Yangiliklar

Telegram messenjeri ekotizimdagi raqamli tovar va xizmatlar uchun to‘lovni amalga oshirish uchun ishlatilishi mumkin bo‘lgan «Yulduzlar» raqamli valyutasini ishga tushirdi. «Yulduzlar»ni Apple va Google do‘konlarida ilova ichidagi xaridlar yoki PremiumBot boti orqali xarid qilish mumkin.

Sotib olingan «Yulduzlar»ni Telegram platformasidagi elektron kitoblar, onlayn kurslar va o‘yin ichidagi narsalar kabi raqamli mahsulotlarga sarflash mumkin. Yangi valyuta Apple va Google’ning raqamli mahsulotlarni sotish talablariga javob beradi, bu esa dasturchilar va Telegram foydalanuvchilariga ilova ichida xarid qilish imkoniyatini beradi.

Kelajakda ishlab chiqaruvchilar botlar orqali olingan «Yulduzlar»ni Fragment platformasi orqali Toncoinga almashtira oladilar. Jismoniy mahsulotlar va xizmatlarni sotish qo‘llab-quvvatlanadigan to‘lov tizimlari orqali amalga...

Oʻzbekistonda issiqxona gazlari chiqindilarini inventarizatsiya qilish boʻyicha eksperiment oʻtkaziladi. Bu haqda Adliya vazirligi xabar bermoqda.

Vazirlik xabar berganidek, bu haqda Prezident Shavkat Mirziyoyevning «Oʻzbekiston Respublikasida yashil iqtisodiyotga oʻtishda milliy shaffoflik tizimini joriy etish chora-tadbirlari toʻgʻrisida»gi qarori qabul qilindi.

Hujjatga koʻra, 2025-yil 1-yanvargacha tajriba-sinov tariqasida muayyan soha, hudud va korxonalarda issiqxona gazlari ajratmalari xatlovdan oʻtkazilishi ta’minlanadi.

Bunda onlayn platformaning faoliyati Iqtisodiyot va moliya vazirligi huzuridagi «Yashil» iqtisodiyot loyihalari markazi tomonidan muvofiqlashtiriladi.

Avvalroq «Kursiv» Oʻzbekiston issiqxona gaz chiqindilarini 35 foizga kamaytirishni rejalashtirayotgani haqida xabar bergan edi.

Rossiya Federatsiyasidagi AQSh Savdo palatasi prezidenti Robert Eyji yuqori malakali mutaxassislar uchun Rossiyada viza olish qiyinligi sababini tushuntirdi. Bu haqda jurnalist Kseniya Sobchak o‘zining Telegram-kanalida xabar berdi.

Eyji, shuningdek, Moskvaning Saxarova migratsiya markazini «qo‘rqinchli joy» deb atadi va u yerda xorijlik hamrohsiz bo‘lishi qiyinligini ta’kidladi. U muhojirlarning asablarini saqlab qolish uchun ko‘proq «mehmoniy» migratsiya markazlarini qurishni maslahat berdi.

Savdo palatasi prezidenti, shuningdek, chet el fuqarosi mamlakatga kelib, so‘ng ish izlashi to‘g‘ri emasligini va xorijlik shartnoma tuzishi kerakligini ta’kidladi.

Avvalroq «Kursiv» Rossiyada rus tilidan imtihonlardan o‘ta olmagan muhojirlar soni o‘n barobarga ko‘paygani haqida...

Oʻzbekiston prezidenti Shavkat Mirziyoyevning bir kun avval Turkiyaga amalga oshirgan tashrifi chogʻida umumiy qiymati $10 milliardlik istiqbolli loyihalar portfelini shakllantirdi, deb xabar qildi davlat rahbari matbuot xizmati.

Ayni paytda O‘zbekistonda turk kapitali ishtirokida yuzdan ortiq loyihalar amalga oshirilmoqda. Mamlakatlar o‘rtasidagi tovar ayirboshlash so‘nggi yillarda bir yarim barobar, investitsiyalar hajmi ikki yarim barobar oshdi.

