo‘lga kiritdi.

Jozef Odlozil xotirasi Butunjahon yengil atletika federatsiyasi musobaqasidir.

Avvalroq Rossiyada bo‘lib o‘tgan turnirda o‘zbekistonlik bokschilar umumjamoa hisobida birinchi o‘rinni egallagani haqida xabar berilgandi.

Sloveniya parlamenti Falastin mustaqilligini qo‘llab-quvvatlashga qaror qildi. Hukmron koalitsiya vakillarining aksariyati bu qarorni qo‘llab-quvvatladi, deb yozadi «Interfaks» mahalliy OAVga tayanib.

Bu mamlakat hukumati may oyi oxirida Falastin davlatchiligini yoqlab chiqdi. Parlament qarorni ma’qullashi kerak edi, oxir-oqibat buni amalga oshirdi. Biroq uchrashuvda muxolifat vakillari qatnashmadi.

Sloveniya Yevropa Ittifoqining Falastinni tan olgan o‘ninchi davlatiga aylandi. «Kursiv» yozganidek, may oyining oxirida Ispaniya, Norvegiya va Irlandiya buni qilishdi.

Dublinga ko‘ra, bu tashabbus Isroil – Falastin mojarosini hal qilishga yordam beradi.

Bola uch yoshga toʻlgunga qadar ona parvarishlash ta’tillarida (dekret) boʻlish mumkin. Lekin jami koʻpi bilan olti yil ish stajiga qoʻshilishi qonunchilikda belgilangan. Bu haqda Pensiya jamgʻarmasi axborot xizmati ma’lum qildi.

Misol uchun, ayol kishining 30 yil mehnat staji davomida uch nafar farzandi uchun ish stajining sakkiz yili mobaynida parvarishlash (dekret) ta’tillarida boʻlgan boʻlsa, u holda fuqaroga pensiya tayinlash uchun ish staji hisoblashda jami 28 yil bo‘ladi.

Ya’ni bunga ona necha yil parvarishlash ta’tillarida boʻlishidan qat’i nazar, faqat olti yili hisoblanadi.

Eslatib oʻtamiz, bolani parvarishlash ta’tilida boʻlish davri (shu jumladan, puli toʻlanadigan ta’tilda boʻlish) yoshga doir imtiyozli pensiya olish huquqini...

O‘zbekiston prezidenti Shavkat Mirziyoyev Turkiya prezidenti Rejep Tayyip Erdog‘anning taklifiga binoan 6-iyun kuni rasmiy tashrif bilan ushbu mamlakatda bo‘ladi.

Tashrif doirasida Strategik hamkorlik kengashining uchinchi yig‘ilishi ikki davlat rahbarlari ishtirokida Anqarada bo‘lib o‘tadi.

«Sammit kun tartibidan O‘zbekiston – Turkiya keng qamrovli strategik sheriklik munosabatlarini yanada rivojlantirish va mustahkamlash masalalari o‘rin olgan. Amaliy hamkorlikni kengaytirish, eng avvalo, tovar ayirboshlash hajmini oshirish, sanoat, «yashil» energetika, elektrotexnika, to‘qimachilik, farmatsevtika tarmoqlari, qishloq xo‘jaligi va boshqa yo‘nalishlarda, shu jumladan, davlat-xususiy sheriklik dasturi doirasida kooperatsiya loyihalarini ilgari surishga alohida e’tibor qaratiladi”, deyiladi Oʻzbekiston prezidenti matbuot xizmati xabarida.

Avvalroq «Kursiv» Turkiya...

«B» toifadagi haydovchilik guvohnomasi hamda avtokara haydovchisi guvohnomasiga ega oʻzbekistonliklarni Slovakiya korxonasi omborxonada haydovchi yoʻnalishiga ishga taklif etmoqda. Bu haqda Tashqi mehnat migratsiyasi agentligi axborot xizmati xabar bermoqda.

Qayd etilishicha, oylik maosh 1080 yevroni tashkil qiladi. Shuningdek, ish hajmiga qarab turli bonuslar ham beriladi. Ish haftada 5 kunni tashkil qiladi. Xodim tibbiy sugʻurta qilinadi.

Nomzodga qoʻyiladigan talablar:

Rus tilini bilish;

Yosh chegarasi 25 – 45;

Sohada 6 oylik tajriba.

Ishchi viza hamda Slovakiyaga borish xarajatlari nomzod tomonidan qoplanadi. Yuqoridagi talablarga mos keladigan nomzodlar 6-iyun soat 18:00 ga qadar roʻyxatdan oʻtishlari kerak.

Roʻyxatdan oʻtish uchun havola.

Avvalroq «Kursiv...

Oʻzbekiston tashqi ishlar vaziri Baxtiyor Saidov Hindistonning Oʻzbekistondagi yangi tayinlangan elchisi Smita Pantni qabul qildi. Bu haqda TIV rahbari oʻzining Telegram kanalida ma’lum qildi.

«Siz turli sohalarda, jumladan, qishloq xoʻjaligi, turizm, transport, logistika va boshqa yoʻnalishlarda aloqalarni kengaytirish boʻyicha birgalikdagi sa’y-harakatlarimizni muhokama qildik. Savdo va investitsiyaviy hamkorlikni rivojlantirish asosiy maqsadimiz boʻlib qoladi», deyiladi xabarda.

Avvalroq «Kursiv» Kipros Jorgallis Kiprning Oʻzbekistondagi Favqulodda va Muxtor elchisi etib tayinlangani haqida xabar bergan edi.