Yangiliklar

Qoraqalpogʻiston poytaxti Nukus shahrida mashhur rossiyalik jurnalist va YouTube bloger Aleksey Pivovarov hibsga olindi. U bilan birga uning «Redaksiya» loyihasining suratga olish guruhi va mahalliy Hook portalining muxbiri Ferida Maxsetova ham huquqni muhofaza qiluvchi organlar tomonidan olib ketildi. Bu haqda Hook nashri xabar berdi.

Hook nashrining maʼlumotiga koʻra, jurnalistlarni nomaʼlum bir fuqaroning arizasi asosida «suhbat uchun» olib ketishgan.Ma’lum qilinishicha, suratga olish guruhidan olingan material olib qo‘yilgan.

Bu holatga Rossiyaning Oʻzbekistondagi elchixonasi izoh berdi. Diplomatik vakolatxona Oʻzbekiston Tashqi ishlar vazirligi bilan bogʻlanib, Rossiya fuqarolariga «kerakli yordam» koʻrsatishga vaʼda berdi.

O‘zbekiston prezidenti huzuridagi Axborot va ommaviy kommunikatsiyalar agentligi mahalliy boshqarmasi...

O‘zbekiston va Xitoy davlat rahbarlari o‘rtasidagi kelishuvlar doirasida ikki mamlakat fuqarolariga 30 kunlik vizasiz sayohat qilish imkonini beruvchi bitim imzolandi. Bu haqda O‘zbekiston tashqi ishlar vaziri Baxtiyor Saidov ma’lum qildi.

Unga ko‘ra, ushbu hujjat davlatlar o‘rtasidagi aloqalarni mustahkamlash, savdo aylanmasini oshirish hamda xalqlar o‘rtasidagi madaniy va ijtimoiy munosabatlarni rivojlantirishga qaratilgan muhim qadam sifatida baholanmoqda.

Vizasiz rejim ikki davlat fuqarolarining o‘zaro safarlarini yengillashtirishi va turizm sohasida yangi imkoniyatlar yaratishi kutilmoqda.

Eslatib o‘tamiz, avvalroq Oʻzbekiston Xitoy bilan JSTga a’zo boʻlish boʻyicha muzokaralarni yakunlagani haqida yozgan edik.

Korrupsiyaga qarshi kurashish agentligi tomonidan o‘tkazilgan so‘rovnoma natijalariga ko‘ra, fuqarolar sog‘liqni saqlash sohasini korrupsiya xavfi eng yuqori bo‘lgan yo‘nalish sifatida tanlagan. So‘rovnoma agentlikning rasmiy telegram sahifasida o‘tkazilgan.

Unda qatnashganlarning 33 foizi aynan ushbu sohada muammo mavjud deb hisoblashgan.

Shuningdek, so‘rovda mahalliy hokimliklar faoliyati 16%, huquqni muhofaza qiluvchi organlar faoliyati 14%, qurilish sohasida 13%, ta’lim sohasida 9% va boshqa yo‘nalishlar esa nisbatan kamroq ko‘rsatkichlarni qayd etgan.

Bu natijalar korrupsiya xavfi yuqori bo‘lgan sohalarni aniqlash va ularga qarshi kurashish choralarini kuchaytirish zarurligini ko‘rsatmoqda.

Eslatib o‘tamiz, avvalroq O‘zbekistonliklarning 74 foizi korrupsiya haqida xabar berishga tayyorligi haqida yozgan edik.

Kia India kompaniyasi yangi Kia Syrus kichik o‘lchamli krossoverini 19-dekabr kuni Hindistonda taqdim etadi. Bu haqda Avtocar India nashri ma’lum qildi.

Yanvar oyidan boshlab esa ushbu avtomobil Hindiston bozorida sotuvga chiqadi. Syrus benzin va dizel dvigatel bilan taqdim etiladi.

Syrus 120 ot kuchiga ega va 172 Nm aylanuvchi momentli bir litrli turbo benzinli dvigatel bilan taqdim etiladi. Avtomobil mexanik va yetti bosqichli avtomatik DCT uzatmalar qutisi bilan jihozlanadi.

Bundan tashqari, bozorda 115 ot kuchiga ega va 250 nm aylanuvchi moment ishlab chiqaradigan 1,5 litrli dizel dvigatelli Syrus ham bo‘ladi. Dizel varianti olti bosqichli mexanik va gidrotransfor matorli olti bosqichli...