Kecha O‘zbekiston prezidenti turkiyalik hamkasbi Rajab Toyyib Erdo‘g‘on bilan uchrashdi. Davlat rahbarlari tovar ayirboshlash hajmini $5 milliardga yetkazishga kelishib oldilar.

Oʻzbekistonlik bir qancha soha vakillari Bolgariyaga ishga taklif qilinmoqda. Bu haqda Tashqi mehnat migratsiyasi axborot xizmati xabar bermoqda.

Unga ko‘ra, ish tajribasiga ega oliy ma’lumotli qurilish muhandisi, oyna ishlab chiqarish ishchisi va elektriklar taklif qilinmoqda.

Muhandislar uchun talablar:

Oyna ishlab chiqarish ishchisi:

Toshkentda Yunusobod tumanidagi Temur Malik ko‘chasi to‘sib qo‘yiladi, deb xabar berdi poytaxtning Mirzo Ulug‘bek tumani hokimligi.

Sababi Salar va Hojikent stansiyalari o‘rtasidagi temir yo‘l kesishmasidagi ta’mirlash ishlari.

7-iyun juma kuni soat 22:00 dan 8-iyun shanba kuni soat 6:00 gacha avtomobillar harakati cheklanadi.

Avvalroq «Kursiv» Toshkentning Sergeli tumanidagi Obi Hayot ko‘chasi yopilishi haqida yozgan edi.

Jahon bozorlarida neft narxi investorlarning risk aktivlarga qiziqishi ortishi tufayli o‘sishni boshladi, deb xabar berdi «Trading economic» portali.

Shunday qilib, Brent neftining bir barreli uchun fyucherslar juma kuni $79,8 ko‘tarildi. WTI narxi $75,5.

Treyderlar Amerika Qo‘shma Shtatlari Federal zaxira tizimi bu yil ikkinchi marta qarz olish xarajatlarini qisqartira olmasligiga ishonchi tufayli neft istiqbollariga yanada optimistik nuqtai nazardan qarashdi.

Shu bilan birga, bozorga OPEK+ mamlakatlari neftni qisqartirish rejimini uzaytirish qarori hamon ta’sir ko‘rsatmoqda.

Birjada Tesla (+1,93 foizga) va Amazon (+1,98 foizga) qimmatli qog‘ozlari qimmatlashmoqda, Nvidia (-1,45 foizga) esa arzonlashmoqda.

Avvalroq «Kursiv» 6-iyun kuni bozorlardagi vaziyat haqida...

Toshkentdagi binolar fasadida joylashgan 40 dan ortiq mozaikalar reklama bannerlaridan ozod qilindi. Bu haqda Oʻzbekiston madaniyati va san’atini rivojlantirish jamgʻarmasi ma’lum qildi. Ushbu dasturning borishi haqida press-reliz «Kursiv»da mavjud.

Beruniy koʻchasidagi ikkinchi uydan soʻnggi reklama banneri olib tashlandi.

Bu boradagi ishlar Oʻzbekiston hukumatining 154-sonli «Moddiy madaniy meros obyektlari koʻchmas mulki davlat roʻyxatiga qoʻshimchalar kiritish toʻgʻrisida»gi qarori doirasida amalga oshirildi.

«Madaniy meros agentligi mutaxassislariga Toshkentdagi ushbu muammolarni hal etishda koʻrsatgan yordami uchun keng jamoatchilikka minnatdorchilik bildiramiz», deyiladi agentlik direktori Bahodir Abdikarimov bayonotda.

Avvalroq «Kursiv» Toshkent mozaikalari bilan mobil ilova orqali tanishish mumkinligi haqida xabar bergan...

Turkiya prezidenti Rajab Toyyib Erdo‘g‘on O‘zbekiston rahbari Shavkat Mirziyoyevni Turkiya Respublikasining ordeni bilan taqdirladi, deb xabar berdi O‘zR prezidenti matbuot xizmati.

