Yangiliklar

Indoneziya poytaxti Jakarta shahri yaqinidagi Bekasi hududida ikkita poyezd to‘qnashishi oqibatida 14 kishi halok bo‘ldi va yana 84 kishi jarohat oldi. Bu haqda Reuters xabar bermoqda.

Indoneziya davlat temir yo‘l kompaniyasi (PT KAI) rahbari Bobbi Rasyidinning ta’kidlashicha, dastlab shahar atrofida harakatlanuvchi poyezd temir yo‘ldagi taksi bilan to‘qnashgan, so‘ngra unga uzoq masofaga qatnovchi poyezd kelib urilgan.

Qidiruv-qutqaruv agentligi rahbari Muhammad Syafining ma’lum qilishicha, katta zarar ko‘rgan vagonlardan odamlarni olib chiqish bo‘yicha qutqaruv ishlari to‘liq yakunlangan.

Zarba asosan ayollar uchun mo‘ljallangan vagonga to‘g‘ri kelgan va qurbonlarning barchasi ayollardir. Qutqaruvchilar tirik qolganlar hamda jasadlarni olib chiqish uchun vagon metallarini uskunalar yordamida kesishga...

2027-yilda ishlab chiqariladigan Chevy Blazer EV yangi NACS zaryadlash portiga o‘tadi. GM Authority’ga ko‘ra, bu avval ishlatilgan CCS1 tizimidan voz kechish degani.

Mazkur o‘zgarish General Motors kompaniyasining barcha elektromobillarni yagona standartga o‘tkazish rejasiga mos keladi. Endi Blazer EV Tesla’ning keng Supercharger tarmog‘idan to‘g‘ridan to‘g‘ri foydalanish imkoniga ega bo‘ladi.

Kompaniya eski zaryadlash tizimlaridan ham voz kechmaydi. Maxsus adapterlar yordamida foydalanuvchilar CCS stansiyalaridan ham foydalanishda davom etadi.

Bu o‘zgarish haydovchilar uchun katta qulaylik yaratishi ta’kidlanmoqda. Ayniqsa, uzoq masofaga safar qilishda zaryadlash imkoniyatlari kengayadi.

So‘nggi paytda ko‘plab avtomobil ishlab chiqaruvchilar ham aynan shu standartga o‘tmoqda. Bu esa elektromobillar uchun yagona zaryadlash tizimini...

2026-yil 1-iyungacha nogironligi bo‘lganlar uchun «Yangi kun» nomli kunduzgi parvarish xizmati yo‘lga qo‘yiladi. Bu haqda prezident farmonida qayd etildi.

Yangi tizim mo‘tadil, og‘ir va chuqur darajadagi aqliy zaiflik yoki demensiya tashxisi qo‘yilgan I va II guruh nogironligi bo‘lgan shaxslarni qamrab oladi. Bu xizmat orqali fuqarolar kun davomida maxsus markazlarda parvarish qilinadi.

Shundan so‘ng, 1-sentabrgacha uy sharoitida parvarish qilish tizimi joriy etiladi. Bu xizmat nogironligi bo‘lgan shaxslarga o‘z uyida yordam ko‘rsatishni nazarda tutadi. 1-oktabrgacha kichik hajmli «Madad» uylarini tashkil etish rejalashtirilgan. Ushbu uylar oilaviy muhitga yaqin sharoit yaratishga xizmat qiladi.

Yana bir muhim yangilik – «Ijtimoiy ta’til» xizmati. U 1-noyabrgacha...

UzAuto Motors Chevrolet Cobalt modeli uchun shartnomalarni 28-aprel soat 10:00 dan boshlab qayta ochdi. Shartnomalarni avtosalonlarda va onlayn tarzda uzavtosavdo.uz tizimi orqali ham rasmiylashtirish mumkin.

Kompaniya ma’lumotiga ko‘ra, bu safar tizim barqaror ishlamoqda va shartnoma olish jarayoni bir necha bosqichda tez amalga oshirilmoqda. To‘lov esa 7 kun ichida amalga oshirilishi kerak.

Bu galgi savdoda faqat MCM paketli Cobalt versiyalari taklif qilinmoqda. Eng ommabop variantlardan biri – Chevrolet Cobalt Style MCM bo‘lib, uning narxi 156,1 mln so‘m etib belgilangan. Ushbu model yangilangan texnik va qulaylik funksiyalari bilan ajralib turadi.