2024-yil 8-dekabr – Konstitutsiya kuni yakshanba kuniga toʻgʻri kelgani sababli dam olish kuni 9-dekabr, dushanba kuniga koʻchiriladi. Bu prezident farmoni asosida tasdiqlandi.

Mehnat kodeksining 208-moddasiga koʻra, dam olish kunlariga toʻgʻri kelgan rasmiy bayramlar uchun qoʻshimcha dam olish kuni beriladi. Natijada 5 kunlik ish haftasida ishlovchilar uchun shanba, yakshanba va dushanba kunlari uch kunlik dam olish kuni boʻladi.

Eslatib o‘tamiz, avvalroq Yangi yilda qayerga borish mumkinligi va bu qanchaga tushishi haqida batafsil yozgan edik.

Abu-Dabi aeroportida kecha 31 nafar O‘zbekiston fuqarosi ushlab qolindi. Bu haqda O‘zbekistonning BAAdagi elchixonasi ma’lum qildi.

Unga ko‘ra, fuqarolarning barchasi Wizz Air aviakompaniyasining Toshkentdan uchib kelgan reysida yetib kelishgan.

Diplomatik vakolatxona O‘zbekiston fuqarolarini Abu-Dabiga kiritmaslik sababini aniqlay olmadi. Ammo elchixona aeroport ma’muriyati bilan bog‘lanib, vatandoshlarimizni oziq-ovqat bilan ta’minlash va zarur bo‘lsa, tibbiy yordam ko‘rsatishni tashkil etish bo‘yicha kelishuvga erishdi.

Eslatib o‘tamiz, avvalroq BAA kompaniyasi O‘zbekistonda 1000 MVt quvvatga ega shamol elektr stansiyani barpo etishi haqida xabar bergan edik.

Saudiya Arabistoni AQSh bilan keng qamrovli mudofaa shartnomasini tuzish rejasidan voz kechib, qurolli hamkorlikni kuchaytirishga qaratilgan kamtarona kelishuv ustida ish olib bormoqda. Bu haqda Reuters axborot agentligi ma’lum qildi.

Unga ko‘ra, bu qaror Isroilning Falastin davlati tashkil etilishiga qaratilgan aniq qadamlar tashlashiga bog‘liq.

Avvalroq Riyod Isroil bilan ikki davlat yechimi bo‘yicha majburiyat evaziga munosabatlarni normallashtirishga tayyorligini bildirgan edi. Ammo G‘azodagi zo‘ravonliklar va Yaqin Sharqdagi ommaviy noroziliklar tufayli Saudiya yana Falastin masalasini o‘z talablarining markaziga qo‘ydi.

Yangi mudofaa kelishuvida AQSh va Saudiya Arabistoni o‘rtasidagi harbiy mashg‘ulotlarni kengaytirish, mintaqaviy xavfsizlikni ta’minlash va ilg‘or qurol-yarog‘ texnologiyalarini rivojlantirish ko‘zda tutilgan. Biroq bu to‘liq...

1-dekabr kuni mahalliy vaqt bilan soat 03:28 dan boshlab, Namangan xalqaro aeroportida ob-havo yomonlashuvi tufayli havo kemalarini qabul qilish vaqtinchalik to‘xtatildi. Bu haqda Uzbekistan Airport ma’lum qildi.

Unga ko‘ra, cheklovlar davomida barcha reyslar muqobil aerodromlarga yo‘naltirilmoqda. Xususan, «Ural Airlines» aviakompaniyasining Domodedovo – Namangan yo‘nalishidagi U62611 reysi Farg‘ona aeroportiga yo‘naltirildi.

Ob-havo yaxshilanishi bilan aeroport odatiy faoliyatini tiklaydi. Yo‘lovchilarga reyslar haqidagi yangiliklarni kuzatib borish tavsiya etiladi.

Eslatib o‘tamiz, avvalroq Uzbekistan Airways Pokistonga parvozlarni yoʻlga qoʻygani haqida yozgan edik.

Suriyaning Halab shahri uzoq davom etayotgan fuqarolar urushining yana bir keskin nuqtasiga aylandi. Bu haqda Reuters axborot agentligi ma’lum qildi.