«Ushbu mukofot xalqlarimiz o‘rtasidagi ko‘p asrlik do‘stlik rishtalari, oliy darajadagi ishonchli muloqot hamda ikki tomonlama ko‘p qirrali munosabatlarning jadal rivojlanishining ramzidir», dedi Mirziyoyev.

Uning qo‘shimcha qilishicha, orden olish u uchun katta sharafdir.

Turkiya Respublikasi ordeni Turkiyaning eng oliy davlat mukofotidir. Bu mamlakat bilan aloqalarni rivojlantirishga katta hissa qo‘shgan arboblarga beriladi.

Eslatib o‘tamiz, bir kun avval Mirziyoyev va Erdo‘g‘on oliy darajadagi strategik hamkorlik kengashi yig‘ilishini o‘tkazishgan edi.

Jared Letoning Thirty Seconds to Mars rok guruhi 2024-yil 17-oktabr kuni Toshkentda «Humo Arena»da konsert beradi.

Oktabr oyida Thirty Seconds to Mars ham Qozog‘istonda konsert beradi.

Thirty Seconds to Mars 1998-yilda aka-uka Jared va Shennon Letolar tomonidan tashkil etilgan. Musiqa janri: alternativ-rok va hard-rock.

Avvalroq «Kursiv» Kann kinofestivalida bosh mukofotni kim olgani haqida yozgan edi.

Bugun, 7-iyun kuni Qoraqalpog‘iston Respublikasi, Xorazm, Buxoro va Navoiy viloyatlarida havo harorati 39 darajagacha issiq bo‘ladi. Buxoro va Navoiy viloyatlarida kuchli shamol tufayli chang-to‘zon ko‘tarilishi mumkin, deb xabar beradi «Oʻzgidromet».

Toshkent shahrida havo biroz bulutli bo‘ladi. Yog‘ingarchilik kutilmaydi. Kunduzi havo harorati 33-35 daraja issiq va kechasi 18-20 daraja iliq bo‘ladi.

Respublikaning tog‘li hududlarida havo biroz bulutli bo‘ladi, ba’zi joylarda qisqa muddatli yomg‘ir yog‘ishi, momaqaldiroq bo‘lishi mumkin. Kunduzi havo 20-25 daraja iliq va kechasi 7-12 daraja iliq bo‘ladi.

Joriy yilning 3-iyun kunidan boshlab, Qozogʻiston Respublikasining barcha hududida migratsiya sohasida huquqbuzarlikni aniqlash maqsadida «Nelegal – 2024» reyd tadbirlari oʻtkazilmoqda. Bu haqda Tashqi mehnat migratsiyasi axborot xizmati xabar bermoqda.

Qayd etilishicha, ushbu reyd tadbirlari davomida Qozogʻiston hududida qonuniy boʻlib turish va qonuniy mehnat migratsiyasi tartibini buzgan chet el fuqarolariga nisbatan tegishli choralar koʻrilmoqda.

«Qonun buzilish holatlari Olmaota, Ostona, Chimkent shaharlari va Mangistau viloyatida koʻp uchramoqda. Shu munosabat bilan ushbu davlatga borayotgan va boʻlib turgan yurtdoshlarimizdan migratsiya qoidalariga rioya qilish soʻraladi», deyiladi xabarda.

Ma’lumot uchun, Oʻzbekiston fuqarolari Qozogʻiston hududida 30 kun muddatgacha boʻlib turishi mumkin...

Yakka tartibdagi tadbirkor tomonidan har oyda Pensiya jamgʻarmasiga ijtimoiy soliq toʻlanib borilsa, ish staji hisobida inobatga olinadi. Bu haqda Pensiya jamgʻarmasi axborot xizmati xabar berdi.

