Yangiliklar

«Baxti Tashkentskiy» ustidan sud boshlandi

Baxtiyor Qudratullayev («Baxti Tashkentskiy» nomi bilan mashhur) ustidan ochiq sud jarayoni 3-iyun, dushanba kuni soat 10:00 da boshlandi, deya xabar berdi O‘zbekiston Oliy sudi matbuot kotibi Aziz Abidov.

Oʻzbekistonda qancha xorijiy korxona tashkil etildi

Oʻzbekistonda 2024-yilning yanvar–aprel oylarida xorijiy investitsiyalar ishtirokida 1,2 mingdan ortiq yangi korxonalar tashkil etildi. Bu haqda Statistika agentligi axborot xizmati xabar bermoqda.

S&P Oʻzbekiston reytingini barqaror prognoz bilan «BB-/B» darajasida tasdiqladi

31-may kuni S&P Global xalqaro agentligi Oʻzbekistonning kredit reytingini «BB-/B» darajasida tasdiqlab, prognozni barqaror qoldirdi. Agentlik hisobotda mamlakatda 2017-yilda boshlangan iqtisodiy islohotlarning ikkinchi bosqichi boshlanganini ta’kidladi.

Oʻzbekiston fuqarolari kelgusida Qatarga borib ishlashi...

Oʻzbekistonda kinematografiya sohasi uchun oʻrta maxsus mutaxassislarni tayyorlash va qayta tayyorlash maktabi tashkil qilinadi. Bu haqda Adliya vazirligi xabar berdi.

Mazkur loyiha «Kinematografiya sohasini yanada rivojlantirish hamda mamlakatimiz tarixiga bagʻishlangan filmlar turkumini yaratishga doir chora-tadbirlar toʻgʻrisida»gi prezident qarori doirasida tashkil qilinadi.

Maktab Oʻzbekiston Milliy kinematografiyasini rivojlantirish markazi huzurida tashkil etilgan. Shuningdek, «Kinochilar uyi» «Oʻzbekiston Milliy kino san’ati saroyi» deb qayta nomlandi.

Respublikadagi oliy va oʻrta maxsus ta’lim muassasalarida, oʻrta maktablarda kinolektoriylar, tuman (shahar)larda joylashgan madaniyat markazlarida milliy filmlarning bepul namoyishlari tashkil etiladi.

Avvalroq «Kursiv» Kinematografiya agentligiga yangi rahbar tayinlangani haqida xabar bergan edi.

Hindistonning «IndiGo» aviakompaniyasi 17-avgustdan Dehlidan Toshkentga parvozlar sonini ikki baravarga oshiradi. Bu haqda «The Times of India» nashri xabar bermoqda.

Aviakompaniya Toshkentdan tashqari, Olmaota va Tbilisi shaharlariga parvozlarni oshirishni maqsad qilgan.

«Biz Dehlidan Toshkent, Olmaota va Tbilisiga qoʻshimcha reyslar boshlanganini mamnuniyat bilan eʼlon qilamiz. Bu shaharlarga reyslar sonining koʻpayishi ushbu yoʻnalishlarga, jumladan, turizmga boʻlgan talabning ortishi bilan bogʻliq», deydi IndiGo global savdo boʻlimi rahbari Vinay Malxotra.

Ma’lumot uchun, kompaniya 2023-yildan Dehlidan Toshkent, Olmaota va Tbilisiga parvozlarni amalga oshirishni boshlagan.

Avvalroq «Kursiv» «Uzbekistan Airways» Toshkentdan Vyetnamning Nyachang kurort shahriga parvozlarni yoʻlga qoʻygani haqida xabar...

Janubiy Koreyaning Samsung Electronics kasaba uyushmasi xodimlari tarixida birinchi marta ish tashlash oʻtkazdi. Bu haqda «Reuters» nashri xabar bermoqda.

Qayd etilishicha, 28 ming a’zosi boʻlgan Samsung Electronics Milliy uyushmasi (NSEU) xodimlari 7-iyun kuni bir kun ishga bormagan.

Uyushma rasmiylarining ta‘kidlashicha, texnologiya giganti rahbariyati ish haqini oshirish va bonuslar boʻyicha muzokaralarning bir necha qismi buzilgan.