Shanba kuni Hay’at Tahrir al-Sham islomiy guruhining katta hujumi natijasida o‘nlab hukumat askarlari halok bo‘ldi, isyonchilar esa shaharni egallashga muvaffaq bo‘ldi. Bu voqea so‘nggi yillarda prezident Bashar Asad rejimiga eng katta tahdid sifatida ko‘rilmoqda.

Rossiya havo kuchlari hukumat armiyasini qo‘llab-quvvatlash uchun isyonchilar pozitsiyalariga zarbalar berdi. Ammo bu yetarli bo‘lmay isyonchilar Halab aeroportini va Idlib viloyatidagi strategik Maarrat al-Numan shahrini ham qo‘lga kiritdi.

Mintaqadagi murakkab geopolitik vaziyatni hisobga olganda, bu hujumlar xalqaro hamjamiyat e’tiborini tortmoqda. Rossiya va Turkiya vaziyatni barqarorlashtirish...

2027-yil iyul oyida O‘zbekistonda qilichbozlik bo‘yicha kattalar o‘rtasidagi jahon chempionati bo‘lib o‘tadi. Bu haqda XQF bosh kotibi Salhi Ferial Nodira Kursiv Uzbekistan muxbiri bilan suhbatda ma’lum qildi.

Unga ko‘ra, mazkur musobaqa 2028-yilda Los-Anjelesda o‘tkaziladigan Olimpiya o‘yinlariga yo‘llanma olishda muhim o‘rin tutadi.

Chempionatda to‘plangan ochkolar sportchilarning Olimpiya o‘yinlari saralashiga ta’sir qiladi.

Eslatib o‘tamiz, avvalroq Alisher Usmonov Xalqaro qilichbozlik federatsiyasi prezidenti etib saylangani haqida xabar bergan edik.

Oʻzbekiston ochlik va qashshoqlikka qarshi kurashish boʻyicha Global alyansga rasman qoʻshildi. Bu haqda TIV axborot xizmati xabar berdi.

«Bu Barqaror rivojlanish maqsadlariga erishish va mamlakatda oziq-ovqat xavfsizligini yaxshilash boʻyicha global saʼy-harakatlarni kuchaytirish yoʻlidagi muhim qadamdir», – deyiladi xabarda.

Ochlik va kambag‘allikka qarshi kurashish bo‘yicha global alyans, bu – ochlik, kambag‘allik va tengsizlik muammolarini hal qilish uchun mamlakatlar, tashkilotlar va boshqa manfaatdor tomonlarni birlashtiradigan xalqaro tashabbus.

Eslatib oʻtamiz, bugungi kunda alyansga 100 dan ortiq mamlakatlar qoʻshilgan.

Avvalroq «Kursiv» Oʻzbekiston xalqaro koinot shartnomasiga qoʻshilgani haqida xabar bergan edi.

1-dekabrdan 10-dekabrgacha Oʻzbekistonda havo harorati kunduzi +3…+8° atrofida, kechasi esa 3…+2° atrofida boʻladi. Bu haqda «Oʻzgidromet» xabar berdi.

1–2-dekabrda respublikada yomgʻir yogʻishi, ba’zi joylarda qorga aylanishi kutilmoqda. Dekabr oyining oxirigacha quruq ob-havo saqlanib turadi.

Dekabr oyining ikkinchi va uchinchi oʻn kunligida harorat kechasi 0…-5 dan +2…+7° gacha, kunduzi +3…+8° dan +10…+15° gacha oʻzgarib turishi kutilmoqda.

Respublikaning shimoliy hududlarida kechasi -17 darajagacha, kunduzi -2 darajagacha sovuq boʻlishi mumkin.

Avvalroq Kursiv Uzbekistan dekabr oyi boshida Oʻzbekistonda ob-havo haqida yozgan edi.

Bugun, 30-noyabr kuni tadbirkor Alisher Usmonov Xalqaro qilichbozlik federatsiyasi (FIE) rahbari etib saylandi, deb xabar bermoqda TASS.

Toshkentda bo‘lib o‘tgan saylovda Usmonov 120 ta ovozga ega chiqdi. Uning raqibi Shvetsiya qilichbozlik federatsiyasi prezidenti Otto Drakenberg esa 26 ta toʻpladi.