Model haqida

Cobalt Style MCM yangi avlod asboblar paneli bilan...

Honor kompaniyasi yangi budjet smartfoni Honor Play11C modelini taqdim etdi. Qurilma allaqachon rasmiy sayt va yirik onlayn platformalarda sotuvga chiqdi.

Narxi 4/128 GB versiya uchun $190 dan boshlanadi, 6/128 GB esa $220 atrofida baholangan.

Smartfon MediaTek Dimensity 6300 protsessorida ishlaydi. Unda 6,75 dyuymli HD+ IPS ekran o‘rnatilgan bo‘lib, 90 Hz yangilanish chastotasini qo‘llab-quvvatlaydi. Qurilma 5300 mA/soat sig‘imli batareyaga ega, 15 Vt tezkor quvvatlash mavjud.

Kameralar oddiy segmentga mos: old kamera 5 MP, asosiy kamera 13 MP. Smartfon qutidan MagicOS 9.0 tizimi bilan chiqadi. Qurilma qalinligi 7,89 mm, vazni 186 grammni tashkil etadi.

Eslatib o‘tamiz, avvalroq Vivo Y500s smartfoni...

Qozog‘istonning Ibrohim kelishuvlariga qo‘shilish marosimi Ostonada o‘tkazishi mumkin. Bu haqda Qozog‘iston prezidenti Qasim-Jomart Toqayev Isroil prezidenti Isxak Gersog bilan uchrashuvda ma’lum qildi.

Tomonlar kengaytirilgan tarkibda muzokaralar o‘tkazgan. Uchrashuv davomida Toqayev Ibrohim kelishuvlari mintaqada barqarorlikni mustahkamlashini ta’kidlagan. Shuningdek, ushbu kelishuvlar savdo-iqtisodiy aloqalarni rivojlantirishga xizmat qilishi qayd etildi.

Qozog‘iston rahbari mamlakat ushbu tashabbusga qo‘shilish niyatida ekanini bildirgan. Uning so‘zlariga ko‘ra, rasmiy qo‘shilish marosimi yaqin kelajakda Ostonada o‘tkazilishi mumkin.

Ma’lumot uchun, Ibrohim kelishuvlari (Abraham Accords) Isroil va 4 ta arab davlati o‘rtasida tuzilgan shartnoma bo‘lib, mintaqadagi qo‘shnilar o‘rtasida tinchlik g‘oyasi va munosabatlarni normallashtirishni anglatadi.

Hujjat Trampning tashabbusi bilan uning birinchi prezidentlik davrida – 2020-yil 15-mayda Bahrayn...

Angliya Premyer-ligasining 34-turi doirasida «Manchester Yunayted» «Brentford»ni 2:1 hisobida mag‘lub etdi. Natijada jamoa YChLda ishtirok etish imkoniyatini beruvchi uchinchi o‘ringa mustahkam joylashdi.

Uchrashuvning 11-daqiqasida jarima maydonchasiga uzatilgan to‘pni Kazemiro bosh bilan darvozaga joylab qo‘ydi. Birinchi taym yakuniga yaqin «qizil iblislar» tezkor qarshi hujum uyushtirdi. Bruno Fernandeshning uzatmasini Benjamin Sheshko golga aylantirib, hisobni 2:0 ko‘rinishiga keltirdi.

Kazemiro ushbu o‘yinda 11 marotaba to‘p olib qo‘yish amaliyotini bajarib, Premyer-liganing joriy mavsumdagi rekordini o‘rnatdi. Ikkinchi golga hammualliflik qilgan Brunu Fernandesh uzatmalari sonini 19 taga yetkazdi. U Tyerri Anri va Kevin De Bryuyne o‘rnatgan mutlaq rekordni takrorlashiga yana bitta uzatma talab etiladi.

«Manchester Yunayted...

Vivo kompaniyasi yangi arzon smartfon Vivo Y500s modelini taqdim etdi. Qurilma Y-seriyasini kengaytiradi va budjet segmentiga mo‘ljallangan.

Smartfon Snapdragon 4 Gen 2 protsessori asosida ishlaydi. Unda 12 GB gacha operativ va 512 GB gacha ichki xotira mavjud.