Avvalroq «Kursiv» Tesla 14 ming xodimini ishdan bo‘shatishi haqida xabar bergan edi.

7-iyun kuni «Muvaffaqiyatli islohotlar – yuqori natijalar» xalqaro anjumani boʻlib oʻtdi. Bu haqda prezident yordamchisi Saida Mirziyoyeva oʻz Telegram kanalida ma’lum qildi.

Prezident yordamchisining ta’kidlashicha, ta’lim sifatini yaxshilash – davlatimiz siyosatining, olib borilayotgan islohotlarning eng muhim yoʻnalishlaridan biri.

«Pedagoglar jamiyatda eng muhim oʻrin tutgan kasb egalaridir. Insonni tarbiyalab, atrofdagilarga, madaniyatga, Vatanga munosabatimizni shakllantiradigan asosan shular. Agar davlatni bir daraxt deb tasavvur qiladigan boʻlsak, oʻqituvchilarni uning ildiziga qiyoslash mumkin», deydi Mirziyoyeva.

Avvalroq «Kursiv» Saida Mirziyoyeva AQSh elchisi bilan inson huquqlarini muhokama qilgani haqida xabar bergan edi.

Jahon yulduzlari «Dunyo sadolari» fеstivalida ishtirok etish uchun Andijon viloyatining Xonobod shahriga keladi. Bu haqda viloyat hokimligi matbuot xizmati xabar berdi.

«Shu yilning iyul oyida Andijonimizda “Dunyo sadolari» fеstivali oʻtkaziladi. Unda aholimiz uchun dunyo yulduzlari ishtirokida shou gala konsеrtlar tashkil etish rеjalashtirilgan va harakatlar olib borilmoqda”, deyiladi xabarda.

Ushbu xabarda taqdim qilingan videoda Modern Talking guruhi, Usher, Shon Pol, Tarkan, Arash, Mustafo Sandal, Psy , Pitbull, Eminem, 50 Cent, Inna, Kameliya, Seeya, Era Istrefi, Nancy kabi mashhurlarning ismlarini koʻrish mumkin.

Avvalroq «Kursiv» Mashhur rok xonandasi Jared Leto Toshkentda konsert berishi haqida xabar bergan edi.

Jizzax viloyati hududidan oʻtuvchi M-39 avtomobil yoʻlida toʻrtta yuk tashuvchi transport vositasi ishtirokida yoʻl-transport hodisasi sodir boʻldi. Bu haqda UzAuto Motors axborot xizmati xabar berdi.

Qayd etilishicha, MAN yuk avtomobilida kuzatilgan texnik nosozliklar tufayli Shacman samosvaliga, soʻng Chevrolet Cobalt va Equinox avtomobillarini Surxondaryo viloyatidagi dilerlik markaziga olib ketayotgan avtotreylerga borib urilgan.

Yuz bergan YTH natijasida avtomobil haydovchilari tan jarohatlari olmagan. Avtotreylerga ortilgan 4 dona Chevrolet Cobalt va 3 dona Equinox avtomobillari texnik shikastlangan.

Ayni paytda Jizzax viloyati Yoʻl harakati xavfsizligi boshqarmasi (YHXB) tomonidan yoʻl harakati xavfsizligi boʻyicha tergov-surishtiruv ishlari olib borilmoqda.

Avvalroq «Kursiv» Maxtumquli koʻchasida 15 ta mashina ishtirokida...

Prezident Shavkat Mirziyoyev mahallalarda futbol stadionlari qurish, ushbu sport turini rivojlantirishni qoʻllab-quvvatlash zarurligini ta’kidladi. Bu haqda prezident matbuot xizmati xabar berdi.

«Futbol boʻyicha qarorlarimiz, iqtidorli bolalarga eʼtibor berganimiz tufayli oʻzbek futboli ham jahonga chiqa boshladi. Yevropa jamoalarida legionerlarimiz koʻpaymoqda. Yoshlarimiz Olimpiadaga yoʻllanma oldi. Bu davomiy boʻlishi uchun endi mahallalarda futbolni rivojlantirish kerak. Qoʻshimcha stadionlar qurib, uning ommaviyligini qoʻllab-quvvatlash zarur”, dedi prezident.