“Men xalqaro qilichbozlik oilasidan FIE prezidenti lavozimiga nomzod boʻlish qarorining toʻgʻriligiga meni ishontirgan ishonch va qoʻllab-quvvatlashi uchun minnatdorman! Men nomzodimni qoʻllab-quvvatlagan 103 ta milliy federatsiyaning fikrini e’tiborsiz qoldira olmadim va nomzodim uchun ovoz bergan har bir federatsiyaga minnatdorchilik bildiraman», – dedi FIEning yangi saylangan rahbari.

Alisher Usmonov unga qarshi cheklovlar amal qilayotganini va ular sudda...

Oʻzbekiston Migratsiya agentligi Turkiyaning Kalyon Insaat Sanayi Ve Ticaret A.Ş. qurilish kompaniyasi bilan mamlakat fuqarolarini ishga joylashtirish boʻyicha kelishuvga erishdi. Bu haqda agentlik axborot xizmati xabar berdi.

29-noyabr kuni agentlik direktori Behzod Musayev Kalyon Insaat Sanayi Ve Ticaret A.Ş. vakillari bilan Turkiyadagi yirik qurilish loyihalariga Oʻzbekiston fuqarolarini jalb etish masalasini muhokama qildi.

Birinchi bosqichda 60 nafar fuqaro shu yilning 1-dekabr kuni Turkiyaga uchib ketadi. Kelishuvga koʻra, yoʻl xarajatlari, turarjoy, uch mahal issiq ovqat va maxsus kiyim va himoya vositalari ish beruvchi tomonidan qoplanadi. Shuningdek, yaxshi maosh hamda mehnat huquqlari kafolatlanadi.

«Turkiyada ishga qabul qilinayotgan oʻzbekistonliklarning...

2025-yil 6-fevral kuni Kanadaning Monreal shahrida boʻlib oʻtadigan professional boks oqshomida Bahodir Jalolov oʻzining navbatdagi jangini oʻtkazadi. Bu haqda Oʻzbekiston professional boks federatsiyasi xabar berdi.

Jalolovga fransiyalik Devid Spilmont raqiblik qiladi. U Artur Biyarslanov va Mohamed Mimun oʻrtasidagi markaziy jangning anderkardida ringga chiqadi.

Jalolovning oʻzi jang haqida quyidagicha fikr bildirdi.

«Professional faoliyatimning keyingi bosqichida ekanimdan juda xursandman. 2024-yilgi Olimpiya oʻyinlarida Vatanim sharafini himoya qilgan boʻlsam, 2025-yilda superogʻir vazn toifasida jahon chempioni boʻlishni rejalashtirganman. Men uchun bu bosqich 6-fevral kuni Monrealdan boshlanadi».

Ma’lumot uchun, Bahodir Jalolov professional boksdagi faoliyati davomida hozirga qadar 14 ta jang...

Oliy Majlis Qonunchilik palatasida jamoat transportidan foydalanish samaradorligini oshirishga qaratilgan qonun loyihasi siyosiy partiyalar fraksiyalari muhokamasiga tayyorlanmoqda. Bu haqda Oliy Majlis Qonunchilik palatasi axborot xizmati xabar berdi.

Ushbu harakatni birinchi marta sodir etganlik uchun – BHMning 3 baravari (1 mln 125 ming soʻm) miqdorida, bir yil davomida takroran sodir etilgan boʻlsa – BHMning 5 baravari miqdorida (1 mln 875 ming soʻm) jarima belgilanmoqda.

«Qonun loyihasiga asosan, Ma’muriy javobgarlik toʻgʻrisidagi kodeksga jamoat transporti uchun alohida ajratilgan yoʻlaklarda harakatlanish qoidalarini buzganlik uchun javobgarlik belgilash nazarda tutilmoqda», – deyiladi xabarda.

Avvalroq Kursiv Uzbekistan poytaxt jamoat transporti...

Shveysariya prokuraturasi Lombard Odier bankini ogʻirlashtiruvchi holatlar bilan pul yuvishda ayblamoqda. Bu haqda Financial Times xabar berdi.

Hukumat ma’lumotlariga koʻra, bank bir necha yil davomida Oʻzbekistonning birinchi prezidenti Islom Karimovning qizi Gulnora Karimovaning jinoiy faoliyatini yashirishga koʻmaklashishda «hal qiluvchi rollardan» birini oʻynagan.