Bunda faqatgina ijtimoiy soliq toʻlangan davr pensiya tayinlashda ish stajiga qoʻshib hisoblanadi.

Yakka tartibdagi tadbirkor oʻzi uchun mavjud imkoniyatlardan va pensiya bilan ta’minlanishning miqdoridan kelib chiqib, Pensiya jamgʻarmasiga ijtimoiy soliq miqdorini mustaqil ixtiyoriy ravishda toʻlash huquqiga ega.

Avvalroq «Kursiv» harbiy xizmat davr ish stajiga qoʻshib hisoblanilishi haqida xabar bergan edi.

Olmaota huquq-tartibot idoralari xodimlari Oʻzbekistonning 27 nafar fuqarosini qoʻlga oldi. Bu haqda «Zakon.kz» nashri shahar politsiya boshqarmasiga tayanib xabar bermoqda.

Qayd etilishicha, ular huquq-tartibot idorasi tomonidan «Nolegal» respublika tezkor-profilaktika tadbiri davomida aniqlangan. Olmaota politsiyasi departamentining migratsiya xizmati boshligʻi oʻrinbosari Gennadiy Men mamlakatda noqonuniy boʻlib turgan xorijliklarni aniqlash, shuningdek, noqonuniy migratsiya kanallarini yopish ekanini ta’kidladi.

«Hozirgi kunda huquqbuzarlar shahar ichki ishlar boʻlimining qabulxonasiga joylashtirildi. Har bir huquqbuzarning shaxsini aniqlash boʻyicha ishlar olib borilmoqda», deydi u.

Avvalroq «Kursiv» Oʻzbekiston fuqarolari Qozogʻistonga tashrif buyurish boʻyicha yetakchilik qilayotgani haqida xabar bergan edi.

6-iyun kuni O‘zbekiston Respublika valyuta birjasida dollarning o‘rtacha tortilgan qiymati 16,06 so‘mga pasaydi va 12 659,97 so‘mni tashkil qildi.

Respublika moliya institutlari dollarni 12 605 – 12 655 so‘mdan xarid qilishmoqda va 12 700 – 12 735 so‘mdan sotishmoqda.

Eslatib o‘tamiz, 5-iyun kuni AQSh valyutasining o‘rtacha narxi 11 so‘mga ko‘tarilgan edi.

Endilikda Rossiya Federatsiyasi, Belarus va O‘zRning kichik va o‘rta biznes subyektlari qo‘shma loyihalar uchun kafolat va nomoliyaviy yordam olish uchun yagona darcha orqali bog‘lanishlari mumkin bo‘ladi. Bu haqda Sankt-Peterburg xalqaro iqtisodiy forumi doirasida mazkur davlatlar tashkilotlari vakillari tomonidan kelishuv imzolandi.

Agar ilgari tadbirkorlar yordam so‘rab faqat milliy institutlarga murojaat qilgan bo‘lsa, endi ular hamkor davlatlarning vakolatli tashkilotlaridan yordam so‘rashlari mumkin. Kelgusida bu kelishuvga Qirg‘iziston va Qozog‘iston ham qo‘shilishi kutilmoqda.

Hujjat tadbirkorlik sohasida tajriba va ilg‘or amaliyot almashish, kichik va o‘rta korxonalarning saralangan loyihalarini qo‘llab-quvvatlash, ularning ta’minot zanjirlariga integratsiyalashuviga ko‘maklashish, KO‘B subyektlarini qo‘llab-quvvatlash bo‘yicha chora-tadbirlarni takomillashtirish va aniq loyihalar bo‘yicha...

Oʻzbekiston prezidentining yordamchisi Saida Mirziyoyeva Jahon savdo tashkilotiga kirish oʻta murakkab jarayon ekanligi haqida gapirdi.

«Maqsad faqat Oʻzbekistonning JSTga a’zo boʻlishigina emas. Hozirgi kunda amalga oshirilayotgan mashaqqatli, ammo juda muhim islohotlar, birinchi navbatda, iqtisodiyotimizni barqarorlashtirish, xalqimiz turmushini yaxshilashga qaratilgan», deydi Saida Mirziyoyeva.