Ekran 6,75 dyuym bo‘lib, 120 Hz yangilanish chastotasini qo‘llab-quvvatlaydi. Asosiy kamera 50 MP, old kamera esa 8 MP.

Qurilmaning asosiy ustunligi 7200 mA/soat sig‘imli batareya. U 44 Vt tez zaryadlashni qo‘llab-quvvatlaydi.

Smartfonning boshlang‘ich narxi $265 etib belgilangan.

Eslatib o‘tamiz, avvalroq Vivo X300s smartfoni taqdim etilgani haqida xabar berilgandi. U 1,5K aniqlik, 144 Gs yangilanish chastotasi va 2160 Gs PWM dimming texnologiyasini...

May oyida o‘zbekistonliklarni ketma-ket dam olish kunlari kutmoqda. Xotira va qadrlash kuni hamda Qurbon hayiti munosabati bilan fuqarolar bir necha kun davomida uzaytirilgan dam olish imkoniga ega bo‘ladi.

Prezident farmoniga ko‘ra, quyidagi sanalar dam olish kuni sifatida belgilanadi:

Eslatib o‘tamiz, avvalroq 2026-yilda yana...

O‘zbekistonda nogironligi bo‘lgan bolalar uchun 2026-yil 1-iyungacha «Erta aralashuv» xizmati bosqichma-bosqich yo‘lga qo‘yiladi. Bu haqda prezidentning tegishli farmonida belgilandi.

Yangi xizmat 3 yoshgacha bo‘lgan bolalarni qamrab oladi. Nogironligi belgilangan yoki rivojlanishida muammolari bor bolalarga maxsus ijtimoiy xizmatlar ko‘rsatiladi. Bu jarayonda Ijtimoiy himoya milliy agentligi muvofiqlashtiruvchi rol o‘ynaydi.

Xizmatlar «Yagona milliy ijtimoiy himoya» axborot tizimida ro‘yxatdan o‘tgan nodavlat tashkilotlar orqali ko‘rsatiladi. Bolalar bilan maxsus pedagoglar ishlaydi. Ularga rivojlantiruvchi mashg‘ulotlar o‘tkaziladi. Shuningdek, davolovchi jismoniy tarbiya mutaxassislari tomonidan reabilitatsiya mashqlari tashkil etiladi. Bu bolalarning har tomonlama rivojlanishiga xizmat qiladi.

Farmonga ko‘ra, og‘ir anatomik nuqsonlar bilan tug‘ilgan bolalar uchun qo‘shimcha tibbiy yordam ham...

Tijorat banklari tomonidan 28-aprel kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar haftani kichik o‘sish bilan boshlashi haqida yozgandi.

Ilon Mask yangi moliyaviy xizmat — X Money’ni yaqin kunlarda ishga tushirishga tayyorlanmoqda. Bu haqda Bloomberg xabar bermoqda.

Yangi platforma X ekotizimining bir qismi bo‘ladi. Loyiha ijtimoiy tarmoqni to‘liq superilovaga aylantirish strategiyasiga kiradi. Unda muloqot, to‘lov va bank xizmatlari birlashtiriladi. Dastlab foydalanuvchilarga xizmatning erta kirish imkoniyati berilishi kutilmoqda. X Money orqali pul saqlash, o‘tkazmalarni amalga oshirish va karta orqali to‘lov qilish mumkin bo‘ladi.

Xizmat Visa kartalari bilan ishlashi rejalashtirilgan. Shuningdek, foydalanuvchilarga 3 foizgacha keshbek va hisobdagi mablag‘ uchun taxminan 6 foiz daromad taklif qilinishi mumkin. Biroq loyiha hali AQShda to‘liq ishga tushishga tayyor emas. Ma’lumotlarga ko‘ra, xizmat 44 ta...

Volkswagen Xitoy bozorida yangi Volkswagen ID. Era 9X modelini rasman taqdim etdi. Bu haqda CarNewsChina nashri xabar bermoqda.

Avtomobil narxi 309 ming yuandan boshlanib, 359 ming yuangacha yetadi, bu taxminan $45 mingdan $52 minggacha degani. Yangi model to‘liq o‘lchamli segmentga kiradi. Uning uzunligi 5,2 metrni tashkil etadi. Model Germaniyaning Volkswagen kompaniyasi va Xitoyning SAIC hamkorligida ishlab chiqilgan. Bu krossover, asosan, Xitoy bozori uchun mo‘ljallangan.