Davlatimiz rahbari 7-iyun kuni Toshkent shahrining Yashnobod tumanidagi Dilbogʻ mahallasida boʻldi. Mirziyoyev ushbu mahallada joylashgan poytaxt futbol akademiyasini koʻzdan kechirdi, sportchilar va ularning ustozlari bilan suhbatlashdi.

Avvalroq «Kursiv» Oʻzbekiston olimpiya tema jamoasining Olimpiadadagi...

Von Do Yon Janubiy Koreyaning Oʻzbekistondagi yangi elchisi etib tayinlandi. Bu haqda Oʻzbekiston TIV rahbari oʻzining Telegram kanalida xabar berdi.

Von Do Yon ishonch yorliqlari nusxalarini Baxtiyor Saidovga topshirdi.

«Koreya Respublikasi prezidenti Yun Sok Yol Janobi Oliylarining mamlakatimizga boʻlajak tashrifini intiqlik bilan kutmoqdamiz. Prezidentlar sammitiga tayyorgarlik koʻrish, qoʻshma loyihalarni amalga oshirish, davlatlarimiz oʻrtasidagi an’anaviy yaqin aloqalarda yangi oʻsish nuqtalarini kashf etish masalalariga alohida e’tibor qaratdik. Janob elchiga Oʻzbekistondagi faoliyati davomida muvaffaqiyatlar tilaymiz», deyiladi xabarda.

Avvalroq «Kursiv» Janubiy Koreya prezidenti Oʻzbekistonga tashrif buyurishi haqida xabar bergan edi.

Oliy Majlisi Senati Raisi Tanzila Narbayeva Boku shahrida Ozarbayjon Respublikasi Milliy Mejlisi Raisi Sahiba Gafarova bilan uchrashuv oʻtkazdi. Bu haqda Senat axborot xizmati xabar bermoqda.

Qayd etilishicha, uchrashuvda tomonlar parlamentlararo aloqalarni yana-da rivojlantirish istiqbollarini muhokama qildi.

Xususan, yuqori darajadagi ikki tomonlama kelishuvlarning amalga oshirilishini ta’minlash, jumladan, parlamentlarning savdo-iqtisodiy, madaniy-gumanitar sohalardagi qoʻshma loyihalarni huquqiy jihatdan ta’minlashi masalalariga e’tibor qaratildi.

2022-yilda parlamentlararo hamkorlikni rivojlantirish boʻyicha Toshkentda imzolangan amaliy harakatlar rejasi, ya’ni «Yoʻl xaritasi» ijrosi toʻliq ta’minlangani alohida qayd etildi.

Uchrashuv yakunida parlamentlar oʻrtasidagi hamkorlikni yana-da yuqori bosqichga koʻtarishga qaratilgan 2024–2025-yillarga moʻljallangan yangi «Yoʻl xaritasi» imzolandi.

Avvalroq Senat raisi Tanzila Narbayeva BMT...

Bugun, 8-iyun kuni Qoraqalpog‘iston Respublikasi, Xorazm, Buxoro, Navoiy, Qashqadaryo va Surxondaryo viloyatlarida havo harorati 40 darajagacha issiq bo‘ladi. Qoraqalpog‘iston Respublikasi, Xorazm, Buxoro va Navoiy viloyatlarida kuchli shamol tufayli chang-to‘zon ko‘tarilishi mumkin, deb xabar beradi «Oʻzgidromet».

Poytaxtda havo o‘zgaruvchan bo‘ladi, biroq yog‘ingarchilik kutilmaydi. Kunduzi havo 35-37 daraja issiq bo‘ladi, kechasi esa 19-21 daraja iliq bo‘ladi.

Respublikaning tog‘li hududlarida havo biroz bulutli bo‘ladi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Kunduzi havo 23-28 daraja iliq va kechasi 10-15 daraja iliq bo‘ladi. 

Bugun, 7-iyun kuni «Bunyodkor» stadionida futbol bo‘yicha O‘zbekiston olimpiya terma jamoasi Mali vakillariga qarshi o‘rtoqlik uchrashuvini o‘tkazdi.

1-taymda Timur Kapadze shogirdlari Mali darvozasi oldida xavfli hujumlar yaratdi. 23-daqiqada Otabek Jo‘raqo‘ziyev oshirgan to‘pni Alisher Odilov darvozaga aniq yo‘lladi va 1:0 hisobi bilan 1-taym yakunlandi.