Suningdek, prezident yordamchisi Oʻzbekiston Markaziy Osiyo mintaqasida aholisi eng tez sur’atlarda oʻsayotgan mamlakat sifatida jahonga yangi gʻoyalar, oʻziga xos tajribalar va xizmatlarni taqdim eta olishini ta’kidladi.

Avvalroq «Kursiv» Oʻzbekiston 2026-yilgacha Jahon savdo tashkilotiga a’zo boʻlishga harakat qilishi haqida xabar bergan edi.

Qirgʻiziston Turizm departamenti rahbari Maksat Usubaliyev so‘zlariga ko‘ra davlatga koʻpincha Oʻzbekiston fuqarolari tashrif buyurishadi, deya xabar berdi 24 kg.

Usubaliyevning aytishicha, xorijliklar Qirg‘izistonda 30, 60 yoki 90 kungacha qolishi mumkin.

Shuningdek, uning aniqlik kiritishicha, 2024-yildan Qirgʻiziston va Oʻzbekiston fuqarolari davlat chegarasini xorijiy pasportsiz kesib oʻtish imkoniyatiga ega.

Avvalroq «Kursiv» 2024-yilning yanvar-may oylarida O‘zbekistonga 1,5 million sayyoh tashrif buyurgani haqida yozgan edi.

Jahon banki missiyasining tashrifi doirasida Markaziy bank tomonidan xorijiy davlat qimmatli qogʻozlariga investitsiya kiritildi. Bu haqda regulyator axborot xizmati xabar berdi.

Ma’lum qilinishicha, joriy yilning 27–31-may kunlari Jahon banki Gʻaznachiligi ekspertlarining texnik koʻmak missiyasi boʻlib oʻtdi.

Missiya davomida xalqaro zaxiralarni boshqarishda diversifikatsiyaning ahamiyati, jumladan, xorijiy davlatlar qimmatli qogʻozlarni zaxiralar tarkibiga kiritish, xatarlarni baholash boʻyicha maxsus treninglar oʻtkazildi.

Xususan, qimmatli qogʻozlarga investitsiya kiritishda risklarni boshqarish, savdo va hisob-kitob amaliyotlarini oʻtkazish, buxgalteriya hisobi va komplayens-nazoratni amalga oshirish masalalari yuzasidan malaka oshirildi.

Avvalroq «Kursiv» Oʻzbekistonda muammoli kreditlar ulushi qariyb 5 foizga yetgani haqida xabar bergan edi.

2024-yil may oyida O‘zbekistonda elektr energiyasi va gaz noqonuniy ishlatilishidan ko‘rilgan zarar 5,3 million dollardan (67,8 milliard so‘mdan) oshdi. Bunday qoidabuzarliklar ko‘pincha Navoiy, Surxondaryo va Andijon viloyatlarida qayd etilgan, deb xabar berdi «O‘zenergoinspektsiya».

O‘tgan oy davomida respublikada energiya resurslaridan noqonuniy foydalanish bo‘yicha 971 holat qayd etilgan.

Mamlakatda 39,3 milliard so‘mlik 46 million kilovatt-soat elektr energiyasi va 28,4 milliard so‘mlik 18 ming kub metr tabiiy gaz o‘g‘irlangan.

Avvalroq «Kursiv» O‘zbekistonda energiya resurslarini asossiz isrof qilganlik uchun jarima joriy etilishi mumkinligi haqida yozgan edi.

Germaniya-Oʻzbekiston ishbilarmonlar kengashining 8-yigʻilishi doirasida Oʻzbekistondagi yirik xususiy banklardan biri — «Kapitalbank» va Germaniyaning Commerzbanki oʻrtasida hamkorlik memorandumi imzolandi. Banklar nafaqat moliyaviy mahsulotlarni rivojlantirish, balki qoʻshma tadbirlar tashkil etish, oʻzaro tajriba almashish borasida ham hamkorlik qilishni rejalashtirmoqda.