Prokuraturaning taxmin qilishicha, 2023-yil sentabr oyida ayblov qoʻyilgan Karimova katta miqdordagi pul mablagʻlarini oʻzlashtirgan va Shveysariyaning «Ofis» deb nomlanuvchi tashkiloti orqali ularni yuvib yuborgan. Karimovaning oʻzi ayblovlarni rad etadi.

Lombard Odier kompaniyasining sobiq xodimiga ham ayblov e’lon qilindi. Prokuratura ushbu ish bo‘yicha 2016-yildan buyon tergov jarayonlarini olib bormoqda.

Avvalroq Kursiv Uzbekistan Gulnora Karimova Shveysariyada jinoiy tashkilotga rahbarlik...

29-noyabr kuni BYD kompaniyasi BYD Leopard 8 yoʻltanlamasini yangilash orqali «qattiq rejim»ga (violent mode) ega dunyodagi birinchi avtomobil boʻlganini ma’lum qildi. Bu haqda ithome xabar bermoqda.

«Qattiq rejimda» BYD Leopard 8 yoʻltanlamas 2 km/soatdan past tezlikda maksimal burovchi momentni berishi mumkin. Bu ekstremal sharoitlarda yoki qutqaruv operatsiyalarida gʻildiraklarning tiqilib qolishi yoki toʻxtashining oldini olishga yordam beradi.

Ushbu rejim bilan avtomobilning turli yoʻllarda juda sekin harakatlanishiga erishish mumkin, bunda motor maksimal burovchi momentni gʻildiraklarga uzatadi. Avtomobil toʻrtta gʻildirakni toʻliq sinxronlashtira oladi va yoʻl sharoitiga qarab har bir gʻildirakning harakat kuchini aniq nazorat qila oladi.

Shuningdek, bu rejim yoʻl topish qiyin...

Uzbekistan Airways 29-noyabrdan boshlab Toshkent – Lahor yoʻnalishi boʻyicha muntazam aviaqatnovlarni yoʻlga qoʻydi. Bu haqda aviakompaniya axborot xizmati xabar berdi.

Shaharlar oʻrtasidagi parvozlar haftaning juma kunlari Airbus 320 Neo samolyotlarida amalga oshiriladi. Chiptalar narxi esa 2 mln soʻmdan boshlanadi.

Eslatib oʻtamiz, Oʻzbekiston va Pokiston yangi yoʻnalishlarni yoʻlga qoʻyish ustida ishlamoqda. Shuningdek, Oʻzbekiston hukumati Pokiston fuqarolari uchun viza berish tartibini soddalashtirdi.

Avvalroq Kursiv Uzbekistan Janubiy Koreyaning ikkita aviakompaniyasi Oʻzbekistonga aviaqatnovlarni yoʻlga qoʻyishi haqida xabar bergan edi.

Oʻzbekiston Jahon savdo tashkilotiga (JST) a’zo boʻlish bo‘yicha Xitoy bilan muzokaralarni yakunladi. Bu haqda prezidentning JST masalalari bo‘yicha maxsus vakili Azizbek Urunov o‘z LinkedIn sahifasida ma’lum qildi.

Unga ko‘ra, Urunov Pekindagi muzokaralarni samarali deb atadi va Xitoyning Savdo vazirligi vakillariga hamkorlik uchun minnatdorchilik bildirdi.

Oʻzbekistonning JSTga a’zo boʻlishini tashkilotning 22 ishtirokchisi allaqachon ma’qullagan. Yaqinda respublika AQSh bilan uzoq davom etgan muzokaralarni muvaffaqiyatli yakunladi. Urunovning so‘zlariga ko‘ra, endi faqat bir necha davlatning roziligini olish qolgan.

O‘zbekiston JSTga a’zo bo‘lish bo‘yicha muzokaralarni 2019-yilda qayta boshladi. Agar barcha muzokaralar muvaffaqiyatli o‘tsa, O‘zbekiston 2026-yilda tashkilotga a’zo bo‘lishi mumkin.

Eslatib o‘tamiz, avvalroq Azizbek Urunov...

Markaziy bank rahbariyati Sohar International kompaniyasi vakillari bilan uchrashuv o‘tkazdi. Bu haqda Markaziy bank matbuot xizmati ma’lum qildi.