2-taymda ustunlik Mali jamoasida bo‘ldi. 62-daqiqada Traore Bubakar uzoqdan yo‘llagan zarbasi golga aylandi. 2-taym 1:1 hisobi bilan yakunlandi.

Avvalroq «Kursiv» O‘zbekiston U-23 terma jamoasining Parij Olimpiya o‘yinlaridagi raqiblari ma’lum bo‘lganini e’lon qilgan edi.

Hamster Kombat o‘yini o‘zbekistonliklar orasida mashhur bo‘lib bormoqda. «Kursiv» ushbu o‘yin haqida ma’lumot to‘pladi.

Hamster Kombat – bu o‘yinchilar tangalarni yig‘ishi kerakligi, maxsus kartalarni yangilash va kundalik vazifalarni bajarish, daromadlarini oshirish uchun o‘yin. O‘yinning syujeti yo‘q, foydalanuvchi virtual tangalarni olish uchun smartfon ekraniga bosishi kifoya.

Hozirda o‘yin pullarini haqiqiy pulga almashtirish iloji yo‘q. Biroq ba’zilar yozishicha, bu xususiyat keyinroq – joriy yilning uchinchi choragida paydo bo‘lishi mumkin.

O‘yinning X sahifasida aytilishicha, 5-iyunga kelib o‘yin butun dunyo bo‘ylab 100 mln foydalanuvchiga yetgan. O‘yinning ommalashishi may oyining boshida sodir bo‘ldi.

Ijtimoiy tarmoqlarda yozilishicha, ba’zi o‘yinchilar o‘yin tangalarini ko‘paytirish uchun bir vaqtning o‘zida...

Oʻzbekiston Respublikasi prezident Shavkat Mirziyoyev bugun, 7-iyun kuni Ichki ishlar vazirligi Jamoat xavfsizligi departamentining Muvofiqlashtirish va monitoring qilish markazini borib koʻrdi. Bu haqda prezident matbuot xizmati xabar bermoqda.

Ushbu markaz Oʻzbekistonda jamoat xavfsizligini ta’minlash tizimini rivojlantirish strategiyasi doirasida tashkil etilgan. Majmua mukammal ta’mirlanib va zamonaviy jihozlanib, shu yil martda ishga tushirilgan.

Bunda «Е-Jamoat xavfsizligi», «Е-Ijtimoiy vaziyat» kabi dasturlar, yoʻl harakati xavfsizligi, huquqbuzarliklar profilaktikasi va jamoat tartibini saqlash xizmatlarining yagona axborot tizimlari hamda 6 mingdan ziyod «aqlli» kuzatuv kameralari integratsiyasi qoʻl kelmoqda.

Shuningdek, prezidentning 2021-yil 29-noyabrdagi farmoni bilan tasdiqlangan jamoat xavfsizligi boʻyicha strategiyada 2025-yil yakuniga qadar tizimni raqamlashtirishni 90 foizga...

Xitoy bojxona ma’lumotlariga koʻra, joriy yilning aprel oyida xitoylik avtomobil ishlab chiqaruvchilar Oʻzbekistonga 3337 ta elektromobil yetkazib bergan, bu mart oyiga nisbatan 90 foizga koʻp.

Pul ko‘rinishida Xitoy elektromobillarining O‘zbekiston Respublikasiga importi 71 foizga oshib, $36,2 milliondan $62,1 millionga yetdi.

2024-yil boshidan buyon mamlakatga $164,5 millionlik 8489 ta Xitoy elektromobili olib kirildi.

Avvalroq «Kursiv» bunday mashinalarning har chorakda importi 15 556 donani tashkil qilganini e’lon qilgan edi.

Xivada fuqarolarni Norvegiyaga ishga yuborishni va’da qilgan shaxs ushlandi. Bu haqda Tashqi mehnat migratsiyasi axborot xizmati ma’lum qildi.