Dizayn

ID. Era 9X zamonaviy dizayn bilan ajralib turadi. Old qismida yopiq panjara va LED yoritilgan logotip mavjud. Avtomobil aerodinamik jihatdan takomillashtirilgan bo‘lib, qarshilik koeffitsiyenti 0,253 Cd ni tashkil etadi.

Salon keng va texnologiyalarga...

Norvegiya hukumati bolalar uchun ijtimoiy tarmoqlardan foydalanishga yosh cheklovi joriy etishni rejalashtirmoqda. Yangi qonun loyihasi hukumat saytida e’lon qilindi.

Taklifga asosan, yosh cheklovi bolaning tug‘ilgan kuniga emas, balki tug‘ilgan yiliga bog‘lanadi. Ya’ni bola 16 yoshga to‘ladigan yilning 1-yanvaridan boshlab ijtimoiy tarmoqlardan foydalanishi mumkin bo‘ladi. Bu esa bir sinfdagi barcha bolalar uchun teng sharoit yaratadi.

Hukumat ijtimoiy tarmoqlarni nazorat qilish mas’uliyatini texnologik kompaniyalarga yuklamoqchi. Endi platformalar foydalanuvchilarning yoshini ro‘yxatdan o‘tish paytida tekshirishi shart bo‘ladi.

Bu qanday ishlaydi?

Yangi qonun ikki bosqichda joriy etiladi. Avvalo, Yevropa Ittifoqining Digital Services Act talablari milliy qonunchilikka kiritiladi. Shundan so‘ng platformalar majburiy tarzda yoshni...

Eron – AQSh mojarosi fonida neft narxlari keskin oshdi. Reuters agentligining yozishicha, Brent markali neft iyun fyucherslari $108,6 ga yetgan.

Bunga asosiy sabab sifatida strategik ahamiyatga ega Hormuz bo‘g‘ozidagi vaziyat ko‘rsatilmoqda. Mazkur yo‘lak orqali odatda dunyodagi neft va gazning qariyb 20 foizi tashiladi. Hozir esa bu hududda yuk tashish keskin cheklangan.

Ma’lumotlarga ko‘ra, Donald Tramp Eronning so‘nggi taklifidan norozi bo‘lgan. Eron esa mojaroni tugatish bo‘yicha taklifida yadro dasturi masalasini keyinga qoldirishni taklif qilgan. Shu bilan birga, Eron bo‘g‘oz orqali yuk tashishni cheklagan. AQSh esa Eron portlariga nisbatan blokadani saqlab qolmoqda. Bu esa global energiya ta’minotiga bosimni kuchaytirmoqda.

Tahlilchilar hatto...

Namangan viloyatida banklardan birining bosh yuriskonsulti ustidan jinoyat ishi qo‘zg‘atildi. Bu haqda Davlat xavfsizlik xizmati (DXX) xabar bermoqda.

Tergov ma’lumotlariga ko‘ra, u 2021-yilda 16,2 mlrd so‘m kredit olgan xususiy tibbiy klinika bilan bog‘liq vaziyatdan foydalanishga uringan. Klinikaga tegishli garov mulklari auksionga chiqarilishi kerak bo‘lgan.

Gumonlanuvchi ushbu jarayonni 5-6 oyga kechiktirib berish va keyinchalik mulkni klinikaga qaytarishda yordam berishni va’da qilgan. Buning evaziga u $3 ming talab etgan.

DXX hamda Iqtisodiy jinoyatlarga qarshi kurashish departamenti hamkorligida o‘tkazilgan tezkor tadbirda u pulni olayotgan vaqtda qo‘lga olingan. Hodisa joyida pul mablag‘lari ashyoviy dalil sifatida rasmiylashtirilgan. Mazkur holat yuzasidan jinoyat ishi ochilib, hozirda...

O‘zbekiston bo‘ylab 28-aprel kuni havo o‘zgaruvchan bo‘lib, hududlarning katta qismida yog‘ingarchilik kutilmaydi. Ammo ayrim viloyatlar va tog‘li hududlarda qisqa muddatli yomg‘ir yog‘ishi, shamol kuchayib, chang-to‘zon ko‘tarilishi mumkin. Bu haqda O‘zgidromet xabar bermoqda.