Unga ko‘ra, uchrashuvda Sohar International O‘zbekiston bank bozoriga kirish rejalari va ikki tomonlama hamkorlik istiqbollari ko‘rib chiqildi.

Bank vakillari o‘zlarining strategik qarashlarini taqdim etib, O‘zbekiston bank tizimidagi yuqori investitsion salohiyatni e’tirof etdilar hamda mamlakat bozoriga kirishga qiziqish bildirdilar.

Markaziy bank esa moliya bozorini rivojlantirish, xorijiy investitsiyalarni jalb etish va xalqaro standartlarni joriy etish borasida amalga oshirilayotgan islohotlar haqida ma’lumot berdi. Bu uchrashuv ikki tomonlama hamkorlikni mustahkamlash uchun muhim qadam bo‘ldi.

Eslatib o‘tamiz, avvalroq Masato Kanda Osiyo taraqqiyot banki prezidenti etib saylangani...

Payme to‘lov tizimi foydalanuvchilari ekologik tashabbusni qo‘llab-quvvatlash uchun 1 mlrd ball to‘plashdi. Bu haqda kompaniya rasmiylari Kursiv Uzbekistan nashriga ma’lum qildi.

Ushbu tashabbus Instagram’da «Urikguli» niki bilan faoliyat olib boradigan ekofaol va bloger Mutabar Xushvaqtova tomonidan ilgari surildi. Natijada «Navoiyazot» AJ hududida noyabr oyida mingdan ortiq daraxtlar ekildi.

Mutabar oktabr oyida Navoiyda daraxt ekish uchun mablag‘ yig‘ishni boshladi, biroq jarayon sekin ketayotgan edi. Payme xodimlari bu tashabbusni qo‘llab-quvvatlashga qaror qilib, o‘z foydalanuvchilarini ham jalb qilishdi. Bir necha kun ichida Payme Mahalla ishtirokchilari 1 mlrd ball yig‘ishga muvaffaq bo‘lishdi.

Loyiha biologlar va tuproqshunoslar ishtirokida amalga oshirildi. Ular tavsiyasiga ko‘ra, ekish joyi...

Shavkat Mirziyoyev Buxoro viloyatining iqtisodiy salohiyatini oshirish bo‘yicha yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda viloyatga jalb qilinayotgan investitsiyalar, aholi bandligi va farovonligini ta’minlash masalalari muhokama qilindi. So‘nggi yetti yilda viloyatga $4 mlrd.dan ortiq investitsiya kiritilgan, natijada sanoatning bir nechta tarmoqlari rivojlangan.

Yig‘ilishda viloyat iqtisodiyotining mavjud salohiyatga mos emasligi qayd etildi. Muammolarni bartaraf etish uchun hokimlar va sektor rahbarlari favqulodda ish tartibiga o‘tishi belgilandi. Shu asosda 150 ming odamni daromadli qilish, 40 ming kishini kambag‘allikdan chiqarish rejalashtirildi.

Bundan tashqari, viloyatning turli hududlarini sanoatning aniq tarmoqlariga ixtisoslashtirish orqali qo‘shimcha ish o‘rinlari yaratish va turizm...

2024-yilning yanvar-oktabr oylarida Oʻzbekistonga jismoniy shaxslarning bank kartalariga toʻgʻridan-toʻgʻri pul oʻtkazmalari (P2P) hajmi $4,9 milliardga yetib, oʻtgan yilning shu davriga nisbatan 52% ga oshdi. Bu oʻtkazmalar transchegaraviy pul oʻtkazmalari umumiy hajmining 39% ini tashkil etib, oʻtgan yilga nisbatan 4 foiz punktga oʻsgan, deb xabar bermoqda Markaziy bank.

Raqamli toʻlov infratuzilmasining rivojlanishi va foydalanish qulayligi P2P oʻtkazmalarni eng tez rivojlanayotgan kanalga aylantirdi. Bunday tranzaksiyalar soni bir yilda 46% ga ortib, 59 million operatsiyani tashkil etdi.

2024-yilning oʻtgan 10 oyida Oʻzbekistonga pul oʻtkazmalari umumiy hajmi $12,6 milliardni tashkil etib, oʻtgan yilning shu davriga nisbatan 34% ga koʻpaydi. Mablagʻlar asosan Rossiyadan kirib...