«Memorandumning imzolanishi xalqaro hamkor tomonidan ishonchni namoyon etadi va xalqaro bozordagi mavqeyimizni mustahkamlaydi. Bu hamkorlik Oʻzbekiston va Germaniya oʻrtasidagi savdo-iqtisodiy munosabatlarni rivojlantirish, shuningdek, “Kapitalbank» innovatsion va oʻsish strategiyasini amalga oshirishda muhim qadam boʻladi. Biz Commerzbank bilan oʻz imkoniyatlarimizni birlashtirib, mijozlarimizga yanada yangi mahsulot va xizmatlarni taklif qila olamiz”, deydi «Kapitalbank» boshqaruvi raisining birinchi oʻrinbosari Sardor Ismoilov.

Bitimning maqsadi...

6-iyun, payshanba kuni Toshkent shahrining Chilonzor tumanida issiq suv o‘chirildi, deb xabar berdi Veolia Energy Tashkent.

O‘chirishning sababi – muammolarni bartaraf etish va ta’mirlash. Ta’minot 22:00 gacha tiklanadi.

Issiq suv Chilonzor, Nafosat, Baynalminal ko‘chalari, 1, 3, 4, 5, 6, 8, 9, 10, 16-kvartallarda, shuningdek, Oqtepa massivida o‘chirilgan.

Avvalroq «Kursiv» aholining taxminan 23 foizi markaziy suv ta’minoti tizimidan foydalana olmasligi haqida yozgan edi.

Amerikalik milliarder va filantrop Bill Geyts 2025-yilda o‘zining «Source Code» memuarini chiqarishni rejalashtirmoqda. Kitob tadbirkorning texnologiya giganti «Microsoft»ga asos solishdan oldingi hayotiga bag‘ishlanadi, dedi Geyts o‘z blogida.

«Keyingi yilning fevral oyida nashr etiladigan «Source Code» nomli yangi kitobimni e’lon qilishdan xursandman. «Bu mening bolaligimdan boshlab kollejni tashlagan vaqtim, Microsoftni Pol Allen bilan birga asos solishga qaror qilganimgacha bo‘lgan ilk yillarim haqidagi xotiralar», deb yozadi Geyts.

Tadbirkor hayotidagi keyingi barcha voqealar uchun asos bo‘lgan «munosabatlar, saboqlar va tajribalar» haqida yozishini aytdi.

Kelajakda Geyts yana ikkita memuar kitobini nashr etmoqchi: Microsoftdagi ishi va xayriya faoliyati haqida.

Avvalroq “Kursiv» Geytsning ushbu yoz...

6-iyun kuni, ertalabdan Humo va Uzcard tizimlarida texnik nosozliklar sabab mobil ilovalar orqali pul oʻtkazish operatsiyalarida muammolar yuzaga keldi, deb xabar bermoqda «Kursiv» muxbiri.

Nima sababdan mobil ilovalar orqali pul oʻtkazish operatsiyalarini amalga oshirib boʻlmayotganiga oydinlik kiritish maqsadida «Kursiv» muxbiri shahar banklardan biriga murojaat qildi.

«Uzcard va Humo toʻlov tizimlarida texnik ishlar olib borilayotgani tufayli kartalardan pul oʻtkazmalari vaqtincha toʻxtatilgan. Qachondan yana ishga tushishi haqida hozircha aniq ma’lumot yoʻq, lekin kun davomida muammolar bartaraf qilinadi», deydi bank xodimi.

Biroq Uzcard va Humo to‘lov tizimlarining rasmiy sahifalarida texnik nosozliklar haqida ogohlantirish bo‘lmagan.

Avvalroq «Kursiv» O‘zbekistonda Uzcard va Humo’da p2p...