Toshkent shahri, Sirdaryo, Jizzax va Xorazm viloyatlarida yog‘ingarchilik kutilmaydi. Poytaxtda harorat kunduzi 27-29 daraja bo‘lishi prognoz qilingan. Andijon, Namangan va Farg‘ona viloyatlarida kunduzi havo ochiq bo‘ladi, biroq kechqurun qisqa muddatli yomg‘ir va momaqaldiroq kuzatilishi ehtimoli bor.

Qashqadaryo, Buxoro va Navoiy viloyatlarida eng yuqori harorat qayd etilib, kunduzi 30-35 darajani tashkil etadi. Ushbu hududlar, shuningdek, Qoraqalpog‘iston Respublikasi va Surxondaryo viloyatida shamol tezligi 7-12 m/s gacha esib, chang-to‘zonlar ko‘tarilishi...

Farg‘onaga tashrif buyurgan Mirziyoyev, Shveysariyada sud qilinayotgan Karimova — 27-aprel kuni e’lon qilingan yangiliklar Kursiv Uzbekistan dayjestida.

Nvidia kompaniyasining kapitali 5 trln dollardan oshdi

Nvidia aksiyalari 4,3 foizga yuqoriladi. Oninvest nashrining qayd etishicha, umumiy o‘sish fonida kompaniya kapitallashuvi yana $5 trln darajasidan oshdi.

Bu ko‘rsatkich oxirgi bor 2025-yil noyabr boshida qayd etilgan edi. Shundan beri kompaniya qiymati bu darajadan pastda qolayotgan edi. O‘sishga Intel va Texas Instruments kuchli moliyaviy natijalari turtki berdi. Investorlar butun chip ishlab chiqaruvchilar sektoriga faol qayta kira boshladi.

Nima uchun Rossiya Berlinni yonilg‘i bilan ta’minlaydigan Qozog‘iston neft ta’minotini to‘sib qo‘ymoqda

Rossiya 1-maydan boshlab...

O‘zbekistonda jismoniy shaxslar, jumladan, chet el fuqarolari bank hisobvaraqlari orqali bir-biriga shaxsiy maqsadlarda pul o‘tkazishi mumkin bo‘ldi. Bu haqda regulyator matbuot xizmati xabar bermoqda.

Yangi qoidalarga asosan, xorijlik jismoniy shaxslarga mamlakat ichida ustav fondiga mablag‘ qo‘shish, xayriya qilish va meros bilan bog‘liq ichki valyuta operatsiyalarini bajarish huquqi berildi. Shuningdek, xorijiy investorlar fond bozorida qimmatli qog‘ozlarni sotishdan tushgan mablag‘larini erkin ravishda chet elga olib chiqish imkoniyatiga ega bo‘ldi.

Markaziy bank bayonotida ta’kidlanishicha, hujjatdan ko‘zlangan maqsad – «kapital bozori ishtirokchilari uchun qulay sharoitlar yaratish»dan iborat.

Tadbirkorlar valyuta sotib olish buyurtmalarida kichik texnik yoki imloviy xatolar qilsa, operatsiya rad etilmaydi, balki ularni...

26-aprel kuni Bangladeshning 7 ta tumanida kuchli yomg‘ir va chaqmoq urishi oqibatida kamida 14 kishi halok bo‘ldi hamda bir necha kishi jarohat oldi. Hodisalar kunduzi soat 12:00 dan 17:00 oralig‘ida dalalarda sodir bo‘lgan.

Eng ko‘p qurbonlar Gaibandha tumanida qayd etilgan bo‘lib, u yerda 5 kishi chaqmoq urishi oqibatida vafot etgan. Sirajganj tumanida esa o‘z dalasida ishlayotgan va sholi yig‘ayotgan 2 nafar fermer halok bo‘lgan.

Thakurgaon hamda Jamalpur tumanlarida 2 kishidan, jami 4 kishi yomg‘ir vaqtida vafot etgan, shuningdek, 4 kishi jarohatlangan va 5 ta uy hayvoni nobud bo‘lgan. Bogra tumanida sholi ko‘chatlarini yomg‘irdan polietilen bilan yopishga uringan 26 yoshli...