Qayd etilishicha, Bosh prokuratura huzuridagi Departamentning Xiva shahar boʻlimi tomonidan DXX va Milliy gvardiya xodimlari bilan hamkorlikda oʻtkazilgan tezkor tadbirda jinoyatchi ikki nafar fuqaroning ishonchiga kirib, $5600 evaziga ularni Norvegiya davlatiga ishga yuborishini aytib, oldindan $1900 va 1,2 mln soʻmni olgan vaqtida ashyoviy dalillar bilan ushlangan.

Mazkur holat yuzasidan Jinoyat kodeksining tegishli moddasi bilan jinoyat ishi qoʻzgʻatilib, tergov harakatlari oʻtkazilmoqda.

Ma’lumot uchun, fuqarolarni xorijga ishga joʻnatish OʻzR qonunchiligiga muvofiq litsenziyali faoliyat hisoblanadi. Litsenziyaga ega Xususiy bandlik agentliklari roʻyxati bilan...

«Gazprom» va Qozog‘iston O‘zbekistonga gaz yetkazib berish bo‘yicha shartnoma imzoladi. Bu haqda TASS xabar berdi.

Bundan tashqari, tomonlar Rossiya gazini OʻzRga tashishni koʻpaytirish uchun CAC tizimi obyektlarini tayyorlash boʻyicha chora-tadbirlar rejasini imzoladilar.

Avvalroq «Kursiv» Rossiya gazining Qozog‘iston orqali O‘zbekistonga tranziti joriy yilda 3,8 milliard kub metrni tashkil qilishi xabar qilgan edi. Bu bir yil oldingiga nisbatan deyarli uch barobar ko‘pdir.

Samarqandda sanoat statistikasiga bag‘ishlangan seminar bo‘lib o‘tmoqda. Unda Markaziy Osiyo va Sharqiy Yevropada sanoatni rivojlantirish masalalari muhokama qilinadi.

Tadbirda O‘zbekiston Statistika agentligi, Birlashgan Millatlar Tashkilotining Sanoatni rivojlantirish tashkiloti (YuNIDO), shuningdek, Markaziy Osiyo davlatlari va boshqa mamlakatlar delegatsiyalari ishtirok etmoqda.

Seminar davomida tomonlar Markaziy Osiyoda tahlil va statistikani rivojlantirish hamda BMT Barqaror rivojlanish maqsadlarini ham muhokama qilishadi.

Avvalroq «Kursiv» Samarqand Yevropa Ittifoqi – Markaziy Osiyo sammitiga mezbonlik qilishi haqida yozgan edi.

Joriy yilning 1-iyun holatiga koʻra, Oʻzbekistonda faoliyat koʻrsatayotgan yuridik shaxslar soni 556 mingtani tashkil qildi. Shundan 36 mingtasi yanvar–may oylarida roʻyxatdan oʻtgan. Bu haqda Soliq qoʻmitasi xabar berdi.

Yuridik shaxslar faoliyatlarini eng ko‘pi savdo sohasida — 145,2 mingtani tashkil qiladi. ikkinchi o‘rinda — 123,3 mingta bilan qishloq, oʻrmon va baliq xoʻjaligi joy oldi. Uchlikni 65,7 mingta bilan sanoat sohasi yakunlab berdi.

Hududlar kesimida esa eng ko‘p yuridik shaxslar Toshkent shahrida — 102 ta qayd etildi. Shuningdek, Farg‘ona va Toshkent viloyatida mos ravishda 49 va 48 mingtani tashkil qildi.

Avvalroq «Kursiv» Oʻzbekistonda xizmat koʻrsatish korxonalari qancha soliq toʻlagani haqida...

7-iyun kuni O‘zbekiston Respublika valyuta birjasida dollarning o‘rtacha tortilgan qiymati 13,10 so‘mga pasaydi va 12 646,87 so‘mni tashkil qildi.

Banklar AQSh valyutasini 12 600 – 12 640 so‘mdan xarid qilishmoqda va 12 680 – 12 720 so‘mdan sotishmoqda.

Eslatib o‘tamiz, 6-iyun kuni dollarning o‘rtacha narxi 15 so‘mga pasaygan edi.

Janubiy Koreya prezidenti Yun Sok Yol kelasi hafta Markaziy Osiyo davlatlari — Turkmaniston, Qozogʻiston va Oʻzbekistonga tashrif buyuradi. Bu haqda «The Korea Times» xabar bermoqda.