O‘zbekistonda agrovoltaika yo‘nalishida 10 gigavattgacha elektr energiyasi yaratish salohiyati mavjudligi ta’kidlandi. Prezident Shavkat Mirziyoyev Farg‘ona viloyatining Quva tumanida ushbu ilg‘or texnologiya joriy etilgan ilk agromajmua faoliyati bilan tanishdi.

Agrovoltaika usuli bir hududning o‘zida ham dehqonchilik qilish, ham quyosh panellaridan elektr energiyasi olish imkonini beradi. Quva tumanida barpo etilgan 110 gektarli majmuada jami 10 ming dona quyosh paneli o‘rnatilgan.

Ushbu panellar ekinlarga soya berish orqali tuproq namligini uzoqroq saqlaydi hamda suv sarfini qisqartiradi, o‘z navbatida, o‘simliklar ham yer haroratini me’yorda ushlab turib, modullarning yanada samarali ishlashiga sharoit yaratadi.

Majmua o‘zida intensiv bog‘dorchilik, chorvachilik va baliqchilikni uyg‘unlashtirgan. Masalan, baliqchilik hovuzlariga ishlab...

O‘zbekiston milliy terma jamoasi va «Manchester Siti» himoyachisi Abduqodir Husanov aprel oyi yakunlariga ko‘ra klubning eng yaxshi futbolchisi unvoniga nomzodlar qatoriga kiritildi. U mart oyida ham ushbu sovrinni qo‘lga kiritgan edi. Bu haqda klub matbuot xizmati xabar bermoqda.

Klub tomonidan e’lon qilingan oylik so‘rovnomada Husanov bilan birgalikda portugaliyalik yarim himoyachi Bernardu Silva hamda Niko Orayli ham nomzod sifatida ko‘rsatilgan. Husanov aprel oyida «shaharliklar» safida 3 ta uchrashuvda to‘liq 90 daqiqadan harakat qildi. Husanov asosiy tarkibda to‘liq harakat qilgan ushbu bahslarning barchasida jamoa g‘alaba qozongan.

«Husanovning tezligi, kuchi va tajovuzkorligi yana bir bor «Siti» himoyasi markazida...

Prezident Shavkat Mirziyoyev Farg‘ona viloyatining Quva tumanidagi «Karkidon» suv omborida barpo etilgan yangi turizm majmuasiga tashrif buyurdi. Maskanda agroturizm, ekoturizm va ekstremal turizm imkoniyatlari birlashtirilgan.

Davlat rahbarining 2025-yil 1-apreldagi qaroriga asosan shakllantirilayotgan majmua 508 gektar maydonni egallaydi. Hududda 45 ta shale, 57 ta zamonaviy mehmon uyi, lavandazor, ekobozor va restoranlar tashkil etilgan. Majmua 2027-yildan to‘liq quvvatda ishga tushirilishi, natijada yiliga 750 ming sayyohni qabul qilishi ko‘zda tutilgan.

Loyiha doirasida yuzdan ortiq tadbirkorlik subyekti tashkil etilib, $5 mlnlik xizmatlar eksporti va 3 mlrd so‘mlik budjet tushumi ta’minlanishi kutilmoqda. Kelgusida ushbu maskanda motokross, karting hamda golf maydonlari va 2 kilometrli dor...

Dam olish kunlari ekranlarga chiqqan Maykl Jekson haqidagi «Maykl» (Michael) filmi faqatgina Shimoliy Amerika prokatida $97 mln mablag‘ to‘plab, tarixiy rekord o‘rnatdi. Jahon bo‘ylab umumiy tushum esa qariyb $217 mln ga yetgan. Bu haqda Forbes xabar bermoqda.

Film musiqiy biografik kartinalar bo‘yicha «Ko‘chalar ovozi» (Straight Outta Compton) va umumiy biografik filmlar bo‘yicha «Oppengeymer» (Oppenheimer) o‘rnatgan rekordlarni ortda qoldirdi. BoxOffice Pro dastlabki prognozlarida dastlabki tushum $65 – 75 mln atrofida bo‘lishi kutilgan edi.

«Maykl» (Michael) hozirda 2026-yilning eng yirik ikkinchi debyuti hisoblanadi. Antuan Fukua rejissyorligida ishlangan va Jaafar Jekson bosh rolni ijro etgan kartina tanqidchilar tomonidan past baholandi. Rotten Tomatoes...