Janubiy Koreya va Markaziy Osiyo davlatlari ishtirokida «Koreya – Markaziy Osiyo» sammitini tashkil etish hamda 2025-yil Seulda uning yigʻilishini oʻtkazishni rejalashtirmoqda.

«Shu maqsadda prezident Yun Sok Yol kelasi haftada Markaziy Osiyoning uchta davlatiga – Turkmaniston, Qozogʻiston va Oʻzbekistonga davlat tashrifi bilan borib, boy tabiiy resurslar va iqtisodiy oʻsish salohiyatiga ega davlatlar bilan hamkorligini mustahkamlaydi», deyiladi xabarda.

Avvalroq «Kursiv» Janubiy Koreyada Oʻzbekiston savdo uyi roʻyxatdan oʻtkazilgani haqida xabar bergan...

Oʻzbekiston «Ijrochilar, fonogramma tayyorlovchilar va eshittirish tashkilotlari huquqlarini muhofaza qilish toʻgʻrisida»gi xalqaro konvensiyaga ayrim izohlar bilan qoʻshildi.

Oʻzbekiston «Ijrochilar, fonogramma ishlab chiqaruvchilar va uzatish tashkilotlari huquqlarini himoya qilish toʻgʻrisida»gi xalqaro konvensiyaga ayrim izohlar bilan qoʻshildi.

Shuningdek, agar fonogrammani ishlab chiqaruvchi boshqa imzolagan davlat fuqarosi yoki kompaniyasi boʻlmasa, OʻzR ushbu Konvensiyaning 12-moddasini qoʻllamaydi.

Konvensiya 1961-yilda Rimda qabul qilingan va san’atkorlar, prodyuserlar va radiostansiyalarni himoya qilish uchun zarur. Bu ularning asarlari va yozuvlaridan ruxsatsiz foydalanilmasligini ta’minlaydi, ularni tan olinishi va adolatli tovon olishlarini ta’minlaydi.

Eslatib oʻtamiz, Oliy Majlis Qonunchilik palatasi mart oyi oxirida konvensiyani ratifikatsiya qilish toʻgʻrisidagi qonun loyihasini ma’qullagan

Oʻzbekiston prezidenti Shavkat Mirziyoyev Turkiyaga boʻlgan tashrifi chogʻida ommaviy axborot vositalari vakillariga bergan bayonotida Falastin masalasiga alohida toʻxtalib oʻtdi.

«Bugun biz xalqaro hamjamiyat, jumladan, Gʻarb davlatlarining fojiaga munosabatidan qattiq xavotirdamiz. Amalda ikki tomonlama standartlar kuzatilmoqda. Demokratiya va inson huquqlarini keng targʻib qilayotgan, ularning himoyasi tarafdori boʻlgan yetakchi, rivojlangan davlatlar bu qotilliklarga, bu vahshiyliklarga koʻz yummoqda», dedi Mirziyoyev.

Shavkat Mirziyoyev zoʻravonlikni toʻxtatish va mojaroni muzokaralar yoʻli bilan hal qilish zarurligini ta’kidladi.

«Albatta, zoʻravonlikni butunlay toʻxtatib, tinchlik jarayonini boshlash kerak. Gʻazodagi fojia haligacha hal etilmagan Isroil – Falastin mojarosining ayanchli oqibatlaridir. Barqaror...

Shuhrat Rizayev Kinematografiya agentligiga rahbar etib tayinlandi. Bu haqda Milliy kinematografiyani rivojlantirish markazi axborot xizmati xabar bermoqda.

Shuhrat Rizayev 2017-yildan buyon agentlik direktori oʻrinbosari lavozimida faoliyat yuritib kelayotgan edi.

U 1958-yil 10-iyulda Toshkent shahrida tugʻilgan. Oʻzbekiston Milliy universitetining filologiya fakultetini tugatgan. Madaniyat va sport ishlari vazirligida, Oybek muzeyida, Prezident devoni va Vazirlar Mahkamasida, Davlat va jamiyat qurilishi akademiyasida faoliyat yuritgan.

Avvalroq «Kursiv» agentlikning oldingi direktori Firdavs Abduxalikov Islom sivilizatsiyasi markaziga rahbar etib tayinlangani haqida xabar bergan edi.